Bergbron Gereformeerde Kerk Preke

Lees: Gen 6:1-14. Fokus: Gen 6:8-9. Begenadiges deur die Here!

Lees :1 Petrus 1:23, Efesiërs 1:17, Efesiërs 3:19

Lees: Gen 4: 1-16. Fokus: Gen 4: 7 en Ef 4: 26, 27. Hoe om jou hart te verander: Goed doen lei tot goeie emosies. ·       Emosies is die deel van ons harte/siele waaroor ons die minste beheer het en is talle kere die oorsaak dat intieme verhoudings tot niet gaan. ·       Die normale vloei is: denke beïnvloed emosies en emosies beïnvloed dade (Fil 4: 8, 9). ·       Dade kan ook emosies beïnvloed: ons voel nie altyd ons weg oop tot goeie optrede nie. Nee, ons doen eerder goed wat lei tot goeie emosies (Gen 4: 7).  Vir nadenke en gesprek by selgroepe en huisgodsdiens:·       Verduidelik die normale vloei van sake in jou hart/siel. ·       Verduidelik hoe jou dade jou emosies kan verander. ·       Hoe is dit moontlik om die gevoels-opdragte in die Bybel na te kom, soos: om te juig en vol vreugde te wees, om jou naaste lief te hê, vrede te hê en om nie vreesagtig te wees nie. Hoe moet ons hierdie Bybelse bevele gehoorsaam as ons nie direk ons emosies kan verander nie?

Lees: Mark 6:7-13 en 30-44. Fokus: Mark 6:34-44. Geloof wat uitloop op wonderwerke! ·       Jesus se rabbynse proses van dissipelskap (Mark 6:7,12-13). ·       Eerstens, Jesus was gedryf deur medelye (Mark 6:34). ·       Tweedens, Jesus het na sy Vader geluister en nie toegegee aan sy dissipels se redenasie dat Hy die skare moet wegstuur nie (Mark 6:36). ·       Derdens, Jesus het die disspels se geestelike blindheid gebruik om hulle te leer in tekens en wonders (Mark 6:37). ·       Vierdens, Jesus het instruksies gegee en die dissipels het gehoorsaam (Mark 6:39,40). ·       Vyfdens, as jy in die geloof die moontlike doen, doen God die onmoontlike (Mark 6:41-44).  Vir nadenke en gesprek by selgroepe en huisgodsdiens: ·       Verduidelik Jesus se rabbynse proses van dissipelskap. ·       Verduidelik die vyf riglyne aangaande wonderwerkende geloof wat ons kan leer uit Mark 6:34-44.  

Lees: 2 Tim 4:1-18. Fokus: 2 Tim 4:6-8 (AFR53). Jy kan end-uit volhard met die hulp van die Here (deel 2). ·       Volhard ten spyte van te nakoming. ·       Volharding ondanks kompetisie. ·       Volharding te midde van ons geloof wat beproef en ondermyn word. ·       Volharding met die oog op beloning.  Vir nadenke en gesprek by selgroepe en huisgodsdiens:Hoe kan jy met God se hulp volhard: ·       ten spyte van te nakoming, ·       ondanks kompetisie, ·       te midde van ons geloof wat beproef en ondermyn word, ·       met die oog op beloning.

Lees: 2 Tim 4:1-18. Fokus: 2 Tim 4:6-8 (AFR53). Jy kan end-uit volhard met die hulp van die Here.  

Lees: 1 Kor 15:12-28 en Heid Kat vraag en antwoord 45. Fokus: 1 Kor 15:17-19. Die nut van Christus se opstanding vir ons.  

Deur sy wonde het daar vir ons genesing gekom.Matt. 27: 32 -44

Lees: Luk 22:39-53. Fokus: Luk 22:53 (AFR53). Die uur van die duisternis! ·       Kenmerke van die duisternis: Self-gesentreerdheid, godsdiens sonder ‘n kruis en godsdienstigheid. ·       Jesus bly Oorwinnaar omdat Hy die Ou Testamentiese profesieë vervul het (Mat 26:56), voorkennis gehad het (Mat 26:45,46) en deur sy liefde vir mense – selfs vyandelike mense (Luk 22:50,51).  Vir nadenke en gesprek by selgroepe en huisgodsdiens:·       Wat bedoel Jesus as Hy verwys na die “uur van die duisternis”? ·       Wie was Satan se medewerkers tydens hierdie uur van duisternis en hoe het die duisternis ‘n houvas op hulle gekry? ·       Hoe bly Jesus Oorwinnaar in hierdie duistere uur van sy gevangenisneming?

Lees: Luk 22:39-53. Fokus: Luk 22:44. Van vrees na vrede!

Lees: Joh 2:1-12. Fokus: Joh 2:11 (AFR53). Christus se heerlikheid lê in sy vermoë om ons te verander.

Lees: Heb 4: 1-13. Fokus: Heb 4: 12. Wie jy is in Christus maak die verskil. ·       ‘n Mens kan verdeel word in 3 dele: gees, siel en liggaam. ·       Alhoewel jou gees ten volle die heerlikheid van Jesus se vergifnis en reiniging aanvaar by jou wedergeboorte, is jou siel weer baie keer nie gereed om pynlike herinneringe te laat vaar nie (vgl Rom 7: 18, 19). ·       Ons siel dink dit is sy werksbeskrywing om argumente, redenasies en vestings op te rig teen die kennis van God (2 Kor 10: 5). ·       Die Woord sny deur die werking van die HG so diep dat dit die diepste leuens in ons denke, emosies en wil blootlê. ·       Die HG gebruik dan die Woord om daardie leuens in jou siel te vervang met die waarheid van wie jy is in Christus. Dit verander jou lewe. ·       Wie ons aan die buitekant is, is ‘n refleksie van wie ons aan die binnekant is.  Vir nadenke en gesprek by selgroepe en huisgodsdiens: ·       Wat is die verskil tussen jou gees en siel? ·       Wat verhoed ‘n persoon wat geestelik wedergebore is om in oorwinning te leef? ·       Hoe kan mishandeling lei tot die oprig van ‘n vesting van perfeksionisme? ·       Wat lê die Woord veral bloot in ons siel? ·       Waar moet ons begin om ons lewens te kan verander?  

Joël 2: 1-24Kern Joël 12,13

Lees: Ef 5: 1-5 en Mat 22: 34-40. Fokus: Mat 22: 37-39. Ontvang en gee God se liefde deur jouself reg lief te hê in Christus. 1.Verkeerde selfliefde.·       Selfbejammering. ·       Self-beheptheid. 2,Regte selfliefde.·       Om tot regte selfliefde te kom, is dit vir baie Christene eers nodig om hulleself te vergewe. ·       Die regte selfliefde is liefde wat gegrond is in Jesus Christus. Vir nadenke en gesprek by selgroepe en huisgodsdiens:·       Hoekom moet jy jouself reg liefhê? ·       Watter verkeerde selfliefde is daar in jou lewe? Watter effek het hierdie verkeerde selfliefde op jou verhoudings met God en jou naaste? ·       Dra jy enige wrokke in jou lewe? Hoe kan jy daarvan ontslae raak? ·       Wat beteken dit om jouself reg lief te hê in Jesus Christus? 

Lees: Gal 4: 1-7. Fokus: Gal 4: 6, 7. Verskil tussen kind en dienskneg in die Vader se huis. ·       ‘n Dienskneg dink wat hy doen bepaal wie hy is. ·       ‘n Kind van God weet wie hy of sy is in Christus, en dit bepaal die kind se lewe! Vir nadenke en gesprek by selgroepe en huisgodsdiens: ·       Noem die kenmerke van ‘n geestelike weeskind of dienskneg in God se koninkryk. ·       Noem die kenmerke van ‘n geestelike kind en erfgenaam van God. ·       Wat is die verskil in denke tussen ‘n kind en ‘n dienskneg in die Vader se huis?  

Lees: Luk 22:14-23 en Heid Kat So 25(antw 65b – 68). Fokus: Luk22:20 (AFR53). Die wyse waarop geloof versterk word. 1.Versterking deur die Woord.2.Versterking deur die Sakramente. ·       Die sakramente as tekens. ·       Die sakramente as seëls.  Vir nadenke en gesprek by selgroepe en huisgodsdiens:·       Noem die sakramente wat Jesus ingestel het. ·       Wat is sakramente? ·       Wat is die doel van die sakramente?  

Lees: Rom 7: 13-26. Fokus: Rom 7: 21-23 (AFR53). Identifiseer jouself met die innerlike mens wie jy in Jesus Christus is. ·       Innerlike mens verwys na ons gees; gemoed verwys na ons siel; en lede verwys na ons liggaam/vlees (Rom 7: 22-23). ·       Jy kan nooit deur ‘n wet in jou gemoed oorwinning kry oor die sonde in jou vlees nie. Inteendeel, die sonde in jou vlees sal totale beheer kry oor jou gemoed (denke, emosies en wil). ·       Die eerste stap om die kwaad te oorwin wat ek nie wil doen nie: Moenie jouself met die sonde identifiseer nie (Rom 7: 17-20).·       Die tweede stap om die kwaad te oorwin wat ek nie wil doen nie: Identifiseer jouself met die innerlike gees-mens wie jy in Jesus Christus is (Rom 7: 22).  Vir nadenke en gesprek by selgroepe en huisgodsdiens:·       Verduidelik die onderskeid tussen gees, siel en vlees. ·       Verduidelik hoe gelowiges baie keer deur ‘n wet in die gemoed die sonde probeer oorwin. Wat is die uiteinde van so ‘n poging? ·       Verduidelik die stappe om die kwaad te oorwin wat jy nie wil doen nie.   

Lees: Efes 5:6-20. Fokus: Efes 5:8 (AFR53). Ons is lig in die Here.God het jou natuur verander van duisternis na lig.Is jy in ‘n troutrekkery betrokke tussen twee nature? By jou wedergeboorte het God nie slegs ‘n nuwe goddelike natuur by jou ou sondige natuur gevoeg nie. Nee, die Heilige Gees het jou ou sondige natuur vervang met God se natuur. Die Heilige Gees het jou opnuut gebore en jy is getransformeer in iemand wat nie voorheen bestaan het nie: ‘n nuwe skepsel in Christus, ‘n geestelik gebore kind van God, ‘n kind van die lig, ‘n heilige in Christus wat soms sondig! Leef as kind van die lig want jy kan!Jesus gee aan ons sy natuur sodat ons werklik kan wees soos Hy. As kind van die lig is jy nou nie meer langer ‘n verdorwe en hulpelose slaaf van die sonde nie. Dit is in jou vermoë om te kan kies teen die sonde vir God se wil. Ek en jy moet leer lewe in harmonie met ons nuwe natuur om werklik gelukkig te kan wees. Vir nadenke en gesprek by selgroepe en huisgodsdiens:Besit ons 2 nature wat veg om die beheer van ons lewens? Was julle vroeër in duisternis; en nou is julle in lig in die Here volgens Efes 5: 8? Wanneer het God ons duisternis-natuur vervang met sy eie lig-natuur?

Lees: Mat 4:1-11.  Fokus: Mat 4:8-10.  Satan se mees geloofwaardige leuens!  God verbied net en is teen genietinge (Gen 3:1).  God is ‘n leuenaar en sy Woord is vals (Gen 3:4).   Saam met God is daar geen lewensvervulling nie (Gen 3:5).  God word slegs gedien vir wat Hy kan gee (Job 1:9-11).   Die lewe op aarde is alles (Job 2:4-5).  God behoort wonderwerke op aanvraag te doen (Mat 4:3).  Buit die beloftes van God uit (Mat 4:6).  Kies ‘n Godsdiens sonder ‘n kruis (Mat 4:8-9).  Vir nadenke en gesprek by selgroepe en huisgodsdiens: Hoekom is die beheer van ons denke so belangrik en watter strategie gebruik Satan om ons denke te beheer?  Verduidelik die mees geloofwaardige leuens wat Satan gebruik.  Met watter leuens worstel jy die meeste?

Lees: Mat 18: 15-20.  Fokus: Mat 18: 19-20.  Die krag van eenstemmigheid in Jesus onder leiding van die Heilige Gees.  ·       Die krag van verkeerde ooreenkomste (Gen 11: 1-9).  ·       Die krag van eenstemmigheid onder leiding van die Heilige Gees.    Vir nadenke en gesprek by selgroepe en huisgodsdiens:  ·       Wat is die Here se gevolgtrekking aangaande die gesamentlike poging van die mense om die toring van Babel te bou?  ·       Wat is die betekenis van die Griekse woord sunago wat in vers 20 met “saam is” vertaal word?  ·       Wanneer verhoor ons hemelse Vader ons gebede?  ·       Wie is die twee of drie persone met wie jy gereeld vergader in Jesus se Naam?   

Lees: Luk 2: 41-52 en Joh 15: 1-8.  Fokus: Luk 2: 52.  Bly in Christus om gebalanseerd te groei. Daar is 4 sleutel areas/dissiplines waarin ons ten volle en in harmonie moet ontwikkel: verstandelik, fisies, sosiaal en geestelik.  Ons spandeer te veel tyd om uiterlike gedrag te probeer verander, in plaas van om te verander wat mense glo aangaande God en hulleself.  Die Heilige Gees laat ons vrugte dra as ons in Christus bly deurdat ons weet wie ons is as kinders van God.  Vir nadenke en gesprek by selgroepe en huisgodsdiens:  Beskryf die 4 dissiplines waarin ons ten volle en in harmonie moet ontwikkel.  Wanneer en hoe ontstaan Christelike wettiesheid?  Hoe vind gesonde en gebalanseerde groei plaas in al 4 dissiplines? 

Lees: Josua 1. Fokus: Josua 1: 5, 6. God se beloftes aan ons – hoe leef ons dit uit?

Lees: Mat 2: 1-23.  Fokus: Mat 2: 5, 15, 17, 23.  Kersfees het ‘n kruis-kant, maar Jesus (die Vervuller) bewys God is in beheer.

Kersdiens

Dankseggingsdiens Lees: Mat. 2: 1 -12 Teks: Mat. 2: 11 ...Daarna het hulle hulle reissakke oopgemaak en vir Hom geskenke uitgehaal: goud,wierook en mirre.

Lees: Hand. 4: 32 – 37; 5: 1 – 6; 5: 17 – 42 Wat maak ‘n kerk groot in die oë van die Here?

Lees: Mat 4:1-11.  Fokus: Mat 4:5-7.  Satan se leuen: Buit die beloftes van God uit. (Deel 2)  Die beloftes van God mag nooit ‘n plaasvervanger word vir getrouheid nie.  Ons interpretasie van die belofte moet in ooreenstemming met die hele Skrif wees.  Ons geloof moet nie morele beginsels oortree nie.  Soek altyd eerstens vir God en nie sy beloftes nie.  Ons moet onthou dat God dalk ‘n groter plan in gedagte mag hê.  Vir nadenke en gesprek by selgroepe en huisgodsdiens:  Wat is die sleutel tot die verstaan van die duiwel se versoekings?  Wat leer Jesus se reaksie op elke versoeking vir ons aangaande wie Hy is en hoe ons Hom moet volg?  Verduidelik bogenoemde riglyne ivm God se beloftes in sy Woord. 

Lees: Luk 4:1-13.  Fokus: Luk 4:3,4.  Satan se leuen: God behoort wonderwerke op aanvraag te doen.  ·       Die duiwel rig sy versoekings veral op die identiteit van Jesus as hy sy versoekings begin en eindig met: “As U die Seun van God is....” (Luk 4:3,10).  ·       Deur Jesus se reaksie en aan die kruis is dit duidelik: Jesus is die Seun van God, die verwagte Messias, nie deur Homself te handhaaf nie, nie deur sy mag en gesag uit te oefen nie, maar langs die weg van nederigheid, diens en lyding volgens sy Vader se wil.  ·       Die regte gesindheid om die versoekings van die duiwel te kan weerstaan en om geestelik te kan groei, is: Fokus verskuif weg van (1) fisiese behoeftes, (2) aardse dinge, en (3) weg van myself af.    Vir nadenke en gesprek by selgroepe en huisgodsdiens:  ·       Wat is die sleutel tot die verstaan van die duiwel se versoekings?  ·       Wat leer Jesus se reaksie op elke versoeking vir ons aangaande wie Hy is en hoe ons Hom moet volg?  ·       Waar kry Jesus sy geestelike krag asook ons vandag?   

Lees: Mark 1:9-20.  Fokus: Mark 1:14-15 (AFR53).  Christenskap behels dissipelskap (deel 2) Valse onderskeiding: ‘n persoon kan ‘n Christen wees sonder om ‘n dissipel te wees.  Jesus se verkondiging van die evangelie van God se koninkryk kom op 4 beginsels neer: (1) die tyd is vervul; (2) die koninkryk van God het naby gekom; (3) bekeer julle; en (4) glo die evangelie.   Christus se metode van dissipelskap was rabbyns: Hy het sy dissipels geleer van die lewe in God se koninkryk en dit dan ook self geillustreer met sy lewe. Dan het Hy hulle ook uitgestuur om die koninkryks-lewe te gaan doen. Vir nadenke en gesprek by selgroepe en huisgodsdiens:  Hoe moet ons Jesus se oproep tot bekering verstaan?   Wat beteken en behels dit om die evangelie te glo?  Hoe laat God sy koninkryk kom vandag deur sy kerk?   Kan jy ‘n Christen wees sonder om ‘n dissipel te wees? 

Lees: Mark 1:9-20.  Fokus: Mark 1:14-15 (AFR53).  Christenskap behels dissipelskap.  Valse onderskeiding: ‘n persoon kan ‘n Christen wees sonder om ‘n dissipel te wees. Die koninkryk van God was die hart van Jesus se hele aardse bediening: evangelie van die koninkryk van God – nie die evangelie van verlossing nie! Deur Jesus se koms na hierdie wêreld (kairos) het God die koningsheerskappy en regering kom terugeis wat regtens syne is.  God se koninkryk het met Jesus Christus se eerste koms alreeds gekom en deurgebreek in hierdie sondige wêreld, maar is nog nie volmaak teenwoordig nie.  Die toekomstige koninkryk van God breek kragtig deur in hierdie sondige wêreld as gelowiges funksioneer in die gawes van die Heilige Gees. Dit is dissipelskap!  Vir nadenke en gesprek by selgroepe en huisgodsdiens:  Wat bedoel Johannes en Jesus as hulle sê: “Die koninkryk van die hemel/God het naby gekom”? (vgl Mat 3:1-2 en Mark 1:15)  Beskryf die “reeds en die nog nie” van die koninkryk van God.  Hoe laat God sy koninkryk kom vandag deur sy kerk?  Kan jy ‘n Christen wees sonder om ‘n dissipel te wees? 

Lees: Job 2: 1-13.  Fokus: Job 2: 4 (AFR53).  Satan se leuen: Die lewe op aarde is alles.  Die lewe is iets diepers en groter as ervarings self.  Satan beskuldig: Die mens sal enigiets gee net om te bly asemhaal want hierdie lewe is al wat daar is.  Materialisme, kommunisme en humanisme gebou op hierdie leuen.  Volgens Job kan God se seën ook pynvolle dinge insluit (vers 10). Hy kom tot so ‘n uitspraak omdat hy sy aandag vestig op die opstanding en ewige lewe (Job 19: 25-27).  Deur ons geloof in Christus is ons God se kinders en erfgename van die ewige lewe (Joh 3: 16).  Jy is geskep vir die ewigheid en hierdie lewe is jou voorbereiding op die ewigheid om soos Christus te word (Ef 4: 15).  Dit is reeds baie keer veral in teenspoed wat ons die meeste groei om die karakter van Jesus te vertoon (Rom 5: 3-5).  Vir nadenke en gesprek by selgroepe en huisgodsdiens: Verduidelik die leuen wat Satan in Job 2:4 verkondig.   Hoe reageer Job op hierdie leuen van Satan? (Job 2:10, 19:25-27)  Wat is die doel van ons lewe op aarde? (Ef 1:4 en Ef 4:15)  Kan God se seën ook pynvolle ervarings insluit? (vgl Rom 5:3-5)

Lees: Job 1: 1-22.  Fokus: Job 1: 9-11 (AFR53).  Satan se leuen: God word slegs gedien vir wat Hy kan gee.  Satan se leuen suggereer: God is in Homself nie waardig om gedien te word nie. Uitstaande kenmerke van Satan (v 6-12): hy is sinies, arrogant en smalend-beledigend.  Satan suggereer: Dit kom slegs voor dat mense God dien, maar eintlik gaan dit om hulleself vir die tydelike belonings wat God hulle kan gee. Dit is nie God se verhewe eienskappe wat hulle lojaliteit uitlok nie.  Kenmerke van God (v 6-12): Hy is trots op sy kinders, liefdevol en soewerein.  In Jesus Christus het die eienskappe van Wie God is (soos deur die Skrif beskryf), prakties en sigbaar gestalte gekry.  Satan se leuen suggereer: Geloof bestaan eintlik nie. Satan suggereer dat vertroue word gebou op sien alleen. Geloof bestaan eintlik nie.  As opregte gelowige het Job in tye van voorspoed as volg gereageer: “Hy was vroom en opreg en het God gedien en die kwaad vermy” (v 1). Hy was ook duidelik die geestelike leier van sy gesin (v 5).  In ‘n tyd van die grootste teenspoed, het Job as volg gereageer: hy rig sy oë op God (v 20), hy kyk na binne (v 21a), hy kyk verder as wat die oog kan sien (v 21b).  Die realiteit van Jesus Christus maak dit vir ons moontlik om God te vertrou te midde van die storms van die lewe.  Vir nadenke en gesprek by selgroepe en huisgodsdiens: Hoekom is die beheer van ons denke so belangrik en watter strategie gebruik Satan om ons denke te beheer?  Verduidelik die leuen wat Satan in Job 1: 9-11 verkondig.  Wat is die rede waarom jy God lief het en Hom dien?  Wat beteken geloof? (vgl Heb 11: 1)  Hoe reageer gelowiges in tye van teenspoed? 

Lees: Gen 2: 15 – 3: 7.  Fokus: Gen 3: 5 (AFR53).  Satan se leuen: Saam met God is daar geen lewensvervulling.  Ons denke is die hoofslagveld van ons geestelike stryd en Satan gebruik primêr die leuen om ons denke te beheer.  Satan se leuen: Saam met en gehoorsaamheid aan God is daar geen lewensvervulling nie, want “God weet dat julle oë sal oopgaan die dag as julle van daardie boom eet en dan sal julle soos God wees deurdat julle alles kan ken” (vers 5).  Eva het na Satan se leuen geluister dat ‘n sinvolle lewe sonder God in dinge bereik kan word – in kennis van goed en kwaad.  Al die kennis, rykdom, status, sukses en ander dinge van die wêreld, kan jou nie heel en gelukkig maak nie (Pred 2: 11), kan jou nie maak soos wat jy oorspronklik geskape is nie. Sonder ‘n liefdesverhouding met God deur Christus sal daar altyd ‘n “gemis” in jou lewe wees, want jy mis die oorspronklike doel waarvoor jy geskape is (Ef 1: 4).  In ‘n liefdesverhouding met God deur Christus besef jy dat jy geskep is vir die ewigheid (2 Kor 5: 1).  Vir nadenke en gesprek by selgroepe en huisgodsdiens: Hoekom is die beheer van ons denke so belangrik en watter strategie gebruik Satan om ons denke te beheer?  Verduidelik die leuen wat Satan in Gen 3: 5 verkondig.  Hoekom kan ‘n ware sinvolle lewe nie in die dinge van die wêreld bereik word nie?  Wat is die oorspronklike doel waarvoor jy geskape is? Hoe vind jy ware lewensvervulling in Christus? 

Lees: Gen 2: 15 – 3: 7.  Fokus: Gen 3: 4.  Satan se leuen: God is ‘n leuenaar.         Nadat Satan ‘n vastrap plek in Eva se gedagtes gekry het deur die twyfel in haar, beweeg hy nou van bevraagtekening van God tot direkte ontkenning: “Julle sal beslis nie sterf nie…”       Wat nodig is om die waarheid te ken, is openbaring waarop die Bybel aanspraak maak. (bv Heb 1: 1-3 en 2 Tim 3: 16-17) Die hele Bybel getuig van Jesus Christus en in en deur Hom het God duidelik sy liefde en verlossing aan ons geopenbaar.  Die sg. Nuwe Hervormers besit geen nuwe hervorming nie, maar is vasgevang in die leuen wat al van Eden se dae deur die ganse geskiedenis voorgekom het: die ontkenning van Skrifgesag.  Ons leef ook baie keer asof God se Woord vals is as ons die rampspoedige konsekwensies van die sonde ontken: “Julle sal beslis nie sterf nie…” (v 4) en wanneer daar ‘n gedagte by jou ontstaan dat God se Woord ‘n blokkasie tot hoër hoogtes is: “maar God weet dat julle oë sal oopgaan die dag as julle van daardie boom eet en dan sal julle soos God wees deurdat julle alles kan ken” (v 5).   Vir nadenke en gesprek by selgroepe en huisgodsdiens: Hoekom is die beheer van ons denke so belangrik en watter strategie gebruik Satan om ons denke te beheer?  Verduidelik die leuen wat Satan in Gen 3: 4 verkondig.  Wat beteken dit dat die Skrif deur God geïnspireer is? (vgl 2 Tim 3: 16-17)  Wat is jou antwoord op die sg. Nuwe Hervormers?  Op watter maniere leef kerkmense baie keer asof God se Woord vals is?

Lees: Daniël 10 Die Geveg Die Bybel is duidelik dat die Christelike lewe ‘n geveg is. As gevolg van die sondeval in die paradys stel God in Gen 3: 15 vyandskap tussen die slang se saad en die vrou se saad. Die geveg is geestelik. Fisiese wapens het geen nut nie. Ons wapen is gebed. Die vyand se teenstand. Die vyand is ondergeskik aan God se mag en het tans ‘n beperkte beweegruimte. Die Christen se antwoord op die teenstand is dat ons moet bid – die uitdaging is dat ons nie kan sien wat in die geestelike dimensie gebeur nie. 5. Ons moet aanhou bid.

Lees: Gen 2: 15 – 3: 7.  Fokus: Gen 3: 1 (AFR83).  Satan se leuen: God is die kosmos se sadis.   

Lees: 1 Tim 3: 14 – 4: 9.  Fokus: 1 Tim 4: 1-3.  Die waarheid in Christus maak ons vry van verleidende geeste en leringe van duiwels.

Lees: Jak 1:1-8.  Fokus: Jak 1:2-4.  Verheug jouself in beproewings!  As ons Vader in Christus omskep God al ons swaarkry en moeilikhede in beproewings om ons karakter te vorm en ons geloof te suiwer. God se genade is so groot dat Hy selfs die swaarkry wat jy self vir jou veroorsaak het deur aan versoekings toe te gee, tot beproewings omvorm en dit so tot jou beswil laat dien. Swaarkry en moeilikhede skep die ruimte dat ons geloof gesuiwer en sterker word om te volhard.  Vir nadenke en gesprek by selgroepe en huisgodsdiens:  Hoe is dit moontlik om blydskap of vreugde te hê wanneer allerlei beproewings oor jou kom?  Wat is die doel van beproewings?  Wat is die eerste ding wat jy vir God moet vra wanneer allerhande beproewings oor jou kom? 

Gerco van Deventer word op 3 November 2017 deur Moslem-ekstremiste in Libië ontvoer. Dit net twee dae ná sy aankoms in die land om as paramedikus op 'n projek te werk.  Al-Kaïda in Mali hou hom vir ses jaar aan. In die tyd word hy vir agt maande aan 'n boom vasgeketting as straf oor vermorste water. Verder oorleef hy 'n teregstellingspoging met 'n koeëlwond wat sy voorarm versplinter wat hy dan self moet behandel.  Gedurende sy aanhouding in die woestyn word hy fisies, psigies en geestelik tot die uiterste beproef.  Sy opleiding as 'n 7 Med-soldaat, sy vrou en kind en sy Christelike geloof dra hom deur die tyd as Suid-Afrikaner wat die langste ooit as gyselaar aangehou is. Luister hoe hy hierdie ses donker jare oorleef het.

Lees: Gen 5: 1-24.  Fokus: Gen 5: 24 (AFR53).  Wandel met God.  Hoe het Henog met God gewandel deur Hom te behaag (vgl Heb 11: 5)?  Drie algemene maniere waarop mense probeer om God te behaag: dade, aanbidding en godsdiens.  Daar is net een manier om God te behaag: geloof (Heb 11: 5-6).  Die vorm en betekenis van die werkwoord wandel (v 24) in die Hebreeus, dui op ‘n ware gelowige wat voortdurend God se leiding volg in alles wat hy doen. Ons is almal so naby aan God soos ons self wil wees want die voorhangsel is middeldeur geskeur en ons kan almal kom in die teenwoordigheid van God deur die bloed van Jesus.  Henog was die eerste gelowige wat in die Bybel geprofeteer het (Judas 14).  Vir nadenke en gesprek by selgroepe en huisgodsdiens:  Wat moet eendag op jou grafsteen staan en waarom?  Wat is die sleutel tot ‘n lewe van wandel met God? (Heb 11: 5, 6)  Watter rol speel dinge soos goeie dade en aanbidding in jou wandel met God?  Wat is ‘n vereiste om te kan profeteer?

Lees: Mat 7:1-12 en Heid Kat vr en antw 118. Fokus: Mat 7:7-11. Heilige Vraers.  1.Jesus moedig ons aan om vraers te wees. ·       Is daar ‘n groter wonder en vreugde dat ek mag aanklop en dat die Vader om Christus wil op jou en my wag?  ·       Met hierdie opdragte spoor Jesus ons aan tot volhardende gebedsvertroue dat ons ‘n Vader in die hemel het wat die goeie wil vir ons. 2.Die “vra” word bepaal deur wie jy is. ·       Die “julle” is hulle wie se hart in die hemel is en skatte in die hemel bymekaarmaak(6: 19-20); wat vir God dien en nie vir Mammon nie (6: 24); wat hulle allereers beywer vir die koninkryk en die wil van God (6: 33).  ·       Heilige vraers se begeertes (dit waarna hulle vra en soek) word grondig bepaal deur wie hulle is en die verhouding waarin hulle as kinders tot die Vader staan.  ·       Sodra jy ontdek dat jy nie ‘n heilige vraer is nie, dan beveel Jesus by jou aan om te bid (vra, soek, klop) sodat Hy dit deur sy Heilige Gees in jou kan werk.    Vir nadenke en gesprek by selgroepe en huisgodsdiens:  ·       Wat bepaal die dinge waarna jy vra en soek in gebed?  ·       Bid jy met verwagting dat die Here jou sal verhoor? Wat veroorsaak dat jy onseker is of die Here jou gebede sal verhoor?  ·       Hoe kan jy groei tot ‘n heilige vraer wie se gebede verhoor word?  ·       Noem voorbeelde van verhoorde gebede in jou lewe.

Wat is geloof? Galasiërs 3:6-9

Lees Daniël 10

Lees: Luk 11:1-13 en Heid Kat vr en antw 116. Die noodsaaklikheid van gebed.  Die ontkenning van die noodsaaklikheid van gebed.  Die erkenning van die noodsaaklikheid van gebed.  Vir nadenke en gesprek by selgroepe en huisgodsdiens: Wat is die twee redes waarom mense die noodsaaklikheid van gebed ontken? Wat leer die Bybel ons tov die twee redes?  Gee die redes waarom gebed vir die Christen noodsaaklik is.

Lees: 1 Tessalonisense 5:16-18. Biddende blydskap en dankbaarheid!

Lees: Mark 10: 17-31.  Fokus: Mark 10: 21.  Godsdienstigheid teenoor ‘n ware verhouding met God.  Die ryk jongman het nog onder die Joodse “misverstand” geleef dat iemand wat ryk is, ‘n beter kans het om die koninkryk te verdien, omdat hy meer goeie dade met sy middele kon doen.  Die jongman se besittings was sy afgod en hy het dit probeer regverdig deur godsdienstigheid (v 22).  Ons redding en verhouding met God is van begin tot einde geen menslike prestasie nie (v 25). Ons redding is absolute genade en wonderwerk van Jesus (v 27).  Teenoor Paulus se beskrywing van godsdienstigheid in Fil 3: 4-6, stel hy die ware verhouding met God in Fil 3: 1, 3.  Vir nadenke en gesprek by selgroepe en huisgodsdiens:  Wat was die Joodse “misverstand” ivm rykdom en verwerwing van die ewige lewe?  Gee ‘n beskrywing van godsdienstigheid.  Hoe ontvang ‘n mens die ewige lewe?  Gee die kenmerke van ‘n ware verhouding met God volgens Fil 3: 1, 3.

Lees: Jer 7:1-15 (AFR83).  Fokus: Jer 7:3-8.  Valse godsdiens bring ‘n valse gerustheid wat bekering verhinder.  Die profeet ontmoet die biddende skare by die tempelpoort met ‘n skokkende boodskap. Die kern van sy onverwagse aanval is gemik teen hulle valse gerustheid. Die kerk en Christene leef alte maklik van so ‘n vanselfsprekende gerustheid. Van waar kom die valse vertroue? Uit die verkeerde gevolgtrekkings wat hulle uit God se verbond en verkiesing maak. Uit hulle slagkrete: “Ons is veilig! Dit is die Here se tempel, dit is die Here se tempel, dit is die Here se tempel!” (Jer 7:4).  Dit is ‘n tyd van krisis, van onheile, maar die volk bekommer hulle nie té veel nie, in elk geval nie nadat hulle weer ‘n slag in die tempel was nie! In die tempel word die gemoedere gekalmeer, vrese besweer en elke moontlike sweempie van ‘n skuldgevoel weggepreek en weggeoffer. Hulle is ‘n godsdienstige volk. Die tempel staan in hulle midde as simbool van God se teenwoordigheid en waarborg van sy beskerming. Hy sal hulle nie in die steek laat nie.  Juis dié valse gerustheid lei tot ‘n uitwendige godsdiens, wat Jeremia in die skerpste taal aanval. Wat God waarlik vra, naamlik gehoorsaamheid, ontbreek geheel en al.    Vir nadenke en gesprek by selgroepe en huisgodsdiens: Verduidelik die volk se valse gerustheid.  Wat is die gevolge van die volk se valse gerustheid?  Wat word bedoel met “Christelike integriteit”?

TEMA: BERUSTING IN DIE GOD VAN DIE GESKIEDENIS TEKS: DANIËL 8 (WARREN PEEL; DIE LEWE IN BABYLON; DANIEL 3e PREEK) 1. Inleiding - Die boek Daniël bestaan uit bekende (Hfs 1-6) en minder bekende deel (hfs 7–12). Een van die sterkste getuienisse dat Daniel nie net ‘n mooi storieboek is wat deur mense geskryf is nie, maar dat God die outeur is, is die profesieë wat dit bevat – wat in die geskiedenis geblyk het dat dit waar is. Profesieë oor Medies-Persiese Ryk, Griekse Ryk, Vervolger van die Jode. 2. Wat Daniël gesien het – 3 visioene – beeldende taal wat dui op die werklikheid: 1) Ram met 2 horings; 2) Bok met 1 horing; 3) die klein horinkie. 3. Wat leer ons hieruit? a. dit versterk ons geloof dat die Bybel werklik die Woord van God is. b. God regeer oor die geskiedenis. c. dit leer ons wat regtig saakmaak – God is meer oor jou en al sy mense begaan as al die leiers in die geskiedenis.

Lees: Efesiërs 4: 1-16 Hoe om volgroeid te wees in Christus.

Lees: Joh 15: 1-8 en Mat 25: 14-30.  Fokus: Mat 25: 21, 23.  God verwag van sy kerk om beide getrou en vrugbaar te wees.  Die twee goeie slawe was getrou in vrugbaarheid want God verwag beide getrouheid en vrugbaarheid. So sien ons uit die gelykenis:  Rentmeesterskap is ‘n risiko.  Rentmeesterskap word gemeet aan opbrengs en impak.  Goeie rentmeesterskap word geseën deur die Here met groter impak.  Vir nadenke en gesprek by selgroepe en huisgodsdiens:  Waarin moet ons getrou wees teenoor Christus?  Wat beteken dit om vrugbaar te wees in God se koninkryk?  Waarmee is jy vrugbaar in God se koninkryk?