Larifari

Au üs tuets weh die wüchentliche Diskussione, wege gheimer Mission, erstmol uf iis zlege... Trozdem d Hoffnig stirbt z'letsht und viellicht erreiched mir de Durchbruch und wenns sowiit isch sind ihr die Erste wos erfahred! I de Zwüschedziit gits nur eis Ziel. De Larifari Podcast mues abhebe und ischloh wie e Bombe us NOS im Podcast Markt. Debii chönd nur ihr Larifaner üs unterstüzte! Ob mit Initiative, Empfehlige oder riesige Werbeplakat; es git vieli Weg... PS. Bald isch wieder Super Bowl und die hend det au Werbefläche z'vermiete... nur so E-Mail: post@larifari.rocks Sound Effekt vo: https://www.zapsplat.com Klingelton vo: https://klingeltone.org

Eis vorweg; Mir übernehmed kei Haftig für illegali Lachgasisprützige i eune tunte Fiat 500. Mir übernehmed au kei Buesse ufgrund vo Gschwindigkeits- überschrittige im oder ohni Zämmehang mit Lachgas. Viellicht hönd ihr au Glück und de Blitzer isch nur en Traum gsi. Viellicht au nöd. Wer weiss? E-Mail: post@larifari.rocks

Leeri Versprechige? Das mached mir im Larifari Podcast sicher nöd. Deshalb hend mir au üsen versprochene Literaturclub gstarted... also jo mir hends bizli apasst... es isch ez e Filmanalyse drus worde! Okay Okay e Traileranalyse aber immerhin. Sind doch mol zfriede! E-Mail: post@larifari.rocks Sound Effekt vo: https://www.zapsplat.com

Oke ihr hend mich verwütscht. Ich han versuecht unterztauche und die Folg uszfalle loh. De Dani het aber siis ganze Detektive Team aghüret und mich so wieder gfunde - Unglaublich! E-Mail: post@larifari.rocks Sound Effekt vo: https://www.zapsplat.com

Joo es isch passiert. Au mir sind uf de Rubrik Hype-Zug ufgsprunge und in Larifari Podcast ufgno - und das sogar gad zweimol i de gliiche Folg! Doppelt hält besser seit me doch so schöön. I dem Sinn viel Spass und es Guets Neus a alli Larifaner do use! E-Mail: post@larifari.rocks

Vo wege Pirate sind usgstorbe! Au die lebed no unter üs - ob uf hoher See oder im digitale Internet, es git sie immerno. Au ihres Businessmodell unterscheidet sich nur gringfüegig vo früener. Es werded Inhält klaut und illegal in Umlauf brocht. Mir hoffed doch sehr das du die Folg vom Larifari Podcast nid vom Schwarzmarkt hesch, sondern uf offiziellem weg für null,nix erworbe hesch. E-Mail: post@larifari.rocks

Vorletscht Folg hend mir über e Murmelaktion im Migros gredet. Ein Tag spöter het d Migros die Aktion wieder is Lebe gruefe. Das ish shomol de ersti Skandal gsi. Mir isch de Betrug direkt ufgfalle und jetzt stellt sich use, dass de Dani au no Schmiergeld becho het, dass er de Fall unter de Tepich chert. Zu dem ganze Skandal chunt au no dezue, dass d Speziallmurmle am 05. November i z chline Stückzahle verfügbar gsi sind.... Unglaublich! E-Mail: post@larifari.rocks

Ahh es dusse ishes chalt. De ersti Schnee ish gfalle und het en wiise Schleier über d'Landschaft gleiht. Dinne ishes heimelig warm mitem dampfende Kaffi nebed em Ofe. Es chönt nöd schöner sii... Höh! Was ist das?!? Im Nochber sini Wienachtslaser sind wieder agange und lüchted durch miis Fenster mir direkt ist Gsicht. Hilfe! Egal wo ich higang - überall Laser. Aaaaaahhh E-Mail: post@larifari.rocks Sound Effekt vo: https://www.zapsplat.com

De Fall ish klar. Mir hend irgendwo do usse en Spion unter üs. De Dani und Ramon diskutiered ganz normal über Murmle als Werbeaktion imne bekannte Schwiizer Lebesmittellade und Schwups - am nächste Tag werded genau die besprochene Murmle wieder als Werbeaktion igführt... Seeeehr verdächtig! Hosts: Daniel & Ramon Supervising Producer: Dani & Ramon Design Director: Ramon & Daniel Audio Mix: Ramon Composer: Daniel Creative Director: Dan & Ram E-Mail: post@larifari.rocks Sound Effekt vo: https://www.zapsplat.com

De monatlich bsuech im Kino blibt dasjohr worschindlich us. De release vo Blockbuster wird immer wiiter noch hindere gschobe und es laufet oft nur no Film wo scho lang dusse sind. Wenn überhaupt... Das halted üs nid devo ab übers Kino z'rede. Mir versuched üs a die Ziit damals erinnere und kläred die wichtigste Knigges uf wos det so git! E-Mail: post@larifari.rocks

De Einstein het mol gseid. Es ish relativ egal wieviel Theorie ihr i de uswendig lerned. Dadurch ish d Relativitätstheorie entstande. So zumindest wirds durch verschiedensti Quelle überliferet... Was genau die Theorie in sich het, das erchlärt eu hütt de Dani. Und zwor so dasses au 5 Jöhrigi verstönd! E-Mail: post@larifari.rocks

Wer kennt's nöd. Fertig mit schaffe und de Bus ish sho i sichtwiiti. Ez en schnelle sprint zu de Haltestell und es mösst lange. Gesagt, getan und sho ishme im Sprintmodus. S Treppehus durab und us de Türrr - Bumm, Klirr! Wiedermol ish e durchsichtigi Glastüre im Weg gsi. Wie jedesmol. De Chopf tuet weh, de Bus ish verpasst... gäbs doch nur tönti Schiibe. E-Mail: post@larifari.rocks

De hütig Podcaẞt handelt vo Kuba, Linguistik, emne geniale Gschäftsmodell und Tonnewiis Grafikchartewüsse. Losed ie ziehnd d'Schueh us und viel Spass! E-Mail: post@larifari.rocks Neus Intro: Alles persönlich vom Daniel

Spongebob JO oder NEI? Stimmed Sie mit üs ab am 31.12.9999! Für üsi Spongebob Initiative hend mir 100'000 Unterschrifte gfälscht. Die sind natürli schnell binenand gsi - Do nur eis Bispiel devo:

D' Fidget Spinner sind ufem Markt. Alli spinned komplett und stürmed d Läde uf de Suechi noch dem neue heisse Scheiss. Sichered eu eine solang ihr no chönd! E-Mail: post@larifari.rocks Sound Effekt vo: https://www.zapsplat.com

Es spukt wieder mol im Larifari Podcast. D'Lampe sind uf Flakermodus oder zerstöred sich gad komplett selber. Wer weiss vielicht liihts am Dani sine unheimliche Gruselstories? ABER ACHTUNG: Wenn ihr nocher nüme schlofe chönd, mir hönd eu gwarnt! E-Mail: post@larifari.rocks Sound Effekt vo: https://www.zapsplat.com

Quizshows; Sie sind lehrreich, amüsant und mengmol au zum verzwifle. Vorallem wenn me selber debi ish und ei Frog um die ander uftischt bechunt. Zum mit üsem unglaubliche wüsse z'flexe, hend de Dani und ich au es Quiz vorbereitet. Erfahred wär vo üs beidne zum Quizkönig ufgstiege ish und d Ehr vo de Larifaner eimol meh gunne het. Viel Spass! E-Mail: post@larifari.rocks

Gibs zue! Au du hesh im Keller en verstaupte Hufe Comics wo scho sit johre niemeh agluet worde sind. Es chönt sich aber definitiv lohne de Schritt in Keller z'woge und die Comics mol genauer azluege. Wer weiss viellicht ishes jo die 27. usgob vo Detective Comics... E-Mail: post@larifari.rocks

Hützutags werded neui Informatione in Rekordziit um die ganz Welt gschickt. So erfahrt Jede und Jedi vo üs die neuschte News quasi instant. Leider führt de Strom a Date au zu gfohre. Üsi Internetleitige sind churz vorrem SuperGau! Zum de Druck uf üsi Internetleitige z'minimiere und hoffentlich d'Welt z'rette, hönd mir üs geniali Sparmassnahme usdenkt. Eini devo ish, dass de Larifari-Podcast jetzt i doppelter Gschwindigkeit zur Verfügig stoht. Die andere tolle Idee erfahred ihr wenn ihr drilosed. #InternetSuperGau E-Mail: post@larifari.rocks

Lang ish s Kaffiwüsse vom Dani ghorted worde. Jetzt ishes aber endlich sowiet, er öffnet d Türe i sin Kaffibunker und klärt die grosse Mythe rund um die magische Bohne uf! Also losed dri solang ihr nonig igschlofe sind und putsched eu mitemne dampfende Kaffi uf für die neusht Folg vom Larifari Podcast. E-Mail: post@larifari.rocks

Turbulent sind nid nur die Ziite, sondern au die neuscht Folg vom Larifari Podcast. Es goht um Weltuntergang, Dauerzelte und um das wo Jede zittere loht - Gwitter! E-Mail: post@larifari.rocks Sound Effekt vo: https://www.zapsplat.com PS. Me chan jetzt au uf e wunderschöni Website vo üs: https://larifari.rocks/

Me chönti die Folg au gad soguet Quelle des Wissens nenne; Nid nur d Wurzel vo 144 wird usgrechnet, sondern au unglaublichi Facts werded useghaue, wie das Südafrika im Süde vo Afrika liit. Unglaublich aber wohr! Überzüged eu selber. E-Mail: post@larifari.rocks

Wie letsht wuche vllt bemerkt mach ich, de Dani, die Folg hütt allei. Es ish trurig aber wohr. Trotz dem dass de Ramon, das unglaubliche Genie und de Kreativ Chopf vo derä ganze Sach jetzt weg ish, versuech ich das ganze allei no vorrem Kollaps z rette. Helfed mir debii, idem ihr de Podcast wiiter empfehled... E-Mail: post@larifari.rocks Sound Effekt vo: https://www.zapsplat.com

Mir lüchted mit üsere 2000 Lumen Taschelampe uf die neuste Fund i de Technikwelt. Dezue ghört natürli au s Handy uf Ränder. Das wird ich mir gad bstelle! Wenni nume wüsst wo ich d Rechnig dezue verlore han... shit. E-Mail: post@larifari.rocks Sound Effekt vo: https://www.zapsplat.com Kreativität: Daniel & Ramon

Lorem ipsum! Dasem sei ei ne Beschreibunge in Romanische Soviel geballti Informatione uf eimol?!? Unglaublichi Facts über d Gallier und ihri grösste Feinde: d'Römer? Alles das gits nur im Larifari Podcast. Es het solangs het! Wönd ihr wiedermol e Themefolg? Wenn jo mached doch eifach es Mail a üsi E-Mail. Intro und Outro Musik: J.R.S Schattenberg (https://www.youtube.com/watch?v=KPhfTgayGWQ&feature=youtu.be) Quelle: Astrrix und Obelix Comics E-Mail: post@larifari.rocks

Liest die Beschribig überhaupt öpper? Wenn jo denn schrib doch es Mail a üsi wundervolli E-Mail. E-Mail: post@larifari.rocks PS. Ah und Spotify, wenn ihr das lesed mached doch en Deal us mit üs

De Dani und Ramon hönd de Telefonapparat wieder uf es neus id Hand gno. Debi sind wie immer atemraubendi Gschichte und unglaublichi Facts uftischt worde! E-Mail: post@larifari.rocks

Warum gönd eim Wecker so uf de Wecker? Mir wüssed warum aber chönd eu mit guete Idee inspiriere! Falls du also Weckerhersteller bish, denk a üsi Idee... E-Mail: post@larifari.rocks

Hütt erfahreder wieder emol brandheissi News direkt us de Larifari Zentrale - Ob Bunker, Büecher oder Tierwelt: Es isch für alli öppis debi. Vo jung bis alt, dick bis doof, vo gross bis ...ach loset doch eifach dri! E-Mail: post@larifari.rocks

Kei Sorg! Die neu Folg ish pünktlich wie immer im Internet glandet demit de Tag vo de Larifaner erneut grettet ish. PS. Schribed doch es Mail a post@larifari.rocks mit em Wunsh üsi liebe Zuehörer Larifaner z nenne. Ihr sind doch schliesslich nid dick!

Wie versproche isch das die Interessantischt Podcast Folg ufem ganze Markt. Wär spannendi Themä nöd vertreit dörf die Wuche uf kein Fall drilose! Oder doch?

In Folge 2 des Larifari Podcasts hinterfragen wir verschiedenste "Sportarten" und sprechen über insider Informationen aus der Automatenindustrie!

Es ist soweit! Die erste Folge unseres Larifari Podcasts ist online. Hört rein solange ihr noch könnt. In der ersten Folge stellen Daniel und Ramon sich vor (keine Sorge es dauert nicht lange), kommen dann aber sehr schnell zu den wichtigen Dingen im Leben. Es lohnt sich also reinzuhören!