Malva e Duarte falan de misterios

As tanxentes son coma unha caixa de bombóns, nunca sabes o que vai tocar. E sendo fieis a iso, esta semana o tema acabou sendo querer, polo que falamos das formas de expresar amor, de ter detalles ca xente que aprecias e, como persoas que xa está rozando os 30, de ter filles.

Tras tres meses de vacacións, Duarte trae por fin un tema. E que mellor forma de celebralo que cun dos sospeitosos habituais do podcast: os aliens. Nesta ocasión detémonos nas posibilidades de contactar con vida extraterrestre a través das teorías da ciencia ficción, tratando de dar resposta á Paradoxa de Fermi e explorando a hipótese do Bosque Escuro.

Esta semana, o convidado repetidor e lexendario Youtuber Olaxonmario acompaña a Malva en substitución do opositor Duarte para falar de corpos, de ser nenos de aldea e de relacións tóxicas.

Esta semana, únesenos como convidado o ilustrísimo alcalde de Youtubeiras Chutenmeme para falarnos da lenda do mozo de 19 anos de Leda que loitou por cubrir un servizo público na zona de Ferrolterra.

Esta semana, Malva e o futuro Lord Duarte xúntanse para falar de tradicións, o significado da palabra “simp” e chorar nas vodas.

Esta semana Malva leva a Duarte da man por un camiño cheo de subidas e baixadas, intriga e dereito internacional, todo para culminar nunha nova era do podcast na que Duarte… se transforma.

Esta semana, Antón tómalle o relevo a o Duarte opositor para vir a ter unha conversa de tanxentes sobre os temas máis candentes: é o galego que non se fala o único mal falado? E por que son os cornos literalmente a peor cousa que podes facer dentro dunha relación?

Neste episodio, Malva explícalle a Duarte a vida, traxectoria e morte duns dos lobos máis destacado do grupo que foi reintroducido no parque nacional de Yellowstone, nos Estados Unidos. E Duarte ten moito que dicir sobre os estudantes de xornalismo.

Neste episodio Malva e Duarte falan sobre cousas que odian, en particular, unha das grandes inimigas do podcast: a directora de cine inglesa Emerald Fennell, culpable de crimes contra a humanidade tales coma Saltburn ou "Wuthering Heights".

Esta semana traemos a historia de John Quijada, un home estadounidense que, disposto a corrixir os erros das linguas modernas, crea o ithkuil, sen saber as escuras consecuencias que isto implicaría. A maior de todas elas? O mal rato que pasa Malva escoitando a súa historia.

Ben sabedes que as nosas tanxentes son como caixas sorpresa: non sabes que van conter ata que decides abrilas. Pois cremos que esta semana elevamos o concepto á enésima potencia.Acompañados unha semana máis por Sara Riveiro, traemos unha serie de temas que, se non estades familiarizados con eles, case mellor que preparedes a vosa infusión favorita, escoitedes o episodio, e descubrades con nós de que tratan.

Esta semana volve, como prometera, unha das mellores amigas do podcast, para falarnos dunha das súas grandes obsesións: gran vilán da historia L. Ron Hubbart.Se non sabes quen é espera a que cho conte ela. Se sabes quen é únete ao episodio mellor explicado da nosa historia no que tamén temos conversas sobre a saúdos gang.

Neste episodio, Malva e Duarte recomendan cousas: vídeos de youtube, álbumes, pelis… podedes ver o listado de recomendacións mencionadas no episodio aquí

Neste episodio no que ambas partes andaban nun silly mood, Malva fálalle a Duarte sobre as mulleres que en 1984 se manifestaron contra o apartheid en Sudáfrica desde Irlanda. Falamos de boycotts, Eurovisión e a adicción ao comfort.

Volvemos unha semana máis ás tanxentes e, nesta ocasión, a conversa da a sensación de ir tornando aos poucos nunha que terías no salón ás 5 da mañá co teu colega despois de vir de festa (ou, polo menos, máis do que acostumamos). Saltamos entre musicais, series, o déficit de atención, a xestión do desexo e como son as experiencias de ligar.

Esta semana traemos o episodio máis accidentado e caótico que fixemos ata a data. Por segunda vez consecutiva, contamos cun convidado: o tiktoker, filántropo, playboy e líder do G.A.I.S., Aleixo, que se pasou polo podcast para falarnos do poder do amor, tomando como fío condutor a historia do Batallón Sagrado de Tebas. Polo camiño, tamén houbo tempo para falar do noso odio por Lalín e da fascinante Semana Verde de Silleda.

Esta semana, dámoslle a benvida a Antón (ant0ntisim0), o primeiro convidado da tempada, para falar da nova obsesión de Malva e Duarte: Heated Rivalry, e os debates que rodean esta nova serie canadiense. Que é o queerbaiting? Pódese facer queerbaiting como individuo? Por que esta serie atrae a tantas mulleres como audiencia?

Neste novo episodio, acuñamos o termo marcosllorentismo para englobar a todos os fans das teorías da conspiración e da obsesión polos hábitos “saudables” de rigor máis que dubidoso, centrando todo na figura do xogador do Atlético de Madrid e irmán de aniversario de Malva, Marcos Llorente.

Esta semana, Malva e Duarte falan da recente viaxe de Malva a Irlanda e Bruxelas, conducir no lado equivocado da estrada, ciruxía estética, o medo a envellecer e a neutralidade cara o corpo como acto político.

Esta semana Malva e Duarte falan sobre a vida e morte da cuarta filla do tsar Nicolao II e a súa muller Alexandra, Anastasia. Discuten a película do 1997, Rasputín, a propaganda anticomunista e o legado dos Romanov. A Revolución rusa debeuse a un trato de Rasputín co demo ou Don Bluth minte?

Esta semana de tanxentes, Malva e Duarte envían o seu cariño aos ladróns das xoias do Louvre, comentamos o último tema de Rosalía, e, para variar, falan en galego sobre o uso do galego. Como tema central tocan o hiperindividualismo, as conversas incómodas e o rara que é a xente coes creadores de contido.

Esta semana viaxamos ata a fría Antártida para descubrir, a través do Endurance e de Ernest Shackleton, todas as cousas que poden saír mal… e aínda así saír ben. Entre xeo, mascotas e conducir pola esquerda, tocamos leccións para non perder o rumbo.

Volven as semanas das tanxentes! Neste novo episodio deixamos as historias a un lado para esbardallar de varios temas: comezamos coa xente que decide subir montes na súa crise dos 40; seguimos co pique entre Charlie XCX e Taylor Swift; e facemos unha pequena pausa para comentar as películas deste ano.

Esta semana Malva e Duarte falan sobre Nelly Bly, Nelly Brown ou Elizabeth Cochran, xornalista de “stunt” que se coou en manicomios, deu a volta ao mundo en menos de 80 días e foi expulsada de México. As tanxentes inclúen o tema da hixiene persoal e non podemos prometer que Taylor Swift non sexa mencionada.

Seguimos co Palmar de Troia! Nesta segunda parte repasamos a caída de Clemente e do seu séquito, descubrimos como a Igrexa Palmariana chegou a retocar a Biblia ao seu gusto e exploramos de que maneira esas modificacións seguen marcando o día a día da secta na actualidade.

Esta semana… Malva e Duarte falan de sectas. No primeiro episodio de Duarte desta primeira tempada, o pobre preparouse un guión tan longo que temos que dividir o episodio en dúas partes. Nesta primeira volta Duarte introdúcenos no mundo do Palmar de Troya mentres falamos de que diferencia a unha relixión dunha secta, títulos nobiliarios e crianzas atopándose á Virxe en prados.

Boa día, boa tarde, boa noite e benvides unha semana máis a Malva e Duarte… non calan??Este episodio é só para poñervos ao día: cambiamos de nome, abrimos a veda, e agora falamos o que nos dea a gana. Xa non só misterios (que tamén), senón calquera historia que nos guste.E é que on estabamos mortes! Estabamos de viaxe.

Esta semana Malva e Duarte volven para falar sobre unha nova horrible persoa. Malva cóntanolo todo sobre alguén cuxa maldade tivo unhas consecuencias que seguen estando claramente presentes e vixentes a día de hoxe. Ligazóns de interese: Situación no Congo: https://www.acnur.org/es-es/emergencias/emergencia-en-republica-democratica-del-congo Situación en Sudán: https://www.amnesty.org/es/latest/news/2024/04/sudan-one-year-since-conflict-began-response-from-international-community-remains-woefully-inadequate/

ADVERTENCIA DE CONTIDO: Mencións de violencia física e psicolóxica cara mulleres, mencións sobre o suicidio. Xa na recta final da tempada, traemos un especial sobre cales son as peores persoas da historia na nosa opinión. Nesta primeira parte, Duarte narra a violenta vida dunha celebridade cara as mulleres do seu círculo e a súa propia familia, feitos que non adoitan a nomearse cando se fala da sua obra.

As tanxentes desta semana acabaron sendo bastante máis temáticas (e intimas) do que pensabamos cando comezamos a gravar. Falamos das implicacións das infidelidades entre parellas e como é romper co teu grupo de amigos, con Ariana Grande como fío conector.

Esta semana, Malva, Duarte e Mestre Mateo nominated Youtuber Olaxonmario exploran os misterios máis emblemáticos da ilustre vila de Boiro, a Santa Compaña e Kate Middleton.

Esta semana, Malva e Duarte volven co seu xa habitual popurrí de tanxentes. Falamos de Linkedin, da fama das redes e, en especial, do boicot a Eurovisión, de como foron as nosas charlas de educación sexual e do dano que fai a pornografía na mocidade.

ADVERTENCIA DE CONTIDO: Mencións de abuso sexual infantil e sacrificios animais. Esta semana Malva cumple a súa promesa e fálanos dun fenómeno moi misterioso: o Pánico Satánico da década dos 80. Por que comezou? Cales son os seus antecedentes históricos? Como está relacionado co boom das sectas? Todo isto e máis neste capítulo de Malva e Duarte falan de misterios.

Esta semana Malva e Duarte falan de pequenos terrorismos que se poden cometer en festas universitarias, o Súper Bowl e os altos e os baixos das aplicacións de citas. Podedes donar a Gofundmes para axudar a xente a evacuar de Gaza nesta ligazóns: https://docs.google.com/spreadsheets/d/1vtMLLOzuc6GpkFySyVtKQOY2j-Vvg0UsChMCFst_WLA/htmlview

Regresamos do entroido con novo misterio! Desta vez, retrocedemos nove séculos para contar a historia de dous irmáns de Woolpit, unha pequena vila inglesa, e o día que apareceron en estranas circunstancias… ca pel de cor verde!

Esta semana as tanxentes son unha mestura de temas. Comezamos falando un chisco sobre os prexuizos asociados aos códigos de vestimenta, a orientación sexual e a gordofobia, para rematar ca nosa opinión sobre as (non) nominacións de Greta Gerwig e Margot Robbie nos Oscars.

Volvemos as nosas raíces! Esta semana Malva nárralle a Duarte un episodio como os da primeira tempada, no que especulan quen estivo detrás de milleiros de mutilacións de gando nos 70 en Kansas, Colorado, Nebraska e todos eses estados nos EEUU aos que sempre van os aliens. Quen lle pasou a Snippy a besta? Que relación ten isto co pánico satánico? Con que animal mitolóxico ten Duarte unha especial obsesión?

Esta semana presentámosvos o Malva e Duarte Awards, nos que miramos a todas as películas que temos en común en Letterboxd e entregamos premios tan importantes como: Performance Que Serviu Máis Cona Award, Como Acabei Vendo Esta Peli Award ou Premio Edgar Wright a Director Que Debería Parar de Escribir Guións.

Volvemos das vacacións de Nadal retomando o fenómeno OVNI nun novo debate no que poñemos enriba da mesa ás Momias de Nazca, unha xa famosa conferencia de 2023 na que se aportaba evidencia real sobre a existencia dos aliens. Pero bueno, polo medio tamén falamos de alcoholismo, dos neandertais, de Gypsy Rose e do grande que ten Malva a cabeza.

Continuamos ca nosa análise das persoas gañadoras da Revista Time ata chegar ao 2023. Preparádevos para un montón de anticomunismo, presidentes dos estados unidos e personaxes recurrentes do podcast como os nosos queridos Elon Musk e Taylor Swift.

Esta semana, Malva volve do seu tour europeo para discutir un dos temas máis importantes ata agora: o que Malva e Duarte pensan sobre todes e cada unhe des gañadores de Persoa do Ano da revista Time desde o 1927.

Esta semana tivemos unha morea de problemas técnicos, varios ordenadores estragados e a Malva de vacacións. Malia parecer un episodio maldito, nesta nova entrega contamos con Iris Ledo (@irislm9), persoa que igual lembrades de certas tanxentes cinéfilas. Isto para falar da historia de Benito Soto, o último gran pirata do Atlántico que, coma ela, era de Pontevedra e que deixou un tesouro que igual ainda segue entre nós!

Rodri Míguez segue con nós unha semana máis para, agora si, falar de música sen acabar cambiando de tema á metade do episodio. Novas tanxentes nas que comentamos o ‘novo' álbum de Taylor Swift, artistas cancelables, o Son do Camiño e máis temas musicais!

A roda de traer invitados non para! Por iso esta semana temos connosco a @rodrimiguez97 nun episodio que, como non podía ser doutro xeito, ten temática músical. Viunos contar a historia de Jim Sullivan, un autor sen éxito que desapareceu en estrañas circunstancias nun caso que implica abducións, mafia e a Grande Amore.

Neste episodio Malva e Duarte NON falan de música. Propóñense falar de música, iso si. Pero acaban falando de fundamentalismo e trauma relixioso. Entramos na era das tanxentes das tanxentes.

Esta semana, icono da moda, da música e a fotografía César acompáñanos para investigar unha das conspiracións máis grandes do século XXI... Foi Britney Spears unha distracción para as terribles decisións políticas de George W. Bush?

O episodio de tanxentes desta semana trata sobre cine e películas, ou máis ben sobre a nosa “Letterboxd era”, pois comentamos os nosos gustos cinematográficos, cales son as nosos 4 filmes favoritos actualmente e, sorpresa, tamén os favoritos das nosas parellas (previa petición, claro).

Esta semana toca episodio especial de Malva e Duarte falan de Misterios, porque deixamos de lado os vellos enigmas e traemos a última hora dun dos temas paranormais do momento: os aliens. De feito, é tan especial que pasamos mais tempo falando doutros temas que de ovnis.

Volvemos despois de ter a Sara Riveiro secuestrada no soto de Malva e Duarte falan de misterios unha semana para obrigala a charlar un chisco máis connosco sobre Olivia Rodrigo, a epidemia de divorcios de famosos, as vidas sentimentais das Kardashian e ser a amiga á que tes medo de presentarlle o teu mozo.

Ninguén contaba con isto, pode que nin nós mesmos, pero esta semana temos un misterio de Formula 1! @SaraRiveiro ven falar con Malva e Duarte sobre un estraño suceso de Fernando Alonso, a casposa figura de Rafa Nadal e os fandoms tóxicos.