Podcasts about cuira

Chantaduras e chantadurs han rimnà da tuttas sorts chanzuns. Consonus vokalensemble è in ensemble vocal svizzer che realisescha projects cun chantaduras e chantadurs cun experientscha. La furmaziun interpretescha musica da chor en tuttas colurs. Il dirigent da quest chor è Mauro Ursprung ch'è creschì si a Cuira.

A Cuira han giuvenils testà il stan da sajettar en vista a la Festa federala da tir. – Elena Luzio è l'emprima dunna a la testa da l'uniun purtadra dad RTR. – La natira sa dasda puspè en il Parc Naziunal Svizzer. – La terrada per ils hockeyans svizzers ha era agità ils fans a Cuira.

A Cuira ha brischà ina part dal guaud – Carmelia Maissen en l'emissiun 50:50 – Quiz en l'ascensur cun Carmelia Maissen

Cornelia Valentin è tiradura cun corp ed olma – restà èsi dentant adina mo in hobi. L'istorgia da la tiradura che ha oz 41 onns mussa co ch'il sport da tir po intgantar ed accumpagnar persunas sur decennis. Dapi var 25 onns è Cornelia Valentin fidaivla al sport da tir. Quai che ha cumenzà mo per casualitad en ses vitg nativ da Sent en l'Engiadina, è oz, en sia patria tschernida da Cuira, anc adina sia gronda passiun.

A Cuira sa mesiran gleiti tiradurs da tut la Svizra - Selina Gasperin e la nova scola da gimnastica.

Chantadur, dirigent, cumponist, pedagog da chant e promotur instancabel dal chant en Engiadina Jachen Janett è naschì il 1946 e creschì si a Tschlin, nua ch'il chant, la musica ed ils Janetts avevan ina rolla impurtanta. El ha frequentà il seminari da magisters a Cuira, ha studegià vinavant musica al conservatori da Winterthur ed ha fatg ina scolaziun da chant da solo, da diriger e da musica da scola. Dal 1976 fin sia pensiun ha el instruì musica a la scola media ed al Preseminari ladin a Samedan. Là, nua ch'el è sta blers onns magister ha el fundà in chor da scolars e manà quel durant blers onns cun grond success. Cun sia passiun per la musica ed il chant ha el pudì entusiasmar bleras scolaras e blers scolars per quest art. La cumprova è il success da quest chor en il rom da numerus concerts. Suenter avair lavurà blers onns en l'academia ha el bandunà quella ed è sa deditgà a divers projects musicals sco solist u sco dirigent. Dirigent e promotur dal chant e da la musica La fin dals onns 1960 ha el dirigì il chor maschadà da Zuoz e suenter blers auters en Engiadina. El ha fundà «La Cumbricula» ed il «Rudé da chant» ch'el ha manà a partir da la fundaziun il 1978 fin il 1987. Dapi lura ha el dirigì ensemen cun ses frar Duri Janett il chor fin il 2003. Jachen Janett è era uschiglio s'engaschà per il chant ed ils chors en Engiadina. El ha fundà il chor da l'Academia Engiadina e manà ils cors maschadads da Zuoz, La Punt, Champfèr, Samedan, il chor da scolaras e scolars Las Filomelas sco er il project da chor a Sent. Suenter il seminari da magisters a Cuira ha el studegià musica a Winterthur e Turitg (chant da solo, diriger e musica da scola). Dal 1976 fin la pensiun ha el instruì musica a la SMT/Preseminari ladin a Samedan. Jachen Janett è enconuschent sco chantadur, dirigent, cumponist e pedagog da chant. «Las Filomelas», «La Cumbricula» Jachen Janett è er stà il confundatur dal cor «Rudè da chant», ed en Engiadina ha el fundà e dirigì anc plirs auters chors: il Rudé da chant Engiadina, La Cumbricula, Las Filomelas da Samedan. El è er s'engaschà per il chant da chors dal vitg, quai cun ils chors: Cor masdo Zuoz, Chor da baselgia Adorf, Cor mixt Samedan, Cor masdo La Punt, Cor mixt Champfèr ed il «Proget da cor Sent».

Il chor da project da Cuira e conturn ha creà in'ura cun musica en tuttas colurs. En connex cun lur project «CHURMIXT GOES POPSONGS» - ina cooperaziun cun «Jazz Chur» ha il chor da project da Martina Hug mess ensemen in'ura cun chant tenor lur gust.

Ditg era l'avegnir intschert, ussa vegn l'archiv grischun per la cultura da dunnas in nov dachasa. En in meglier lieu en il cor da la citad veglia da Cuira duain las biografias da dunnas grischunas esser accessiblas.

La «Primavera» a Glion è stada bain visitada – La Higa a Cuira cun nove record da visitaders.

La plaiv da Tujetsch ha dispensà per immediat ses catechet – Co èsi vegnì tar l'incendi da guaud a Brusio? – Era Zuoz ha ditg Gea a la Sanadura – La 66avla higa è l'ultima giada en la halla da la citad da Cuira

René Oswald e sia passiun per musica ed instruments da plirs tschentaners Ils Oswalds da Müstair Musica populara ed instrumentala en la Val Müstair, quai èn ils Oswalds. Ina famiglia cun blers musicants. In dals pli enconuschents è Sarin Oswald, musicant e cumponist da blers semperverds populars sco « Salüds a Müstair a Müstair», «Il valser dal postigliun», «Sül Alp Zadra» ubain «Il juven Jauer». Sin questa fotografia dal 1972 èn da vesair blers dals musicants dals Oswalds, er René, il pli giuven da tuts. Ils Oswalds da Müstair èn ina gronda famiglia - e fitg musicala. In dals impurtants è stà Sarin Oswald, annada 1902, suandà da ses figls Sigi, Josef, Ludwig, Walter ed Alois. Els eran musicants populars passiunads ed enconuschents e persunalitads impurtantas da la musica populara da tut il Grischun. Per exempel Ludwig, er el in cumponist da vaglia ed enconuschent cun sia chapella. Il pli giuven dals figls da Sarin è René che ha sa fatg in num sco interpret professiunal, surtut en la musica classica. René Oswald, sia carriera, sia musica a ses instruments. El è naschì a Cuira sco pli giuven da diesch uffants d'ina famiglia da musicants. Sias emprimas uras da clarinetta ha el survegnì da ses bab Sarin, in instrumentalist enconuschent e cumponist che ha cumponì blers tocs, en spezial dal sectur da la musica populara. Oz, blers onns pli tard e sco musicist da professiun, fa René Oswald blers concerts en tut l'Europa.. El ha studegià a l'academia da musica ed al conservatori da Turitg e a l'academia da musica Basilea. Impuls prezius ha el survegnì dal professer Ewald Koch en la Germania da l'ost ch'al ha introducì en il mund dals tuns da la scola da clarinettas tudestga. René Oswald è il purtader dal premi da la regenza dal chantun Grischun. Activitad da concerts en Svizra ed a l'exteriur El è sta sin ils palcs da la Wigmore Hall a Londra, en Austria e Germania – ed ha fatg registraziuns radiofonicas en Svizra ed en Austria. El è er stà docent da curs internaziunals per clarinettas istoricas e modernas. «In musicist che fa concerts è in sportist d'elita. Sche jau n'exercitesch betg mintga di: l'emprim di m'accorscha jau, il segund mia dunna ed il terz di tut tschels» Ses repertori Quel cumpiglia sin la clarinetta tut ils stils da la classica tempriva Johann Melchior Molter fin a la litteratura da standard da Mozart, Weber, Spohr e Hindemith. In da ses engaschaments impurtants è la musica contemporana. Numerus cumponists han scrit per el ovras: Jürg Brüesch, cumposiziuns per clarinetta e clavazin; Mario Giovanoli, solo per clarinetta; Gion Antoni Derungs, concert per clarinetta ed ulteriuras ovras per clarinetta e clavazin; Meinrad Schütter, tocs da solo per clarinetta ed ulteriuras cumposiziuns per clarinetta e clavazin. René Oswald sa deditgescha cun gronda premura al sunar sin la clarinetta en es fin al corn da basset.

Respiraziun è veta e tango è forsa per Pina Augustin respiraziun. Per la terapeuta da respiraziun ha la dretga respiraziun ina forza enorma. Forza dattan a la dunna oriunda d'Alvaschagn er il tango e la natira. Pina Augustin (64) è terapeuta da respiraziun. La dretga respiraziun haja ina forza enorma, di la terapeuta ch'è creschida si ad Alvaschagn. Cun la dretga respiraziun pon divers aspects da la vita vegnir meglierads. Quant ferm che la respiraziun vegn dentant negligida en il mintga-di, quai vesa ella en sia pratica a Cuira. Ina giada ha ella emprendì da scolasta primara, suenter trais onns instrucziun ha ella decidì dad ir ad alp e da bandunar l'instrucziun. Ella ha cumenzà la scolaziun da terapeuta da respiraziun ed ha chattà sia clamada.

Selina Solèr da Mustér lavura en la Clinica psichiatrica da giuvenils a Cuira sco pedagoga d'uffants. Ella sezza ha er patì da depressiuns ed ha cun 30 onns survegnì la diagnosa ADHS. Selina Solèr di da sasezza ch'ella è fitg directa e cunquai è ella mintgatant da memia per blers. Quai ha procurà per grevs temps, er gia en scolina e scola. «Blers vegnan gnanc suenter perquai che tut sto ir svelt tar mai», di Selina Solèr en il Profil. Uss po ella regular quai meglier. Quest sa cuntegnair ha procurà per resistenza tar ils auters ed ella è sa retratga adina pli fitg, quai che n'ha betg fatg bain ad ella. Quai è ì uschè lunsch ch'ella na pudeva betg pli durmir e la finala betg pli lavurar. Il resultat era ina depressiun. Per sia lavur cun uffants e giuvenils en la Clinica psichiatrica da giuvenils a Cuira po ella profitar da sias experientschas. «Jau sai sco igl è da betg pudair durmir la notg», di Selina Solèr.» Ed ella sa er tge sforz ch'i dovra en questa situaziun per be far ina chaussa al di, per exempel far la duscha e che quai è gia insatge grond. Tgi che lavura en ina clinica psichiatrica, ina clinica acuta, sto esser resistent a stress. La situaziun po sa midar d'in mument sin l'auter. Ins na sa betg cura ch'insatgi nov vegn e cun tge problems. Sper quai han er pazientas e pazients ch'èn gia en la clinica basegns. Ed er sch'igl è uss gist tut en urden, po la situaziun cupitgar d'in mument sin l'auter.

«Quai chi's da da cour vain eir da cour – far musica cun plaschair e far plaschair a la glieud». El fa musica dapi sia uffanza, ha sunà en diversas chapellas e surtut cun sia chapella da famiglia dals Ernis – e quai bleras sairas e notgs per bals da Bumaun, da Mattinadas e Chalandamarz, per gruppas da sauts populars e festas. Jachen Erni ha passenta sia uffanza a Tschlin, e ses bab Anton saja sta sever, pero veva er la devisa: «Quai chi's da da cour vain eir da cour». Ils Ernis faschevan da pur ed ils uffants vevan da gidar, quai era uschia quels onns. Jachen ha fatg il giarsunadi da dissegnader da fabrica a Scuol, ha er lavurà là, è sta pli tard manader dal district da l'uffizi da stimaziun da chasas e lura fin pro sia pensiun manader dal uffizi chantunal a Cuira. E lura: return in Engiadina. Jachen Erni ha 80 Uss datti in motiv per far festa: Ils 14 da mars è sta l'80avel anniversari da Jachen Erni, e perquai avain nus fatg ina visita ad el. L'emprim a Tschlin, ses lieu da naschientscha. En la baselgia da San Plasch, davant sia chasa paterna cun numer 72, e lura pro l'ustaria Macun, ch'el e sia dunna Annina han manà divers onns. «Asen o tschiainder» - da Tschlin a Sent? Segunda staziun: Sent, il lieu da naschientscha da ses geniturs e nua ch'el ha er fatg savens musica – e per finir a Scuol, nua ch'el viva oz cun sia dunna Annina. El raquinta da sia uffanza a Tschlin, da la chapella da la famiglia Erni, ils bals, sunar polcas, galops, hoppers, mazurcas e schottischs per las gruppas da sauts. «Las melodias dals randulins» Avant 6 onns ha el publitgà in disc ed in cudesch remartgabel davart las influenzas da l'Italia sin la musica populara da l'Engiadina, per exempel dals musicants e cumponists Rinaldo Franci e Cla Genua. El scriva: «La musica populara da l'Engiadina ha ses tun tut agen, precis sco la val che ha ses ritmus tuttafatg agen». En quest cudesch sa regorda Jachen Erni da sia uffanza e giuventetgna e preschenta ses resultats da perscrutaziun musicals. In fundus da notas che demussa per l'emprima giada quant fitg che la musica populara engiadinaisa è influenzada er da l'auta cultura taliana, e quant impurtants ch'ils Randulins èn stads per questa val e sia musica. «Forsa però viva la musica populara engiadinaisa inavant illas avainas dals umans chi tilla dan inavant a lur uffants ed abiadis sco part dad ün'identità geografica, d'ün'appartgnentscha e sco part d'ün'istorgia chi ha dat la taimpra ad üna vallada intera». El s'engascha er a favur dal center da furmaziun chasa Fliana a Lavin, per la fundaziun «Pro baselgia San Niclà».

Survista sin ils resultats da las quatter votaziuns federalas, cun focus spezial sin l'iniziativa SRG SSR – Survista da las votaziuns communalas – Cuira refusa ulteriur credit per las pendicularas Brambrüesch

Corsin Demarmels (52) chanta, suna e sa mova gugent – da stad cun il velo ed adina pli gugent cun il velo da cursa. Ma d'enviern il pli gugengt cun far passlung al Maraton da skis engiadinais – e quai gia per la 26avla giada. Passlung, musica e cant Corsin Demarmels sa mova, canta e suna gugent. Da stad è el da viadi cun il velo ed adina pli gugent cun il velo da cursa. D'enviern è il passlung sia gronda amur – ensumma saja il passlung il sport da famiglia. “Far sport dat energia” ed il pli tard in per meters sieva da la partenza dal marathon saja co in sentiment tut special. Quai saja er il motiv pertge che l'um da 52 onns va schon per 26avla giada a la partenza. Il cant en il Chor viril Surses saja insatge per l'olma ed il sunar la posauna bass en la Musica instrumentala Salouf, Mon, Stierva saja mademamain insatge per cuminanza ed olma, raquinta l'um cun atgna fatschenta a Cuira, ch'ha schon reglà ussa sia successiun da la firma.

Ils candidats per la regenza sin pista a Lai - limitaziuns per bleras aulas a Cuira - podcast ch'ha procurà per lingias grossas.

«Igl è brutal a Cuira – crack-city, effectiv». Sche pertutgadas e pertutgads discurran uschia da lur citad, na sa lascha il problem betg pli ignorar. Il film mussa co che l'atmosfera en il Stadtgarten a Cuira, ina da las grondas scenas da drogas avertas en Svizra, è sa midada ils ultims onns. Dapli persunas, dapli agressivitad, dapli delicts. Tut quai è la consequenza dal crack che ha remplazzà per gronda part il heroin ed autras substanzas. Ma ussa datti nova speranza a Cuira. Mez mars vegn avert il nov local da consumar. Las spetgas èn grondas. In sguard en il local a Turitg mussa ch'il concept po funcziunar. A Cuira èn las consumentas ed ils consuments dentant anc fitg sceptics. -------------------------------------------------------------------------------------------- «Es ist brutal in Chur – Crack-City, effektiv». Wenn Betroffene so über ihre Stadt sprechen, lässt sich das Problem nicht mehr ignorieren. Der Film zeigt, wie sich die Stimmung im Stadtgarten Chur, einer der grossen offenen Drogenszenen der Schweiz, in den letzten Jahren verändert hat. Mehr Personen, mehr Aggressivität, mehr Delikte. All das ist die Folge des Cracks, das Heroin und andere Substanzen weitgehend ersetzt hat. Doch nun gibt es in Chur neue Hoffnung. Mitte März wird der neue Konsumraum eröffnet. Die Erwartungen sind hoch. Ein Blick in das Lokal in Zürich zeigt, dass das Konzept funktionieren kann. In Chur ist die Skepsis bei den Konsumentinnen und Konsumenten aber noch gross.

Dapi l'onn 1960 è ina gronda collecziun da fotografias veglias dal Grischun stada emblidada en il tschaler dal Museum da la communicaziun a Berna. Ussa turna quest stgazi puspè a chasa en la Fundaziun grischuna per la fotografia a Cuira: 50 000 fotografias istoricas da l'anteriura stamparia a Samedan Engadin Press. I sa tracta cunzunt da fotografias da l'Engiadina enturn il 1900. Ellas dattan novs sguards en il passà: sguards davos las culissas dal turissem glamurus da quella giada. -------------------------------------------------------------------------------------------- Seit 1960 war eine grosse Sammlung mit alten Fotografien aus Graubünden im Keller des Museums für Kommunikation in Bern vergessen. Nun kehrt dieser Schatz nach Hause in die Fotostiftung Graubünden in Chur zurück: 50 000 historische Fotografien von der ehemaligen Druckerei Engadin Press in Samedan. Es handelt sich dabei vor allem um Fotografien aus dem Engadin um 1900. Sie geben neue Blicke in die Vergangenheit: Blicke hinter die Kulissen des aufkommenden, glamourösen Tourismus.

Uffants da Cuira e conturns ch'èn part da la scola da chant «STIMMWERKBANDE» han inoltrà lur chanzuns favuritas. L'emissiun porta varsaquants arranschaments da chanzuns da pop sco era chanzuns da chor originalas en differents lungatgs.

Flurin Caviezel ha festivà dacurt ses 70 avel anniversari. En l'«Artg musical» raquinta el da las differentas staziuns da sia biografia musicala. Flurin Caviezel è naschì ils 8 da schaner 1956. Il musicist e cabarettist è creschì si a Ramosch, en Bergiaglia ed a Cuira. Cumenzà a far musica aveva el ensemen cun ses frar Nott che sunava la clarinetta. Per avair anc in pau accumpagnament èsi immediat stà cler che il giuven Flurin survegnia en maun in accordeon. Lur musica da lez temp: la musica populara. Era sche il musicist e cabarettist ha en il decurs da sia vita fatg varsaquants excurs en munds da musica da tut gener esi cler per el: la musica populara è era oz anc sia musica dal cor.

L'inscunter da chapellas è in eveniment cun gronda tradiziun. L'emprim è vegnì organisà il 1965 sin iniziativa dal musicant e cumponist Hans Niederdorfer. El era stà a Turitg ad in inscunter da chapellas ed ha pensà che quai as pudessa er organisar en il Grischun. Quella giada deva bleras chapellas, pero i mancava in eveniment per sa scuntrar, preschentar tocs novs e vegnir da enconuscher chapellas giuvnas. Ditg e fatg: l'emprim inscunter è sta en il «Marsöl» a Cuira, in grond success ed ina vaira festa. Quella giada en il «Marsöl» a Cuira e moderà aveva Wysel Gyr, ina da las persunalitads impurtantas da la scena da la musica populara, surtut pervia da sia emissiun da televisiun «Für Stadt und Land». Pli tard han lura preschenta Burtel Bezzola, Roger Thiriet, Regina Kempf e Beat Tschümperlin l'inscunter da chapellas. Gia a partir da l'emprima ediziun è quel vegnì registrà dal radio DRS/SRF, pli tard er en collavuraziun cun RTR. Dapi il 1992 è quel inscunter en il Forum im Ried a Landquart che porscha plazza a var 600 persunas. Als 10 da schner è sta il 60avel inscunter da chapellas, e participà han questa giada bleras chapellas grischunas, per festegiar il giubileum: las chapellas cuntschaintas Stelser Buaba, GrischArt, Oberalp, Bergüner Ländlerfründa, Grischuna, Alp Stätz, ils Prättigauer Ländlerfründa, ils Schwyzerörgelifründa Felsberg, ils Grischuna-Örgeler il Trio Duranand, LEnglerkapellä – e dal chantun Berna ils quartets d'orgelets UrWurzu e Längenberg ed il quartet da jodlar Alpenrösli da Heimenschwand.

Nadal stat avant las portas ed er il Grischun retschaiva in regal da Nadal. In regal prezius che vegn da Berna, dal Museum da communicaziun: i sa tracta da 50'000 fotografias istoricas, registradas dal 1880 fin 1950. Quella collecziun da la Stamparia Engiadinaisa/ Engadin Press a Samedan è ina da las pli grondas collecziuns da fotografias veglias da noss chantun – ina (pitschna) sensaziun! Quest relasch vegn uss surdà en etappas a la Fundaziun grischuna per la fotografia a Cuira. La «Marella» sa metta a la tschertga da l'istorgia da quest stgazi.

Co fan ins ina chanzun? Chantar ina chanzun? Nagin problem. Accumpagnar ella cun clavazin? Schon in zic pli grev. Ma co fan ins insumma in'endretga chanzun professiunala per laschar ir ella al radio? Per chattar ora quai è Anna sa messa sin via en il studio da musica da Sandro Dietrich a Cuira. Ensemen cun Ivo Orlik, pli enconuschent sco rapper Giganto, ha Anna scrit, chantà e rappà il nov hit dal «Minisguard». Wie macht man einen Song? Ein Lied singen? Kein Problem. Es mit dem Klavier begleiten? Etwas schwieriger. Aber wie macht man eigentlich ein richtiges, professionelles Lied, das ins Radio kommt? Um das herauszufinden, hat sich Anna auf den Weg ins Musikstudio von Sandro Dietrich gemacht. Zusammen mit Ivo Orlik, besser bekannt als Rapper Giganto, schrieb, sang und rappte Anna den neuen Hit für «Minisguard».

Il chor «patschifig» sa cumpona d'amias ed amis che vivan a Cuira ed han in colliaziun cun il mund rumantsch. L'ura da «Noss chors» porta ina variaziun da giavischs da la furmaziun che fa baingea gugent provas plain engaschament e perseveranza. Star patgific e da cumpagnia suenter las provas è dentant gist uschè impurtant per els.

30 maratons en 30 dis. Il davos mais è Ruedi Frehner currì 1291 kilometers per rimnar daners per la Fundaziun Sonnenschein, che sustegna uffants ch'han cancer e lur famiglias. Igl è in dals gronds projects ch'il Sursilvan ha organisà, dapi ch'el ha fundà il 2011 sia atgna fundaziun «Ruedi Rennt». Dapi dus onns è Frehner pensiunà, quai suenter avair lavurà passa 30 onns sin banca, il davos sco manader da la banca UBS a Cuira. Oz è Ruedi Frehner dentant er anc da viadi sco moderatur e speaker tar occurrenzas da sport. Sia vita è fixada cumplainamain sin sport e famiglia.

… e co Andrea Todisco e Dominik Zehnder embelleschan il bajetg da la Dretgira superiura a Cuira cun art.

Discussiuns sveglia la brev che la regenza grischuna ha scrit a las vischnancas avant la votaziun davart l'ospital a Samedan. E la halla da glatscha a Cuira ha gia vis megliers onns - ussa dovri perfin mesiras d'urgenza.

Mintga di vegnan publitgads trais artitgels redacziunals per in e scadina. Co vesa la Somedia questa nova purschida? – Ils Dis da litteratura èn stads per l'emprima giada a Cuira. Ha la midada davent da Domat funcziunà?

Jon Fadri Tönett dad Ardez è scrinari e restauratur, el è musicant, chantadur, e tranter auter era president da la vischnanca burgaisa da Scuol. Jon Fadri Tönett n'è dentant betg mo apicultur, ma era custodi. En il suler da sia chasa tipica engiadinaisa cun ina gronda porta e cun arvieuts a crusch stattan veglias stgaffas cun picturas u entagls d'annadas. Ina da quellas stgaffas veglias è perfin vegnida salvada dals proprietaris d'antruras dal grond fieu a Sent l'onn 1921. En il suler da la chasa da Jon Fadri Tönett ad Ardez stattan però er in gìun, vaiders cun mel d'avieuls, veglias iseglias ed inquala antiquitad sco per exempel chalderas d'arom. Il suler da la chasa engiadinaisa da Jon Fadri Tönett è quasi in spievel dals interess dal giast dal «Profil». Creschì si è Jon Fadri Tönett ad Ardez en Engiadina Bassa. Ensemen cun dus fragliuns pli giuvens ha el passentà ina bella uffanza. Gia baud ha Jon Fadri Tönett decidì da vulair emprender il mastergn dal falegnam. Sche insatge era rut a chasa, cumadava quai il giuven Jon Fadri. Suenter il giarsunadi e las emprimas experientschas tar ina falegnamaria a Cuira è el alura turnà en Engiadina Bassa. E dapi blers onns lavura il giast dal «Profil» en ina falegnamaria ch'è spezialisada sin restauraziuns. Bleras stgaffas, blers balcuns torts, bleras stgalas e fanestras, bancs pigna, palantschieus e plafonds en Engiadina Bassa èn vegnids restaurads da Jon Fadri Tönett.

Tgi n'enconuscha betg quest sentiment da betg propi sa sentir bain perquai che tut enturn ins è anc ester e nunenconuschent. Ins è en in nov lieu, n'enconuscha betg la glieud e chapescha forsa gnanc tge ch'ella di. Quest sentiment che blers enconuschan magari da las vacanzas, enconuscha Anja Caminada (43), oriunda da Vattiz, fitg bain da sia lavur. Ella è numnadamain scolasta da classa integrativa da lungatg a Cuira, nua ch'ella gida ad uffants d'auter pajais da sa sentir in zic pli fitg da chasa tar nus cun mussar tudestg. Quant gronda che questa sfida è magari sch'ils uffants vegnan dals pli differents pajais dal mund, dentant er quant bel ch'igl è, sche l'entir mund è sin visita, raquinta la mamma ch'ha duas giadas schumellins e ch'è dapi dus onns separada da l'um en il “Profil” da questa sonda.

En il museum pon ins guardar ed era tutgar da tuttas sorts chaussas: Spadas vegliandras dal temp dals Romans e vaschella da crap, ma er chaussas pli novas sco in dals emprims tschitschapulvra u ina da las emprimas maschinas da mulscher ch'igl ha dà en il Grischun. Ronja ha chattà il vegl telefonin da sia tatta – anc in senza camera e cun tastas – e pensà che quel fiss segir insatge per il museum. Perquai va ella cun il vegl telefonin en il Museum retic a Cuira. Ed era sch'ella chatta svelt ina plazza per quel en il museum – èsi ina lunga via fin ch'il telefonin dastga lura propi vegnir exponì. Cun il directur dal museum, va Ronja er en il deposit sutterran cun passa 100'000 chaussas che tutgan al museum. Im Museum kann man allerhand Sachen bestaunen und sogar anfassen: Vom uralten Römerschwert oder Steingeschirr, aber auch neuere Sachen wie einer der ersten Staubsauger oder eine der ersten Melkmaschinen, die es in Graubünden gegeben hat. Ronja hat das alte Handy ihrer Grossmutter gefunden und sich gedacht: Na, wenn das nicht ins Museum gehört! Deshalb bringt sie das Handy zum Rhätischen Museum in Chur. Obwohl sie schnell einen Platz dafür in der Ausstellung gefunden hat, ist es ein langer Weg, bis das alte Handy wirklich ausgestellt werden darf. Zusammen mit dem Museumsdirektor besucht Ronja auch das unterirdische Depot, wo das Museum über 100'000 Objekte gut geschützt aufbewahrt.

Betg mo ina presa, mabain in orcan da punk dovria noss temp, di la reschissura grischuna Magdalena Nadolska. A questa conclusiun vegn ella en vista ad ina societad che fa pauc, malgrà la crisa dal clima, malgrà la democrazia che va en muschna en l'America ed en blers pajais da l'Europa, malgrà populissem, femicidis e guerras. Tut quai furma la basa per il toc «Monokali Polypunk» ch'è da vesair actualmain en il teater da Cuira. Betg «peace and love», mabain punk saja la medischina necessaria per svegliar ina societad durmentada, di Magdalena Nadolska ed includa era sasezza. Malgrà tut las crisas actualas capitia pauc u nagut. Perquai punk. L'essenza dal punk saja la gritta e la gritta saja la forza che mettia l'uman en acziun. Uschia è naschì il project che ha manà al toc da teater «Monokali Polypunk».Il toc han scrit Flurina Badel e Gianna Olinda Cadonau. Era per ellas èsi cler: I na va betg per far reviver in'energia dals onns 1970, mabain per chattar il punk dad oz. Ma co tuna e co vesa or il punk da l'onn 2025? Il film dals Cuntrasts «Ina prisa punk» prenda si questa dumonda. El lascha vegnir a pled acturas ed acturs, la musicista, las auturas e la reschissura e mussa tge furma ch'il punk dad oz pudess avair. --------------------------------------------------------------------------------------------Nicht nur eine Prise, unsere Zeit bräuchte einen Punk-Orkan, sagt die Bündner Regisseurin Magdalena Nadolska. Zu diesem Schluss kommt sie angesichts einer Gesellschaft, die wenig tut, trotz Klimakrise, trotz der zerfallenden Demokratie in Amerika und in vielen Ländern Europas, trotz Populismus, Femiziden und Kriegen. All dies bildet die Grundlage für das Stück «Monokali Polypunk», das derzeit im Theater Chur zu sehen ist. Nicht «Peace and Love», sondern Punk sei die notwendige Medizin, um eine schlafende Gesellschaft aufzuwecken, sagt Magdalena Nadolska und schließt sich selbst mit ein. Trotz aller aktuellen Krisen passiere wenig bis gar nichts. Deshalb Punk, denn dessen Essenz sei die Wut und Wut sei die Kraft, die den Menschen ins Handeln bringt. So entstand das Projekt, das zum Theaterstück «Monokali Polypunk» führte. Das Stück haben Flurina Badel und Gianna Olinda Cadonau geschrieben. Auch für sie ist klar: Es geht nicht darum, eine Energie der 1970er Jahre wiederzubeleben, sondern den Punk von heute zu finden. Aber wie klingt und sieht der Punk des Jahres 2025 aus? Der Cuntrasts-Film «Eine Prise Punk» greift diese Frage auf. Er lässt Schauspielerinnen und Schauspieler, die Musikerin, die Autorinnen und die Regisseurin zu Wort kommen und zeigt, welche Form der heutige Punk haben könnte.

70 onns Peter Appenzeller: il cumponist, dirigent, pianist e pedagog da musica festivescha in anniversari radund. L'«Artg Musical» dat perquai in sguard sin el e sin sia via cun la musica. Durant ils onns 1970 ha il musicist oriund da San Murezzan absolvì il seminari da magistras e magisters a Cuira. Durant questa scolaziun è el vegnì en contact cun varsaquantas persunas che sa muventavan en il mund da la cultura e da la musica – in mund che ha immediat fascinà er el. Suenter avair fatg il diplom da magister primar ha el perquai decidì d'ir a studegiar musica. En l'«Artg Musical» da quest'emna raquinta Peter Appenzeller da differents muments en connex cun sia via cun la musica.

Durant la stad porta RTR repetiziuns dad «Artgs musicals» dals ultims onns. Questa giada in dal schaner 2022 cun il purtret da Sylvia Caduff. Sylvia Caduff, naschida ils 7 da schaner 1937 a Cuira, ha atgnamain scrit istorgia ils onns 1960 sco dirigenta durant in temp che las dunnas n'avevan en Svizra anc gnanca il dretg da votar. La Grischuna è stada l'emprima dunna che ha dastgà diriger ils Berliner Philharmoniker ed auters gronds orchesters. Sco dunna ha ella stuì persvader pli fitg ch'ils umens per survegnir il respect merità.

Temas da quest'emissun: - SanaSurselva sposta decisiun: Commentari da Reto Pfister - Novitads - Museum d'art a Cuira metta Diego Giacometti en il center - Meteo

Fusiun da l'ospital a Samedan ha fatg naufragi – Adam Quadroni perda sias immobiglias – Co han ils giugaders da Cuira avant la cuppa grischuna?

Tge che la regiun vul cuntanscher cun la carta per indigens. – La citad da Cuira commemorescha da las unfrendas tamilas da l'incendi d'incenter d'asil d'avant 36 onns. – Ils costums en Val Müstair vegnan documentads en in archiv digital.

Per Luis Coray è tut art. La vita, performances, pictura e musica – tut va in en l'auter, tut viva el cun ardur ed energia. «Envidar la chandaila endadens» saja impurtant, di el en il film dal cineast Casper Nicca. E quella energia, quel gust da far art è lura er il fil cotschen dal film. Il film accumpogna l'artist grischun a sias ragischs artisticas en la Toscana. Là visita el ils lieus, nua ch'el ha entschavì seriusamain cun la pictura. Ma en il film visita Luis Coray era lieus en il Grischun ch'èn impurtants per el: Laax, nua ch'el è creschì si, Cuira, nua ch'el ha ses atelier ubain Segl-Maria, nua ch'el dat curs da malegiar per uffants. Ed adina vai per «percepziun», per il sguard spezial, cun il qual l'artist multifar vesa ed interpretescha il mund. -------------------------------------------------------------------------------------------- Für Luis Coray ist alles Kunst. Das Leben, Performances, Malerei und Musik – alles fliesst ineinander, alles lebt er mit voller Energie. «Die innere Kerze anzünden» sei wichtig, sagt er im Film des Filmemachers Casper Nicca. Und diese Energie, diese Lust, Kunst zu machen, zieht sich wie ein roter Faden durch den Film. Der Film begleitet den Bündner Künstler zu seinen künstlerischen Wurzeln in der Toskana, wo er Orte besucht, an denen er ernsthaft mit der Malerei begonnen hat. Im Film besucht Luis Coray aber auch Orte in Graubünden, die ihm wichtig sind: Laax, wo er aufgewachsen ist, Chur, wo er sein Atelier hat oder Sils-Maria, wo er Malkurse für Kinder gibt. Und immer geht es dabei um «Wahrnehmung», um den besonderen Blick, mit dem der vielseitige Künstler die Welt sieht und interpretiert.

Reacziuns sin l'elecziun dal nov papa Leo XIV da l'uvestg Bonnemain e da studentas e students da la Scol'auta da teologia a Cuira. – Co che l'Italia va enturn la speranza betg ademplida d'in papa talian. – Avant settanta onns han ins scuvrì sper Ramosch ruinas d'in abitadi. Ils detagls da quellas exchavaziuns èn dentant vegnidas publitgadas pir ussa en furma d'in cudesch.

plinavant è l'integraziun da l''ospital da Samedan en il chantunal per ils responsabels da Cuira giud maisa – il roman da success da Leta Semadeni «Tamangur» vegn per la prima giada sco teater sin tribuna

Il 2025 festivescha la renumada chantadura grischuna ses giubileum da 30 onns sin tribuna d'opera. Gia da pitschen ensi è Maria Riccarda circumdada da musica, era musica populara, schlagher, chanzuns popularas ed operetta. Sco matta ha ella savens improvisà al clavazin, pli tard (a Cuira) ha ella survegnì instrucziun da clavazin. Sin vias main gulivas è Maria Riccarda suenter la matura vegnida sin l'idea da chantar professiunalman. Il 2006 ha ella festivà ses grond success a l'opera da Paris e dapi lura è ella ina chantadura tschertgada. L'Artg musical purtretescha la chantadura che viva dapi il 2022 puspè en il Grischun.

L'Agrischa vul conquistar la citad veglia da Cuira – 9 medaglias da freestyle per la Svizra – Bilantscha positiva dals campiunadis mundials da freestyle.

Suenter ses studi d'economia da manaschi a Cuira è Fabian Collenberg vegnì elegì sco chanzlist communal a Sumvitg, quai cun be 23 onns. Uss, 10 onns pli tard, è el sa decidì per ina nova via, ina nova sfida. La stad mida el tar l'interpresa Curia sco cussegliader da vischnancas. Dasperas fa Fabian Collenberg anc politica e fa part da la partida Il Center. Dapi il 2022 è el era deputà en il Cussegl grond a Cuira. «Cun 23 onns n'aveva jau anc betg gronda experientscha e sco nov chanzlist è quai stà ina pulita sfida. Jau hai però gì grond sustegn, uschia che quai è ì detg pulit.» Cumenzà a s'interessar per la politica ha Fabian Collenberg gia baud. Il 2014, suenter ses studi, è el lura daventà suppleant tar la partida Il Center, da lezzas uras la PCD Cadi. Pli tard ha Collenberg era presidià durant sis onns la partida giuvna. Il 2022 suonda il pass en il Cussegl grond. In'influenza d'entrar en quest mund politic haja gì era Martin Candinas, di Fabian Collenberg. Mo el n'haja atgnamain nagins siemis politics, i fissi dentant bel d'anc vegnir elegì l'onn proxim per in'ulteriura perioda en il Cussegl grond. Ina gronda muntada en la vita da Fabian Collenberg ha er il Club da ballape Trun/Rabius. Dasper esser giugader da la segunda equipa ha el anc surpiglià il post da cassier da l'uniun. Fabian Collenberg appreziescha cunzunt era la collegialitad cun ils congiugaders ed ils fans. Esser ina part da quest club saja insatge fitg bel. «Il sport dat a mai l'equiliber en la vita», uschia Fabian Collenberg.

Tar la medischina tradiziunala chinaisa (MTC) vegn guardà sin l'entir uman. L'emprim discurs è impurtant. Lura vegn fatg ina diagnosa e quai en in'autra lingua che la medischina dal vest. Quai di Flurina Sgier d'Andiast che ha in'atgna pratica da MTC a Glion e lavura en l'Ospital chantunal a Cuira.

Èlin va oz a spendrar vitas – e quai cun dar sang. Nus accumpagnain ella e guardain tge viadi ch'il sang dad Èlin fa, fin ch'el è pront per ina persuna che dovra ina donaziun da sang, per exempel suenter in grev accident. Cun INA donaziun po Èlin numnadamain spendrar TRAIS vitas! Ensemen cun las laborantas dal Center da donaziun da sang a Cuira chattain nus plinavant ora la gruppa da sang dad Èlin ed elavurain il sang, fin ch'ins vesa sias trais parts. Gruppas da sang Lura guardain nus tge gruppas da sang ch'i dat e co ch'ellas sa differenzieschan ina da l'autra. Has ti savì che betg tut las persunas pon survegnir sang da tut las persunas? La gruppa da sang gioga ina gronda rolla, i po uschiglio daventar fitg privlus. En il «Minisguard» scuvrin nus pertge che quai è uschia.

Il Grischun vul savair dapli da sia istorgia en il temp dal faschissem e naziunalsocialissem – Las lavurs han cumenzà per il nov bajetg en il Meiersboda a l'ur da Cuira

La directura banduna il Center da sanadad Savognin durant temps difficils – L'archiv da la citad da Cuira fa midada en novas localitads – Avis Cuntrasts Art en dus: Ann Nielsen e Tumasch è

Dialog tranter indigens e segundindigens suenter recurs cunter project d'abitar a Ftan – Ils Gualsers festiveschan in giubileum spezial en la bilbioteca chantunala a Cuira.

Als campiunadis mundials da biatlon a Lai dattan ils fans en il tun – Il club da canu da Cuira trenescha da tutt'aura.