Podcasts about namibi

Die Namibiese afvaardiging by COP30 spreek tans uitdagings rakende klimaatsverandering in die land aan. Gesprekke is gevoer met die uitvoerende direkteur van die Fonds vir die Reaksie op Verlies en Skade Ibrahim Cheikh Diong, op die kantlyn van die beraad. Die woordvoerder van die Omgewingsbeleggingsfonds, Romeo Muyunda sê indringerbos en veldbrande het onder die loep gekom.

Namibië verskerp sy veldtog vir die top-pos by Interpol, met NamPol se generaal-majoor Anne-Marie Nainda wat vir die presidentskap staan terwyl die wêreldwye polisieliggaam voorberei om oor net twee weke nuwe leierskap te verkies. Nainda, tans Afrika se afgevaardigde op Interpol se uitvoerende komitee, het meer as 30 jaar se polisiëringservaring en kan slegs die tweede vrou word om die organisasie in sy 100-jarige geskiedenis te lei. Die verkiesing sal plaasvind tydens Interpol se Algemene Vergadering van 24 tot 27 November in Marrakesh, Marokko. Nampol se woordvoerder, adjunk-kommissaris Kauna Shikwambi, het met Kosmos 94.1 Nuus gesels.

Vandag vier die voormalige eerste dame van Namibië, Monica Geingos, haar verjaardag. Geingos, 'n toonaangewende voorstander vir jeugbemagtiging, geslagsgelykheid en finansiële insluiting, is onlangs ingehuldig as die stigterskanselier van Kepler College in Kigali, Rwanda. Sy sit steeds haar werk voort deur die One Economy Foundation en inisiatiewe wat pan-Afrikaanse leierskap en kankerbewustheid bevorder. Laimi Elago van die One Economy Foundation het 'n boodskap.

“Jy moet jou in die skoene van ʼn kind plaas en probeer om soos hulle te dink. Dit het tien jaar as joernalis gevat om my voor te berei vir die skryf van ʼn kinderboek.” Facebook · Toetentaal op Maroela Media

Die sentrale bank van Namibië is besig met 'n jaarlikse simposium vir die kreatiewe bedryf. Die simposium ondersoek hoe kreatiewe nywerhede volhoubare sakemodelle kan bou, toegang tot finansiering kan verkry en intellektuele eiendom kan beskerm. Die bespreking sal die befondsing, intellektuele eiendom en finansiële innoverings faktore ondersoek. By die opening het lynminister dr. Sanet Steenkamp die belangrikheid van die kreatiewe bedryf, onderstreep.

Die omgewingsminister, Indileni Daniel lei die Namibiese afvaardiging by die COP30-beraad in Belem, Brasilië. By ‘n kantlyngeleentheid het sy gepraat oor handel en belegging vir 'n lae-koolstof- en volhoubare toekoms. Volgens haar is Namibië se groenwaterstof inisiatiewe deel van die plan.

Vandag is Wêrelddiabetesdag en verskeie bewusmakingsveldtogte vind ook in Namibië plaas. Kosmos 94.1 Nuus het met Charlotte Thiele, 'n plaaslike dieetkundige en dosent, oor die stand van sake in die land gepraat. Diabetesgevalle styg in Namibië, met die jongste statistiek wat toon 4,27 persent van alle sterftes in 2020 is hieraan toegeskryf. Thiele verduidelik:

Die Europese Unie het 13 miljoen Namibiese dollar toegewy om die beplanning vir die uitbreiding van die Lüderitz-hawe by Angra-punt te ondersteun. Die ooreenkoms is onderteken met die Hawe van Rotterdam en Namport. Kosmos 94.1 Nuus het met Ana Beatriz Martins, die EU-ambassadeur in Namibië, gepraat wat die belangrikheid van die samewerking uiteengesit het.

Ekonoom Omu Kakujaha-Matundu waarsku dat Namibië se pogings om die dobbelbedryf uit te brei meer skade as goed kan doen. Dobbelinkomste het van net meer as 9 miljoen Namibiese dollar in 2022/23 tot 32 miljoen dollar verlede jaar gestyg. In 'n onderhoud met Kosmos 94.1 Nuus het hy gesê dat hoewel die regering nou hoop om teen 2030 meer as 100 miljoen dollar in dobbelinkomste te genereer onder die Sesde Nasionale Ontwikkelingsplan, die sosiale koste verwoestend kan wees.

Die Universiteit van Namibië het die eerste hoëronderwysinstelling in die land geword wat volle, gesamentlike akkreditasie van beide die Namibiese Kwalifikasie-owerheid en die Nasionale Raad vir Hoër Onderwys ontvang het. Na 'n streng nasionale hersiening bevestig hierdie mylpaal dat alle Unam-kampusse en nagraadse programme aan die hoogste nasionale en internasionale standaarde voldoen. Unam-woordvoerder Simon Namesho het met Kosmos 94.1 Nuus gepraat.

Die Teenkorrupsie-kommissie sê hy neem kennis van bewerings dat Fishrot omkoopgeld moontlik verdubbel het. Die Yslandse nasionale uitsaaier RÚV het berig dat ondersoekbeamptes in Ysland en Namibië nou skat dat die beweerde omkoopgeld toegeneem het van vroeëre ramings van ongeveer 203 miljoen Namibiese dollar tot ongeveer 408 miljoen Namibiese dollar. Die direkteur-generaal van die kommissie, Paulus Noa, het met Kosmos 94.1 Nuus gepraat en sê hy wag op die inligting.

Natuurlijk weten Elise en Pieter hoe het is om op Safari te gaan. Per slot van rekening maken ze er een podcast over. Maar soms weten ze het misschien wel eens een beetje ‘te' goed. Vinden ze dingen misschien, en ik zeg dit tussen aanhalingstekens' normaal, die dat helemaal niet zijn. En dus vonden ze het tijd om reisverhalen te laten vertellen in deze podcast door mensen die nét uit dat grote dierenbos vandaan komen! Mirjam en Edwin Riegman maakten een fantastische rondreis door Namibië en Botswana en vertellen daarover alles in aflevering 46.Shownotes De navigatieapp die besproken wordt id OsmAnd.GoogleAppleSocial Media Instagram: https://www.instagram.com/exploreafricacastFacebook: https://www.facebook.com/ExplorePodcast.nl 

Namibië word by COP30 verteenwoordig deur omgewingminister Indileni Daniel, saam met die Omgewingsbeleggingsfonds se uitvoerende hoof, Benedict Libanda. Hulle het die land se deelname aan drie hoëvlak-gesprekke gelei. Die sessies het gefokus op klimaatsfinansiering, gemeenskapsweerbaarheid en klimaatsgedrewe mobiliteit. Kosmos 94.1 Nuus het met die fonds se woordvoerder, Romeo Muyunda gesels wat meer inligting gee.

Die energieministerie nooi aansoeke uit vir sy Sonkrag-omwentelingsfonds, wat bekostigbare lenings bied om toegang tot skoon energie te bevorder. Sedert 2010 het die fonds meer as 5 700 hernubare energiestelsels gefinansier, en meer as 176 miljoen Namibiese dollar landwyd belê. Namibiërs kan nou aansoek doen vir lenings van tot 150 000 dollar vir kragnetwerkverbindings, 95 000 dollar vir klein besighede, en tussen 35 000 en 60 000 dollar vir sonkraggeisers, waterpompe en huisstelsels. Die lenings is teen 'n vaste rentekoers van 5 persent, terugbetaalbaar oor vyf jaar. Ministerie-woordvoerder Ten Hasheela het met Kosmos 94.1 Nuus gepraat vir meer.

Die Kommunikasieregulerende Owerheid van Namibië, Cran, waarsku teen die gebruik van Wi-Fi wat in openbare plekke soos hotelle, lughawens, restaurante, winkelsentrums en biblioteke aangebied word, en gratis toegang tot die internet bied. 'n Openbare Wi-Fi-netwerk kan óf oop, dus onbeveilig, óf geïnkripteer, of beveilig wees. Cran-woordvoerder Mufaro Nesongano het meer.

Reaksie word ontvang op die voorgestelde wysiging van die Petroleumwet wat beheer oor Namibië se olie- en gassektor te sentraliseer onder die president. Die stap is daarop gemik om besluite te versnel en 'n toegewyde regulatoriese eenheid vir die stroomop-bedryf in die Presidensie te vestig. Die eenheid sal ‘n direkteur-generaal hê en alle besluite sal berus by hom of haar. Kosmos 94.1 Nuus het met die direkteur van die Instituut vir Openbare Beleidsnavorsing gepraat, Graham Hopwood wat sê die tekens was daar dat sy dit sou doen. Hy sê verder hy glo president Netumbo Nandi-Ndaitwah se bedoeling is goed maar kan wel in die toekoms deur toekomstige presidente misbruik word.

By COP30 in Brasilië het Andrew Johnstone, uitvoerende hoof van Climate Fund Managers, Namibië se ambisieuse klimaatsverbintenisse onder die Parys-ooreenkoms geprys. Hy het die Namibia One Fund uitgelig, 'n gemengde finansieringsinisiatief wat openbare en private beleggings lok om die land se groenwaterstofsektor en infrastruktuur te versterk.

President Netumbo Nandi-Ndaitwah sê sy is tot nederigheid gestem oor Angola se besluit om 'n herdenkingsmedalje in die ereklas op die 50ste herdenking van die buurland se onafhanklikheid, postuum aan stigterspresident Sam Nujoma toe te ken. Die president het Dinsdag laatmiddag teruggekeer van Angola, waar sy die onafhanklikheidvieringe bygewoon het na COP30 se leiersberaad in Brasilië. Sy sê die twee lande het 'n uitstekende bilaterale verhouding gehandhaaf beide voor en na Namibië se onafhanklikheid. Die president is aan die woord.

Daar is kommer oor die verwydering van Artikel 110 uit die nuwe Verbruikerskredietwetsontwerp. Die artikel handel oor skuldberading, en volgens verbruikersregte-voorstanders sal die weglaat daarvan oorbelaste Namibiërs nie 'n billike kans gun om van finansiële nood te herstel nie. Kosmos 94.1 Nuus het met Victoria Raimond, die woordvoerder van Namfisa wat die wetsontwerp opgetrek het, gesels. Sy sê die finansministerie is besig om al die voorstelle en bekommernisse te oorweeg.

Die Ekonomiese Vereniging van Namibië, in vennootskap met die Hanns Seidel-stigting, het 'n openbare bespreking aangebied onder die tema: "Belegging in potensiaal: Hoe waagkapitaal en private ekwiteit Namibië se ekonomiese transformasie kan dryf". Tydens die sessie het die aanbieders die probleme uiteengesit waarmee entrepreneurs in die mark te kampe het. Nicole Maske, direkteur by Manta Ventures, het van hierdie uitdagings so beskryf.

Namibië se senior mansrugbyspan pak Samoa môre in hul tweede wedstryd by die finale Wêreldbeker-kwalifiseringstoernooi in Dubai, na 'n 22-15-verlies teen België. Om hul hoop lewend te hou, moet Namibië Samoa klop en dan op Samoa staatmaak om België op 18 November te klop. Die Namibiese Rugbyunie se direkteur van rugby, Jacques Burger, het oor die verlies besin en sê die span beplan om beter te vaar.

Onlangse besprekings rondom Namibië se Onderhoudswet het lig gewerp op 'n klousule wat werkende kinders spesifiek verplig om hul ouers finansieel te ondersteun. Hierdie klousule, wat wyd onbekend was, gee bejaarde ouers die reg om hul werkende volwasse kinders hof toe te neem in gevalle waar bewys word dat hulle nie vir hulself kan sorg nie weens redes buite hul beheer. Kosmos 94.1 Nuus het met Toni Hancox, die direkteur van die Regshulpsentrum, gesels.

Die informele sektor dra 12 persent aan die ekonomie by, meer as mynwese en met amper 60 persent van Namibië se werksmag wat 'n bestaan in die sektor maak, groei kommer oor die gebrek aan beskerming en duidelike beleid vir daardie werkers. Die sekretaris-generaal van die Namibiese Informele Sektororganisasie, Stefanus Matheus, het aan Kosmos 94.1 Nuus gesê dat baie werkgewers beweer hulle kan nie die nasionale minimumloon bekostig nie, wat lei tot afleggings wat meer mense na informele handel dryf. Matheus doen 'n beroep op die behoorlike implementering van nasionale beleid oor informele handelaars en wetgewing oor buitelandse verkopers.

Amptenare van Namibië en Duitsland hou tans driedaagse bilaterale onderhandelinge in Lüderitz oor NDP6 se teikens. Die direkteur-generaal van die Nasionale Beplanningskommissie, Kaire Mbuende, sê dat die twee lande weg moet beweeg van tradisionele bystand tot wesenlike beleggings in verskeie sektore. Die onderhandelinge sal na verwagting Donderdag afsluit. Mbuende het meer.

In reaksie op polisiehoof luitenant-generaal Joseph Shikongo se kommentaar dat daar geen wet is wat verbied dat Angolese bier en brandstof Namibië binnekom nie, maar dat daar wel streng prosedures is wat deur die polisie en die inkomste-agentskap NamRA gevolg moet wanneer goedere van die publiek gekonfiskeer word, het Kosmos 94.1 Nuus by die lynministerie aangeklop. Volgens Abednego Ekandjo, ‘n petroleum ekonoom, voer Namibië net 10- en 50ppm diesel in en 95 ULP-petrol. Dit is nie bekend of Angolese brandstof getoets word nie.

Die dr. Hage Geingob-snelweg, ‘n 21,3 kilometer lange vierbaan-snelweg tussen Windhoek en die Hosea Kutako Internasionale Lughawe-pad, is amptelik geopen. Die projek se derde fase, gebou deur China se Zhong Mei Engineering Group met 'n toelaag van byna 1 miljard Namibiese dollar, merk die laaste stap in 'n program wat die eerste keer in 2016 van stapel gestuur is. Die Chinese ambassadeur Zhao Weiping het gesê die pad is 'n mylpaal vir Namibië.

Die PDM-parlementslid Winnie Moongo het strenger beheer oor taxi-registrasie aangevra te midde van toenemende rooftogte en aanvalle in Namibië wat voertuie met vals of gekloonde nommerplate betrek. Moongo het vanmiddag in die Nasionale Vergadering 'n beroep gedoen op strenger toesig om die onwettige duplisering en verkoop van nommerplate en taxi-identifikasie te bekamp, en het die vervoerministerie versoek om dringende maatreëls te implementeer om die publiek se vertroue in die voertuigregistrasiestelsel te herstel.

Kabinet het volgens berigte in beginsel goedkeuring gegee vir Namibië se deelname saam met Angola en Botswana om aandele in De Beers te verkry. Dit kom terwyl Anglo American voorberei om sy aandeel in die diamantreus te verkoop. Voormalige Namdia-baas Kennedy Hamutenya sê Namibië moet die geleentheid aangryp. Hamutenya het aan Kosmos 94.1 Nuus gesê dat die huidige afswaai in die diamantmark 'n seldsame geleentheid vir Namibië bied.

Verbruikersregte-voorstander Milton Louw het kommer uitgespreek oor Namibië se nuwe Verbruikerskredietwetsontwerp. In 'n onderhoud met Kosmos 94.1 Nuus sê Louw dat die verwydering van Artikel 110 oor skuldberading, verbruikersbeskerming en waardigheid ondermyn. Hy waarsku dat sonder 'n gereguleerde stelsel om oorbelaste Namibiërs te help, duisende sonder 'n billike kans gelaat kan word om van finansiële nood te herstel.

Na die bevestiging deur die omgewingsministerie dat 37 renosters reeds vanjaar in Namibië gestroop is teenoor 28 verlede jaar, sê bewaringskundiges weer dat handel in renosterhoring gewettig moet word. Kosmos 94.1 Nuus het met Jaco Muller van die Rhino Momma-projek gepraat en hy sê die hoofrede vir die toename is omdat die prys van renosterhorings hoog bly – omdat dit gesmokkel word.

Na raming maak 58 persent van Namibië se werksmag hul bestaan uit die informele sektor. Dit is onthul deur die uitvoerende direkteur in die ministerie van finansies, Michael Humavindu. Humavindu het vanoggend tydens die bekendstelling van die verslag getiteld Diagnostics of Informality in Namibia gesê dat die informele sektor se bydrae tot die BBP teen 2025 op 26,5 persent staan. Ten spyte hiervan het hy gesê dat die sektor tans in 'n baie bestraffende regulatoriese omgewing funksioneer, nie as 'n vennoot wat bemagtig moet word nie.

Polisiehoof luitenant-general Joseph Shikongo sê daar is geen wet wat verbied dat Angolese bier, of “cuca”, en brandstof Namibië binnekom nie. Daar is wel streng prosedures wat deur die polisie en die inkomste-agentskap NamRA gevolg moet wanneer goedere van die publiek gekonfiskeer word.

Die waarnemende minister van nywerheid, mynbou en energie, Frans Kapofi, het Vrydag die nuwe Ankit Gems Namibia-fabriek ingewy. Dit is 'n hupstoot vir werkskepping en industriële groei. Die multimiljoen-Namibiese-dollar-fasiliteit beloof om plaaslike verwerking te verbeter en Namibië as 'n sterker speler in die globale edelsteenmark te posisioneer. Kapofi is aan die woord.

Die wêreld se energie-oorgang moet regverdig en verantwoordelik wees, sodat lande in verskillende ontwikkelingsfases nie agterweë gelaat word nie, het president Netumbo Nandi-Ndaitwah Vrydag tydens die COP30-klimaatberaad in Brasilië gesê. Sy het Namibië se strategie rakende dié kwessie uitgelig:

Die Pan-Afrika-parlement het weereens sy oproep vir die stigting van 'n Afrika-kredietgraderingsagentskap herhaal. Die stap word beskou as noodsaaklik om die vasteland se afhanklikheid van Westerse graderingstelsels te verminder. Tydens die Sesde Sitting van die parlement in Midrand, Johannesburg, het Namibië se adjunkspeaker, Phillipus Katamelo, die noodsaaklikheid van verpligte deelname van alle Afrikastate aan die Afrika-ewekniebeoordelingsmeganisme beklemtoon om ekonomiese geloofwaardigheid en beleggingsvertroue oor die hele vasteland te versterk.

Die debat oor die Grond-wetsontwerp duur voort in die parlement, met Swapo-parlementslid Nono Katjingisua wat dit 'n transformerende stap in Namibië se grondhervormingsreis noem. Katjingisua sê die wetsontwerp kan die ekonomiese potensiaal van gemeenskaplike grond ontsluit, landbou bevorder en boere langverwagte grondregte en toegang tot finansiering gee.

Dit weekend beginnen de Black Devils, onze nationale rugbymannen, aan het WK-kwalificatietoernooi in Dubai. Tegen Samoa, Brazilië en Namibië proberen ze een ‘historische' kwalificatie af te dwingen voor het WK 2027 in Australië, want nog nooit slaagde ons land erin om zicht te plaatsen voor de eindronde van het WK. Hoe groot zijn de kansen voor onze Black Devils? We vragen het aan Black Devil Toon Deceuninck en onze co-commentator bij de wedstrijden George McLachlan.

Namfisa is vereer met die toekenning vir uitstaande regulatoriese uitnemendheid tydens die 10de herdenking van die Leiers Sonder Grense se jaarlikse besigheidsberaad en internasionale eerbewyse, wat by die Hilton Hotel Windhoek gehou is. Die toekenning het Namfisa se uitsonderlike bydraes tot die versekering van finansiële stabiliteit, die bevordering van deursigtigheid en die beskerming van verbruikers binne Namibië se nie-bank finansiële sektor erken. Namfisa-woordvoerder Victoria Raimond het meer.

Die adjunkminister van internasionale betrekkinge en samewerking, Jenelly Matundu, het Namibiërs wat in die buiteland woon, versoek om by die naaste ambassade te registreer. Dit is noodsaaklik vir hul veiligheid tydens noodgevalle. Matundu het in die parlement gesê dat ambassades dikwels onregverdig gekritiseer word vir swak prestasie, maar dat hulle 'n sleutelrol speel in die beskerming van burgers en die bystand van diegene in nood in die buiteland.

Terwyl Angola en Botswana om meerderheidsbeheer van die De Beers-groep baklei, word Namibië aangeraai om deel te neem. Voormalige Namdia-baas Kennedy Hamutenya sê aan Kosmos 94.1 Nuus dat die besit van 'n belang in De Beers nie net oor die ontginning van diamante gaan nie. Dit gaan oor beheer van die hele ketting: eksplorasie, tegnologie, verspreiding, sintetiese diamante en globale kleinhandelsmerke.

Bestuursdeskundige Pius Dunaiski sê Namibië se gratis tersiêre onderwysbeleid is 'n welkome stap, maar waarsku dat dit kan negatief uitdraai as dit nie behoorlik geteiken word nie. In 'n onderhoud met Kosmos 94.1 Nuus het Dunaiski gesê die land se beperkte hulpbronne moet fokus op velde waar daar groot vaardigheidstekorte is, soos ingenieurswese, sielkunde, olie en gas, en landbou, eerder as om alle grade gelykop te befonds.

Krieket Namibië het sy groep vir die nasionale vrouespan, die Capricorn Eagles, aangekondig, wat na Thailand sal reis vir die IKR se Emerging Nations Trophy-toernooi. Namibië sal T20-internasionale wedstryde speel teen Tanzanië, die Verenigde Arabiese Emirate, Skotland, Nederland, Thailand, Uganda en Papoea-Nieu-Guinee. Die Capricorn Eagles het gekwalifiseer en berei voor vir hul eerste deelname ooit aan die 2026 Vroue T20 Wêreldbeker Kwalifiserende Reeks van 12 Januarie tot 2 Februarie in Nepal volgende jaar. Johan Muller, uitvoerende hoof van Krieket Namibië, het met Kosmos 94.1 Nuus gesels.

Paulus Mbangu, 'n onafhanklike lid van die Nasionale Raad, het kommer uitgespreek dat die stygende koste van onderwys in Namibië 'n duidelike teken is van swak hulpbronbestuur. Volgens Mbangu sukkel baie gesinne steeds met die toenemende uitgawes wat jaarliks met onderwys geassosieer word, ten spyte van die voorsiening van universele gratis basiese onderwys. Mbangu het hierdie opmerkings gemaak tydens 'n sitting van die Nasionale Raad waarin lede die huidige stand van Namibië se beleid vir universele gratis basiese onderwys gedebatteer het.

Namibië se privaatsektor kredietgroei het in September versnel en gestyg tot 5,9 persent jaar-op-jaar, die vinnigste tempo sedert Maart 2020. 'n Nuwe Simonis Storm-verslag toon dat die opswaai gedryf word deur sterker korporatiewe lenings, veral in landbou, mynbou en vervaardiging, aangesien laer rentekoerse steeds sake- en huishoudelike vertroue verhoog. Die totale kredietvoorraad staan nou op 122 miljard Namibiese dollar, wat dui op bestendige ekonomiese herstel ten spyte van volgehoue kostedruk. Simonis Storm-ekonoom Almandro Jansen het meer.

Polisieselle reg oor Namibië is gevaarlik oorvol. 'n Nuwe parlementêre verslag onthul ernstige oorbevolking, wat finansiële, administratiewe en gesondheidsuitdagings vir die polisie skep. Van 'n gebrek aan ruimte en vertraagde hofsake tot onbetaalde borgtog en beperkte regshulp, spandeer verdagtes weke, selfs maande, in aanhoudingselle wat bedoel is vir korttermyn-aanhouding. Die verslag is aan die Nasionale Raad voorgelê deur Phillemon Ndjambula, die voorsitter van die staande komitee oor Binnelandse Sake, Veiligheid, Grondwetlike- en Regsake.

Namibië is besig om na vore te tree as 'n leier in die omskakeling van natuurlike landskappe in verifieerbare koolstofkrediete, met vroeë projekte soos biochar in Grootfontein en regeneratiewe landbou in Maltahöhe wat reeds krediete internasionaal verkoop. Hoof van beleggings by Simonis Storm, Max Rix, skat dat die herstel van weivelde en die beheer van indringerbosse oor 1 tot 2 miljoen hektaar teen die vroeë 2030's jaarliks 0,5 miljoen tot 3 miljoen ton koolstof kan verminder. Hy het aan Kosmos 94.1 Nuus gesê dat dit moontlik 50 miljoen tot 300 miljoen Namibiese dollar in uitvoerinkomste per jaar kan genereer, konserwatief geskat.

President Netumbo Nandi-Ndaitwah lei Namibië se afvaardiging na Belém, Brasilië, vir COP30, die Verenigde Nasies se Klimaatsveranderingskonferensie. Sy het vanoggend vertrek. Presidensiële woordvoerder Jonas Mbambo het aan Kosmos 94.1 Nuus gesê dat Namibië se teenwoordigheid nie net praatjies is nie, aangesien die land droogtes, stygende temperature en veranderende reënval in die gesig staar wat voedsel- en watersekerheid bedreig. By die beraad sal die president ook planne aankondig om 'n streeksklimaatfinansieringsentrum vir Afrika aan te bied.

Namibië se handelstekort het verbeter tot 3,4 miljard Namibiese dollar in September, 'n afname van die 5,3 miljard dollar in Augustus en 5,7 miljard dollar in September verlede jaar. Maar kenners sê die land se uitvoerprofiel bly grootliks onveranderd. Ekonoom Gabriel Erastus het aan Kosmos 94.1 Nuus gesê dat hoë koste, regulatoriese struikelblokke en beperkte ondersteuning vir entrepreneurs die groei van plaaslike vervaardiging belemmer.

Nampol-woordvoerder adjunk-kommissaris Kauna Shikwambi waarsku Namibiërs om waaksaam te wees teen bedrieglike werksaanbiedinge, ook internasionaal, omdat dit toenemend as 'n dekmantel vir mensehandel gebruik word. In 'n onderhoud met Kosmos 94.1 Nuus het sy die publiek versoek om alle werksgeleenthede deur amptelike kanale te verifieer en enige verdagte aktiwiteite onmiddellik aan te meld. Dit volg op voorvalle in 2023, toe 31 Namibiese vroue onder die dekmantel van oorsese werk na Oman gelok is, en aan ernstige uitbuiting en onmenslike behandeling onderwerp is.

Terwyl die wêreld “Movember” vier, word mans aangespoor om beheer oor hul gesondheid te neem deur vir prostaatkanker getoets te word. Die Kankervereniging van Namibië sê prostaatkanker bly een van die twee mees gediagnoseerde kankers onder Namibiese mans, maar baie stel steeds toetsing uit weens stigma en ongemak. Die vereniging se uitvoerende hoof, Rolf Hansen, het met Kosmos 94.1 Nuus gepraat oor die belangrikheid van vroeë opsporing.