Podcasts about mareko

Mareko and Craig talk about creative pursuits outside of the workshop and answer your questions. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

Clean toilets - what a time to be alive.Geoff & Mareko discuss Bladeshow and answer your questions. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO FARAILE 29 ME 2026(tusia e Pastor EA Adeboye) Manatu Autu: Aua nei taofia oe i le pologa (Dont remain in bondage) Tauloto Tusi Paia: Kalatia 5:1 “O lenei, ‘ia ‘outou tumau i le sa‘olotoga ‘ua fa‘asa‘oloto mai ai Keriso ‘iā te i tatou ‘ae ‘aua ne‘i toe tāofia ‘outou i le amo o le pologa.”Faitauga - Tusi Paia: Mataio 11:28-30 I le tele o tausaga ua leva, sa faalogo se alii talavou i se lauga na ou faamatala ai le taua o le gauai ma le atoatoa i le Atua, ona sau lea ia te a'u ma faapea mai, ‘tamā, ua ou gauai ma lafoai mea uma i le Atua', na ou ataata ma faapea atu, ‘Viia le Atua! O lona uiga la ua mafai ona matou faaaogaina lau taavale, ona e iai la matou galuega e fia faia, ae sa tau sue so matou auala i lea nofoaga'. Na ia tali mai, ‘oi o taeao o le aso Gafua, ae e tatau ona ou alu e faigaluega'. Na ou fai atu, ‘ioe ua ou iloa, ae matou te fia faaaogaina lau taavale tau o le aso e tasi'. Ua toe tali mai, ‘Ha!' Na ou ataata ma fai atu iai, ‘lo'u atalii, matou te lē manaomia lau taavale, pau a le mea e tatau ona e iloa, e te lei lafoai mea uma i le Atua e pei ona e fai mai ai'. E iai taimi, o tulaga e saisaitia ai pea tagata i le pologa, o lo latou pipii atu i le oa. Afai e faasaoloto e Iesu se tagata mai ia satani ma le pologa o le agasala, ae pipii pea lea tagata i mea o le lalolagi, e tumau pea o ia i le pologa e ui ua tatala e Iesu lona pa. O loo faamalosi mai le Kalatia 5:1 ia ‘outou tumau i le sa‘olotoga ‘ua fa‘asa‘oloto mai ai Keriso ‘iā te i tatou ‘ae ‘aua ne‘i toe tāofia ‘outou i le amo o le pologa. O le maua o le saolotoga, e pau lau mea e faia o le sau ia Iesu, ae o le saoloto, o lau matafaioi tele lea e manaomia ai lou tulai pea i lou saolotoga. I le faitauga mai le Tusi Paia o le asō, na faamalosi Iesu i tagata uma o nofo pologa e ō mai ia te ia ma latou avega ina ia latou malolo ai. E taua le silafia, e lē mafai e le Atua ona faamalosia le saolotoga i se tagata. O lona uiga e manaomia lou naunau e maua le saolotoga o loo ia aumaia ma tumau ai. O soo se tagata e fiafia i mea o le lalolagi, ua filifili e tumau i saisaitiaga a le tiapolo, aua o le alofa o le tamā e lē ia te ia. O lea tagata e lē mafai ona savali i le saolotoga ma e lē mafai ona tumau i le Atua e faavavau. (1 Ioane 2:15-17). Le au pele e, e leai se manuia i soo se fesootaiga ma le tiapolo. O le oa o loo folafola e le tiapolo e tele ina maumau ai o latou agaga, e sili atu lona tau i lo le oa ma le tamaoaiga o le lalolagi (Mareko 8:36-37). E tatau ona saunia lou tagata e lafoai soo se mea e saisaitia ai oe ma ia e ole atu i le Atua mo se faasaolotoga. Afai o loo e nofo pea i le pologa i soo se vaega o lou olaga, ou te tatalo ia faasaoloto oe e le Alii, i lona mana ma le malosi matautia, i le suafa o Iesu. O i latou e fiafia i mea o le lalolagi, e lē mafai ona savavali i le saolotoga a le Atua, i le suafa o Iesu, Amene. 

Mareko, Geoff and Craig discuss Lego and answer your questions. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO LULU 20 ME 2026(tusia e Pastor EA Adeboye) Manatu Autu: Soifua maloloina lelei mai le Atua (Divine health) Tauloto Tusi Paia: 3 Ioane 2 “Le pele e, ‘ia e manuia i mea uma, ma ‘ia e mālōlō, fa‘apei ‘ona manuia o lou agaga.”Faitauga - Tusi Paia: Isaia 55:10-11 Fai mai le Salamo 105:37 ina ua tuua e tagata Isaraelu le nuu o Aikupito, e aunoa ma se tasi sa vaivai, o lona uiga o tagata uma sa soifua maloloina lelei ma malolosi. O i latou sa tigaina i le pule a o latou taitai, ua faafuasei ona malolosi ma soifua maloloina lelei ina ua maea ona aai i le tausamiga o le Paseka ma ua sauni e tuua Aikupito. Afai na faamaloloina e le Atua tagata sa le aunoa ona sasa ma faapologaina ma tusiesea, o latou vae foi e lei fulafula mo le 40 tausaga ao i ai i le vao matua (Teuteronome 8:4). E mafai foi ona tuuina atu e le Atua le soifua maloloina lelei ia te oe.  Tusa poo le a lava le umi ma  le faigata o se ma'i e feagai ma se tagata, e mafai ona faamaloloina e le Atua atoatoa. I le Ioane 5:5-9, na o le tasi lava le upu na fetalai ai Iesu i le tamaloa sa ma'i mo le 38 tausaga ae malolo. O loo taua mai i le Salamo 107:20, a auina mai e le Atua lana Upu, e mulimuli mai ai le malologa ma le solotoga.  O ma'i ma faama'i, e le mafai ona tutū i le malosi o le Afioga a le Atua. A auina mai e le Atua lana Upu, e le toe foi fua ia te ia ae faia le mea e finagalo e faia. I le faitauga mai le Tusi Paia o le asō o loo tau mai ai ia i tatou, o le timu ma le kiona mai le lagi, e faasūsūina ai le laueleele ma fua mai ai ni fua. O le Upu a le Atua e manuia foi i le mea o lo'o auina atu iai. Ua na o se upu na fetalai ai Iesu, na lava lea e malolo ai le atalii o se alii mau tofi i le Ioane 4:46-54. Na fetalai Iesu i le upu ao iai i Kana i Kalilaia ona malolo lea o le tamaitiiti sa mamao le nofoaga na iai i Kapanaumi. O Afioga a le Atua e le mafai ona taofia e le taimi, poo le vanimonimo pe faatuai foi ona o le mamao. I le Mataio 8:5-13 pau lava le mea na manaomia e faamalolo ai le auauna a le taitai o le toaselau, o se fetalaiga a Iesu. O le tama teine foi a le fafine Suria Foinie sa matua vaavaai ma talitonu i le matautia o le faamalologa ina ua fetalai le Atua i lana Upu i luga o se faafitauli o tulai mai ia te ia (Mareko 7: 24-30). O le upu a le Atua e laugaina e ana auauna, ma talitonu iai ma le faatuatua, e oo atu ai le malologa i e mama'i. E mafai foi i lana Upu e pei ona tusia i le Tusi Paia ona faamalolo soo se tasi pe a fai e faatuatua ma talitonu iai.  Le au pelē, afai o i ai se gasegase i lou tino, ua maea saunia e le Upu a le Atua lou faamalologa, pau lava le mea e te faia, o le talitonu iai. I tua atu o le talitonu i le Atua mo le faamalologa, o lona finagalo ia e ola i le soifua maloloina lelei mai ia te ia, e pei o loo faamautūina e le aposetolo o Ioane i le tauloto o le asō. O le faamanatu, e pau lau matafaioi o le talitonu i lana Upu. Ou te tatalo ina ia aua nei maua oe, i ni gasegase e amata atu nei, I le Suafa o Iesu, AMENE.

OPEN HEAVENSMATALA LE LAGI MO LE ASO GAFUA 18 ME 2026(tusia e Pastor EA Adeboye) Manatu Autu: Tuliese le lē faatuatua (Banish unbelief) Tauloto Tusi Paia: Mataio 21:21“A ‘ua tali atu Iesu, ‘ua fa‘apea atu ‘iā te i latou, “E moni, ‘ou te fai atu ‘iā te ‘outou, ‘Āfai ‘ua ‘iā te ‘outou le fa‘atuatua, ma ‘outou lē māsalosalo, ‘ona faia lea e ‘outou e lē na o le mea ‘ua faia i le mati, ‘ae ‘āfai tou te fai atu i le mauga lenei, ‘‘Ia si‘itia oe, ma lafoina i le sami,' ‘ona faia lava lea.”Faitauga - Tusi Paia: Mataio 17:19-20 Fai mai le Eperu 4:12 o le Upu a le Atua, o lo‘o matuā galue fo‘i, o lo‘o sili fo‘i lona ma‘ai i pelu uma e fa‘atau ma‘ai itū. Fai mai foi le Ioane 11:3 na faia mea uma i le Upu a le Atua. E ui e malosi le mana i le Upu a le Atua, peitai a folafola pe faaaogaina e aunoa ma le faatuatua, e le mafai ona maua se taunuuga. I le 1 Ioane 4:4 o loo tusia e sili o ia ‘ua ‘iā te ‘outou, i lē ‘ua i le lalolagi. O loo soifua le Atua i totonu ia te oe, ma e sili ma maualuga atu o ia i lo soo se faafitauli poo se luitau e togi atu i ou ala. O le mea moni lea i lou tulaga, e te maualuga atu i le mativa ma le faaumatia aua o le mana o le Atua o loo afio i totonu ia te oe, ma e mafai ona e faaaogaina e faatoilaloina soo se tulaga faaletonu i lou olaga. E ui i lea, o le lē faatuatua e mafai ona faalavelave i le mana o le Atua mai le tafe atu e ala i lana Upu i lou fofoga. E mafai ona avea oe o se kerisiano ae sauaina pea e le agaga o le masalosalo ma le lē faatuatua. O le tulaga e faia e lea agaga o le tuu i lalo o le Upu a le Atua i lou loto, ma faatupuina lagona e leai sa mana i le Upu a le Atua. E faatupuina foi ou manatu e lē moni le Upu a le Atua, e faatumuina lou loto i le lē mautonu. Afai o sauaina pea oe e le agaga o le masalosalo ma le lē faatuatua, ou te tatalo ia tuliesea ma oe i le taimi nei, i le suafa o Iesu. Na faatūina e Iesu le afafine o Iairo i le Mareko 5:35-43 i lana Upu. Ina ua ia taunuu atu i le fale o Iairo na ia faatonuina i latou o fetagisi i le maliu e ō i fafo ona faatonuina lea o le teine oti e tū i luga. Na faia foi e Peteru le faiga e tasi ina ua faaaogaina e le Atua o ia e faatuina Toreka mai le oti i le Galuega 9:36-42, na ia faatonuina i latou o fetagisi i le maliu e ō i fafo ona ia faatonuina lea o le tinā maliu e tū i luga. Le au pele e, e leai se tapulaa o le tulaga e mafai ona e ausia pe a e tautala i le Upu a le Atua i le faatuatua. E pei ona fetalai Iesu i le faitauga mai le Tusi Paia o le asō, e leai se mea e lē mafaia ia te oe, pe a e tautala i le upu a le Atua i le faatuatua e aunoa ma le masalosalo poo le lē faatuatua. E finagalo le Atua ia e faatuatua i lana Upu ma savali ai. E finagalo e te alu i tulaga ua leai se faamoemoe ina ia mafai ona ia faaali atu i le lalolagi o loo iai pea le faamoemoe e tauala atu ia te oe. E finagalo e na te faaaogaina oe ma le matautia ma susulu atu ai lona malamalama ia te oe ina ia viia ai pea o ia (Mataio 5:16). Peitai e tatau ona aoaoina oe e faatuatua i lana Upu ma le atoatoa, ia folafola lana Upu ma le mana ma le toa i soo se tulaga o feagai ma oe. Tau ina ia avea oe ma auala e faaali atu ai le mana matautia o le Atua i soo se mea e te alu iai, i le suafa o Iesu, Amene. 

Geoff & Mareko chew the fat and answer your questions. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO LUA 12 ME 2026(tusia e Pastor EA Adeboye) Manatu Autu: O le suafa o Iesu (The name of Jesus)Tauloto Tusi Paia: Galuega 4:12 “E leai fo‘i se tasi ‘ua i ai le ola; e leai lava se isi igoa i lalo o le lagi ‘ua foa‘iina mai i tagata e mafaia ‘ona fa‘aolaina ai o i tatou.”Faitauga - Tusi Paia: Filipi 2:9-11 I le tele o tausaga talu ai, sa ma malaga atu ma la'u avetaavale mai se tasi nuu agai i le taulaga. Na iai se auala laupapa i le ala ma e na o le tasi le taavale e ofi ai i le taimi e tasi. O lona uiga e faatali le taavale i le itu pito mai seiloga e pasi le taavale o loo malaga mai i leisi itu ona faatoa alu lea i luga o le auala laupapa. Ina ia ma oo atu i le pito mai o le auala laupapa, na ma tilotilo atu e leai se taavale o sau mai leisi itu, o lea na amata loa ona ma malaga atu i luga o le auala laupapa. E ma te lata atu i le afa o le auala laupapa, ae ma vaai atu o masau mai se loli i leisi itu. E lua vaega ma te filifili iai i le taimi lea, o le alu sao ma fetaui ma le loli pe faatafa ona tofu lea i le vai i lalo o le auala laupapa. Ua leai se taimi e tatalo ai, ae na lava le taimi e alaga ai , ‘Iesu'. Na matou fetaui ma le loli i le ogatotonu o le auala laupapa, fepasiai ma sao lelei i leisi itu. Na matuā luluina la'u ave taavale, ua ia tago faatū le taavale ina ua ma oo i leisi itu. Ina ua to'a lelei, na faliu mai ia te a'u ma fesili mai poo le a le mea na tupu, ua ou fai atu iai na faalautele e le Atua le auala laupapa mo ma'ua. O le suafa o Iesu e matautia lona mana, e faamautinoaina le faasaolotoina (Mareko 16:17), saolotoga (Ioane 8:36), siitia le tulaga (Ioane 12:32), malologa (Mataio 11:28-30), loto malie (Ioane 7:37-39), tali o tatalo (Ioane 14:14) ma le manumalo (1 Korinito 15:57). Fai mai le Filipi 2:9 o lona suafa e sili i suafa uma lava. O lona uiga o soo se mea e iai se igoa, e i lalo uma o le suafa o Iesu. Afai o iai se ma'i o loo fai ma avega mamafa ia te oe, afai e iai se igoa, e vaivai i le suafa o Iesu, auā i lona suafa, e tootuli tulivae uma (Filipi 2:10). Le au pele e, ua maea ona foai atu e Iesu le pule ia te oe e faaaoga lona suafa (Ioane 16:23-24). O lona uiga o loo ia te oe le malosiaga e pule ai i soo se tulaga, ia ō gatasi ma le finagalo o le Atua mo lou olaga. Aua e te faavaivai pe a e feagai ma soo se tulaga lē lelei ae tago e folafola le suafa o Iesu ma le toa, ona e tulai mai lea ma le manumalo. Ou te tatalo ia oo atu le mana o le suafa o Iesu e faaumatia soo se fuafuaga a le tiapolo ia te oe ma lou aiga. O lona uiga e te savali ma le manumalo i taimi uma, i le suafa o Iesu. O le suafa o Iesu e sili i suafa uma lava, Amene. 

Geoff and Mareko answer your question snd shoot the breeze.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO TOONAI 25 APERILA 2026(tusia e Pastor EA Adeboye) Manatu Autu: Fa'ama'iteina o le fesoasoani mai le Atua (Attracting God's help)Tauloto Tusi Paia: Salamo 70:5 “A o a‘u, ‘ua ‘ou puapuagātia a‘u ma le mativa; le Atua e, ‘ia e vave mai ‘iā te a‘u. O lo‘u fesoasoani ma lo‘u fa‘aola, o oe lava lea, le ALI‘I e, ‘aua lava ‘e te tuai mai.” Faitauga - Tusi Paia: 2 Tupu 6:1-7E tāua tele mo le fanau a le Atua lo latou iloa o mea e mafai ona o latou fai e o'o mai ai le fesoasoani a le Atua. E tumu le Tusi Paia I le tele o faamatalaga pe na faapefea ona maua e tagata le fesoasoani a le Atua , ma o le a faasolo atu i aso o le a sosoo atu, lo'u talanoa atu i nisi o aiaiga e mafai ona e faia e ta'aina mai ai le fesoasoani a le Atua.I le faitauga mai le Tusi Paia o le asō, sa ta laau atalii o le ‘au perofeta i talane o le vaitafe o Ioritana ona paū ese lea o le matau na fa'aaogā e se tasi o i latou, i totonu o le vai. Na alaga le so'o i le auauna a le Atua mo se fesoasoani, ona aapa mai lea o le Atua ma aumai le fofō o le faafitauli. E fesoasoani le Atua ia i latou e valaau ia te Ia mo se fesoasoani. I le Salamo 3:4 fai mai Tavita, “Na ‘ou vala‘au i le ALI‘I i lo‘u leo; ‘ua fa‘afofoga mai fo‘i o ia ‘iā te a‘u mai lona mauga pa‘ia. Selā.”E faapea fo'i le Mareko 10:46-52; na alaga Patimaio ia Iesu, ma e ui ina taumafai nisi na i ai e taofi lana valaau, na musu Patimaio le tauaso e fifilemu. O le tali o lona alaga ma tagi pea mo se fesoasoani, na alofa mutimutivale Iesu ia te ia ma faapupula ona mata. O isi taimi a o'u vaai i tagata o tatalo ma le lē manatu mamafa, ou te ofo pe mananao moni i le fesoasoani a le Atua. Afai e te mana'o moni e te maua le fesoasoani mai Lē e toatasi, e mafaia moni ona lavea'i ia te oe, e ao ona faamaulalo lou loto ma le olega ia te Ia ma le loto maulalo mo se fesoasoani. Fai mai 2 Nofoaiga a Tupu 7:14 “āfai e fa‘amaulalo lo‘u nu‘u ē ‘ua ta‘ua i lo‘u igoa ma latou tatalo ma sā‘ili‘ili ‘iā te a‘u ma liliu ‘ese i o latou ala leaga, ‘ona ‘ou fa‘alogo ai lea mai le lagi ma fa‘amāgalo ‘iā latou agasala ma fa‘aolaina lo latou nu‘u.”Ou te manatua ina o fa'atoā ou auai i le ekalesia RCCG, a o faia se sauniga sa faapea mai se tasi sa ta'ita'i, “Viia le Alii,” Ona tali atu lea o se uso sa nofo i ou talane. “Aleluia,” i se alaga leotele na toetoe a o'u alu ai i le atoa i fafo ma le falesa. Le au pele e, aua ne'i fa'atagaina se mea e taofia oe mai lou faatauanau i mea a le Atua. A o'o i le taimi e vivi'i ai ia te Ia, siva i le mea e gata ai lou malosi. E le gata i lea, a o'o i le taimi tatalo, ia taula'i tasi lau vaai ia te Ia. A e i ai i le mamalu o Lē na faia oe, e lē tatau ona e toe manatu i se isi lava mea. Talitonu mai ia te a'u o loo faaauau pea ona fai vavega le Atua i le taimi nei e pei ona ia faia i aso anamua. Afai e te ole atu ma le loto maulalo ia te Ia i le tatalo, e mautinoa e tula'i o Ia e fesoasoani iā te oe. Valaau faatauanau i le Atua i le asō, ma ole atu e fesoasoani ia te oe i soo se vaega e manaomia ai Lana fesoasoani, i le suafa o Iesu, Amene.

Mareko & Geoff answer your questions an horse around. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE TOFI 9 APERILA 2026(tusia e Pastor EA Adeboye) Manatu Autu: Vavega e tumau (Permanent miracles)Tauloto Tusi Paia: Failauga 3:14 “Ua ‘ou iloa, o mea uma e faia e le Atua e fa‘avavau ia, e lē mafai ‘ona fa‘aopoopo i ai o se mea, e lē mafai fo‘i ‘ona ‘ave ‘ese i ai o se mea; ‘ua faia fo‘i e le Atua ‘ina ‘ia matata‘u tagata i ona luma.”Faitauga - Tusi Paia: Ioane 5:1-14O se tasi o ou atalii faaleagaga e sau mai se aiga mauoloa, na maua i le kanesa o le auvae. Na mafai ona vaai e fomai popoto ma taugata mai Europa, peitai i le maea ai ona latou faia togafitiga mo sina taimi, ona latou fai lea i ona matua e toe ave i Nigeria ona toe lua vaiaso e ola ai. Na matua mafatia matua o lenei tama. Ina ua taunuu mai i Nigeria, na fai le faaiuga a matua e aumai i le matou togalauapiga ma na luluina lou faatuatua ina ua ou vaai atu ia te ia. Na le mafai ona ai se meaai, na fula lona ulu (tulou)ma e toeitiiti atoa le itula e tau inu ma faauma se faguinu. Ina ua ou toe to'a lelei, na ou tatalo mo ia ona faamaloloina lea o ia e le Atua. Na tupu lenei mea i le 43 tausaga talu ai, ma i le viiga o le Atua, o loo soifua pea o ia i le asō, ua fai lona toalua ma lana fanau. Na tuu ia te ia e le Atua se tautinoga o loo talafeagai pea e oo mai i le asō. Ou te tatalo ia avatu e le Atua ia te oe se tautinoga e tumau, i le suafa o Iesu. O se tasi o tulaga matagofie e tupu pe a afio mai le Atua e asiasi i se tagata, e aumai ni tali mautu o faafitauli. O loo tusia i le Mareko 10:46-52 le tala i se tagata tauaso e igoa ia Patimaio. Ina ua ta'u iai e se tagata o le a oo mai Iesu, na ia iloa lelei o le a lē toe aisi. O le mafuaaga lea na ia aveesea ai lona ofu, o le faailoga o le maasiasi, pogisa ma le tauaso. Ou te mautinoa o le taimi na maua ai lana vaai, e lei toe aisi o ia, o lana tautinoga e tumau. E iai tagata na maua a latou vavega peitai na toe aveesea. O nisi ua latou maua se mea e pito sili ona taua mai le Atua ona latou le toe maua lea ona o le faatamala. I le suafa e sili i suafa uma lava, o le tautinoga a le Atua e avatu ia te oe, o le a tumau e faavavau. Le au pele e, e pau le auala e tumau ai au tautinoga ma vavega mai le Atua pe a e sola ese mai le agasala. O le faitauga mai le Tusi Paia o le asō o loo aumai ai se tala i se tagata na ma'i mo le 38 tausaga, na faamalolo e Iesu ma ua matua fiafia. Peitai ina ua toe feiloai ma Iesu, na lapatai iai Iesu e aua le toe agasala aua a ia toe faia le agasala, e sili atu le leaga o le tulaga e toe oo iai. Afai e faasaoloto e le Atua se tagata mai le ala  e faaumatia ai, ae toe foi iai lea tagata, o le a sauaina ma fasia o ia e le tiapolo i lana faitalia. Afai ua e toe foi i le agasala, toe foi nei ia Iesu i le asō ma ole atu ia te ia e faaolaina oe. O le a ia toe faafouina oe i lona alofa tunoa pe afai e te toe foi mai ia te ia ma lou loto atoa. O le auala e tumau ai au vavega e le toe suia pe afai e te lē taalo i le agasala, i le suafa o Iesu, Amene. C

Geoff & Mareko handle the questions and chat whilst Professor X rises again, it must be Easter.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO FARAILE 3 APERILA 2026(tusia e Pastor EA Adeboye) Manatu Autu: O Lē tauave avega (The burden bearer)Tauloto Tusi Paia: Mataio 11:28 “Ia ‘outou ō mai ‘iā te a‘u, o ‘outou uma o ē tigāina ma mafatia i avega, o a‘u fo‘i e mālōlō ai ‘outou.”Faitauga - Tusi Paia: Isaia 53:4-5I le tauloto mai le Tusi Paia o le asō, o loo valaau mai Iesu e ō atu ia te ia ma tatou avega. O le avega i lea tulaga e faatatau i se tulaga faigata o loo feagai ma se tagata. E masani ona pipii atu nei avega tusa pe lē talia e le tagata ma e lē mafai ona latou aveesea i lo latou malosi. I le 1 Tupu 17:10-12, o le fafine ua oti lana tane i Sarefata, ua toe ose meaai itiiti na totoe ona na folafola e Elia o le a leai se timu pe paū le sau seiloga e na te faia se poloaiga (1 Tupu 17:1). Na folafola e le Atua le faamasinoga e tauala i le perofeta ona o le tupu o le nuu e ifo i tupua, ma o lea sa matua aafia matuiā le fafine ua oti lana tane, e lē faapea na ia faia se mea sesē ae ona o agasala a taitai o le atunuu, ma e leai se mea e mafai ona ia faia e foia ai le faafitauli. I le 2 Tupu 5:1, fai mai le Tusi Paia o Naamanu e mauoa toe tautaua, peitai e ma'i lepela. Sa leai se togafitiga o le lepela i ia aso, ma ana mafai e tupe ma le tautaua ona foia lona faafitauli,  semanu e lē oo i le tulaga na iai. Ana faapea o le lepela o se mea e mafai ona ia aveesea i se pelu, semanu ua leva ona ia faia aua o ia o le fitafita. Peitai sa le mafai ona ia faia se mea tusa poo le a lona tulaga tauoloa. Le au pele e, o mamafa ea se avega o feagai ma oe? E iai ea sou faafitauli e leai se mea e mafai ona e faia iai? Afai o lau tali o le ioe, ou te fiafia ma oe i le asō aua o loo iai le tagata e faaigoaina o Lē tauave i avega, o lona suafa o Iesu Keriso. E faapipii atu lo'u faatuatua i lou faatuatua a'o e valaau atu ia te ia mo se fesoasoani i le asō, e tali mai o ia. O le agasala o se avega mamafa e taotaomia ai se tagata. A iai le avega o le agasala i luga o se tagata, o loo i lalo o ia i se amo mamafa seia fetaui lea tagata ma seisi e malosi atu ia te ia, e mafai ona aveesea le amo. Fai mai le Mareko 3:27, e leai sē na te mafaia ‘ona ulu atu i le fale o le tagata malosi, ma ‘ave ana mea, se‘ia mua‘i noanoatia le tagata malosi. O Iesu o ia e mafai ona faasaoloto i latou o loo taotaomia i lalo o le avega o le agasala (Mataio 1:21, Galuega 4:12). O mamafa ia te oe le avega o le agasala?O loo valaau Iesu ia te oe i le asō. E finagalo o ia e faasaoloto ia te oe ma avatu le malolo mai le avega o le agasala pe afai e lafoai atu lou ola ia te ia. Afai e lei tuuina atu lou ola ia Keriso, ia fai o ia ma ou Alii ma Faaola i le asō. Afai e te faia, e na te tauave lau avega ma foai atu ia te oe se ola fou. O loo faatali Iesu ia te oe e te lafoai atu au avega ia te ia ona ia avatu lea o le malolo, i le suafa o Iesu, Amene. 

OPEN HEAVENSMATALA LE LAGI MO LE ASO LULU 1 APERILA 2026(tusia e Pastor EA Adeboye) Manatu Autu: O le Upu e mamana 2 (Word of Power 2)Tauloto Tusi Paia: Mareko 11:23 “auā e moni, ‘ou te fai atu ‘iā te ‘outou, ‘ai sē fai atu i lenei mauga, ‘‘Ia si‘itia oe, ma ‘ia lafoina i le sami,' ma le lē māsalosalo lona loto, ‘ae peita‘i e fa‘atuatua o ia e taunu‘u lava mea na ia fai atu ai, ‘ona faia lea mo ia o le mea na te fai atu ai.”Faitauga - Tusi Paia: Mareko 5:35-43I le tele o tausaga talu ai, sa ou asiasi atu i se tasi o matou aulotu i se atunuu i fafo, ma ina ua ou taunuu atu i le malae vaalele, o se tasi o faifeau e masani ona faatalia mai a'u ua le alu atu. Na ou fesili poo fea o ia ae logo ane a'u o loo ma'i e faatalitali le oti i le falemai. Na ou talosaga atu pe mafai ona matou afe atu i le falemai mai le malae vaalele, ma ua matou o sa'o loa iai. I le falemai lea, e isi se potu faapitoa e tuu ai ma'i ua lē toe aoga iai se togafiti. A ave loa iai se ma'i, o lona uiga e lē toe umi se taimi e faatalitali ai, ma o ī o loo iai le faifeau. Ua maua i le kanesa ma e lē lelei ripoti a fomai. Na ou tatalo mo ia ma faatonu le agaga o le oti e alu ese ma ia. Ou te lei tatalo mo isi ma'i i le potu lea ona e mafai ona molia le tagata i le tulafono pe afai e tatalo e aunoa ma le faatagana a le ma'i. Ina ua maea ona ou tatalo mo le faifeau, na matou o ese lea. Ina ua maea le tolu aso, ua malolo atoatoa le faifeau ma ua te'a ma le falemai. E lē o se mea na ou faia, ae o le Atua na ia lagolago au upu i lona mana. Na ou iloa mulimuli ane i le aso lea, o le aso na te'a ai le faifeau na tetea uma ai i tua ma'i na iai i le potu lea. E te manatu i le mea e ono tupu pe ana faapea na ou faalogo i le tala faanoanoa ona ou misi alofa lea isi faifeau e aunoa ma le folafolaina o le Upu a le Atua i ona luga. Fanau a le Atua, e te lē ono iloa vavega e tele o loo e natia pe afai e te musu e folafola le upu a le Atua i tulaga lē lelei. E tatau ona  e iloa e lē o oe o se tagata e pei o le toatele, e mamana au upu aua o oe o le atalii poo le afafine o le Atua. A e fetaiai ma se mauga i le ala e siitia ai oe, faatonu ma tautala iai i le suafa o Iesu ona usitai lea ia te oe (Mareko 11:23). Fai mai le Faaaliga 1:6, o oe o le tupu ae fai mai le Failauga 8:4 o le poloaiga a le tupu e iai le pule. O lona uiga a e tautala ma folafola, e iai le pule. O le masalosalo o le itu pito malosi lea e taofia le pule ma le taunuu pe a e tautala atu. Le au pele e, aua e te filemu i le taimi o tulaga lē lelei i lou olaga, folafola le Upu a le Atua i le faatuatua, ona liua lea ma le atoatoa ma tumau ai, i le suafa o Iesu. A tautatala fanau a le Atua i le Upu a le Atua ma le faatuatua, e oo mai le mana, e oo mai le pule a le Atua, i le suafa o Iesu, Amene. 

OPEN HEAVENSMATALA LE LAGI MO LE ASO SA 29 MATI 2026(tusia e Pastor EA Adeboye) Manatu Autu: E mamana ou lima (There is power in your hands).Tauloto Tusi Paia: Mareko 16:18 “e fetāgofi i latou i gata; ‘āfai fo‘i latou te inu i se mea e oti ai, latou te lē afaina ai lava; e fa‘ae‘e atu fo‘i o latou lima i luga o ē mama‘i, ma fa‘amālōlōina i latou.” Faitauga - Tusi Paia: Mareko 1:40-45I le faitauga o le Tusi Paia o le asō, na sau se lepela ia Iesu ma faapea ‘Āfai ‘ua e finagalo i ai, “e te mafaia ‘ona fa‘amamā ‘iā te a‘u.” I na aso, o le lepela o se ma'i e leai se togafiti, peitai ina ua fetaiai o ia ma Iesu, na faamamāina i le taimi lava lena. I le Galuega 3:1-11, na feiloai Peteru ma Ioane ma se tamaloa na fanau mai e pipili, na faapea atu Peteru ia te ia, “…i le suafa o Iesu Keriso o le Nasareta, ‘inā tu ia i luga, ‘inā savali.” Ina ua le tū i luga le tamaloa, na tago Peteru i lona lima taumatau ma faatū i luga. I le taimi lava lena, na sosolo atu le mana o le Atua mai lima o Peteru ma oo atu i ponaivi o le pipili, ona ia oso lea i luga. Fai mai le Ioane 14:12“E moni, e moni, ‘ou te fai atu ‘iā te ‘outou, o lē talitonu mai ‘iā te a‘u, e faia lava e ia o galuega ‘ou te faia; e fai fo‘i e ia mea e sili i ia mea, auā ‘ou te alu i lo‘u Tamā.”I le fuaitau i luga, na fetalai Iesu o soo se tagata e talitonu ia te ia, e sili atu galuega e mafai ona ia faia i lo galuega na ia faia ao iai i le lalolagi. Afai o oe o se afafine/ atalii o le Atua, e tatau ona e iloa ua faauuina oe i le mana e lou Tamā oi le lagi. O lona uiga o ou lima e lē pei o lima o le toatele, ae ua avea ma auala e oo atu ai le faamalologa, faasaolotoga ma le toe fuataina a le Atua. Ua maea ona totogi e Iesu Keriso le tau mo le tigā ma ma'i, ma o le mafuaaga lea na ia fetalai mai ai i le Mareko 16:17-18 “E mulimuli atu fo‘i nei fa‘ailoga i ē fa‘atuatua; e tutuli e i latou temoni i lo‘u igoa; e tautalatala i latou i gagana fou; e fetāgofi i latou i gata; ‘āfai fo‘i latou te inu i se mea e oti ai, latou te lē afaina ai lava; e fa‘ae‘e atu fo‘i o latou lima i luga o ē mama‘i, ma fa‘amālōlōina i latou.”O lona uiga, afai o oe ose atalii/afafine o le Atua, e mafai ona faaee ou lima i luga o e mamai, ona malolo lea. A faae'e ou lima i luga oi latou, e sosolo atu le mana o le Atua mai ou lima ma faamalolo ai i latou. Ou te folafola atu, e amata atu nei, a e pai i e mamai, e malolo i latou. E masani ona ou fai i kerisiano o ni fomai, ‘ae e te lei faia le faatonuga o vai mo togafitiga i au ma'i, fesili atu iai mo se faatagana e faaee ai ou lima, ona e tatalo lea mo i latou'. Ou te fai foi iai, ‘o le a e feagai ma tulaga ua lē toe aoga se togafitiga faa fomai i au ma'i. I taimi faapena, tuu atu i Lē na faapea mai, ‘o a'u o le Alii e faamalolo ia te oe'. Le au pele e, o oe o le atalii/afafine o le Atua, o ou lima e mamana aua ua faauuina e le Atua. O lona uiga, faaaoga lou faatuatua ia te Ia, ma faae'e ou lima i luga o ē mamai mo lo latou faamalologa, ona e vaai lea i vavega faapitoa o tutupu e tauala ia te oe. O lima o kerisiano e mamana, e faaaoga e le Atua e oo atu ai le faamalologa, faasaolotga ma le toe fuataina, i le suafa o Iesu, Amene. 

OPEN HEAVENSMATALA LE LAGI MO LE ASO FARAILE 27 MATI 2026(tusia e Pastor EA Adeboye) Manatu Autu: Tagata tālai o le malamalama1 (Ministers of Light 1).Tauloto Tusi Paia: Mataio 4:16 “O le nu‘u sa nofo i le pouliuli, ‘ua latou iloa le malamalama tele; o i latou fo‘i sa nonofo i le nu‘u ma le ata o le oti, ‘ua alu a‘e le malamalama ‘iā te i latou.” Faitauga - Tusi Paia: Mataio 5:14-16O le malamalama e malosi. E tafiesea le pogisa ma faaalia soo se mea o loo nātia. Na fetalai Iesu i le Ioane 9:5 “Manū ‘ou i ai i le lalolagi, o a‘u o le malamalama o le lalolagi.” O loo faapea mai foi le Ioane 1:4-5 “Sa ‘iā te ia le ola; o le ola fo‘i o le malamalama lea o tagata. ‘Ua pupula mai fo‘i le malamalama i le pouliuli, ‘ae le‘i manumālō i ai le pouliuli.”O loo faamaonia mai i nei fuaitau o le Tusi Paia o Iesu o le malamalama. Peitai i le Mataio 5:14, o Iesu lava na faapea atu i lona ausoo, ‘o outou o le malamalama o le lalolagi. E lē pepelo le Atua ( Numera 23:19), o lona uiga a fetalai Iesu o ona soo o le malamalama o lenei lalolagi, ma afai o oe o se tasi o ona so'o, o lona uiga o oe o le malamalama. O loo faaalia i le Iakopo 1:17 o mea lelei uma e foa‘ifuaina mai, ‘atoa ma mea alofa uma e ‘ato‘atoa ‘ona lelei, mai le Tamā o le malamalama, o lona uiga o lana fanau o le malamalama. E finagalo le Atua ia e susulu atu, ma i le faitauga mai le Tusi Paia o le asō, o loo poloai mai ia faapea ona pupula atu lo ‘outou malamalama i luma o tagata, ‘ina ‘ia latou iloa la ‘outou amio lelei, latou te vivi‘i atu ai le Tamā.I lou tulaga o le atalii/afafine o le Atua, o oe o le tagata talai o le malamalama, o lona uiga e tatau ona susulu atu lou malamalama. O loo valaau le Atua ia te oe o se tagata talai e agavaa i le feagaiga fou (2 Korinito 3:6), o lona uiga e tatau ona faaalia i lou olaga le mamalu ma le alofa tunoa o le Atua. I le Ioane 14:12, na fetalai Iesu o i latou e talitonu ia te ia, e faia lava e i latou galuega e na te faia; e fai fo‘i e i latou mea e sili i ia mea. A susulu le malamalama o le Atua i se nofoaga, o mea e lē mafaia, o le a mafaia. E tatou te vaaia lea tulaga i le soifua o Iesu, o soo se mea e afio iai, o vavega, faamalologa, faasaolotoga na tupu ma sa faulai. I le Ioane 9:1-7, na ia faamaloloina le tauaso na tauaso i lona olaga atoa. E faapena foi i le Ioane 5:1-9, na ia faamalolo le tamaloa na ma'i mo le 38 tausaga. Na ia faamalolo foi ini lepela i le Luka 17:11-19, faapea se tamaloa na ulutinoina e le lekeono o temoni( Mareko 5:1-20). Fai mai le Tusi Paia i le Mataio 4:23-25 na matua lauiloa Iesu ua oo atu ripoti i le malo o Suria ona o vavega ma ia faia. Na silasila atu tagata ia te ia o le malamalama ma naunau e mulimuli ia Iesu i soo se mea na feafio a'i ai. Le au pele e, afai o oe o se fanau a le Atua, o le malamalama o lou faasinomaga lea,  a o lenei malamalama e tatau ona matua susulu e mafai ona tafiesea soo se auala o le pogisa i lou siomaga. Ou te tatalo, ia aua lava nei tineia le malamalama o le Atua ia te oe, i le suafa o Iesu, Amene. 

Geoff and Mareko answer your knife related questions and get down to rattling some cages...Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Advertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO LUA 24 MATI 2026(tusia e Pastor EA Adeboye) Manatu Autu: E lē taugofie faamanuiaga (Blessings dont come cheap).Tauloto Tusi Paia: Esoto 23:25 “A ‘ia ‘outou ‘au‘auna i le ALI‘I lo ‘outou Atua, ‘ona fa‘amanuia lea e ia lau mea e ‘ai ‘atoa ma lou vai; ‘ou te fa‘ate‘a ‘ese fo‘i ma‘i ‘iā te oe.”Faitauga - Tusi Paia: Kenese 22:1-18Fai mai le Efeso 1:3, o i tatou ua manuia i mea uma lava i la le Agaga, i mea o i le lagi, ‘ona o Keriso, peitai o le savali i ia faamanuiaga e lē maua fua. O fa'amanuiaga a le Atua e le mafaitauina lona tau; mo se fa'ataitaiga, o le fa'amanuiaga na Ia folafola ia Aperaamo i le faitauga o le Tusi Paia i le aso, o lo'o taunuu pea e o'o mai i aso nei.  O Kerisiano, Mosalemi, Iutaia, ma tagata mai aganuu ma atunuu eseese, o loo manuia pea i fa'amanuiaga a Aperaamo aua o fa'amanuiaga e loloto ma mauaʻa. E tatau ona e maitau mai, o fa'amanuiaga a Aperaamo e leʻi taugofie, sa malie e avatu lona atalii e toatasi e ositaulaga ai i le Atua, i le usiusitai atoatoa i le finagalo o le Atua. O fa'amanuiaga a le Atua o loo avanoa, ae e pei ona ou fai atu i taimi uma, i le malo o le Atua e leai se mea e maua fua.Ina ua manao Isaako e fa'amanuia ia Esau i le Kenese 27:1-4, sa ia fa'atonuina o ia e alu e tuli mai se manu e saunia ai se mea'ai faapitoa mo ia. Sa ia manao ia Esau e faia se mea faapitoa mo ia e faaosofia ai le ituaiga fa'amanuiaga e le mafai ona faalēaogāina e se tasi. A o alu Esau i le vao e tuli se manu, sa pisi lona tina ma lona uso i le saunia o le meaai e fiafia i ai le tamā. Sa galulue atalii uma e toalua mo le fa'amoemoe ia maua ni faamanuiaga mai lo la'ua tama. Ina ua valaau le Atua ia Apera'amo ma faatonuina e tuua le fale o lona tama, sa Ia folafola ni faamanuiaga ia te ia (Kenese 12:1-3). Ae peitai, o na fa'amanuiaga e laiti pe a fa'atusatusa i le fa'amanuiaga i le faitauga o le Tusi Paia o le asō, lea na tauto ai le Atua Ia te Ia lava. O le tulaga ‘aupito maualuga lea o le fa'amanuiaga e mafai e se tagata ona maua mai le Atua, ma sa faia e Apera'amo se mea na fa'aosofia ai. E mafai ona e tu'ua oe i luma o le Atua i se auala e na te faamanuia ai ma sili atu ia te oe ma lau fanau.I tausaga ua mavae, sa ou i ai i le malae vaalele ma ni ato mamafa se lua, ma sa o'o mai lau fanau faaleagaga se to'alua. O lē na muamua mai na ia fa'afeiloai mai, ae o le lona lua e le gata na faafeiloa'i mai, ae na ia tago ma si'i a'u ato i le taavale. Sa ou faafeiloaia iai la'ua uma ae ou fai atu i lē na siia a'u ato, "Ia faamanuia le Atua ia te oe". Sa fesili mai leisi o laua pe aisea na ou lē fa'amanuia ai foi ia te ia, ma sa ou fesili atu ia te ia po o le a le mea na ia faia mo a'u e tatau ai ona ou fa'amanuia ia te ia. Ana faapea e maua se fua o le mati i le Mareko 11:12-14  semanu e fa'amalieina le galala o Iesu, ma maua ai se fa'amanuiaga, ae le o se fetuu. Le ‘au pele, a e fua mai mo le Atua e ala i lou auauna atu ma faafiafia ia te Ia i mea uma e te faia, e te maua fa'amanuiaga matagofie mai ia te ia e te lei mafaufauina. O le auauna i le Atua ma le loto atoa ma faafiafia ia te ia, e tosina mai ai ana faamanuiaga, i le suafa o Iesu, Amene. 

OPEN HEAVENSMATALA LE LAGI MO LE ASO FARAILE 20 MATI 2026(tusia e Pastor EA Adeboye) Manatu Autu: O le fetuu i le a'a (The root curse)Tauloto Tusi Paia: 2 Tupu 2:21 “Ona alu atu lea o ia i le puna o le vai, ‘ua lafo i ai le masima ma fai atu, “O lo‘o fa‘apea ‘ona fetalai mai o le ALI‘I, ‘Ua ‘ou fa‘amāgaloina lenei vai; e lē toe tupu mai ai le oti po o le lafuā.”Faitauga - Tusi Paia: 2 Tupu 5:20-27I le Mareko 11:12-20, na fetuu e Iesu le laau o le mati ona o le leai o se fua, ona mamago ai lea o ona a'a. Ou te manatu na aumai le auiliili na mago le laau e amata mai i ona a'a e faailoa mai ai iai tatou o fetuu e faasagatau i a'a, e oo lona aafiaga i le a'a. Ina ua faatoa maea ona fetuu e Iesu le mati, e ono tilotilo le au soo i le mati ma iloa ai o loo lauusiusi pea ona lau. Ou te tau manatu i se lagona o seisi o le au soo o faapea ia te ia lava, ‘ua misi e Iesu aua o loo lauusiusi ma lanumeamata lelei ona lau'. Ae latou te lē o iloa ua amata mai le a'a o le laau ona taunuu. Le au pele e, ia e faaeteete i fetuu, aemaise o fetuu mai le Atua. A fetuu e se tagata seisi tagata, e mafai ona toe feliuaina e seisi tagata e maualuga atu lana pule i le itu faaleagaga. Peitai afai o se fetuu mai le Atua, e leai se tagata e mafai ona toe suia, na o le Atua. E toatele tagata ua maea fetuu ae o loo foliga lauusiusi ma lanu meamata pea. Mo se faataitaiga, e mafai ona alu ese se tagata mai lana Ekalesia i se auala leaga ae o loo foliga lelei mea uma i le vaai atu, peitai e ono aafia i ona a'a, ma e vaaia le tino mai ao faagasolo aso. A e vavaeeseina se lala mai le laau, e pē i le taimi lena, peitai e te lē iloa atu i le taimi lena. Ae faasolo aso ona e vaai atu lea ua samasama seia oo ina uliuli. A samasama, e ono manatu nisi o loo manuia faulai, ae iloa mulimuli ane, ua amata ona pe. I le faitauga mai le Tusi Paia o le asō, ina ua fetuu e Elisaia ia Keasi, na ia folafola o le a pipii le lepela o Naamanu ia te ia ma lana fanau e faavavau. Na alu sa'o le fetuu i le a'a o lona aiga ma o so'o se tagata e tupuga mai ia te ia, o le ia tauaveina le amo o le fetuu. I le 2 Tupu 2:19-22, o tagata o Ieriko na o mai ia Elisaia ma logo ia te ia, e matagofie lo latou taulaga peitai e ogaoga ona faafitauli. Ina ua latou aumaia le masina na ia talosagaina atu, na ia alu sa'o i le a'a poo le puna o le vaitafe ina ia foia le faafitauli ma aveesea le fetuu o le taulaga mai ona a'a. Fanau a le Atua, o e aafia ea i le taui o le fetuu na amata mai se tasi o lou aiga?. Ou te folafola atu i le aa o lena fetuu i le taimi nei, so'o se fetuu na e maua mai ou tuaa, talepe ma aveesea mai lou tino ma lou aiga, i le asō, i le suafa o Iesu.Tatalo, Le Alii e, faamolemole, ia aveesea soo se fetuu o loo ono galue i totonu o lo'u aiga mai ona a'a, i le suafa o Iesu, Amene. 

OPEN HEAVENSMATALA LE LAGI MO LE ASO TOFI 19 MATI 2026(tusia e Pastor EA Adeboye) Manatu Autu: E inosia i le Atua le fa‘alēmata‘u (God hates hypocrisy)Tauloto Tusi Paia: Iopu 13:16 “E fai lava o ia mo‘u fa‘aolataga; auā e lē alu atu se tagata fa‘alēmata‘u i ona luma.”Faitauga - Tusi Paia: Galuega 5:1-11I le Mareko 11:12-20, fai mai le Tusi Paia na lē mafai e le laau o le mati ona fua mai ni fua e tausami ai Iesu ao fia ai. E masani lava i le fuata o le mati, e iloa o le a fua, e tele ona lau laau e faailoa ai o loo iai fua. Peitai, i le fuaitau lea, na tele lau laau ae leai ni fua, o se faaaliga e faalēmatau. O se faailoga foi o le faalēmatau, o se faifeau e taitaia le fono tatalo ma le tapuaiga i le lotu ma le matagofie peitai e seasea tatalo ma tapuai pe a na o ia. Fai mai se tasi o failauga, e toatele kerisiano faatuatua e faafoliga o ni kerisiano malolosi i le Alii peitai o loo toilalo pea e ola mo le Alii. I le Iopu 8:13, fai mai le Tusi Paia, e fa‘aumatia fo‘i le fa‘amoemoe o le tagata fa‘alēmata‘u. O le tauloto mai le Tusi Paia o le asō o loo faaalia mai ai e lē finagalo le Atua i tagata faalēmatau i ona luma- o se lapataiga taua lea i le au kerisiano faatuatua. Fai mai le Iopu 15:34, o le faapotopotoga o tagata faalēmatau e pā e gaogao, ae fai mai le Iopu 20:5 o le fiafia o le tagata faalēmatau e lē umi, ua nā o sina taimi. O se tasi o fuaitau o le Tusi Paia e lu'i ai lava a'u o le tala ia Anania ma Safaira, le faitauga i le Tusi Paia o le asō. Na faatau e le ulugalii lo la fanua, tuu mo laua se vaega o le tupe, laua pepelo ia Peteru ma na uma ai o la ola. Ou te manatu ua matuiā tele lo la faasalaga, o le tupe ma le fanua o laua e ona. Peitai o le mataupu i lenei tala, na taumafai Anania ma Safaira e pelogia le ekalesia. E inosia i le Atua le pepelo ma e leai se tagata pepelo e alu i le lagi ( Faaaliga 21:8). Ao ou suesue i le tala o le ulugalii lea, ua ou malamalama ai,  a faasala i laua e le Atua aua o laua e faalematau. E toatele kerisiano faatuatua e pauū i le mailei o le faalematau pe a lē mafai ona latou aumauia le tala atoa o mea na tuuina atu i o latou luma e faaaoga. E iai nisi oe faifeau e fetagofi faasili le aofaiga o tagafa i faamaumauga, ae a fesili atu oe poo a mai le galuega, ae tali mai, ‘lelei tele'. Ou te talitonu e lē o lelei tele le olaga o se tagata seiloga e faaluaina mea ua tuu e le Atua i ona lima, e pei ona tatou vaavaai ai i le faataoto o taleni ( Mataio 25:14-30). Le au pele e, a e faafoliga ona o lou taumafai ia lelei le vaai mai o tagata ia te oe, o loo e pepelo lava oe ia te oe. Saili i fofoga o le Atua e fesoasoani ia te oe ina ia ausia le faamoemoega o le Atua mo oe ia ausia lona finagalo mo lou olaga. 

OPEN HEAVENSMATALA LE LAGI MO LE ASO LULU 18 MATI 2026(tusia e Pastor EA Adeboye) Manatu Autu: Manatua Lē na faia oe (Remember your creator)Tauloto Tusi Paia: Failauga 12:1 “O lenei, ‘ia e manatua lē na faia oe i ona po o lou taule‘ale‘a, a o le‘i o‘o mai aso leaga, a o le‘i o‘o mai fo‘i tausaga ‘e te fa‘apea ai, “E leai so‘u fiafia i ai.”Faitauga - Tusi Paia: Mareko 11:12-20O loo taua i le faitauga o le Tusi Paia o le asō le tala ia Iesu ina ua ia silasila mamao atu i le laau o le mati ma agai atu iai ona ua fia tausami. Ina ua oo atu i le laau, ua ia iloa ai e leai se fua e ui e tele ona laulaau, ona ia fetuu ai lea o le mati. O se lesona e aoaoina ai i tatou mai lenei tala, e finagalo le Alii ia fua mai soo se mea o iai le ola, na ia faia mea uma i lona lava finagalo (Faaaliga 4:11) e faaalia ai lona viiga. O se tasi o vaega ou te lē malamalama ai i soo se taimi ou te faitauina ai lenei fuaitau mai le faitauga o le Tusi Paia o le asō, e lei oo i le fuata o le mati ( Mareko 11:13). E masani ona ou manatu, ‘afai e lei oo i le fuata o le mati, aisea na manatu ai Iesu e tatau ona fua le mati?'. Na ou iloa mulimuli, a oo i le faatulagaina o taimi, o le taimi a le Atua o le taimi tonu lea. Mo se faataitaiga, a fafagu oe e le Atua i le 3 poo le 4 i le vaveao, e sese lou fai i le Atua ua vave tele lea taimi e te ala ai. Tusa poo le a le taeao po e fafagu ai oe e le Atua Silisili, o lona uiga ua amata lou aso, o Lana taimi o le taimi tonu lea. I le tauloto mai le Tusi Paia o le asō, o loo faatonu e le Atua talavou ia manatua o ia a'o taulelea. O lona uiga o le taimi lelei e auauna ai le tagata i le Atuao le taimi o talavou. O le tulaga pito lelei pe a lafoai o latou loto ma soifua i le Atua i le amataga o latou olaga, aua o i latou e muai saili i le Atua e latou te maua lava o ia (Faataoto 8:17). Afai o oe ose tagata talavou ae o loo e faalogologo pe faitau i lenei faamalosiau, e finagalo le Atua e maua lou loto i le taimi nei, e finagalo e fua mai ni fua mai lou olaga mo lona malo ao e taulealea. E finagalo le Atua e te malosi i le loto, e auauna ai ia te ia (Roma 12:11). Aua le faamaimauina lou talavou i le faia o le agasala pe faaleagaina i le finauina o mea e lē taua, ae ia muai saili le Alii. Aua nei e faapei o le laau o le mati, e leai ma se fua e ofoina atu mo Iesu ao ia saili atu mo se fua. O loo aumai le poloaiga a le Atua iai tatou ia fua tele mai ma uluola (Kenese 1:28), peitai o le fua tele mai, e tatau ona totoina se mafutaga vavalalata  ma le Alii aua e leai se mea e mafai ona e faia e aunoa ma ia (Ioane 15:4). Le au pele e, ou te aioi atu ia te oe ia e manatua Lē na faia oe i aso o lou taulealea. Tusa pe te lē o toe talavou, lafoai ma tuuina atu lou ola o totoe e auauna ai ia te ia, ona ia faamatagofieina lea o lou ola i lona mamalu. Ia e manatua Lē na faia oe, i le taimi nei, i le suafa o Iesu, Amene. 

Craig, Mareko and Geoff drool over food, have some podcast beef, talk farts and answer your knife related questions.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Geoff & Mareko talk knives, answer your questions and talk food.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO TOONAI 7 MATI 2026(tusia e Pastor EA Adeboye) Manatu Autu:  A iai le malamalama 3 (When there is light 3)Tauloto Tusi Paia: Mataio 5:15 “Latou te lē tutuina fo‘i le molī i le tu‘u ai i lalo o le mea e fua a‘i saito, ‘ae tu‘u i luga lava o le tu‘ugāmolī ‘ia pupula atu ai i ē o i le fale uma.”Faitauga - Tusi Paia: Ioane 4:7-18, 25-30O se tasi o o'u afafine fa'aleagaga, o se uo, ma sa vasega faatasi ma lo'u toalua, sa feagai ma se faafitauli tele- kanesa o le alāleo po o le fa'a'i (tulou). Sa fai mai foma'i pau le auala e laveaiina ai lona soifua o le aveese o lona alāleo, o lona uiga e lē mafai ona toe tautala. Na fai lona ta'otoga ma na amata ai i lea aso ona lē toe mafai ona tautala le afafine. Peita'i na fa'aauau pea la matou tatalo ma le loto talitonu e faamalolō o ia e le Atua. O se tasi aso ina ua faatoa ou fo'i mai i se malaga ae ou vaaia se fafine o ta'avalevale i luga o le fola o le fale. Ina ua tepa mai i luga sa ou iloa atu ai o le uō a lo'u toalua ma sa faapea mai, “o a'u lenei Tamā, ua toe mafai ona ou tautala.”Le au pele e, e lē mafai ona e maua le ituaiga vavega e pei ona fa'amatala i le tala ae lē faia sau molimau. O le ituaiga vavega lea e fa'agaganaina tagata uma o loo siomia oe ma ta'utino ua na o le Atua e faia ma tutupu ai vavega. A suluia e le malamalama o le lalolagi se tagata, e lē mafaia e lea uso ona taofiofi lona fofoga e lē tautala. O le fafine Samaria i le faitauga mai le Tusi Paia o le asō, na avea ma fai evagelia i le taimi na fetaia'i ai ma le malamalama. Na alu atu o ia i lona nuu ma tāla'i atu i tagata uma e omai e vā'ai i le malamalama. E lē mafai ona e maua le malamalama ma nanā i lalo o le mea e fua a'i saito (Mataio 5:15).O le malamalama ua lē na o faamanuiaga ma vavega na te momoli maia; e sau fo'i ma galuega ma tiute fai. Ina ua uma ona fa'asa'oloto le tagata ululeaga o Katara i le Mareko 5;2-20, na ave i ai e Iesu se galuega e fai, o le ta'u ma faamatala i isi tagata e uiga i le vavega na faia e Iesu mo ia. E le mafai ona sau se uso i le malamalama ae fa'aauau pea ona ola i se olaga fa'asamasamanoa. I le malamalama e tatau lava ona e faataunuuina le finagalo o le Atua. Ina ua uma le fa'asa'olotoina o le tagata faavalevalea, na alu atu o ia i nofoaga uma ma tāla'i atu i tagata, “O a'u o se tagata sa leaga le ulu ma mau i tuugamau, peita'i na ma fetaia'i ma le malamalama, ma avea ai nei a'u ma fai evagelia.” Na faapena fo'i ina ua maua Peteru e le malamalama, na avea o ia ma fai faiva o tagata. Ina ua o'o Paulo i totonu o le malamalama mamalu lenei na avea o ia ma misionare lauiloa, na tala'iina le talalelei i soosemea. E lē mafai ona e sau i le malamalama ae tumau le nofonofovale. O le malamalama e faamalosi'auina tagata e o atu i le lalolagi ma lauga le talalelei i tagata uma lava (Mareko 16:15).Le au pele e, soosemea e te alu i ai, e finagalo le Atua ia e fa'asusulu atu lona malamalama. Fai ma valaauina o lou olaga le ta'uta'u i tagata uma e te fetaui i ai, e uiga i le mata'utia o le malamalama na fa'asa'olotoina oe. Ou te tatalo mo oe i le asō ia suluia oe e le malamalama ma avatu ia te oe se ta'utinoga e lē mafai ona e natia, o le a e tala'ia se tala fou ma usu se pese fou, i le suafa o Iesu, Amene.

OPEN HEAVENSMATALA LE LAGI MO LE ASO FARAILE 6 MATI 2026(tusia e Pastor EA Adeboye) Manatu Autu:  A iai le malamalama 2(When there is light 2)Tauloto Tusi Paia: Ioane 8:12 “Ona toe fetalai atu lea o Iesu ‘iā te i latou, ‘ua fa‘apea atu, “O a‘u nei o le malamalama o le lalolagi; o lē mulimuli mai ‘iā te a‘u, e lē savali o ia i le pouliuli, ‘ae ‘iā te ia le malamalama o le ola.”Faitauga - Tusi Paia: Mareko 5:2-20 O le malamalama e malosi, e aafia mea uma e oo atu iai. Mo se faataitaiga, e susulu le la i le lalolagi, o soo se mea i lalo ifo, e aafia i le vevela. E faapena foi pe a susulu atu le malamalama o le Atua i ou luga, e pai atu i soo se vaega o lou olaga, ona suia moni lea o le tala o lou olaga. O le tamaloa na faamalolo e Iesu i le Ioane 9:1-27, masalo na ulagia e tagata ae lei faamaloloina, peitai ina ua fetaiai ma le malamalama, na avea ma tagata tautaua, aua e toatele tagata e fia faalogo i lona talaaga. Afai e te lei fetaiai lava ma Iesu ma e lei tuuina atu lou ola ia te ia, ou te fautuaina oe i le asō ia faia loa, ina ia mafai ona ia suia le talaaga o lou olaga mo le lelei. E iai taimi, o tagata ua maea lafoai o latou ola ia Iesu, o loo feagai pea ma tulaga lē lelei i o latou olaga, ma e ono ulagia ai i latou. Auā foi e manatu le toatele o tagata, o loo iai se faaletonu i lea tagata faatuatua ao ui i luitau. O ē tauemu e ono fesiligia ia kerisiano e faapea, ‘e ese le umi o le taimi o e auauna i le Atua, ae aisea e faapea ai lou olaga?' E iai nisi o le au faatuatua e ono faamatala e tagata o latou olaga e fua i faigata ma luitau o loo ui ai. Mo se faataitaiga, e ui na faamalolo e Iesu ia Patimaio ma ua pupula ona mata e sili ma le 2000 tausaga talu ai (Mareko 10:46-52), ae e toatele tagata e faaigoa pea ia te ia, ‘Patimaio le tauaso' aua foi o loo latou fesootaia o ia ma lona faafitauli. I le suafa e sili i suafa uma lava, o soo se tulaga i lou olaga o loo faapea mai ai tagata, ‘ao fea ea lona Atua?', e faamuta i le asō, ma o le a suia lou talaaga mo le lelei tele.I le faitauga mai le Tusi Paia o le asō, ua nā o se upu lava mai le malamalama na suia ai le olaga o le tamaloa mai Katara. Ua suia lona talaaga mai se tagata na ulufia e temoni o lekeono, i se tagata na faaaoga e Iesu e talai atu ai i tagata, le taimi na ia fetaiai ai ma le malamalama. A o'o mai le malamalama, e suia talaaga o tagata mo le lelei, e pupula tauaso, e faamaloloina ma'i, e savavali pipili, e fua tele mai ē sa pa, ma ua maua le faulai o le tamaoaiga a ē sa matitiva.Le au pele e, o a'u o se tautinoga ola e lē mafai e se tagata ona fetaiai ma Iesu ae leai se suiga i lona olaga. Na ia suia o latou olaga ia sili atu ona lelei ma avatu tautinoga ola e faavavau. Ou te tatalo, e maua se lua feiloaiga ma Iesu , le malamalama o le lalolagi, ona ia foai atu lea o sou talaaga fou e te faasoa atu i isi tagata, i le suafa o Iesu. TataloLe Alii e, asiasi mai ia te au, ma lou malamalama, ia suia i le lelei atu le talaaga o lo'u olaga, i le suafa o Iesu, Amene. 

Mareko and Geoff answer your questions and shoot the breeze. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO LUA 3 MATI 2026(tusia e Pastor EA Adeboye) Manatu Autu:  O le agasala e faalumaina 1 (Sin is a reproach 1)Tauloto Tusi Paia: Roma 6:23 “Auā o le oti, o le totogi lea o le agasala; a o le ola e fa‘avavau, o le mea foa‘ifuaina mai lea e le Atua, i lo tatou Ali‘i o Keriso Iesu.”Faitauga - Tusi Paia: Ioane 5:1-15I le faitauga o le Tusi Paia i le asō, na faamalolo e Iesu se tagata na ma'i mo le 38 tausaga. I se taimi mulimuli ane, na maua atu e Iesu i le malumalu ma lapatai ia te ia e ‘alo ese mai le agasala ina ne'i oo atu i ai se ma'i e sili atu ona leaga. O le lapataiga a Iesu ua faaalia ai, o le agasala a le tagata e oo mai ai  le faalumaina ma pulea ai o ia e malosiaga o le pouliuli. Afai e agasala se tagata ae lē salamo, fai mai le tauloto o le asō, e totogi e le tagata le tau o le agasala, ma o le tau, o le oti.I le Mareko 2:1-12, o loo faamatala e le Tusi Paia se tagata supa pe pipili na avatu ia Iesu. E toafā tagata na amoina o ia i lona moega agai i le fale sa a'oa'o ai Iesu, ua lē mafai fo‘i i latou ‘ona fa‘alatalata atu ‘iā te ia, auā le motu o tagata, ‘ona latou tatala lea o le taualuga o le fale e tautonu ifo ‘iā te ia, ‘ona latou tu‘utu‘u ifo ai lea o le moega o lo‘o ta‘oto ai le supa. Ina ua silasila atu Iesu ia te ia, na ia silafia e manaomia e lea tagata se vavega, ma na fetalai muamua atu Iesu, "Lo'u atalii e, ua fa'amagaloina au agasala." I nisi fa'aupuga, sa fetalai atu Iesu, "Se'i vagana ua lafoai ese au agasala, e te le maua le vavega o loo e sa'ilia."O le agasala, e na te taofia tagata mai le mauaina o latou vavega, ma e manaomia le ave'esea o agasala uma o taofia le maua o faamanuiaga a le Atua ma faaavaanoa ai le ala mo vavega. O agasala a le tagata pipili na oo ai i se tulaga pagatia, ae ina ua fetaiai ma le malamalama, na faaumatia le tulaga pagatia. A fesootai se tagata ma le malamalama, e faaumatia soo se ituaiga pouliuli i lona olaga. Afai e iai se tulaga faalumaina i lou olaga na mafua mai i se agasala, a'o e ole atu i le Alii mo le fa'amagaloga i le asō, ma folafola e te lē toe foi i ai, ou te folafola atu, e ‘auina atu e le Alii lona malamalama i lou olaga e aveese ai le tulaga faalumaina, i le suafa o Iesu.  Le ‘au pele, o le agasala, e fa'alumaina, e oo mai ai le maasiasi ma le oti. Ae o le amiotonu, e viia ma faaeaina e le Atua (Faataoto 14:34). Ina ia si'itia oe e le Atua, e tatau ona e tautino ma salamō mai  so'o se agasala i lou olaga. E naunau Iesu e avatu ia te oe se amataga fou pe a e liliu atu Ia te Ia. ‘Aua neʻi avea au agasala e taofia ai lou olioli i le fesoasoani a le Atua; taʻutino ma salamo mai au agasala i le asō, ona aveeseae lea e lou Tamā i le lagi soo se mea e faalumaina oe (1 Ioane 1:9).  E mafai e le agasala ona taofia le malamalama o le Atua mai le susulu atu ia te oe, ma ana faamanuiaga mai le tafe atu i lou olaga, i le suafa o Iesu, Amene. 

OPEN HEAVENSMATALA LE LAGI MO LE ASO TOONAI 28 FEPUARI 2026(tusia e Pastor EA Adeboye) Manatu Autu: Aao taumatau o le Atua (Gods right hand).Tauloto Tusi Paia: Efeso 2:6 “Ua na toe fa‘atutū fa‘atasi mai fo‘i, ma fa‘anonofo fa‘atasi i tatou ma Keriso Iesu i mea o i le lagi.”Faitauga - Tusi Paia: Salamo 110:1-3O le fa'aupuga “aao taumatau” e tāua tele I le Tusi Paia. O loo fa'aalia ai se tulaga o avanoa aloaia, se nofoaga mamalu ma fa'aaloalogia. Mo se fa'ata'ita'iga, o lo tatou Alii o Iesu Keriso o loo afio i le itu taumatau o le Tamā (Eperu 1:3). Ua fa'aalia fo'i I le Eperu 12:2, ina ua uma ona puapuagatia Iesu ma maliu i luga o le satauro, ona nofo ai lea o Ia i le itu taumatau o le nofoalii o le Atua. O le aao taumatau o le Atua ua fai ma sui o lona malosi silisili ma lona mana. Fai mai le 1 Peteru 3:22 “o ia o lo‘o i le itū taumatau o le Atua, ‘ina ‘ua afio a‘e o ia i le lagi, na to‘ilalo ‘iā te ia o agelu, ma faipule, ‘atoa ma ē malolosi.”O le tagata o loo faatatau i ai le fuaiupu ua taua i luga, o Iesu. O Ia o loo afio i le aao taumatau o le Atua ma le mana uma lava e gaua'i atu i le Atua. Po o le a lava se tulaga maualuga faalelalolagi o galue ai se uso, e sili atu lava le mana ma le pule o i le aao taumatau o le Atua. O le aao taumatau o le Atua o le nofoaga e gaua'i i ai agelu uma, Pule ma le mana uma i le Atua. Fai mai fo'i Salamo 18:35; o le aao taumatau o le Atua o le nofoaga o tausiga ma fesoasoani. Fai mai le fuaiupu tauloto o le asō, ona o i tatou o fanau a le Atua, ua nonofo faatasi i tatou ma Keriso, ma talu ai o lo o i ai Keriso i le aao taumatau o le Atua, o loo tatou i ai fo'i faatasi ma Ia.O le i ai i le aao taumatau o le Atua o lona uiga, e lē taitai e mativa i fesoasoani ma foa'i. O lona uiga e te maua pea e lē aunoa i le taimi e manaomia ai le fesoasoani tele e te manaomia. O i latou o i le aao taumatau o le Atua, e lē itiiti i latou auā o lona aao taumatau o le nofoaga o le mana, e pei ona o tatou vaaia i le Mareko 14:62; fai mai, ‘“Ona fetalai atu lea o Iesu, “O a‘u lava lea; ‘tou te iloa fo‘i le Atali‘i o le tagata e nofo i le itū taumatau o Lē e ona le mana,' ‘e sau fo‘i o ia i ao o le lagi.”' O lona uiga, o i tatou kerisiano, o tagata o le mana ma le fa'ama'ite. Tatou te ola fiafia i le fesoasoani, tausiga ma le manuia mai le Atua. Paga lea, peita'i e ui o lo tatou fa'asinomaga lea o le fanau a le Atua, a o loo ola pea nisi kerisiano mamao ese mai le mea moni auā faapei o le atalii faamaumauoa i le Luka 15:11-32; na ta'asē i latou mamao ese mai le aao taumatau o le Tamā. Ua o latou usitai i le valaau a le agasala ma fa'atigā i le alofa tunoa o le Atua i luga o latou olaga. Le au pele e, afai e te le'i talia ma gaua'i i le Atua, po ua e ta'asē mamao ese fo'i mai ia te Ia, ou te valaaulia oe i le asō e te sau ia te Ia. O loo tuitui le Alii i le faitoto'a o lou loto (Fa'aaliga 3:20); tatala lou loto ia te Ia, o loo faatalitali lou Atua e talia oe i ona aao mafola; aua e te tuua lou Tamā ia faatalitali ai pea mo oe. Sau e talia ma fiafia i lou nofoaga i le aao taumatau o lou Atua, i le suafa o Iesu, Amene.

Mareko and Geoff answer your knife related questions and goof around.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO GAFUA 23 FEPUARI 2026(tusia e Pastor EA Adeboye) Manatu Autu: O Le Atua E Leai Se Tapula'a (5) - The Unlimited God (5)Tauloto Tusi Paia: Hakai 2:8  “O lo‘o ‘iā te a‘u le ario, o lo‘o ‘iā te a‘u fo‘i le auro, ‘ua fetalai mai ai le ALI‘I o ‘au.”Faitauga - Tusi Paia:  Salamo 50:10-15I ni nai aso ua tuanai atu, sa ou talanoa atu e lē mafai ona taofia le Atua pe tetee mai nisi, pe lē fetaui le taimi pe le talafeagai le siomaga. O le a faagasolo atu pea i le asō i le talanoa atu i auala na te pulea ai mea e faia e tagata ma e lē taofia i le lelava o oloa.Fai mai le Salamo 24:1 “O le lalolagi ma mea ‘ua tumu ai o a le ALI‘I ia; o le atu laulau ma ē o nonofo ai.”E leai se mea e telē tele e le mafai ona faia e le Atua Matautia, o Lē na faia le lalolagi ma mea uma o tumu ai. O le tagata pito i mauoa i le lalolagi atoa i le taimi nei, e na te umia na o sina vaega itiiti o le oa o le lalolagi atoa. E le gata i lea, o le oa ma le tamaoaiga o tagata pito mauoa i le lalolagi, ua na o se tulutulu i le moana pe a faatusa i faulaiga oa na tuu e le Atua i le lalolagi. I le Mareko 6: 35-44 ina ua tumutumu atu le motu o tagata i luma o Iesu, na popole le ausoo pe faapefea ona fafaga i latou. Na fetalai atu Iesu, ia saili mai ni falaoa, ae na latou maua na o se meaai a se tamaitiiti. Ou te mautinoa na manatu le au soo e ataata nei Iesu pe a avatu, peitai na faaaoga e Iesu lenei tamai meaai ma faateleina e fafagaina le sili atu ma le 5000 tagata. A e avatu na o sina vaega o lou tamaoaiga i le Alii, o le a ia faamautinoaina e te maua mea uma e sili atu i mea e te manaomia. I le 2 Tupu 4:42-44, na sau se tagata ma meaai ia Elisaia, e tausia o ia mo ni aso poo vaiaso. Peitai e lē na o le pau lea, e 100 isi tagata, o atalii o perofeta sa auai ma ia. Ina ua fai atu Elisaia i lana auauna e avatu sina meaai i tagata, na manatu le auauna pe faapefea ona lava lenei meaai itiiti. Peitai ina ua auina mai le Upu a le Atua e leai se tapulaa, o sina meaai itiiti lea na fafagaina le 100 o tagata, ma e tele meaai na totoe. A oo mai le Upu a le Alii i luga o sina mea o loo ia te oe, e faateleina ma e lava ma totoe. I le upu tauloto mai le Tusi Paia o le asō, na fetalai le Atua o le auro ma le ario o ia e ana. E faapena foi i le faitauga o le Tusi Paia o le asō na fetalai le Atua o loo ia te ia manu uma i le vao matua ma manu e tata‘a i mauga e afe. O le Atua e leai se tapulaa o ana oa, ma o se tasi o auala e te fiafia ma maua ai, o le ola i se olaga faafetai. A e loto faafetai i le Atua mo mea uma ua ia faia, e sili atu mea e faia e le Atua. O le finagalo lea o le Atua ia te oe, ia e avatu le faafetai (1 Tesalonia 5:18). Le au pele e, ia avea le loto faafetai i le Atua, le Tamā i le lagi e avea ma masani o lou olaga. E leai se tapulaa o mea e faia e le Atua mo oe pe afai e te masani e avatu le faafetai ia te ia i mea uma ua e maua, i le suafa o Iesu, Amene. 

Geoff and Mareko share their disappointment I the Super Bowl and disco those crazy Romans as well as the usual knife related stuff.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Mareko and Geoff goof about, answer your questions and talk football.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, Indasa, Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE FARAILE 6 FEPUARI 2026(tusia e Pastor EA Adeboye) Manatu Autu: Taofi Mau Lou Saolotoga 1 (Maintain Your Freedom 1)Tauloto Tusi Paia: Efeso 5:11 “‘Aua fo‘i tou te amio fa‘atasi ma galuega lē aogā a le pouliuli, ‘ae lelei ‘ona ‘outou ‘aumai ia mea i le malamalama.”Faitauga - Tusi Paia: Ioane 5:5-14A folafola e le Atua le faasaolotoga, o loo ia faatonuina le tiapolo, ‘faasaoloto loa au pologa, a e le faia, o le a ou oo atu loa ia te oe'. E leai seisi alofaga a le tiapolo ae usitai loa. Afai ua e puapuagatia ona o sauaga a satani, e pei o le sauaina, faatigā, uluitinoina poo le a lava, ou te folafola atu o lou vaitau lenei o le faasaolotoga tumau. I le suafa e sili i suafa uma lava, amata loa ona e savali i le manumalo. O le asō, ou te fia talanoa i ni auala e mafai ai ona faasaolotina se tagata ma savali faifai pea ma le saoloto. E ui e leai se tupe e totogia mo le faasolotoga mai sauaga a satani, ae e iai lava lona tau. O le tau muamua mo le savali ma le saoloto, o le lafoai atoatoa o lou ola ia Iesu Keriso. E ui na tele tausaga na sauaina ai le tamaloa mai le tuugamau i Katara, na ia lafoai lona ola ia Iesu. Na ia naunau e fia saoloto, ma o le aso na ia vaai ai i Lē e mafai ona faasaolotina o ia, na ia tamoe i luma, lafoai lona ola ia te ia ma ia maua loa le faamalologa (Mareko 5:1-20). E faapena foi la pe afai e tuuina lou ola ia Iesu ae o loo e fia savali i le saolotoga. E lē mafai ona e nofo i le togalauapiga a le tiapolo ae ete manatu e mafai ona e saoloto mai saisaitiaga, e lē mafai ona e toilalo i faaosoosoga ma e manatu e alu ese le tiapolo mai ia te oe. O tagata e taaalo i le agasala e lalata iai temoni ma o nei temoni e o mai ma aumai soo se saisaitiaga. I le faitauga mai le Tusi Paia o le asō, na faamaloloina e Iesu se tagata na iai sona ma'i mo le 38 tausaga. O le tiapolo ma lona malosiaga sa i tua o lenei ma'i tumau ma na matua faatigaina ai o ia. Ina ua maea ona faamaloloina e Iesu, ua tatou iloa ai le mafuaaga na maua ai le avanoa o le tiapolo e saisaitia lenei tagata, o le agasala. Ina ua maea ona faamaloloina, na fetalai iai Iesu e ‘aua nei toe agasala, ne‘i o‘o atu ‘iā te ia se leaga e sili i lenā ( Ioane 5:14). Afai e toe foi se tagata na faasaolotoina mai temoni e fai le agasala na tuu avanoa ai muamua i le tiapolo, e sili atu le leaga o le a oo iai nai lo le muamua (Luka 11:24-26). Afai na faasaolotoina se tagata na ulitinoina e se temoni ona o agasala e faia uiga inosia ma matagā, e lē tatau ona toe foi iai lea tagata e matamata ai. Afai o le ai tele na tatala ai le faitotoa i temoni o le ai tele i le olaga o se tagata, e tatau i lea tagata ona tapuni le faitotoa pe a faasaolotoina, ina ia tumau ai. Le au pele e, ua maea totogi e Iesu le tau o lou saolotoga peitai o lau matafaioi, o le tumau ai i lea saolotoga. Afai e iai se uiga agasala e te fiafia e fai faalilolilo e ono tatala ai le faitotoa mo sauaga a le tiapolo, ole atu i le Atua ia faasaoloto oe ma saili fesoasoani mai se auauna moni a le Atua, i le suafa o Iesu, Amene. 

OPEN HEAVENSMATALA LE LAGI MO LE  LULU 4 FEPUARI 2026(tusia e Pastor EA Adeboye) Manatu Autu: Galuega e faia pe a uluitinoina e temoni (Dealing with demonic possession)Tauloto Tusi Paia: Mataio 8:16 “Ua o‘o i le afiafi, ‘ona latou ‘aumai ai lea ‘iā te ia o tagata e to‘atele ‘ua uluitinoina e temoni; ‘ona ia tulia ai lea o agaga i le ‘upu lava, ‘ua fa‘amālōlōina fo‘i e ia o i latou uma nā mama‘i.”‭‭Faitauga - Tusi Paia: Mareko 5:2-20O se tulaga leaga tele pe a uluitinoina se tagata e temoni. E ulufia e temoni se tagata, o mea uma i lona olaga o le a aafia i se tulaga leaga. O tagata e uluitinoina e temoni e matua sauā, e oo ina latou sauāina i latou lava, e pei ona tatou vaai iai i le faitauga mai le Tusi Paia. Peitai, tusa poo le a le leaga ua oo iai lea tagata, e mafai ona faasaolotoina o ia e ala i tatalo ma le Upu a le Atua. E pau fetalaiga a Iesu, ua na o ni nai upu, ona faasaolotoina lea o le tamaloa mai le tuugamau i Katara mai lekeono o temoni na uluitinoina o ia. E leai se mea faigata e le mafai e le Atua ona foia (Ieremia 32:27). E le tilotilo ni temoni i le tulaga o le tagata i le atunuu, aoaoga poo le tamaoaiga tau tupe, e pule faitalia lava i latou i le aofaiga o temoni o le a faaaogaina. Mo se faataitaiga, o le tamaloa mai Katara, sa uluitinoina e le faitau afe o temoni. O Maria le Makatala, na iai le fitu o temoni(Luka 8:2) ae o le tamaloa i le Mareko 1:21-23, e na o le tasi le temoni. Tusa poo le a le tulaga o le osofaiga a le tiapolo e faasagatau ia te oe ma lou aiga, ou te folafola atu, ua faatoilaloina i le suafa o Iesu. Ou te manatua se taimi i le 80s, e masani ona aumai tagata e uluitinoina e temoni i le matou Ekalesia ma e tuu i se fale e tasi, matou te tatalo ai mo latou seia faasaolotoina. E iai se taimi, sa iai se tagata ua amata talaia ona noataga, ua tei i le tamoe i fafo ma alaga, ‘fesoasoani mai ia te au, ua aumaia e latou se tagata leaga ma te nonofo'. E ui e lei faasaolotoina atoatoa lenei tagata, ae ua ee i le fefe ina ua fetaiai ma seisi tagata o loo uluitinoina foi e temoni. Na oo ina faasaolotoina i laua uma mai saisaitiaga a le tiapolo. Poo le a lava le tulaga ua uluitinoina ai se tagata e temoni, e mafai e le Atua Silisili Ese ona faasaoloto ia te ia aua e leai se mea e lē mafaia e ia (Luka 1:37). E tele tala i le Tusi Paia na faasaoloto ai e Iesu tagata mai sauaga a le tiapolo i le fetalai tau lava o se upu. A ia auina atu lana upu, e oo atu ai le faamalologa ma le faasaolotoga. Fai mai le Salamo 107:20 “‘Ua ia ‘auina atu lana afioga ma fa‘amālōlō ‘iā i latou ma lavea‘iina ai nai lo latou malaia.”Ou te tatalo e auina atu e le Atua lana Upu i soo se vaega o lou olaga o loo galue ai le tiapolo, ma e te maua le faasaolotoga i le asō, i le suafa o Iesu. Tusa poo a tulaga o uluitinoina ai se tagata e temoni, e mafai ona faasaolotoina e ala i tatalo ma le mana o le Upu a le Atua, i le suafa o Iesu, Amene. 

OPEN HEAVENSMATALA LE LAGI MO LE ASO LUA 3 FEPUARI 2026(tusia e Pastor EA Adeboye) Manatu Autu: Galuega e faia i naunautaiga malosi faatemoni (Dealing with demonic obssesion)Tauloto Tusi Paia: 2 Timoteo 2:4 “E leai sē tau i le tau‘a na te fa‘alavelavea o ia e ia i mea o le olaga sa masani, ‘ina ‘ia fa‘afiafia o ia i lē na filifili ‘iā te ia e fai ma tagata tau.”Faitauga - Tusi Paia: Faamasino 16:1-21O se tagata ua ia se naunautaiga malosi, o lona uiga o lona mafaufau ua faatumulia i le manatu i se tagata poo se mea faitino, e oo ai ina lē mafai ona ia pulea ona lagona e faatatau iai. O nei vaega ua matuā naunautai iai le mafaufau e faia e temoni i tagata ma e oo ina faaumatia ai lea tagata sei vagana ua afio atu iai le Atua. Mo se faataitaiga, o tagata ua matua naunautai i meaai, e lē mafai ona taofia le ai. Afai o iai se tagata faatuatua i le vaega lea, e lē mafai e ia ona anapogi ma o le a faigofie ona osofaia e le tiapolo. O nisi mea e matua naunautai iai isi tagata o le ava malosi, ua lē mafai ona taofi le inu. O isi vaega ua naunautai iai nisi o fualaau faasāina ma le tuinanau o le tino. A vaavaai i le faitauga mai le Tusi Paia o le asō, e mafai ona tatou faapea o le naunautai tele o Samasoni i se tamaitai na faaumatia ai o ia. O le malosi o le moe o se tasi lea o veaga e naunautai tele iai nisi. Fai mai le Tusi Paia a fiafia se tagata i le moe, e iu ane o ia i le mativa (Faataoto 20:13). E masani ona liua e le tiapolo mea e matua fiafia iai tagata e avea ma vaega e matua naunautai malosi iai ma iu ina faaumatia ai i latou. Ou te manatua se tala i se faiaoga sa iai sana uila vili vae. Ua avea le uila ma mea e naunautai malosi iai, a oo atu i vaivai o le auala e savali ae amo le uila. A oo ina matua naunautai se tagata i se tagata poo se mea fai tino, e mafai e le tiapolo ona faaaogaiana e faapologa ai o ia. E na te faaosofia lea tagata e tetee i soo seisi e taumafai e faasaoloto ia te ia. E masani ona vaavaai le tiapolo i talavou o iai mea o loo matua naunautai iai, aua e manao e faapologa ai latou i le olaga atoa. A fiafia ma naunautai tele talavou i fualaau faasāina mo se faataitaiga, o le a maimau o latou olaga talavou i nei mea lē aoga. O isi e maumau ai o latou ola ao talavou ao nisi e ola ma matutua, ae masani ona lē mafai ona toe amata lelei le olaga seiloga e afio mai iai le Atua. Le au pele e, ia e sola ese mai fiafiaga i mea leaga. Aua e te faatagaina le tiapolo e liua ma avea ma  naunautaiga malosi e faoa lou malosi ma faaumatia lou lumanai. Ae ia e naunautai malosi i le upu a le Atua. O le mafuaaga lea na fetalai ai Iesu ia e alofa atu i le Alii ma lou loto atoa ma lou manatu atoa ma lou malosi atoa (Mareko 12:30). O lea, faaalu lou taimi e mafuta ai ma le Atua, e tapuai ia te ia, tatalo, suesue ma manatunatu i lana Upu i aso uma. O le auala lea e alo ese ai mai fiafiaga leaga ma naunautaiga malosi faa temoni. Ia puipui e le Alii lou mafaufau ia malolo lelei, ma ia faamanuia ia te oe ia faulai, i le suafa o Iesu, Amene. 

OPEN HEAVENSMATALA LE LAGI MO LE ASO TOONAI 31 IANUARI 2026(tusia e Pastor EA Adeboye) Manatu Autu: Galuega e faia i sauaga a temoni (Dealing with demonic oppression)Tauloto Tusi Paia: Faamasino 6:9 “Na ‘ou lavea‘iina ‘outou nai le lima o Aikupito, ai lima lava o i latou uma ē na fa‘asauā ‘iā te ‘outou, ma ‘ou tulia i latou i o ‘outou luma; na ‘ou avatu fo‘i lo latou lau‘ele‘ele mo ‘outou.”‭‭Faitauga - Tusi Paia: Esoto 1:7-14O le faasaolotoga e le gata e mo i latou ua faaletonu mafaufau ae faapea i latou o loo ulufia e temoni. E mafai ona ulufia se tagata e temoni ae foliga e pei a ona masani ai. I le Mareko 1:23-27, fai mai na alu atu se tamaloa ma se agaga leaga i totonu o le malumalu. E leiloa pe na foliga tutusa ma isi seia oo ina afio atu Iesu. Ina ua vaai atu ia Iesu, o le temoni i totonu ua amata ona liu mai, ona tuli esea lea o ia mai lea tagata. Ou te folafola atu o soo se malosiaga temoni o loo faalavelave ia te oe, ia tuliesea i le asō i le suafa o Iesu. O le tiapolo ma ana temoni, e faalavelave i tagata i le tele o auala, o se tasi o ia auala o le sauaga. Fai mai se tasi tamaitai, e faalogo atu e pei o se mea o loo ia tauaveina i lona ulu, o se mea e mamafa pei o le taga araisa, seia faasaolotoina o ia e le Atua. O le faataitaiga lena o le sauaga. O le sauaina o le taofia lea o se tagata poo se mea mai le tulai mai. O lona uiga o le taofia o se tagata poo se mea mai le siitia. E oo i faifeau e mafai ona sauaina e le tiapolo. I lea tulaga, e iai faifeau e matua lelei lauga, masani i le anapogi, tatalo e le aunoa ma suesue ma le filiga i le Tusi Paia peitai e tumau i le tulaga e tasi latou galuega e leai se tuputupu ae. Peitai a oo mai le faasolotoga a le Atua, e amata loa ona fua lelei mai a latou galuega. I le faitauga mai le Tusi Paia o le asō, na faatonu e Farao ona tagata e fai ma le poto le fanauga a Isaraelu ona e le manao e faatupuina i latou. Na latou sauaina i latou i auala eseese ina ia taofia le faatupuina. I le tele o tausaga talu ai, sa iai se alii e pule ma ulu i se vaega na faia sana faaiuga ia taofia le siitia o se alii talavou o loo pule ai. Na tago lenei alii pule i le faila o le alii talavoū ma ua nānā ma a o'o i le taimi e iloilo ai galuega ma totogi, e lē maua lana faila. E lei leva ae tuuina atu le ola o le alii talavou ia Iesu, mulimuli ane, ua tupu se fouvale i le malo e le malosi tau fitafita, ma na aafia uma ai galuega faigaluega i le atunuu. Ua faamalosia ona faamaloloina le alii ulu lea o le vaega ma ua tofia se tagata fou i lea tulaga maualuga. Na sau le pule fou ma suesue uma i faila o tagata faigaluega ma iloa ai o loo iai faila a tagata uma ae misi lava na o le alii talavou lea. Ua latou saili uma i le ofisa ma maua ai le faila a lenei talavaou i le mea na nana ai e le pule tuai. Ua iloa e le pule fou, ua fa tausaga e lei siitia le totogi e ui i lona faamaoni ma le filiga, ona ia faaluaina lea o lana siitaga.Le au pele e, ou te tatalo mo oe, ia paū mai le afi o le Atua e susunuina soo se malosiaga e ono sauaina oe ma taofia lou manuia, i le suafa a Iesu, Amene. 

OPEN HEAVENSMATALA LE LAGI MO LE ASO TOFI  29 IANUARI 2026(tusia e Pastor EA Adeboye) Manatu Autu: Malamalama I Mailei a Satani 3(Understanding Satanic Traps 3)Tauloto Tusi Paia: Mataio 18:18 “E moni, ‘ou te fai atu ‘iā te ‘outou: O mea uma tou te fusifusia i le lalolagi, e fusifusi ia i le lagi; o mea uma fo‘i tou te tatala i le lalolagi, e tatalaina ia i le lagi.”‭‭‭Faitauga - Tusi Paia: Mataio 17:14-21Ao faagasolo atu pea le talanoaga i saisaitiaga a satani i le asō. O le ou faamatala atu auala e pulea ai i latou o loo fiafia e saisaitia pea, ma taofia i latou mai le faaoolima ia te oe. Fai mai le Mareko 16:17-18, a tatalo se atalii poo se afafine moni a le Atua mo le faasaolotoga o se auauna a le tiapolo, e faasaolotoina lena auauna seiloga e musu e faasaolotoina e le Atua, e pei ona tatou vaai ai i le tala o faataulaitu ananafi. Mo auauna a le tiapolo e lē mananao e faasaoloto, pe na faamalosia foi ona faasaoloto ae ua toe ulufia e temoni, o se tasi o auala e faaosofia ai ona latou saili mo le faasaolotoga, o le tuu ai pea i saisaitiaga a le tiapolo. O le a ou faasoa atu i se faataitaiga. I ni tausaga e tele talu ai, e iai se tamaloa na sau ia te au ma fai mai o lona toalua e faataulaitu. Na teena e lona toalua ma fai mai o le tinā o lenei alii sa faataulaitu. Na faaali mai e Agaga Paia o loo iai se gata i totonu o le toalua o lenei alii, o lea na ou faapea atu, ‘aua e te lua misa. O le a ou tatalo, afai o oe o se faataulaitu, poo le a lava le temoni i totonu ia te oe o le a fusifusia. Afai e lē o oe o se faataulaitu, e leai se mea e tupu'. Na fai mai ou te tatalo, ma le manatu e leai se mea e tupu. Na ou tatalo ona o lea. I ni nai vaiaso mulimuli ane, ua toe foi mai ua fula le manava aua ua fusifusia le gata i totonu ua amata ona leaga. O le taimi lea, ua saunia o ia ma naunau e faasaolotoina. E ao ona ou lapatai ia te oe, afai e te manao e fusifusia se tagata o se auauna a le tiapolo, e tatau ona e faamautinoaina o loo e malosi faaleagaga e fusifusia agaga i totonu o i latou. I le tauloto mai le Tusi Paia o le asō, na fetalai Iesu e iai lava tulaga o pule i le agaga e manaomia ai le anapogi ma le tatalo ona faatoa mafai lea ona e galue ai. E tatau ona e faamalosia oe i le agaga e ala i le faamalosi tino i le agaga o le anapogi ma le tatalo ina ia mafai ona tutuli o isi ituaiga temoni. E tatau foi ona e faamautinoaina e te le o ola i le lē usitai i le upu a le Atua. Fai mai le 2 Korinito 10:6, a lē atoatoa lou usitai, e le mafai ona e tauia le lē usitai. Le au pele e, ia mautinoa o loo e gauai ma le atoatoa ia Iesu Keriso ma faamaoni i lou tuputupu ae i le agaga, e pau lea o le auala tonu e faaaogaina ai le pule o lo'o ia te oe ia Keriso. TataloTamā, i le taimi nei, ou te fusifusia temoni uma o loo galulue i totonu o soo se tagata i lou siomaga o saisaitia e le tiapolo, i le suafa o Iesu, Amene. 

OPEN HEAVENSMATALA LE LAGI MO LE ASO TOFI 22 IANUARI 2026(tusia e Pastor EA Adeboye) Manatu Autu: Faatoilalo (Subdue)Tauloto Tusi Paia: FIlipi 2:10-11 “Ina ‘ia to‘otuli o tulivae uma lava i le suafa o Iesu, o ē o i le lagi ma ē o i le lalolagi, ma ē o i lalo o le lalolagi, ma ‘ia ta‘uta‘u atu e laulaufaiva uma lava o Iesu Keriso o le Ali‘i lava ia, ‘ia i‘u ai i le vi‘iga o le Atua le Tamā.”‭‭Faitauga - Tusi Paia: Mareko 16:17-18O le faatoilalo o lona uiga o le manumalo i se tulaga, ona faaaoga lea o le pule. I le Kenese 39:1-6, na aumai Iosefa i le fale o Potifara o se pologa. Peitai, o faamanuiaga a le Atua na saunia le ala mo ia, ma na tuuina atu e Potifara ia te ia e pule i mea uma sa i lona fale. Na iu ane Iosefa i le falepuipui ina ua pepelo le toalua o Potifara e faasagatau ia te ia, peitai, na ia pulea foi mea uma i totonu o le falepuipui (Kenese 39:20-23). Ma na taunuu lava Iosefa i le avea ma taitai iloga i Aikupito, e lona lua ia Farao. Fai mai le Kenese 41:42-44 “Ona tō ‘ese ai lea e Farao lana mama i lona lima, ‘ua tu‘u mai i le lima o Iosefa, ‘ua fa‘a‘ofu fo‘i ‘iā te ia i ‘ofu ‘ie vavae ma fa‘aasoa fo‘i i le filifili auro i lona ua. ‘Ua na fa‘ati‘eti‘e fo‘i ‘iā te ia i le lua o ona nofoa fa‘ata‘avalevale, ‘ona latou ‘alalaga lea i ona luma, “Ifo ia.” ‘Ua na tu‘u atu fo‘i ‘iā te ia le pule i le nu‘u uma o Aikupito. ‘Ua fai mai fo‘i Farao ‘iā Iosefa, “O a‘u o Farao, e lē si‘i e se tasi lona lima po o lona vae e aunoa ma oe i le nu‘u uma o Aikupito.”‭‭E tusa ai ma le Filipi 2:9-11, e mafai ona e pulea mea e tutupu ma mea i lou siomaga ona o le suafa o Iesu. E faapena foi, e pei ona tusia i le Mareko 16:17-18 “E mulimuli atu fo‘i nei fa‘ailoga i ē fa‘atuatua; e tutuli e i latou temoni i lo‘u igoa; e tautalatala i latou i gagana fou; e fetāgofi i latou i gata; ‘āfai fo‘i latou te inu i se mea e oti ai, latou te lē afaina ai lava; e fa‘ae‘e atu fo‘i o latou lima i luga o ē mama‘i, ma fa‘amālōlōina i latou.”‭‭Afai o oe o se fanau a le Atua, e iai lou avanoa i le suafa o Iesu Keriso, ma o lona uiga, e tatau ona e faaaoga le pule, e lē mafai ona taofia oe. I le Galuega 5:17-29, ao iai Peteru ma lana autau i le falepuipui, na afio mai le agelu a le Atua i le po ma faasaolotoina i latou. Ina ua saisai Peteru ma toe tuuina foi i le falepuipui i le Galuega 12:1-17, na galue atu le Atua ma faasaoloto ia te ia. Le au pele e, o lou talaaga e faasolo pea ina siitia le lelei pe afai o loo avea pea Iesu Keriso ma ou Faaola. Fai mai le Faataoto 4:18 “A o le ala o ē amiotonu, e tusa ia ma le malamalama o le ao, o lo‘o tupu pea lona malamalama e o‘o i le totonu o le la.” O lona uiga, tusa poo a mea ua faia e le tiapolo, o lou olaga e sili atu i le asō i lō ananafi. Talitonu i le suafa o Iesu ma lou loto atoa ma faaaoga lona suafa e faatoilaloina soo se tulaga lē lelei i lou olaga. O le ala lea e te savali ai ma le pule ma e leai se mea e taofia oe. O le suafa o Iesu o se auupega e faatoilalo ma maua ai le pule i le lalolagi nei, i le suafa o Iesu, Amene. ‭‭

It's another year for Knife Talk. Geoff and Mareko discuss their holidays, Mareko gets into 3D printing and the guys answer your questions.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

OPEN HEAVENSMATALA LE LAGI MO LE ASO LUA 13 IANUARI 2026(tusia e Pastor EA Adeboye) Manatu Autu: O ai ea le tagata 3 ?(What is man? 3)Tauloto Tusi Paia: Eperu 5:14 “A o mea ‘a‘ano mā ē matutua ia, o i latou ‘ua masani ‘ona lagona ‘ina ‘ua a‘oa‘o so‘oina e iloa ai le lelei ma le leaga.”‭‭Faitauga - Tusi Paia:  Salamo 82:5-7I aso e lua na tea nei, na ou talanoa atu i le uluai fuafuaga a le Atua i le tagata, ma tuuina atu iai le pule i le laueleele ma mea uma o iai. O loo ou maitauina foi o nisi o kerisiano e lē o faatinoina le pule aua e lē o tutupu faaleagaga i le tulaga e tatau ona iai. O nisi kerisiano e le o ola i le pule na avatu iai e le Atua, o i latou ia ua tutupu faaleagaga ae latou te le iloa le malosi o le mana o loo iai latou. E gatete pe a faafefe i latou e le tiapolo ma vaavaai atu i nisi o vaega o faatino ai le pule ma manatu e na o auauna a le Atua e iai lea pule. Peitai fai mai le Tusi Paia i le Mareko 16:17-18 o soo se kerisiano faatuatua e mafai ona tutuli temoni, faamalolo i ē mamai ma faatino le pule na auina mai e le Atua. I tausaga e tele talu ai, ao ou tatalo, na ou faapea atu, ‘Le Alii e, aumai ia te au le mana e faia ai vavega mo oe' ae faapea mai, ‘filemu. O le a le mea o loo e faia i le mana ua maea ona ou avatu ia te oe? Ua e papatiso ea i le Agaga Paia?' Na ou tali atu, ‘Ioe, le Alii e' ona ia faaopoopo mai lea, ‘fai mai e a le Galuega 1:8? Na ou taulotoina atu ia te ia lea fuaitau ona ia tali mai lea, ‘Aua na afio mai Agaga Paia i luga ia te oe, o lona uiga o loo ia te oe le mana'. Ona ou faapea atu lea, ‘Peitai ou te le faalogoina se mana', ae tali mai lea, ‘na ou fai atu ea e ola le tagata i lagona pe o le faatuatua?' Na tupu le mea lea i le tulua o po ma le ao, ma e oo atu i le taeao na sosoo ai, na o mai nisi ou te tatalo mo se teineitiiti e ma'i ua fai mai fomai ua le toe aoga iai se togafiti. Sa ou fefe i nei tei ua lē malolo pe a ou tatalo mo ia, peitai na ou manatua le ma talanoaga ma le Atua ma ua ou alu atu loa ma tatalo mo ia. Ao ou tatalo, na le toe gaoioi le teineitiiti. Na ou manatu vave ia te a'u lava, ‘ua iai le faafitauli, e pei a ua oti le teine'. Ina ua maea ona ou tatalo ma pupula ane ou mata, ua ou vaai atu ua moe. Ua tele aso e lei moe, ae ina ua ala mai, ua malolo ma malosi atoatoa. Na amata mai le aso lea, ua amata ona ou faaaogaina le mana na auina mai e le Atua ia pulea soo se mea. Le au pele e, a teuina le mana e aunoa ma le faaaogaina, e le gaoioi. Peitai, a faaaogaina, e tupu. Ao faaaogaina e Peteru le mana na ia maua mai le Agaga Paia, na tupu mai i se tulaga e na te faatuina se tagata ia tu i ona vae (Galuega 3:1-8) i le faamaloloina o tagata i lona ataata (Galuega 5:15-16). O le tele ona e faaaogaina o le mana na avatu e le Atua ia te oe le kerisiano faatuatua, o le tele foi lena o le pule e te faia, i le suafa o Iesu, Amene. 

OPEN HEAVENSMATALA LE LAGI MO LE ASO TOONAI 3  IANUARI 2026(tusia e Pastor EA Adeboye) Manatu Autu:  Opogi Lana Upu (Embrace His Word)Tauloto Tusi Paia: Eperu 4:12 “Auā o lo‘o ola le afioga a le Atua, o lo‘o matuā galue fo‘i, o lo‘o sili fo‘i lona ma‘ai i pelu uma e fa‘atau ma‘ai itū, o lo‘o vaevae fo‘i e o‘o lava i le vavae‘eseina o le loto ma le agaga, o gaugātino fo‘i ma ‘a‘ano o ivi, o lo‘o fa‘amasino fo‘i i manatu ma filifiliga o le loto.”‭‭Faitauga - Tusi Paia: Kenese 1:1-5Ae lei malama le taeao fou i le Kenese 1:1, sa iai le Atua. O loo tusia i le Tusi Paia, i le amataga, na faia e le Atua le lagi ma le lalolagi. O lona uiga, ae lei oo mai le aso fou muamua, sa iai le Atua. Fai mai le Ioane 1:1, “Sa i le amataga le ‘Upu, sa i le Atua le ‘Upu, o le Atua fo‘i le ‘Upu.”‭O le Atua na faia mea uma i le amataga, ma na ia faia le amataga i lana Upu. Na ia faia lenei tausaga fou ma mea uma o le a tutupu ai i lana Upu. O lona uiga, afai e te fia pulea mea uma o le a tutupu i lenei tausaga fou, e tatau ona e vaavaai ma le faaeteete i le Upu a le Atua. Fai mai le Mareko 11:22-23 “‘Ona tali atu lea o Iesu ‘iā te i latou, “‘Ia ‘outou fa‘atuatua i le Atua; auā e moni, ‘ou te fai atu ‘iā te ‘outou, ‘ai sē fai atu i lenei mauga, ‘‘Ia si‘itia oe, ma ‘ia lafoina i le sami,' ma le lē māsalosalo lona loto, ‘ae peita‘i e fa‘atuatua o ia e taunu‘u lava mea na ia fai atu ai, ‘ona faia lea mo ia o le mea na te fai atu ai.”‭‭E tusa ma le fuaitau o loo taua i luga, afai e te faatuatua i le Atua, e mafai ona e faatonuina mauga o loo i le ala, e siitia ese, ona latou siitia ese lea. O loo fai mai foi le Tusi Paia iai tatou i le Roma 10:17, e oo mai le faatuatua pe a faalogo i le Upu a le Atua. O le tele o le Upu a le Atua e te faataga e nofo i lou loto i lenei tausaga, o le fua foi lena o le malosiaga o le a ia te oe e faasagatau atu ai i mauga. A e suesue i le Upu a le Atua i aso uma, o soo se taimi e te fetaiai ai ma se mauga, o le a matua faatumuina oe i le Upu ma le faatuatua ma afai e te tautala atu i le mauga, o le a siitia ese. Fai mai le Salamo 107:20 “‘Ua ia ‘auina atu lana afioga ma fa‘amālōlō ‘iā i latou ma lavea‘iina ai nai lo latou malaia.”E iai lava faama'i e le mafai e se fomai i le lalolagi nei ona fofo. E iai foi taotoga e lei mafai lava e fomai ona iloa le auala e faatino ai. E iai foi taotoga ua mafai ona faatino e masini e faaaoga ai le sulu e ati le vaai atu i totoga o le tino e le mafai ona oo atu iai naifi tipitipi a fomai. O le mafuaaga lea na fai mai ai le Tusi Paia o le  fa‘aalia mai o au afioga e fa‘amalamalamaina ai (Salāmo‬ ‭119‬:‭130‬ ), o lona uiga a auina mai e le Atua Lana Upu, e faamaloloina ma'i e leai ni fofo, e oo atu foi i vaega o le olaga o se tagata e manatu e lē mafai ona oo atu iai. Le au pele e, opogi le Upu a le Atua i lenei tausaga e sili atu i tausaga ua mavae. Suesue, manatunatu iai ma folafola ia te oe ma le filigā i aso uma. Ao e faatumu lou loto i le Upu a le Atua, ma avea ma au paaga i taimi uma i lenei tausaga, ou te folafola atu, o le a e maua le manumalo i so'o se vaega o lou olaga, i le suafa o Iesu, Amene.

The Xmas special with Craig, Mareko & Geoff. We talk beef and cheese. Merry Xmas everybody.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Geoff, Craig & Mareko discuss copycatting, the lack of protection for ideas and answer your questions.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Geoff & Mareko dissect this years DCI, talk sharpening and get ready for Thanks Giving.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Mareko & Craig take the reigns whilst Geoff has a well deserved week off. We blast through the questions and question our own history.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Halloween episode with Geoff & Mareko.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Craig, Geoff and Mareko answer your questions and talk heist news,Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Geoff & Mareko take the reins and answer your questions.Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy

Geoff and Mareko steer the ship. Thanks again to Evenheat, Damasteel, Brodbeck Ironworks, Texas Farrier Supply, Indasa, Tormek, and Maritime Knife Supply and Tormek for the support.Support this podcast at — https://redcircle.com/knife-talk7733/donationsAdvertising Inquiries: https://redcircle.com/brandsPrivacy & Opt-Out: https://redcircle.com/privacy