Podcasts about namibiese ministerie

Die Uitvoerende Direkteur van die Namibiese Ministerie van Landbou, Water en Grondhervorming, Percy Misika, sê die Regering se hervestigingsformule is nie finansieel volhoubaar nie en dit bereik ook nie die gewenste doelwitte nie. Amptelike rekords van die Regering dui daarop dat 88 miljoen Namibiese dollar bestee is om 10 plase aan te koop met slegs 20 mense wat in die 2020-2021 finansiële jaar hervestig is. ‘n Onafhanklike Landboukenner, Wallie Roux, gee sy mening aan Kosmos 94.1 Nuus

Die Kasane grenspos met Botswana is oop vir reisigers. Die buurland het die grens oopgemaak en daar is hoop dat dit ‘n hupstoot aan toerisme sal bied. Margaret Kalo, Hoof Skakelbeampte by die Namibiese Ministerie van Binnelandse Sake het met Kosmos 94.1 Nuus gepraat en meer besonderhede gegee.

Uno Katjipuka-Sibolile, die Regsverteenwoordiger van die ouers van die tweeling Paula en Maya Delgado-Lühl, het bevestig die Namibiese Ministerie van Binnelandse Sake, Immigrasie, Veiligheid en Sekuriteit het eenmalige noodreisdokumente aan die tweeling uitgereik om Namibië toe te kom. Sy het aan Kosmos 94.1 Nuus gesê sy konsulteer nog met die ouers Guillermo en Phillip en die Regering om die proses aan die gang te kry om die meisietjies in die land in te kry.

Daar was groot skok toe die nuus dat 120 leerders positief getoets het vir Covid bekend gemaak is. Volgens die Uitvoerende Direkteur in die Namibiese Ministerie van Onderwys, Sanet Steenkamp, bly die grootste uitdaging koshuise. Sy het met Kosmos 94.1 Nuus gepraat.

Berigte oor die onwettige handel in die ietermagô het die verkeerde reaksie op veral sosiale media gelok en talle lede van die publiek het melding gemaak van hulle belangstelling om die diertjie te bekom spesifiek om handel te dryf. Volgens die Woordvoerder van die Namibiese Ministerie van Omgewingsake, Romeo Muyunda, wek die toenemende handel in die diere, sowel as die stropery van ander, groot kommer.

Die Amerikaanse regering het vandag laboratorium toerusting aan die Namibiese Ministerie van Gesondheid geskenk. Die skenking vorm deel van die 100 miljoen Amerikaanse doller se bystand wat deur die Amerikaners aan Namibië bewillig is in die bekamping van die Covid-pandemie. Die Woordvoerder van die Amerikaanse ambassade Walter Parrs.

Reaksie word ontvang op die Namibiese Ministerie van Grondhervorming wat bekendgemaak het dat 67 persent van die 5 miljoen hektaar wat geteiken was teen 2020 bekom is vir grondhervorming. --- Send in a voice message: https://anchor.fm/johannpretorius/message

Die Algemene Konferensie van Unesco het die 2001 Konvensie vir die Beskerming van die Onderwater Kultuur Erfenis op 2 November 2001 bekragtig. Die konvensie beoog om alle spore van menslike bestaan met kulturele, historiese of argeologiese karakter wat vir meer as 100 jaar onder water was, te beskerm. In die lig hiervan sal Unesco in samewerking met die Namibiese Ministerie van Onderwys en die Namibiese Nasionale Kommissie vir Unesco oftewel Natcom 'n tweedaagse virtuele streeksvergadering aanbied op 10 en 11 Maart oor die Beskerming van Onderwater Kulturele Erfenis in Afrika. Helvi Elago, Unesco se Program Beampte vir Kultuur in Windhoek het met Kosmos 94.1 Nuus gepraat...

Daar sal twee klaskamers oorhandig word aan die Namibiese Ministerie van Onderwys. Die klaskamers is opgerig met die hulp van die NamPort Maatskaplike Beleggingsfonds. Die oorhandiging sal Donderdag amptelik gedoen word by die Vyf Rand Laerskool in Okahandja. Die oorhandiging sal behartig word deur die Hoof Uitvoerende Beampte van NamPort, Andrew Kanime aan die Adjunkminister van Onderwys, Fautina Caley. Timotheus Mutambo van die Openbare Betrekkinge Departement by die Ministerie van Onderwys het met Kosmos 94.1 Nuus gepraat.

Verlede jaar het die Namibiese Ministerie van Landbou se landbou meganisering en saad verbetering projek, bekend as Namsip boere in die Otjozondjupa-streek opgelei en bygestaan in ‘n saad vermenigvuldiging projek. Die projek is gedeeltelik befonds deur die Afrika Ontwikkelingsbank. Die ministerie se Direkteur van Landbou Navorsing en Ontwikkeling, Johanna Andowa sluit by ons aan vanoggend vir meer hieroor en die beplanning die vir huidige jaar.

Knopvelsiekte het in die Omaheke-streek uitgebreek. Volgens die Namibiese Ministerie van Landbou kom die siekte op die oomblik voor by die Otjombinde kiesafdeling en tot dusver is 31 diere van 10 verskillende eienaars besmet. Alle beweging van diere in die kiesafdeling is opgeskort sonder ‘n inentingsertifikaat. Dr Theuns Laubscher van die Windhoek Veeartseny Kliniek sluit by ons aan...

Die Namibiese studente organisasie Nanso is hewig ontsteld oor die moontlike terugkeer skool toe van Luca Tsamaseb. Hy is bekend as Irivari en is aangekla vir verkragting. Hy het groot opslae gemaak omdat sy ouderdom nie bepaal kan word nie en hy is ongeskoold. Hy is in Graad 1 ingeskryf maar, Nanso wil hê die Uitvoerende Direkteur van die Namibiese Ministerie van Onderwys Sanet Steenkamp moet hom toelating weier omdat hy so ernstige klag in die gesig staar. Dylan Mukoroli, Woordvoerder van Nanso.

Berigte lui dat regshulp op die oomblik deur die Namibiese Ministerie van Justisie gestaak is. Die ministerie se Uitvoerende Direkteur Gladys Pickering het aan plaaslike media bevestig dat daar op die huidige stadium geen regshulp aan beskuldigdes verleen word nie maar, dat die moratorium deel vorm van ‘n reeks hervormings in die regshulp sisteem. Daar is gerugte dat die staat eenvoudig nie die geld het om prokureurs te betaal nie maar Pickering het dit ten sterkste ontken. Vrae word gevra oor wat die voormalige Minister van Justisie, Sacky Shanghala, wat ook aansoek om regshulp gedoen het vir sy Fishrot-klagtes, te doen staan sonder enige regsverteenwoordiging. Die plaaslike Regskenner Professor Nico Horn het met Kosmos 94.1 Nuus gepraat.

Die huidige uitbreking van bek- en klouseer in die verre noorde van die land woed steeds maar is volgens die Namibiese Ministerie van Landbou word dit as onder beheer beskou. Dr Albertina Shilongo, die Hoof Veeartsenybeampte by die ministerie skuit by ons aan vir die jongste...

‘n Bestuurskomitee vir die Boonste Swakop Bekken is bekend gestel deur die Namibiese Ministerie van Landbou, Water en Bosbou. Bestuur van die bekken is belangrik omdat baie water van die Swakoprivier herlei word deur grondeienaars en dus, in droër jare is daar minder opvangs in die sentrale damme - Von Bach, Swakoppoort en Omatako. Dus is die Swakop bekken een van die belangrikste opvangs gebiede vir Namibië. Maria Amakali, die ministerie se Direkteur van Waterbron Bestuur het net na die bekendstelling van die komitee met Kosmos 94.1 Landbounuus gesels oor die uitdagings in die bekken.

Daar is ‘n tekort aan kundigheid en navorsing in plaaslike aartappel produksie. Die bevinding is verlede jaar bekend gemaak deur die Namibiese Ministerie van Landbou. Die ministerie het ook aanbeveel dat studies uitgevoer word oor die vatbaarheid van aartappel produksie in Namibië. Ons gas vanoggend is Gilbert Mulonda, die Akkerbouraad se Algemene Bestuurder vir Akkerbou.

Die Amerikaanse Sentrum vir Siektebeheer en Voorkoming het navorsing saam met die Namibiese Ministerie van Gesondheid gedoen op groepe van MIV-positiewe pasiënte wat die virus onder beheer het. Die een deel het gekyk na hoe goed die Gemeenskap Nakomingsgroepe die pasiënte ondersteun en die koste op beide stabiele en onstabiele MIV-pasiënte te behandel is ook ondersoek. Die studie is in drie streke onderneem. Walter Parrs, Skakelbeampte van die Amerikaanse ambassade in die hoofstad...

Daar word beweer dat boere nie gehoor gee aan maatreëls wat die ministerie aangekondig het in verband met bek- en klouseer in die noorde nie en die Namibiese Ministerie van Landbou meen dat sou boere die beperkings nakom sou die syfers laer gewees het. Dr Albertina Shilongo, die Hoof Veeartseny Beampte by die ministerie sluit by ons aan...

Die Uitvoerende Direkteur van die Namibiese Ministerie van Onderwys, Sanet Steenkamp sê Graad 12 uitslae sal vroeg in Februarie beskikbaar wees. Sy sê die regering sal egter nie die aankondiging deur plaaslike koerante maak nie om onnodige sielkundige stres van leerders te verhoed. Dylan Mukoroli, Nasionale Woordvoerder van die Namibiese Nasionale Studente Organisasie, Nanso....

Die Amerikaanse ambassade het verdere ondersteuning aan die Namibiese Ministerie van Gesondheid verleen. Verskeie personeel is aan die ministerie verskaf om die land in die bekamping van die pandemie by te staan. Walter Parrs, Skakelbeampte by die ambassade...

Terwyl die Namibiese Ministerie van Arbeid reeds sy nasionale terug-werk-toe plan bekendgemaak het, het die ANC-regering nog nie so ‘n plan bekend gestel nie. Intussen het Solidariteit in die buurland 'n 10-punt plan ontwikkel wat sy strategie uitstippel vir honderde werkers wat na die feestyd terugkeer werk toe. Die vakbond se Woordvoerder, Paul Mardon, sê die veronderstelling is dat werknemers vreesloos moet wees oor Covid-19 en ook vreesloos moet wees om die ekonomie en werksgeleenthede te red. Hy voeg by dat die plan nie 'n keuse is tussen werk en gesondheid nie, maar eerder 'n keuse om op 'n gesonde wyse te werk:

Die Direktoraat van Veeartsenydienste onder die Namibiese Ministerie van Landbou het nuwe gevalle van bek-en klouseer aangeteken op 6 Januarie en weer op 28 Desember. Jona Musheko van die ministerie het meer inligting oor die voorvalle.

Die kragverskaffer Cenored het laasjaar kagte saamgesnoer met die Namibiese Ministerie van Myne en Energie vir die elektrifisering van die Mangetti kiesafdeling wat steeds voortduur. Die aanvanklike sperdatum vir die voltooiing van die projek was Augustus 2021 maar daar is versoeke ingedien om dit te vervroeg na April 2021. Die projek strek vanaf Maroelaboom deur die Mkata nedersetting na die Mangetti Duin teen 'n koste van 40 miljoen doller en strek oor 125 km. Cenored se Skakelbeampte Charlie Matengu...

Reaksie word ontvang op die nuus dat kopers reeds belangstelling getoon het in die aanbod van 170 olifante deur die Namibiese Ministerie van Omgewingsake. Boere in die noordweste en noordooste van die land het baie groot uitdagings met die diere wat groot skade berokken. Die President van die Namibiese Landbou Unie Piet Gouws het sy mening so verwoord...

Die Namibiese Omgewing Beleggingsfonds het 2 miljoen Namibiese doller aan die Namibiese Ministerie van Landbou geskenk vir die bekamping van die sprinkaanplaag wat verskeie dele van die land teister. Die ministerie en die fonds sal in die nabye toekoms baie nou saamwerk. Lot Ndamanomhata, die fonds se Hoof van Kommunikasie sluit vanoggend by ons aan.

Die Amerikaanse ambassade in die hoofstad staan die Namibiese Ministerie van Gesondheid by met 24 nuwe poste vir gesondheidswerkers in die land. Walter Parrs van die ambassade het die besonderhede met Kosmos 94.1 Nuus gedeel.

Dr Albertina Shilongo, die Hoof Veeartseny Beampte by die Namibiese Ministerie van Landbou sê die bek-en kouseer uitbreking in die twee Kavango-streke is onder beheer. Sy verduidelik.

Die Hoof Uitvoerende Beampte van die Landbou-sakekamer in Suid-Afrika, John Purchase, sê voorkeur aan die dagga-reguleringsraamwerk sal Suid-Afrika se landbousektor 'n hupstoot gee. Dit volg na sy vooruitskatting vir volgende jaar se groei in die bedryf. Purchase sê die vooruitsigte vir die sektor lyk belowend, maar hy glo meer geleenthede kan realiseer as die regering die raamwerk bespoedig. Hy waarsku dat vooruitsigte vir die komende jaar sal afhang van wêreldpryse en weerstoestande. Intussen het die Namibiese Ministerie vir insette gevra om die wettiging van dagga in die land te oorweeg... Purchase gesels vanoggend met Kosmos 94.1 Landbounuus oor die teoretiese geleenthede vir die landbousektor in die gebied.

Reaksie word ontvang op die aankondiging van die Namibiese Ministerie van Gesondheid dat hy skriftelike voorleggings in verband met die regulering van die gebruik van dagga aanvra. Die bepalings van die voorleggings wat voordele, nadele, gevare en maatreëls insluit, is beskikbaar op die ministerie se webtuiste. Voorleggings moet teen 22 November ingedien word. Die Ombudsman Advokaat John Walters het sy reaksie so verwoord.

Daar is vandag volgens die Uitvoerende Direkteur in die Namibiese Ministerie van Gesondheid Ben Nangombe 53 nuwe Covid-19 gevalle uit 'n totaal 1268 toetsuitslae aangeteken. Nangombe...

Ben Nangombe, die Uitvoerende Direkteur van die Namibiese Ministerie van Gesondheid het 39 nuwe Covid-19 gevalle in die land bekend gemaak. Nangombe...

Die Duitse regering het ondersteuning verleen aan die Namibiese Ministerie van Omgewingsake om water infrastruktuur in die Kunene op te knap. Boorgate word ook gerehabiliteer. Graziella Titus van die Duitse ambassade in die hoofstad, het met Kosmos 94.1 Nuus oor die projek gepraat.

‘n Veeverspreidingprogram wat daarop gemik is om kleinskaalse boere te bemagtig is deur die Namibiese Ministerie van Stedelike en Landelike Ontwikkeling van stapel gestuur. In die verband is die eerste vee by ‘n gemeenskap net wes van Okahandja verlede week afgelewer. Die Minister, Erastus Uutoni was daar en sluit vanoggend by ons aan.

'n Tydelike verbod op alle lewendehawe beweging is met onmiddellike ingang in die Kavango-Oos streek ingestel. Die besluit volg na die bevestiging van 'n bek-en-klouseer uitbreking by die Hoga nedersetting. Dr Albertina Shilongo, Hoof Veearts by die Namibiese Ministerie van Landbou sê dis noodsaaklik dat die beheermaatreëls nagekom word.

Daar is vandag 67 nuwe Covid-19 gevalle in Namibië bevestig deur die Uitvoerende Direkteur van die Namibiese Ministerie van Gesondheid Ben Nangombe. Nangombe het die besonderhede bekend gemaak by die Covid-19 kommunikasiesentrum in Windhoek.

Die Uitvoerende Direkteur in die Namibiese Ministerie van Gesondheid Ben Nangombe het die jongste Covid-19 syfers vir Namibië bekend gemaak. Nangombe...

Die Teenkorrupsie Kommissie sê hy is nie besig met ‘n ondersoek na ongerymdhede en nepotisme in die aanstelling van diplomate by die Namibiese Ministerie van Internasionale Betrekkinge nie. Volgens die kommissie is die klagtes reeds in Julie vanjaar by hom aangemeld. Die Woordvoerder van die kommissie Josephina Nghituwamata...

Baie gestremde mense word wêreldwyd uitgesluit by onderwys en gesondheidsorg en word selfs uitgesluit by gemeenskap aktiwiteite. Die Covid-19 pandemie het intussen die ongelykhede verdiep en nuwe bedreigings na vore gebring vir gestremde individue. Mercy Kufuna, Adjunkdirekteur van die Namibiese Ministerie van Gestremdheidsake...

Daar is groot kommer nadat die Namibiese Ministerie van Gesondheid aangekondig het dat 345 leerders tot dusver positief getoets het vir Covid-19. Die Oshikoto-streek het die meeste met 170 en Khomas is tweede geplaas met 68. By die Nehale Sekondêre Skool in die Oshikoto-streek het 108 leerders positief getoets vir die virus en 169 leerders wag nog op hulle toets uitslae. Sondag het die ministerie aangekondig dat 48 leerders van Onandjokwe ook positief getoets het. Die Uitvoerende Direkteur van die Ministerie van Onderwys Sanet Steenkamp sê veral koshuise is hoë-risiko. Sy het vroeër met Kosmos 94.1 Nuus gepraat.

Reaksie word ontvang nadat die Namibiese Ministerie van Gesondheid aangekondig het dat 345 leerders tot dusver positief getoets het vir Covid-19. Berigte lui dat 108 leerders van die Nehale Sekondêre Skool in die Oshikoto-streek positief getoets het vir die virus en 169 leerders wag nog op hulle toets uitslae. Sondag het die ministerie aangekondig dat 48 leerders van Onandjokwe ook positief getoets het. Die Vakbond Kongres van Namibië, wat teen die heropening van skole gekant is, se Sekretaris-Generaal Mahongora Kavihuha.

Graslande en weiding in Namibië moet dringend herstel word en ‘n strategie in die verband is deur die Namibiese Ministerie van Landbou ontwikkel saam met vennote. ‘n Onlangse verslag toon dat 60 miljoen hektaar vertrap en oorbewei is wat ‘n verlies van 50 persent in produktiwiteit toon. Erastus Ngaruka die Tegniese Adviseur vir Weiding en Vee by Agribank gesels meer in diepte met ons hieroor.

Ingevolge die resolusies van die tweede grondkonferensie moet maatreëls daar gestel word om plaasarbeiders wat meer as ‘n generasie werksaam en woonagtig is op ‘n plaas by te staan onder sekere omstandighede. Die arbeiders word nou gevra om te registreer by die Namibiese Ministerie van Landbou. Thinus Pretorius, die Voorsitter van die Lewendehawe Produsente Organisasie is ons gas vanoggend.

Kosmos 94.1 — Die Uitvoerende Direkteur in die Namibiese Ministerie van Gesondheid Ben Nangombe sê die ministerie ervaar uitdagings in die openbare gesondheidsektor wat nooit sal verdwyn nie. Nangombe sê die uitdagings strek wyer as net Covid-19.

Kosmos 94.1 — Die Amerikaanse regering ondersteun die Namibiese Ministerie van Gesondheid oor 'n tydperk van 'n maand in September om 67 dataklerke te huur. Dit verhoog na verwagting Namibië se kapasiteit om siekteneigings en patrone te ontleed wat dit makliker sal maak om te reageer op gesondheidsorg behoeftes van die bevolking. Walter Parrs, die Skakelbeampte van die Amerikaanse Ambassade...

Kosmos 94.1 — Namibiese belastingopgawes moet teen 30 September ingedien word en nie alle burgers is vertroud met die proses nie. Chris Claasen, die Direkteur van Klein en Medium Belastingbetalers by die Namibiese Ministerie van Finansies het die aanlyn-proses in kort uiteengesit.

Kosmos 94.1 — Die Uitvoerende Direkteur van die Namibiese Ministerie van Gesondheid Ben Nangombe het nog drie Covid-19 sterftes in Namibië bevestig. Nangombe...

Kosmos 94.1 — Agribank het bekend gemaak dat hy ‘n waarborg van 200 miljoen Namibiese doller van die Namibiese Ministerie van Finansies bekom het vir produksie lenings wat beskikbaar gestel is volgens sy Covid stimuluspakket. Die bank se Hoof Uitvoerende Beampte Sakaria Nghikembua gesels met Kosmos 94.1 Landbou nuus vir meer hieroor.

Kosmos 94.1 — Die Uitvoerende Direkteur van die Namibiese Ministerie van Gesondheid Dr Ben Nangombe sê Namibië se Covid-19 toetskapasiteit is die derde-beste in Afrika en volgens hom is dit nie 'n slegte prestasie nie. Volgens Nangombe poog hulle ook om Covid-19 uitslae binne 24 uur bekend te maak....

Kosmos 94.1 — Die Woordvoerder van die Namibiese Ministerie van Finansies Tonateni Shidhudhu sê die sluiting van die doeane en aksyns kantore by die Ariamsvlei grenspos is buite hulle beheer. Dit is nodig ingevolge die maatreëls nadat ‘n personeeellid positief getoets het vir korona. Shidhudhu verduidelik.

Kosmos 94.1 — Temba Nghitaunapo, die Streekshoof van die Namibiese Ministerie van Binnelandse Sake het vandag die eerste besending nasionale dokumente oorhandig van inwoners van Otweya aan Neville Andre, die Goewerneur van die Erongo-streek. Die dokmente sal Maandag verder versprei word. Die inwoners van Otweya het hulle dokumente verloor tydens 'n brand wat ook hulle huise en besitting vernietig het op 26 Julie. Nghitaunapo....

Kosmos 94.1 — Die Namibiese Ministerie van Myne en Energie het die jongste bekendgemaak oor die ses bevestigde gevalle van Covid-19 wat die afgelope tyd by hulle aangemeld is. Volgens die woordvoerder van die ministerie Andreas Simon volg hulle die noodregulasies soos bepaal in die riglyne van die staat van inperking nougeset na.

Kosmos 94.1 — Reaksie word ontvang op die aankondiging van die Namibiese Ministerie van Finansies dat daar meer as 600 miljoen Namibiese doller gegenereer is met die afgelope viskwota veiling.Dis volgens die ministerie ‘n goeie opbrengs en die suksesvolle kopers moet voor 31 Augustus betalings doen. Bruce Hansen, Besturende Direkteur van Simonis en Storm in die hoofstad

Kosmos 94.1 — Die Namibiese Ministerie van Landbou is besig met die kartering van grond in die land. Data oor drakrag en ekologiese sones moet bepaal word sodat spesifieke areas vir spesifieke doeleindes deur landbou benut word. Die projek beoog ook om die impak van klimaatsverandering te mitigeer. Petrus Canisus, ‘n Direkteur in die ministerie is ons gas.

Kosmos 94.1 — Reaksie is ontvang oor kommentaar van Thinus Pretorius van die Lewendehawe Produsente Vereniging oor konflik met olifante in die noordweste en noordooste van die land. Volgens Pretorius ly die boere grootskaalse skade en daar is baie min wat hulle daaraan kan doen as gevolg van internasionale wetgewing en ooreenkomste wat Namibië onderteken. Dr Betsy Fox van Elephant Human Relations Aid, oftewel EHRA in Namibië sluit by ons aan en Romeo Muyunda, Woordvoerder van die Namibiese Ministerie van Omgewingsake het sy reaksie oor Pretorius se kommentaar so verwoord...

Kosmos 94.1 — Reaksie is ontvang op berigte dat die mediese en ander afval by die Robert Mugabe kliniek, wat tans as 'n Covid isolasie sentrum benut word waar Covid-positiewe pasiënte behandel word, sedert Maandag nie gehaal en verbrand is nie. Daar is groot kommer omdat die afval buite lê en ook omdat talle wetenskaplikes regoor die wêreld die Wêreldgesoosndheidsorganisasie vra om amptelik te aanvaar dat Covid deur die lug kan versprei omdat hulle meen daar is daadwerklike bewyse daarvoor. Die Uitvoerende Direkteur van die Namibiese Ministerie van Gesondheid, Ben Nangombe het met Kosmos 94.1 Nuus gepraat...

Kosmos 94.1 — Daar sal nie genoeg plek wees vir Graad 1 en 8 leerders by skole regoor Namibië nie. Ouers doen op die oomblik aansoek maar volgens die Woordvoerder van die Namibiese Ministerie van Onderwys, Absalom Absalom, sal daar in elke streek uitdagings met tekorte wees.

Kosmos 94.1 — Tonateni Shidhudu, die Namibiese Ministerie van Finansies se Woordvoerder het bevestig dat die sperdatum van die jaarlikse individuele inkomstebelasting opggawes uitgestel is.

Kosmos 94.1 — Daar is vanoggend steeds 32 gevalle van Covid-19 in Namibië. Emmy Elsie Ndevaetela van die Namibiese Ministerie van Gesondheid het die jongste deurgegee by die Covid-19 kommunikasie sentrum in die hoofstad.

Kosmos 94.1 — Daar is kommer oor die 32ste geval van Covid-19 wat Saterdag bevestig is. Dit is moontlik die eerste geval van plaaslike oordrag maar die Namibiese Ministerie van Gesondheid ondersoek nog die 31-jarige vrou van Walvisbaai se kontakte. Die Minister, Dr Kalumbi Shangula sê hy is bekommerd.

Kosmos 94.1 — Daar is ‘n nuwe inisiatief van die Namibiese Ministerie van Landbou vir saaiboere in die Otjozondjupa-streek. Kommersiële en kommunale produsente kan baat vind by die projek. Gratis saad, opleiding en uiteindelik ‘n mark vir die produk word verskag. Johanna Andowa, die Direkteur van die Namibiese Landbou Meganisasie en Saad-verbetering Projek oftewel Namsip by die Ministerie is ons gas...

Kosmos 94.1 — Vroeë kinder ontwikkelings sentrums sal op 22 Junie in Namibië heropen. Dit sluit alle kleuterskole en voorskoolse sentrums in. Lukas Haufiku, die Skakelbeampte van die Namibiese Ministerie van Geslagsgelykheid...

Kosmos 94.1 — Namibië sluit vandag aan by die res van die wêreld om Biologiese Diversiteitsdag te herdenk. Sonder die natuur sal die mensdom nie oorleef nie en die tema vanjaar is ‘Ons oplossing lê in die natuur’. Romeo Muyunda, Woordvoerder van die Namibiese Ministerie van Omgewingsake...

Kosmos 94.1 — Die Uitvoerende Direkteur van die Namibiese Ministerie van Onderwys Sanet Steenkamp sê daar is geen rede tot kommer oor die gereedheid van skole nie. Volgens haar het voorbereiding in die verband reeds begin. Sy het by die Covid-19 kommunikasie sentrum in die hoofstad gepraat.