Podcasts about die da

Die DA doen 'n beroep op die minister van Sport, Kuns en Kultuur, Gayton McKenzie, om dringend Suid-Afrika se amptelike inskrywings vir die 2026 Oscar-toekennings te befonds. Die party sê privaat instellings soos MultiChoice en AFDA het reeds hul steun toegesê, terwyl die Stad Kaapstad en die Nasionale Film- en Videostigting hulle nou amptelik tot die veldtog verbind het. Leah Potgieter van die DA sê die stigting het 'n bydrae van 400 000 Suid-Afrikaanse rand bewillig en 'n versoek by die departement vir 'n bykomende 600 000 rand ingedien:

Die Forum for South Africa sê die huidige beleid oor swart ekonomiese bemagtiging het nie in sy ware doel geslaag nie. Die DA het verlede week sy Wetsontwerp oor Ekonomiese Insluiting vir Almal bekendgestel wat daarop gemik is om die land se huidige SEB-wette met ʼn inklusiewe verkrygingstelsel te vervang. Die forum se leier, Tebogo Mashilompane, sê SEB moes agtergeblewe burgers bemagtig, maar is nou ʼn manier waarop politici en hul bondgenote hulleself verryk:

Die DA in die Wes-Kaap het die onlangse aanranding van 'n graad 10-leerder van die Hoërskool Milnerton in Kaapstad ten sterkste afgekeur. Agt leerders wat volgens berigte betrokke was by die aanranding, wat op video vasgelê is, is geskors en wag op tugverhore. Elmarie Linde van die DA sê leerders wat afgeknou word, word aangemoedig om hul ouers, onderwysers en skoolhoofde daaroor in te lig:

Die DA sê die uitspraak teen Jacob Zuma oor sy regskoste wat deur die staat betaal word, is ʼn oorwinning vir Suid-Afrika en die beskerming van belastingbetalersgeld. Die Hooggeregshof in Pretoria het die oudpresident opdrag gegee om 28,9 miljoen Suid-Afrikaanse rand aan regskoste te betaal wat onregmatig deur die staat befonds is. Zuma moet die skuld binne 60 dae vereffen. Willie Aucamp van die DA sê die publiek moet ingelig bly oor die vordering om die fondse te herwin:

Die DA het sy verontwaardiging uitgespreek oor berigte dat 130 vlootrekrute by die SAS Saldanha-opleidingsbasis honger ly en swak akkommodasie het. Die DA se Nicholas Gotsell sê dit ontbloot diepgaande sistemiese mislukkings in die verdedigingsleierskap. Die rekrute het na bewering maande lank op die minimum rantsoene oorleef te midde van konstruksievertragings by die Simonstad-vlootbasis. Hy sê die DA sal dringende parlementêre vrae oor voorsiening, beplanning en begroting vir die betrokke rekrute indien:

Wir alle kennen dieses Gefühl: Du scrollst durch Social Media, siehst „die da“ – mit dem perfekten Körper, dem strahlenden Lächeln und scheinbar mühelosem Leben – und plötzlich fühlt sich dein eigener Fortschritt klein an. Aber was, wenn genau das der Punkt ist? In dieser Folge spreche ich über den wahren Preis der Vergleiche – und warum sie dich davon abhalten, deinen eigenen Weg zu sehen. Du erfährst, warum Perfektion eine Illusion ist, wie Vergleiche dich lähmen und wie du lernst, deinen Blick wieder auf dich selbst zu richten – ehrlich, humorvoll und mit einer ordentlichen Portion Klartext. Denn dein Körper ist kein Projekt und kein Wettbewerb, den du gewinnen musst. Er ist dein Zuhause – und es wird Zeit, dass du anfängst, dich darin wohlzufühlen. Ich zeige dir, wie du rauskommst aus dem ständigen „besser, schöner, mehr“ und rein in ein Leben, das sich echt anfühlt. Ohne Filter, ohne Vergleich, aber mit ganz viel Selbstrespekt und Willenskraft.

Der Podcast zum Tag der Deutschen Einheit.In dieser Folge geben Wolfgang Bosbach, Hans-Ulrich Jörges und Christian Rach Antworten auf diese drei Fragen:Warum sind wir immer noch nicht ein Volk?Ist Deutschland tatsächlich nicht mehr im Frieden?Warum verstehen die da oben die Probleme im Land so schlecht?Expertin im Gespräch:Katrin Göring-Eckardt, Grünen-Politikerin und Buchautorin „Deutschland, lass uns reden. Eine Reise durch die Seele der Republik“Aktionen und Rabatte unserer Werbepartner finden Sie hier:https://wonderl.ink/@diewochentesterHören Sie „Dreimal freie Meinung - Der Debatten Podcast“ und unsere Kolumnen „Der Politiktester“ und „Deutschland-Psychogramm“ werbefrei vorab in unserem Club. Infos dazu hier:https://steady.page/de/wochentester-club/aboutVermarktung: Wake Word Network und ARD MEDIADreimal freie Meinung. Der Debatten Podcast. Antworten auf die drei wichtigsten Fragen der Woche aus Politik, Wirtschaft und Gesellschaft. Vermarktung: Wake Word Network und ARD MEDIA. Hosted on Acast. See acast.com/privacy for more information.

Die DA verwelkom die positiewe tekens van ʼn omvattende handelsooreenkoms tussen Suid-Afrika en Amerika, en dat die Wet op Groei en Geleenthede in Afrika dalk vir ʼn jaar verleng word. President Cyril Ramaphosa het verlede maand ʼn onderhandelingspan na Amerika gestuur om ʼn verlaging in die 30-persent tariewe op uitvoere na Amerika te probeer bewerkstellig. Toby Chance van die DA sê hulle ondersteun die regering van nasionale eenheid en die privaat sektor se pogings om betrekkinge met die land se grootste handelsvennoot te herstel:

Die DA sê stygende infrastruktuurkoste, 'n beperkte en verouderde plaaslike regering inkomste-model, en bo-inflasie stygings in elektrisiteit en loon-insette het geweldige druk op munisipale begrotings geplaas. Leon van Wyk van die DA sê Wes-Kaapse munisipaliteite soos Drakenstein, Mosselbaai, Stellenbosch, Saldanhabaai, Overstrand en George het almal sterk finansiële prestasie getoon. Hy sê finansiële bestendigheid is nie 'n doel op sigself nie, maar die grondslag vir die uitbreiding van basiese dienste, die ondersteuning van beleggings en die beskerming van werksgeleenthede:

Die DA sê die Gautengse Gesondheidsdepartement moet dringende dissiplinêre stappe doen ná die Spesiale Ondersoekeenheid se tussentydse bevindings rondom korrupsie by die Tembisa-hospitaal. Die verslag het drie groot sindikate blootgelê wat meer as twee-miljard-rand geplunder het, insluitend kontrakte wat verbind word met president Cyril Ramaphosa se neef, Hangwani Morgan Maumela en Vusimusi “Cat” Matlala. Jack Bloom van die party waarsku die grootkoppe mag nie geregtigheid ontsnap nie:

Die DA-studente-organisasie het die Nasionale Finansiële Hulpskema vir Studente se volgehoue versuim om sy mees basiese verpligtinge teenoor Suid-Afrikaanse studente na te kom, sterk veroordeel. Andrea Martinez van DASO sê in April 2025 het die voormalige minister van Hoër Onderwys, Nobuhle Nkabane, 'n vier-persent-verhoging in studentetoelaes aangekondig. Sy sê maande later bly hierdie belofte onvervuld. Sy sê DASO doen 'n beroep op alle belanghebbendes om NSFAS aanspreeklik te hou vir sy beloftes:

Die DA het die mosie wat in die Mpumalanga Wetgewer goedgekeur is om die Kruger Mpumalanga Internasionale Lughawe en die Nasionale Krugerwildtuin te hernoem, as suiwer politieke vertoon verwerp en sê dit het geen regswaarde nie. Die mosie, wat deur die ANC, EFF en MK-partye ondersteun is, word beskryf as 'n growwe misverstand van die regsproses. DA-woordvoerder Willie Aucamp waarsku dat sulke stappe toerisme, poste, en die ekonomie bedreig. Hy het daarop gewys dat slegs die nasionale regering geografiese naamveranderings kan doen:

Die DA doen 'n beroep op die minister van Internasionale Betrekkinge en Samewerking, Ronald Lamola, om die afgradering van Taiwan se skakelkantoor in Pretoria om te keer. Die party sê Taiwan het uitvoere van sy halfgeleierskyfies na Suid-Afrika beperk, 'n stap wat die vervaardigingsektor, veral die motor- en inligtingstegnologiebedrywe, kan vernietig. Die DA-lid, Ryan Smith, waarsku hierdie besluit bedreig duisende werkgeleenthede en ondermyn ekonomiese groei:

Die DA het die Kommissaris van die Staatsdienskommissie, professor Somadoda Fikeni, skriftelik versoek om die minister van Hoër Onderwys en Opleiding, Buti Manamela, se aanstelling van drie nuwe administrateurs van die Sektor Onderwys en Opleidingsowerheid om te keer. Die aanstelling van Oupa Nkoane in die Konstruksie-Seta, Lehlogonolo Masoga in die Dienste-Seta en Zukile Mvalo in die Plaaslike Regering-Seta, het kritiek ontvang. Karabo Khakhau van die DA sê die drie is nie geskik vir die rol as Seta-administrateurs nie:

Die DA in Noordwes doen 'n beroep vir dringende optrede en sê riglyne oor olifantbestuur by die Madikwe-wildreservaat word blatant deur provinsiale owerhede verontagsaam. Dit volg na die Noordwes-parke- en toerismeraad en die provinsiale regering na bewering ses ononderhandelbare riglyne van die Parlement se portefeuljekomitee oor Bosbou, Visserye en Omgewing geïgnoreer het. Andrew de Blocq van die DA sê die speaker van die Nasionale Vergadering, Thandi Modise, moet ingryp:

Die DA veroordeel die Stad Ekurhuleni se onregmatige en ongrondwetlike poging om ʼn privaat eiendom sonder vergoeding te onteien. Volgens die drukgroep, Sakeliga, weier die metro om te betaal vir ʼn eiendom van 34-hektaar in Driefontein waarop hy in 2019 beslag gelê het vir ʼn behuisingsprojek. Op daardie tydstip is die eiendom gewaardeer teen minstens 30 miljoen Suid-Afrikaanse rand, met onafhanklike waarderings wat dit so hoog as 64 miljoen rand gestel het. Willie Aucamp van die DA sê hulle sal aanhou veg om privaat eiendom te beskerm:

Vrystaat Landbou vra opnuut dat die polisie aparte misdaadstatistiek oor plaasaanvalle en -moorde moet aanteken. Die DA se burgemeesterskandidaat vir Johannesburg, Helen Zille, deel haar toekomsplanne vir die Goudstad. Brittanje en Kanada erken die bestaan van 'n Palestynse staat.

Die DA-leier John Steenhuisen het die party se Federale Raadsvoorsitter, Helen Zille, as hul burgemeesterskandidaat vir Johannesburg in die 2026 Plaaslike Regeringsverkiesing aangekondig. Steenhuisen het in Soweto gesê Johannesburg is 'n stad van buitengewone mense wat deur swak politieke leierskap belemmer word. Steenhuisen het politici beskuldig dat hulle die stad se begroting wanbestuur en gesê die DA is die "muti" wat Johannesburg nodig het. Hy het kiesers aangespoor om nie hul stem te verdeel nie en gewaarsku dat dit die stad se agteruitgang sal verleng:

In Suid-Afrika gaan die DA die minister van sport, kuns en kultuur, Gayton McKenzie, in die parlement uitvra oor sy departement se mislukkings, soos wanbestuur en roekelose finansiële besluite. Die party sê kultuurfeeste en grondvlaksport het gely nadat 82 miljoen Suid-Afrikaanse rand van sportfederasies herlei is om video-assistent-skeidsregter-tegnologie in sokker te befonds. Die DA eis onder meer dat befondsing vir feeste herstel word. Woordvoerder Leah Potgieter het meer:

Die DA is bekommerd oor Suid-Afrika se kinderhongersnoodkrisis en sê dit is 'n landwye tragedie. Slegs in 2024 is 766 kinders onder vyf jaar aan wanvoeding-verwante oorsake in openbare hospitale in die land dood. Sedert Mei vanjaar is 45 kinders net in die Oos-Kaap alleen weens wanvoeding dood. Bridget Masango van die DA sê elkeen van die sterftes is 'n jong lewe wat kortgeknip is, en laat 'n familie na wat treur en 'n toekoms wat gesteel is:

Die regterlike kommissie van ondersoek na misdadigheid, politieke inmenging en korrupsie in die strafregstelsel onder die voorsitterskap van afgetrede Regter Mbuyiseli Madlanga, begin vandag met sy werk in Pretoria. Die DA-lid, Lisa Schickerling, sê die KwaZulu-Natalse provinsiale polisiekommissaris, Nhlanhla Mkhwanazi, het bewerings geopper oor politici wat by die polisie inmeng en die publiek se vertroue geskend het. Sy sê die Madlanga-kommissie moet politieke inmenging en misdadige infiltrasie sonder vrees of begunstiging blootlê:

Die DA in Johannesburg het 'n skriftelike versoek aan die burgemeester, Dada Morero, gerig om krane by die Poseidon Primary School in Ennerdale weer oop te draai. Dit volg nadat Johannesburg Water die watertoevoer na die skool afgesny het weens wanbetaling. Ouers van leerders sê hul kinders doen al meer as 'n maand infeksies op weens 'n gebrek aan water by die skool. Chris Avant-Smith van die DA sê leerders word gestraf vir die ANC-geleide koalisie se versuim om fondse vir infrastruktuuropgraderings toe te ken:

"Las Kellys" - von "las que limpian" - die, die den Schmutz wegmachen – so nennt sich die Bewegung von größtenteils eingewanderten Arbeiterinnen. Seit 10 Jahren gelingt es ihnen, Druck auf Spaniens Politik und die Gewerkschaften aufzubauen. Von Barbara Eisenmann www.deutschlandfunkkultur.de, Feature

Die DA doen ʼn beroep op die regering om ʼn Kuber-kommissaris aan te stel terwyl kunsmatige-intelligensie-gedrewe slenters en digitale bankbedrog toeneem. Volgens die Suid-Afrikaanse Bankrisiko-inligtingsentrum het die aantal digitale bankbedrogsake tussen 2023 en 2024 verdubbel, met finansiële verliese wat van 1 miljard- tot 1,4 miljard Suid-Afrikaanse rand toegeneem het. Glynnis Breytenbach van die DA sê Suid-Afrikaners verdien veiliger digitale ruimtes en beter beskerming teen kubermisdaad:

Die DA in die Wes-Kaap het die aankondiging deur die LUR vir Landbou, Ekonomiese Ontwikkeling en Toerisme, Ivan Meyer, verwelkom dat die provinsiale regering, Wesgro en sy bedryfsvennote stappe doen om boere onder druk te ondersteun en werksgeleenthede te beskerm. Die DA se Noko Masipa sê dit volg die 30-persent-tarief op Suid-Afrikaanse landbou-uitvoere na die Verenigde State. Hy sê duisende se lewensbestaan in die Wes-Kaap is afhanklik van bestendige en groeiende uitvoermarkte:

Die DA sê die Mededingingskommissie se verslag oor lewenskoste bevestig die ANC het sedert 2020 'n mislukte elektrisiteitsbeleid gedryf met pryse wat met 68 persent opgegaan het, meer as dubbeld dié van inflasie. Die party voer aan gesinne word gedwing om tussen kos en elektrisiteit te kies. Die DA-lid, Kevin Mileham, vra vir 'n nuwe prysbeleid, 'n einde aan Eskom se monopolie, en volle aanspreeklikheid vir regulatoriese mislukkings, insluitend die energiereguleerder Nersa se onlangse foutiewe berekening van 54 miljard rand:

Die DA in Gauteng sê die gesondheidsdepartement het duisende sakeondernemings in gevaar gestel deur sy onvermoë om fakture van meer as 5,1 miljard rand binne die vasgestelde 30 dae te betaal. Die departement het in die eerste kwartaal van die 2025/2026-boekjaar 1,621 miljard rand binne die vasgestelde 30 dae betaal en 2,447 miljard rand ná 30 dae. Madeleine Hicklin van die DA sê 2,663 miljard rand was vir ʼn tydperk van meer as 30 dae steeds nie betaal nie:

Die DA in die Wes-Kaap dring aan op dringende optrede terwyl kindermoorde steeds toeneem in die provinsie. Volgens die party het 557 kinders tussen 2022 en verlede jaar hul lewens verloor weens geweldsmisdaad, met 197 wat net verlede jaar vermoor is. Gebiede wat die hardste getref word, sluit in Kraaifontein, Philippi-Oos, Delft, Nyanga en Mfuleni. Wendy Kaizer-Philander van die DA bepleit sterker wetstoepassing, verbeterde maatskaplike dienste, voorkoming van bende-bedrywighede en 'n doeltreffender regstelsel om kinders te beskerm:

Die DA vra die Tesourie om dringend 'n finansiële herstelplan vir die Ditsobotla-munisipaliteit in Noordwes op te stel. Debtbusters sê verbruikers steun toenemend op skuld om te oorleef. Is 'n leierskapskrisis by die Nasionale Vervolgingsgesag op hande?

Die DA in die Wes-Kaap doen 'n beroep op die Nasionale Tesourie om die omvattende landbou-ondersteuningsprogram voor die plantseisoen te hersien. Die party sê die huidige skedule vyf-klassifisering dwing boere om 'n jaar vooruit aansoek te doen vir befondsing, wat tydige ondersteuning onmoontlik maak. Noko Masipa van die DA waarsku dat sonder veranderinge landboutransformasie in gevaar is en boerderygroei daaronder kan ly:

Die DA eis ʼn onmiddellike, dringende en volledige opknapping van alle installasies by die Suid-Afrikaanse Weermag se militêre basisse. Dit volg ná die onlangse diefstal van ammunisie by die Bloemspruit-lugmagbasies in die Vrystaat. Die party sê die minister van Verdediging, Angie Motshekga, en die SANW moet voor die parlement verskyn en ʼn befondste herstelplan vir basiese sekerheid voorlê. Chris Hattingh van die DA sê volgehoue kabeldiefstal by militêre basisse het regstreekse sekerheidsimplikasies:

Die DA verwelkom die minister van Basiese Onderwys, Siviwe Gwarube, se inwerkingstelling van die Nasionale Onderwys- en Opleidingsraad. Die DA-lid, Nazley Sharif, sê die raad is in 2009 gestig en sal die departement as 'n raadgewende liggaam oor basiese onderwysbeleids-aangeleenthede dien. Sy sê dit is die eerste keer dat die raad sy plek sal inneem om die minister oor verskeie beleidskwessies te adviseer:

Die DA in Limpopo sê onwettige sandmynbou langs die Sandrivier benadeel die omgewing, die watergehalte en boere se lewensbestaan. Boere en landelike gemeenskappe ondervind ernstige probleme met besproeiing en toegang tot water. Die party sê dit lyk asof baie bedrywighede die behoorlike openbare deelnameprosesse omseil het. Die DA-lid, Jacques Smalle, belowe om dringende optrede aan te moedig om die rivier en omliggende ekostelsels te beskerm:

Die DA sê armes en kwesbares kan nie langer deur Sassa onwaardig behandel word terwyl die agentskap eintlik maatskaplike beskerming moet bied nie. ʼn Groep pensioenarisse en hulle ondersteuners het na die Parlement opgeruk oor Sassa se probleme wat onbetaalde toelaes en lang toue insluit. Alexandra Abrahams van die DA sê hulle wil die pensioenarisse se griewe oordra aan die minister van Maatskaplike Ontwikkeling, Nokuzola Tolashe, Sassa se uitvoerende hoof, Themba Matlou, en die Parlement:

Die DA maan die minister van Handel, Nywerheid en Mededinging, Parks Tau, om dringend ʼn nuwe voorsitter vir die Nasionale Loterykommissie aan te stel. Dit volg na die bedanking van Barney Pityana. ʼn DA-woordvoerder, Toby Chance, sê die minister moenie sy voorganger, Ebrahim Patel wat 18 maande gevat het om die gewese voorsitter, Alfred Nevhutanda, te vervang, se fout herhaal nie. Hy sê Pityana moet erkenning kry omdat hy die proses begin het om die Loterykommissie te suiwer:

Deutschland betreibt eine Umverteilung von unten nach oben – gesetzlich verankert und ideologisch abgesichert. Unter Kanzler Merz, der von „Leistung“ schwadroniert, zahlen die größten Profiteure kaum Steuern, während für Panzer munter neue Kredite aufgenommen werden. Das ist kein Widerspruch, sondern Absicht: Der Arbeitsmarkt ist zum Instrument sozialer Kontrolle verkommen. Von Detlef Koch. Dieser Beitrag istWeiterlesen

Die DA het belowe om vroue en meisies in Komani, Oos-Kaap, te beskerm, waar geslagsgeweldsyfers die hoogte inskiet. Die leier van die DA se Enoch Mgijima-kiesafdeling, Chantel King, het op 'n Vrouedag-betoging gesê die dorp het te kampe met 'n noodtoestand, met 158 verkragtings wat binne 'n jaar aangemeld is. Sy het dringende polisie-ondersteuning, gemeenskapsbewusmaking oor alkoholmisbruik en verbeterde straatbeligting gevra om die krisis aan te pak en blywende verandering te verseker:

Die DA vra 'n dringende ondersoek om vas te stel wat van die verlore 813 miljoen Suid-Afrikaanse rand geword het wat vir die soldate van die Suid-Afrikaanse Nasionale Weermag in die Demokratiese Republiek die Kongo bedoel was. Nicholas Gotsell van die DA sê die voorsitter van die Parlement se gesamentlike staande komitee oor Verdediging, Malusi Gigaba, het sy belofte verbreek om antwoorde te kry by die minister van Verdediging en Militêre Veterane, Angie Motshekga, en verhoed nou die komitee om te vergader:

Die DA sê Wesgro se rol in handelsbevordering is van kardinale belang, aangesien Suid-Afrika nuwe wêreldwye handelsdruk in die gesig staar. In die afgelope jaar het Wesgro 15 miljard Suid-Afrikaanse rand in nuwe beleggings bekom en het gehelp met 5 miljard rand in uitvoere. Noko Masipa van die DA sê die agentskap het ook 75 handelsendings gelei en met 48 lande gesprekke gevoer om toegang tot markte te verkry:

Die DA sê die Departement van Verdediging het byna 34 miljoen Suid-Afrikaanse rand gemors op 'n luukse huurvlug na Kuba om 'n gradeplegtigheid van die Suid-Afrikaanse Nasionale Weermag by te woon wat geen operasionele waarde ingehou het nie. Die vlug het meer as 200 personeellede ingesluit, met minstens 25 generaals wat besigheidsklas gevlieg het, soos konings geëet het en luukse geriewe gehad het, terwyl duikbote steeds gehok is, soldate sonder basiese toerusting sukkel, en verskaffers nie betaal word nie. Die DA-lid, Chris Hattingh, doen 'n beroep op die Openbare Beskermer om die verkwistende uitgawes te ondersoek:

Die DA sê die ANC se mislukking om 'n sterk handelsooreenkoms met die VSA te sluit het Suid-Afrikaanse uitvoerders blootgestel aan skadelike nuwe tariewe. Die party blameer die minister van Handel, Nywerheid en Mededinging, Parks Tau en die minister van Internasionale Betrekkinge en Samewerking, Ronald Lamola dat hulle nie vroeër opgetree het nie, met besighede wat nou 30-persent tariewe in die gesig staar terwyl buurlande slegs 15-persent betaal. Ryan Smith van die DA doen 'n beroep op dringende hervormings om burokrasie te verminder:

Die DA in Gauteng sê hy is bekommerd dat groepe wat teen migrante gekant is soos Operasie Dudula en March and March toenemend beheer verkry oor verskeie hospitale en klinieke in die provinsie. Die party sê dit is onwettig en plaaslike sekerheidswagte, misdaadbewaarders en polisie moet ingryp. Jack Bloom van die DA sê hy is by ‘n kliniek in die ooste van Johannesburg voorgekeer deur sogenaamde gemeenskapsaktiviste en vir sy ID gevra:

Die DA het alarm gemaak oor die voortgesette ineenstorting van die Stad Johannesburg en waarsku daar is min verbeterings aangebring voor die G20-beraad in November. Die party sê inwoners worstel steeds met droë krane, gevaarlike strate en mislukte infrastruktuur, sonder sigbare bewyse van die sogenaamde “bomb squad” en die presidensiële werkgroep. Die DA-lid, Solly Msimanga, sê die stad kan nie vertragings of geheimsinnige besteding bekostig terwyl basiese dienste steeds nie gelewer word nie:

Wüllenkemperr, Cornelius www.deutschlandfunk.de, Büchermarkt

Die DA sê spesialis-skole in Gauteng, wat onderrig moet gee in hoëtegnologie-vakke soos lugvaart en kernwetenskap, is nie aan die internet gekoppel nie. Die LUR vir Onderwys, Matome Chiloane, het bevestig nie een van die skole is gekoppel aan die provinsiale breëbandnetwerk nie. Die DA-lid, Michael Waters, sê dit is 'n krisis, veral met die skole wat begrotingsbesnoeiings van 82-persent in die gesig staar. Waters het die regering aangespoor om hande te vat met die privaat sektor om skole aanlyn te kry:

Die DA in Gauteng is bekommerd omdat 7 743 pasiënte verlede jaar hospitaalverworwe besmettings opgedoen het, insluitend talle antibiotika-weerstandige toestande wat moeilik behandelbaar en lewensgevaarlik kan wees. Dié toestand ontwikkel tydens 'n pasiënt se verblyf in 'n hospitaal. Jack Bloom van die DA sê die Gautengse Gesondheidsdepartement skryf die situasie toe aan personeeltekorte, oorbevolking en onvoldoende geriewe vir handhigiëne:

Die DA-leier John Steenhuisen sê nou dat die begroting aanvaar is, moet die fokus verskuif na dienslewering en die vinnige instelling van noodsaaklike hervormings om ekonomiese groei te ontsluit en werk te skep. Die party het ten gunste van die Toedelingswetsontwerp gestem wat in die parlement bekragtig is. Steenhuisen sê die DA het ʼn belangrike rol gespeel om die begroting te vorm en sê hy het die ANC se voorgestelde BTW-verhoging van 2 persent gekeer:

Die DA eis dat die hoofsweep van die Stad Johannesburg, Sithembiso Zungu, onmiddellik bedank hangende 'n interne ondersoek na bewerings dat hy bande met die stad se konstruksiemafia het. Die party sê Zungu word betrek by die oponthoud met 'n opknappingsprojek van 135 miljoen Suid-Afrikaanse rand by 'n skool. Hy het skynbaar fasiliteringsfooie daarvoor geëis. Christ Avant-Smith van die DA sê die raad se speaker, Margarete Arnolds, moet vinnig optree om korrupsie te bekamp:

Die DA sê ten spyte van inhegtenisnemings gaan die ongebreidelde stroping van boslelie- en vetplantspesies voort. Verlede week is vier buitelanders tot 15-jaar tronkstraf elk gevonnis nadat hulle 303 plante van die ernstig bedreigde Clivia mirabilis in die Namakwa-streek gesteel het. Andrew de Blocq van die DA sê talle bedreigde en ernstig bedreigde plantspesies, insluitend agt Conophytum-spesies, het reeds in die natuur uitgesterf weens stroping en die onwettige handel in skaars plante:

Die DA kritiseer die SAPD dat hy sy honde-eenheid eenkant toe geskuif het terwyl bende- en dwelmgeweld op die Kaapse Vlakte vererger. Nicholas Gotsell van die DA het onthul daar is slegs een aktiewe dwelmsnuffelhond in Kaapstad, met ses medies-gekeurde honde wat op opleiding wag, maar met geen opleidingskursusse wat beplan word nie. Hy sê die party dring aan op dringende optrede deur die Provinsiale polisiekomissaris, Thembisile Patekile, om honde te ontplooi en om hulle misdaadbekampingsvermoëns te prioritiseer: