Podcasts about suenter

Il chantadur dals «Diabolics» maina cun ses frar ina plazza da campadi a Müstair là nua che lur geniturs avevan ina puraria. Il campadi Muglin cun plazza per fin 300 persunas sa chatta a l'ur dal vitg da Müstair ed è oriundamain stà il lieu dal bain puril da lur geniturs. Fastizs da quel ves'ins er anc oz. Uschia è per exempel il clavà vegnì transfurmà en ina sauna per ils giasts e là, nua che las vatgas giaschevan en stalla, èn oz las duschas per ils campers. Ivan Zangerle saveva gia baud ch'el na veglia betg daventar pur. Dal mat da scola che siemiava da daventar skiunz u giugader da ballape hai finalmain dà in miradur. Causa problems da sanadad ha el dentant gì da midar professiun. Cun 28 onns ha il Jauer perquai fatg in segund giarsunadi sco dissegnader da construcziun en in biro d'architectura, al qual Ivan Zangerle è sa participà sez a partir da ses segund onn d'emprendissadi. Ivan Zangerle abita dapi il divorzi sulet en l'atgna chasa a Müstair e sa legra surtut da las visitas da sias duas mattas creschidas durant las fins d'emna. Far da chasarin na saja betg propi sia lavur preferida. Surtut far cun tschitschapulvra fetschia el be, sch'i stoppia propi esser e segir cun tadlar dad aut musica. Sch'ins discurra d'ina band da rock en la Val Müstair, èn quai ils Diabolics, la furmaziun ch'i dat dapi 30 onns. Il chantadur ed era cumponist da numerusas chanzuns è Ivan Zangerle. Suenter avair emprendì durant il temp da scola a sunar la tuba, haja el bain svelt laschà la musica da la vart. Pir en la vegliadetgna da 20 onns ha il Jauer emprendì a moda autodidacta a sunar la ghitarra ed ha suenter era cumenzà a scriver sez texts e notas. Ina da las pli enconuschentas chanzuns dals Diabolics è «Jau ta n'ha jent».

Ils Furbaz han adina chantà rumantsch. Il rumantsch na saja mai stà in crap da stgarpitsch, di Marie Louise Werth en il «Profil». La lingua rumantscha tunia lom grazia als blers vocals. Sche la chanzun e la melodia sajan fermas avunda, lura n'emportia la lingua bunamain nagut. Marie Louise Werth sa regorda gugent dal final da l'Eurovision Song Contest ESC il 1989. Quai saja stà insatge nov ed in'experientscha nunditga. Era sch'els, ils Furbaz, eran sterics sin tribuna. La participaziun dals Furbaz a l'ESC è sa dada. Ils Furbaz chantavan sco studenta e students en l'hotel Cucagna a Mustér per ils giasts. Ina saira era ina raspada dal Radio Rumantsch preschenta. Suenter lur preschentaziun èn ils Furbaz vegnids dumandads, sch'els vulessan participar a la selecziun Svizra da l'ESC (lura anc Concours Eurovision de la chanson). Cun «Da Cumpignia» han ils Furbaz fatg plazza trais a la selecziun svizra il 1987. Cun «Sentiments» èni in onn pli tard vegnids segunds, davos Céline Dion. E cun «Viver senza tei» hani gudagnà il 1989 la selecziun svizra e pudì represchentar la Svizra a l'ESC. Suenter il final hai dà in grond travasch e bleras dumondas per engaschis. Il success è vegnì enorm spert. Be dus onns pli tard, sin il punct culminant, han ils Furbaz decidì da chalar e quai cun in disc cumpact cun chanzuns da Nadal. Nadal è lura era pli tard puspè stà in grond tema tar ils Furbaz. Per ir sin turnea cun chanzuns da Nadal èn els blers onns pli tard sa reunids. Per Marie Louise Werth è la carriera musicala ida vinavant suenter la separaziun dals Furbaz. Ma igl ha duvrà blera gnerva e temp. Ed i saja stà in dir temp, di la chantadura, pianista ed entertainra en il «Profil». In dir temp saja era stà quel da corona. Artistas ed artists hajan quasi gì in scumond da lavurar, era cun consequenzas finanzialas. Suenter corona saja stà da cumenzar tar nulla.

Or da trais mais èn daventads passa 10 onns. La Sursilvana pendulescha regularmain tranter la Svizra e la Tansania. Per il mument è ses focus sin sia fatschenta sco planisadra da viadis individuals a Tansania ed a Sansibar. In discurs sur da las sfidas e dal curaschi da suandar l'atgna intuiziun. L'Africa cun tut sias colurs ha fascinà Romina Casutt oriunda da Falera gia da pitschen ensi. Suenter il studi d'architectura d'interiurs a Lucerna ha ella pachetà sia cofra ed è ida en l'Africa dal Sid per emprender englais. Planisads eran trais mais en la Citad dal Cap. Cura ch'igl è puspè stà temp da turnar a chasa, ha ella decis da restar pli ditg. Quest nov sentiment da vita african ha immediat attratg la giuvna ch'aveva da quel temp 25 onns – ina nova aventura ha uschia entschet. Per pudair finanziar sia vita en il sid è ella adina puspè turnada per intgins mais en Svizra. Suenter tschintg onns Citad dal Cap, bleras differentas plazzas da lavur, ina relaziun ch'è ida dapart ed in viadi da trais mais tras set pajais africans è Romina Casutt turnada l'onn 2018 enavos en Svizra per puspè fitgar pe sco architecta d'interiurs. Fisicamain era ella en Svizra, il cor è dentant restà en l'Africa. Uss è stà dumandà curaschi. Curaschi da suandar l'atgna intuiziun senza savair nua che la via va. Midar clamada, midar continent. Uschia ha la via manà ella a Daressalam. Dapi set onns viva ella uss en la pli gronda citad da Tansania. Actualmain para ella dad avair chattà ses cletg: planisadra da viadis individuals, cunzunt per giasts da l'Europa. Ina lavur che pussibilitescha da cumbinar omadus munds da Romina Casutt – il svizzer e l'african. L'aventura po damai cuntinuar.

Suenter ses studi d'economia da manaschi a Cuira è Fabian Collenberg vegnì elegì sco chanzlist communal a Sumvitg, quai cun be 23 onns. Uss, 10 onns pli tard, è el sa decidì per ina nova via, ina nova sfida. La stad mida el tar l'interpresa Curia sco cussegliader da vischnancas. Dasperas fa Fabian Collenberg anc politica e fa part da la partida Il Center. Dapi il 2022 è el era deputà en il Cussegl grond a Cuira. «Cun 23 onns n'aveva jau anc betg gronda experientscha e sco nov chanzlist è quai stà ina pulita sfida. Jau hai però gì grond sustegn, uschia che quai è ì detg pulit.» Cumenzà a s'interessar per la politica ha Fabian Collenberg gia baud. Il 2014, suenter ses studi, è el lura daventà suppleant tar la partida Il Center, da lezzas uras la PCD Cadi. Pli tard ha Collenberg era presidià durant sis onns la partida giuvna. Il 2022 suonda il pass en il Cussegl grond. In'influenza d'entrar en quest mund politic haja gì era Martin Candinas, di Fabian Collenberg. Mo el n'haja atgnamain nagins siemis politics, i fissi dentant bel d'anc vegnir elegì l'onn proxim per in'ulteriura perioda en il Cussegl grond. Ina gronda muntada en la vita da Fabian Collenberg ha er il Club da ballape Trun/Rabius. Dasper esser giugader da la segunda equipa ha el anc surpiglià il post da cassier da l'uniun. Fabian Collenberg appreziescha cunzunt era la collegialitad cun ils congiugaders ed ils fans. Esser ina part da quest club saja insatge fitg bel. «Il sport dat a mai l'equiliber en la vita», uschia Fabian Collenberg.

Cun 14 onns, durant ses temp al gimnasi da la claustra Mustér ha Flavio Bundi scrit sia emprima chanzun da chor. Suenter èn naschidas adina dapli cumposiziuns – principalmain musica vocala. L'Artg musical dà in sguard sin la musica e la biografia dal cumponist sursilvan. Cumenzà aveva tut, sco tar blers auters, cun instrucziun da flauta. Pli tard ha Flavio Bundi lura midà sin il cornet tar la Musica giuvenila Steilalva sut la direcziun da Clemens Christoffel. Cun 13 onns ha el lura cumenzà a sunar il clavazin tar Clau Scherrer ed uschè daventà organist tar la plaiv da la baselgia catolica a Flem. Sia passiun per il chant da chor ha el scuvert durant ses temp da gimnasi cun esser stà part dal Chor gimnasial sco era dal Chor da giuvenils grischun. Grazia a questas experientschas ha el lura sa deditgà pli e pli al cumponer. Sper il cumponer sa deditgescha el era al diriger. Per il mument diriga el il Chor mischedau Suraua e l'ensemble kontra.cant, in chor ch'el aveva fundà l'onn 2012 per ina retscha da concerts tenor il motto «cant da nadal».

La snowboardista professiunala da Madulain sa legra fitg sin il grond eveniment sportiv da Freestyle en Engiadina dals 17 fin 30 da mars 2025. Il campiunadi mundial da Freestyle en Engiadin'Ota furma la finiziun da questa stagiun d'enviern cun las cursas tranter ils 17 e 30 da mars. Ferm quint dad esser da la partida sco atleta fa er Larissa Gasser da Madulain. La snowboardista che è en il cader A da Swiss Ski, cumbatta fin l'ultim di per ina da las quatter plazzas da partenza che stattan a disposiziun tar las dunnas. La decisiun vegnia tratga pir l'ultim mument. Il plaschair da pudair cumbatter per medaglias sin la Corviglia sur San Murezzan al medem lieu nua ch'ella è stada l'emprima giada cun 5 onns sin l'aissa, la fetschia in plaschairun. Arda il fieu per il campiunadi gia? Sco atleta activa ed er ambassadura dal campiunadi mundial da Freestyle en Engiadina, enconuschia Larissa Gasser tuttas duas varts. Il plaschair e l'euforia che l'eveniment ha lieu en Svizra, dentant er vuschs criticas che na crajan betg anc vid il eveniment. Ch'i dovria simplamain ina buna sbrinzla che envida il fieu en val, è Larissa Gasser persvadida. E decisiv vegn ad esser l'aura per ina «WM» da success. «Jau ves il campiunadi mundial da Freestyle en Engiadina sco ina gronda schanza. Igl è er ina sort da turnar a chasa, cunquai ch'ils emprims champiunadis en Svizra dal 1985 avevan er lieu a San Murezzan.» Er la data da las cumpetiziuns sportivas la fin da la stagiun d'enviern vesa Larissa Gasser sco grond avantatg. Saja a reguard alloschis, ma er per survegnir l'attenziun meritada, suenter il campiunadi da biatlon u er il Maraton da skis engiadinais. Ina dira via enavos Che Larissa Gasser è oz sportista activa tar Swiss Ski na sa declera betg da sai. Ella ha numnadamain gì dad ir tras in temp fitg difficil suenter in grev accident l'onn 2017. Durant il campiunadis mundials da juniors en la Tschechia è ella sa blessada fermamain. La diagnosa: in ferm squass da tscharvè e donnegià il sistem da nerva vegetativ. Las consequenzas sajan stadas nundumbraivlas e fitg pesantas en ses mintgadi, uschè la sportista engiadinaisa. En consequenza era Larissa Gasser era crudada ord il cader da Swiss Ski. «Jau n'enconuscheva betg pli a mes bab u a mes frar. Tut era ester per mai e jau n'aveva pli nagins sentiments d'empatia.» Suenter quatter onns intensivs da rehabilitaziun, tranter auter er cun patratgs da suicid, ha Larissa Gasser puspè chattà la via enavos sin pista cun agid da famiglia ed amis, ed ha cuntanschì il nivel da pli baud.

Temas da quest'emissun: - Suenter il maraton è avant il maraton: per ils organisaturs va la lavur vinavant - Gabriel Alig ha 100 onns ed è fit - Meteo

Il cumponist turitgais ha ina colliaziun stretga cun il Grischun e la Svizra rumantscha. Hans Lavater vegn or d'ina veglia famiglia da Turitg ed è naschì ils 24 da favrer 1885. Suenter il gimnasi ha el frequentà in studi da chemia. En ses temp liber ha el però fatg musica, emprendì da sunar clavazin e cello ed era gia empruvà da cumponer emprimas chanzuns. La finala è Hans Lavater sa decidì da daventar musicist da professiun. Dentant era sco cumponist è el sa profilà. El ha scrit passa 100 chanzuns cun texts tudestgs, franzos ed era rumantschs («Al pur grischun», «Ma chara val», «Ei tucca da notg»). Noss chors fa omagi a Hans Lavater ch'aveva er ina colliaziun stretga cun il Grischun. Dal 1932 fin il 1943 ha el dirigì il chor viril Ligia Grischa.

Ils 23 da favrer èn var 60 milliuns Tudestgas ed Tudestgs clamads a l'urna. I vala d'eleger ils represchentants e las represchentantas en il Bundestag, il parlament da la Germania. Il medem mument decidan noss vischins era davart la regenza futura. Suenter che la coaliziun da la SPD, Bündnis 90/Die Grünen e la FDP è dada dapart, han ils conservativs da la CDU e da la CSU bunas schanzas da metter il nov chancelier. En la «Marella» dain nus in sguard sin il sistem electoral da la Germania ed illuminain la situaziun economica dal pajais che ha, sper il tema da la migraziun, in'influenza essenziala sin la decisiun da las electuras e dals electurs. Ultra da quai vegnin nus a discutar davart la relaziun tranter la Svizra e la Germania ch'è marcada d'ina lunga istorgia e che n'è betg adina stada simpla. In auter tema da nossa emissiun è il success remartgabel da la partida «Alternative für Deutschland». Naschida avant dudesch onns sco partida eurosceptica è l'AfD sa sviluppada ad ina partida per part radicala da dretga che pudess tenor retschertgas recaltgar 20 pertschient da las vuschs.

Las Liricas Analas han definì da nov la musica rumantscha sco probablamain nagin auter act avant e suenter ellas. L'entschatta dals onns 2000 han ils rappunzs sursilvans procurà per in'explosiun musicala en la scena da musica rumantscha. Il nov slang è daventà il nov style. Nagin avant els n'ha pachetà uschè blers pleds rumantschs en chanzuns e nagin auter act rumantsch n'ha cuntanschì uschè bleras ureglias betg rumantschas. Las Liricas Analas han sunà sin las tribunas dals gronds festivals svizzers, lur albums han cuntanschì ils top 5 da la parada da hits. Tuttenina era musica rumantscha coola! Il 2022 han las Liricas Analas edì lur davos album e fatg lur turnea da cumià. Suenter l'explosiun è restà in vacum. Co statti oz cun l'ierta dals rappunzs pioniers sursilvans? Han las Liricas Analas motivà la giuventetgna rumantscha da scriver remas e da producir beats? Quest film sa metta a la tschertga da l'ierta da las Liricas Analas per il rap ed il hip-hop rumantsch. ------------------------------------------------------------------------------------------- Die Liricas Analas haben die romanische Musik neu definiert wie wohl kein anderer Act vor und nach ihnen. Anfang der 2000er Jahre sorgte die Combo aus der Surselva für eine musikalische Explosion in der romanischen Musikszene. Der neue Slang wurde zum neuen Style. Kein romanischer Interpret vor ihnen hat so viele romanische Wörter in Lieder gepackt und damit so viele nichtromanische Ohren erreicht. Die Liricas Analas spielten auf den Bühnen der grossen Schweizer Festivals, ihre Alben kletterten bis in die Top 5 der Hitparade. Plötzlich war romanische Musik cool! Im Jahr 2022 haben die romanischen Rappioniere ihr letztes Album herausgebracht und ihre Abschiedstournee gemacht. Nach der Explosion blieb ein Vakuum. Wie steht es heute um das Erbe der Rappioniere aus der Surselva? Haben die Liricas Analas die romanische Jugend motiviert, Reime zu schreiben und Beats zu produzieren? Dieser Film begibt sich auf die Suche nach dem Erbe der Liricas Analas für den romanischen Rap und Hip-Hop.

Suenter in temp intensiv, ha la Samedrina decis da trair il frain e demissiunar ses job tar PlusSport. Uss è ella averta per insatge nov en sia vita professiunala. Suenter in temp intensiv ha la Samedrina decis da trair il frain e demissiunar ses job tar PlusSport. Uss è ella averta per insatge nov. Sia abitaziun a Lucerna ha gì ils ultims onns bunamain be la funcziun da basa per midar valischs. Olivia Stoffel è numnadamain stada adina en viadi, dad in'occurrenza sportiva a l'autra. Ses ultim engaschament professiunal tar l'organisaziun PlusSport (sportistas e sportists cun in impediment) ha la Samedrina demissiunà per la fin da l'onn passà. Quai suenter esser stada tranter auter engaschada sco scheffa da sport e suppleanta dal schef da missiun als paralimpics a Paris. Quels han gì lieu suenter ils gieus olimpics e la delegaziun svizra è turnada cun 21 medaglias da la Frantscha. Nov onn, nova vita Entant ha Olivia Stoffel er midà sia dimora da Lucerna a Samedan en Engiadina. La dunna da 43 onns vul uss sa laschar temp e giudair in pèr mais senza obligaziuns. Tuttina s'engascha ella er quest enviern en differents lieus en il rom d'occurrenzas sportivas. Durant la lavu da la Cuppa mundiala da skis a San Murezzan il 2015, è Olivia Stoffel er vegnida en lavina. «Quel mument che la lavina vegn, n'has ti nagina schanza da far insumma insatge.» La dunna sportiva è vegnida salvada suenter 12 minutas or da las massas da naiv da bun trais meters autezza. Per gronda fortuna senza blessuras. Anc oz sa regorda Olivia Stoffel vi da la situaziun sco sch'ella fiss be gist stada. Dapi lura haja ella er fadia cun la stgiraglia e la quietezza. Carriera sportiva Gia fitg baud è la vita dad Olivia Stoffel sa sviluppada en la direcziun dal sport. Sco talent da golf ha ella cumenzà la scola sportiva a Tavau. Causa feridas ha ella dentant stuì capitular e finir il gimnasi en Engiadina. Empè dad ir a studegiar suenter ha la figlia d'hoteliers dalunga cumenzà a lavurar per occurrenzas sportivas sper sia lavur professiunala en banca e tar assicuranzas. Averta per novas vias Suenter vacanzas en l'Asia ed in viadi cun ses bus en Scandinavia per vesair il final dals champiunadis da hockey a Stockholm n'ha Olivia Stoffel anc nagins plans concrets. Ella possia dentant s'imaginar bain da lavurar durant ina stad sin ina chamona.

Suenter esser stà 14 onns CEO da las pendicularas Zermatt SA va Markus Hasler la fin da l'onn en pensiun. «Jau sun quel da cifras e quel che tschertga il contact cun ils collavuraturs e las collavuraturas» – quai èn stads dus da ses credos sco schef da passa 300 emploiads ed emploiadas. Esser CEO d'ina interpresa che tutga a quels da Zermatt, cun tut ils clans indigens, saja stà tut auter che simpel. Quai di Markus Hasler ch'è ussa cuntent da pudair surdar quest satgados da responsabladads a ses successur. Co ch'el guarda enavos sin quest temp en la «Champions League» da las pendicularas e tge plans ch'el ha per il futur tradescha l'um da 65 onns che ha stuì sa decider tranter politica e pendicularas en il Profil.

A Brinzauls èsi quiet suenter l'evacuaziun – Suenter sanaziun a Samignung: tge schabegia cun ils tunnels vegls? – Sonda lunga: 8 bands han procurà per bun'atmosfera en chasa RTR

La cuschina – quai è ses mund. Suenter ses emprendissadi da cuschinier a Flem ha Martin Sialm lavurà durant pliras stagiuns en differents lieus da Lai fin a Crans-Montana.  Durant quest temp è el dentant er adina puspè turnà a Mustér per sa gidar en lHotel Alpsu chel ha lura surpiglià, ensemen cun sia dunna, dals geniturs la fin dal 1995, e quai en quarta generaziun. Dapi indesch onns è el schefcuschinier en lARGO a Glion, la fundaziun grischuna per lavuratoris e dimoras per persunas cun impediments. En la cuschina da lARGO a Glion survegn Martin Sialm sustegn din segund cuschinier sco er da tschintg persunas cun impediments. Di per di cuschinan els en media 150 fin 180 gentars, quai betg mo per las cussadentas ed ils cussadents, mabain er per persunas externas sco er per diversas scolas da la regiun. Sper il cuschinar tutga tar la lavur da Martin Sialm er dorganisar, planisar e controllar. Cun strusch 30 onns ha Martin Sialm surpiglià lHotel Alpsu a Mustér dals geniturs che han manà lhotel passa 20 onns. El enconuscheva bain quest manaschi, uschia che quai na saja stà nagin problem. Ensemen cun sia dunna ha el manà lHotel Alpsu fin il 2010, avant che vender tut a la sora Annalisa chha manà 20 onns la Pizzeria Surselva gist da lautra vart da la via. Martin e sia dunna, in team chha collavurà fitg bain. Martin en cuschina, Stephanie en il restaurant ed en il biro. Durant quest temp èn els er vegnids «campiuns mundials da capuns». Cun la tratga da capuns han cumenzà gia ils geniturs e gia da lezzas uras han ils capuns cuntanschì in status da cult en lHotel Alpsu. Sper la lavur en cuschina giauda Martin Sialm cunzunt ses hobis en la natira. Dasper il dar golf chel fa gia dapi prest 30 onns ha el cumenzà avant dus onns dad ir a pestga. E gia dapi ses emprendissadi va el cun velo. Er il viadi a la lavur da Panaduz a Glion fa Martin Sialm, sche laura lubescha, adina cun il velo. Prest milli giadas ha el gia fatg quest viadi tras la Ruinaulta.

Franz Huber è atgnamain inschignier da maschinas. Suenter la Scola politecnica ETH ha el lavurà divers onns en firmas ed adina è carbon stà il material ch'ha accumpagnà el. L'entschatta 2023 ha el midà cumplettamain sia vita professiunala. El ha cumprà in affar da velos, maina quel uss ed è schef da dus emploiads – il carbon, quel dals velos, è restà. En il Profil raquinta el da quella midada radicala, ch'è gnanc uschè radicala sco tgi para e tuttina ha il surmiran e bab da famiglia sutvalità insatge. Cun lavurar independentamain è il temp liber per seser sez sin in velo ì a perder in pau – era perquai ch'el ha avant curt surpiglià in segund affar da velos.

Enrico Bischoff ha fatg l'emprendissadi commerzial. Suenter la recruta è dentant stà cler per el che sia via professiunala restia tar il militar.  El ha fatg la scola da sutuffiziers ed è daventà adjutant. Il mument è el adjutant da stab en la divisiun territoriala 2 ad Aarau. Per l'Armada svizra è el stà en il chantun Vallais, a Herisau, a Lucerna – nua ch'el abitescha – ed a Cuira. En il Grischun vul el era turnar en in pèr onns, per terminar uschia sia via militara. Ch'il Grischun ha ina muntada speziala per il Surmiran sa mussa cun il fatg ch'el è tant sco pussaivel a Savognin en sia patria, e lura è sin il program far sport e pestgar en in lai da muntogna.

Da Tschlin fin Wien, dals Fränzlis tar ils Engadiner Ländlerfründa. Domenic Janett è naschi ils 12 da fanadur dal 1949 a Tschlin e tar ils Janetts deva adina musica, er en lur ustaria Muttler cun la sala, il lieu per concerts, bals e festas. El è daventà musicist da professiun, è dachasa en blers geners da musica, suna tar ils Engadiner Ländlerfründa e surtut tar ils Fränzlis da Tschlin. Per ses engaschament ha el survegnì il 1991 la clav da violina d‘aur ed il 2016 il premi da cultura dal chantun grischun. In musicist universal, cun corp ed olma Cumenzà ha tut a Tschlin durant ils onns 50, là èn sias ragischs, là ha el fatg ses emprims pass musicals, ensemen cun ses frars. Suenter in emprendissadi da scrinari ha el fatg studis da musica a Turitg ed è daventà in musicist tschertgà. El ha sunà en divers orchesters, fa dapi ils onns 70 musica populara cun ils «Engadiner Ländlerfründa» - in clarinettist excepziunal, cumponist ed arranschader ch'ha participà en ina furma u l'autra tar la producziun da sur 150 discs. Ils Frars Janett e Caviezel – ed ils Fränzlis da Tschlin Cun il disc «Mattinadas» dals Frars Janett e Caviezel han els fatg reviver la musica populara tradiziunala da Fränzli Waser e ses musicants. Or da quella furmaziun èn lura sa furmads ils Fränzlis da Tschlin, l'emprim cun Domenic e ses frars Curdin e Duri e cun Flurin Caviezel e Men Steiner. La furmaziun actuala sa cumpona da Domenic e Curdin e lur unfants Anna-Staschia, Madlaina e Cristina ed els fan cun grond success concerts en Svizra ed en auters pajais. La musica è sia vita e muments senza na datti betg savens Domenic Janett ha cumponì ed arranschà nundumbraivels sauts, en stil tradiziunal ed er en furma pli moderna ed innovativa. Ses tocs expriman savens er in surrir, cun titels sco «Mécal gio per cuotscha», «Furmias aint il chül» ubain il «Valserin pel balin» - e ses «Güggel-Walzer» è in dals tocs ils pli enconuschents da la musica populara svizra.

Suenter il studi da clavazin è Armin Caduff sa perfecziunà en diriger. El ha frequentà dus semesters tar la Grischuna Sylvia Caduff che ha fatg gronda impressiun ad el. Er en chant ha el terminà il studi a Turitg ed è lura sa perfecziunà tranter auter tar la chantadura da Vienna Sena Jurinac ed ils tenors talians Gaetano Bardini e Mario Del Monaco. Dapli da sia vita e da sia musica datti en l'Artg musical.

Suenter la sconfitta electorala prenda Sandra Maissen per l'emprima giada posiziun – Aua gronda artifiziala al Spöl per simular ina situaziun natirala – Il sport da tir attira adina dapli giuvenils

El saja in da cifras raquinta Giancarlo Lozza. Ed uschia è il studi d'accounting and finance a l'Universitad da Son Gagl era stà in pass logic. Danunder che quest interess vegn raquinta il surmiran da 41 onns en il Profil. Logica è era sia via professiunala. Suenter il studi e la lavur sco revisur da quints tar ina gronda firma a Turitg, ha el fatg il pass enavos en il Grischun ch'ha manà el tar la controlla da finanzas dal chantun. Turnà en Grischun è el tranter auter era per s'engaschar en diversas uniuns. El è president dal Chor viril Surses, cassier da l'Uniun rumantscha da Surmeir ch'edescha la Pagina da Surmeir e commember era d'autras uniuns. Er da quella part da sia vita raquinta el en il Profil.

En occasiun da la Festa da musica chantunala che ha lieu ils 8 e 9 da zercladur a Claustra, prenda Noss chors nanavant in grondius project che unescha chant e musica. I sa tracta qua da las «perlas rumantschas». Per il dirigent, cumponist ed arranschader sursilvan Corsin Tuor valan las chanzuns popularas rumantschas sco perlas. Cul patratg da pussibilitar da sunar questas grondiusas melodias era a las musicas instrumentalas, ha el lantschà dal 2006 in project che sa numna «perlas rumantschas». Ditg curt: Corsin Tuor ha arranschà u per part era laschà arranschar ina tscherna da chanzuns or da la scena da chors rumantscha. Suenter ha el registrà quests arranschaments cun la Bürgermusik Luzern. Dus ulteriurs albums han cumplettà ses project ad ina uschenumnada trilogia. Questa cuntinuaziun ha el realisà cun la Brassband Berner Oberland. Plinavant è questa giada il chant da chor vegnì integrà en ils arranschaments per musica da brass. L'ensemble vocal «Ensemble deCanto» ed ils dus chors «Vokalensemble incantanti» e «Cantus Firmus Surselva» èn stadas las furmaziuns da collavuraziun per las parts chantadas. Ina tscherna d'arranschaments ch'èn sin ils albums II e III emplainan quest'emissiun da Noss chors.

Dapi il 2019 viva l'Engiadinaisa cun ina protesa sut il schanugl sanester. Ella lavura sco tessunza tar Movimento, l'instituziun per persunas cun impediments a Samedan. Dapi sia naschientscha haja il pe da Ladina Cadonau fatg difficultads. Suenter numerusas operaziuns durant 10 onns è ella sa decidida da laschar amputar il 2019 la part sut da sia chomma. «Avant aveva jau adina dolurs. Era cun far sport u giugar cun mes uffants. Mal, mal, da bunura fin saira e quai durant decennis.» Grazia a sia tenuta positiva e ferma voluntad, ha Ladina Cadonau puspè cumenzà a lavurar suenter il temp da rehabilitaziun, entant cun ina protesa. Il star en pe tuttadi è però daventà cun il temp memia pesant, uschia che la dunna da 58 onns lavura uss il terz onn tar Movimento a Samedan sco tessunza. En l'instituziun per persunas cun impediments sa senta ella fitg bain. «Per mai èn ils collavuraturs e las clientas da Movimento simplamain sco ina gronda famiglia, tut è uschè cordial. Insatge ch'ins po ir a tschertgar ditg en auters lieus da lavur.» Durant sia vita haja ella passentà bels muments, sco per exempel las naschientschas da ses dus figls. Dentant hai era dà temps fitg difficils e pesants, nua che Ladina Cadonau ha era consumà excessivamain alcohol, per supprimer ils problems. Oz abita la dunna ch'ha passentà sia uffanza a San Murezzan ensemen cun dus giats en ina pitschna abitaziun a Madulain. Il viadi a la lavur daventia adina pli pretensius, causa sia protesa, ma era pervi dals numerus plazzals da construcziun ch'impedeschian adina puspè sia via.

Suenter il 2023 ha RTR er quest onn fatg l'offerta a chors, musicas instrumentalas e chapellas da musica populara da laschar far registraziuns da tun e maletg. Suenter Flem e Zernez l'onn passà è il team da RTR s'installà il mez avrigl 2024 en la Sala Grava a Savognin.  15 furmaziuns indigenas èn sa participadas quest onn a l'offerta da RTR per registraziuns d'audio e video. L'Artg musical porta ina selecziun da las registraziuns. 

144 uffants che fan teater – quai è il festival Best Dad aut e caotic – gea quai èsi era mintgatant, sche passa 140 uffants s'entaupan per far teater. Ma betg adina. En l'emprim pass elavuran els in tema ed in toc da teater en classa. Suenter vai sin tribuna gronda en il teater da Cuira, nua che las classas da l'entir chantun preschentan ina a l'autra lur tocs e dattan resuns. Lura vegn anc ina giada trenà, glimà e collià las singulas parts. A la fin sa preschentan tuttas e tuts sin tribuna gronda davant il public. Sustegn dattan pedagogas e pedagogs da teater. Il Minisguard ha accumpagnà ina classa da Felsberg/Favugn ils ultims dis fin a la premiera. Co funcziuna atgnamain nossa vusch? Per far teater ston ins lavurar bler cun il corp – da tuttas sorts moviments magari acrobatics, saut e mimica. In ulteriur instrument impurtant è la vusch. Ma co funcziuna ella atgnamain? Co faschain nus tuns uschia che nus udin els? E daco tuna mintga vusch in zic auter? Il Minisguard declera.

Perscrutar il mund, empruvar novas chaussas, mintgatant era ristgar insatge. Per Marlena Furger Sali (66) che viva cun ses um datiers da Berna tutga quai tar la vita. Suenter l'emprendissadi commerzial ha ella fatg viadis en Frantscha ed en l'Engalterra per emprender linguas. Il plaschair da viagiar ha ella mantegnì fin oz. Ella posseda numnadamain in'atgna interpresa da viadis. En il Profil da RTR raquinta ella da sia carriera en l'armada, pertge ch'ella ha grazia al jodlar inscuntrà ses um e pertge ch'ella ha gì da cuschinar spargias per ina barunessa franzosa.

In concert dal festival da jazz a Helsinki, 1967 La chantadura da jazz Sarah Vaughan ha concertà cun grondas bands avant ch'ella è daventada artista solista. Cun la victoria d'ina concurrenza da talents che ha gì lieu en il teater «Apollo» a Harlem ha ella lantschà sia carriera da chantadura. Ella ha lavurà ensemen cun bandleaders sco Earl Hines e Billy Eckstine avant ch'ella è daventada interpreta da solo.  Sarah Lois Vaughan è naschida ils 27 da mars 1924 a Newark/New Jersey. Las emprimas experientschas sco chantadura ha ella fatg en il rom d'ina concurrenza da talents che ha gì lieu en il teater «Apollo» a Harlem. Suenter ch'ella aveva ristgà da sa participar ha ella gudagnà il 1942 la concurrenza cun sia chanzun «Body and soul». Ella ha survegnì l'attenziun d'in auter vocalist, numnadamain da Billy Eckstine, che ha persvas Earl Hines d'engaschar Vaughan per chantar cun ses orchester. Il 1944 ha Vaughan bandunà Hines per entrar en la nova band dad Eckstine. Cun Eckstine sunavan er il trumbettist Dizzy Gillespie ed il saxofonist Charlie Parker, dus dals piuniers da la nova furma da jazz che è vegnida enconuschenta sco bebop. Il proxim decenni ha Vaughan producì dapli musica da pop tar la gronda chasa discografica Mercury Record. Ella ha chantà hits sco «Whatever Lola Wants» (1955), «Misty» (1957) e «Broken-Hearted Melody» (1959). Vaughan ha dà concerts en ils Stadis Unids ed en l'Europa, uschia er il 1967 a Helsiniki cun il Bob James Trio, il concert che nus udin hoz. Suenter ils onns 1950 è sa midà il gust musical dal grond public e la carriera da Sarah Vaughan è vegnida interrutta. Ella è però restada ina interpreta populara, surtut cura ch'ella chantava live. Ses public era fascinà da sia vusch loma ed intensiva, ses chant e ses tuns emoziunals. Tar las registraziuns che Vaughan ha fatg pli tard tutgan interpretaziuns da chanzuns dals Beatles e musica brasiliana. Il concert final ha ella dà il 1989 en il Blue Note Club da New York. Ella è morta ils 3 d'avrigl 1990 cun 66 onns a Hidden Hills, in quartier da citad da Los Angeles en California. 

L'hotel Cube a Savognin è, auter che intginas interrupziuns, serrà dapi sis onns – Avis Controvers: Co vai vinavant cun il luf en Svizra? – Suenter 44 onns datti in revival da la cursa da glatscher Diavolezza.

Causa mancanza da plazza da lavur ha la via dal medi da 68 onns manà el en autras regiuns e pajais. Il chirurg engiadinais Gian Arard Melcher viva actualmain cun sia dunna a Greifensee ed alternantamain en sia chasa paterna a Zuoz. Dapi il 2015 è l'um da 68 onns en il cussegl administrativ da la Fundaziun Provediment da sanadad EngiadinOta (SGO), nua ch'el ha surpiglià il presidi l'onn passà. Quitads fan actualmain surtut las cifras da l'ospital regiunal a Samedan ch'ha scrit cifras cotschnas cun in minus da 5 milliuns francs l'onn passà. «Jau crai che l'ospital regiunal a Samedan vegn a restar. La dumonda è dentant en tge furma e quant che la populaziun è pronta da pajar». Suenter ch'il bab da dus uffants creschids ha gì finì sia carriera professiunala da chirurg a l'ospital ad Uster – avant la vegliadetgna da pensiun – ha Gian Arard Melcher fundà avant set onns in'interpresa da cussegliaziun per ospitals e partiziuns medicinalas. En ses temp liber giauda el la natira, la chamona da famiglia en la Val Varusch ed era temp prezius cun ses trais biadis. Creschì si è Gian Arard Melcher cun sia mamma a Zuoz, sco bengiamin, cun duas soras pli veglias. Ch'el seguiss professiunalmain ils fastizs da ses bab n'è betg adina stà cler per el. Finalmain è Gian Arard Melcher sa decidì cunter in studi d'istorgia rumantscha e per la medischina.

En trais locals da concurrenza a Cuira èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà la Baselgia Son Gliezi. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar pulitamain ditg – l'ultima giada è numnadamain stada 2017 ad Aarau. En la Baselgia Son Gliezi èn la sonda e dumengia sa preschentads 26 chors da l'entira Svizra en las categorias ensembles vocals, chors d'elita e chors maschadads pitschens. L'emissiun dad oz preschenta ina selecziun da las registraziuns che RTR ha fatg durant quels dis. La baselgia Son Gliezi ch'è vegnida bajegiada enturn l'onn 730 è sin la glista dals bains culturals cun muntada naziunala en il chantun Grischun. Dapi lura è la baselgia vi da la veglia via dal Scanvetgvegnida renovada ed engrondida pliras giadas. L'onn 1811 è la baselgia ed il clutger sur il chor brischads. Suenter che la baselgia Son Gliezi è vegnida bajegiada da nov è ella vegnida renovada in'ultima giada ils onns 50.

En la segunda part vegnan las musicas instrumentalas en acziun. L'onn 2023 ha RTR registrà tranter auter las preschentaziuns da las societads da musica a duas festas districtualas, ina a Claustra e l'autra a Val Son Pieder.  La musica da Tusaun ha festivà ses giubileum da 200 onns e la Wallberg Band quel da 20 onns, omaduas han celebrà quai cun concerts. E lura hai era dà in cumià: Suenter 40 onns turnea da stad ha il Calamus Trio decidì da terminar questa bella tradiziun.

Timea Luana Panier, oriunda da Sagogn, viva a Basilea, è designra da moda ed illustratura. Dapi bun in onn ha ella in agen label da moda da resti da bogn e da mintgadi per dunnas. Ella viva per la moda e per las colurs ed è permanentamain a la tschertga da novs looks. Inspirà Timea Luana Panier ha sia tatta – cun lezza ha ella emprendì da far chaltschiel e da cuser. Era dissegns, tagls e maletgs ha ella fatg gugent en sia uffanza. Uschia èsi stà cler baud che Timea Luana Panier ha inavaina artistica e creativa. Era durant il temp da scola è la dunna che ha oz 29 onns dada en egl cun sias cumbinaziuns da resti coluradas ed extravagantas. Insumma saja ella ina persuna che dettia gugent en egl e che procuria per inqual tachel da colur en la vita. Da la cusunza a lagen start-up da moda Ch'ella veglia ir en direcziun da la moda è stà cler baud. Uschia ha Timea Luana Panier fatg in emprendissadi da cusunza a Cuira. Quest temp saja bain stà bel, ma memia structurà per la dunna cun bleras ideas en il chau. Suenter far viadis e lavurar en la gastronomia ha Timea Panier cuntinuà sia via da moda cun studegiar design da moda a Basilea. Avant passa in onn ha la Sursilvana accumplì in da ses gronds siemis e fundà l'agen label da moda cun duas amias dal studi. Sper il label lavura la dunna oriunda da Sagogn anc sco vendidra en ina butia da tastgas a Basilea per pudair finanziar sia vita, enfin chil start-up sa paja. La gronda finamira e ses siemi è dentant da pudair viver in di da l'atgna fatschenta che producescha moda da bogn e da mintgadi per dunnas. Sper la moda che emplaina la gronda part da la vita da Timea Luana Panier fa ella gugent yoga, spassegiadas en la natira e s'inscuntra cun amias ed amis.

Durant duas uras Artg musical datti duas ovras fitg differentas, dus oratoris. Sco emprim «Nadal – in oratori». Il 2008 è stada la primaudiziun da l'ovra da Peter Appenzeller e da Roman Weishaupt. Il Chor mischedau Schluein e la Societad da musica Falera han preschentà l'istorgia da Nadal a moda in pau pli moderna. Suenter il concert indigen datti lura in'oratori da Hans Huber. «Weissagung und Erfüllung» è sia capodovra da chant sinfonic. I sa tracta d'ina sort cantata da Nadal. Hans Huber ha scrit musica en il stil da la romantica tardiva, el vegn era numnà «Brahms da la Svizra». Igl è in concert dal 2022 cun orchester e chors da Basilea. En questa citad è Huber stà engaschà fitg. 

Tom Gaebel e l'orchester dal radio dal WDR preschentan semperverds per il temp d'advent e Nadal. Nus faschain in viadi musical tras il temp d'advent e Nadal! Cun semperverds sco «White Christmas» u «Let it Snow» ans mainan l'orchester ed il chor dal radio dal WDR e l'incumparabel Tom Gaebel vers il meglier temp da l'onn. Tom Gaebel Dapi che Tom Gaebel (*1975) ha publitgà l'onn 2005 ses album da debut «Introducing Myself», è la scena da musica betg imaginabla senza l'um cun la vusch straordinaria. Nagin auter entertainer tudestg cumbinescha tuns passiunads da big band cun la ligerezza da ses chant. La part da sia vita ch'ins numna «carriera» ha cumenzà tut sut la duscha. Sco student al conservatori dad Amsterdam era el in veritabel chantadur en la bognera. Ses idols: Caruso ed anc dapli Sinatra. E ses conscolars l'han motivà ed encuraschà cun dir: «Hey Tom, quai tuna propi cool». Ed uschia è el sa sviluppà da l'instrumentalist fin tar il chantadur Tom Gaebel che ha finì ses studi da chant da jazz – cum laude. Suenter ses studis da musica cun trumbetta, battaria e sco chantadur da jazz ad Amsterdam, è el ì a Cologna ed ha fundà si'emprima gronda band. Dapi lura ha Tom Gaebel intgantà il public en l'entira Germania e dapertut nua ch'el sa preschenta sin tribuna ensemen cun ses orchester. «Dr. Swing», sco el vegn numnà d'amis, è dentant er in giast bainvesì en emissiuns da televisiun. E tut ses fans na pon betg spetgar fin che Tom concertescha puspè ensemen cun l'orchester da radio dal WDR.

Otto Barblan è naschì ils 22 da mars 1860 a S-chanf sco figl da Florian e Mengia (nata Pitsch). Suenter il seminari da scolasts a Cuira ed il conservatori a Stuttgart ha el curtamain dà scola a la scola chantunala grischuna ed è lura sa chasà a Genevra. Là ha el laschà enavos gronds fastizis ed è burgais d'onur. Malgrà ses divers uffizis èsi gartegià a Barblan da stgaffir in'ovra da cumposiziun voluminusa e da gronda valur, en spezial en la sparta musica d'orgla e musica da chors (spezialmain sacrala). Enconuschent è sia «Calvenfeier». Otto Barblan è mort ils 19 da december 1943.

Nova vita per il Löwenberg. Suenter avair servì 30 onns sco center per requirents d'asil e sin ir en decadenza n'avess nagin pensà ch'il chastè da Schluein survegnia anc ina giada in nov intent. Ma ussa lavuran interpresas giuvnas, start-ups, davos ils mirs vegls dal Löwenberg, ed artistas ed artists creeschan art en ils ateliers da l'edifizi istoric. Ils liuns da Schluein, ina gruppa d'interprendiders cun experientscha, pussibiliteschan questa transfurmaziun dal chastè da Schluein cun lur savida e lur daners. Per ses film «Ils liuns da Schluein» ha Casper Nicca explorà cun la camera quest biotop d'innovaziun e creativitad da la Surselva e scuvert in agen pitschen mund plain surpraisas.

La Samedrina portia il faziel perquai ch'ella saja in chau-dir. Ella ha sa convertida tar l'islam en la vegliadetgna da 24 onns. Obligatoric na saja dentant betg da purtar ina cuvrida-chau, admetta la mamma da dus uffants. L'apparientscha da Monica Gutierrez El Ôrf, quella dat en egl, surtut en ina regiun sco l'Engiadina, nua ch'ins na vesa betg savens persunas che portan in faziel da chau ord motivs religius. Per Monica El Ôrf tutga quel dentant tar sia vita dapi ch'ella ha 24 onns. Da la Bibla tar il Coran Educada cun ina cretta ferm catolica, è Monica El Ôrf ida curt suenter la naschientscha da ses emprim uffant a la tschertga da respostas. Chattà ellas haja ella en il coran. Dapi là viva ella tenor il credo muslim. Las reacziuns sin via u er en butias sin sia apparientscha cun faziel da chau, sajan fitg differentas, per part deplorablamain er negativas. «I dat situaziuns nua che la glieud banduna l'ascensur sche jau vegn en, u er che persunas midan vart sin via per ma betg stuair cruschar.» Durant sia lavur en la Brocki Samedan che Monica Gutierrez El Ôrf maina ensemen cun ses um, na portia ella betg adina il faziel da chau. Quai per evitar malchapientschas e reacziuns negativas. Il basegn da pudair cumprar rauba da segund maun, quel saja fitg grond, er en ina regiun bainstanta sco l'EngiadinOta. «Ils blers n'han betg uschè in grond budget ed èn avisads da pudair cumprar vestgadira, rauba per la cuschina u er equipament da sport per in pretsch pli favuraivel.» Discurrer differentas linguas, tutga tar il mintgadi da la dunna cun geniturs spagnols. Suenter avair emprendì en scola a Schlarigna rumantsch e tudestg, saja vegnì tiers il franzos tras sia sora pli veglia. Pli tard er il talian ed il portugais che Monica El Ôrf ha emprendì durant la lavur en Engiadina. Entant discurra la dunna da 42 onns er la lingua dals Berbs. Tras ses um ch'è oriundamain dal Maroc sa maschaidian las duas culturas en lur mintgadi.

Dapi tschintg onns èn Nora Honegger e Mauro Loretz ils guardiachamona da Maighels, ina chamona dal Club alpin svizzer che sauda a la Secziun Piz Terri. Ils dus Tujetschins han surpiglià quest pensum suenter chils geniturs da Nora, Pia e Bruno Honegger, chhan manà questa chamona durant 27 onns, èn ids en pensiun. Suenter ponderaziun madira èn Mauro e Nora sa decidids da surpigliar quella lavur da guardiachamona il 2018. La devisa è stada dempruvar ina giada, chalar possian ins adina, uschia ils dus giuvens Tujetschins. Suenter tschintg onns plascha la lavur dentant sco anc a lentschatta, era schi saja stà ina sfida ils emprims onns, cunzunt per cuschinar per tanta glieud, far tut las lavurs da biro ed esser sur sa sez, insatge chels nenconuschevan betg. Cun surpigliar ensemen la lavur sco guardiachamona da Maighels è il pèr Nora Honegger e Mauro Loretz er 24 uras a di quasi in sin l'auter. Els hajan dentant chattà ina buna via da manar ensemen questa chamona. Lur caracters giajan bain a prà in cun lauter. E schletta luna saja insatge chels nenconuschian betg.

Gnanc in nivel al firmament, las muntognas ennavadas glischan sco argient en il sulegl, tut para paschaivel en il Grischun. Ma tgi che sa leger sa: Sut il tschiel blau èsi privlus. Suenter mintga laresch mellen po sa zuppar in morder, en mintga sfendaglia da glatscher fraida ina bara. Quasi sco che Massimo Capaul, Giulia de Medici, Matti Coray e consortas stattan in a l'autra sin ils pes, tants policists e tantas schef-investigaturas lavuran instancablamain en il mund dal crimi regiunal grischun. Lur lavur vegn prendida sut la marella da scienziads sco Thomas Barfuss da l'Institut grischun per la perscrutaziun da la cultura u da la romanista Annetta Ganzoni – ma er da las bibliotecaras Claudia Denoth e Marina Willi e l'editur Daniel Kampa. E la «Marella» da RTR, quella è sa messa ensemen cun ellas ed els ad investigar in fenomen – quel dal boom dal crimi regiunal ed il Grischun.

Cun 16 onns ha Corsin Tuor dastgà diriger l'emprima gia in marsch tar la Societad da musica Trun. Suenter in pèr tacts perda el la survista. Questa emprima emprova na tementa betg il giuven Corsin. Pauc pli tard fundescha el il Quartet instrumental da Trun ed in pèr onns pli tard il Cerchel musical da la Surselva. Oz è Corsin Tuor in dirigent renconuschì en la scena da brass naziunala ed internaziunala. El è schef-dirigent da la Bayerische Brass Band Akademie ch'è dapi onns campiun da la Germania. Medemamain è el dirigent dad ina da las pli excellentas bands austriacas e dapi 11 onns dirigia el la Brass Band Berner Oberland (BBO), ina da las pli capablas brass bands da la Svizra tudestga. Il film da «Cuntrasts» raquinta da la passiun da Corsin Tuor ed accumpogna el e la BBO a lur ultima concurrenza svizra da brass communabla a Montreux, nua che lur speranzas na sa cumpleneschan betg dal tut. In film da Bertilla Giossi

«Il cumenzament èsi stà grev da s'endisar ch'insatgi gida», quai di Philipp Camathias da Laax. «Er da sa disar, che adina autras persunas vegnan a chasa – en la sfera privata, e savens er en la sfera intima – n'è betg simpel». Ma uss è Philipp Camathias fitg cuntent cun la lavur che la Spitex fa. Era Bernard Stoffel da Trin è engraziaivel: «Senza la Spitex na fiss jau betg pli qua». Suenter in'operaziun è el vegnì tramess memia baud a chasa. La tgirunza da la Spitex ha percurschì ch'insatge n'era betg bun ed è ida cun Bernhard Stoffel tar il medi. Quai ha salvà sia vita.

«Na sun jau betg tut spalada?», dumonda Johanna Petschen-Cathomas avant mintga filmada. Esser rugalada bain, sco ella di, saja impurtant – era uss cun 102 onns. Per il film da «Cuntrasts» ha Paula Nay accumpagnà sia tatta durant plirs mais cun la camera. «Jau sun cuntenta cun mia vita e na poss betg chapir, ch'jau sun vegnida uschè veglia». In recept per la cuntentientscha n'ha Johanna betg, dentant: Ella ha realisà quai ch'ella ha vulì – sulet maridar na vuleva ella mai. «Jau n'hai betg gì be rosas en mia vita, sun dentant adina stada persvadida che suenter mintga plievgia vegn il sulegl».

Discussiuns sco anc mai hai dà avant il campiunadi mundial da ballape. Igl è stà il pli dispitaivel turnier da ballape da tut ils temps. Emoziuns e larmas da legria u tristezza hai dentant er dà al campiunadi mundial en il Qatar. RTR dat in sguard enavos ed enavant. Numerusas istorgias da sport èn vegnidas scrittas las ultimas emnas. Dad in nunditg debachel èsi per exempel vegnì discurrì en Germania. En Svizra hai dà l'emprim ina laudatio, suenter il gieu cunter la Serbia, e mo paucs dis pli tard è la consternaziun stada gronda suenter la terrada en l'otgavelfinal cunter il Portugal. Critcia anc mai vesida Mintga turnier scriva quellas istorgias magicas che restan nunemblidaivlas. Ma il campiunadi mundial en il Qatar è stà bler dapli che mo in turnier sportiv. Anc mai n'è in campiunadi mundial stà uschè en la critica sco quest onn. Dretgs umans, morts sin ils plazzals dal campiunadi mundial, in lieu senza tradiziun da ballape èn mo intgins chavazzins che mussan, tge ch'è tut vegnì crititgà. Co èn questas quatter emnas dal campiunadi mundial uss propi stadas? RTR prenda las ultimas quatter emnas sut la marella e dat er in sguard en il futur dal Qatar e da la Fifa.

Petra Oggenfuss ha 46 onns e viva cun ses um e sias duas figlias ad Iberg en la vischinanza da Winterthur. Dapi bun quatter onns è Petra Oggenfuss trenadra da memoria. Suenter avair frequentà la scolaziun tar il SVGT, la Federaziun svizra per trenament da memoria, ha ella lura er gist fundà sia atgna fatschenta «hirnplus». Sco il num di gia saja la finamira d'avair in tscharvè plus. Curs e trenaments da memoria porscha Petra Oggenfuss ad in e scadin. Il mument lavura ella dentant principalmain cun seniors en chasas d'attempads, tranter auter er per prevegnir a la malsogna demenza. Petra Oggenfuss lavura tranter auter er suenter ina metoda da Gregor Staub, ina corifea en il trenament da memoria. Uschia ha ella per exempel per mintga cifra dad 1 fin 100 in maletg. Il tscharvè funcziuneschia meglier visualmain ed uschia saja pussibel da tegnair endament meglier cifras, datas da naschientscha u er numers da telefon. Creschida si è Petra Oggenfuss a Rabius che vegnia adina a restar sia vaira patria. La stad passada ha ella fatg durant in'emna in viadi a pe davent da ses dachasa a Winterthur a Rabius, quai per avair ina giada temp be per ella senza stress, senza internet e medias socialas. Quest viadi ha ella dentant er cumbinà cun sia nova professiun. Uschia ha ella tegnì endament tut ils vitgs e lieus ch'ella ha visità durant quest viadi, er quai suenter la metoda da maletgs dad 1 fin 100.

Ina chara persuna svanescha e resta nunchattabla. Ina situaziun inimaginabla! E tuttina, persunas svaneschan e na turnan mai pli. Avant 8 onns è Luzia Lutz svanida. Suenter far cumissiuns en in center da cumpras cun ses um, è ella ida sin tualetta e mai pli turnada. Tuttas retschertgas da la famiglia e da la polizia n'han purtà nagut. Fin oz resta la famiglia enavos cun las regurdientschas vi da lur mamma e dunna. La preistorgia da Luzia Lutz raquinta d'in destin tragic, d'in lung cumbat cunter problems psichics. Er sche tut ils indizis da las differentas retschertgas inditgeschan e lain sminar che la dunna da 58 onns ha pli probabel fatg suicidi ils 04 d'october 2014, resta fin oz l'intschertezza. Tge è propi capità? Il film dals «Cuntrasts» mussa l'istorgia da la spariziun da Luzia Lutz da l'impussanza da la famiglia che resta enavos.

L'Engiadinaisa è academicra da vin ed ha sia atgna agenzia da vin. Tras sia nona, ch'era oriunda da la Val Vuclina, ha la dunna ch'è creschida si a La Punt Chamues-ch, gì da pitschna ensi contact cun il vin. Suenter avair lavurà durant differents onns en la branscha da la hotellaria ed era tar in'agenzia franzosa da marketing e communicaziun, ha l'Engiadinaisa fatg avant 15 onns il pass en la independenza. Oz è la dunna da 51 onns academicra da vin, ha sia atgna agenzia da vin, scriva meds d'instrucziun, fa scolaziuns ed organisescha en in onn il «Wine Hub Alps», l'emprim simposi da vin a La Punt Chamues-ch.

Suenter il gimnasi a la Scola claustrala a Mustér ha Armin Duff, oriund da Sumvitg, studegià fisica a la ETH a Turitg e lura fatg il doctorat en neuroinformatica. Durant quel temp ha el lavurà a l'Universitad Pompeu Fabra a Barcelona. Dapi set onns lavura dr. Armin Duff al Swiss Science Center Technorama a Winterthur.

Cun talas frasas salidavan ils purs da tartuffels in lauter pli baud en la Rumantschia. Savens era quai il cas avant 250 onns: lura – cun la fomina dals onns 1771 enfin 1773 – han ils tartuffels conquistà las maisas en il Grischun. Per vegnir sin ils plats dals Grischuns e da las Grischunas ha il tartuffel dentant stuì surmuntar ina via stentusa. Ina lunga via dal lontan, flancada da sceptica, dolurs e fomaz. Ed era varsaquantas sfidas linguisticas ha il tartuffel stuì dumagnar. Suenter chil tartuffel era dentant setablì sco mangiativa, è el avanzà pli e pli ad in dals aliments centrals en lentira Europa. Ins pudess dir, in vair drama da tartuffels. La Marella fa ina decleraziun damur al tartuffel cun in viadi culinaric ed istoric-cultural en il mund da la bulba mistica. Ella raquinta, pertge chil tartuffel è daventà uschè impurtant en leconomia e la sociocultura grischuna, pertge chel ha tants nums, pertge chel ha gì ed ha er oz anc blers inimis, pertge che cunzunt sorts veglias dal tartuffel han in agen caracter e pertge chil tartuffel porta ina chamischa en tschertas parts da la Rumantschia.

Suenter avair superà in disturbi da nutriment, ha la dunna da 31 onns fatg ina scolaziun supplementara sco terapeuta per gidar ad auters. Braida Pinggera lavura dapi 12 onns tar la Viafier Retica, actualmain en Engiadina Bassa. Là nua chella ha gia fatg lemprendissadi, sa sentia la Sentinra simplamain bain. La figlia da purs è colliada ferm cun sia famiglia ed ama sia patria. Quella giauda ella er faschond differents sports ora en la natira. En la vegliadetgna da 22 onns è sa sviluppà tar la dunna sportiva in disturbi da nutriment, luschenumnà «Binge Eating Disorder «Ti has attatgas nua che ti mangias senza fin. Ti na sas betg pli cura che ti has fom u cura che ti has avunda.» Suenter avair fatg pliras terapias senza success, è ella sa decidida da soccupar sezza dal disturbi. Quel ha ella entant superà ed ha instradà silsuenter ina scolaziun da trais onns sco cussegliadra e terapeuta da nutriment. «Pir cura che jau era propi or dal disturbi, hai jau empermess a mai sez da vulair gidar a persunas che èn en la medema situaziun sco che jau era.» Dapi quest onn lavura Braida Pinggera cun in pensum da 70% tar la Viafier Retica. Daspera ha ella inatgna pratica en Engiadina Bassa chella maina ensemen cun inamia che porscha tractaments dipnosa.

Il pianist, cumponist e magister da musica oriund da Sagogn è mort questa primavaira. L'Artg musical renda onur ad el. Giusep Tschuor è naschì ils 10 da fanadur 1940 sco segund giuven dals tschintg uffants da la famiglia Paul e Gialetta Tschuor-Cavelti da Sagogn. Ses bab era magister primar e l'emprim magister da clavazin dal figl Giusep. Suenter la scola populara ha el frequentà il Seminari da scolasts a Cuira. Là era Benedetg Dolf ses grond promotur. Durant sia vita ha Giusep Tschuor numerus concerts da benefizi, ha dà massa concerts d'orgla e collavurà en nundumbraivels concerts cun chors e musicists. Per sias cumposiziuns ha el savens prendì poesias da Gion Cadieli, il poet e spiritual dal medem vitg.

Quatter regiuns, quatter linguas, 16 titels da musica populara. Per in disc cumpact han ins tschernì quatter titels dal repertori tradiziunal da mintga regiun linguistica svizra. Suenter è mintgin da quests titels vegnì arranschà ed interpretà da furmaziuns da las autras regiuns linguisticas. Ina procedura totalmain nova e fitg interessanta e divertenta.  L'Artg musical preschenta il disc e tut ils 16 titels ch'è ina product da tut las quatter unitads da fatschenta da la SRG SSR.

Da curt ha Carla Flepp da Curaglia terminà la scolaziun sco ipnotisadra. Uss ha ella in'atgna pratica a Mustér. Igl ha duvrà in mument fin ch'igl ha tschiffà ella, di l'anteriura pura en il «Profil». Blers onns ha Carla Flepp manà ensemen cun ses um in manaschi puril da bio a Curaglia. Ma sco dunna giuvna na vuleva ella betg maridar in pur, e n'er betg in scolast da skis. Cun ses um Giusi ha ella dentant survegnì omadus. Suenter ch'ils Flepps han laschà vi il manaschi puril ha ses um surprendì la scola da skis a Mustér.

Quest onn pudess il poet surmiran festivar ses 100avel natalizi. Sias poesias han inspirà blers cumponists rumantschs. Peder Cadotsch è naschì ils 30 da matg 1922 a Panaduz, è dentant creschì si a Savognin, nua ch'el ha passentà sia uffanza e giuventetgna sco era frequentà la scola populara. Gia durant il gimnasi a Mustér ed anc pli fitg durant il temp da studi a las universitads da Friburg e Berna ha el cumenzà a scriver, per gronda part poesias. Suenter avair cuntanschì l'examen da stadi sco dentist ha Peder Cadotsch avert in'atgna pratica a Lucerna. Encreschadetgna e charezza, il nascher e murir da la natira èn tematicas da sias poesias. Pli probabel ha gist quai inspirà plirs cumponists rumantschs da scriver chanzuns sin basa da sias poesias.

Bunamain 13 onns han Claudia e Giusep Columberg manà l'Hotel Restaurant La Furca a Mustér. Il glindesdi da Tschuncaisma è questa era ida a fin. La finala è tut ì fitg spert. Bun in mez onn suenter avair scrit ora da vender l'entir manaschi pon Claudia e Giusep Columberg uss gia surdar La Furca en ils mauns d'ina famiglia gastronoma. Il prender cumià da l'Hotel Restaurant La Furca è collià cun bleras e grondas emoziuns. La Furca è stà durant passa in decenni il dachasa da Giusep e Claudia che han manà sur tut quels onns il manaschi cun corp ed olma. «Il davos menu ch'jau hai mess sin maisa en La Furca è stà in Cordon Bleu, e da quels hai jau fatg millis.» Il cuschinar è adina stà la gronda passiun da Giusep u «Pepi» u «Jumbo» sco quai che blers numnan el. Suenter ses emprendissadi da cuschinier ha el dentant plirs onns mess la palutta e la chazzetta dad in maun e lavurà tar ina firma da bajegiar, quai sco camiunist e lura sco disponent. Cun sa gidar cun sia dunna Claudia che manava quels onns ensemen cun sia cusrina il campadi Fontanivas a Mustér ha Giusep puspè chattà l'amur per la cuschina. E cun tschertgar il 2009 in'abitaziun a Mustér hajan els la finala gist cumprà in entir hotel, l'Hotel Restaurant La Furca.

La via professiunala dal Samedrin ha manà el en las pli differentas spartas. Dapi trais onns lavura el tar l'uffizi da scussiun a Samedan. Cumenzà sia carriera professiunala ha Andrea Gutgsell da Samedan cun in giarsunadi sco mecanist da maschinas agriculas. Suenter ha l'um che viva cun sia famiglia a Segl lavurà en differentas interpraisas, surtut en la vendita. «Jau hai gia vendì vin, biera, café, segiranzas ed er cusseglià ils clients d'ina banca.» Dapi il 2019 è l'um da 57 onns emploià tar l'uffizi da scussiun a Samedan. Sco cuntrapais a sia lavur che sa er ir a la substanza, ha Andrea Gutgsell plirs hobis. Tranter auter ha el cumenzà da scriver. Entant è cumparì in cudesch per uffants ch'el ha deditgà a ses figl Gian Enea, ed in roman per creschids duai vegnir stampà anc quest onn. Ultra da quai è il bab da trais uffants er engaschà en il mund da teater ed el è er commentatur tar l'Olympia-Bobrun a San Murezzan.

Andri Caviezel, in autur giuven ch'è en ina crisa, vegn ospitalisà en la clinica psichiatrica Sonnenberg al Lai da Turitg. En ses siemis è el part da muments centrals da l'istorgia dal moviment feministic. Quai è il punct da partenza d'ina nova seria auditiva da RTR, d'ina istorgia fictiva scritta da Manuela Steiner. Suenter che nus avain tractà l'onn passà en connex cun ils 50 onns dretg da vuschar da las dunnas l'istorgia da l'emancipaziun feminina, vai qua per in um che sto definir da nov sia rolla. En clinica inscuntra Andri la psicologa Margarita Felix. Ensemen cun ella sto el sa confruntar cun ses nufs: qua fiss la ferida en connex cun la publicaziun da ses emprim roman sco era la relaziun cun sia amia Mirabai. Quest viadi daventa ina sfida betg mo per el, mabain era per sia terapeuta. En la «Marella» preschentain nus ensemen cun l'autur l'emprima da tschintg episodas.

Suenter ch'il pachet per las medias ha fatg naufragi, vegn lavurà vi dad alternativas. Tge vul quai dir per las chasas da medias en il Grischun? E tge per las medias rumantschas? Martin Schmid dal PLD e Jon Pult dal PS èn giasts en il «Controvers» da Berna.

«Suenter la mort da mes bab, avain mes frar ed jau gì da surpigliar la fatschenta da bajegiar e lura hai gì num lavurar quasi di e notg.» Otto Beer ha manà durant bun 40 onns la fatschenta da bajegiar Beer SA a Rabius, quai ensemen cun ses frar Luis. Ils dus frars han en lur giuvens onns stuì surpigliar la fatschenta da famiglia tut andetg suenter ch'il bab è mort cun mo 58 onns. Gia da lezzas uras aveva la firma Beer bel e bain 80 lavurers, blers da la Jugoslavia. La fatschenta da famiglia, ch'ils dus frars han manà en la 5avla generaziun, surdattan els uss en mauns pli giuvens. «Jau na sai betg pertge, ma jau viv en enorm cura ch'i va per il ballape.» Dapi 40 onns va Otto Beer er a chatscha, quai en la regiun da l'Alp Glivers, ina passiun ch'è restada sur tut quels onns. E betg vegnir a la curta na dastga il ballape. El è in vair fan da ballape, è stà sez giugader tar l'Uniun Sportiva Rabius e dapi quasi 10 onns presidiescha el il CB Trun/Rabius. Otto Beer è maridà, bab da trais uffants e dapi intgins mais per l'emprima giada tat.

Trais naziunalitads posseda Paul Juon durant sia vita: la russa, la tudestga e la svizra. Forsa declera quai era il fatg che nagin da quests pajais n'ha propi celebrà el sco «ses cumponist» ed uschia n'ha sia musica ditg era betg survegnì la renconuschientscha meritada. Ses tat Simon Juon emigrescha il 1826 da Masein en la Lettonia per daventar conditer. Ses bab Theodor Juon fa carriera sco um da fatschenta a Moscau. Mo il giuven Paul sesa gia d'uffant sut il clavazin da sia mamma per sa laschar purtar da las melodias. Ed igl è gia lura cler che la passiun per la musica vegn in di a daventar ses mastergn. Suenter studis da musica en Russia ed in onn sco magister a Baku (ozendi en l'Aserbaidschan) sa renda il giuven a Berlin, nua ch'el viva e lavura durant bunamain quatter decennis. Ils ultims onns da sia vita passenta el en Svizra, nua ch'el mora il 1940.

Suenter in grev accident dad ir cun auto era Franzestg Muoth da Breil pli mort che viv. El aveva rut bunamain tut l'ossa. Ma propi sentir, senta el anc oz suenter 17 onns cunzunt la blessura dal tscharvè. El è spert stanchel ed ha problems da sa concentrar. En l'ospital, suenter l'accident, è Evelina Muoth vegnida confruntada cun dumondas da dar ils organs. Realisà, tgi ch'el è, e tge ch'è succedì, ha Franzestg Muoth però pir en la rehabilitaziun a Valens.

Cun talas frasas salidavan ils purs da tartuffels in l'auter pli baud en Rumantschia. Savens era quai il cas avant 250 onns, damai che lura – cun la fomina dals onns 1771 enfin 1773 – han ils tartuffels conquistà las maisas en il Grischun. Per vegnir sin ils plats dals Grischuns e da las Grischunas ha il tartuffel dentant stuì surmuntar ina via stentusa. Ina lunga via da lontan, flancada da sceptica, dolurs e fomaz. Ed era varsaquantas sfidas linguisticas ha il tartuffel stuì dumagnar. Suenter ch'il tartuffel era dentant s'etablì sco mangiativa, è el avanzà pli e pli ad in dals aliments centrals en l'entira Europa. Ins pudess dir, in vair drama da tartuffels. Tgi che di ussa anc ch'il tartuffel saja in legum lungurus ed antiquà, raquinta ina detga buglia! Primo n'è il tartuffel per propi gnanc in legum. Secundo datti vairamain da scuvrir numerus misteris davart ils uschenumnads patatis – uschiglio n'avessan nus strusch pudì emplenir in'entira Marella cun quel tema. E perquai fa la Marella ina decleraziun d'amur al tartuffel cun in viadi culinaric ed istoric-cultural en il mund da la bulba mistica. Ella raquinta, pertge ch'il tartuffel è daventà uschè impurtant en l'economia e la sociocultura grischuna, pertge ch'el ha tants nums, pertge ch'el ha gì ed ha er oz anc blers inimis, pertge che cunzunt sorts veglias dal tartuffel han in agen caracter e pertge ch'il tartuffel porta ina chamischa en tschertas parts da la Rumantschia.

Sia uffanza ha Marionna Lombriser passentà en il chantun da Berna, a Zweisimmen. Là ha ella – sco tut ils uffants - pudì far la carriera da las maschinas agriculas. Ma avant che pudair ir cun tractor e chargiafain, èn ses geniturs turnads en il Grischun.  Suenter il Seminari da scolastas e scolasts a Cuira, gist il di ch'ella ha survegnì la novitad d'avair passà l'examen final dal seminari, ha la futura moderatura dad RTR er survegnì la novitad dad esser en speranza. L'emprim mument in schoc da stuair prender ina decisiun co vinavant. Ma suenter er il plaschair da vegnir mamma.

L'emissiun Artg musical vegn extendida davent il settember sin duas uras. Mintga dumengia suentermezdi da las 14:00 fin las 16:00 pudais vus tadlar musica da differents geners, registrada da RTR. Suenter 38 onns emissiuns da musica tar RTR è il redactur e producent da musica Giusep Giuanin Decurtins ì en pensiun bain meritada. Ses successur, Hugo Schär, preschenta en ses emprim Artg musical las pitschnas midadas che l'emissiun survegn. L'emissiun vegn extendida sin duas uras la dumengia suentermezdi. Il cuntegn resta dentant pli u main il medem sco fin qua. L'emissiun Artg musical duai esser e restar in caleidoscop da tut quai che capita en la scena da musica en Svizra rumantscha, en il Grischun e sur ils cunfins da noss chantun. L'Artg musical vul era restar datiers da musicistas e musicists rumantschs, saja quai da professiun u laics, ed adina puspè preschentar lur novas registraziuns e represchentaziuns.

L'emissiun Artg musical vegn extendida davent il settember sin duas uras. Mintga dumengia suentermezdi da las 14:00 fin las 16:00 pudais vus tadlar musica da differents geners, registrada da RTR. Suenter 38 onns emissiuns da musica tar RTR è il redactur e producent da musica Giusep Giuanin Decurtins ì en pensiun bain meritada. Ses successur, Hugo Schär, preschenta en ses emprim Artg musical las pitschnas midadas che l'emissiun survegn. L'emissiun vegn extendida sin duas uras la dumengia suentermezdi. Il cuntegn resta dentant pli u main il medem sco fin qua. L'emissiun Artg musical duai esser e restar in caleidoscop da tut quai che capita en la scena da musica en Svizra rumantscha, en il Grischun e sur ils cunfins da noss chantun. L'Artg musical vul era restar datiers da musicistas e musicists rumantschs, saja quai da professiun u laics, ed adina puspè preschentar lur novas registraziuns e represchentaziuns. 

Suenter sia patenta da scolast primar l'onn 1977 ha Gion Gieri Sgier cleras ideas per sia vita professiunala: Instruir sin il stgalim aut a scolararas e scolars reals e mintga diesch onns midar lieu. Ma i vegn dal tuttafatg auter. Il giuven scolast va a Sevgein, instruescha las emprimas classas primaras e resta là 44 onns enfin tar sia pensiun. Sper la scola èn las uniuns e la vita culturala dal vitg da Sevgein in element central en la vita da Gion Gieri Sgier. Petra Rothmund vul savair, daco ch'igl è vegnì tut auter che quai ch'il giuven scolast aveva planisà a sias uras. Cun sia camera accumpogna ella il scolast dal vitg durant sias davosas emnas da scola.

I saja cool sch'ins è en la Bassa, vesia en las fatschas da la glieud ed audia a dir: «Uschè cool, quel sa rumantsch.» Quai di Roman Cantieni da Glion en il profil. A partir da l'avust 2021 è el il nov manader da la scola mercantila e da la scola media spezialisada a Glion. Nagins problems ha il giurist da dar tiers ch'el laschava encrescher per il Grischun. Suenter ses studi a Turitg e plirs onns a Berna ha el surpiglià ina lavur tar il chantun, in job betg uschè adattà per el. Ma il giavisch da turnar en il Grischun era pli grond ch'ils dubis ch'il job na saja betg il meglier. Dapi il 2014 lavura Roman Cantieni sco scolast a la scola mercantila e scola media spezialisada a Glion. El instruescha là dretg ed economia ed a partir da l'avust maina el la scola en in pensum da 50%. Sper sia lavur per la scola s'engascha Roman Cantieni er politicamain. Avant paucas emnas ha el decidì da midar partida, dad ir da la PCD tar la PS.

Suenter ina primavaira fraida è uss la stad arrivada. Tge datti pli bel che da star durant quest temp sper in lai, in flum u dad ir a viandar en la muntogna? Stad avant porta e stad en il radio: «Noss Chors» dechantan la segunda stagiun en tut sias fassettas. Saja quai ord vista dal signun, dal pastur sin l'alp ubain dal mintgadi en iert, sper l'aua e sin la muntogna.

Il cantus firmus surselva a Laax (2009) e Cuira (2015). Per cumpensar in zic quai temp senza concerts e festas da chant en natira, emetta RTR en l'emissiun «Noss chors» ina seria da concerts ord noss archiv. Qua vegn la segunda part. E qua chanta in dals capo-chors rumantschs, il cantus firmus surselva. «Chanzuns rumantschas en ils divers idioms» – quai è stà il tema dal concert dals 13 da november 2009 a Laax en la baselgia parochiala.  Sin il program stattan chanzuns da: Duri Sialm, Armon Cantieni, Gion Duno Simeon, Giusep Maissen, Hans Lanicca, Gion Giusep Derungs, Gion Antoni Derungs, Carli Scherrer e Gion Balzer Casanova. Ils interprets: cantus firmus surselva, Judit Scherrer, mezzosopran, Clau Scherrer, dirigent e pianist. Suenter quest concert da Laax dat il Cantus firmus surselva anc sis chanzuns ord: Liebeslieder Walzer, op. 52 da Johannes Brahms, registradas da RTR ils 2 da favrer 2015 en il teater a Cuira. Pianist: Yunus Emre Kaya.

Magari datti sgaradas cun ses um. Dapi sis onns lavuran e vivan ils Putzis ensemen. Avant sis onns han els cumprà la papetaria Maggi a Glion e passentan quasi 24 uras ensemen. Esther Putzi è creschida si a Cumbel en Val Lumnezia. Sia gronda passiun è il sport, en spezial l'ir cun skis. Quella passiun ha tschiffà ella gia sco matta. Ma professiunalmain n'è ella betg ida la via dal sport, mabain fatg in emprendissadi da gidantra da medi. Suenter avair lavurà en il mund da las finanzas, ha ella cumprà cun ses um la papetaria Maggi a Glion. Ina da las sfidas per linterprendidra è la birocrazia sco Esther Putzi raquinta en il Profil.

En l'emissiun dad oz chantan Noss Chors dal fieu dal sulegl, da l'aua en il lajet alpin e dals culms che tanschan fin ils nivels en l'aria. En l'emprima part da quest viadi musical tras ils elements sa deditgeschan Noss Chors al element fieu. Tranter auter chanta il chor mischedau da Castrisch «Ti Fiug» ed il cor viril-baselgia Savognin «Rasvegl». Suenter il fieu suonda l'aua cun il chor masdo da Surmeir ed «Il laiet alpin». Il chor da giuvenils Grischun maina nus lura en l'aria cun «trag mi Wind». A la fin sa tschentain puspè sin terra e tadlain il chor viril Alpina che chanta da «Nos cuolms».

Paucs auters han dechantà nossa patria, il simpel viver e traffitgar da quest temp sco il poet rumantsch Flurin Camathias da Laax. Ses dachasa, la natira e la travaglia dal mintgadi ha el savens tematisà en sias poesias. Ils 6 da mars 1871 è Flurin Camathias naschì a Laax. Suenter la scola en sia vischnanca natala ed il gimnasi a Mustér ha el studegià al seminari teologia a Sogn Glieci a Cuira. Cun 24 onns ha el surprendì la plaiv da Breil ed enfin 1934 ès el stà plevon ad Andiast per silsuenter surprender la plaiv da Siat. Quai è stà l'ultima staziun da sia lavur sacerdotala avant sia mort ils 3 da favrer 1946. Dasper sia lavur sacerdotala è Flurin Camathias savens stà da viadi. El ha fatg viadis en la Provenza, la Catalugna ed en il Portugal fin en Brasilia ed era en l'autra direcziun per exempel vers la Russia e la Pologna. Dapertut ha el translatà poesias da scrivents indigens. Varga 120 translaziuns ha el uschia scrit durant ses viadis. «Rosas ord orts jasters» ha el numnà sias translaziuns. In motiv per ses viadis ed ils texts transferids en rumantsch era da mussar a rumantschas e rumantschs co autras linguas minoritaras sa dostan e van enturn cun lur situaziun. Sias atgnas poesias raquintan savens da l'atgna patria sco «A mia biala patria», «Miu vitg nativ» ni «Lunsch da casa benedida». Ma era il traffitgar dal mintgadi ed en spezial la natira han inspirà el per bain inquala poesia.

Avant 120 onns è Nuot Vonmoos naschì a Vnà. Ils 4 da schaner 2021 èsi 120 onns dapi la naschientscha da Nuot Vonmoos – il magister, chantadur, dirigent, organist e cumponist ladin. Naschì è el a Vnà (Engiadina Bassa). Mort è el ils 16 da schaner 1973 a Puntraschigna. 1920 fa Nuot Vonmoos la patenta da magister a Cuira. Suenter in curt temp a Flem sa chasa el definitivamain a Puntraschigna. 45 onns suna el là lorgla da baselgia, dirigia divers chors da vischnanca e da la regiun. Nuot Vonmoos è era stà cunredactur da la Guardia Grischuna, da la Laudinella e da cudeschs da chant per la scola. Ed el è stà lemprim Rumantsch en la Cumissiun da chant federala (1955-1973). Oz è Nuot Vonmoos surtut enconuschent sco cumponist da chanzuns per uffants, per chor maschadà e viril. Sias cumposiziuns mussan chel nha mai snegà sias profundas ragischs ladinas. Lésprit da sia musica è – sper ina lingia melodica filigrana ed armonias cleras – surtut il cantabile. A mia Rezia, Mia marusa, Talgordast, Meis cumünet, Increschentüm – tut chanzuns che vegnan anc oz chantadas cun anim e gust. Ses dus vairs hits èn «Cur chi vain la not» e «Buna not, dorma bain». LArtg musical porta inemissiun or da noss archiv – fatga da Men Steiner lonn 2001 per il 100avel da Nuot Vonmoos. Redacziun: Giusep G. Decurtins

Luffanza da Jon Duri Tratschin è sequenzada en chapitels da quatter onns. Mintga quatter onns ha fatg la famiglia midada. Mintgatant na savaiva betg tge respunder a la dumonda: Danunder es ti?, raquinta il virolog pensiunà. Suenter la Scola chantunala a Cuira hal studegià a lETH Turitg ed è daventà virolog. Questa lavur al ha manà fin a Washington DC – adina a la tschertga da dapli savair davart singuls virus. Durant ils ultims onns sha el però deditgà dapli a listorgia locala da lEngiadina Bassa – sco collavuratur da lArchiv cultural Engiadina Bassa. Ma cun la scuverta dal coronavirus è vegnì sveglià danovamain ses interess per la virologia. Nus al avain visità a Tschlin, là nua chel è uss dachasa – ed era ensasez gia adina.

Tuttina con ditg ch'i plova u naiva insacura turna il sulegl. Suenter dis suleglivs s'avischinan puspè nivels ed il ciclus cumenza danovamain. «Noss Chors» han per mintga eventualitad la dretga chanzun. In di plovi u naivi tge ch'i po in'auter e l'entira cuntrada cuvert da tschajera grossa e tuttenina vegn il sulegl ora. Uschè variant sco l'aura èn era las chanzuns da «Noss Chors». Uschia chantan els dal sulegl, dal vent mabain era da la malaura, plievgia e naiv.

La chantautura Martina Linn e si'amur per il rumantsch. Martina Linn da La Punt-Chamues-ch ha cumenzà cun musica populara e jodlar ed è uss da chasa en il pop, blues e folk. Cun 16 onns ha ella cumponì sias emprimas chanzuns ed accumpignà quellas cun la ghitarra. Suenter la matura va ella a Lucerna a studegiar musica. Là fa ella enconuschientscha cun divers musicists e 2013 cumpara ses album da début «She Is Gone». Dus auters suondan: «Pocket of Feelings» (2015) e «Win What Yesterday Lost» (2019). Ed era concerts en Svizra, Germania ed Austria. Martina Linn ha dentant mai emblidà sias ragischs engiadinaisas. Quai ha il concert dals 22 d'october 2020 a Segl en Engiadina documentà a moda surprendenta. Chanzuns popularas rumantschas e chanzuns rumantschas daventadas popularas han furmà il nuschegl dal program. Martina Linn (chant, ghitarra, clavazin e moderaziun), Selina Cuonz (arpa) e Clemens Kuratle (percussiun e clavazin) – in event en in bun spiert rumantsch registrà da RTR. L'Artg musical porta parts lunderora.

Il 1969 sajetta in lavurer talian a Sedrun dus umens e blessa in terz grevamain; sinaquai sa denunzia el tar la polizia. Il motiv saja stà l’onur, di el per il protocol, sia onur e quella da sia marusa. Domenico Formica vegn da l’Italia dal Sid e lavura sco manual per ina firma da construcziun. El viva sco sutfittadin tar Anton D. che ha problems d’alcohol e famiglia. Adina pli savens sto il sutfittadin consolar la dunna. Suenter intgins mais cumenzan els ina relaziun d’amur. Domenico posseda ina pitschna agenda, nua ch’el notescha mintga giada, cura ch’el ha durmì cun la dunna, «tutto bello» – per il cas,che Regina D. vegniss en speranza. Gieri Venzin, autur da film ed istoricher, recapitulescha quest cas en ses film «tutto bello» e lascha vegnir a pled ils protagonists da lezzas uras. Uschia er Formica che viva oz en Calabria.

Il 1969 sajetta in lavurer talian a Sedrun dus umens e blessa in terz grevamain; sinaquai sa denunzia el tar la polizia. Il motiv saja stà l’onur, di el per il protocol, sia onur e quella da sia marusa. Domenico Formica vegn da l’Italia dal Sid e lavura sco manual per ina firma da construcziun. El viva sco sutfittadin tar Anton D. che ha problems d’alcohol e famiglia. Adina pli savens sto il sutfittadin consolar la dunna. Suenter intgins mais cumenzan els ina relaziun d’amur. Domenico posseda ina pitschna agenda, nua ch’el notescha mintga giada, cura ch’el ha durmì cun la dunna, «tutto bello» – per il cas,che Regina D. vegniss en speranza. Gieri Venzin, autur da film ed istoricher, recapitulescha quest cas en ses film «tutto bello» e lascha vegnir a pled ils protagonists da lezzas uras. Uschia er Formica che viva oz en Calabria.

Ils fragliuns Sarott da Scuol han concertà a Samedan. Cun 8 onns ha Flurina (*1989) gì si'emprima lecziun da violina. 2013 ha ella terminà il studi Master of Arts in Music Performance a Berna. Dus onns pli tard lura il Master of Arts in Music Pedagogy a Turitg. Flurina instruescha a la Scola da musica Weinfelden e suna en divers orchesters (t.a. Tonhalle-Orchester ZH) ed en furmaziuns da chombra. Ses frar Janic (*1992) ha cumenzà cun 10 onns a dar la battaria. 2015 ha el terminà il studi Bachelor of Arts a Turitg. Suenter in praticum tar l'Orchester sinfonic dal Hessischer Rundfunk ha el accquistà il Specialized Master. Il mument è Janic engaschà tar il Tonhalle-Orchester ZH. Dapi onns sunan ils fragliuns Sarott er ensemen e quai sco duo: violina/percussiun. In punct central da questa lavur èn las atgnas cumposiziuns. En il concert dals 24 da fanadur/lügl 2020 a Samedan han els interpretà t. a. lur ciclus «Patria». RTR ha registrà quest concert e porta el en l'Artg musical.

Cun ses hits «Silberfäden» u «Kalkutta liegt am Ganges» ha Vico Torriani procurà suenter la Segunda Guerra mundiala per buna luna. Durant sia carriera che ha durà passa 50 onns ha el vendì dapli che 16 milliuns portatuns, tants sco nagin auter interpret svizzer. Vico Torriani nascha il 1920 a Genevra, nua che ses bab grischun lavura. Sia uffanza e giuventetgna passenta Vico Torriani a San Murezzan en relaziuns simplas. Suenter l’emprendissadi da cuschinier cumenzan sias emprimas preschentaziuns en il Niederdorf a Turitg. En il film dals Cuntrasts «Veni, vidi, Vico – sin il 100avel da Vico Torriani» sa regordan ses uffants Nicole e Reto, sco er cumpogns sco Paola Felix dad el.

Cun ses hits «Silberfäden» u «Kalkutta liegt am Ganges» ha Vico Torriani procurà suenter la Segunda Guerra mundiala per buna luna. Durant sia carriera che ha durà passa 50 onns ha el vendì dapli che 16 milliuns portatuns, tants sco nagin auter interpret svizzer. Vico Torriani nascha il 1920 a Genevra, nua che ses bab grischun lavura. Sia uffanza e giuventetgna passenta Vico Torriani a San Murezzan en relaziuns simplas. Suenter l’emprendissadi da cuschinier cumenzan sias emprimas preschentaziuns en il Niederdorf a Turitg. En il film dals Cuntrasts «Veni, vidi, Vico – sin il 100avel da Vico Torriani» sa regordan ses uffants Nicole e Reto, sco er cumpogns sco Paola Felix dad el.

L'architect da Ramosch circumscriva uschia in da ses debels. Che la vita professiunala maina in di a Chasper Cadonau en il sectur da construcziun, saja bunamain vegnì mess en tgina ad el, cun gist plirs confamigliars che han lavurà en quest sectur. Atgnamain avess sia vita er pudì prender tut in'autra storta en direcziun sport professiunal da biatlon. Ina ferida dal dies ha finalmain fatg ir il giuven da Ramosch en in'autra direcziun. Suenter avair frequentà il giarsunadi sco dissegnader a San Murezzan, ha l'um dad oz 44 onns finalamain realisà in siemi e cumenzà il 2004 cun in agen biro d'architectura. Avaina sociala Dapi passa 20 onns fa Chasper Cadonau entant er part dal salvament sanitar da la defaisa civila. Cun adina puspè lavurar en quella truppa, possia el er viver ora sia avaina sociala, uschia il bab da dus uffants. Uschia è l'architect stà en acziun durant in'emna la notg en l'Ospital chantunal a Cuira per tgirar pazients cun il coronavirus. «Cun lavurar en ina partiziun d'urgenza vesas ti che la vita è simplamain in regal.» En il Profil raquinta l'affarist sportiv dapli da sia vita sur cunfin. Chasper Cadonau viva dad ina vart en il Vnuost en l'Italia cun sia famiglia e da l'autra a Ramosch, nua ch'el ha ses biro. L'Engiadinais raquinta dentant er, pertge ch'el n'ha betg pli vulì realisar projects simplamain be pervi dals raps.

Suenter dus mais «lockdown» tiran ils cussegliers guvernativs Marcus Caduff (PCD) e Peter Peyer (PS) bilantscha. Ed els van perina: La coordinaziun tranter Confederaziun ed ils chantuns avess pudì esser megliera. Omadus cussegliers guvernativs han concedì che la crisa da corona saja ina sfida. Forsa hajan els perfin sutstimà il svilup al cumenzament da la crisa. En ina crisa sco tar il coronavirus - la pli gronda dapi la Segunda Guerra mundiala - vegnia il federalissem en Svizra als cunfins, uschia il minister da sanadad Peter Peyer. El differenziescha dentant: Sin livel dal fatg, per exempel tranter ils medis chantunals, haja il barat funcziunà fitg bain. Sin livel politic saja el dentant pli critic sche la collavuraziun haja propi funcziunà bain. Quai saja segir anc d'analisar anc en detagl. Marcus Caduff numna surtut la communicaziun ina sfida, cunquai che la populaziun en las valladas dal sid hajan savens gì l'impressiun che Cuira na fetschia nagut. La regenza perencunter haja era magari stuì spetgar sin decisiuns da Berna e silsuenter communitgar a curta vista tge che las mesiras muntian per il Grischun.

Suenter dus mais «lockdown» tiran ils cussegliers guvernativs Marcus Caduff (PCD) e Peter Peyer (PS) bilantscha. Ed els van perina: La coordinaziun tranter Confederaziun ed ils chantuns avess pudì esser megliera. Omadus cussegliers guvernativs han concedì che la crisa da corona saja ina sfida. Forsa hajan els perfin sutstimà il svilup al cumenzament da la crisa. En ina crisa sco tar il coronavirus - la pli gronda dapi la Segunda Guerra mundiala - vegnia il federalissem en Svizra als cunfins, uschia il minister da sanadad Peter Peyer. El differenziescha dentant: Sin livel dal fatg, per exempel tranter ils medis chantunals, haja il barat funcziunà fitg bain. Sin livel politic saja el dentant pli critic sche la collavuraziun haja propi funcziunà bain. Quai saja segir anc d'analisar anc en detagl. Marcus Caduff numna surtut la communicaziun ina sfida, cunquai che la populaziun en las valladas dal sid hajan savens gì l'impressiun che Cuira na fetschia nagut. La regenza perencunter haja era magari stuì spetgar sin decisiuns da Berna e silsuenter communitgar a curta vista tge che las mesiras muntian per il Grischun.

Il si e giu emoziunal è quasi il fil cotschen tras la vita da Rico Caratsch. Creschì si en ina famiglia da purs cun sis fragliuns a Müstair è el dapi l'entschatta da sia vita vegnì confruntà cun la mort. Lentira vita professiunala ha Rico Caratsch (47) passentà tar la Polizia chantunala. Sco pli giuven grenadier da ses temp ha el suenter in pèr onns en l'Engiadina midà a Cuira ed ha fatg carriera tar ils grenadiers, la truppa d'elita da la Polizia chantunala. Suenter in burn-out ed ina pausa da plirs mais è Rico Caratsch turnà en il process da lavur sco simpel policist tar il post per giuvenils da la Polizia chantunala. In grond pass enavos en la carriera, dentant in grond pass enavant ord vista persunala.

La mesadad da la legislatura per il parlament a Berna. Suenter las elecziuns avant dus onns hai gì num che surtut il Cussegl naziunal vegnia a far ina politica pli burgaisa. Ma è quai propi capità? Tge allianzas funcziunan en il parlament e tge èn ils projects per ils proxims dus onns? En il Controvers discutan la cussegliera naziunala Magdalena Martullo-Blocher da la PPS, la cussegliera naziunala da la PS, Silva Semadeni, ed il cusseglier dals chantuns, Stefan Engler dal PCD. Moderaziuns e redacziun Andri Franziscus.

La mesadad da la legislatura per il parlament a Berna. Suenter las elecziuns avant dus onns hai gì num che surtut il Cussegl naziunal vegnia a far ina politica pli burgaisa. Ma è quai propi capità? Tge allianzas funcziunan en il parlament e tge èn ils projects per ils proxims dus onns? En il Controvers discutan la cussegliera naziunala Magdalena Martullo-Blocher da la PPS, la cussegliera naziunala da la PS, Silva Semadeni, ed il cusseglier dals chantuns, Stefan Engler dal PCD. Moderaziuns e redacziun Andri Franziscus.