Podcasts about Windhoek

Stad Windhoek het 200 miljoen Namibiese dollar in skuldverligtingsondersteuning aangekondig om pensioenarisse wie se vorige aansoeke verwerp is, sowel as persone met gestremdhede, kinderhuishoudings, weeshuise en liefdadigheidsorganisasies by te staan. Woordvoerder Lydia Amutenya het aan Kosmos 94.1 Nuus gesê dat kwalifiserende inwoners van nou tot 19 Desember, en weer vanaf 12 Januarie, vir die program kan registreer. Amutenya sê om te kwalifiseer, moet inwoners voorafbetaalde water- en elektrisiteitsmeters hê of daarvoor aansoek doen.

Die Copps 94.1- span het ‘n bedrywige Vrydagaand agter die rug met onder meer ‘n gru-ongeluk op die Daan Viljoen-pad buite Windhoek wat die lewens van twee mense geëis het. Kosmos 94.1 Nuus se Francois Lottering het die stadspolisie vergesel en doen verslag:

Aangesien kommer oor skadelike aanlyn gedrag steeds toeneem, het die inligtingsministerie vandag 'n seminaar oor die etiese gebruik van sosiale media in Windhoek aangebied. Die ministerie se uitvoerende direkteur, Linda Aipinge, waarsku dat toenemende aanlynmisbruik en seksuele uitbuiting, veral teen jong vroue, hul deelname aan politieke ruimtes toenemend afskrik.

Welcome to episode 121 of The Journey Is the Reward!All good flights must come to an end, and sadly, the incredible 15-day Southern Africa adventure of a lifetime is concluding! Join Brian and crew as their journey wraps up and they depart Botswana.  Fortunately, he remembers to pull out the microphone at the airport lounge to capture a fantastic conversation with the rest of the crew: Barb, Jim, Gerrit, and Malin. It's a bittersweet moment as the group parts ways, with Gerrit and Malin flying off to Windhoek, Namibia, while Barb, Jim, and Brian head to Johannesburg for the final leg of their "flight plan." This last push includes important city sightseeing in both Johannesburg and Pretoria, one last chance for thrilling game drive, and immersive museum visits. Of course, the trip wouldn't be complete without a crucial stop for souvenirs! The crew made sure they filled their suitcases with treasures and gifts discovered at the Artisan Market at the Rosebank Mall for everyone back home. It seems like only yesterday the trip started, but a very quick 15 days later, the adventure was over, sealed with the memory of the utterly soul-stirring, goosebump-inducing sounds of the Madalitso Youth Choir! You'll hear their poignant Welcome and Goodbye songs, recorded straight from the Royal Livingston Hotel in Zambia, adding pure magic to this final African episode.

In this episode, we feature the exciting development of Cape Winelands Airport in the Western Cape, South Africa. Jon is joined by Mark Wilkinson, Director, and together, they discuss the project's inception, environmental impact assessment approval, collaboration with Cape Town Air Access, NACO, and Growthpoint, and the significant economic and aviation impacts. This episode provides a comprehensive overview of the airport's vision to transform an old military airfield into a full commercial international airport, unlocking business opportunities and supporting sustainable growth in the region.  Watch the video from Windhoek here  Connect with Mark on LinkedIn

Voetgangers wat in Windhoek raakgery is, was die Copps 94.1-span se vernaamste uitdaging Vrydagaand. Francois Lottering van Kosmos 94.1 Nuus was saam met die stadspolisie en doen verslag van die toneel:

Dit klink soos iets uit ‘n Project X-fliek: Windhoek se stadspolisie moes Vrydagaand bontstaan om orde te herstel toe ministens 80 tieners besluit het dis ‘n goeie idee om huispartytjie in Kleine Kuppe te hou. Kosmos 94.1 Nuus se Francois Lottering was deel van die Copps 94.1-span en het meer:

Die Direktoraat van Veeartseny het 'n opdatering uitgereik rakende die voorkoms van hondsdolheid in Kaapse pelsrobbe in Walvisbaai. Die eerste aangemelde geval was in Junie by die Walvisbaai-strandmeer. Sedertdien is drie bykomende gevalle by Pelican-punt in Walvisbaai tussen 8 en 13 November aangemeld, met monsters wat positief bevestig is deur die Sentrale Veeartsenykundige Laboratorium in Windhoek. Kosmos 94.1 Nuus het met die woordvoerder van die landbouministerie, Simon Nghipandulwa, gepraat wat die publiek aanspoor om versigtig te wees.

Die minister van werke en vervoer, Veikko Nekundi, het vanoggend 'n onaangekondigde besoek aan die Osona-brug op die B1 tussen Windhoek en Okahandja afgelê om die vordering met strukturele opgraderings te beoordeel nadat die Maart-reën die brug beskadig het. Alhoewel 'n kontrakteur in Maart aangestel is, het Nekundi min sigbare vordering opgemerk en gewaarsku dat vertragings koste opdryf. Die Padowerheid se bestuurder vir netwerkontwikkeling, Oshoveli Hiveluah, het aan die minister gesê die vertraging is te wyte aan die proses om 'n konsultant aan te stel.

Selfmoord bly 'n ernstige bron van kommer in Namibië. Oor die naweek is drie gevalle aangemeld, 'n 21-jarige man in Ruacana, 'n 30-jarige man in Tsumeb en 'n 27-jarige vrou in Windhoek. Kosmos 94.1 Nuus het met die bekende aktivis Zack Itodo gepraat, wat die belangrikheid beklemtoon het om vroeë waarskuwingstekens van selfmoordgedagtes te herken. Hy spoor familielede en vriende aan om ondersteuning te bied en in te gryp voordat dit te laat is.

Die stedelike en landelike ontwikkelingministerie het 58 huise van die Massabehuisingsontwikkelingsprogram in Otjomuise Uitbreiding 10, wat begin maar nog nie voltooi is nie, aan die streeksraad oorgedra. Dit stem ooreen met regeringspogings om behuisingsuitdagings aan te spreek en lewensomstandighede te verbeter deur belegging in massabehuisingsprojekte. Lynminister James Sankwasa se adviseur, Boniface Mutumba, het die hoofrede by die seremonie gelewer.

Windhoek se stadspolisie het Vrydagaand tydens Copps 94.1 beslag op ‘n ongeregistreerde voertuig gelê ná hulle ondersoek ingestel het na ‘n gefuif in ‘n parkeerarea. Kosmos 94.1 se Darren Smith was op die toneel en het met hoofinspekteur Katrina Naukushu van gemeenskapspolisiëring in die Khomasstreek gepraat:

Taxi-gebruikers wat beroof en ontvoer word is in die nuus. NamPol sê dat daar tot op hede agt sake geregistreer is, veral in Windhoek en Oshakati, met dieselfde werkwyse. Voertuie met vals registrasienommers word valslik as taxi's gebruik om slagoffers te lok. Daar is Dinsdag drie verdagtes in Windhoek in hegtenis geneem, met die meesterbreine agter die vermeende sindikate, wat nog op vrye voet is. Nampol-woordvoerder, adjunk-kommissaris Kauna Shikwambi, vra die publiek se hulp om hulle vas te trek.

Die Namibiese Akkerbouraad nooi boere uit om aansoek te doen vir die Aartappelwaardeketting-ontwikkelingskema 2025 tot 2030, 'n strategiese inisiatief om plaaslike kommersiële aartappelproduksie 'n hupstoot te gee. Die skema het ten doel om kommersiële aartappelproduksie oor die volgende vyf jaar te stimuleer, en die raad sal bewusmakingsessies hou wat vandag in Windhoek begin. Kosmos 94.1 Nuus het gesels met die raad se tuinbou-ontwikkelingsbestuurder, Emilie Abraham, wat meer verduidelik.

Die dr. Hage Geingob-snelweg, ‘n 21,3 kilometer lange vierbaan-snelweg tussen Windhoek en die Hosea Kutako Internasionale Lughawe-pad, is amptelik geopen. Die projek se derde fase, gebou deur China se Zhong Mei Engineering Group met 'n toelaag van byna 1 miljard Namibiese dollar, merk die laaste stap in 'n program wat die eerste keer in 2016 van stapel gestuur is. Die Chinese ambassadeur Zhao Weiping het gesê die pad is 'n mylpaal vir Namibië.

Die afvalbestuurswerkers van die Stad Windhoek sê hul staking is nog nie verby nie, selfs nadat die munisipaliteit hul uurlikse loon van 14 tot 18 Namibiese dollar verhoog het, terugwerkend tot Januarie. In 'n onderhoud met Kosmos 94.1 Nuus het een van die werkers, Frans Paulus, bevestig dat werkers van plan is om hierdie week tydelik terug te keer werk toe. Hy sê die staking is vir 30 dae opgehef terwyl hulle wag op die Stad se reaksie op hul eise vir beter salarisse en toelaes. Paulus het meer.

In this episode, we cover the latest route and fleet developments in African aviation. Topics include: SAA's new Johannesburg - Gaborone route and fleet RFP Proflight Zambia's new Maun route via Livingstone  Airlink's new Zanzibar route from June on E2  Airlink to Nacala from Feb 2026 Airlink is increasing Blantyre to daily Malawi Airlines Liliongwe to Johannesburg increased to 10x weekly New Lilongwe to Entebbe route 4x weekly Air Cote d'Ivoire to Beirut from Jan 26 Lufthansa Group's Africa expansion Brussels airlines to open Kilimanjaro Nairobi-Frankfurt on LH increased from 5 weekly to daily Munich to Johannesburg to move to year-round Zurich to Windhoek new route on Edelweiss Discover to add A350s Frankfurt to Seychelles to become year-round Air Seychelles to go daily to Abu Dhabi Air Peace's Caribbean charter flights  Ethiopian increasing Rome to double daily from 1 June 2026  This month's guests are:  Sean Mendis, Aviation Consultant. CONNECT WITH SEAN Behramjee Ghadially, Aviation Consultant. CONNECT WITH BEHRAMJEE 

'n Man van Windhoek is van 22 000 Namibiese dollar beroof nadat hy in 'n taxi geklim het. Die woordvoerder van die Windhoek Stadspolisie, superintendent Marcelline Murapo, het die voorval aan Kosmos 94.1 Nuus bevestig en inwoners aangespoor om waaksaam te wees wanneer hulle taxi's gebruik. Sy waarsku dat gevalle van roof en diefstal geneig is om hierdie tyd van die jaar toe te neem, aangesien sommige individue hul tot misdaad wend om uitgawes vir die komende feestyd te dek.

Vissermanne van die Erongo-streek het vanoggend weer 'n versoekskrif aan die lynminister gerig vir beter werksomstandighede en salarisse. Die werkers het by die ministerie se hoofkantoor in Windhoek vergader. Die uitvoerende direkteur van die ministerie, Teofelus Nghitila, het in 'n reaksie op die vissers gesê die ministerie is bewus van die werkers se eise, hoewel sommige buite sy mandaat val.

Die Stad Windhoek nooi gesinne wat kinders onder die ouderdom van 21 tussen 2024 en 2025 verloor het om hul name in te dien vir insluiting op die Kindergedenkmuur. Die name sal tydens die jaarlikse Kersaansteekseremonie hierdie Desember onthul word. Voorleggings sluit op 14 November. Kommunikasiebeampte by die munisipaliteit, Cillie Kapolo, het meer met Kosmos 94.1 Nuus gedeel.

Die president van die United Democratic Front, Hendrik Gaobaeb, het die regering versoek om grond gratis aan burgers te verskaf. Gaobaeb het tydens sy party se perskonferensie in Windhoek gesê dat toegang tot grond 'n kritieke stap in die rigting van sosiale en ekonomiese bemagtiging vir alle Namibiërs is.

Die Ontwikkelingswerkswinkel Namibië en die Namibiese Statistieke-agentskap sal Data Sparks Namibia 2025 op Dinsdag en Woensdag by die Mövenpick Hotel in Windhoek aanbied. Die tweedaagse hibriede geleentheid sal kundiges, innoveerders en beleidmakers bymekaarbring om te ondersoek hoe data besluitneming, innovasie en nasionale ontwikkeling kan dryf. Die geleentheid is daarop gemik om samewerking tussen sektore te versterk en data se rol as 'n katalisator vir vooruitgang te beklemtoon. Woordvoerder van die Statistiekagentskap, Mirjam Shihepo, het meer.

Werkskepping in Namibië gaan nie net oor die hoeveelheid werksgeleenthede nie, maar ook oor die gehalte daarvan, sê arbeidsminister Wise Immanuel. Immanuel het Vrydag tydens ‘n bespreking oor die implementering van die Internasionale Arbeidsorganisasie se raamwerk vir die bepaling van die impak van werksgeleenthede in Windhoek, die volgende gesê:

Drie jong Afrika-omgewingsaktiviste ry per fiets deur Namibië om te pleit vir Afrika-stemme in die stryd teen klimaatsverandering, as deel van die Light COP30-inisiatief. Die jeuggeleide inisiatief het ten doel om perspektiewe van gemeenskappe regoor die vasteland oor omgewingsbeskerming en klimaatsveerkragtigheid in te samel. Die groep gaan vanmiddag in Windhoek aankom, maar nie sonder dat daar teenspoed was nie. Die groep se fasiliteerder, Kamwuhelo Lisao, gee meer inligting.

Die Dierebeskermingsvereniging in Windhoek bied sy jaarlikse fondsinsamelingsgeleentheid, Animals by Night, op 6 November by die nuwe FNB-krieketveld in Olympia aan. Vanjaar se tema, Paws and Posh Masquerade, beloof 'n elegante aand met 'n optrede deur Riaan Smit, 'n stilveiling en 'n Art Slam deur Namibiese kunstenaars. Die geleentheid ondersteun die Dierebeskermingsvereniging Windhoek se belangrike werk in die redding, rehabilitasie en versorging van byna 4 000 diere elke jaar. Die Dierebeskermingsvereniging se nasionale direkteur, Silke Van Der Merwe, het meer.

Wilderness Namibia en Children in the Wilderness het met Pupkewitz Toyota in Windhoek kragte saamgesnoer om hul Red 'n Renoster-veldtog met 'n fietswedren te loods. Dit is daarop gemik om bewustheid te verhoog en kollektiewe aksie te bewerkstellig om Namibië se ikoniese woestyn-aangepaste swartrenosterbevolking te help beskerm. Die 2km-baan, wat as een rondte tel, sal begin en eindig by die Pupkewitz Toyota-uitstalruimte op die hoek van Onafhanklikheidrylaan en Harold Pupkewitzstraat. Die oornag-geleentheid duur van agt-uur op Vrydagaand, 7 November tot agt-uur die Saterdagoggend, en deelnemers en spanne kan soveel rondtes as wat hulle wil voltooi. Kosmos 94.1 Nuus het gepraat met Shawapala Kandjabanga van Pupkewitz Indongo, wat meer inligting gee.

Die Namcor-bedrogbeskuldigde Cedric Willemse is borgtog van 200 000 Namibiese dollar toegestaan in die Windhoek-landdroshof. Landdros Olga Muharukua het beslis dat die staat nie geloofwaardige bewyse gelewer het wat toon dat Willemse moontlik met ondersoeke of getuies kan inmeng nie. Willemse moet daagliks by die ondersoekbeampte aanmeld en in Windhoek bly as deel van sy borgtogvoorwaardes.

Die Europese Unie se Nasionale Instituut vir Kultuur open Vrydag die uitstalling "Solarpunk: 'n Storie van Sand en Energie" by die Frans-Namibiese Kultuursentrum in Windhoek. Die uitstalling bevat nuwe werke deur die Namibiese kunstenaar Vitjitua Ndjiharine en die Spaanse kunstenaar Rocío Asensi, wat tydens 'n gesamentlike verblyf in Swakopmund ontwikkel is. Die Goethe-instituut se woordvoerder, Jasko Rust, het meer.

Die Copps 94.1-span het Vrydagnag hul hande volgehad met misdaad in die hoofstad met twee ernstige voorvalle van geweld wat onmiddellike polisie-ingryping vereis het. Kosmos 94.1 Nuus se Francois Lottering doen verslag van die toneel:

Die Stad Windhoek maak gereed om die beroemde Windhoek Jazz Festival aan te bied. Dit gaan op 1 November by die Hage Geingob-stadion plaasvind. Die publiek word aangemoedig om so gou as moontlik hulle kaartjies te koop voordat alles uitverkoop is. Kosmos 94.1 Nuus het gepraat met Lydia Amutenya, Stad Windhoek se woordvoerder, wat meer inligting gee.

Maande nadat swaar reën en oorstromings wydverspreide skade regoor die land veroorsaak het, insluitend die ineenstorting van 'n brug tussen Windhoek en Rehoboth, het die kabinet dringende ingrypings goedgekeur. Die minister van inligting, Emma Theofelus, sê die stap volg op die Voedselsekuriteit Asassesseringsverslag van Julie 2025.

Die arbeidsministerie het 'n ondersoek van stapel gestuur om te bepaal of Namibië se pluimvee-sektor as 'n noodsaaklike diens ingevolge die Arbeidswet geklassifiseer moet word. Die ministerie sê dat hy die aanwysing oorweeg om die voortgesette bedryf van noodsaaklike voedselproduksiedienste te verseker. Belangstellendes het tot 29 Oktober om skriftelike voorleggings in te dien, en 'n openbare verhoor is geskeduleer vir 3 November by die ministerie se hoofkantoor in Windhoek. Ministeriewoordvoerder Maria Hedimbi het met Kosmos 94.1 Nuus gepraat.

Die direkteur-generaal van die Nasionale Beplanningskommissie, dr. Kaire Mbuende, sê die regering is daartoe verbind om 'n bevorderlike omgewing te skep vir die privaatsektor om in te werk. Hy het vanoggend gepraat by die eerste Namibiese Openbaar-Private Forum in Windhoek. Die forum word gehou onder die tema "Openbaar-Private Dialoog om Ordentlike en Volhoubare Werkskepping te Bevorder: Verbetering van Namibië se Mededingendheid".

Die handels- en internasionale betrekkinge-ministerie het amptelik sy vyfjaar strategiese plan, wat tot 2030 strek, bekendgestel. Die plan word aangedryf deur sewe nasionale ontwikkelingsprioriteite. Dit is vanoggend deur minister Selma Ashipala-Musavyi in Windhoek bekendgestel.

President Netumbo Nandi-Ndaitwah het vandag die Keniaanse Hoë Kommissariaat in Windhoek besoek, waar sy die meegevoelboek ter ere van voormalige Keniaanse premier Raila Odinga onderteken het. Odinga is op 15 Oktober op 80-jarige ouderdom oorlede. Nandi-Ndaitwah het gesê Odinga se dood het nie net Kenia nie, maar ook die Afrika-kontinent en die wêreld in die algemeen diep geraak.

Die Stadspolisie is besig om CCTV-beeldmateriaal te bekom om te help met die soektog na die vyf manlike verdagtes wat Dinsdag 'n kleuterskool van sowat 100 000 Namibiese dollar in Kleine Kuppe in Windhoek beroof het. Die verdagtes het na bewering die ontvangsdame met 'n vuurwapen gedreig om die geld te steel voordat hulle van die toneel gevlug het in 'n blou Mazda Demio sonder nommerplate. Stadspolisiewoordvoerder superintendent Marceline Murapo het 'n opdatering gegee.

Om die doelwitte van die buigsame grondbesitstelsel te versnel, het die ministerie van stedelike ontwikkeling planne aangekondig om prestasieteikens vir geselekteerde plaaslike owerhede uit te rol, te befonds en vas te stel as deel van die Informele Nedersettingsopgraderings- en Sanitasieprojek. Die inisiatief sal oor 'n tydperk van vyf jaar, van 2025 tot 2030, geïmplementeer word. Die deelnemende plaaslike owerhede sluit in die Windhoek-, Walvisbaai-, Keetmanshoop-, Rundu- en Oshakati-dorpsrade. Hierdie aankondiging is gemaak deur die adviseur van die minister, dr. Boniface Mutumba.

Openbare konsultasies oor die hersiening van die Wet op Openbare Verkryging is steeds aan die gang. Tussen môre en Donderdag sal die konsultasies in Windhoek by onderskeidelik die Namibiese Instituut vir Openbare Administrasie en Bestuur, Nipam, en die Windhoek Buiteklub Oord plaasvind. Die konsultasies is onder andere daarop gemik om openbare verontwaardiging oor kwessies soos medisyne tekorte en verslegtende padtoestande aan te spreek. Phineas Nsudano, die adjunkdirekteur in die eenheid vir openbare verkryging van die finansministerie, verduidelik.

Sewe maande ná Stad Windhoek se Landbouforum het stadswoordvoerder Harold Akwenye aan Kosmos 94.1 Nuus gesê verskeie sleutelresolusies word reeds geïmplementeer. Die forum, wat stedelike landbou te midde van groeiende voedselonsekerheid en waterskaarste aangespreek het, het gelei tot verbintenisse soos die integrasie van voedselproduksie in stadsbeplanning, die ondersteuning van waterdoeltreffende metodes soos hidroponika en akwaponika, en die identifisering van onderbenutte munisipale grond vir kleinskaalse boerdery. Akwenye het die forum beskryf as 'n katalisator vir werklike vordering na 'n meer voedselseker en volhoubare Windhoek.

Die Landless People's Movement staan 'n opdrag teen van die stedelike ontwikkelingminister, James Sankwasa, wat sewe Windhoek-raadslede gelas het om meer as 80 000 Namibiese dollar se S&T-betalings terug te betaal vir 'n ongemagtigde reis na die Suider-Afrikaanse Inter-Munisipale Sportvereniging se spele in Lesotho verlede week. Die raadslede, insluitend LPM-lede Ivan Skrywer en Sade Gawanas, het reeds vertrek toe die reisverbod uitgevaardig is. Partyleier Bernadus Swartbooi het tydens 'n perskonferensie Sankwasa daarvan beskuldig dat hy sy mag misbruik.

Lifeline/ChildLine vier 45 jaar van diens in Namibië en het gegroei van 'n klein huisie in 1980 tot 'n internasionaal erkende beradingsentrum. Direkteur Nicolette Bessinger het tydens die herdenkingsgeleentheid in Windhoek die naweek gesê die organisasie ontwikkel steeds en fokus nou op selfdoodvoorkoming, geslagsgebaseerde geweld en aanlyn kinderveiligheid.

Die Namibiese Nasionale Kommissie vir Unesco het vandag sy jaarvergadering in Windhoek gehou. Edda Bohn, adjunk-uitvoerende direkteur van die onderwysministerie sê die byeenkoms bied 'n kans om oor vorige prestasies te besin en die pad vorentoe uit te stippel.

Die groeiende bedreiging van damprook, of ‘vaping', onder Namibiese jeug sal sentraal staan by vanjaar se Edu Run, wat op 4 Oktober in Windhoek plaasvind. Die geleentheid, georganiseer deur die Namibiese Nasionale Studente-organisasie, Nanso, in vennootskap met Girl Up Namibia, begin by Van Rhyn Laerskool en is daarop gemik om bewustheid te verhoog rondom belangrike gesondheids- en onderwyskwessies. Nanso-president Dorthea Nangolo het 'n gesprek met Kosmos 94.1 Nuus gehad en die dringende behoefte aan onderwys en intervensie beklemtoon om jongmense teen die verborge gevare van damprook te beskerm.

Landdros Linus Samunzala het in die Windhoek laerhof borgtog geweier aan ses aansoekers in die hoëprofiel-Namcor korrupsiesaak. Die beskuldigdes, insluitend voormalige Namcor-baas Immanuel Mulunga, ses ander indiwidue en vyf korporatiewe entiteite, staan tereg op aanklagte wat meer as 480 miljoen Namibiese dollar behels. Slegs een van die beskuldigdes, Lydia Elindi, is twee maande gelede borgtog van 50 000 dollar toegestaan. Samunzala het sy uitspraak gelewer.

Die aktivis Michael Amushelelo het aangekondig dat hy in die komende verkiesings vir 'n setel in die Windhoek-stadsraad sal meeding. In 'n onderhoud met Kosmos 94.1 Nuus het Amushelelo kommer uitgespreek oor swak dienslewering, toenemende misdaad en wat hy die sistematiese teikenstelling van informele handelaars noem. Hy sê Windhoek het 'n plattelandse dorpie geword as gevolg van wanbestuur, en wys op slaggate wat maande lank gelaat is, rioollekkasies wat nie opgepas is nie, en munisipale busse wat onder bome herstel word weens korrupte tenderpraktyke. Terwyl hy sy kandidatuur bevestig het, wou Amushelelo nie onthul onder watter vaandel hy sal staan nie. Hy sê dit is uit vrese vir politieke sabotasie.

Die Stad Windhoek veroordeel die misbruik van begraafplase na 'n ontstellende voorval by die Gammams-begraafplaas in Pionierspark. Rouklaers is afgeneem terwyl hulle 'n byeenkoms na 'n begrafnis aanbied, kompleet met stoele, koelbokse en alkohol. Bottels en rommel was ook oor grafte agtergelaat. Die Stad herinner die publiek daaraan dat begraafplase plekke van begrafnis en herdenking is, nie vir partytjies nie. Kommunikasiebeampte Cillie Kapolo het meer.

Namibië se toerismesektor toon sterk herstel, met gemiddelde besettingsyfers wat tot dusver vanjaar 50,07 persent bereik het, teenoor 48,93 persent in 2019. Nou is die Switserse lugredery Edelweiss gereed om twee keer per week direkte vlugte tussen Zürich en Windhoek te loods vanaf Junie 2026. In 'n onderhoud met Kosmos 94.1 Nuus sê Almandro Jansen, 'n ekonoom by Simonis Storm, dat die nuwe roete nie net toegang tot sleutelmarkte soos Duitsland en Switserland verbeter nie, maar ook deure oopmaak vir Namibië om te groei as 'n sportbestemming.

Die ministerie van stedelike ontwikkeling is besig om munisipale verordeninge te hersien om te verseker dat informele handelaars in Windhoek en ander dorpe wettig erken en beskerm word. Die lynminister, James Sankwasa, sê die besluit kom in reaksie op voortdurende spanning tussen straatverkopers en wetstoepassing. Die handelaars dra meer as 30 persent tot die ekonomie by. Stefanus Matheus, sekretaris-generaal van die Namibiese Informele Sektororganisasie, het die inisiatief verwelkom en sê die informele sektor speel 'n belangrike rol in werkskepping en ekonomiese bydrae.

Die uitvoerende hoof van die Namibiese Toerismeraad, Sebulon Chicalu, sê dit is noodsaaklik vir Namibië om die aanbied van meer geleenthede te versterk, veral in die sektor vir vergaderings, aansporingsgeleenthede, konferensies en uitstallings. Chicalu het tydens die Namibiese jaarlikse trou- en ekspo-beraad in Windhoek gewaarsku dat tensy Namibië die aanbied van geleenthede opskerp, dit die risiko loop om ekonomiese geleenthede op die tafel te laat, van hoër hotelbesetting, meer sakebesoekers tot sterker sigbaarheid op die wêreldverhoog.