Þjóðmál

Við færum Þjóðmálastofuna austur fyrir fjall og skellum okkur á Hótel Jökulsárlón, sem er í eigu athafnamannsins Skúla Gunnars Sigfússonar. Það er nú risið glæsilegt hótel sem nú þegar er farin að hafa mikil efnahagsleg og samfélagsleg áhrif. Þeir Andrés Magnússon, Hörður Ægisson, Stefán Einar Stefánsson, Þórður Gunnarsson og Örn Arnarson skelltu sér með í vorferð Þjóðmála. Við fjöllum um þau fyrirtæki sem við heimsóttum í ferðinni og fjöllum um allt það helsta sem er að eiga sér stað í stjórnmálum og viðskiptalífinu þessa dagana.

Sigríður Andersen alþingismaður og Þórður Pálsson, efnahagsráðgjafi Þjóðmála, mæta í Þjóðmálastofuna og ræða um stöðuna í þinginu, hvað raunverulega liggur að baki illa unnu frumvarpi um hækkun veiðigjalda, vandræðagang ríkisstjórnarinnar, hversu mikilvægt það er að losa fyrirtæki úr höndum ríkisins, undarlega vegferð utanríkisráðherra og utanríkisráðuneytisins, hrós vikunnar og margt fleira.

Ásdís Kristjánsdóttir og Íris Róbertsdóttir, bæjarstjórar í Kópavogi og í Vestmannaeyjum, mæta í Þjóðmálastofuna nú þegar ár er í sveitastjórnarkosningar. Við ræðum um helstu áherslur í rekstri sveitarfélaga, mikilvægi þess að hafa reksturinn í lagi, menntamálin, atvinnulífið og margt fleira sem snýr að rekstri sveitarfélaganna.

Orri Hauksson og Þórður Gunnarsson fara yfir allt það helsta, hvort að sala á ríkisfyrirtækjum eigi sér hugmyndafræðilegar rætur eða bara praktískar rætur í bókhaldi ríkisins, um það sem forsætisráðherra kallar „erfiðar aðgerðir á tekjuhliðinni“ en aðrir kalla skattahækkanir, þau áhrif sem boðaðar skattahækkanir á sjávarútveginn eru byrjuð að hafa, um uppbyggingu og framtíð fiskeldis hér á landi, seljendalán Reykjavíkur til nýrra eigenda Perlunnar, endurvinnslu frétta hjá ríkisfjölmiðlinum, um hlutverk og starfsemi eftirlitsstofnana og margt fleira.

Gunnlaugur Jónsson athafnarmaður fjallar um komu Dr. Gad Saad til Íslands, en hann mun flytja erindi hér á landi í Hörpu mánudaginn 2. júní nk. Gunnlaugur stóð einnig fyrir komu Dr. Jordan Peterson hingað til lands. Í þættinum ræðum við um það hvernig þessir tveir menn hafa haft áhrif á umræðu um þjóðfélagsmál á Vesturlöndum, hvaðan hugmyndir stjórnlynda fólksins eru sprottnar, um slagina sem kapítalistarnir taka – og taka ekki, um opin landamæri og margt fleira.

Hörður Ægisson og Þorbjörn Atli Sveinsson hjá Acro verðbréfum ræða um nýafstaðið hlutafjárútboð í Íslandsbanka, hvort rétt hafi verið að stækka útboðið, hvort það sé jafnvel heppnað og stjórnvöld halda fram, hvernig eftirmarkaðurinn kann að líta út, um ummæli fjármálaráðherra kosti þess að fjárfesta í banka á meðan útboðið stóð yfir, hvernig Íslandsbanki mun starfa í framhaldinu og margt fleira. Þá er rætt um stýrivaxtaákvörðun Seðlabankans í næstu viku, skráningu Alvotech í Svíþjóð og fleira.

Sigurður G. Guðjónsson hæstaréttarlögmaður fjallar um þau vandræði sem embætti sérstaks saksóknara, nú héraðssaksóknara, hefur komið sér í með tilhæfulausum hlerunum á fjölda manna - hlerunum sem nú hafa ratað frá embættinu í hendur óviðkomandi aðila. Við ræðum um starfsaðferðir embættisins eftir hrun, hvernig réttarkerfið brást í mörgum atriðum, hvort einhverjar breytingar hafi átt sér stað, um starfsemi erlendra njósnafyrirtækja hér á landi og margt fleira. Þá ræðir Sigurður G. einnig um tilvonandi skattahækkanir á sjávarútveginn og mýtuna um blómlegar útgerðir í byggðum landsins hér á áðum áður.

Bergþór Ólason og Sigmundur Davíð Gunnlaugsson mæta gallvaskir á helgarvakt Þjóðmála. Við ræðum um stöðuna í pólitíkinni, vandræði ríkisstjórnarinnar sem halda áfram að hrannast upp, stöðu stjórnarandstöðunnar, umbúðir og innihald stjórnmálaumræðunnar, léttar spurningar yfir grillinu og margt fleira.

Eyjólfur Árni Rafnsson hefur verið formaður Samtaka atvinnulífsins (SA) í átta ár Hann mun láta af störfum á aðalfundi samtakanna í næstu viku. Í nýjum þætti Þjóðmála fer Eyjólfur Árni yfir þessi ár sem hafa að margra mati þótt róstursöm, kosti og galla vinnumarkaðsmódelsins hér á landi og hvort raunhæft sé að færa sig nær skandinavíska módelinu, samskiptin við verkalýðshreyfinguna, hvort að þeir kjarasamningar sem hafa verði undirritaðir á liðnum árum styðjist við raunhæfa framleiðni, um umræðu um frjálst markaðshagkerfi, hlutverk hins opinbera og margt fleira.

Andrés Magnússon og Stefán Einar Stefánsson mæta í Þjóðmálastofuna að loknum löngum vinnudegi og fara yfir allt það helsta. Rætt er um hneykslunarbylgju vegna norskra auglýsinga, skort á efnislegri umræðu um aðför að atvinnulífinu, flótta nýs formanns Sjálfstæðisflokksins, skrýtnar ráðningar í Valhöll, njósnamál, yfirlæti héraðssaksóknara og margt fleira.

Birna Ósk Einarsdóttir, framkvæmdastjóri hjá APM Terminals, ræðir um starfsemi félagsins sem rekur hafnir út um allan heim, stöðuna í alþjóðlega flutningakerfinu og alþjóðaviðskiptum, hvaða áhrif mögulegt tollastríð getur haft til skemmri og lengri tíma, hvaða áhrif truflum á siglingaleiðum getur haft og fleira þessu tengt. Þá er einnig rætt um stöðuna á Mílu og Skel, en Birna Ósk situr í stjórn beggja fyrirtækja. Rætt er um aðkomu franska innviðafjárfestingasjóðsins að Mílu og uppbyggingu hér á landi, mikilvægi þess að laða að erlenda fjárfestingu, hvernig starfsemi Skeljar gæti þróast með ólíkum fjárfestingum og margt fleira.

Þórður Gunnarsson og Örn Arnarson mæta á helgarvaktina og fjalla um allt það helsta sem er að eiga sér stað í þjóðfélaginu, aðför ríkisstarfsmanna og stjórnmálamanna gegn verðmætasköpun, illa undirbúin stjórnarfrumvörp, máttlausa gagnrýni á máttlausar hagræðingaraðgerðir, áhugaleysi stjórnmálanna á því að tala máli fyrirtækja á erlendum vettvangi og margt annað skemmtilegt.

Ásdís Kristjánsdóttir, bæjarstjóri í Kópavogi, og Gunnar Úlfarsson, hagfræðingur Viðskiptaráðs, fjalla um nýja skýrslu Viðskiptaráðs um húsnæðisstefnu stjórnvalda, um óeðlileg afskipti hins opinbera sem skekkt hafa fasteignamarkaðinn, um hringrásina sem þarf að vera til staðar á markaðnum og fleira í þeim dúr. Þá er einnig rætt um áætlun ríkisstjórnarinnar að neyða sveitarfélög til að hækka skatta og fyrirhugaðar skattahækkanir á okkar helstu útflutningsgreinar á sama tíma og þær verða fyrir áhrifum yfirvofandi tollastríðs og óvissu í alþjóðaviðskiptum.

Eftir að hafa snætt á Jómfrúnni mættu þeir Andrés Magnússon og Stefán Einar Stefánsson beint í Þjóðmálastofuna til að fara yfir allt það helsta um og fyrir páska. Við ræðum um andverðugleikasamfélagið sem sumir vilja skapa, það hvernig sumir líta á alla verðmætasköpun sem eign hins opinbera, pólitíska stöðu forsætisráðherra og framgöngu húskarla Samfylkingarinnar og margt, margt fleira.

Bláa lónið hefur fyrir margt löngu fest sig í sessi sem sterkt alþjóðlegt vörumerki og einstakt aðdráttarafl fyrir íslenskra ferðaþjónustu. Grímur Sæmundsen, forstjóri og einn stærsti eigandi fyrirtækisins, ræðir í ítarlegu viðtali um þær áskoranir sem félagið hefur farið í gegnum á liðnum árum, sú uppbygging sem er framundan í Svartsengi og annars staðar á landinu, fyrirhugaða skráningu á markað og fleira. Þá er rætt um langa sögu félagsins, uppbygginguna sem átti sér stað áður en hér varð ferðamannasprengja, ferðaþjónustuna og uppvöxt hennar, áætlanir ríkisstjórnarinnar um aukna skattheimtu og margt fleira.

Hörður Ægisson, ritstjóri Innherja og yfirmaður greiningardeildar Þjóðmála, og Daði Kristjánsson, framkvæmdastjóri Visku, ræða um áhrifin af tollastefnu Bandaríkjaforseta, almennt um stöðuna á mörkuðum og alþjóðaviðskiptum, hvernig næstu misseri kunna að líta út og þar fram eftir götunum. Þá ræðum við um inngrip Seðlabankans á gjaldeyrismarkaðinn, hvers vænta megi við næstu vaxtaákvörðun, þögn lífeyrissjóðanna vegna skattahækkana á sjávarútvegfyrirtækin, hvort að ríkið klári söluna á hlut sínum í Íslandsbanka og hvort að bankinn sé líklegur til að kaupa VÍS, fyrirhugaða skráningu Stoða á markað og margt fleira.

Einar Örn Ólafsson, forstjóri og einn stærsti eigandi Play, fer yfir rekstur flugfélagsins, þær breytingar sem verið er að gera á rekstrarmódelinu, stofnun dótturfélagsins á Möltu og tilgang þess, stöðuna í ferðaþjónustunni, þau áhrif sem tollastríðið getur haft og margt fleira.

Þórður Gunnarsson, aðalhagfræðingur Þjóðmála, og Ingvi Þór Georgsson, framkvæmdastjóri Aflamiðlunar og fyrrum stjórnandi Pyngjunnar, fara yfir allt það helsta í vikunni. Við ræðum um veiðigjöldin og undarlega herferð ríkisstjórnarinnar við að hindra verðmætasköpun í sjávarútvegi, stöðuna eftir fyrstu 100 daga ríkisstjórnarinnar, nýjan Þjóðarpúls og litla fylgisaukningu Sjálfstæðisflokksins, ákvörðun Bandaríkjaforseta um að leggja tolla á flestar þjóðir heims, nýja formenn í SA og SFS, um hlutabréfamarkaðinn og margt fleira.

Einar Sigurðsson, stjórnarformaður Ísfélagsins, fer yfir stöðuna í sjávarútvegi, starfsemi Ísfélagsins, skráningu félagsins á markað, samþjöppunina sem þurfti nauðsynlega að eiga sér stað, staðreyndalausa umræðu um greinina, samanburðinn á íslenskum og norskum sjávarútvegi, fyrirhugaða skattahækkun ríkisstjórnarinnar, miklar fjárfestingar í greininni, fjárfestingar í „ótengdum” greinum og margt fleira.

Andrés Magnússon og Stefán Einar Stefánsson ræða um hrakfarir ríkisstjórnarinnar frá þvi að hún tók við völdum fyrir þremur mánuðum, almennt um stöðuna í stjórnmálum, hvort að Stefán Einar sé að stefna að því að verða bæjarstjóri í Garðabæ, hvort að það sé nýtt vandamál fyrir ríkisstjórnina í vændum, hvernig stjórnarandstaðan mun standa sig, um óviðeigandi spjallgrúbbur og margt annað sem vert er að fjalla um á afmælis-bjórkvöldi Þjóðmála. Hlaðvarp Þjóðmála fagnar nú fjögurra ára afmæli og það er af nægu að taka.

Björn Bjarnason, fv. ráðherra, ræðir um stöðu ríkisstjórnarinnar eftir afsögn menntamálaráðherra, þau ósköp sem hafa gengið yfir á fyrstu þremur mánuðum ríkisstjórnarinnar, ummæli sem hann lét falla um Flokk fólksins í hlaðvarpi Þjóðmála í byrjun ársins og fleira. Þá er rætt um stefnu og orðræðu Bandaríkjaforseta í garð vestrænna ríkja, stöðu mála í Úkraínu, hvort að vestræn ríki þurfi að friðþægjast við Rússa á einhverjum tímapunkti og fleira úr alþjóðamálunum - en einnig um öryggis- og varnarmál hér heima fyrir og hvernig þau mál eru líkleg til að þróast næstu misseri.

Hörður Ægisson og Örn Arnarson fara yfir helstu tíðindi úr pólitíkinni, afsögn mennta- og barnamálaráðherra og vandræði ríkisstjórnarinnar í kringum það mál, nýja borgarstjórann sem hrökklaðist úr formannsstól í Sambandi íslenskra sveitarfélaga, upptakt forsætisráðherra fyrir skattahækkunum og fleira. Þá er rætt um nýlega stýrivaxtalækkun Seðlabankans og hvers megi vænta um frekari vaxtalækkanir, stöðuna á hlutabréfamarkaði, og margt fleira.

Bubbi Morthens, einn áhrifa- og afkastamesti tónlistarmaður Íslands í áratugi, er gestur í 300. þættinum í hlaðvarpi Þjóðmála. Rætt er við Bubba um ferilinn sem nú spannar rúm 45 ár, hvort að líf Bubba sé eins og opin bók sem öll þjóðin má lesa, um viðskiptahliðna á því að vera tónlistarmaður, hvort að pólitískar skoðanir hans séu tilviljunum háðar eða hvort að þær endurspegli samfélagið á einhvern hátt, hvort og þá hvernig tónlist hans og textar hafa áhrif á líf fólks og margt fleira.

Andrés Magnússon og Þórður Gunnarsson fjalla um allt það helsta sem á daga okkar hefur drifið síðustu daga, áherslu ríkisstjórnarinnar á strandveiðar gegn betri vitund, hvernig alið er á tortryggni í garð sjávarútvegsins, ummæli menntamálaráðherra um dómskerfið, átök meðal sósíalista, komandi stýrivaxtaákvörðun, verðhækkanir á kaffi og kakó sem hafa áhrif hér á landi – og margt fleira.

Andrea Sigurðardóttir og Sandra Ocares fjalla um ofurlaun borgarstjóra, um það hvernig Reykjavíkurborg hefur fegrað fjárhagsstöðu sína með reikningi Félagsbústaða, hvaða væntingar (ef einhverjar) má hafa til nýs borgarstjórnarmeirihluta, um það hvort að nýr formaður Sjálfstæðisflokksins sé líklegur til að auka fylgi flokksins, um málefni ÍL-sjóðs í samhengi við kröfuna um ríkisrekinn samfélagsbanka og fleira.

Sigríður Andersen og Þórður Pálsson ræða um yfirvofandi tollastríð og þau áhrif sem það kann að hafa á vestræn hagkerfi, um viðskiptahindranir Evrópusambandsins og þann skaða sem þær valda íbúum innan sambandsins, um friðarhorfur í Úkraínu, um hagræðingartillögur ríkisstjórnarinnar sem ríkisstjórnin vill ekkert kannast við þegar á reynir, stöðu fjölmiðla og ægivald ríkisfjölmiðilsins á þeim markaði, horfur á lækkun stýrivaxta og margt fleira.

Andrés Magnússon og Þórður Gunnarsson fara yfir nýafstaðna kosningu um formann Sjálfstæðisflokksins, hvað bar á milli frambjóðenda, hvort að baráttan hafi verið háð á fundinum sjálfum eða fyrir hann, stöðu nýs formanns og hvernig næstu misseri geta litið út og fleira. Auk þess er fjallað um stöðu ríkisstjórnarinnar, undarlegt útspil Dags B. Eggertssonar í umræðu um Evrópumál og margt fleira.

Andrés Magnússon og Stefán Einar Stefánsson ræða um kveðjuræðu Bjarna Benediktssonar á landsfundi Sjálfstæðisflokksins, formannskjör í flokknum sem fram fer um helgina, um neyðarsjóð Ragnars Þórs Ingólfssonar, um borgarstjóra sem veit ekki hvað samningur við kennara mun kosta, vandræði ríkisstjórnarinnar og margt fleira.

Gunnar Baldvinsson, framkvæmdastjóri Almenna lífeyrissjóðsins, og Ólafur Sigurðsson, framkvæmdastjóri Birtu lífeyrissjóðs, ræða um stöðu lífeyrissjóðanna, eignarhald þeirra á skráðum fyrirtækjum og samskiptum við einkafjárfesta, tilnefningarnefndir og áhrif sjóðanna á stjórnarkjör, hvort að lífeyrissjóðirnir eigi að hafa skoðun á starfskjaramálum og kaupréttasamningum, um sjálfbærni stefnu þeirra og ákvörðun um útilokun á fjárfestingum, um samskiptin við Seðlabankann, iðgjöldin, félagafrelsið og margt fleira sem tengist miklum umsvifum sjóðanna í íslensku hagkerfi.

Jón Sigurðsson, forstjóri Stoða, ræðir um bréf sín til hluthafa félagsins sem vakið hafa athygli á liðnum árum, um rekstur og fjárfestingar Stoða, um fjármálamarkaðinn, mögulegar sameiningar banka, hvernig reglur og skattar bitna helst á viðskiptavinum bankanna, mýtuna um að ríkið þurfi að eiga banka, gagnrýni hans og fleiri á vaxtastefnu Seðlabankans, stöðuna á hagkerfinu og framtíðarhorfur, hlutabréfamarkaðinn, fjárfestingar í ferðaþjónustu og uppbyggingu greinarinnar og margt fleira í efnismiklu viðtali.

Guðrún Hafsteinsdóttir ræðir um formannsframboð sitt í Sjálfstæðisflokknum, um endalok síðustu ríkisstjórnar, um erindi Sjálfstæðisflokksins, um meintar fylkingar innan flokksins, hvernig stjórnmálamenn líta á atvinnulífið og margt fleira.

Andrés Magnússon og Stefán Einar Stefánsson mæta í rólegt og rómantískt í Þjóðmálastofunni fyrir þessa helgi. Það er allt undir í þætti dagsins, listamenn sem gera kröfu á aðra, skrýtin aðför að sjávarútvegi, byrlunarmálið sem Rúv vill helst gleyma, formannskosning í Sjálfstæðisflokknum og innanflokksátök sem fáir vilja kannast við, málefni Grænlands og margt fleira.

Björn Ingi Hrafnsson og Ólöf Skaftadóttir ræða um krísustjórnina á stjórnarheimilinu, það sem helst kom fram – og kom ekki fram – í stefnuræðu forsætisráðherra og umræðum um hana í gærkvöldi, um formannskjör í Sjálfstæðisflokknum og loks stöðuna í Reykjavíkurborg og hvernig framhaldið kann að líta út eftir að borgarstjóri rauf meirihlutasamstarf vinstri flokkanna.

Hörður Ægisson og Þórður Gunnarsson fara yfir allt það helsta. Meirihlutinn í Reykjavíkurborg er kominn að endamörkum og mun springa, við ræðum um vaxtalækkun Seðlabankans og hvers vænta megi í framhaldinu, aukið líf á hlutabréfamarkaði og góð uppgjör í Kauphöllinni, óvænta skattgreiðslu Kerecis, sætaskipun á Alþingi og margt fleira.

Björt Ólafsdóttir, fv. ráðherra og þingmaður, og Jens Garðar Helgason, nýkjörinn þingmaður, ræða um stöðuna í stjórnmálunum, hverjar helstu áherslurnar og hvaða áherslur vantar, þingmálaskrá ríkisstjórnarinnar og margt fleira. Þá er rætt um komandi formannskjör í Sjálfstæðisflokknum, hvernig það er að reka fyrirtæki hér á landi, stýrivaxtaákvörðun Seðlabankans og margt fleira.

Andrés Magnússon og Stefán Einar Stefánsson fara yfir fyrsta mánuðinn í lífi ríkisstjórnarinnar, hið nýja styrkjamál, hvernig halda þarf Flokki fólksins í gjörgæslu, um ónot í garð Morgunblaðsins, ráðningu á flokksgæðingum í ráðuneyti menntamála, slaginn um þingflokksherbergin, formannskjör í Sjálfstæðisflokknum og mögulega í Framsóknarflokknum og margt fleira.

Áslaug Arna Sigurbjörnsdóttir ræðir um formannsframboð sitt í Sjálfstæðisflokknum, hvert flokkurinn á að stefna að hennar mati, hvað hefur misfarist á liðnum árum, hvað hún á við þegar hún segist vilja breyta flokknum, hvernig stjórnarandstöðunni verður háttað og margt fleira.

Hörður Ægisson og Örn Arnarson ræða um titring í Húsi atvinnulífsins vegna gagnrýni á kjarasamninga, það hvernig íslenska vinnumarkaðsmódelið heftir samkeppnishæfni og lífskjör í landinu, furðulegan fréttaflutning Ríkisútvarpsins um umsvif sjávarútvegsfyrirtækja í atvinnulífinu – sem eru sáralítil þegar nánar er að gáð, um þá miklu styrki sem Flokkur Ingu Sælands hefur fengið án þess þó að vera stjórnmálaflokkur, um samstarf Vís og Íslandsbanka og frekari þreifingar á fjármálamarkaði, væntanlega vaxtaákvörðun Seðlabankans og fleira. Þá er einnig fjallað um nýja könnun sem Þjóðmál lét framkvæma um afstöðu til formannskjörs í Sjálfstæðisflokknum í lok febrúar.

Gísli Freyr og Stefán Einar voru staddir í Washington D.C. þegar innsetningarathöfn nýs forseta fór fram. Við fjöllum um það sem helst vakti athygli okkar í borginni þessa daga, hvers vænta megi af nýjum forseta, um ofsafengin viðbrögð við litlum hlutum og annað sem helst hefur borið á góma á liðnum dögum – sumt í samhengi við það sem er að eiga sér stað heima fyrir og annað ekki.

Heiðar Guðjónsson og Heiðrún Lind Marteinsdóttir ræða um það sem hefur helst borið á góma hjá nýrri ríkisstjórn, hvort að líklegt sé að hagræðingartillögum verði fylgt eftir, hvort að rétt sé að leggja áherslu á umsókn að Evrópusambandinu, snúna stöðu stjórnarflokkanna vegna strandveiða og fleira. Þá er rætt um líkurnar á lægri vöxtum á árinu, leyfisveitingar í atvinnulífinu, hvaða áhrif áhugi Trump á Grænlandi hefur í för með sér fyrir Ísland, hver sé líklegastur til að verða formaður Sjálfstæðisflokksins og margt fleira.

Sigurður G. Guðjónsson hæstaréttarlögmaður ræðir um félagafrelsið og rétt starfsmanna veitingastaða til að gera kjarasamning við stéttarfélagið Virðingu, þrátt fyrir mótmæli Eflingar. Þá er rætt um stöðu fjölmiðla, aðgerðir stjórnvalda til að setja hindranir í veg fyrir einstaklinga og fyrirtæki, slaufunarmenningu og loks réttarríkið og það hvernig því var vikið til hliðar við rannsóknir og dómaframkvæmd í hinum svokölluðu hrunmálum.

Hörður Ægisson og Þórður Gunnarsson leiða okkur inn í helgina. Við ræðum um væntanlega formannakjör í Sjálfstæðisflokknum, hvað Dagur B. ætti að gera við ofurlaunin sín, ummæli Katrínar Ólafdóttur hagfræðings um aukna skattheimtu á sjávarútveginn, rándýra auglýsingarherferð Isavia, stöðuna á hlutabréfamarkaði, af hverju það er ekki búið að skipa nýjan varaseðlabankastjóra og margt fleira.

Björn Bjarnason, fv. ráðherra, ræðir þá ákvörðun Bjarna Benediktssonar að sækjast ekki eftir endurkjöri sem formaður Sjálfstæðisflokksins, formannstíð Bjarna, stöðu flokksins og almennt yfir stöðuna í íslenskum stjórnmálum. Þá er einnig rætt um stöðuna í alþjóðastjórnmálum, valdatöku Trump síðar í þessum mánuði, veikleika ESB-ríkjanna, stöðuna í Úkraínu og margt fleira.

Andrés Magnússon og Stefán Einar Stefánsson taka stöðuna í upphafi nýs árs. Við ræðum vel heppnaða Áramótasprengju Þjóðmála sem haldin var í Borgarleikhúsinu, förum yfir nýliðið ár og þá atburðarrás sem hófst strax í upphafi ársins og leiddi af sér tvennar kosningar, hvernig ný ríkisstjórn fer af stað, val á aðstoðarmönnum, áskoranirnar á nýju ári, mögulegt uppgjör í Sjálfstæðisflokknum, stöðu alþjóðamála og margt fleira.

Óli Björn Kárason fer yfir stöðu mála í stjórnmálunum í lok árs, nýja ríkisstjórn, stöðu Sjálfstæðisflokksins, hugmyndafræðina og margt fleira.

Andrés Magnússon og Þórður Gunnarsson rýna í stefnuyfirlýsingu nýrrar ríkisstjórnar, helstu áherslur hennar, ráðherraskipan, hlutverk aukaleikara í ríkisstjórnarsamstarfinu, stöðu verðandi stjórnarandstöðu og margt fleira.

Guðmundur Hafsteinsson, Gummi, fjallar um nýútkoma bók sína þar sem sagt er frá störfum hans hjá Google, Apple og öðrum fyrirtækjum í tækniheiminum. Rætt er um ástæður fyrir velgengni eða falli stórra fyrirtækja, vandanum sem skapast þegar frumkvöðlar flækjast fyrir í vexti sinna eigin fyrirtækja, um tækninýjungar sem hafa eða munu breyta lífum okkar, hvort við ættum að óttast gervigreindina eða nýta hana til frekari framfara og margt fleira. Einnig er rætt um störf Guðmundar sem stjórnarformanns Icelandair og hvernig það var að koma að flugrekstri eftir að hafa starfað í tækniheiminum nær alla hans starfsævi.

Gunnar Úlfarsson, hagfræðingur Viðskiptaráðs, og Diljá Mist Einarsdóttir, þingmaður Sjálfstæðisflokksins, ræða um þær ólíku aðstæður sem annars vegar opinberir starfsmenn og hins vegar starfsmenn á einkamarkaði búa við, nýlega úttekt Viðskiptaráðs um sama mál og viðbrögðin við þeirri úttekt, styrki til stjórnmálaflokka, yfirstandandi stjórnarmyndunarviðræður, rekstur fyrirtækja á leikskólum, skipulagsslys í Reykjavík og margt fleira.

Hörður Ægisson og Stefán Einar Stefánsson fara yfir stöðuna á markaði, yfirstandandi stjórnarmyndunarviðræður, hvort að staða ríkissjóðs sé í raun verri en áður var haldið, mikla hækkun á gengi Amaroq MInerals, erlendar fjárfestingar á Íslandi og margt fleira. Í þættinum eru jafnframt flutt tíðindi um Áramótasprengju Þjóðmála, þar sem árið verður gert upp í Borgarleikhúsinu mánudaginn 30. desember nk. Miðasala á viðburðinn hefst strax eftir helgi.

Snorri Másson, nýkjörinn þingmaður Miðflokksins, ræðir um nýafstaðnar kosningar og kosningabaráttuna, það hvernig pólitísk umræða fer fram, hvernig pólitískir andstæðingar tala um hvorn annan, hvernig stjórnmálin gætu þróast næstu ár og margt fleira.

Andrés Magnússon og Þórður Gunnarsson ræða um mögulegt ríkisstjórnarsamstarf Samfylkingar, Viðreisnar og Flokks fólksins, ákvörðun Bjarna Benediktssonar að heimila hvalveiðar, einkunnagjöf fráfarandi ráðherra og margt fleira sem helst ber á góma á vettvangi þjóðmálanna þessa dagana.