POPULARITY
499 episodes with die da
93 episodes with die da
85 episodes with die da
3 episodes with die da
2 episodes with die da
16 episodes with die da
11 episodes with die da
3 episodes with die da
2 episodes with die da
Die landbou-organisasie, TLU SA, sê die vervanging van die minister van Landbou, John Steenhuisen, sal nie die bek-en-klouseer-krisis in die land oplos nie. Die DA-leier Geordin Hill-Lewis het president Cyril Ramaphosa gevra om Steenhuisen uit sy pos te verwyder en met die huidige minister van Bosbou, Visserye en die Omgewing, Willie Aucamp, te vervang. TLU SA se president, Bennie van Zyl, sê die regering moet sy gesentraliseerde inenting- en verkrygingsbeleid verander en die privaat sektor toelaat om hierdie BKS-krisis oor te neem:
Die DA sê die parlement se ampsklagkomitee het nie die regsgesag om president Cyril Ramaphosa se hofaansoek om die skrapping van die ampsklagproses te betwis nie, net die speaker van die Nasionale Vergadering. Die parlement se Grondwetlike en Regsdienstekantoor beveel aan die aansoek moet teengestaan word. Die DA-parlementslid Glynnis Breytenbach sê die speaker moet hofstukke teen die interdik-aansoek indien voor vandag se sperdatum. Sy beklemtoon enige vertragings kan die parlement se grondwetlike verantwoordelikhede ondermyn:
Die DA sê 56-persent van die land se polisiestasies kan nie per telefoon bereik word nie. 'n Landwye oudit het bevind 571 uit meer as 1 000 polisiestasies het nie hul gelyste amptelike nommers beantwoord nie. Limpopo het die swakste reaksiekoers getoon, gevolg deur die Vrystaat. Die DA-lid, Ian Cameron, sê die bevindings beklemtoon voortdurende uitdagings in die polisiediens, insluitend personeeltekorte, verouderde tegnologie en kommunikasieprobleme:
Die DA in Gauteng sê talle gemeenskappe loop steeds deur onder ʼn kommerwekkende toename in ernstige misdaad, ondanks ʼn algemene afname in sekere belangrike kategorieë in die vierde kwartaal van die huidige boekjaar. Dit sluit in ontvoering, vragmotorkapings, voertuig-verwante misdaad en seksuele oortredings. Woordvoerder Crezane Bosch sê premier Panyaza Lesufi moet met die waarnemende minister van Polisie, Firoz Cachalia, beraadslaag om intelligensie-geleide operasies te verskerp om ontvoering- en vragmotorkaping-sindikate te ontbloot:
Die DA-leier, Geordin Hill-Lewis, doen ʼn beroep op alle jongmense om te registreer en ʼn Suid-Afrika te bou wat vir almal werk. Hy het gister die party se Rock the Registration Jeugdag-saamtrek in Durban, KwaZulu-Natal, toegespreek. Die Verkiesingskommissie bied die naweek geleentheid om as kiesers te registreer as voorbereiding vir die munisipale verkiesing in November. Hill-Lewis sê jongmense het voorheen die land van koers laat verander en daardie gees is vandag weer nodig:
Die DA-leier, Geordin Hill-Lewis, het John Steenhuisen verwyder as minister van Landbou ná 'n hersiening van die party se span in die regering van nasionale eenheid. Steenhuisen neem oor as adjunkminister van Handel, Nywerheid en Mededinging in die plek van Alexandra Abrahams. Die huidige minister van Bosbou, Visserye en die Omgewing, Willie Aucamp, volg Steenhuisen op en David Maynier sal vir Aucamp vervang. Yusuf Cassim is nou die adjunkminister van Hoër Onderwys, en Jack Bloom die adjunkminister van Water en Sanitasie. Hill-Lewis sê die veranderings was nodig:
Die DA het die vennote in die regering van nasionale eenheid versoek om saam te werk aan gekoördineerde stappe om wetstoepassing te versterk, grensbeheer te verbeter en verdere geweld te voorkom. Glynnis Breytenbach van die party sê die parlement se veiligheidsgroeperings moet dringend 'n gesamentlike sitting byeen roep om te reageer op groeiende kommer oor aanvalle op buitelandse burgers en gemeenskapsonrus. Breytenbach het bygevoeg verenigde reaksie deur die regering is nodig om gemeenskappe te beskerm en wet en orde te handhaaf:
Die DA-leier en burgemeesterskandidaat vir Kaapstad, Geordin Hill-Lewis, sê die Stad Kaapstad beplan om sy eie Metropolisie-speureenheid te stig om misdaadbestrydingpogings te versterk. Tydens die bekendstelling van sy herverkiesingsveldtog het Hill-Lewis gesê baie gemeenskappe word in die steek gelaat weens te min hulpbronne, swak leierskap en korrupsie. Hy sê die voorgestelde eenheid sal sake onafhanklik ondersoek en help om suksesvolle skuldigbevindings van misdadigers te verseker:
Die DA sê duisende tienerswangerskappe beklemtoon 'n ernstige ineenstorting in die regering se stelsel vir die aanmelding en vervolging van seksuele misbruik van kinders. Die party het 'n klag by die Suid-Afrikaanse Menseregtekommissie ingedien omdat baie gevalle van statutêre verkragting nie soos deur die wet vereis, behoorlik aangemeld word nie. Angel Khanyile sê dié versuim beteken baie misbruikers word nie ondersoek of vervolg nie, wat kwesbare kinders onbeskermd laat:
12 Junie 2026: Die teenmisdaad-aktivis, Yusuf Abramjee, sê hy gaan voort met sy werk ongeag dreigemente wat teen hom gemaak is. Die DA dien 'n dossier oor kinderswangerskappe by die Menseregtekommissie in. Daar is 'n sterk aanduiding vanuit Iran dat 'n voorlopige ooreenkoms bereik is om die oorlog te beëindig.
Die DA in die Wes-Kaap vra 'n hersiening van polisie-ontplooiingsstrategieë ná die noodlottige skietery van drie mans in Philippi-Oos. Die party voer aan die polisie se padversperrings en deur-tot-deur-operasies is ondoeltreffend sonder betroubare misdaadintelligensie en behoorlike samewerking. Die DA-lid, Benedicta van Minnen, sê polisie-operasies teiken dikwels nie misdaadnetwerke nie en ontwrig nie bende-bedrywighede nie, ten spyte van hulpbronne wat reeds oorbelas is:
Die DA sê hy bly diep bekommerd dat die nasionale krisis van kinderswangerskappe en statutêre verkragting nie deur die regte persone in die regering aangespreek word nie. Angel Khanyile van die party sê statistiek wat die afgelope week in die Parlement voorgelê is, toon dat 1 900 sake van statutêre verkragting sedert 2021 deur die polisie en aanklaers laat vaar is. Sy sê die party sal nie aanvaar dat jong meisies in stilte verkrag en seksueel mishandel word nie:
22 Mei 2026: Die DA eis akkurate misdaadstatistiek oor kinder- en geslagsgeweld. Die Menseregtekommissie sê die gebruik van watertenkwaens deur Gautengse munisipaliteite het 'n skaamtelose vorm van finansiële wanbestuur geword. Die ontwrigting van 'n gesamentlike sitting van die parlement, kos belastingbetalers bykans 'n miljoen rand.
Die DA is onthuts oor die ineenstorting van 'n beplande parlementêre portefeuljekomiteevergadering by die Nasionale Finansiële Hulpskema vir Studente, waar die minister van Hoër Onderwys, Buti Manamela, die parlement sou inlig oor Nsfas se plasing onder administrasie. Die vergadering kon nie voortgaan nie omdat die departement en Nsfas nie die vereiste aanbiedings ingedien het nie. DA-woordvoerder Delmaine Christian sê dit weerspieël 'n toenemende krisis in bestuur en verantwoordbaarheid:
Die DA in die Wes-Kaap doen 'n beroep op gemeenskappe om waaksaam te bly en misdadigheid by skole aan te meld. Dit volg na 'n toename in vandalisme en diefstal by skole regoor die provinsie, insluitend 'n onlangse inbraak by Sir Lowry's Pass Laerskool, waar die diefstal van toerusting en ander skade van nagenoeg 72 000 Suid-Afrikaanse rand aangerig is. Peter Johnson van die DA sê herhaalde voorvalle kos skole honderde-duisende-rand en ontwrig onderrig en leer:
Die DA in Gauteng sê meer as 3 000 operasies is sedert Januarie verlede jaar by die Charlotte Maxeke Akademiese Hospitaal in Johannesburg gekanselleer. Volgens die party is een uit elke vier geskeduleerde operasies afgelas, wat pasiënte met lang vertragings en groeiende agterstande laat. Jack Bloom van die DA sê Ortopediese dienste het die grootste agterstand, met meer as 1 000 pasiënte wat tot 18 maande wag, terwyl byna 500 kinders ook steeds op die waglys is:
Tag 3 der re:publica bricht an. Wir haben uns deswegen Flo Gregorzyk geschnappt, der Angela Merkel interviewt hat, spekulieren, was Friedrich Merz möchten könnte und schauen auf das Ende des Verfahrens zwischen Musk und OpenAI - oder ist das erst der Anfang? ➡️ Angela Merkel im Interview mit Florian Gregorzyk und Carolin Bredendiek: https://www1.wdr.de/politik/merkel-0630-interview-100.html ➡️ Mit der "Haken Dran"-Community ins Gespräch kommen könnt ihr am besten im Discord: http://hakendran.org
Die DA sê toegewyde howe is nodig om omgewingsmisdaadsake in die Wes-Kaap te behartig. Die party beweer die omvang van biodiversiteitsmisdaad het 'n gespesialiseerde benadering in die regstelsel nodig om sterker vervolging te verseker. Meer as 2 miljoen gestroopte inheemse plante en miljoene sade is sedert 2018 gekonfiskeer. Dave Bryant van die DA glo gespesialiseerde howe sal skuldigbevindingsyfers verbeter en help om georganiseerde misdaadsindikate te teiken wat vir die onwettige handel verantwoordelik is:
Die DA sê die minister van landbou, John Steenhuisen, se begrotingsrede weerspieël sterk landbouwinste, onder meer dat Suid-Afrika die wêreld se voorste sitrusuitvoerder geword en Spanje verbygesteek het. DA-woordvoerder Beyers Smit sê uitvoere het 2,9 miljoen ton in 2025 bereik. Die sektor het ook 268,7 miljard Suid-Afrikaanse rand in uitvoerverdienste aangeteken en ondersteun byna 950 000 werksgeleenthede. Hy sê die regering het die invoer van bek-en-klouseer-entstof versnel en marktoegang uitgebrei, ook in China, wat uitvoere, belegging en landelike werksgeleenthede 'n hupstoot gegee het:
Die DA het Glynnis Breytenbach as sy nuwe hoofsweep in die Nasionale Vergadering aangestel. Die party sê sy beskik oor 12-jaar se parlementêre ervaring en dekades se ervaring as senior staatsaanklaer. Breytenbach sal saam met die adjunkhoofsweep, Baxolile Nodada, werk. Die DA se parlementêre leier, George Michalakis, sê Breytenbach sal toesig hou oor die party se parlementêre prosedures en as een van sy hoofonderhandelaars in die regering van nasionale eenheid dien:
Die DA sê president Cyril Ramaphosa het die regte ding gedoen om die minister van Maatskaplike Ontwikkeling, Sisisi Tolashe, af te dank omdat haar posisie in die Kabinet onverdedigbaar was. Sy het versuim om twee luukse Chinese voertuie te verklaar wat laat in 2023 aan die ANC-vroueliga geskenk is. Tolashe word ook beskuldig dat sy die onregmatige aanstelling van haar personeelhoof en gewese direkteur-generaal toegelaat het, en personeel wat deur die staat betaal word, misbruik het. DA-leier Geordin Hill-Lewis sê Suid-Afrikaners verdien ʼn bevoegde en geloofwaardige minister:
Die DA in Gauteng sê premier Panyaza Lesufi se werkverskaffings-projekte misluk, aangesien die werkloosheidsyfer met 1,1-persent tot 34,1-persent gestyg het vanaf die vierde kwartaal van verlede jaar. Die jongste arbeidsmagopname vir die eerste kwartaal van vanjaar toon die provinsie is 67-duisend werksgeleenthede kwyt. Die DA-lid, Mike Moriarty, sê beleggers trek weg uit die provinsie weens die regering se mislukking om misdaad, infrastruktuurmislukkings en diensleweringskrisisse aan te pak:
Die DA sê president Cyril Ramaphosa se besluit om die Artikel 89-verslag oor die Phala Phala-saak op hersiening te neem, moenie gebruik word om die Parlement se werk te vertraag nie. Die Konstitusionele Hof het bevind die Parlement het in Desember 2022 irrasioneel opgetree toe hy gekeer het dat die president se optrede na ʼn ampsklagkomitee verwys word. Die DA-leier Geordin Hill-Lewis sê Ramaphosa moet enige hersieningsaansoek spoedig indien:
Die DA verwelkom die aankondiging van 'n nuwe leningsooreenkoms ter waarde van 5,8-miljard Suid-Afrikaanse rand tussen die Franse Ontwikkelingsagentskap en Transnet om die koolstofuitstralings van die spoor- en hawewerksaamhede te verminder. Andrew de Blocq van die party sê Frankryk is Suid-Afrika se grootste buitelandse belegger. Hy sê hierdie fondse sal gebruik word om oor te skakel na 'n lae-koolstof-bedryfsmodel en om operasionele doeltreffendheid vir die vragbedryf te verseker, wat op sy beurt die koolstofvoetspoor kleiner sal maak:
Die DA sal vandag sy Wetsontwerp op Ekonomiese Insluiting vir Almal in die Parlement voorlê. Die party se beleidshoof, Mat Cuthbert, sê Swart Ekonomiese Bemagtiging het na 30 jaar misluk om breë insluiting te lewer, en bevoordeel 'n klein elite terwyl miljoene steeds uitgesluit is. Hy sê die Wetsontwerp vervang rasgebaseerde reëls met 'n uitkomsgedrewe stelsel wat fokus op werksgeleenthede, belegging, vaardighede en kleinsakegroei, en versterk aanspreeklikheid:
Die DA se burgemeesterskandidaat in Johannesburg, Helen Zille, sê die Stad het belangrike munisipale finansiële wette oortree en herhaalde waarskuwings deur die Nasionale Tesourie geïgnoreer. In 'n media-inligtingsessie het Zille gesê 'n brief van die minister van Finansies, Enoch Godongwana, het verskeie oortredings uiteengesit, insluitend die goedkeuring van 'n onbefondsde begroting en die versuim om onreëlmatige en verkwistende besteding te voorkom. Sy waarsku hierdie oortredings kan die stad se finansiële krisis vererger en verdere ingryping deur Tesourie tot gevolg hê:
Die DA sê EFF-leier Julius Malema se opmerkings na vonnisoplegging hou die gevaar in om die publiek se vertroue in die regbank te ondermyn. Die party sê Malema se beskrywing van landdros Twanet Olivier in die KuGompo City-hof as 'n rassis, is 'n ongegronde bewering wat vertroue in die regstelsel kan ondermyn. DA-woordvoerder Glynnis Breytenbach sê openbare aanvalle op regs-amptenare is roekeloos en bedreig die oppergesag van die reg:
Die DA in Gauteng het 'n mosie in die Gautengse provinsiale wetgewer ter tafel gelê om die uitwerking van bek-en-klouseer op boere en voedselsekerheid te bespreek. Die DA-woordvoerder, Bronwynn Engelbrecht, eis 'n duidelike inentingsplan en 'n openbare inligtingspaneelbord om gevalle op te spoor. Die mosie versoek ook die LUR, Vuyiswa Ramakopga, om deursigtigheid verbeter. Engelbrecht is aan die woord:
Die DA sê Roelf Meyer se aanstelling as Suid-Afrika se ambassadeur in Amerika is ʼn goeie keuse, gegewe die behoefte aan ervare diplomasie om die gespanne verhouding tussen die twee lande te herstel. Die 78-jarige ervare onderhandelaar volg Ebrahim Rasool op, wat verlede jaar uit Amerika geskop is. Ryan Smith van die DA sê Meyer se sukses kan en sal slegs gemeet word aan sy vermoë om deur verskeie diplomatieke dooiepunte te breek wat onder die Trump-administrasie in Washington bestaan:
Die DA sê inwoners van Gauteng leef in vrees met geweldsmisdaad wat steeds in die provinsie toeneem. Volgens die party weerspieël onlangse skietvoorvalle en ander gewelddadige voorvalle in verskeie gebiede, insluitend Johannesburg, Westbury, Soweto en Boksburg, 'n ineenstorting van wet en orde. Michael Sun van die DA sê gemeenskappe word geraak deur verbyry-skietvoorvalle, ontvoerings en georganiseerde misdaadbedrywighede. Sun beskuldig die provinsiale regering daarvan dat hulle nie behoorlike oplossings bied nie:
Die DA vra gemeenskappe om die Departement van Water en Sanitasie se damregulasies teen te staan en sê dit bedreig inwoners wat langs damme woon se ekonomiese voortbestaan. Die regulasies stel strenger beheermaatreëls in rondom toegang tot staatsdamme en ander waterwerke. DA-woordvoerder Igor Scheurkogel sê indien die regulasies in werking tree, sal alle ondernemings langs damme 'n privaat-openbare vennootskap moet teken:
Die DA se nuwe federale leier, Geordin Hill-Lewis, wil hê dié party moet die nasionale regering teen 2029 regeer. Sommige politieke partye eis die president se kop nadat die OPOD-verslag bekendgemaak is oor die diefstal op sy Phala Phala-plaas. Sakeliga nader weer die Konstitusionele Hof oor die regering se indiensnemingsteikens.
Die drukgroep, DignitySA, nader die hof oor die grondwetlikheid van wetgewing wat mediese bystanddood kriminaliseer. 'n Vurige debat woed oor die voorgestelde wysigings aan die geskiedeniskurrikulum vir openbare skole. Die DA wil sy federale kongres gebruik om beleid oor regeerkunde en dienslewering te verfyn.
Die DA het teenstrydighede in skoolveiligheidsmaatreëls in Gauteng gekritiseer en waarsku dat sommige hoërisiko-skole minder patrolleerders het as laerisiko-skole. Dit volg nadat die LUR vir Onderwys, Matome Chiloane, bevestig het dat 34 skole nie aan veiligheidsregulasies voldoen nie. Sergio Isa Dos Santos van die party sê dit wek ernstige kommer oor hoe hulpbronne toegeken word en of leerderveiligheid behoorlike voorkeur kry:
Die DA slaan vure dood oor salarisaanvullings wat die party aan sekere leiers betaal. Afriforum en die ANC se sekretarisgeneraal is in ‘n reuse stryd gewikkel oor die sogenaamde Mbalula dossier en moontlike vervolging. Die oorlog in die Midde-Ooste kan die invoer van bek-en-klouseerentstof vertraag. Die Reserwebank se besluit oor rentekoerse sal deur hoë oliepryse beïnvloed word.
Die DA in die Vrystaat verwelkom die Hooggeregshof in Bloemfontein se uitspraak oor die finale verbeurdverklaring van ses luukse eiendomme en ʼn Mercedes-Benz-voertuig met ʼn totale waarde van 32 miljoen Suid-Afrikaanse rand in Gauteng, die Vrystaat en Noordwes. Roy Jankielsohn van die DA sê die hof het bevind hierdie bates is bekom deur bedrieglike aktiwiteite soos bedrog, korrupsie en geldwassery wat verband hou met die asbesdak-skandaal van 255 miljoen rand:
Die DA in Gauteng het premier Panyaza Lesufi versoek om dissiplinêre stappe te versnel teen die geskorste hoof van die departement van Gesondheid, Lesiba Malotana, oor 'n beweerde verband met onreëlmatige kontrakte vir die Tembisa-hospitaal. Jack Bloom van die DA sê bevindings deur die LUR vir Gesondheid, Nomantu Nkomo-Ralehoko, dui op ernstige kommer oor korrupsie en hy vra verantwoordbaarheid en dringende hervormings in die gesondheidstelsel:
Die DA vra die minister van Minerale en Petroleum-hulpbronne, Gwede Mantashe, om deursigtig te wees oor Suid-Afrika se brandstofreserwes. Hy het die land Maandag verseker dat daar nie paniek hoef te wees oor moontlike brandstoftekorte weens die konflik in die Midde-Ooste nie. James Lorimer van die DA sê volgens wet moet daar te alle tye twee maande se voorraad in reserwe wees:Die DA vra die minister van Minerale en Petroleum-hulpbronne, Gwede Mantashe, om deursigtig te wees oor Suid-Afrika se brandstofreserwes. Hy het die land Maandag verseker dat daar nie paniek hoef te wees oor moontlike brandstoftekorte weens die konflik in die Midde-Ooste nie. James Lorimer van die DA sê volgens wet moet daar te alle tye twee maande se voorraad in reserwe wees.
Die DA sê 138 skole in Gauteng kan moontlik water- en elektrisiteitsonderbrekings ondervind as gevolg van onbetaalde munisipale rekeninge van altesaam sowat 82 miljoen Suid-Afrikaanse rand. Die party sê baie van hierdie skole het reeds te kampe met begrotingsbesnoeiings van tot 64-persent. Hy waarsku as dienste gesny word, dit onderrig en leer sal beïnvloed. Michael Waters van die DA doen 'n beroep op die Onderwysdepartement van Gauteng om die krisis dringend aan te spreek om verdere ontwrigtings te voorkom:
Die DA in Gauteng eis dat die provinsiale Departement van Gesondheid dringend die lugversorging in die Steve Biko Hospitaal in Pretoria moet laat regmaak. Die party sê pasiënte is hewig ontsteld omdat chirurgie vir meer as 'n maand vertraag is weens voortdurende probleme met die lugversorging in operasiesale. Talle angstige familielede van pasiënte het die DA-lid, Jack Bloom, gekontak omdat hul geliefdes erge pyn en ongemak ervaar terwyl hulle wag vir hul operasies:
Die DA in Johannesburg se burgemeesterskandidaat, Helen Zille, het ter voorbereiding van die komende plaaslike regeringsverkiesing, vyf beloftes aan die mense van Johannesburg bekendgestel. Zille sê die DA sal hande vat met die privaat sektor om Johannesburg se toekoms te bou, met die fokus op betroubare water en elektrisiteit, paaie wat reg is en 200 000 nuwe werksgeleenthede na Johannesburg lok. Sy voeg by die party sal korrupsie uitroei, openbare ruimtes beveilig en 'n professionele en moderne regering instel:
Die DA sê die minister van verdediging en militêre veterane, Angie Motshekga, het geweier om te bevestig of president Cyril Ramaphosa Iran se deelname aan die Suid-Afrikaanse Nasionale Weermag se oefening, Will for Peace, goedgekeur het. Die parlementêre opmerking kom te midde van diplomatieke en veiligheidskommer oor Iranse vlootvaartuie wat aan die oefening deelgeneem het. Chris Hattingh van die DA sê Motshekga se stilswye laat ernstige vrae ontstaan oor burgerlike toesig oor die weermag en aanspreeklikheid binne die SANW:
Die DA sê die agterstand by die Gautengse Drankraad plaas werksgeleenthede in gevaar. Die party voer aan dat vertragings in die uitreiking en hernuwing van lisensies sommige besighede dwing om te sluit of onwettig handel te dryf, terwyl onlangse tariefverhogings en oorvol kantore sake vererger. Mike Moriarty van die DA sê 'n voltooide verslag deur die kommissie van ondersoek na beweerde korrupsie en administratiewe mislukkings, korrupsie en wanbestuur by die raad is nog nie vrygestel nie:
Die DA sê die terugkeer van 62 veteraanspeurders na die Wes-Kaap om ou sake en bendegeweld aan te pak, toon die behoefte aan plaaslike polisiemagte. Die party voer aan provinsies met die hulpbronne en vaardighede moet toegelaat word om self ondersoeke en georganiseerde misdaad te behartig. Ian Cameron van die DA sê 'n meer buigsame polisiëringsmodel kan gemeenskappe beter beskerm en dring daarop aan dat die nasionale regering strukturele probleme in polisiëring aanspreek:
Die DA het die departement van Internasionale Betrekkinge en Samewerking versoek om betroubare kanale vir kommunikasie en noodkonsulêre dienste beskikbaar te stel vir Suid-Afrikaners wat in lande en state in die Midde-Ooste gestrand is. Dit spruit uit die onlangse Israels-Amerikaanse militêre aanvalle op Iran en die gevolglike vergeldingsaanvalle wat in verskeie lande tot die kansellasie van vlugte gelei het. Ryan Smith van die DA se sê die onbevoegdheid van Dirco wat dié kwessie betref, kan Suid-Afrikaners hul lewens kos:
Die DA sê die ontplooiing van die Suid-Afrikaanse Nasionale Weermag in die Wes-Kaap moet met duidelike operasionele mandate ingestel word. Dit volg na die inhegtenisneming van 'n soldaat in Ravensmead op die Kaapse Vlakte, by wie se huis vuurwapens, ammunisie en plofstof gevind is. Terwyl die party die stryd teen bendebedrywighede ondersteun, waarsku hulle dat inwoners se regte ten spyte van militêre optrede beskerm moet word. Benedicta van Minnen van die DA sê veiligheid mag nie ten koste van die wet plaasvind nie:
Die DA gaan die Wysigingswetsontwerp op Vuurwapenbeheer in die kabinet en in die parlement beveg, en regstappe oorweeg om verantwoordelike, gelisensieerde vuurwapeneienaars se grondwetlike regte te beskerm. Die DA-lid Ian Cameron sê indien die wetsontwerp in sy huidige vorm ingestel word, neem dit vuurwapens uit die hande van wettige eienaars terwyl misdadigers onaangeraak sal bly. Hy voeg by hierdie standpunt is geskoei op die werklikheid volgens die jongste misdaadstatistieke:
Die DA sê hy sal bykomende bewyse by die Openbare Beskermer indien as deel van die voortgesette ondersoek na die Passasierspooragentskap - Prasa. Dit volg op nuwe onthullings oor beweerde korrupsie en misstappe met verkryging uit algemene opknappingskontrakte van 7,5-miljard Suid-Afrikaanse rand vir treine. Chris Hunsinger van die DA sê hul oorspronklike klag het klem geplaas op nagenoeg 3,5-miljard rand wat aan die GO-kontrakte bestee is, terwyl treine steeds agteruitgegaan het in plaas daarvan om pendelaars te bedien:
Die DA het die aankoms van 1 miljoen entstofdosisse verwelkom om die bek-en-klouseer-uitbreking in die land te bestry. Woordvoerder Jan de Villiers sê dit is 'n belangrike stap om landbou-biosekuriteit en die beskerming van die lewensbestaan van boere, werkers en landelike gemeenskappe in Suid-Afrika te bestendig. Hy sê boere, vervoerders, veilings en voerkrale moet biosekuriteitsmaatreëls ten volle nakom, insluitend bewegingsbeheer, sanitasieprotokolle en behoorlike rekordhouding:
Die DA sê president Cyril Ramaphosa moet dringend bepaal of die huidige samestelling en leierskap van die komitee vir die beheer van konvensionele wapens bevoeg is om hul statutêre en grondwetlike verpligtinge na te kom. Volgens die party volg hulle versoek na voortslepende bestuursmislukkings. Die komitee het in 2025 slegs sewe keer vergader. Chris Hattingh van die DA sê ʼn statutêre komitee wat vertrou word met die regulering van ʼn uitvoersektor wat ʼn multimiljard-rand beloop, kan nie vir ʼn kwart van die jaar net verdwyn nie:
© 2020-2026 Ivy Podcast Discovery LLC
