Podcasts about rumantschs

Discurrer rumantsch – crescher si a Winterthur Ils blers da nus Rumantschas e Rumantschs discurran rumantsch en il mintgadi, cler, ma en in territori cumplainamain tudestg sa chapescha quai betg da sasez. Nus avain accumpagnà 3 famiglias durant ina s'entupada cun lur uniun “Allegra Winti” a Winterthur. Uffants e geniturs giaudan d'avair la pussibilitad da pudair discurrer, promover e viver il rumantsch. Esser Rumantscha u Rumantsch en la bassa, saja ina sfida ma era in grond sentiment da patria. L'istorgia dal rumantsch Cura ch'ils Romans èn arrivads en nossas valladas, han ils schuldads influenzà la lingua ch'il pievel discurriva lura qua tar nus. La maschaida tranter il latin e la lingua che vegniva discurrì en il Grischun ha dà rumantsch. Ma cura e co precis che quai e capità e pertge ch'i dat uschè grondas differenzas tranter ils idioms, guardain nus en il Minisguard.

Tge fa la KFOR insumma en il Cosovo? E daco sa participescha la Svizra? Daco van ins en il Cosovo tar la KFOR – dus Rumantschs raquintan.

Cun 154 participantas e participants ha il Cuors romontsch sursilvan intensiv da la Fundaziun Retoromana pudì sa legrar dad in nov record. Durant duas emnas il fanadur han els pudì emprender rumantsch en otg differents livels. Il livel il pli aut è in'universitad da stad. Era mintga Rumantsch e Rumantscha ha la pussaivladad da profitar, di il directur Conradin Klaiss en la Marella. 

Ins di che intgins Rumantschs laschan encrescher perfin cura ch'els èn a chasa. Forsa perquai che lur ragischs èn uschè fermas? Noss Chors chanta oz da regurdientschas ed encreschadetgna en connex cun l'agen dachasa. «Meis cumünet», «Es schöns Daheim» u «Miu vitg patern» èn trais chanzuns ch'èn part da l'emissiun dad oz. Quests titels tradeschan detg bain tge tematica che stat en il center da quest'ura. Gea – i sa tracta da l'amur per l'atgna patria. Insaquants cumponists e poets han sa laschà inspirar da quest sentiment. Ina tscherna da talas cumposiziuns emplainan l'ura da Noss chors dad oz.

Daco han ils Spagnols mantegnì l'expressiun englaisa «futbol» ma nus Rumantschs giugain a ballape, entant ch'ils Talians èn fieu e flomma per «il calcio»? En il rumantsch vegl discurrivan nus «d'arbaiders» enstagl d'arbiters e nus avain perfin in verb che deriva da quest pled latin: arbitrar bain in gieu. Sper in sguard sin il gieu da ballape e la muntada dal giugar sa metta Chasper Pult er als fastizs da gieus d'uffants d'antruras. En Surmeir per exempel faschevan ils mattatschs «igl lombard» cun chatschaders, fugitivs e praschuniers. U lura faschevan ils mats mulins cun las buccarias. U co scheva il padrin da Max e Moritz en la versiun rumantscha: «Himmel Herrgott so etwas – ün Maikäfer sün meis nas!» Dal 2007 enfin il 2016 ha RTR emess emna per emna l'emissiun Forum. Persunas dal fatg ed or dal champ da la scienza han preschentà, declerà, ed analisà fenomens, svilups e dumondas da la vita e da la societad. Pliras da questas analisas ed invistas èn restadas actualas, uschia che nus repetin durant la stad ina selecziun or dals var 500 Forums. Il Forum dad oz è vegnì emess per l'emprima giada il zercladur 2008 durant il campiunadi europeic da ballape en Svizra ed Austria.

En il Magliacudeschs discurra Esther Krättli cun Anita Capaul davart cudeschs che dattan en egl. Ella è stada 14 onns la fatscha da la Chasa editura rumantscha: Anita Capaul che banduna quest mais las CER. Bunamain 100 cudeschs ha ella edì dapi il 2010. Da ses davos dus cudeschs discurra ella en il Magliacudeschs. En «Palaver for ever» preschenta Roman Caviezel ina rimnada da ses texts curts satirics. Sia plima gizzada sa tegna vi da la furma classica da l'exagerar e drizza la critica vers ensi. Lura vai per Verner Solèr, il fotograf ed art director lumnezian ch'è partì avant 30 onns per Los Angeles. En sias vacanzas a Vrin ha el fatg fotografias che mussan in mund autentic, ma er ina patria che para persa. Nus sfegliain en il cudesch da fotografias e da texts «Bandunar e mai schar dar».

Corsin Derungs vul unir ils Rumantschs e las Rumantschas en la Bassa cun organisar occurrenzas culturalas. Naschi è el a Danis en Surselva, ma la pli gronda part da sia vita ha el passentà en la Bassa – là ha el lavurà en biro tar la polizia da persunas estras e sco intermediatur da persunal tar la firma ITech Consult AG. Ma sia vaira passiun è il chant: durant 40 onns ha el chantà en il Cor Rumantsch Zug – l'ultim cor viril rumantsch en la Bassa. Uss ha el ina nova missiun: unir ils Rumantschs e las Rumantschas en la Bassa cun organisar occurrenzas culturalas. Perquai ha el fundà d'atgna iniziativa l'uniun CRB – Cultura Rumantscha en la Bassa. En quest Profil raquinta Corsin Derungs da sia uffanza tranter minigolf ed uffants plazzads, da sia passiun per la musica da cors e dal siemi dad organisar in «festivalet» cun artists ed artistas rumantschas a Turitg. E tut quai fa el cun il motto: «Ubain che ti fas insatge, ubain che ti laschas star – jau fatsch!»

Avant bunamain diesch onns han ins schluppettà l'urs M13 en la Val Puschlav. La preschientscha da l'animal da rapina aveva ils mais precedents chaschunà per charplinas e foss profunds a l'intern da la communitad. Medias naziunalas ed internaziunalas han rapportà dal cas M13 e da las cuntraversas en Val Puschlav. Il reschissur Alessandro Abba Legnazzi documentescha en ses film ils eveniments da quella giada. A maun da tschintg persunas che raquintan da lur temas, ravgias ma er da lur fascinaziun per l'urs, reflectescha l'istorgia la convivenza spinusa da l'uman cun animals da rapina sco er las consequenzas ed implicaziuns che quai ha per ina cuminanza. Cun Livio, Arturo, Daniele, Flavio ed Annalisa – in pèr dad els interpretescha en il film sezs lur rolla da quella giada – essan nus perditgas da lur inscunters cun l'urs e da lur stentas da far frunt ad ina situaziun nova e straordinaria.

Per l'emprima giada han dus dirigents rumantschs manà las duas furmaziuns da la Brass Band da giuvenils naziunala (NJBB). Quest onn è stà per la 47avla giada il curs da stad da la Brass Band da giuvenils naziunala (NJBB) e quel va en l'istorgia. Per l'emprima giada èn las duas bands numnadamain stadas sut la direcziun da dus dirigents rumantschs: Corsin Tuor da la A-Band, e Rafael Camartin da la B-Band. Al concert da la Brass Band da giuvenils naziunala hai quest onn era dà ina premiera mundiala. Ludovic Neurohr, il cumponist dal Vallais, ha survegnì l'incumbensa da cumponer in'ovra per duas Brass Bands. El ha scrit «Becoming Giants», in'ovra en quatter parts

Ir a pe da la damaun baud fin la saira tard e perfin durant la notg, durmir sut tschiel stailì, en chamonas ubain en tenda. Visitar lieus enconuschents, scuvrir perlas zuppadas dal Grischun e pudair far ina scursanida tras in tunnel ch'è uschiglio scumandà per peduns. Accumpagnads da las pli differentas persunas, tranter auter da la moderatura da SRF Oceana Galmarini e dal moderatur Nik Harmann. Ed els han cuschinà savens risotto e perfin fatg café sisum il Piz Beverin. Tut quai è stada l'aventura dal moderatur Livio Foffa, ses chaun Loui ed ils umens da camera Curdin Fliri e Roman Schmid. Durant 8 dis han els fatg viadi da Mustér a Müstair. Tut en tut 250 kilometers e 15'000 meters differenza d'autezza. La gronda part a pe, ma era culs meds publics, auto, bartga e perfin a chaval. In viadi, sur munts e vals, sur pass ed en vitgs, sper lais e tras guauds, cun surpraisas positivas e divertentas – ma oravant tut cun inscunters cun Rumantschs e Rumantschas interessantas, cun grond cor e bun umor. In viadi che mussa la variaziun da noss chantun e sia populaziun, autentic, cordial ed unic.

Ir a pe da la damaun baud fin la saira tard e perfin durant la notg, durmir sut tschiel stailì, en chamonas ubain en tenda. Visitar lieus enconuschents, scuvrir perlas zuppadas dal Grischun e pudair far ina scursanida tras in tunnel ch'è uschiglio scumandà per peduns. Accumpagnads da las pli differentas persunas, tranter auter da la moderatura da SRF Oceana Galmarini e dal moderatur Nik Harmann. Ed els han cuschinà savens risotto e perfin fatg café sisum il Piz Beverin. Tut quai è stada l'aventura dal moderatur Livio Foffa, ses chaun Loui ed ils umens da camera Curdin Fliri e Roman Schmid. Durant 8 dis han els fatg viadi da Mustér a Müstair. Tut en tut 250 kilometers e 15'000 meters differenza d'autezza. La gronda part a pe, ma era culs meds publics, auto, bartga e perfin a chaval. In viadi, sur munts e vals, sur pass ed en vitgs, sper lais e tras guauds, cun surpraisas positivas e divertentas – ma oravant tut cun inscunters cun Rumantschs e Rumantschas interessantas, cun grond cor e bun umor. In viadi che mussa la variaziun da noss chantun e sia populaziun, autentic, cordial ed unic.

Quest onn pudess il poet surmiran festivar ses 100avel natalizi. Sias poesias han inspirà blers cumponists rumantschs. Peder Cadotsch è naschì ils 30 da matg 1922 a Panaduz, è dentant creschì si a Savognin, nua ch'el ha passentà sia uffanza e giuventetgna sco era frequentà la scola populara. Gia durant il gimnasi a Mustér ed anc pli fitg durant il temp da studi a las universitads da Friburg e Berna ha el cumenzà a scriver, per gronda part poesias. Suenter avair cuntanschì l'examen da stadi sco dentist ha Peder Cadotsch avert in'atgna pratica a Lucerna. Encreschadetgna e charezza, il nascher e murir da la natira èn tematicas da sias poesias. Pli probabel ha gist quai inspirà plirs cumponists rumantschs da scriver chanzuns sin basa da sias poesias.

En l'emprima ura Artg tadlain las producziun da duas furmaziuns cun duas persunalitads rumantschas en il focus. Dapi blers onns è Duri Cathomen il principal-cornetist da la BML, la Brass Band Bürgermusik Lucerna. En il toc da pensum «Dynasty» da Peter Graham è el stà en spezial en il center cunquai ch'ils emprims tuns da quest toc sto il solocornetists sunà persul, piano e sin in tun aut. – La segunda persuna che stat en il focus è Corsin Tuor. Sco dirigent da la BBO, la Brass Band Berner Oberland ha el gì da preparar e manar la furmaziun tras ils dus tocs per la concurrenza.

L'Artg musical fa visita ad in dals impurtants musicists grischuns. «Jeu sun buca cumponist. Sche schon, lu in occasiunal. Jeu cumponel lu zatgei, cu jeu hai il sentiment – uss drova ei quei. E quei ei era stau aschia 2013 cu jeu hai scret Alpsegen per il Chor viril da Turitg. Il direger ei e resta mia pissiun, professiun», di Christoph Cajöri. Dapi il 2012 dirigia el la Ligia Grischa, bain il capochor viril grischun. Tgi è Christoph Cajöri? En dus Artgs musicals emprov jau da savischinar al dirigent, chantadur, arranschader e cumponist oriund da Tusaun, ami da nus Rumantschs. Uss en il segund stat Christoph – il chantadur e cumponist en il center. Nus tadlain sa chapescha sia cumposiziun Alpsegen scritta per solo, chor viril, quatter corns, clavazin, orgla e percussiun. Quai sper musica orchestrala e chanzuns chantadas e dirigidas dal maestro da Tusaun che abitescha a Fislisbach (AG) ed a Ziràn (GR). E cun quest Artg musical prend jau – suenter 38 onns – cumià da RTR, di grazia fitg per Vossa bainvulientscha durant tut quels onns. E per la davosa giada di jau: Schei ir bein cun vus, vies Giusep Giuanin Decurtins!

L'Artg musical fa visita ad in dals impurtants dirigents grischuns. «La vusch virila ha insatge profund, savura da terra, dat fundament. Jau sun fascinà da quest tun. Quai è er il motiv ch'jau lavur uss dapi 40 onns cun chors virils», di Christoph Cajöri insanua. E lavurar cun chors virils e maschadads, cun orchesters, solistas e solists è sia passiun e professiun. Dapi il 2012 dirigia el la Ligia Grischa, bain il capo chor viril grischun. Tgi è Christoph Cajöri? En duas emissiuns emprova l'Artg musical da s'avischinar al dirigent, chantadur, arranschader e cumponist oriund da Tusaun, ami da nus Rumantschs. En l'emprim stattan l'uffanza, ils onns da studi e surtut Christoph – il dirigent en il center. E nus tadlain sa chapescha musica orchestrala e chanzuns dirigidas dal maestro da Tusaun ch'abitescha da temp en temp era a Ziràn. (2. part: Artg musical da dumengia: 27-06-2021 a las 14:03 u sin rtr.ch).

Societads da musica interpreteschan ovras da Rumantschs e chors indigens dattan chanzuns translatadas. Noss chors dovran sper la chanzun originala rumantscha era chanzuns translatadas. Senza na basta quai betg! E quai è bun uschia! Sa chapescha che la translaziun enserra ristgs. I dat bunas e malas translaziuns. Igl è impurtant che dirigentas e dirigents sa fatschentan cun il text da la chanzun, saja quel en sia versiun originala u en ina versiun translatada. L'Artg musical porta intgins exempels interpretads da chors virils: Ligia Grischa, Lumnezia, Surses e Trun e dals maschadads: Rudè da chant Engiadina, Cor baselgia Müstair, Cor da la scoula EMS Samedan e dal cantus firmus surselva. Las musicas da Trun, Sagogn, Domat, Zernez, Mustér e la Brass Band Sursilvana interpreteschan ovras scrittas dals indigens: Corsin Tuor, Gion Balzer e Gion Andrea Casanova, Roman e Gian Stecher, Janet Lehner e Giusep Sialm.

Sch'ins banduna la patria èsi bel da savair prender cun insatge che regorda vid il dachasa. Per bain inqual è quai la lingua ed il chant. Bleras Rumantschas e blers Grischuns bandunan lur patria. Saja quai pervia la scolaziun, la lavur, l'amur ubain be per far vacanzas. Sin lur viadis èn els savens era accumpagnads da l'encreschadetgna. Perquai è quai tema er adina puspè da chattar tar la musica rumantscha. In pitschen toc patria han ils Grischuns dal cor chattà en chors rumantschs da la bassa. En l'emissiun dad oz vulain perquai tadlar registraziuns da chors rumantschs e grischuns da Turitg, Berna, Lucerna, Son Gagl e Zug.

LArtg musical preschenta solistas e solists indigens. En emprima lingia è la Rumantschia il pajais da la musica en il collectiv, il pajais dals chors e da las societads da musica. E tuttina datti era tar nus ina bella retscha da Rumantschas e Rumantschs che tgiran u han tgirà il chant da solo, la part instrumentala da solo. LArtg musical preschenta intginas solistas ed intgins solists. En la part vocala udin nus: la giuvna sopranista Salome Cavegn, il bariton Gion Jäger, la sopranista Letizia Scherrer, il tenor Reto Canclini, la sopranista Sara-Bigna Janett ses bab, il bass-bariton Jachen Janett. En la part instrumentala: Flurina Sarott (violina), Domenic Janett (clarinetta), Gion Andrea Casanova (fagot) e Christian Cantieni (orgla).

InterpretAs indigenAs chantan e sunan ovras da Wolfgang A. Mozart. L'Artg musical porta ovras dad el interpretadas da chors, ensembles e da solistas e solists indigens. Nus udin: Filarmonia da chombra dal Grischun a Laax (dir. Clau Scherrer), Orchester Desertina a ZH/Enge (dir. Clau Scherrer), Risch Biert al clavazin, Josias Just e la Filarmonia da chombra dal Grischun a Cuira (dir. Andrea Kuratle), Cor baselgia da Müstair, Chor viril da Surses, Chor mischedau da Schlans. E lura Alvin Muoth, Letizia Scherrer e la Ligia Grischa ensemen cun la Süddeutsche Philharmonie da Konstanz a Mustér en la baselgia claustrala (dir. Gion Giusep Derungs) – duas parts da quel concert legendar dals 28-05-1995: In diesen heilgen Hallen (Zauberflöte) e la cantata Dir, Seele des Weltalls. Redacziun: Giusep G. Decurtins

Chors virils da vallada chantan Franz Schubert. El è stà mudregià da malsognas, ha vivì en la miseria e tuttina: sia musica è plain energia. Franz Schubert (1797-1828) – il classicher da la chanzun d'art e da la chanzun per chors – stat en il center da quest «Artg musical». Sia musica cunvegn era fitg bain a la moda e maniera da noss chantar. Quai demonstreschan ils trais gronds chors virils da vallada: Lumnezia, Ligia Grischa e Surses. Dad els udin nus enconuschentas chanzuns da Schubert ed er messas per part en rumantsch: Deletg da la natira, La pasturetta, Mumma da miu car Salvader, Serenada, Schubertiada. E lura chanta il Chor viril da Trun anc la Serasontga. Per ils intermezzis segna in dals gronds pianists, Alfred Brendel.

Dus terzs da tut ils Rumantschs e las Rumantschas vivan dador il territori tradiziunal rumantsch. Ina mesadad en vitgs tudestgs entaifer il chantun Grischun e tschella mesadad sparpagliada en tut la Svizra. Quai mussan las cifras las pli novas da l’Uffizi federal da statistica. Per ina minoritad linguistica èn quai dentant dapli che be in pèr cifras. Anzi, fatgs fatals. La statistica mussa numnadamain era, che la lingua minoritara va normalmain a perder il pli tard cun la segunda generaziun. Nus giain a la tschertga dals Rumantschs e da las Rumantschas giu en la Bassa e da lur nischas per il rumantsch en lur mintgadi tudestg. In «Cuntrasts» tranter provas da l’ultim chor viril rumantsch e l’unica canorta rumantscha dador il chantun Grischun, tranter studentas e terzos rumantschs giu en la Bassa.

Dus terzs da tut ils Rumantschs e las Rumantschas vivan dador il territori tradiziunal rumantsch. Ina mesadad en vitgs tudestgs entaifer il chantun Grischun e tschella mesadad sparpagliada en tut la Svizra. Quai mussan las cifras las pli novas da l’Uffizi federal da statistica. Per ina minoritad linguistica èn quai dentant dapli che be in pèr cifras. Anzi, fatgs fatals. La statistica mussa numnadamain era, che la lingua minoritara va normalmain a perder il pli tard cun la segunda generaziun. Nus giain a la tschertga dals Rumantschs e da las Rumantschas giu en la Bassa e da lur nischas per il rumantsch en lur mintgadi tudestg. In «Cuntrasts» tranter provas da l’ultim chor viril rumantsch e l’unica canorta rumantscha dador il chantun Grischun, tranter studentas e terzos rumantschs giu en la Bassa.

Dus terzs da tut ils Rumantschs e las Rumantschas vivan dador il territori tradiziunal rumantsch. Ina mesadad en vitgs tudestgs entaifer il chantun Grischun e tschella mesadad sparpagliada en tut la Svizra. Quai mussan las cifras las pli novas da l’Uffizi federal da statistica. Per ina minoritad linguistica èn quai dentant dapli che be in pèr cifras. Anzi, fatgs fatals. La statistica mussa numnadamain era, che la lingua minoritara va normalmain a perder il pli tard cun la segunda generaziun. Nus giain a la tschertga dals Rumantschs e da las Rumantschas giu en la Bassa e da lur nischas per il rumantsch en lur mintgadi tudestg. In «Cuntrasts» tranter provas da l’ultim chor viril rumantsch e l’unica canorta rumantscha dador il chantun Grischun, tranter studentas e terzos rumantschs giu en la Bassa.

Dus terzs da tut ils Rumantschs e las Rumantschas vivan dador il territori tradiziunal rumantsch. Ina mesadad en vitgs tudestgs entaifer il chantun Grischun e tschella mesadad sparpagliada en tut la Svizra. Quai mussan las cifras las pli novas da l’Uffizi federal da statistica. Per ina minoritad linguistica èn quai dentant dapli che be in pèr cifras. Anzi, fatgs fatals. La statistica mussa numnadamain era, che la lingua minoritara va normalmain a perder il pli tard cun la segunda generaziun. Nus giain a la tschertga dals Rumantschs e da las Rumantschas giu en la Bassa e da lur nischas per il rumantsch en lur mintgadi tudestg. In «Cuntrasts» tranter provas da l’ultim chor viril rumantsch e l’unica canorta rumantscha dador il chantun Grischun, tranter studentas e terzos rumantschs giu en la Bassa.