Noss chors

Chantadurs dal Cor viril Guardaval Zuoz, il cor viril da Zernez, da l'Engiadina Bassa e da la Val Müstair han giavischà chanzuns. Quest'emissiun porta varsaquantas chanzuns per chor viril. Da chanzuns fitg enconuschentas fin tar intginas melodias main derasadas datti d'udir in pau dal tut.

Il chor da giuvnas da la Surselva ha giavischà chanzuns. Chanzuns rumantschas, tuns englais, franzos e svedais ed anc bler auter - quest'ura chantica procura per gronda variaziun!

Uffants da Cuira e conturns ch'èn part da la scola da chant «STIMMWERKBANDE» han inoltrà lur chanzuns favuritas. L'emissiun porta varsaquants arranschaments da chanzuns da pop sco era chanzuns da chor originalas en differents lungatgs.

Durant il di da chant da l'«Uniun da chant Engiadina, Bregaglia, Valle di Poschiavo, Val Müstair» èn vegnids rimnads giavischs per l'emissiun «Noss chors». Quest'emissiun porta varsaquants «hits» da chor rumantschs ma era intginas chanzuns ch'èn betg uschè deresadas. Bun divertiment cun la schelta da las participantas ed ils participants dal di da chant che ha gì lieu ils 24 da schaner 2026 a Zernez!

Chantaduras e chantadurs da l'Engiadina e la Val Müstair han mess ensemen in'ura da chant da cor tenor lur gust. Da chant popular rumantsch enfin tar tuns cun autra tempra porscha quest'emischiun da tuttas sorts.

Il cumponist e dirigent preschenta ina schelta da sias cumposiziuns. L'emissiun «Noss chors» dat in'invista en l'ovra dal musicist cun fermas ragischs en il Grischun.

Noss redactur da musica Dominic Pohle giavischa chanzuns. In'ura chantica cun variaziun stilistica e linguistica: Da tuns populars rumantschs sur melodias da film fin tar chant popular finlandais plain schlantsch.

Il chor da senioras e seniors da l'Engiadina preschenta intginas da lur chanzuns da chor favuritas. In'ura cun chant popular rumantsch sco era ina u l'autra surpraisa cun autra tempra.

Rico Peterelli preschenta tuns da chor che al stattan spezialmain a cor. Quest'ura da «Noss chors» porta tuns Haydn, Orff, Verdi, Mozart ed anc blers auters.

In'ura cun giavischs d'uffants dal «Chor d'affons Sumvitg» e la «Scola da cant Surselva». Quest'emisssiun porta ina schelta da chanzuns per chor d'uffants giavischadas d'uffants e giuvenils da la Surselva - in'ura cun chant giuven en tut sias colurs.

Il dirigent Duri Janett preschenta ina tscherna da sias chanzuns preferidas. Ensemen cun il dirigent engiadinais porta quest'ura da «Noss chors» chanzuns da differents chors, differentas epocas en differentas linguas.

Il redactur da musica è creschì a Danis, in vitget che n'aveva pli baud betg mo in, dentat perfin dus chors maschadads. L'ura da «Noss Chors» cun giavischs da Hugo Schär porta varsaquantas chanzuns rumantschas en differents idioms sco era in u l'auter tun talian e franzos.

Il chor «patschifig» sa cumpona d'amias ed amis che vivan a Cuira ed han in colliaziun cun il mund rumantsch. L'ura da «Noss chors» porta ina variaziun da giavischs da la furmaziun che fa baingea gugent provas plain engaschament e perseveranza. Star patgific e da cumpagnia suenter las provas è dentant gist uschè impurtant per els.

Ils «Fränzlis da Tschlin» n'han betg mo tocs populars preferids, dentant era ina u l'autra chanzun da chor che als plascha. Ils giavischs da la furmaziun populara mussan quant varià che chant da chor sa esser. Da tuns or dal «Deutsches Requiem» da Brahms, ina u l'autra chanzun populara rumantscha enfin tar chant tradiziunal da la Bulgaria porscha quest'ura chantica in pau da tut.

Semperverds da Robert ed Armon Cantieni, da Men Rauch, Tumasch Dolf e Nuot Vonmoos. Jachen Prevost è redactur da musica tar RTR, ed el preschenta oz en l'ura da «Noss chors» sias chanzuns preferidas - e diversas da quellas ha el chanta dürant il temp da scola e dal studi, chanzun da cumpagnia e per star patgific. Bleras da quellas èn da l'Engiadina, chanzuns plain plaschair – e savens er cun blera melanconia, davart amur e sa laschar encrescher. Cumposiziuns da Robert ed Armon Cantieni, da Men Rauch, Tumasch Dolf e Nuot Vonmoos.

Durant la preparaziun per la concurrenza da cumposiziun a Vella han chantaduras e chantadurs raquintà da lur chanzuns preferidas. Il nov format da «Noss Chors» fa lieu per chanzuns favuritas da furmaziuns u singulas persunas. Quest'emissiun porta giavischs dal chor dal Festival da la chanzun rumantscha a Vella 2025 - chanzuns per ina e scadin!

Alexandra ed Andrea Peterelli enconuschan il mund da chors gia pitschnas ensi. Durant quest'emissiun da «Noss Chors» preschentan la chantadura Alexandra Peterelli e sia sora Andrea Peterelli ch'è educatura da musica per uffants pitschens, ina schelta da lur chanzuns da chor preferidas.

Duas giuvnas studentas da musica preschentan ina schelta da lur chanzuns da chor preferidas. Bigna Guler è creschida si a Brail. Per studegiar orgelin svizzer ha ella dentant fatg midada a Lucerna. Là ha ella tranter auter era emprendì d'enconuscher a la jodladra bernaisa, Daria Occhini. En l'ura da «Noss chors» preschentan las duas musicistas intginas chanzuns da chor che las stattan specialmain a cor.

Quest'emissiun porta giavischs dad ina e scadin. Il nov format da «Noss Chors» preschenta chanzuns favuritas da differentas furmaziuns u singulas persunas. Quest'emissiun porta in segund bouquet da giavischs da visitadras e visitaders dal Festival da la chanzun rumantscha a Vella. Bun divertiment!

Quest'emissiun porta giavischs dad ina e scadin. Il nov format da «Noss Chors» preschenta chanzuns favuritas da differentas furmaziuns u singulas persunas. Per quest'emissiun han visitadras e visitaders dal Festival da la chanzun rumantscha pudì inoltrar lur giavischs. L'emna proxima suonda anc ina segunda part. Bun divertiment!

RTR adattescha ses program ed uschè survegn era l'emissiun «Noss Chors» ina nov caracter. Da nov vegn l'ura chantica emplenida cun giavischa da qua e là. A partir d'immediat porta l'emissiun giavischs musicals da chors u era da singulas persunas ord la scena. A chaschun da festas, festivals e concerts duess ina e scadin avair la pussibiltad da contribuir a l'emissiun. Audituras ed auditurs che han gust da crear in'emissiun dastgan gugent scriver a la suandanta adressa: musica@rtr.ch. La redacziun da musica s'allegra da retschaiver posta! L'emprim «Noss Chors» cun nov format: in'ura varianta cun intgins favurits da nossa redactura da musica, Braida Janett.

En noss mintgadi plitost hectic emblid'ins mintgatant ils muments da calma. Culla musica dad oz envida Noss chors da prender peda per quests muments. Da «Tibie Paiom» fin tar chanzuns rumantschas sco «Consolaziun» da Gion Balzer Casanova datti d'udir oz in pau da tut. Tut las chanzuns han in ina ni l'autra moda in aspect spiritual che duai animar da tschertgar la quietezza en noss mund che è tut auter che quiet.

Ils dis vegnan pli curts, las temperaturas sa sbassan e la cuntrada mida colur: in indizi che l'atun è arrivà. Chanzuns che raquintan istorgias da questa stagiun emplainan l'emissiun da «Noss Chors». Igl è atun: ils dis èn vegnids pli curts ed ins senta ch'igl è vegnì pli fraid. Era tar «Noss chors» è l'atun arrivà. Differentas furmaziuns chantan chanzuns che raquintan istorgias da cuntradas d'aur, da randulinas che prendan cumià, da racoltas che èn finidas ed auter pli.

E puspè èsi temp da chatscha en Grischun. «Noss chors» preschentan oz chanzuns che raquintan da predas, culms ed auter pli. Seser sin il sez aut, observar l'ur dal guaud, sa schluitar tras il chagliom e suandar als fastizs da l'animal per savair dar la fin finala il culp perfetg. Era en «Noss chors» hai blers chatschaders che dechantan la bellezza da quest temp. Oz datti d'udir chanzuns che raquintan differentas istorgias che van a prà cun il temp da chatscha.

Ils chors virils han ina gronda tradiziun en il Grischun. Perquai è quest'emissiun deditgada a differents chors dad umens. En l'emissiun dad oz resunan ils bass, baritons e tenors da divers chors grischuns. Tranter auter il «Chor viril Surses», il «Cor viril Samedan» ubain il «Chor viril Trun». Ultra da divers chors datti d'udir er ina u l'autra furmaziun pitschna.

Oz chantan «Noss chors» da cuntradas, animals, muntognas, auas ed auter pli. Animals, fluras, plantas e bellas cuntradas èn da chattar dapertut en il Grischun. Quai ha inspirà poets e poetessas, scripturs e scripturas e cumponists e cumponistas. En quest'emissiun dechantan «Noss chors» la bellezza da la natira.

Sper varsaquantas ovras da gronds cumponists or da differentas epocas porscha l'emissiun da quest'emna er ina u l'autra cumposiziun classica main enconuschenta. Sco partenza datti in uschenumnà classicher or dal mund dals chors, l'«Abendlied» da Rheinberger. Sper intginas autras ovras fitg enconuschentas sco «Locus iste» u in «Stiller Nacht» datti d'udir era intginas perlas in pau main derasadas – in'ura cun classichers ed ina u l'autra noviza.

Differentas furmaziuns da dunnas emplainan l'ura da «Noss Chors» dad oz. Furmaziuns pitschnas ma era chors pli gronds procuran per tuns e suns plain vita e variaziun. Il Terzet Soreghina dat il culp da partenza en quest'emissiun deditgada a las dunnas. Durant l'emissiun pudain nus tadlar era divers chors grischuns sco per exempel il «Chor da donnas da Vaz», il «Chor da dunnas Suraua» u era il «Damenchor Chursüd». Ultra dals chors regiunals preschentan era divers chors internaziunals lur chanzuns.

Preparar ed exercitar chanzuns, tut tenor occurrenza sa preschentar avant ina giuria e sa chapescha star da cuminanza e s'inscuntrar cun chors d'autras regiuns – festas e festivals da chant èn adina gronds muments en ils chalenders dals chors. Dapi l'onn 1969 registrain nus festas da chant e musica. Nossas registraziuns chattais era sin nossa nova plattafurma «Playfestas». Quest'emissiun porscha ina tscherna da registraziuns d'occurrenzas da chant – varsaquantas dals ultims onns ma era intginas in zic pli veglias.

Differents chors grischuns preschentan oz ina schelta da chanzuns da tut gener: chanzuns enconuschentas, dentant era varsaquantas novizas. En l'archiv dad RTR sa chatta ina enorm gronda tscherna da chanzuns da chors. I sa tracta d'ina collecziun da chanzuns pli veglias fin da quellas actualas ch'èn vegnidas registradas durant ils ultims onns. En crusch ed en travers chantan oz differentas furmaziuns grischunas da tuttas sorts chanzuns. Dapli registraziuns da chors chattais era sin «Play Festas».

En l'emissiun «Noss Chors» na vegni per ina giada betg chantà per rumantsch, mabain per svedais, spagnol ed anc bler'auter. In viadi linguistic procura per in'ura chantica fitg varianta cun differents chors grischuns che mussan ch'els interpreteschan gugent era chanzuns en linguas estras.

Differentas furmaziuns vocalas grischunas s'inscuntran oz cun instrumentalists. In matg da chanzuns cun accumpagnament instrumental emplaina quest'ura da «Noss chors». Cun chanzuns sco «Jubilate Deo», «La nona fila» u «Stägeli uf – stägali ab» vegn quest'ura emplenida cun ina variaziun d'arranschaments per chor ed instruments. Sper il chant datti d'udir tuns e suns da clavazin, da chapellas popularas e d'auter pli.

«Noss chors» preschenta ina paletta da chanzuns tenor l'alfabet. Chant viv, calm e divertent procura per in'ura musicala fitg varianta. Differentas furmaziuns chantan chanzuns tenor l'alfabet. Dad «Abendlandschaft» enfin «Zu dir bin i ganga» preschenta Noss chors tar mintga bustab da l'alfabet ina chanzun. Questa ura da musica procura per ina gronda variaziun tranter quietezza e moviment.

Cun differenta musica deditgada a nossas valladas datti in'emissiun da stad plain moviment. Noss chors fa viadi da la Val Tujetsch enfin en l'Engiadina. Chors da diversas valladas grischunas chantan da muntognas, lais, flums ed autras bellezzas che nossa patria porscha. Sper diversas chanzuns che n'èn betg estras per nossas ureglias datti er ina u l'autra surpraisa main enconuschenta.

Ins di che intgins rumantschs sa laschan encrescher schizunt cura ch'els èn a chasa. Forsa perquai che lur ragischs èn uschè fermas? «Noss Chors» chantan oz da patria, derivanza ed origin. «Meis cumünet», «Es schöns Daheim» u «Miu vitg patern» èn trais chanzuns ch'èn part da l'emissiun dad oz. Quests titels tradeschan detg bain tge tematica che stat en il center da quest'ura. Gea – i sa tracta da l'amur per l'atgna patria. Insaquants cumponists e poets han sa laschà inspirar da quest sentiment. Ina tscherna da talas cumposiziuns emplainan l'ura da «Noss Chors» dad oz.

Cun differentas chanzuns da stailas, da la glina u simplamain da la quietezza da la notg datti oz in «Noss chors» per sa revegnir d'in mintgadi plitost hectic plain program. I vegn chantà rumantsch, tudestg, englais e franzos. Observar in tschiel plain stailas u tadlar la quietezza da la notg è bain insatge bel? Cun «Noss chors» datti oz in viadi tras la saira e la notg. Chanzuns calmas procuran per in'atmosfera da notg cun stailas, glina ed auter pli.

La stad è arrivada. Tge datti pli bel che da star sper in lai, in flum u dad ir a viandar en la muntogna? Ina paletta da chanzuns da stad procura per in'ura plain variaziun. «Noss Chors» dechantan la stad en tut sias fassettas. I vegn chantà dal sulegl, da las muntognas, d'esser ad alp u era da splers e fluras. Tuns en differentas colurs procuran per in'ura chantica plain atmosfera da stad.

Vuschs giuvnas procuran per in'emissiun frestga plain vita. Gea – chantar en in chor è cool! Chant giuven ha ina colur tut atgna. Quest'emissiun avain nus colurà cun musica da questa tempra. Vuschs giuvnas dal Grischun, da la Svizra ed era d'auters pajais preschentan insaquantas chanzuns en differentas linguas e differents stils.

Differentas furmaziuns da jodel emplaina l'ura da «Noss chors». I vegn chantà d'amur, da patria ed anc bler auter. L'emissiun porta chant da jodel plain variaziun. Chors pli gronds sco il «Frauenjodelchörli Stailalva» sco era furmaziuns pli pitschnas sco il «Jodelduett Seraina & Ladina Hug» u il «Jodelduett Pizokel» mussan ch'i vegn jodlà er en il chantun Grischun.

Chantar ensemen fa bain a l'olma, u betg? Noss chors ha rimnà ina schelta da chanzuns popularas rumantschas, tudestgas, franzosas e talianas. Ina u l'autra chanzun è segir era gia stada part d'in chant da cumpagnia ad ina u l'autra festa. Cun chanzuns sco «Mis Büeli», «Quattro cavai che trottano» fin tar «Tumasch da la pasch» u «Chante en mon coeur» datti in viadi popular cun variaziun linguistica. Sper insaquantas chanzuns fitg enconuschentas preschenta Noss chors era ina u l'autra melodia populara main renumada – tgi sa, forsa sa mida quai suenter quest'emissiun.

En noss mintgadi plitost hectic emblid'ins mintgatant ils muments quiets. Cun la musica dad oz envida Noss chors da prender peda exact per quests. Dad uraziuns da l'Africa dal Sid sco «Indodana» fin tar chanzuns rumantschas sco «Consolaziun» da Gion Balzer Casanova datti d'udir oz in pau dal tut. Tut las chanzuns cuntegnan en ina u l'autra moda ina sort calma che duai animar da tschertgar la quietezza en noss mund ch'è tut auter che quiet.

I sa di ch'il mais da matg saja er il mais da l'amur. Noss chors chantan perquai chanzuns da la charezza. Primavaira - la natira sa desda, las temperaturas vegnan pli chaudas ed ils dis pli lungs. Il medem capità sin ina moda er cun ils umans. Els sa legran, han plaschair da quest temp. Sentiments sa sveglian u sa dasdan puspè. Questas emoziuns vegnan er descrittas en chanzuns sco per exempel «Sch'eu füss ün'utschella», «La rosa mia» u «Tu sei la mia vita». En l'emissiun dechantan noss chors grischuns e rumantschs talas chanzuns.