Podcasts about woordvoerder

Die Suid-Afrikaanse Maatskaplike Sekerheidsagentskap het bevestig dat alle maatskaplike toelae van die Oktober 2025 betalingsiklus met 10 Suid-Afrikaanse rand verhoog sal word. Dit volg na die minister van Finansies, Enoch Godongwana se aankondinging tydens die begroting vroeër vanjaar. Ouderdoms-, gestremdheids-, Versorgings - en Oorlogsveteranetoelaes sal almal geringe verhogings ontvang. 'n Woordvoerder van Sassa, Andile Tshona, sê die aanpassings is noodsaaklik om die finansiële druk te verminder en om kwesbare groepe te beskerm:

Die Polisiediens waarsku die publiek oor 'n uitvissing-bedrogspul waarin sy naam en kenteken gebruik word. 'n Woordvoerder, Amanda van Wyk, sê die bedrieërs stuur vals briewe of WhatsApp-boodskappe of maak intimiderende oproepe waarin hulle vals sake en polisiestasies noem om geld of persoonlike inligting te kry. Van Wyk beklemtoon dat die polisie nooit geld sal eis of met die publiek sal kommunikeer deur WhatsApp- of video-oproepe nie. Sy vra hulle om geen persoonlike besonderhede uit te gee of op verdagte boodskappe te reageer nie:

Nagenoeg 3 500 mense is gereed met hulle roosters op Loftus in Pretoria om op Erfenisdag 'n Guinness-wêreldrekord te verbeter. Die plan is om Japan se 2023-rekord van 2 220 mense wat gelyktydig braai, te oortref. 'n Woordvoerder van Guinness Wolrd Record Manchester, Glenn Pollard, het aan Newzroom Afrika gesê deelnemers moet die reëls volg en vermorsing vermy. Hy sê Guinness-amptenare, toesighouers en streng reëls sal toesien dat Suid-Afrika se groot braai hopelik geskiedenis maak:

Die Internasionale Strafhof het die gewese Filippynse president Rodrigo Duterte van drie klagte van misdade teen die mensdom aangekla. Die 80-jarige Duterte word daarvan beskuldig dat hy tussen 2013 en 2018 onregstreeks aanspreeklik was vir die moorde op meer as 76 mense tydens sy sogenaamde dwelmoorlog. Hy is sedert Maart in Nederland in aanhouding. 'n Woordvoerder van die Strafhof, Fadi El Abdallah, het bewerings verwerp dat die hof met die land se huidige president, Ferdinand Marcos, saamwerk in die saak teen Duterte:

Mynbou oorheers steeds Namibië se uitvoere. Nuwe syfers van die Namibiese Statistiekagentskap toon dat uraan, diamante en koper in Julie boaan die uitvoerlys was, met vis as die enigste nie-minerale produk onder die groot vyf. Intussen is invoere gelei deur brandstof en voertuie, en heruitvoere het 'n merkbare hupstoot gesien. Woordvoerder van die Statistiekagentskap, Mirjam Shihepo, het meer oor die nuutste handelsneigings.

Die navigasiestelsel van 'n vliegtuig wat die Europese Kommissie se president Ursula von der Leyen vervoer het, is ontwrig weens vermeende Russiese inmenging. 'n Woordvoerder van die Kommissie sê dat die “GPS-blokkering” plaasgevind het terwyl sy Sondag in Bulgarye sou land. Die woordvoerder sê hulle het inligting van die Bulgaarse owerhede ontvang dat dit te wyte was aan vermoedelike blatante inmenging deur Rusland. Die Financial Times berig dat die vliegtuig op die Plovdiv-lughawe geland het terwyl die loodse papierkaarte gebruik het. France24 het gepraat met Patrick Bury, 'n senior mede-professor in oorlogvoering en teenterrorisme by die Universiteit van Bath.

Die Suid-Afrikaanse regering het alle vorms van geweld by skole veroordeel en sê dit ondermyn onderrig, veiligheid en kinders se toekoms. ʼn Gautengse skoolhoof is verlede week met ʼn mes gesteek toe sy probeer het om ʼn geveg tussen leerders van West Ridge High en Hoërskool Roodepoort te stop. In Klerksdorp, Noordwes, is talle leerders van die Hoër Tegniese Skool geskors ná ʼn video waarop hulle ʼn onderwyser aanval. ʼn Woordvoerder van die regering, Nonkululeko Mtshali, sê skole moet veilige ruimtes wees en onderwysers moet gerespekteer word:

Die Nquthu-streekhof in KwaZulu-Natal het 'n pastoor tien keer lewenslange tronkstraf opgelê en 'n bykomende 70 jaar vir die verkragting en seksuele aanranding van 12 minderjariges. Die misdade, wat tussen 2020 en 2022 teen kinders tussen die ouderdomme van ses tot 14 gepleeg is, het aan die lig gekom toe 'n voog die slagoffers hoor praat en die polisie in kennis gestel het. 'n Woordvoerder van die Nasionale Vervolgingsgesag, Natasha Ramkisson-Kara, sê die vonnis stuur 'n duidelike boodskap vir diegene wat 'n posisie van vertroue misbruik:

Die liggaam van ʼn vermeende renosterstroper is die naweek in die Krugerwildtuin gevind. Hy is vermoedelik in ʼn skietery met veldwagters dood. ʼn Woordvoerder van SANParke, Reynold Thakhuli, sê die liggaam is ontdek nadat drie veldwagters op patrollie op drie vermeende stropers afgekom het. Hy sê die veldwagters het die drie beveel om te stop, maar die vermeende stropers het op hulle losgebrand en hulle het teruggeskiet:

Oud-woordvoerder van die Israelse weermag en navorser by die Stigting vir Verdediging van Demokrasieë, Jonathan Conricus, het met Britse media gepraat oor aantygings dat Israelse soldate oorlogsmisdade in Gaza pleeg. Hy sê dit gebeur maar, daar is aanspreeklikheid.

Die dodetal na stortreën en gure weer in die Oos-Kaap het tot nege gestyg. Ses liggame is naby die dorpie, Decoligny, gevind en ʼn sewende liggaam by Tsolo. Gisteraand is nog twee liggame in die Mthatha-area gevind. ʼn Woordvoerder van die provinsiale regering, Khuselwa Rantjie, sê owerhede soek nog na vermiste leerders nadat die skoolbus waarin hulle was, meegesleur is:

En dat is misschien een verrassing als je naar de huidige cijfers kijkt. Die blijven bizar goed. Beleggers hebben moeite om er negatieve punten in te vinden. Maar dat hoeven ze ook niet, want topman Jensen Huang licht ze er zelf even uit. Hij heeft wederom kritiek op het Witte Huis. Met hun exportrestricties levert de VS hem een min van 8 miljard dollar op zijn kwartaalrekening op. Maar hij lijkt nog steeds niet helemaal eerlijk. De impact van Trump kan nog veel groter zijn dan de topman nu beweert. Daarnaast hoor je ook wat je gemist hebt in de handelsoorlog de afgelopen dagen. Een dag niet opletten betekent namelijk meteen een hele hoop ontwikkelingen missen. Zoals de rechter die een streep door zo ongeveer alle importheffingen zet. En vervolgens ook weer de melding dat er een streep door die streep gaat zolang het hoger beroep loopt. Dan zijn er ook nog die gesprekken met China. Die verlopen niet stroef, maar staan zelfs 'een beetje vast', zegt Financiënminister Scott Bessent. Het is nodig dat de presidenten persoonlijk met elkaar gaan praten. Maar of ze dat ook echt gaan doen, dat blijft de vraag. En verder vertellen we je over het onderonsje tussen Donald Trump en Jerome Powell. Die zou niet heel vriendschappelijk zijn verlopen. Trump vindt dat Powell een fout maakt doordat hij de rente niet verlaagt. En Powell zou een poging hebben gedaan om z'n acties uit te leggen.See omnystudio.com/listener for privacy information.

En dat is misschien een verrassing als je naar de huidige cijfers kijkt. Die blijven bizar goed. Beleggers hebben moeite om er negatieve punten in te vinden. Maar dat hoeven ze ook niet, want topman Jensen Huang licht ze er zelf even uit. Hij heeft wederom kritiek op het Witte Huis. Met hun exportrestricties levert de VS hem een min van 8 miljard dollar op zijn kwartaalrekening op. Maar hij lijkt nog steeds niet helemaal eerlijk. De impact van Trump kan nog veel groter zijn dan de topman nu beweert. Daarnaast hoor je ook wat je gemist hebt in de handelsoorlog de afgelopen dagen. Een dag niet opletten betekent namelijk meteen een hele hoop ontwikkelingen missen. Zoals de rechter die een streep door zo ongeveer alle importheffingen zet. En vervolgens ook weer de melding dat er een streep door die streep gaat zolang het hoger beroep loopt. Dan zijn er ook nog die gesprekken met China. Die verlopen niet stroef, maar staan zelfs 'een beetje vast', zegt Financiënminister Scott Bessent. Het is nodig dat de presidenten persoonlijk met elkaar gaan praten. Maar of ze dat ook echt gaan doen, dat blijft de vraag. En verder vertellen we je over het onderonsje tussen Donald Trump en Jerome Powell. Die zou niet heel vriendschappelijk zijn verlopen. Trump vindt dat Powell een fout maakt doordat hij de rente niet verlaagt. En Powell zou een poging hebben gedaan om z'n acties uit te leggen.See omnystudio.com/listener for privacy information.

BNR Beurs is een beetje een sportprogramma geworden. We doen namelijk verslag van alle transfers. Daar kwam geen einde aan. De belangrijkste is die van Christine Lagarde. Zij zou de gedoodverfde opvolger van Klaus Schwab zijn als baas van het World Economic Forum. Maar daarvoor moet ze wel eerst haar positie als voorzitter van de ECB opgeven. Dat zou niet gebeuren, werd al gezegd. Maar volgens Schwab zelf zijn er toch al gesprekken geweest met haar. Er is zelfs al een woning voor haar geregeld in Zwitserland. Kan de ECB zich maar beter klaarmaken voor de zoektocht naar een opvolger? En wat betekent het voor het beleid van de centrale bank? Die vragen beantwoorden we deze uitzending. Dan hebben we het ook over de andere centrale bankier die opvolging zoekt. Hier in Nederland zelfs. Klaas Knot heeft namelijk nog maar een maand te gaan voor zijn termijn afloopt en hij moet stoppen als baas van De Nederlandsche Bank. Maar het blijkt behoorlijk lastig om vervanging te vinden. En dat leidt tot zorgen bij DNB en in de financiële sector. Verder zijn er nog een hoop andere transfers die wél al zeker zijn. Ook daar brengen we verslag over uit. En we brengen goed nieuws! Want sommige analisten durven eindelijk weer positief naar de toekomst te kijken. De grootste onrust op de beurzen is verleden tijd, zeggen ze. En het ene na het andere bedrijf besluit opeens groots in Bitcoin te investeren. Het mediabedrijf van Trump ging al om, en nu wil ook gamewinkel GameStop opeens honderden miljoenen erin steken. Die bedrijven hebben een loophole gevonden waarmee ze praktisch geld kunnen printen. Maar is dat misschien toch te mooi om waar te zijn?See omnystudio.com/listener for privacy information.

BNR Beurs is een beetje een sportprogramma geworden. We doen namelijk verslag van alle transfers. Daar kwam geen einde aan. De belangrijkste is die van Christine Lagarde. Zij zou de gedoodverfde opvolger van Klaus Schwab zijn als baas van het World Economic Forum. Maar daarvoor moet ze wel eerst haar positie als voorzitter van de ECB opgeven. Dat zou niet gebeuren, werd al gezegd. Maar volgens Schwab zelf zijn er toch al gesprekken geweest met haar. Er is zelfs al een woning voor haar geregeld in Zwitserland. Kan de ECB zich maar beter klaarmaken voor de zoektocht naar een opvolger? En wat betekent het voor het beleid van de centrale bank? Die vragen beantwoorden we deze uitzending. Dan hebben we het ook over de andere centrale bankier die opvolging zoekt. Hier in Nederland zelfs. Klaas Knot heeft namelijk nog maar een maand te gaan voor zijn termijn afloopt en hij moet stoppen als baas van De Nederlandsche Bank. Maar het blijkt behoorlijk lastig om vervanging te vinden. En dat leidt tot zorgen bij DNB en in de financiële sector. Verder zijn er nog een hoop andere transfers die wél al zeker zijn. Ook daar brengen we verslag over uit. En we brengen goed nieuws! Want sommige analisten durven eindelijk weer positief naar de toekomst te kijken. De grootste onrust op de beurzen is verleden tijd, zeggen ze. En het ene na het andere bedrijf besluit opeens groots in Bitcoin te investeren. Het mediabedrijf van Trump ging al om, en nu wil ook gamewinkel GameStop opeens honderden miljoenen erin steken. Die bedrijven hebben een loophole gevonden waarmee ze praktisch geld kunnen printen. Maar is dat misschien toch te mooi om waar te zijn?See omnystudio.com/listener for privacy information.

Minister van Water en Sanitasie, Pemmy Majodina, hersien tans die bevindings van die finale verslag oor beweerde onwettige blokkering van sytakke wat die Middel-Letaba-dam voed. Die ondersoek volg op klagtes van plaasboere en plaaslike inwoners van Limpopo. Die dam is slegs agt persent vol wat huishoudings en landbou negatief beïnvloed. 'n Woordvoerder, Cornelius Monama, sê Majodina sal binnekort optrede aankondig om wettige waterbestuur en -voorsiening in die streek te herstel:

Die regering van Katar het die omstredenheid verwerp oor die plan van Amerika se president, Donald Trump, om 'n luukse reusestraler as geskenk te aanvaar en as presidensiële vliegtuig te gebruik. Die Amerikaanse grondwet het 'n beperkingsbepaling wat bepaal wat 'n president as geskenk van buitelandse regerings mag aanvaar. 'n Woordvoerder van Katar se ministerie van buitelandse sake, Majed Al Ansari, het aan Sky News gesê die geskenk is 'n deursigtige uitruiling tussen twee regerings:

Action Society sê die vryspraak van agt polisiebeamptes van adjunkpresident Paul Mashatile se BBP-beskermingseenheid is 'n ernstige terugslag vir geregtigheid en polisie-aanspreeklikheid. Die beamptes, bekend as die “blouligmafia”, is in Julie 2023 op die N1-snelweg in Johannesburg afgeneem terwyl hulle burgerlikes aangerand het, maar is in 'n interne dissiplinêre verhoor vrygespreek. Woordvoerder van die organisasie, Juanita du Preez, sê die uitslag stuur 'n gevaarlike boodskap en traumatiseer die slagoffers opnuut:

Build One South Africa doen 'n beroep op die Parlementêre Komitee oor Basiese Onderwys om aan te dring dat minister Siviwe Gwarube 'n omvattende uiteensetting van die nasionale onderwysbegroting van 330-miljard Suid-Afrikaanse rand moet verskaf. BOSA wil weet hoeveel aan onderwysers, administrateurs en onderwysbeamptes regoor die land betaal word. Woordvoerder van BOSA, Roger Solomons, sê die minister het die verantwoordelikheid ontduik deur aan die parlement te sê om “by die provinsies te gaan vra”:

'n Transitorooftog in Umlazi, suid van Durban is dramaties gefnuik, nadat 'n bestuurder die gewapende rowers ontduik het deur by die Mega City-winkelsentrum in te ry. Die voertuig is op die N2-snelweg in 'n lokval gelei. 'n Woordvoerder van A-L-S Paramedici, Garrith Jamieson, sê die bestuurder het vinnig gereageer en by die winkelsentrum se parkeerarea ingery, waarna sekuriteit die hekke gesluit en die aanvallers gedwing het om te vlug terwyl skote afgevuur is:

Die Activists and Citizens Forum sê hy verwerp geheel en al die oproepe om die bedanking van die Minister van Finansies, Enoch Godongwana. Godongwana het verlede week aangekondig die 0,5 persent BTW-verhoging word teruggetrek. Woordvoerder van die Forum, Dennis Bloem, sê in plaas van Godongwana, doen hulle 'n beroep dat die hele parlement ontbind word en nuwe verkiesings gehou word:

nwoners in laagliggende gebiede naby die Vaaldam is gewaarsku om te ontruim weens die gevaar van oorstromings. Sondag is ʼn vyfde sluis oopgemaak om toenemende watervlakke te bestuur weens voortdurende reënval in die Vaalrivier se opvangsgebied. ʼn Woordvoerder van die Departement van Water en Sanitasie, Wisane Mavasa, sê die dam is meer as 100-persent vol, en nóg reën word hierdie week verwag:

Die United Africans Transformation sê hy verwerp geheel en al die fiskale raamwerkverslag wat in die parlement aanvaar is. Die party sê die voorgestelde BTW-verhoging is 'n ekonomiese doodsvonnis vir gewone burgers en sal die huishoudelike inkomste dreineer, basiese goedere onbekostigbaar maak en hongerte en armoede vererger. Woordvoerder, Mighty Mabule, sê nie net is dit slegte beleid nie, maar ook ekonomiese oorlogvoering teen die mense en hy is van mening Suid-Afrika moet wegbreek uit die wurggreep van Westerse kapitaliste.

Die MK Jeugliga sê Suid-Afrika se wetstelsel moet seëvier en beslissend wees in die hantering van beide geslagsgeweld en verkragtingsake. Geslagsgeweld duur voortduur om gesinne en gemeenskappe te verwoes en die party vereis dringende ingryping. Woordvoerder van die MK Jeugliga, Nkateko Mkhabela, sê hulle is geskok en hartgebroke deur die brutale verkragting van 'n sewe-jarige kind in die Oos-Kaap:

Die Cape Independence Advocacy Group sê hy is voornemens om ʼn afvaardiging na Amerika te stuur om amptenare en ander mense met politieke bande te ontmoet. Die groep het aan president Cyril Ramaphosa, die minister van Internasionale Betrekkinge en Samewerking, Ronald Lamola, en die Wes-Kaapse premier, Alan Winde, geskryf en amptelik oor hul planne ingelig. ʼn Woordvoerder van die drukgroep, Joan Swart, sê hulle aktiwiteite sal deur die Grondwet beskerm word en die grondwetlike demokrasie in Suid-Afrika versterk eerder as benadeel:

Die Streekhof in Skukuza, Mpumalanga, het 'n 38-jarige Mosambiekse burger, Silas Mathebula, tot 30-jaar tronkstraf gevonnis vir misdade wat verband hou met renoster-stropery. Mathebula is skuldig bevind aan betreding, die doodmaak van drie renosters en vuurwapenmisdrywe. Hy is in 2019 aangekeer en het borgtog gekry, waarop hy weer in KwaZulu-Natal in hegtenis geneem is vir 'n soortgelyke oortreding. 'n Woordvoerder van die Nasionale Vervolgingsgesag, Monica Nyuswa, het die vonnis verwelkom:

Die Vryheidsfront Plus in Gauteng sê die ANC-oorheersde regering van provinsiale eenheid moet beslissende stappe doen om ʼn beleggersvriendelike beleidsomgewing te verseker. ʼn Woordvoerder van die party, Anton Alberts, sê sonder nuwe beleggings sal die provinsie nie die sterk ekonomiese inspuiting kry wat nodig is vir sterk ekonomiese groei en volhoubare werkskepping nie. Hy sê die ekonomie moet teen minstens ses-persent groei en dit kan slegs met groot beleggings bereik word.

Met skole wat volgende Woensdag heropen, is Dear South Africa nog meer besorg oor die BELA-wet. Die organisasie hou vol die ondertekening van die wet maak inbreuk op die demokratiese regte van die publiek. Woordvoerder van Dear South Africa, Nolu Maki, bevraagteken hoe openbare deelname in die besluitnemingsproses vervat is.

Noah's Ark-dieretuinplaas in Noord-Somerset in die Verenigde Koninkryk herwin ou Kersbome om diere se omgewing te verryk. Die dieretuin het die afgelope vyf jaar sowat 15 000 bome ontvang en beplan om ʼn gemeenskapskern vir herwinning te word. ʼn Woordvoerder, Chris Wilkinson, het aan die BBC vertel hoe bril-bere die bome se dennegeur waardeer terwyl renosters graag tussen die spaanders snuffel.

Kiesers het vandag by die TransNamib-saal in Windhoek begin stem, die enigste stemlokaal in die Khomas-streek wat oop is vir die verlengde verkiesingstydperk. Stemlokale is in net vier van die land se 14 streke weer oopgestel. Kiesers het al van 4-uur vanoggend in die lyn gestaan en sekere kiesers het binne twee uur hulle stemme uitgebring. Kosmos 94.1 Nuus het gepraat met De Wet Siluka, die woordvoerder van die Verkiesingskommissie, wat die proses verduidelik. Hy het egter botweg geweier om te verduidelik hoekom daar net in vier streke aanhou stem word, en gesê hy sal nie daaroor praat nie.

Siluka verduidelik een oorsaak van die stembrief-fiasko.

RISE Mzansi sê hy steun pogings deur die Gautengse LUR vir Landbou en Landelike Ontwikkeling, Vuyiswa Ramokgopa, om korrupsie en wanbestuur in landbouprojekte te ondersoek. Die party verwelkom Ramokgopa se ondersoek na die Farmyard-houerwinkelprojek wat die provinsie reeds 28 miljoen Suid-Afrikaanse rand uit die sak gejaag het. Woordvoerder van RISE Mzansi, Gugu Ndima, sê die ondersoek sal daarop ingestel wees om die werklike koste van die projek te bepaal, vas te stel of oorspronklike doelwitte bereik is en om die operasionele status van die houers te beoordeel:

Die Suid-Afrikaanse Vragversendersvereniging waarsku die voortslepende konflik in Mosambiek veroorsaak aansienlike ontwrigting van oorgrens-handelsroetes, veral die Maputo-deurgang. Die vereniging berig skade aan infrastruktuur en tydelike sluitings van die grens ontwrig logistiek, wat kritieke aanbodkettings vertraag wat Suid-Afrika, Zimbabwe en ander streeksmarkte bedien. Woordvoerder van die vereniging, Barbara Mommen, versoek die Suider-Afrikaanse Ontwikkelingsgemeenskap om te bemiddel om bestendigheid teweeg te bring:

Omgewings- en gemeenskapsgroepe, insluitend die Green Connection, Aukotowa Fisheries en Natural Justice het die Hooggeregshof in die Wes-Kaap gevra om TotalEnergies se planne om langs die Suid-Afrikaanse weskus vir olie te boor, te keer. Hulle is van mening die regering het met die goedkeuring van die projekte nie ag geslaan op die risiko vir die marienelewe, kusgemeenskappe en die omgewing nie. 'n Woordvoerder van Green Connection, Lisa Makaula, is van mening die goedkeuringsproses was onbillik en vra vir meer volhoubare energie-oplossings.

Suid-Afrika se inflasiekoers het verlede maand tot 3,8-persent gedaal, van 4,4-persent in Augustus, die laagste vlak sedert vroeg-2021. Dit is die vierde agtereenvolgende maand dat inflasie daal, hoofsaaklik as gevolg van laer vervoerkoste nadat brandstofpryse vanaf verlede jaar met nege-persent gedaal het. Woordvoerder van Statistieke Suid-Afrika, Patrick Kelly, sê die daling het verwagtinge van 'n rentekoersverlaging van 25-basispunte laat opvlam ​​wanneer die Reserwebank se Monetêre Beleidskomitee volgende maand vergader.

Die Suid-Koreaanse skrywer, Han Kang, is die wenner van die Nobelprys vir Letterkunde vir haar intense poëtiese prosa wat geskiedkundige traumas konfronteer en die broosheid van menslike lewe blootlê. Die prysgeld is meer as 19-miljoen Namibiese dollar en sy sal op 10 Desember saam met ander wenners ʼn medalje ontvang. 'n Woordvoerder van die Nobelkomitee, Anders Olsson, sê Kan is bekend vir haar boeke, The Vegetarian en Human Acts, en word wêreldwyd hoog aangeskryf.

Omgewingsregte-aktiviste, insluitende die Extinction Rebellion en Green Connection, sal vandag teen oliemaatskappye betoog by die Afrika-olieweek in Kaapstad. Hulle voer aan oliemaatskappye buit Afrika se hulpbronne vir eie gewin uit. Woordvoerder van Green Connection, Liz McDaid, versoek Afrikaleiers om weg te beweeg van fossielbrandstowwe en om te belê in hernubare energiebronne:

2024 se Nobelprys vir Fisiologie of Medisyne is toegeken aan twee Amerikaanse wetenskaplikes, Victor Ambros en Gary Ruykun, vir die ontdekking van mikroRNA en sy rol in die regulering van geen-aktiwiteit. Hulle navorsing toon verskillende seltipes kan bepaalde funksies verrig selfs met dieselfde genetiese inligting. Die belangrike ontdekking is gegrond op die rondewurm C. elegans. 'n Woordvoerder van die Nobelraad, Olle Kämpe, sê hierdie ontdekking is belangrik om siektes soos kanker en diabetes te verstaan.

Die regerings van Suid-Afrika en Lesotho sê hulle is voorbereid op die sluiting van ses maande van die Lesotho Hoogland-waterprojektonnel. Die minister van Water en Sanitasie, Pemmy Majodina, en haar ampsgenoot in Lesotho, die minister van Natuurlike Hulpbronne, Mohlomi Moleko, vra mense om gedurende hierdie tyd saam te werk om water en energie te bespaar teneinde ontwrigtings te beperk. 'n Woordvoerder van die Suid-Afrikaanse departement, Mandla Mathebula, sê omvattende maatreëls is ingestel om watersekerheid regdeur die instandhoudingswerk te verseker:

Die DA vra die minister van Verdediging en Militêre Veterane, Angie Motshekga, om die uitgawes van die Suid-Afrikaanse Nasionale Weermag aan luukse items te regverdig te midde van groeiende kommer oor sy prioriteite. Die party het sy besorgdheid uitgespreek oor die SANW se deelname aan ʼn duur musiekfees in Rusland wat belastingbetalers 15-miljoen-Suid-Afrikaanse rand uit die sak gejaag het. 'n Woordvoerder van die DA, Nicholas Gotsell, sê hierdie uitgawes doen afbreuk aan die kernmissie van die Weermag, om Suid-Afrika se grense te beskerm en die welsyn van soldate te verseker:

Die Nasionale Seereddingsinstituut waarsku dat onlangse swaar sneeuneerslae kan lei tot oorvol riviere. Met die naderende somer en skoolvakansies wat begin het, raai die NSRI Suid-Afrikaners en toeriste aan om ingelig te bly oor die jongste weervooruitsigte en om waterveiligheid toe te pas. Woordvoerder van die instituut, Craig Lambinon, versoek die publiek om bedag te wees op gevaarlike toestande langs waters aan die kus en in die binneland.

Die Amerikaanse Departement van Buitelandse Sake is verbind tot die verdediging van Israel teen terroriste-organisasies wat Hamas, Hisbolla en ander Iranse groepe insluit. Minstens 37 mense is dood en byna drie-duisend beseer in 'n vlaag van ontploffings in Libanon in 'n aanval wat Hisbolla se roepradio's en tweerigtingradio's geteiken het. Die verklaring van Amerika volg na die Israelse Departement van Verdediging 'n nuwe fase in die oorlog aangekondig het. 'n Woordvoerder van die departement sê hulle wil nie hê enige party moet die konflik eskaleer nie:

Klimaatsverandering en gure weerstoestande belemmer die vooruitgang in ontwikkeling, en bedreig die welstand van mense en die planeet. Dit is volgens vanjaar se United in Science-verslag wat deur die Wêreld Meteorologiese Organisasie gekoördineer is. Dit voorspel dat die aarde in hierdie eeu, onder huidige beleid, moontlik drie grade Celsius warmer kan word. ʼn Woordvoerder van die organisasie, Lauren Stuart, sê vordering in natuur- en geesteswetenskappe, asook nuwe tegnologie, kan ʼn groot rol speel in aanpassing by klimaatsverandering:

Die DA hou vandag ʼn Nasionale Dag van Aksie in al nege provinsies om protes aan te teken teen Eskom se voorgestelde elektrisiteitstariefverhoging van 36-persent. Dit volg na Eskom se aansoek om ʼn bykomende agt-miljard-rand in te haal met tariewe. Woordvoerder van die DA, Kevin Mileham, sê die verhogings is onbekostigbaar en benadeel Suid-Afrikaners. Hy beklemtoon die massa-optrede sal ʼn deurslaggewende parlementêre debat more vooraf gaan:

Die Vryheidsfront Plus in die Vrystaat sê munisipaliteite het die afgelope agt boekjare altesaam 3,8-miljard Suid-Afrikaanse rand se voorwaardelike toelaes verbeur. Die fondse wat vir infrastruktuur-probleme bedoel was, is aan Nasionale Tesourie teruggegee. ʼn Woordvoerder van die party, Armand Cloete, sê dit is terwyl riool deur die strate vloei, waterlekkasies groot verliese veroorsaak, paaie verbrokkel en noodsaaklike behuisingsprojekte onvoltooid is.

Die DA in Johannesburg is ontstoke oor die stad se toekenning van ‘n tender van 200-miljoen Suid-Afrikaanse rand aan ‘n maatskappy wat daarvan tereg staan dat hulle City Power met 94-miljoen-rand bedrieg het. Die maatskappy moet die ontploffingsterrein in Lilian Ngoyistraat herstel. Die party eis deursigtigheid, aanspreeklikheid en ‘n swartlys van maatskappye. Woordvoerder vir die DA, Belinda Kayser-Echeozonjoku, versoek ‘n volledige ondersoek om wanbestuur aan te spreek.

Die Basiese Onderwys-departement ontken bewerings van korrupsie met die vernuwing van die Nasionale Skoolvoedingsprogram. Hulle verwerp bewerings van inmengery in die tenderproses. Direkteur-Generaal, Mathanzima Mweli, sê die moderniseringsproses, wat veronderstel is om die doeltreffendheid en die waarde van die program te verbeter, is omvattend ondersoek en voldoen aan regstandaarde. Woordvoerder van die departement, Terence Khala, sê die proses was wettig en daarop gemik om leerders, klein ondernemings en plaaslike ekonomieë te bevoordeel:

Die Vryheidsfront Plus versoek ‘n omvattende opknapping van die strafregstelsel en swaarder strawwe vir gewelds- en seksuele misdade. Die oproep volg na die terugtrekking van Marius van der Westhuizen se parool, wat in 2011 gevonnis is nadat hy sy drie kinders vermoor het. Woordvoerder van die party, Heloïse Denner, vra vir ‘n hersiening van die paroolstelsel om te verseker dis regverdig en plaas groter waarde op die regte van slagoffers:

Action Society eis die onmiddellike skorsing van agt polisiebeamptes van die BBP-Beskermingseenheid van adjunkpresident Paul Mashatile, na vertragings en proseduriële kwessies in hulle saak van wangedrag. Hulle is verfilm toe hulle verlede jaar ‘n motoris op die N1 naby Winnie Mandela-rylaan aangerand het. Die organisasie kritiseer hulle voortgesette indiensneming as ‘n verkwisting van belastingbetalersgeld. 'n Woordvoerder van Action Society, Juanita du Preez, versoek die Onafhanklike Ondersoekdirektoraat van die Polisie om die publiek se vertroue in die strafregstelsel te herstel.

Kleinhandelverkope het volgens Statistieke Suid-Afrika jaar-op-jaar met 4,1-persent gestyg, wat beter is as vooruitskattings en dui op verbeterde verbruikersvertroue. Die toename volg op ‘n styging van 1,1-persent in Mei en ondersteun positiewe groei in die bruto binnelandse produk. Met inflasie laer op 5,1-persent verwag die Reserwebank om rentekoerse in September te verlaag, wat moontlik verligting aan verbruikers kan bied. 'n Woordvoerder van Statistieke SA, Raquel Floris, sê die groei word aangedryf deur laer brandstofpryse en beter verkope in supermarkte: