Buvette - De Fussballpodcast

Den 1. FC Kaiserslautern kennt fir ee Fanmatch op Biwer!! All d'Detailer, d'Infoen an déi wichtegst Insider gëss du an dëser Specialepisod vun der Buvette gewuer an dat och nach mat engem ganz spezielle Gaascht.

Et ass eriwwer! Zwar nach net fir jiddereen, mee awer fir déi meescht Ekippen hei am Land. D'Saison ass bis op d'Barragematcher ofgeschloss a wat et Interessantes iwwert déi lescht Woch an déi rezentste Saison ze beschwätze gëtt, gëss du an der neitster Episod vum Podcast Buvette gewuer.

Et ass déi lescht Woch Fussball bevir et an déi schéinste Woch vum Joer geet. De Ben an de Gilles blécken op déi wichtegst Saachen am Lëtzebuerger Fussball: BGl Ligue, Éierepromotioun, 1. Divisioun an an an… Alles an dëser Episod Buvette.

Nach zwee Weekender gi Matcher an der BGL Ligue gespillt, ier et dann an déi schéinste Woch vum Joer geet: wien do spillt bleift awer fierchterlech spannend. An der BGL Ligue stinn d'Ofsteiger fest, mee bei de Barragematcher kënnen nach genuch Ekippe spillen. Dat selwecht gëllt fir d'Éierepromotioun, an där Miersch elo och erëm um Opstig schnoffelt. Wien nach Chancen huet a wou den Zuch endgülteg fort ass, gëss du an dëser Episod Buvette gewuer.

Et ass Crunchtime am Fussball. Et schéngt wéi wann a Lëtzebuerg keen op europäeschem Niveau spille wëll, am Ofstig ass a bleift et bis zum leschte Spilldag spannend, d'Ofsteiger an d'Opsteiger sti fest an et ass trotz den Zoustänn am Lëtzebuerger Fussball méiglech, dass 1.800 Leit op een Terrain ginn. Wat nach alles esou lass war, gëss du wéi gewinnt an dëser Episode Buvette gewuer.

Et war erëm sou munches lass am Lëtzebuerger Fussballsland. Rouspert hëlt alt erëm 1 Punkt, verschidde Veräiner kréien d'UEFA-Lizens net, Mamer verléiert no laanger Zäit erëm ee Match, Spiller hunn nach de Neelchen an de Schung an d'Arbittere gi wéi verreckt rout Kaarten. Wat nach esou geschitt ass, gëss du wéi gewinnt an der neier Episod vum Podcast Buvette gewuer.

Lëntgen ass opgestigen, Déifferdeng ass Meeschter, zu Beggen ginn d´Eelefmeter ofgepaff, de Kevin Kerger rutscht wéi de Steven Gerrard a villes méi. Zu Lëtzebuerg ass de Weekend erëm vill geschitt a wat genee gëtt wéi ëmmer fir dech an der Buvette beschwat.

Et ass vill geschitt: Déifferdeng ass nach kee Meeschter a gëtt et vläit zu Rouspert, de Ben huet ee Gol geschoss, scho verdammt vill Matcher um Bockel an eng interessant Statistik op d'Bee gestallt. Wéi eng dat ass, wat extra am "RTL Goal" war an an an, wéi ëmmer an dëser Folleg Buvette.

D'Sonn ass dobaussen an dat mierkt een och op de Fussballsterrainen: Golkippere schéissen an der leschter Sekonn Goler, d'Leit ginn op Terrainen d'Matcher kucken an de Béier schmaacht erëm besser. De Ben krut de Weekend e gudde Schlag op d Schinnebeen, Miersch verléiert no 5 Matcher erëm an an an. Villes ass geschitt a gëtt wéi ëmmer an der neitster Episod vun der Buvette beschwat.

Alt nees ee gemittleche Fussballweekend am Lëtzebuerger Ländchen: De Ben hat e puer Chancë fir géint d'Jeunesse ze knipsen, Miersch gewënnt schonn nees an zu Kanech gouf de Match ofgebrach. Wat nach esou geschitt ass, wéi gewinnt an dëser Folleg Buvette.

De Ben hat de Weekend fräi an dowéinst muss den Dylan dru gleewen. Wat ass am Stade de Luxembourg geschitt, wéi war et zu Miersch um Terrain, wat ass esou besonnesch um Lëtzebuerger Fussball an an an. All déi Froen a weider onwichteg Theeme wéi gewinnt an dëser Folleg Buvette.

Alt nees ee vergaangene Weekend an der Fussballwelt an de Ben an den Dylan kucken zesummen op d'BGL Ligue, d'Éierepromotioun, d'Champions League, déi ustoend Lännermatcher an dat alles mat Fakten, Fakten a nach méi Fakten. Dat a nach vill weider Saachen an der neier Folg Buvette.

Et war e rouege Weekend an der Fussballwelt. Trotzdem kucken de Ben, den Gilles an den Dylan op d'Ereignisser. Déifferdeng mécht einfach sou weider wéi se et ëmmer maachen, zu Miersch ass eng Kou rondërem gelaf, Mamer schéisst Biissen of an de Lars Gerson huet Probleemer um Wuessterrain ze spillen. Dat a nach vill weider Saachen an der neier Folg Buvette.

D'Buvette ass nees do a kuckt fier ierch wéi gewinnt op d´Fussballsereignisser vun der leschter Woch. Goalkeeper scheisse Goaler, d´Terraien gesinn deels aus wéi bei de Wilden Kerle, Rouspert hëllt nees e Punkt an an an. Villes ass geschitt an wat genau wie emmer an deser Folg Buvette.

Alt nees e Fussballweekend hannert eis. Rouspert hëllt e wichtege Punkt géint Nidderkuer. Hueschtert dréit de Match géint Monnerech, Déifferdeng zitt weider fort an an der Éierepromotioun gëtt et ganz spannend. Fakten, Fakten, Fakten a nach méi Fakten an deser Folg Buvette.

Et ass geschitt! Eise Ben huet fir déi éischt Kéier dës Saison geknipst an huet senger Victoria sou zu enger wichteger Auswäertsvictoire verhollef. Mir kucken awer net nëmmen op Rouspert, mee och op d'Evenementer zu Hueschtert, der Bundesliga a wou soss nach eng lass war.

Deen éischten BGL-Spilldag ass Geschicht: Hesper huet keen Trainer méi a bei der Jeunesse war den Entrée fräi. Nidderkuer wëll mam Nationalspiller Lars Gerson nach eng Kéier voll ugräifen an Dësen dierf warscheinlech säin BGL Ligue-Debut zu Rouspert op der Pelouse féieren.

Mir si erëm zeréck. No enger laanger a verdammt gudder Wanterpaus gëtt et erëm Zäit op de Fussball ze kucken. Wéi eng Transferte sinn zu Lëtzebuerg geschitt, wien ass de wierkleche Königstransfert a wéi geet et déi nächst Woche weider? Alles dat a nach villes méi an dëser Folleg.

D'Buvette geet genau sou wéi de Lëtzebuerger Fussball an d'Wanterpaus. Trotzdeem beschwätzen d'Bouwe vun der Buvette nach eng Kéier déi wichteg Saachen. Wéi geet et mat Hesper weider? Wat huet de Ben zu Stroossen erlieft? Wat ass zu Königsdorf geschitt? Wat maachen d'Ekippen an der Wanterpaus? Alles dat a nach vill méi an dëser Episod vun der Buvette.

Et ass vill lass wann een sech aktuell am Lëtzebuerger Fussball ëmhéiert: ee grousse Skandal an der BGL Ligue vum Swift Hesper suergt fir Diskussiounsstoff am Land a wou ass déi perfekte Plaz fir natierlech driwwer ze schwätzen? Richteg, an der Buvette. Hesper, Coupe, d'Erliefnisser vum Weekend: d'Jonge vun der Buvette hunn erëm alles fir dech diskutéiert a beschwat.

Et gëtt wanterlech dobaussen an dowéinst schwätzt d'Buvette iwwer verschidde Gedrénks. Mee sou wéi et sech gehéiert och iwwert de Fussball. Wéi war et fir de Ben zu Wooltz? Wat war mam Kommentator lass? Wat ass zu Käerjeng geschitt? An an an.. Wieder Detailer wéi ëmmer erëm an der neier Episod vum Podcast Buvette.

D'Roud Léiwen hu gespillt an dat heescht erëm Kritik vu ville Säiten ausser an der Buvette. De Gerson ass ee super Typ, d'Auswiesslung vum Ralph ass top an de Courage vum Holtz genau sou. Mir hunn erëm déi wichteg Saache fir dech beschwat an ausdiskutéiert: vun Insider bis hin zu dréchene Fakten.

00000165 00000165 0000389D 0000389D 0006CC4E 0006CC4E 00007E86 00007E86 00034FF5 00034FF5

De Ben huet eppes fir eis Fussballskultur gemaach a war an der Staat beim 352 Football Festival. Leit, déi de Fussball gären hunn, sollen heiansdo gären e Béierchen drénken a gäre braddelen. Wat wëll een och Méi. Dann hat de Ben awer nach selwer Match a kuckt wat an der BGL-Ligue lass war an den Dylan schwätzt iwwer säin Dag zu Stuttgart.

Ee klengen Telefon aus Stuttgart, e bësse Geläschters riets a lénks. D'Buvette huet erëm den Tour duerch d'BGL Ligue an d'Éierepromotioun gemaach an ausserdeem nach e puer Diskussiounen zum Ballon d'Or begruewen.

Wat eng Pärel an der BGL Ligue! Bei der Fola fale Goler, wéi aus dem Billerbuch, de Ben erreecht erëm e Meilesteen a senger Karriäre, Déifferdeng huet ëmmer nach Ee kasséiert an an an. Am Lëtzebuerger Fussball ass vill lass a genau dofir lount et sech déi nei Folleg Buvette zelauschteren.

No enger Woch onfräiwëlleger Paus, mellen sech de Gilles an de Ben aus der Buvette zeréck. Um Programm stinn natierlech eis Rout Léiwen. Wéi geet d'Nations-League op een Enn, dat ass déi Fro, déi sech all Mënsch grad stellt. Ausserdeem hunn si nach eng Kéier op d'Coupe zeréck gebléckt an e puer weider Specials, héiers du wann s du eralauschteren.

An dëser Episod diskutéieren de Ben an de Gilles déi spannendste Momenter aus der BGL-Ligue, analyséieren d'Relegatiounschancë vun den Equippen an der Éierepromotioun a geheien e Bléck op déi rezentst Leeschtungen an Entwécklunge beim lëtzebuergesche Fraefussball. Mat interessante Statistiken an e puer Insider-Tipps suergen si fir déi gemittlech Stëmmung aus der Buvette.

00000208 00000208 00004242 00004242 000CB458 000CB458 00007E86 00007E86 000407D6 000407D6

De Ben an den Dylan huelen de ganze Lëtzebuerger Fussball am Detail auserneen: Goler, Chancen, Giel Kaarten a souguer eng interessant Karte-Statistik. Da schwätzen si nach driwwer, dass een am Fussball ëmmer bis zum Schluss spille sollt a kucken op den Ufank vun der neier Champions-League-Saison.

Lännermatchpaus heescht zwar keng BGL Ligue, keng Bundesliga a Co., mee Lännermatchpaus heescht och Zäit fir d'Roud Léiwen. De Ben, de Gilles an den Dylan kucken wéi et aktuell em d´Roud Léiwen steet, schwätzen iwwert den UNK an der Éierenpromotioun a maachen an dëser Folg souguer e Schwenker riwwer bei d'Paralympics.

BGL Ligue, Éierepromotioun, 1.Divisiounen an d'Lëtzebuerger am Ausland. De Ben, de Gilles an den Dylan hunn erëm alles analyséierta beschwätze bei weem et leeft, bei weem et eventuell grad net esou leeft, wou d'Goler geschoss ginn a wou een eventuell nach e Goalkipp gebraucht hätt. All dat a nach vill méi an dëser Folleg Buvette.

Am ganze Land leeft erëm de Fussball an d'Buvette ass rëm zu dräi. An dëser Episod bleiwen de Ben, den Dylan an de Gilles rëm nëmmen am Lëtzebuerger Land a kucken sech u wat an der BGL Ligue, der Ehrenpromotioun an an deenen anere Ligen de leschte Weekend lass war.

An dëser Episod ass de Ben eleng mam Dylan a si beschwätze wéi ëmmer dat Wichtegst aus dem Lëtzebuerger Fussball. Wat war an der BGL Ligue lass, wat ass an der Ehrenpromotion geschitt a firwat lount sech e Match an der éischter Divisioun besonnesch?

D'Buvette ass rëm zeréck an et gëtt alles op lénks gedréit! Keng Bundesliga méi, keng Premier League méi, näischt Internationales méi. Nëmmen nach déi interessant Saachen an zwar de Fussball aus Lëtzebuerg. De Ben de Gilles an den Dylan hunn sech Gedanke gemaach a plapperen an dëser Episod iwwer Aktuelles aus der BGL Ligue, e Sensatiounstrikot a maachen sech prett fir de Start vun deenen aneren Ligen.

Et assdéi allerlescht Buvette fir dës Saison, an där op d'Tabellen an d'Barragematcher vum Lëtzebuerger Fussball,sou wéi d'Final vum DFB Pokal gekuckt gëtt. Net ze vergiessen, stinn iwwert de Summer awer nach ganz wichteg Tournoien um Programm. Wéi eng genau, gëtt et an dëser Episod ze héieren.

Et ass déi lescht Buvette fir dës Saison an d'Buvette kuckt op eng jett Abschider. Den Dylan, de Kroos, de Kloppo, de Streich a vill weider Typpe verloossen d'Fussballsbün. De Sinani huet St.Pauli an d'Bundesliga geschoss, de Barreiro wiesselt op Benfica an de Lëtzebuerger Fussball huet fir e Skandal gesuergt. Dat a nach villes mei an dëser Episod Buvette.

An der Fussballwelt kënnt et esou lues zu Entscheedungen. Kaiserslautern huet d'Klass gehal, Kiel a Pauli sinn opgestigen, Déifferdeng ass Champion, Nidderkuer ass Coupegewënner an an an… Natierlech gëtt dann och an den Ekippen deementspriechend gefeiert a wansinneg Interviewe gehalen. Alles am Detail an dëser Episod Buvette.

De Ben an den Dylan hunn sech dës Kéier nees d'Méi gemaach an hunn all déi wichtegst Saachen aus der Fussballswelt fir dech opgegraff. Rouspert suergt dofir, dass et keng Meeschterschaftsfeier fir Déifferdeng gouf, den Jamie Carragher huet gelieft wéi een aus der Buvette, De Kroos spillt weiderhin Zockerpassen, de Max Kruse gesäit aus wéi de schlechten Ailton an de Baumgart hat Streit matt sengem Noper.

De Fussball fiddert eis rëm mat genuch Themen. Am Lëtzebuerger Fussball sti Beetebuerg a Sandweiler schonn als Opsteiger fest, zu Rouspert kommen d'Wierm aus dem Terrain an d'11Freunde schreift schéi Berichter iwwert eist Land. An der Bundesliga huet de Wurst-Uli géint den Tuchel gesténkert a Leverkusen schéisst rëm an der Nospillzäit den Ausgläich a verléiert rëm net. Themen iwwer Themen iwwer Themen nëmme fir dech an der neier Episod Buvette.

An dëser Episod Buvette kucke ma rëm ganz detailléiert wat an der Fussballwelt lass war. D'Buvette um Dribbel gëtt vum Ben an den Himmel gelueft, den Dylan huet rëm ander Kreisliga gekickt an de Gilles huet missen erliewen, wéi Leverkusen an der 97.Minutt alt rëm net verléiert. Da kucke ma nach op d'Champions League,schwätzen iwwer dem Lücke seng Héngerhaut a froen eis firwat et an der spuenescher Liga nach keng Torlinientechnik gëtt.

Wat fir eng Woch. Den Dylan huet rëm an der Kreisliga gekickt, de Ben huet mat Rouspert de Klassenerhalt gefeiert, an der Champions League sinn esou vill Goler gefall, wéi säit laangem net méi an an der Bundesliga ass Leverkuse Meeschter ginn. Mir schwätzen och nach iwwer dem Ben seng grouss Chance am Match an dem Flo Wirtz seng Kartoffelskala.

Et ass geschitt. Den Dylan ka mat Kaiserslautern op Berlin fueren. Lautern steet an der Final, Diddeleng spillt mat Trikote vun die Wilden Kerle, Lissabon ass aktuell gréng, Rouspert huet 3:0 gewonn, d'Lëtzebuerger Dammen si souverän an d'Quali gestart an an an… Alles dat a villes méi an dëser Episod.

Et ass eng Woch an där et ëm villes geet. Packt Lautern de Wee op Berlin?  Fënnt de Match iwwerhaapt statt oder ass zu Saarbrécken rëm Land unter? Alles Froen, déi an dëser Episod Buvette nees ënnert d'Lupp geholl a vum Gilles och op der Plaz analyséiert goufen. Da kucke ma nach op de leschte Spilldag an der BGL Ligue, kucken eis de Spëtzematch an der 2.Divisioun un an erweisen dem Mats Hummels eise gréisste Respekt.

Kuerz a knackeg. D'Lëtzebuerger Ekipp huet et leider net gepackt fir géint Georgien ze gewannen an trotzdeem hunnse et gepackt fir vill Begeeschterung an Euphorie am Land ze suergen. De Ben an den Dylan hunn sech de Match, d'Stëmmung an d'Fans am Land ugekuckt.

An dëser Episod dréint sech alles ëm eis Rout Léiwen. Dat ganzt Land fiebert op de Match en Donneschden hin an sou och mir. Mir hunn d'Ekipp ënnert d'Lupp geholl an natierlech och d'Buvetten aus dem Land, déi fir de Match e Public Viewing organiséieren. Allez Rout Léiwen!

D'Buvette ass rëm zu 3! De Gilles ass rëm do a schwätzt mam Ben a mam Dylan iwwert de leschte Spilldag vun der BGL Ligue, d'Bundesliga an d'Premier League. Wien ass de Momement "déi" Equipe an der BGL Ligue, wat hat Rouspert fir e Spillplang géint Nidderkuer, wéi geet den Dylan mat Leeschtungsdrock ëm, an an an. Alles an der neier Folg Buvette.

D'Buvette ass nees fir dech do an huet déi komplett BGL Ligue ënnert d'Lupp geholl. Wat war zu Rouspert lass? Firwat ass op der Fola Extase gewiescht? Wéi kënnen 9 Goler zu Wolz falen? An, an,an... Natierlech hu mir och gekuckt, wat an den ënneschte Ligue lass ass, wou de Ben d'nächst Saison gären en Auswäertsmatch huet a wéi verschidde Spiller de Wee an d'BGL Ligue packen.

D'Buvette ass och dës Woch nees fir iech do. Firwat muss de Ben eigentlech eng Këscht Béier mat op den Training bréngen? Wat ass zu Darmstadt mam Torsten Lieberknescht geschitt? Wat hält d'Buvette vum Toni Kroos? A firwat muss am Fong all Duerf e Public Viewing fir d'Lëtzebuerg-Matcher organiséieren?

Um Racing gëtt protestéiert an d'Buvette kläert op firwat. Da schwätze mir nach iwwert de Match Rouspert géint Hesper, kucken eis d'Tabell un an huelen eis Tipps vum Ben. Ënnert anerem kucke mir weider op d'Protester an der Bundesliga an hu weider Iddie fir de Protest ze ëmgoen.

Och wa Rosenmontag ass, gëtt an der Buvette geschafft. Wat konnt de Ben mat der Victoria räissen? Gewënnt Königsdorf e Mëttwoch an der Coupe? Wéi eng Koppel brauch d'Bundesliga a wéi gutt ass wannechgelift Bayer Leverkusen? Déi 3 aus der Buvette hunn op alles eng Äntwert.