Fram og til baka

Hreimur Örn Heimisson er einn vinsælasti tónlistarmaður þjóðarinnar og gleður enn með nýrri tónlist og spilamennsku um allt land. Hreimur gaf sér tíma til að kíkja í morgunkaffi í Fram og til baka og tala um fimm tónleika sem höfðu djúp áhrif á líf hans. Sagan berst úr Landeyjunum þar sem Sálin var í heimsókn um víðan völl og endar á tónleikum með Paramore í London. Í síðari hluta þáttarins kemur Jakob E Jakobsson vert á Jómfrúnni í heimsókn en Sumardjazzinn dásamlegi er að fara í gang í dag og RÚV ætlar að fylgjast vel með í sumar.

Húsvíkingurinn Lára Sóley Jóhannsdóttir er komin með mikla reynslu af stjórnun menningarviðburða þrátt fyrir ungan aldur og starfar nú sem listrænn stjórnandi Listahátíðar í Reykjavík. Hennar fyrsta hátíð er einmitt að byrja í dag og Lára Sóley kom í fimmu í tilefni dagsins. Þar ræddi hún fimm listviðburði sem hafa haft áhrif á líf hennar og það fór frá Tónlistarveislu á Húsavík yfir í Víking Heiðar á Proms Svo hringdum við í Samúel Jón Samúelsson en hann á stórt tónverk með 500 krakka lúðrasveit á opnunarhátíð Listahátíðar í dag

Finnbogi Pétursson var valinn myndlistarmaður ársins á dögunum og þótti sýning hans í Hveragerði, Skjálfti, skara fram úr. Í umsögn dómefndar sagði: "Finnbogi vann hugmyndina að verkinu með tengdaföður sínum, jarðskjálftafræðingnum Ragnari Stefánssyni, sem jafnan var kallaður skjálfti. Þeir hugðust vinna með jarðfræðilega virkni Hveragerðis, meðal annars með tæki sem Ragnar hafði þróað. Áður en hugmyndin að sýningunni var fullunnin lést Ragnar en til að heiðra minningu hans kom Finnbogi eldrauðu duftkeri fyrir í rýminu og vísar þannig í nærveru ástvinar." Finnbogi kemur í fimmu og talar um fimm vörður í lífinu sem breyttu öllu.

leikarinn Jakob van Oosterhout hefur aldeilis slegið í gegn í Ormstungu í Þjóðleikhúsinu en hann kemur líka við sögu í 20 og eitthvað á RÚV og mun leika aðalhlutverk í söngleiknum Með allt á hreinu í sumar. Jakob kom í skemmtilega fimmu en hún fjallaði um fimm hljóðfæri lífs hans og sögurnar voru margar og skemmtilegar.

Jenný Kristín Valberg er kona sem barðist út úr ofbeldi í nánu sambandi og nýtir nú reynslu sína til að hjálpa öðrum í gegnum starf sitt hjá Bjarkarhlíð, miðstöð fyrir þolendur ofbeldis. Jenný kom í Fimmu og sagði okkur af fimm áhrifavöldum í lífi hennar og það hófst með afa hennar, Ingvari Jónssyni, sem var skipa og húsasmiður. Í síðari hlutanum skoðum við það sem gerðist á deginum og spilum tónlist sem tengist.

Gestur dagsins í Fimmunni var Una Torfadóttir tónlistarmaður sem talaði um fimm áhugamál sem hafa haft áhrif á líf hennar. Talið leiddi okkur víiða, t.d um heilaæxlið sem hún fékk um tvítugsaldurinn og nauðsyn þess að nýta söng til heilunar. Svo kíktum við á það sem gerðist á deginum

Felix Bergsson fer Fram og til baka með hlustendum í sérstakri hátíðarútgáfu á fyrsta maí, baráttudegi verkalýðsins. Gestir hans eru Pálmi Sigurhjartarson tónlistarmaður, Jakob Tryggvason formaður Rafiðnaðarsambandsins og Elísabet Indra Ragnarsdóttir verkefnastjóri eigin dagskrárgerðar hjá Hörpu.

gestur dagsins var Jón Karl Ólafsson fyrrverandi forstjóri Icelandair sem hefur komið víða við á löngum ferli og grínast með það að hann sé "fyrrverandi fullt!" Jón Karl talaði í fimmu sinni um fimm lífsviðburði sem breyttu öllu og þar kenndi margra grasa allt frá krabbameinsgreiningu til píanónáms með viðkomu í tannlækningum sem urðu að viðskiptafræði. í síðari hlutanum skoðaði Felix hvað gerðist á deginum

Felix fór fram og til baka með hlustendum að morgni sumardagsins fyrsta, spilaði sumartóna, talaði um það sem hægt væri að njóta á deginum og fékk góða gesti í morgunkaffi. Skátarnir Inga Auðbjörg og Sædís Ósk voru fyrsta, svo kom Kristjana Stefánsdóttir tónlistarmaður og síðan hljómsveitin Tab en hana skipa þau Tinna Kristinsdóttir, Arna Rún Ómarsdóttir og Bjartmar Þórðarson. Að lokum hringdi Felix í Sigyn Blöndal hjá Unicef.

Gestur dagsins í Fram og til baka er Flateyringurinn Eyþór Jóvinsson sem hefur sannarlega komið víða við. Hanna er bóksali og verslunarmaður, sagnfræðinörd, arkitekt, ljósmyndari og kvikmyndagerðarmaður, rithöfundur, fyrrum knattspyrnukappi og margt margt fleira. Við heyrum af fimm bókum (nema hvað) sem hafa haft áhrif á líf hans. Í síðari hluta þáttarins er fjallað um það sem gerðist á deginum.

Hannes Óli Ágústsson hefur komið víða við í listinni og vakið athygli fyrir mikla hæfileika, bæði í gamanleik og drama. Hannes Óli kemur í Fimmu og segir af fimm lögum sem hafa sterk tilfinningatengsl við hann. Verður Ja Ja Ding Dong þar á meðal? Í síðari hluta þáttarins verður Leifur Geir Hafsteinsson viðmælandi en hann stendur fyrir stóru verkefni með Vestmannaeyingum í hópnum Vinir og vandamenn en þar eru fjölskyldumeðlimir Oddgeirs Kristjánssonar og Ása í Bæ að syngja þekkt og óþekkt eyjalög. Leifur Geir segir okkur allt um verkefnið, tónleikana og plötuna Hve dátt er hér…, sem sameinar sjaldheyrðar perlur og nýtt efni úr ríkri tónlistarhefð Vestmannaeyja.

Fram og til baka er víðförull þáttur og í þessari sérstöku páskaútgáfu tyllum við niður fæti í höfuðborg Tævan, Taipei. Felix Bergsson segir okkur af upplifun sinni af þessari mögnuðu eyju og fólkinu sem þar býr. Gestur þáttarins, Þorsteinn Kristinsson stjórnmálafræðingur, býr einmitt í Taipei ásamt eiginkonu og nýfæddum syni. Þorsteinn, eða Stenni eins og hann er yfirleitt kallaður, segir okkur af sjálfum sér, uppvextinum í Hafnarfirði og lífinu í Taiwan en víkur einnig að áhugaverðri sögu landsins, sambandinu við Kína og stjórnmálunum. Komið með þegar við flökkum í orðsins fyllstu merkingu fram og til baka

Kvikmyndasafn Íslands hefur verið í umræðunni undanfarið vegna fyrirhugaðrar sameiningar safnsins við Landsbókasafn. Það hefur vakið gagnrýni og undrun innan kvikmyndageirans. En Kvikmyndasafnið hefur líka verið í fréttum vegna samvinnu við RÚV í vinsælum þáttum eins og Stjörnubíó og Perlur Kvikmyndasafnsins. Þóra Sigríður Ingólfsdóttir er forstöðumaður safnsins og hún mætir í fimmu og talar um fimm götur í lífi sínu. Leikurinn berst frá Frakklandi í Hafnarfjörð með viðkomu í miðborg Reykjavíkur, á Grensásvegi og Kópavogslauginni. Tónlist dagsins er svo tengd deginum, 28. mars.

Þjóðskrá hefur verið að koma mjög vel út úr könnunum á ánægju starfsfólks og verið meðal stofnana ársins undanfarin ár. Forstjórinn Hildur Ragnars kom í Fimmu, ræddi starfið og einnig fimm upplifanir sem breyttu lífi hennar. Hún var starfandi lyfjafræðingur en ákvað að söðla um og tók við Þjóðskrá með þessum fína árangri. Svo kíkjum við á tónlist sem tengist deginum

Hrafnkell Pálmarsson eða Keli, fasteignasali og gítarleikari í hljómsveitunum Í svörtum fötum og Nýju fötin keisarans er gestur dagsins í Fimmunni. Keli talar um fimm störf og þar kemur ýmislegt skemmtilega á óvart, t.d tími hans í Þjóðleikhúsinu sem barnastjarna og hlutverkið í Hvíta víkingnum. Við heyrum líka tónlist sem tengist Kela. Í síðari hluta þáttarins heyrum við hvað gerðist á deginum

Gestur dagsins er söngkonan, guðfræðingurinn og kennarinn Móeiður Júníusdóttir eða Móa. Hún talar um fimm bækur sem breyttu lífi hennar og gerðu hana að þeirri manneskju sem hún er. Móa var poppstjarna á tíunda áratugnum en venti kvæði í kross í orðsins fyllstu og lærði guðfræði. Hún gerðist svo kennari og er enn. Hún er enn að gera tónlist og við heyrum nýjasta lagið hennar í þættinum. Í siðari hlutanum heyrum við tónlist sem tengja má við atburði sem gerðust á deginum, 7. mars.

Álfrún Gísladóttir eða Alfie er íslensk leikkona sem hefur vakið athygli bæði hér heima og í Bretlandi. Hún er að leika eigin sýningu sem heitir Dead Air og fjallar þar um konu í sorg sem reynir að ná sambandi við látinn föður sinn í gegnum gervigreindina. Álfrún kom í fimmu og talaði um fimm dauðsföll sem hafa haft áhrif á líf hennar og þar kenndi aldeilis margra grasa. Í seinni hlutanum litum við á það sem gerðist á deginum og lékum tengda tónlist

í dag er alþjóðlegur dagur móðurmálsins og þvi var tilvalið að fá Kristínu R Vilhjálmsdóttur kennara og menningarmiðlara í fimmu sem varð auðvitað fimm tungumál. Kristín fluttist 6 ára til Danmerkur þar sem hún hefur búið síðan. Hún tapaði íslenskunni og lærði ekki aftur fyrr en á fullorðinsaldri. Kristín sagði okkur sögu sína og talaði um fjársjóðinn sem felst í tungumálum. Svo litum við á það sem gerðist á deginum, heyrðum nýja tónlist og minntumst Haraldar Sigurðssonar eða Halla sem féll frá 18. febrúar

Það er óhætt að segja að Jón Sigurður Gunnarsson sem er alltaf kallaður Nonni hafi marga hatta. Hann er fimleikameistari og Íslandsmeistari í kraftlyftingum en hefur hallað sér að listagyðjunni, bæði í tónlist og nú sirkuslistum en hann er meðlimur Sirkus Íslands og tekur þátt í mörgum sýningum bæði hér heima og erlendis. Hann klárar MA gráðu í sviðslistum frá LHí á árinu með fókus á sirkusinn. Nonni kom í FIMMU og talaði um fimm ákvarðanir sem breyttu lífi hans. Svo fjallaði Felix um það sem gerðist á deginum og sagði af magnaðir tónleikaupplifun en hann sá David Byrne á sviði í Berlín ásamt 11 manna hljómsveit á Who is this guy? tónleikaferðinni.

Gestur dagsins í FIMMUNNI var Nanna Hlíf Ingvadóttir tónlistarkennari og kórstjóri. Nanna talaði um fimm tónlistarkennara sem hafa haft áhrif á líf hennar og mótað. Það hófst með Jóni söngkennara í Æfingadeildinni og endaði á Kristínu Valsdóttur. Á milli heyrðum við sögur af ævintýralegri ævi. Í síðari hluta þáttarins skoðaði umsjónarmaður atburði dagsins og spilaði tengda tónlist

Pabbi hennar Birtu Sólveigar Söring Þórisdóttur var sá eini sem kallaði hana "kríukropp" og það varð nafnið á verkinu sem hún samdi til minningar um hann, þá í listaháskólanum. Birta hefur síðan slegið í gegn sem leikkona og fer nú á kostum sem Lína langsokkur í Þjóðleikhúsinu, auk þess að taka þátt í Ormstungu. Birta Sólveig kom í skemmtilega fimmu Í síðari hlutanum skoðuðum við hvað gerðist á deginum

gestur dagsins var Kanema Erna Mashinkila sviðslistakona sem leikstýrir sýningunni Þegar ég sé þig sé ég mig í Borgarleikhúsinu. Kanema hafði skemmtilega fimmu í farteskinu en hún talaði um fimm tómstundir sem hafa haft djúp áhrif á líf hennar og þar kenndi margra listrænna grasa Í síðari hlutanum kom Karl Ágúst Ipsen í heimsókn en hann er Dolly Parton sérfræðingur þáttarins. Dolly varð áttræð á dögunum og hefur ekki setið auðum höndum frekar en fyrri daginn og það þrátt fyrir veikindi.

Í þessum þætti lítur Felix til baka og skoðar skemmtilegar fimmur frá 2025. Þar má heyra raddir eins og Elizu Reid sem talar um lærdóminn í forsetatíð Guðna, Guðmund Pétursson tónlistarmann sem segir sögur sem tengjast athyglisverðum matarboðum á tónleikaferðum og Ólöfu Skaftadóttur sem fjallar um fimm atriði sem að hennar mati hafa alls ekki fengið nægilega andstöðu í íslensku samfélagi. En þetta eru bara þrjú dæmi af sjö. Aðrir viðmælendur eru Guðrún Kaldal, Fida Abu Libdeh, Sigsteinn Sigurbergsson og Guðmundur Þórarinsson.

Bjarni Arason hefur verið einn vinsælasti söngvari þjóðarinnar allt frá því hann sló í gegn sem látúnsbarkinn árið 1987. Í dag starfar Bjarni sem hótelstjóri auk þess að syngja í veislum og jarðarförum. Hann treður svo upp með stórsveit Reykjavíkur í Hörpu um helgina. Bjarni kom í skemmtilega fimmu og spjall. Að vanda voru fimmur síðasta árs rifjaðar upp og að þessu sinni heyrum við brot frá Steini Jóhannssyni, Margréti Rós Harðardóttur og Dagrúnu Ósk Jónsdóttur

Fyrsti gestur á nýju ári var fulltrúi ungu kynslóðarinnar. Askur Hrafn Hannesson er kornungur aðgerðarsinni og jafngamall Gretu Thunberg. Hann hefur verið formaður ungliðahreyfingar Amnesty og unnið með No Borders og UN Women og stundar nú nám í guðfræði. Askur kom í skemmtilega fimmu og sagði af fimm manneskjum sem hafa haft áhrif á líf hans. Gleðilegt nýtt ár elsku hlustendur!

Jólaþáttur Fram og til baka var tileinkaður áramótaheitum og því sem gerðist á deginum. Viðmælendur í þættinum voru Evert Víglundsson líkamsræktarþjálfari og Stefán Smári Ásmundarson leiðsögumaður og formaður Flugbjörgunarsveitarinnar á Hellu

Það má segja að Gísli Matthías Auðunsson sé súperstjarna í kokkabransanum á Íslandi og hann var tilvalinn gestur í síðasta þætti fyrir jól! Gísli Matthías kom með fimmu sem tengdist fimm uppáhalds matarborgunum hans. Spjallið fer víða og berst frá Vestmannaeyjum til Hong Kong. Svo kíktum við á það sem gerðist á deginum og spiluðum jólalög!

Gestur í Fimmunni var Ilmur Kristjánsdóttir sem leyfði okkur að heyra fimm jólalög sem hafa fylgt henni í gegnum tíðina. Fyrsta lagið var með Dananum John Mogensen sem söng På loften sidder nissen. Tilefnið var að Ilmur bjó með fjölskyldunni í Danmörku þegar hún var sjö ára og á hlýjar minningar þaðan. Ilmur stendur fyrir átaki um hver jól þar sem kertastjakinn Glóð er seldur til styrktar Rótinni og Konukoti, en Ilmur er einn af stofnendum Rótarinnar. Kertastjakinn er hönnun og smíði Erlings Jóhannessonar gullsmiðs.

sumir kalla hana poppstjörnu Íslands en Bríet er með báða fætur á jörðinni og mætti til Felix í skemmtilega fimmu. Hún talaði um fimm lög sem hafa haft áhrif á líf hennar og tengdi þau við fólkið sitt, tilfinningaríka ömmu, hæfileikaríkan pabba og góðan vin í poppinu. Spjallið fór um víðan völl enda Bríet skemmtileg sögukona og sagði af uppruna sínum frá Egyptalandi og úr Sinfoníuhljómsveit Íslands.

Hrafnkell Örn Guðjónsson hefur getið sér gott orð sem trommari og þá helst með hljómsveit sinni Agent Fresco. En hann hefur komið víða við og í bráðskemmtilegri fimmu sagði hann Felix og hlustendum af fimm ákaflega eftirminnilegum giggum. Sögurnar bárust um allan heim, frá Airwaves í Reykjavík til Seattle í Bandaríkjunum með viðkomu í Armeníu og Evrópu. Einnig var rætt um uppvöxtinn í Reykjavík, ástina á trommunum og nýja starfið sem er tónlistarkennsla í grunnskólum en Keli var meðal leiðbeinenda krakkanna úr Fellaskóla sem unnu Skrekk á dögunum.

Þær Vala Höskuldsdóttir og Sigríður Eir Zóphoníasdóttir sem skipa Hljómsveitina Evu komu í sameiginlega fimmu og töluðu um fimm lög sem hafa haft áhrif á líf þeirra saman og í sitt hvoru lagi. Spjallið fór um víðan völl, Páll Óskar og Doktor Love komu við sögu, einnig kulnun, fílapenslar og draumur um Eurovision. Já og svo auðvitað sýningin þeirra, Kosmískt skítamix, sem hefur fengið frábæra dóma. Í síðari hlutanum skoðaði umsjónarmaður það sem hefur gerst á deginum

Greipjokes á internetinu hefur slegið í gegn og fær milljónir áhorfa í hverri viku. Það er ungur Íslendingum, Greipur Hjaltason sem er á bak við karakterinn Greip sem er einhverskonar vitlaus og bláeygur heimspekingur sem kemur með undarlegar og skemmtilegar fullyrðingar um Ísland og lífið og tilveruna. Greipur kom í Fimmu og talaði um fimm rithöfunda. Svo minntumst við Helga Pé og skoðuðum það sem gerðist á deginum

Hún fór menntaveginn og lærði verkfræði af því að hún hélt að allir væntu þess af henni. En hún var aldrei hamingjusöm og leið raunar það illa að hún vildi helst láta sig hverfa. Þá fann hún sig í söngnum, fyrst í Söngskólanum í Reykjavík og svo í námi í London og Montreal. Nú er hún starfandi tónlistarmaður í Stokkhólmi og gengur allt í haginn. Hún heitir Stína Ágústsdóttir og var gestur Felix í skemmtilegri fimmu. Í síðari hluta þáttarins skoðum það sem gerðist á deginum og spilum tónlist í samræmi við það

Við förum langa leið í Fram og til baka dagsins því þátturinn sveiflast úr Efstaleitinu til Mumbai á Indlandi. Gestur dagsins í fimmunni er sviðslistamaðurinn og söngvarinn Álfgrímur Aðalsteinsson sem hefur vakið athygli fyrir tónlist sína og viðveru á samfélagsmiðlum. Hann ræðir fimm leiksýningar og líf sitt í skemmtilegri fimmu. Síðari hlutinn kemur frá Mumbai þar sem Felix dvelur þessa dagana við leik og störf. Við fræðumst um borgina og það samfélag sem mætir norrænum og löðursveittum umsjónarmanni

Logi Pedro Stefánsson tónlistarmaður og hönnuður flutti óvænt sem barn að aldri til Íslands frá Portúgal vegna veikinda móður sinnar og þau settust að í miðborg Reykjavíkur. Það var nauðsynlegt til að vera nálægt Landsspítalanum. Logi Pedro segir frá götunum fimm í lífi sínu í Portúgal, Reykjavík og Berlín.

Gestur Felix er söngkonan, leikkonan og kennarinn Sigríður Eyrún Friðriksdóttir eða Sigga Eyrún og fimman hennar snýst um fimm áratugi og lögin sem marka hvern og einn þeirra. Sigga hefur merkilega sögu að segja og hefur fengið stærri skammta af gleði og sorg en mörg okkar. Í síðari hluta þáttarins skoðum við atburði dagsins og afmælisbörn og tengjum tónlistina við það.

Uppistandarinn, ljóðskáldið og myndlistarkvárið Sindri Freyr Bjarnason hefur vakið athygli fyrir kraftmikla framgöngu á listasenunni undanfarin ár og er nú meðal listafólks í leikhópnum Stertabendu sem standa að Skammaþríhyrningnum í Borgarleikhúsinu. Sindri kom í Fram og til baka og sagði af fimm listgreinum sem hafa haft djúp áhrif á hán Í síðari hlutanum skoðar Felix hvað gerðist á deginum og tengir tónlistina við það

Hlaðvarpið Komið gott með Ólöfu Skaftadóttur og Kristínu Gunnarsdóttur hefur vakið mikla athygli, enda hlífa þær stöllur fáum og láta gamminn geysa um menn og málefni dagsins. Ólöf kom í fimmu í Fram og til baka og í anda Komið gott talaði hún um fimm atriði í íslensku samfélagi sem henni finnst mæta of lítilli andstöðu. Þetta var tölvustóllinn, Kennarasambandið, íþróttir sem stuðla að ótímabærri örorku, meðalmennskan og vínsmökkun. Svo kíktum við á það sem gerðist á deginum

Willum Þór Þórsson átti farsælan feril sem íþróttamaður og þjálfari áður en stjórnmálin tóku yfir líf hans, bæði sem þingmaður og ráðherra. Nú er Willum Þór nýkjörinn forseti ÍSÍ og kom í fimmu til Felix. Þar fjallar hann um fimm áhrifavalda sem hafa haft áhrif á líf hans og það reynast vera börnin hans fimm, Willum Þór, Brynjólfur Andersen, Þyrí Ljósbjörg, Ágústa Þyrí og Þór Andersen. Öll eru á kafi í fótboltanum en hafa mjög ólíka persónuleika. Og þau hafa komið víða við.

Leikkonan Hrefna Hallgrímsdóttir er að leika eitt aðalhlutverkanna í nýjum þáttum um Felix og Klöru sem verða á RÚV á næstunni. Hrefna er þó þekktari sem Skrýtla í dúettinum Skoppu og Skrýtlu en þær stöllur hafa glatt íslensk börn í rúm 20 ár. Hrefna kom í fimmu og sagði af áhrifamiklum augnablikum á fimm áratuga ævi, eitt tilvik tengdist hverjum áratug. Þar kenndi margra grasa og við fórum frá barnasýningunni Krukkuborg í Þjóðleikhúsinu yfir í MA gráðu í jákvæðri sálfræði frá HÍ. Í fyrri hluta þáttarins skoðaði umsjónarmaður það sem gerðist á deginum

Leikarinn og skemmtikrafturinn Björgvin Franz Gíslason tók sig upp í covid og flutti til Bandaríkjanna þar sem hann fór í mastersnám, klessti á kulnunarvegginn og breytti lífi sínu. Hann segir okkur í fimmu vikunnar frá fimm áhrifavöldum sem hjálpa honum að finna leiðir í lífi og tilveru. Svo kemur Raggi Bjarna, mamma hans Edda Björgvins og Borgarleikhúsið auðvitað við sögu.

söngkonan Stefanía Svavarsdóttir sló í gegn á unglingsaldri þegar hún steig á svið með Stuðmönnum og hefur æ síðan heillað landsmenn með rödd sinni og framkomu. Stefanía var gestur í fimmunni og tilefnið er útgáfa nýrrar plötu og tónleikar sem hún heldur í Salnum með Pálma Sigurhjartarsyni. En Stefanía er ekki bara söngkona, hún er líka ferðalangur hinn mesti og hefur heimsótt ýmsa staði. Um það fjallaði fimman hennar.