Ljónavarpið - Leiknir Reykjavík stuðningsmannahlaðvarp

Eftir 111 keppnisleiki sem aðalþjálfari meistaraflokks, rúm 4 ár hjá félaginu og mesta árangur í sögu félagsins, er komið að kveðjustund með Sigga Höskulds. Hann fór yfir víðann völl með Snorra í síðasta sinn áður en haldið var niður á Hlíðarenda. #TakkSiggi#StoltBreiðholts 

Við bjóðum Vigfús velkominn í Heiðurshof félagsins með skemmtilegu spjalli um feril hans úr yngri flokkum til sigurs í 1. deild og svo þegar hann stökk inn og bjargaði félaginu frá falli sumarið 2018 sem þjálfari. Fúsi hefur sterkar skoðanir og tók dansinn með KR og Fjölni í efstu deild á sínum tíma. Hann er með 164 leiki fyrir Stoltið en hætti svo bara eftir að hafa tryggt félaginu sæti meðal þeirra bestu. Virkilega skemmtilegt spjall sem er vel þess virði að hlýða á. #StoltBreiðholts#HOF

Markvörðurinn, fyrirliðinn, sá leikjahæsti með 250 leiki í deild og bikar. Það kemur engum á óvart að hann er nú kominn í heiðurshof félagsins. Hann settist niður með Snorra í spjall um lífið eftir boltann og svo allan ferilinn eins og hann leggur sig. 

Halldór Kristinn Halldórsson var vígður inn í heiðurshöll Leiknis, HOFIÐ á dögunum. Hann mætti í spjall um uppeldið í Leikni, hliðarsporin með Val og Keflavík og hvernig það er að ala upp börn í ÍR. Þessi miðvörður er alvöru goðsögn í sögu Leiknis. 

Róbert Arnþórsson er 3. Leiknismaðurinn til að verða vígður inn í Heiðurshöll félagsins. Róbert er markahæsti leikmaður félagsins þó hann hafi ekki náð 100 leikjum fyrir það. Hann settist niður með Snorra og ræddi sinn tíma hjá félaginu og það má með sanni segja að það hafi verið fróðleg frásögn enda hefur heilmikið vatn runnið til sjávar síðan þessi kappi var að raða inn mörkum fyrir félagið. 

Þeir Haukur og Valur Gunnarssynir eru fyrstir inn í Heiðurshöll Leiknis (hall of fame) og voru heiðraðir með því að vera fyrstir upp á Wall of Fame vegginn í Austurbergi á fyrsta heimaleik félagsins í Bestu deildinni. Leiknisfólk allt ætti að þekkja andlitin en í spjalli við Snorra fáum við að kynnast þeim aðeins betur og uppruna þeirra hjá Leikni ásamt föður þeirra, Gunnari Góða, sem var ekki minni Leiknismaður og fær að sitja á veggnum með þeim. Til hamingju með þennan heiður þið miklu Leiknismenn. Vel að honum komnir. #StoltBreiðholts#Heiðursmenn 

Hið árlega spjall við Sigga í upphafi leiktíðar er hér komið fyrir ykkur Leiknisljónin að háma í ykkur. Við köfuðum djúpt í undirbúninginn og þá breytingu á nálgun sem átt hefur sér stað hjá félaginu til að festa sig enn frekar í sessi Bestu deildinni. Njótið!

Vélin brunaði úr Breiðholti og hélt suður með sjó í raðir Keflvíkinga í haust. 4 ár að baki í röndum stoltsins okkar, leikmaður ársins 2019 og flottar minningar. Við settumst niður með kappanum og kvöddum hann formlega áður en við mætum honum tvisvar í baráttunni í Bestu deildinni. Takk fyrir okkur Vélin! 

Leiknisljónavarpið er snúið aftur og spennandi tímabil framundan. En fyrst kveðjum við tvo dáðadrengi sem hafa fylgt félaginu síðustu 4 ár og halda nú á  vit nýrra ævintýra. Í þessum þætti er það kveðjustund með Sóloni Breka Leifssyni sem skilaði 69 leikjum með félaginu og 29 mörkum. Okkar maður er hættur knattspyrnuiðkun aðeins 23ja ára en eins og kemur fram í spjallinu mun hann fylgja félögum sínum eftir út ferilinn þeirra á meðan hann tæklar önnur vekrefni. 

Einhver allra hörðustu og háværustu Leiknisljónin lentu í sóttkví eftir Fylkisleikinn og þurftu að finna sér eitthvað til dundurs allir í sitthvoru lagi. Þá var tekið upp hlaðvarp enda um ýmislegt nýtt að ræða. Sævar Atli farinn til Freysa, nýr fyrirliði sem var tekinn stuttu tali og svo bara nýjar raddir í Ljónavarpinu að láta í sér heyra varðandi núverandi tímabil og framtíðina. Þetta var tekið upp á netfundi svo gæðinn eru klárlega ekki þau sömu og venjulega en vonandi þolanleg. Þennan þátt er líka hægt að horfa á á YouTube rás Leiknisljónanna: https://www.youtube.com/channel/UClYZ64v2YX9IIkPl-QCCZHQ

Óskar Már Alfreðsson, El Normale, Domusnovakóngurinn og hvaðeina, er maðurinn sem mætti í spjall við þá Snorra og Hannes um stöðuna í deildinni, frammistöðu liðsins og umhverfi félagsins fyrir bikarleikinn gegn Val á Hlíðarenda. Óskar er ekki vanur að halda aftur af sér og skemmst er frá því að segja að þetta var snarp en skemmtilegt spjall. Njótið vel. 

Það er komið að hinu árlega spjalli við aðalþjálfara Leiknis sem blessunarlega er Siggi Höskulds. Þegar 3 dagar eru í fyrsta leik í Pepsi-Max settist hann niður með Snorra og svaraði nokkrum spurningum um hópinn, stemninguna, taktíkina og annað slíkt. Það er skemmst frá því að segja að okkar maður er klár í bátana og tilbúinn að sokka þá sem spá liðinu umsvifalausu falli niður í Lengjudeild á ný. #StoltBreiðholts#HverfiðKallar#SockTheWorld

Þeir Juarez og Agon héldu áfram að greina hópinn með Snorra og kláruðu miðju og sókn þar sem ýmis umræðuefni komu upp eins og við var að búast. Hér eru leikmennirnir sem til tals komu. Það var bara Bandaríkjamaðurinn Máni Austmann sem skilinn var eftir útundan enda vitum við ekkert hvenær má búast við honum til baka úr NCAA ævintýrinu. Emil Berger    1:28Danni Finns    8:05Vélin Ernir Bjarna    14:10Daði Bærings    17:25Árni Elvar  19:55Octavio   23:40Davíð Júlían   30:30Shkelzen Veseli   33:25Róbert Quental   35:10Manga   37:35Sólon   43:35Gústi   47:38Sævar Atli    52:50

Þeir Juarez og Agon slógust í hóp með Snorra til að ræða allan leikmannahópinn eins og venja er orðin fyrir byrjuna tímabils. Þessir ungu menn eru nýbúnir með 2. flokkinn og spila báðir fyrir KB í sumar en þeir höfuð sitthvað að segja um þá leikmenn sem Siggi leiðir inn í bardagann í sumar. Við byrjuðum á að ræða markverði og vörn og eiga þeir þennan þátt. Fyrir þá sem þykjast þekkja ákveðna leikmenn og þurfa ekkert að fræðast um þá, þá geta þeir skippað yfir því hér að neðan er listi yfir þá leikmenn sem ræddir voru í þessu Ljónavarpi og hvenær umfjöllun um þá hefst: Markið:Guy Smit   3:10Viktor Freyr    8:20Bjarki Arnaldar   10:05Miðverðir: Bjarki Aðalsteins 12:57Binni Hlö   16:30Loftur 21:15Dagur     24:18Gyrðir    27:20Ósvald    34:35Arnór Ingi   39:15Birgir Baldvinsson   43:15Birkir Björns   45:40Andi Hoti   47:05#StoltBreiðholts#HverfiðKallar

Helgi Óttar Hafsteinsson tók við framkvæmdastjórastól félagsins af Dodda árið 2017, þegar félagið var enn að hrista af sér fallið úr Pepsideildinni 2015. Hann skilaði félaginu svo af sér í haust með liðið nýkomið aftur upp í efstu deild og bókhaldið réttum megin við línuna. Það er stutta sagan. Helgi settist niður með Snorra til að fara yfir söguna í aðeins lengra máli. Hann tjáir sig um hlutverk Leiknis í hverfinu, ársreikninginn og hvernig hann sér sumarið fyrir sér auðvitað. 

Daginn áður en eðlilegar æfingar voru leyfðar á ný og tilkynnt var að mótið myndi byrja 2 vikum síðar, settist Emil Berger, sænski miðjumaðurinn okkar, með Snorra í Austurbergi að ræða flókinn vetur að baki og spekúlera hvernig það kemur til með að hafa áhrif á tímabilið sem framundan er. Hann ræddi feril sinn, búningsklefann og margt fleira í stuttu og laggóðu innliti. 

Í seinni hluta spjallsins okkar við Davíð Snorra Jónasson, fer okkar eini sanni U-21 árs landsliðsþjálfari yfir ævintýrið í Pepsideildinni 2015, undirbúninginn og eftirmálana ásamt því að ræða aðeins um liðið okkar eins og það er í dag. Ótrúlega skemmtileg yfirsýn frá ómetanlegum tíma í sögu félagsins. Takk Davíð Snorri!

Davíð Snorri Jónasson þarf vart að kynna fyrir Leiknisfólki sem er meira en tvívetra. Hann og Freyr Alexandersson létu drauma allra úr hverfinu rætast þegar þeir keyrðu félagið upp í deild þeirra efstu í fyrsta sinn í sögu félagsins haustið 2014. Þessi meistari settist niður með Hannesi og Snorra og opnaði minningarnar um hvernig þeir fóru að þessu. Í fyrri hluta spjallsins ræddi hann uppeldið sitt hjá félaginu og aðdragandann að því að þeir félagar náðu upp í efstu deild.

Hópurinn kláraður í seinni hluta Ljónavarpsins: 0:15 Ernir "Vélin" Bjarnason6:00 Árni Elvar og Daði Bærings12:30 Danni Finns19:45 Máni Austmann26:35 Vuk Oskar Dimitrijevic37:00 Sævar Atli50:00 Sólon Breki58:05 Arnór Ingi og Ágúst Leó

Halldór, Hannes, Ósi og Snorri tóku gott kvöld saman í vikunni þar sem þeir ræddu frammistöðu og útlit fyrir alla leikmenn sem komu við sögu meistararflokks í Lengjudeildinni í ár, og rúmlega það. 5:50 Guy Smith16:25 Viktor Freyr22:05 Bjarki Aðal28:40 Binni Hlö34:20 Dagur Austmann38:35 Gyrðir Hrafn47:10 Ósvald53:00 Birgir Bald54:10 Birkir Björns56:00 Unglingarnir: Shkelzen, Róbert Vattnes, Andi Hoti og Jamal Klængur2 hlutar í viðbót koma á næstu dögum.

Þeir Ágúst Leó, Arnóri Ingi og Birgir Bald komu í heimsókn daginn eftir rústið gegn nöfnum okkar á Fáskrúðsfirði. Þeir ræddu hlutverk sín í liðinu, baráttuna um Pepsi-Max sætið og margt annað skemmtilegt við þá Hannes og Snorra.

Sólon Breki Leifsson er aðeins búinn að vera hjá félaginu í tæp 3 ár en er löngu búinn að festa sig í sessi sem Leiknismaður mikill og hann hefur skorað ófá mörkin á þessum tíma. Ekkert fallegra en Beckham-fleygurinn gegn ÍBV bara núna um daginn. Sólon ræddi við Hannes og Snorra um boltann, tímabilið hingað til og auðvitað rappferilinn margumtalaða.

Fyrir leikinn við ÍBV í Vestmannaeyjum fengum við Guy Smit í spjall í Ljónavarpinu. Hann talaði hispurslaust um fótboltann um víða veröld og líka það sem hann hefur séð af honum á Íslandi. Í aðdraganda leiksins við Eyjamenn bar hin margumtalaða Gary Martin á góma og hans orðspor hafði ekkert farið framhjá Hollendingnum okkar. Hins vegar þekkir hann kannski ekki eins vel og hinn almenni Íslendingur hversu auðveldlega Englendingurinn knái getur náð að nýta sér minnstu ummæli andstæðinga til að mótivera sig. Því var það okkar ákvörðun í Ljónavarpinu að halda eftir stuttum ummælum sem Smitarinn hafði um sóknarmanninn svo hann gæti ekki fundið sér neitt til að berja sér á brjósti um og mæta dýrvitlaus inn í teiginn hans Guy. Nú þegar leiknum er lokið með sigri okkar manna og núll mörkum frá þeirra besta manni, þá birtum við þennan stutta bút með góðri samvisku um að það kostar okkur ekki nein stig. Allavega ekki þetta sumarið.

Guy Smit er hollenski happafengurinn okkar sem stendur milli stangana í sumar. Hann hefur á sinn einstaka hátt náð að fylla stóra hanska sem Eyjó skildi eftir sig í haust. Hann ræddi við Hannes og Snorra fyrir ferðina til Heimaeyjar um uppeldið í Hollandi, stemninguna í Breiðholti og margt margt fleira.-------------------------------------Guy Smit is our Dutch goalkeeper who joined us shortly before the season kicked off. He has filled the legendary gloves of Eyjó Tómasson in impressive fashion right away. He stopped by to chat with Hannes and Snorri ahead of the clash with unbeaten ÍBV in the Westmann Islands this week.

Sigurður Heiðar Höskuldsson, meistaraflokksþjálfari fór yfir fyrri helming Lengjudeildarinnar með þeim Hannesi og Snorra í góðu spjalli um sálfræðistríð þjálfarastarfsins, dvölina á toppnum, faraldurinn og það sem framundan er.

Leon Einar Pétursson er á sínu fyrsta ári sem þjálfari 2. flokks Leiknis. Hann hefur skemmtilega sýn á unglingastarfið og hlutverk félagsins okkar í samfélaginu. Hann mætti í skemmtilegt spjall við Snorra ásamt fyrirliða sínum Marko Zivkovic. Fyrsta flokks menn þar á ferð. Þið viljið ekki missa af þessu.

Tvíburunum úr Garðabæ, líður vel í Leikni og hafa byrjað tímabilið óaðfinnanlega. Þeir mættu í skemmtilegt spjall um stemninguna í Leikni, uppeldið í boltanum og margt fleira. Halldór, Óskar og Snorri tóku svo stóran Stuðningsmannaspjallpakka enda 7 keppnisleikir nú þegar að baki í góðri törn áður en Magnamenn koma í heimsókn næstkomandi laugardag. #HverfiðKallar#StoltBreiðholts#OperationPepsiMax #DagurAustmann#MániAustmann

Örn Þór Karlsson settist niður með Snorra, annað árið í röð, og hver einasti leikmaður Meistaraflokks (og rúmlega það) var ræddur í aðdraganda fyrsta leiks tímabilsins. Fyrir þá sem geta ekki beðið eftir að heyra um sinn uppáhaldsleikmann þá er tímaröðunin ca svona: 2:15 Guy Smit3:40 Viktor Freyr-Markvörður4:25 Atli Jónasson-Markvörður6:15 Ósvald Jarl-Bakvörður7:30 Ernir Freyr 8:50 Hjalti Sigurðsson10:30 Jamal og Róbert Vattnes11:20 Birkir Björnsson12:05 Bjarki Aðal14:55 Dagur Austmann16:45 Gyrðir Hrafn18:10 Binni Hlö21:00 Ernir Bjarnason22:10 Daði Bærings23:50 Árni Elvar25:05 Danni Finns28:55 Máni Austmann 31:55 Vuk Óskar36:40 Sólon Breki39:05 Sævar Atli----------------------41:50 Shkelzen Veseli42:50 Andi Hoti44:35 Sævin Alexander 47:00 Arnór Ingi Kristinsson#StoltBreiðholts#OperationPepsiMax

Boltinn er farinn að rúlla á Domusnovavellinum og stutt í að stigin hrannist inn. Hannes, Halldór og Snorri fengu að setjast niður með manninum sem togar í alla spotta í Meistaraflokki, Sigurði Heiðari Höskuldssyni, sem svaraði öllum þeirra spurningum og skoraði þá jafnvel á hólm ásamt öllum Leiknisljónum. Njótið.

Leikmaður númer 145.364 hjá KSÍ, færeyskur meistari, bikarmeistari og meistari yfir höfuð, Brynjar Hlöðversson, settist niður með Snorra á köldu febrúarkvöldi að ræða endurkomuna heim í Leikni, sumarið framundan og auðvitað ljúfar minningar á geggjuðum áratug þar sem hann var í aðalhlutverki á miðjunni.

Birkir Björnsson er uppalinn Leiknismaður sem er mitt á milli gullkynslóða hjá félaginu og hefur góða innsýn í stöðu mála hjá félaginu. Hann settist með Hannesi og Snorra til að ræða hvoru tveggja og margt meira.

Damir Muminovic spilaði bara eitt sumar með Leikni en er mikils metinn meðal stuðningsmanna og leikmanna félagsins. Okkar menn mæta honum og hans félögum í fyrsta leik Lengjubikarsins á föstudagskvöld í kuldanum á Kópavogsvelli. Árni, Hannes og Snorri ræddu við Damir um uppeldið, muninn á stórveldunum í Breiðholti og Kópavogi og margt fleira.

Það voru 14 manns sem heimsóttu Leiknisljónin í Austurbergi að þessu sinni. Þvílík jólagjöf. Við fengum Leiknisfólk úr öllum áttum til að líta við og ræða um liðið og allt tengt félaginu nú þegar undirbúningur fyrir #OperationPepsiMax er að fara á fullt og árið er að líða undir lok. Fyrir þá sem vilja skipta þessu upp: 00:00 Siggi Höskulds og Valur Gunn13:30 Bjarki Aðalsteinsson30:45 Kristján Páll og Eyjólfur Tómasson49:40 Haukur Gunnarsson og Hilmar Árni Halldórsson1:05:25 Sævar Atli Magnússon og Danni Finns1:19:10 Davíð Snorri Jónasson1:37:47 Hilmar Þór Sigurjóns og Berglind Birta Jónsdóttir1:57:00 Oscar Clausen og Elvar Geir Magnússon

Þeir Árni Þór, Hannes Axelsson og Snorri Valsson mættu í stúkuna í Kórnum að fylgjast með öðrum vináttuleik vetrarins og skoða leikmenn og stemninguna. Strákarnir ræddu heima og geyma. Ef þú mættir ekki á svæðið og langar í skammt af Leiknisslúðri, sestu endilega niður með strákunum og nældu þér í fróðleik.

Strákarnir eru byrjaðir að æfa og við hinir strákarnir sem kunnum ekki að æfa mættum til að horfa þegar nýtt Leiknislið mætti ÍR í hinum árlega minningarleik um Hlyn Þór Sigurðsson, ÍR-inginn sem lést fyrir 10 árum á æfingu með nágrannaliðinu okkar. Ljónin ræddu í stúkunni um allt sem hefur gengið á síðan flautað var af í haust og eru spenntir að fylgja liðinu í vetur. Sólon Breki tók stutt spjall í hálfleik og óhætt er að segja að öllum tengdum klúbbnum sé létt að boltinn er farinn að rúlla aftur, þó langt sér í næsta Íslandsmót. #ÁframLeiknir

Árni Þór og Snorri fengu Garðar Ásgeirsson, betur þekktan sem Gæja, til að ræða um fyrsta tímabil Meistaraflokks Kvenna Leiknis og hvernig félagið hyggst halda áfram með þetta spennandi verkefni.

Leiknisljónin taka saman endanlega hver var besti leikmaðurinn að þeirra mati, skemmtilegasti leikur ársins, mark ársins, hvað var atvik ársins og margt fleira. Ef þú ert búin(-n) að hlusta á fyrstu 2 hlutana, verðurðu að láta þetta eftir þér.

Áfram með smjörið og Lokahófið, nú 2. bindi. Ljónin ræða frammistöðu og framtíð restarinnar af liðinu, miðju og sókn ásamt því að láta afvegaleiðast reglulega í alls konar ágreining. Fyrir þá sem eru mikið fyrir að spóla áfram þá ræddum við leikmenn í cirkabát þessari röð: Árni Elvar, Daði Bærings, Vélin, Danni Finns, Ingó Sig, Stefán Árni, Vuk Óskar Viktor Marel, Sólon Breki og Sævar Atli. Góða skemmtun!

Ljónin 4 hittust í Leiknishúsi og skeggræddu Lokahóf Leiknis, alla leikmenn og völdu bestu allt í sumar. Í þessum 1. hluta ræddu þeir varnarsinnuðu leikmennina: Eyjó, Stjána, Hjalta, Edda, Nacho, Bjarka, Osvald og Gyrði.

Í fjórtánda þætti Ljónavarpsins skeggræddum við hvernig og af hverju Leiknir á erindi í Pepsi-deildina með einn leik eftir af tímabilinu, lokahófið sem er á laugardagskvöld fram á sunnudagsmorgun og margt fleira með Helga framkvæmdastjóra og Pape Mamdou Faye kom í heimsókn að rifja upp þegar hann skoraði 4 mörk í lokaleik sumarsins 2011 og bjargaði Leikni frá falli í 2. deild og sendi þarmeð Gróttu niður. Hver ætlar að skora 4 gegn Fram á laugardag?

"Vélin" Ernir Bjarna settist niður með þeim Halldóri og Snorra í Ljónavarpinu að ræða tímabilið hingað til, það sem framundan er og auðvitað fortíðina í Breiðablik, Vestra og meira að segja Roy Keane. Halldór og Snorri ræddu svo það sem á daga Leiknis hefur drifið síðan síðast í Ljónaspjallinu. Góða skemmtun kæru Leiknismenn og konur!

Í tólfta þætti Ljónavarpsins fengu þeir Árni Þór og Snorri formann Leiknis, Oscar Clausen, í langt og gott spjall um lífið í Breiðholti, innan Leiknis og harkið að sinna trúnaðarstörfum fyrir félagið. Við fengum mikið skýrari mynd af því sem þarft til að svona klúbbur gangi upp og vonandi þið hlustendur líka. Áfram LEIKNIR!

Uppaldir eðalmenn mættu í búrið að ræða liðið, tilveruna, stórleikinn við Gróttu og í tilfelli Daða, dvölina í Bandaríkjunum sem heldur áfram eftir Víkingsleikinn að tveimur viknum liðnum. Árni Þór og Snorri grilluðu drengina létt og höfðu gaman að. Vonandi eruð þið sama sinnis.

Elvar Geir Magnússon, fótboltasérfræðingur af hæstu gráðu, fæddur Leiknismaður og nú stjórnarmaður hjá félaginu, kom í heimsókn í Ljónavarpið og hjálpaði Halldóri og Snorra að fara yfir fyrri helming leiktímabilsins, ræða stöðuna í dag og hvaða vonir menn geta bundið við næstu tvo mánuði þar sem Siggi tekur liðið áfram inn í haustið og næsta sumar.

Nýráðinn aðalþjálfari meistaraflokks, Sigurður Heiðar Höskuldsson, gaf sér tíma með þeim Halldóri Marteins og Snorra Vals til að fara yfir fyrri helming leiktímabilsins, brottför Stebba Gísla, framtíðina og allt hitt sem Leiknisfólk gæti mögulega viljað fá að vita um okkar mann.

Í áttunda þætti Ljónavarpsins mætti eini útlendingur liðsins, Spánverjinn Nacho Heras, í spjall við þá Snorra og Ósa Kóng. Hann fór um víðan völl frá æsku sinni í Madrídarborg til hörkunnar í Breiðholtinu. Einstaklega skemmtilegur karakter í hópnum okkar. Svo ræddu Snorri og Ósi um gengi liðsins hingað til í Ljónaspjallinu sem hefst á 56.mínútu upptökunnar. Góða skemmtun og Áfram Leiknir!

Í sjöunda þætti Ljónavarpsins komu KR-ingarnir þrír í heimsókn til Snorra og Halldórs. Þeir Gyrðir Hrafn, Hjalti og Stefán Árni ræddu muninn á Frostaskjóli og Austurberginu, tímabilið hingað til, bestu stöður sínar og margt fleira. Svo mætti Egill Þór Jónsson í stuðningsmannaspjallið og ræddi við Snorra um félagsfræðina á bakvið liðið sem fór í Pepsideild sumarið 2014 en hann gerði BA ritgerð um nákvæmlega það.

Við gripum upptökugræjurnar með okkur á fyrsta leik Leiknis í Inkassodeildinni 2019. Upphitun hófst tveimur tímum fyrir leik og var góð stemning í Leiknishúsinu. Ekki minnkaði hún þegar leikurinn hófst og okkar menn spiluðu glimrandi fótboltaleik.Árni Þór, Halldór, Ósi og Snorri sáu um þáttinn.Gestir: Þorsteinn Þormóðsson, formaður Magna, og Árni Elvar Árnason, leikmaður Leiknis.

Örn Karlsson eða Össi, eins og flestir þekkja hann, er þjálfari hjá yngri flokkum Leiknis og KB. Hann kannast allir við sem koma einhvern tíma við í Leiknishúsi. Hann þekkir betur til en flestir hjá félaginu og fór yfir málin með strákunum í aðdraganda fyrsta leiksins í Inkasso. Össi svaraði alls konar spurningum um leikmannamál, stefnu félagsins og margt annað. Nú mega jól...ég meina Inkasso koma.

Að þessu sinni hlýddu þeir Árni Þór og Snorri á þau Gæja og Sirrý um meistaraflokk kvenna auk þess sem þeir fengu Elvar Geir í spjall eftir Bikartapið við Fjölni á miðvikudagskvöldið.

Ingólfur Sigurðsson svarar nokkrum hraðaspurningum um sig. Umsjón: Snorri ValssonAukaspurningar: Halldór Marteins