Podcasts about reaksie

Reaksie word ontvang op berigte dat ReconAfrica in 2021 met olie-eksplorasie in die Okavango-kom begin sonder behoorlike permitte of huurpag. Daar is boorgate geboor sonder waterpermitte en bedrywighede het begin voordat tradisionele owerhede geraadpleeg of grondregte verkry is. Die verslag het ook die myne-ministerie gekritiseer vir die uitreiking van lisensies sonder konsultasie met belanghebbendes, en die waterministerie omdat strawwe nie afgedwing is nie. Wetgewers vra vir regulatoriese hervorming en sterker toesig. Kosmos 94.1 Nuus het reaksie ontvang van Rob Parker, 'n aktivis verbonde aan die plaaslike Economic and Social Justice Trust.

Reaksie word ontvang op die nuus dat daar tussen Januarie en Junie vanjaar 1 894 stuks vee in die Hardapstreek gesteel is . Slegs 8 persent is teruggevind. Streeksgoewerneur Riaan McNab sê 285 gevalle van veediefstal is in die 180 dae gerapporteer en 222 verdagtes is gearresteer, almal mans. Die waarde van die gesteelde vee beloop amper 7 miljoen Namibiese dollar. Kosmos 94.1 Nuus het met Christiaan Swartbooi, 'n verteenwoordiger van die Gibeon-boerevereniging gepraat.

Reaksie kom in oor die kommer van die drie parlementêre staande komitees oor die land se energietoekoms. Die energie-uitdagings verg vinnige en beslissende optrede, veral oor voortdurende kragbeperkings en hoë invoere. Kosmos 94.1 Nuus het gepraat met die plaaslike energiekenner Harald Schütt.

Reaksie word ontvang op die finansminister, Namfisa, en Regeringsinstellings Pensioenfonds wat 'n pensioengesteunde huisleningskema ingestel het, wat lede toelaat om 'n deel van hul pensioenspaargeld as kollateraal vir huislenings te gebruik. Dit dek die koop van grond, opknappings of die terugbetaling van eiendomslenings. Kosmos 94.1 Nuus het met Tucna sekretaris-generaal Mahongora Kavihuha gepraat. Hulle is ongelukkig.

Reaksie word ontvang op Amerikaanse president Donald Trump wat sê 'n bykomende 10 persent invoertarief sal gehef word op enige land wat hom by die BRICS-groep se "anti-Amerikaanse beleide" skaar. Kosmos 94.1 Nuus het gepraat met professor Andre Duvenhage, 'n politieke ontleder van Suid Afrika, wat sê Trump se optrede laat heelwat goeie wil verlore gaan.

Alle studieplekken van de UvA worden op een paar plekken geclusterd, is dat wel zo verstandig? Luister onze Swammerdam Special: nu eens niet een wetenschapper maar studenten aan het woord. Actiegroep @dereaksie maakt zich ernstig zorgen om dit clusterbeleid van de UvA. Ze organiseerden een begrafenis voor de recent gesloten bibliotheek in het PCHoofthuis en maken zich hard voor een gezonde relatie tussen student, universiteit en stad: ‘Als je elkaar tegenkomt gaat het bruisen, dan leeft het.' Zie ook dereaksie.nl Een uitzending van Tabe Bakker, met dank aan De Reaksie

Reaksie word steeds ontvang oor die nasionale taakmag oor gratis onderwys in tersiêre instellings. Sommige ontleders waarsku dat gratis hoër onderwys moeilik haalbaar sal wees, want die geld moet iewers vandaan kom. Die Namibiese Nasionale Studente-organisasie, Nanso, sê die land se minerale kan daarvoor betaal. Die arbeidskenner Herbert Jauch is meer positief.

Suid-Afrika herdenk 70 jaar sedert die aanvaarding van die ANC se Vryheidsmanifes. Veeboere in Vryheid in die noorde van KwaZulu-Natal steier onder die uitbreking van bek-en-kouseer. Reaksie op die minister van verdediging se erkenning dat daar groot probleme in die strukture van die Weermag is.

In reaksie op die Stad Windhoek se aankondiging van tariefverhogings, het gemeenskapsaktivis Shaun Gariseb frustrasie uitgespreek en gesê die stad poog slegs om finansieel voordeel te trek ten koste van inwoners. Hy het die stad se verwagting van openbare goedkeuring gekritiseer, ten spyte van die las wat dit op gemeenskappe plaas, en het ferm gesê hy sal die saak nie daar laat nie. Kosmos 94.1 Nuus het met Gariseb hieroor gepraat.

Reaksie word ontvang op die nuus dat die Namibiese Studente-hulpfonds, Nsfaf, ‘n gekwalifiseerde ouditopinie by die ouditeur-generaal Junias Kandjeke ontvang het vir die 2023-24 boekjaar. Kandjeke het sy kommer uitgespreek oor standaard prosedures by die fonds wat nie goedgekeur is nie en gedateer is. Dit, ten spyte van die feit dat die fonds internasionale openbare sektor rekeningkundige standaarde aangeneem het. Hy het ook kommer oor die fonds se volhoubaarheid en sê net 1 persent van 1,8 miljard Namibiese dollar wat hy geskuld word, is ingevorder. Bestuurskenner dr. Marius Kudumo het met Kosmos 94.1 Nuus gepraat en sê hy dink nie gratis hoër onderwys is die beste opsie nie.

Reaksie word ontvang op die wetsontwerp wat die Baster-tradisionele gesag wettiglik sou erken, maar deur die speaker van die Nasionale Vergadering geblokkeer is. Dit was omdat dit nie aan prosedurele standaarde voldoen het nie. PDM-leier McHenry Venaani het die wetsontwerp ingedien. Die gemeenskapsaktivis Manfred Draghoender.

Reaksie word ontvang op berigte in die plaaslike media dat Swapo lede van die opposisie, die Independent Patriots for Change, omkoop met 10 000 Namibiese dollar om terug te keer na die regerende party. Kosmos 94.1 Nuus het met Ephraim Nekongo, Swapo-LP en die jeugligaleier van die party gepraat oor die berigte.

Reaksie word ontvang op nuus dat ongeveer 27 persent van alle leerders in die land, rondom 900 000, is in hoërskool teenoor die oorblywende 72 persent wat laerskool bywoon. Volgens die jongste berigte is daar twee keer soveel graad een-leerders as graad 11-leerders. Dit sal ‘n beduidende impak op die arbeidsmark hê en Kosmos 94.1 Nuus het met arbeidskenner, Herbert Jauch gepraat.

Reaksie word ontvang op berigte dat die Oshana-polisie meer as 776 000 liter ngungula, of Angolese brandstof tussen 2024 en tot datum vanjaar, gekonfiskeer het. Die waarde hiervan beloop 17 miljoen Namibiese dollar. Owerhede glo sindikate is betrokke en meen die brandstof wat gevind is, is ‘n druppel in die emmer van die brandstof wat oorgrens gesmokkel word. Jafet Nakanue, ‘n vulstasie-eienaar in die Noorde sê daar is in werklikheid geen plaaslike handel in brandstof in die Noorde van die land nie.

Ons praat met rampbestuur oor die skade, en paaie wat steeds gesluit is weens die kouefront. Die snerpende koue plaas die lot van haweloses in die kollig. Reaksie op president Ramaphosa se aankondiging van 'n nasionale konvensie.

Reaksie word ontvang op die onderwysministerie wat sê hy sukkel om gekwalifiseerde onderwysers in Afrikaans, Khoekhoegowab en Setswana te kry. Maatskaplike aktivis, Shaun Gariseb, is van die mening dat die lynminister die probleem ignoreer. Hy verduidelik.

Reaksie word steeds ontvang oor die tyd wat buitelandse toeriste moet wag, al dan nie, om by die Hosea Kutako Internasionale Lughawe en die Walvisbaai Lughawe met hulle e-visums deur doeane te gaan. Sommige plaaslike berigte praat van ure wat in rye spandeer word, terwyl die regering dit ontken en die sukses van die nuwe visa-regime uitlig. Kosmos 94.1 Nuus het gesels met Nrupesh Soni van die Namibian Travel and Tourism Forum.

Die Bank van Namibië gaan tot 3 persent van sy buitelandse valutareserwes in plaaslik-ontginde goud hou, as deel van 'n nuwe diversifikasiereël. Volgens die bank se woordvoerder, Kazembire Zemburuka, word goud nie gebruik om die geldeenheid te steun nie, soos wat in Zimbabwe gedoen word. In Maart het Namibië se buitelandse reserwes tot 59,7 miljard Namibiese dollar gedaal, met invoerdekking van 3,9 maande. Kosmos 94.1 Nuus het met die Suid-Afrikaanse ekonoom Dawie Roodt gepraat wat sy mening hieroor gee.

Reaksie word ontvang op die nuus dat Namibië en Botswana die moontlikheid gaan ondersoek om ‘n gesamentlike olieraffinadery te bou wat nie net aan die brandstofbehoeftes van die twee lande voldoen nie, maar ook van die streek. Dit is van die besluite wat president Netumbo Nandi-Ndaitwah en haar eweknie Duma Boko tydens haar besoek aan Botswana die afgelope week geneem het. Kosmos 94.1 Nuus het met die Suid-Afrikaanse ekonoom Dawie Roodt hieroor gesels:

Reaksie word ontvang op die lofliedere wat die sentrale bank die week die land se beleggings en beleggingsbeleid toegesing het. Maar, meeste van die beleggings is in mynwese wat nie juis werk skep nie. Die Cirrus-ekonoom Robert McGregor het met Kosmos 94.1 Nuus gepraat

Reaksie word ontvang op die skokkende veediefstal van 87 bees ter waarde van 783 000 Namibiese dollar in die Kavango Oos-streek. Vyf Angolese burgers het die diere op 10 Mei oor die grens gejaag. Die tipe misdaad is nie nuut nie met Zambezi-boere wat miljoene verloor het in die afgelope jare, sowel as boere in die ander noordelike streke. Kosmos 94.1 Nuus het met die oud-Ohangwena goewerneur en afgetrede polisiehoof Sebastian Ndeitunga gepraat.

Reaksie word ontvang op NamPower wat 'n tariefverhoging van 3,8 persent toegestaan is. Die Elektrisiteitsbeheerraad het egter gesê die regering moet ook 3,8 persent bydra, wat neerkom op 283 miljoen Namibiese dollar. Die energiekenner Harald Schütt sê die belastingbetaler betaal steeds die totale verhoging van 7,6 persent.

Reaksie word ontvang op Angola wat sê hy is gereed om Namibië te help met die bou van die plaaslike olie- en gassektore. Volgens presidensiële woordvoerder Alfredo Hengari het Angola reeds kapasiteit in die olie- en gassektore opgebou en ook reeds Namibiërs in Angola opgelei. Kosmos 94.1 Nuus het gepraat met die plaaslike ekonoom Gabriel Erastus.

Vonnisverrigtinge in die Joshlin Smith-ontvoeringsaak is uitgestel. 'n Versoek dat leefstyloudits op regters gedoen moet word. Reaksie op die verkiesing van Pous Leo die veertiende.

Reaksie word ontvang op die aankondiging dat die nuwe distrikshospitaal wat vir Havana in die hoofstad beplan word, nou 3,2 miljard Namibiese dollar sal beloop, ongeveer 300 miljoen dollar meer as wat aanvanklik verwag is. Die parlementêre leier van die opposisie IPC, Imms Nashinge sê die regering moet uiters versigtig wees dat dit nie ‘n projek is waar almal iets vir homself kan vat nie.

Reaksie word ontvang op die nuus dat Namibië se uraanuitovere 41,4 miljard Namibiese dollar vanjaar sal bereik. Die sentrale bank sê verhoogde vraag na kernkrag dryf dit aan. Dit kan die land se tekorte van 15,3 persent in 2024 tot 14,2 persent in 2025 afdwing. Kosmos 94.1 Nuus het met die energiekenner Chris Yelland, gesels, veral oor opsies vir kernkrag.

Reaksie word ontvang op die begroting van die verdedigingsministerie. Lynminister Frans Kapofi het meer geld vanjaar ontvang, op van net meer as 6,8 miljard Namibiese dollar verlede jaar tot meer as 7,4 miljard dollar vanjaar. PDM-leier McHenry Venaani, wat reeds ‘n geruime tyd eis dat August 26 se ouditverslae bekend gemaak word, sal vanmiddag die kwessie aanspreek. Hy verduidelik.

Okahandja is onder die beheer van die Namibiese weermag en polisie geplaas en ‘n aandklokreël geld ná die dorp deur drie kindermoorde die afgelope maand geruk is, waarvan twee die naweek plaasgevind het. Kosmos 94.1 Nuus het reaksie op die moorde van maatskaplike aktivis, Ethne Mudge gekry, wat sê dit is 'n gemeenskaplike probleem wat erger gemaak is deur die publiek se reaksie.

Reaksie word ontvang op opdragte deur die landbouminister Mac Hengari en president Netumbo Nand-Ndaitwah dat Meatco sy werwingsproses vir 'n nuwe uitvoerende hoof moet staak en die voormalige uitvoerende hoof, Mwilima Mushokabanji, weer aan te stel. Mushokabanji se kontrak het aan die einde van Januarie verstryk en Meatco se raad het besluit om dit nie te hernu nie. Sy vyfjaar termyn by Meatco het geen vebetering aan die maatskappy gebring nie en oud-landbouminister Calle Schlettwein het ook daaroor gewaarsku. Kosmos 94.1 Nuus het met die bestuurskenner dr. Marius Kudumo gepraat.

Reaksie word ontvang op die sentrale bank wat die repokoers onveranderd op 6,75 persent gelaat het. Dit is vroeër ook so deur ekonome voorspel. Kosmos 94.1 Nuus het Cirrus-ekonoom Robert McGregor gesels.

Reaksie word ontvang op planne deur die Khomas-streeksregering wat beoog om 5 000 huise binne die volgende 12 maande in die streek te bou. Die inisiatief is deel van die regering se plan om informele nedersetting in die stedelike gebied van Namibië te formaliseer. Kosmos 94.1 Nuus het met die Affirmative Repositioning LP, George Kambala, gepraat.

Reaksie op die aanvaarding van ons begroting. Suid-Afrika word swaar getref deur die jongste tariewe wat die VSA ingestel het. Die Suid-Afrikaanse Mediese Vereniging bring 'n hofaansoek teen die Nasionale Gesondheidsversekering. Ons fokus op die pad vorentoe om puttoilette by openbare skole te vervang.

Reaksie word ontvang op die regering wat 20 miljoen Namibiese dollar belê om die land se kuberveiligheid op te skerp. Dié aanvangskapitaal maak Namibië se Cyber Security Incident-reaksiespan amptelik operasioneel en volg op die Namibiese Regulerende Owerheid van Kommunikasie, Cran, se eerste sessie oor kuberveiligheid die afgelope naweek. Kosmos 94.1 Nuus het met Vanessa Maresch van Salt Essentials IT gesels.

Reaksie word ontvang op die 2,6 miljard Namibiese dollar se toewysing vir landbou in die jongste begroting. Daar is gespesifiseerde toewysings soos verbeterde voedselstelsels, groenskemas en fase twee van die Neckartal-besproeiingsprojek. Die begroting vanjaar is veel groter as verlede jaar se 1,9 miljard dollar. Agribank se tegniese adviseur vir gewasse en pluimvee, Hanks Saisai het met Kosmos 94.1 Nuus gepraat.

Reaksie word ontvang op die 2025-26 begroting. Volgens Helena Mboti, ‘n FNB-ekonoom sê die begroting handhaaf ‘n fyn balans vir operasionele doeltreffendheid en ontwikkelingsdoelwitte. Maar, sy voeg by fiskale tekorte sal steeds voortduur.

Reaksie word ontvang oor die vaagheid rakende hoër staatspensioene. Ondanks president Netumbo Nandi-Ndaitwah se groot verkiesingsbeloftes dat Namibië se oues van dae meer pensioen sal ontvang, het finansminister Ericah Shafudah nie ‘n enkele woord daaroor gerep in haar eerste begrotingstoespraak Donderdag nie. Tydens haar verkiesingsveldtog verlede jaar het Nandi-Ndaitwah gesê sy sal wyle president Hage Geingob se belofte gestand doen om staatspensioene na 3 000 dollar te verhoog. Tans kry oumense 1 600 dollar per maand. Kosmos 94.1 Nuus het reaksie gekry van maatskaplike aktivis, Rosa Namises:

Reaksie word ontvang op die begroting wat vanmiddag in die parlement deur die lynminister Ericah Shafudah ter tafel gelê is. Senior vennoot by PWC Namibia Chantell Husselmann sê belasting vir beide besighede en individue sal verder afneem. Sy het met Kosmos 94.1 Nuus gesels.

Reaksie word ontvang op die aankondiging deur president, Netumbo Nandi-Ndaitwah, dat die land se olie- en gassektor onder haar kantoor sal val. Sy sê dit is om plaaslike deelname en waardetoevoeging in die sektor te waarborg. Die direkteur van die Instituut van Openbare Beleidsnavorsing, Graham Hopwood het met Kosmos 94.1 Nuus gepraat.

Die sperdatum vir registrasie van boorgate ingevolge die nuwe Waterwet is met agt maande verleng. Die oorspronklike afsnypunt was 28 Februarie vanjaar, maar verskeie uitdagings het dit onmoontlik gemaak, soos die afsterwe van stigterspresident Sam Nujoma wat 'n ekstra openbare vakansiedag teweeggebring het. Inligtingsvergaderings oor die nuwe wet is ook vertraag. Reaksie is ontvang van die UDF-parlementslid Dudu Murorua, wat in die Kunene-streek boer, wat al vroeër gevra het dat die proses verleng word.

'n Parlementêre komitee het aanbeveel dat die Wet op Veterane gewysig word om kinders wat tydens Namibië se bevrydingsstryd in ballingskap was in te sluit. Die wet sluit tans diegene uit wat destyds jonger as 18 was, en hulle kry nie steun van die regering nie. Hierdie uitsluiting het gelei tot die opkoms van die Struggle Kids-beweging. Die komitee sê hul uitsluiting by die wet was 'n fout. Reaksie is ontvang van die voormalige ombudsman advokaat John Walters, wat 'n sleutelrol in die Struggle Kids-kwessie gespeel het en hul eksklusiewe prioriteit vir regerings-werksgeleenthede in 2017 uitgedaag het.

Reaksie word ontvang op NamWater wat 'n allemintige 2,4 miljard Namibiese dollar geskuld word, plaaslike owerhede ingesluit. Rundu se dorpsraad skuld amper 334 miljoen dollar, Rehoboth 108,5 miljoen dollar en Khorixas amper 72 miljoen dollar. Die totale skuld van dorpsrade beloop byna 890 miljoen dollar. Kosmos 94.1 Nuus het gesels met oud-Ombudsman advokaat John Walters, wat vrae het.

Reaksie word ontvang op kommentaar van regsman Kadhila Amoomo, wat sê prostitusie behoort gereguleer te word, aangesien die bestaande wetsbeleid ondoeltreffend is. Hoewel onwettig, is die bedryf ‘n realiteit en om dit te ignoreer, gaan geen oplossing teen geweld en uitbuiting bring nie. Die deurwinterde maatskaplike aktivis Linda Baumann het met Kosmos 94.1 Nuus gesels.

Reaksie word ontvang op die verbysterende skuld van 2,4 miljard Namibiese dollar aan NamWater. Skuld was nog altyd ‘n probleem maar, het skerp gestyg na die regeringsopdrag tydens Covid dat gratis water voorsien sal word, aan almal. Dorpsrade en munisipaliteite sukkel reeds met betaling deur inwoners en die staat is nie veel beter met sy nakoming nie. Kosmos 94.1 Nuus het gesels met die beleids- en bestuurskenner Marius Kudumo.

Die ANC wil sy takke in die Vrystaat versterk. Reaksie op die Amerikaanse president se jongste aanbod aan Suid-Afrikaanse boere. Huldeblyke stroom in ná die dood van dramaturg Athol Fugard.

Inflasie bly binne die Reserwebank se teikenband. Die Wes-Kaapse regering wil meer werk skep. Die Passasierspooragentskap moet opdok nadat 'n vrou uit 'n trein gespring het. Die meeste Graad 3-leerlinge kan nié met begrip lees nie. Reaksie op Denemarke se besluit om die gebruik van selfone in skole te verbied.

Reaksie op die provinsiale rede van die premier van Gauteng, Panyaza Lesufi. Eskom sê hy vorder fluks met die herstelwerk aan onklaar eenhede. 'n Afrika-kommandowurm-plaag steek sy kop uit in drie provinsies. Die invloed van digitale platforms op plaaslike nuusmedia is in die kollig.

AR-leier Job Amupanda het die voormalige ombudsman John Walters en prokureur Richard Metcalfe gekritiseer en hulle daarvan beskuldig dat hulle hulle by die regering skaar om die rooilyn te verdedig. Amupanda het Walters die "ergste ombudsman" genoem, en beweer hy het nie daarin geslaag om die hervestigingslys openbaar te maak nie. Walters het ook glo een keer sy hulp gesoek onder druk van Vicki Erenstein, wat na bewering 'n gratis plaas onregverdig ontvang het. Hy het Metcalfe daarvan beskuldig dat hy sake vermy het om die owerhede te beïndruk. Amupanda, wat belowe om die stryd teen die rooilyn voort te sit, het sy kritici gewaarsku om "die ratte van hul mond te beheer", en dring daarop aan dat die veterinêre kordonheining sal val. Uitspraak in Amupanda se hofsaak oor die rooilyn word gelewer op 27 Maart. Reaksie is van prokureur Richard Metcalfe ontvang.

Reaksie word ontvang op die repokoers wat vanoggend met 25 basispunte na 6,75 persent verlaag is. Die goewerneur van die sentrale bank Johannes !Gawaxab het die aankondiging gemaak. Una-ekonoom dr. Omu Kakujaha-Matundu het met Kosmos 94.1 Nuus gepraat.

Die opknapping van die Katutura-hospitaal het nog nie begin nie, 10 maande na daar 40 miljoen Namibiese dollar opsy gesit is daarvoor. Daar moet ook nog ‘n konsultant aangestel word om die teaters te ontwerp. Die Sentrale Hospitaal neem glo toerusting na die hospitaal vir operasies in die vervalle teaters. Reaksie is ontvang van Elvire Theron, die sekretaris-generaal van die Republikeinse Party.

Reaksie word ontvang op die jongste stroperysyfers wat deur die lynministerie bekend gemaak is. Teen die einde van 2024 is 81 renosters gestroop, 'n toename vanaf 77 in 2023. Die omgewingministerie het Etosha Nasionale Park as 'n stropery-brandpunt geïdentifiseer. Die ministerie veroordeel ook die barbaarse optrede van stropers ten sterkste. Kosmos 94.1 Nuus het met Jaco Muller van die Rhino Momma Project gepraat.