Q4 - Formel 1 Podcast

Sommerpouse verbii ond mer brenge euch en Episode wo am Afang vo de Sommerpouse ufzeichnet worde esch. De Räge ond en miauendi Chatz as Hendergrondgrüsch begleite eusi Diskussione.

En rechtig langi Palaber-Episode, wöu mer weder emou zwöi Renne zom Verarbeite händ. Mer send froh gohts aune veronfaute Fahrer guet ond.. ah, jo, es esch jo no es Sprint-Renne gsi! Eifach weder rechtig gueti Onderhautig hämmer becho.

S'Läbe passiert ond dorom gets jetzt en Röckbleck uf zwöi Renne! Einiges esch am passiere ide F1-Wäut ond mer händs för euch zämegfasst.

Charles? Nei Albert. Es esch de Albert vo Monaco. Aber es esch ou es Zügnis vo eusem Haubwösse, wo i dere Episode weder mou hüfig zom Vorschiin chonnt. Mer wösse aber no, dass de Perez de Monaco GP gwonne het. Öb Monaco aber in Zuekonft im Rennkaländer uftoucht? Das wösse mer emmer noni.

Met zemmli Verspötig chonnt do en neui Folg vo Q4! Perfekt zom sech d Ziit zwösche de Qualifikation ond em Renne in Monaco z'vertriibe. Mer woge en Röckbleck uf de Barcelona GP, gänd eusi Meinig öber Monaco ab ond send völlig schockiert, dass me equivalent uf Dütsch ned me e schriebt.

Everythings bigger in America ond för de Russell esch consistency key. Miami esch gsi ond Barcelona stoht vor der Tör. En chorze Usflog i die französischi Sprochewäut gets ou die Episode weder ond das mou wärde mer ned vom Kater Kimi sondern vomene Aruef onderbroche.

Was d Mayonnaise met de französische Nationalhymne z'tue het? Er fendets use i dere Episode vo eusem Podcast!

Weder emol met chli verspötig versueche mer es Renne z'rekapituliere. Met meh oder weniger Erfolg brenge mer euch de Australie GP no einisch nöcher, bevor de Yannick nomou usdröcklech vo sinere Abneigig gäge Asynchronität verzöut. Ond uf Imola ond de Sprint met de neue Outos freue mer eus!

D'Anglizisme send zrogg! Met vöu Flair verzöue euch de Yannick ond ich vom letzte Renne. Mer schmöcke Korrupution ond händ ned eso freud, dass Saudi Arabie öberhaupt ufem F1-Kaländer esch. Nichtsdestotrotz esches ebe es guets Renne gsi. Ond so wie d'Saison gstaret esch, daf sie ou sehr gärn wiitergoh. Auf nach Australie!

Was för en tolle Saisonstart! Ferarri esch parat, Mercedes erschlicht sech es Podium ond d Honda Powertrains send ned zueverlässig. De Yannick möcht gärn de Räscht vo de Renne die Saison genau so ha wie de Bahrain GP gsi esch.

It's race week! Nochere ca. 3-Monatige Pouse gohts weder los! Mer luege gspannt uf die neu Saison ond de Yannick brengt debii ganz vöu schlächti Witz. Ond d Julia fendet die säubschtverständlech loschtig. Vöu Spass bim Lache!

50% Formel 1, 50% Finanzberoter, das esch de Inhalt vo dere Episode. Mer händ meh as einisch de Fade verlore. Aber s Fazit esch: de Yannick muess lehre spare und mer freue eus uf die neu Saison.

Zäme met eusem Special-Guest em Simon düemer no einisch zrogg luege uff d'Saison 2021 ond woge en Ausblick uf die neu Saison. Mer send parat! Ond hoffe euch met dere ond de folgende Episode ou chönne vorbereite uf au das, was eus das Johr im Formel 1 Zirkus werd erwarte.

D'Saison 2021 esch verbii, de Max Verstappen esch Wäutmeischter ond mer händ eusi ganz persönlech Meinig dezue. Äbefaus luege mer chorz zrogg, was mer afangs Saison tippet händ ond stöue fescht: mer hätte ned dänkt, dass de Lewis Hamilton ned zom achte mou Wäutmeischter werd, ond d Julia het ou gmeint, dass sech Ferrari ned werd erhole usem 2020-Tüüf.

Drü Starts, drü mou esch d Julia nervös gsi. Ond am Ändi herrscht verwerrig bi aune. Esch de Max einisch z'vöu bestroft worde? Het Hollywood die aktuelli Formel 1 Saison gschrebe? Uf jedefau freue sech de Yannick ond d Julia uf s letzte Renne.

Die zwängischt Episode. En äxtra langi Episode zom fiire, dass mer zwänzg Episode gschafft händ. Mer rede meh öber anders als Formel 1, aber es söu entschoudigt sii. Du fendsch das cool? Du fendsches ned cool? Geb eus doch es Feedback dezue!

Noch vöune plante, aber vorauem onplante Sache semmer weder zrogg metere neue Episode! D Audioqualität esch ned so ufem Höch, devör esches de Lewis Hamilton wo eifach mou schnöu s Fäud vo hende ufruumet. De man on a mission esch euses höttige Houptthema.

Fascht hämmer verlehrt wie mer en Episode ufnemmt, solang esches här. Aber mer händs gschafft ond der ghöret eus rede öber Poluet (Chicken Nuggets ond Chicken Wings), Pneu (Im Ocon sini Reife!?) ond anderi Sache.

No nie semmer so schnell gsi im Episode ufnäh. Diräkt noch em Renne, d Emotione no höch verzöue mer euch, wie mer de Russland GP erläbt händ. Aui händ es einigermasse spannends Renne erwartet, dass es aber met so vöu Härzschmärz ändet, hätt niemer dänkt.

Was förne Freud het doch s letzte Renne in Monza gmacht - ou wenn mer Schwerigkeite gha händ eus en Woche spöter ad Details z erennere. De höttig Abschweifer füehrt eus zo de spannende Geografiekenntnis vom Yannick. Ond för einisch passt s Abschlosszitat zo 100% zom vergangene Renne.

Wär ned gärn Anglizisme het muess velech ned so gnau zuelose. Die möche nämlech es grosses Comeback die Episode. Wäre ou es Comeback macht ide Formel 1 nöchst Johr ghöre der im News Update. Zandvoort werd äbefaus chorz Revue passiert ond de gets höt zuesätzlech no de eint oder ander spannend Abschweifer.

D Julia esch us de Ferie zrogg ond dorom gets doch no en chorzi Episode vorem nöchste Renne in Zandvoort. Es erwartet euch es F1 Newsupdate, en Röckbleck ufs letzte Rennwochenänd met schlächte Spa-Puns ond en chorze Usbleck ufs morgige Renne. Vöu Freud!

Du meinsch es Formel 1 Wochenänd bestoht nor us Qualifying ond Renne? Falsch gedacht. Es Formel 1 Wochenänd het veli Elemänt, ond do lehre der wieso d F1 Community scho am Mäntig Vorfreud het ufnes Rennwochenändi.

Du wetsch meh öber d Formel 1 wösse? Do esch die erst Episode vo eusem Chorzformat "Q4 Quickie", wo mer eifach chorz wänd uf einzelni F1 Theme igoh ond der euse Lieblingssport nöcher brenge. Wenn du eus ned nor wotsch ghöre sondern ou gseh, chasch du eus gärn uf YouTube bsueche! Suech eifach noch "Q4 Formel 1 Podcast"

För einisch send mer eus ned einig. Zmendscht i eim Thema. Dass de Esteban Ocon de Sieg in Ungarn verdient het, das esch eus aber beidne klar. Vöu Spass bide letzte Episode vor de Sommerpouse!

Noch zwöi Woche Funkstelli semmer weder zrogg met sehr vöu Haubwösse. Wie vöu Pönkt gets före zwöiti ond de dretti Platz? Ond was genau send die neue Regle förs 2022? Was mer aber wösse esch, dass s Kapitel Titelkampf Hamilton ond Verstappen no lang noni abgschlosse esch.

Met chli Verspötig chonnt eusi Zämefassig vom Redbullringwochenänd Nommer 2 doch no. S'Houptgspröchsthema esch aber ned öbbe de Verstappen ond sini tolli Leischtig, sondern everbodys darling, de Kimi.

Mer befende eus em zwöit beschte Land met Bärge, See ond Chüeh. Ond das grad zwöi Woche nochenand. Mer probiere zäme z'chratze was eus vo dem Renne em Chopf blobe esch. SPOILER ALERT: es esch ned vöu. En vewerrte Usflog id W Series ond no zwöi, drüü anderi Sache erwartet euch die Woche!

Paul Ricard überrascht! Wer hätte das gedacht! No chli baff vom strategisch osserordentlech interessante Renne luege de Yannick ond d Julia am Sonntigobe ufe Nomitag zrogg. D'Saison 2021 öberzügt uf ganzer Längi bishär ond so esch d Hoffnig gross, dass ou Österrich zwöi spannendi Renne ableferet.

Fascht en ganzi Stond puurs Entertainment vom Yannick ond de Julia. Obwouh de Yannick sini Ufzgi ned gmacht het hämmer Gspröchsstoff gfonde, wöu Baku ächt abgleferet het. Zämegfasst cha mr säge: mer send aui froh, gets de Magic Button.

Monaco Baby! De Grand Prix vo de Riiche ond de Schöne, vo de Luxuriöse ond Pompöse. Wär esch do besser geignet om das Renne nomou revue passiere z'loh as euchi zwöi liebste schwiizer Formel 1 Podcaster. Näbscht em Race Recap gets no jenschti News, Abschweifige ond first and foremost, meh Anglizisme!

Mer schriebe d Woche nochem Grosse Priis vo Spanie. Es Renne met überraschend grossem Spannigsfaktor, wemmer denn bim Luege ned trotzdem wör ischlofe. Mer nänd s Renne nomol onder d Lupe, bespräche Grönd, weroms ned so vell schwiizer F1-Fahrer get ond schniide die diesjährig Silly-Season no ah.

Ufnes rechtig langwiligs Renne folgt en rechtig chaotischi Episode. Vöu öber Formel 1 düemer gar ned rede, devör meh öber d Hoor vom Lewis ond vo de Julia.

Wieso d Julia de Formel 1 Cheffe wett es E-Mail schriebe, werom de Yannick so vöu Anglizisme brucht ond was d Camille Rast met dem aues z tue het - das erfahre der inere neue Episode met ganz vöu Haubwösse ond no meh Versprächer.

S'erschte Rennwochenänd esch zwar scho weder e Woche här, mer rolle das Ganze aber nomou uf. Wär het eus beidrockt? Was hämer als biggest joke empfonde?

It's race week! Mer wärfe en chorze Bleck zrogg ufd Tests ond woge en Uusblick uf die neu Saison. Mer fende sogar no en Minute oder zwöi om öber die britische Royals z'diskutiere...Vöu Spass bi de zwöite Episode met ganz vöu Haubwösse!

Härzlech Wöukomme zo de erste Rondi vo dem schwiizerdütsche Formel 1 Podcast! Der ghöret üsi Meinig zo jedem einzelne Livery vo de 2021 Formel 1 Autos, mer rede öber s Helm Design vom Ricciardo ond onderhaute üs dröber, dass mer in Zuekonft d Renne teilwiis müend uf Servus TV luege. Vöu Spass!