God se Woord VARS vir jou Vandag

Send us Fan MailJohannes 3:14-15 Moses het die slang in die woestyn hoog op 'n paal gesit; so moet die Seun van die mens verhoog word, sodat elkeen wat in Hom glo, die ewige lewe kan hê.Het jy al agtergekom hoe die kleinste dingetjie ‘n ramp kan verhoed? Een enkele bout hou 'n vliegtuig se vlerk vas. Een vuurhoutjie steek 'n vuur in die ysige koue aan. Soms verander net een klein dingetjie alles.In 1829 is 'n sekere George Wilson skuldig bevind aan die roof van 'n poskoets en ter dood veroordeel. Maar toe, heeltemal onverwags, het die President van die Verenigde State vir hom 'n volle kwytskelding gegee. Mens sou dink dit sou die einde daarvan wees, nè?Maar Wilson het die kwytskelding geweier en gesê hy wil dit nie hê nie. Die saak het tot by die Amerikaanse Hooggeregshof gegaan, wat uiteindelik beslis het: 'n Kwytskeldingsbrief is net 'n stuk papier, tensy dit aanvaar word. Wilson is tereggestel.En dit bring my by dít wat Jesus gesê het:Johannes 3:14-15: Moses het die slang in die woestyn hoog op 'n paal gesit; so moet die Seun van die mens verhoog word, sodat elkeen wat in Hom glo, die ewige lewe kan hê.Dit klink aanvanklik vreemd dat Jesus Homself met 'n koperslang vergelyk. Maar in Numeri, het God 'n plaag giftige slange oor Israel gestuur as straf vir hulle sonde, en as gevolg daarvan het hulle aan slangbyte gesterf. Toe sê God vir Moses om 'n koperslang op 'n paal omhoog te hou. Enigiemand wat daarna gekyk het, het gelewe.Wat Jesus hier sê, is dit: Dis Ék. Ek is op 'n kruis verhoog. Nie vir die vertoon nie. Nie vir godsdienstige redes nie. Maar sodat enigiemand wat in My glo, en My aanneem, kan lewe.Die kwytskeldingsbrief is reeds met Christus se bloed aan daardie kruis geteken. Die geskenk lê en wag, maar dit red jou eers wanneer jy dit aanvaar.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Tessalonisense 2:13 Maar, broers en susters, geliefdes van die Here, dit pas ons om God altyd oor julle te dank. God het julle immers gekies om as eerstes verlos te word. Hy verlos julle deur die Gees wat julle aan Hom toewy en deur geloof in die waarheid. (NLV) Het jy jouself al as “spesiaal” beskou? Nie op 'n selfsugtige manier met 'n groot kop nie, maar met die wete dat jy geskape is om 'n verskil in hierdie wêreld te maak; dat daar iets is wat net jý kan doen.Toe ek jonk was, het my ouers 'n baie spesiale eetservies gehad - deftige borde, bakke, koppies en pierings - kristalglase en  silwer eetgerei wat net uitgehaal is wanneer daar spesiale gaste was.Die ander dae het ons die gewone borde, glase en messe en vurke gebruik. Dit was reg so, maar laat ek jou vertel, wanneer daardie gaste opdaag, het daardie eetstel, die kristal en die silwer alles so spesiaal gemaak.En dit is die betekenis van die woord “heiligheid”. Dit beteken om eenkant gesit te word vir 'n spesiale doel … dis wat God wil hê jy moet wees: heilig, opsy gesit vir Hom.2 Tessalonisense 2:13: Maar, broers en susters, geliefdes van die Here, dit pas ons om God altyd oor julle te dank. God het julle immers gekies om as eerstes verlos te word. Hy verlos julle deur die Gees wat julle aan Hom toewy en deur geloof in die waarheid. (NLV)God het ons lief met 'n liefde wat mens nie met woorde kan beskryf nie. Maar as ons kyk na al die foute en blapse wat ons maak, voel ons dikwels glad nie so heilig nie. Maar dit is juis die punt. Net soos die skottelgoed hulself nie was nie, en die silwerware hulself nie opvryf nie, is dit nie ons werk om onsself heilig te maak nie.Jy is gered omdat die Gees jou heilig maak en jou die geloof in die waarheid gegee het.Glo net en laat die Heilige Gees sy werk doen.Dit is God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailHandelinge 4:31,33 Na hierdie gebed het die gebou waar hulle bymekaar was, geskud, en hulle is almal met die Heilige Gees vervul. En hulle het God se boodskap onverskrokke verkondig.… Die apostels het kragtige getuienis gegee oor die opstanding van die Here Jesus, en God het sy genade ryklik aan elkeen gegee. (NLV) Iets wat baie kerkmense pla, is die manier waarop die gemeentelede optree. Jy sien kerke skeur en die helfte van die mense loop uit; soms baklei hulle selfs in die hof oor hul verskille. Regtig? Is dit hoe dit veronderstel is om te wees?In die vroeë 1700's het 'n klein groepie gelowige vlugtelinge uit Morawië, wat ons as Tsjeggo-Slowakye ken, vir vervolging gevlug. Hulle het gaan wegkruip op die plaas van graaf Nikolaus von Zinzendorf. Aanvanklik was daar baie spanning in die groep, maar op 13 Augustus 1727 het iets besonders gebeur: tydens 'n nagmaaldiens het hulle beleef hoe God se genade oor hulle uitgestort word.Die bakleiery het opgehou, daar was skielik 'n atmosfeer van versoening en hulle was weer in volle akkoord. Van daardie oomblik af het alles verander. Binne 'n paar dekades het hierdie vlugtelinge, sendingwerkers na Afrika en Amerika gestuur en die Morawiese beweging het een van die grootste sendingaksies ooit geword.Kyk wat sê die boek Handelinge:Handelinge 4:31,33: Na hierdie gebed het die gebou waar hulle bymekaar was, geskud, en hulle is almal met die Heilige Gees vervul. En hulle het God se boodskap onverskrokke verkondig.… Die apostels het kragtige getuienis gegee oor die opstanding van die Here Jesus, en God het sy genade ryklik aan elkeen gegee. (NLV) Hier is die kruks van die probleem. Wanneer ons eie wil en begeertes ons lewens regeer, en ons net heeltyd reg wil wees ... gaan dit net op één manier eindig: in ‘n bakleiery en verdeeldheid.Maar wanneer ons toelaat dat God se Heilige Gees ons vul, net soos Hy met die apostels gedoen het, sal sy krag en sy genade ons heeltemal beheer. Dis mos die genade wat ons nodig het!Dit is Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailEksodus 31:3-5 My Gees gee vir hom die kennis, begrip en vaardigheid om verskillende dinge te kan maak. Hy kan kunstige voorwerpe uit goud, silwer en brons maak. Hy kan edelstene graveer en monteer en houtsnywerk doen. Hy kan enige kunswerk maak. (NLV) Ons is almal geneig om ons natuurlike talente en vermoëns as vanselfsprekend te aanvaar. Ons leef immers al ons hele lewe lank daarmee saam; dis mos niks spesiaal nie; almal kan seker maar doen wat ek doen? En tog is niks verder van die waarheid af nie.Sommige mense is ongelooflik geseënd met 'n sagmoedigheid en vriendelikheid wat regtig bo gemiddeld is. Maar dan vergelyk hulle hulleself met die uitskieters en mense wat altyd in die kollig is, en hulle dink: As ek maar net so talentvol soos hulle kon wees. Ekke? Natuurlik probeer ek om saggeaard en vriendelik te wees; maar ek moet hard daaraan werk, want ek is meer die tipe ou wat oor hekkies spring om dinge gedoen te kry. Sien jy hoe simpel dit is om hierdie vergelykings-speletjie te speel?Destyds toe God vir Moses opdrag gegee het om die tabernakel te bou - daardie spesiale tent waar sy teenwoordigheid tydens Israel se tog van veertig jaar deur die woestyn sou woon - is dít wat Hy gesê het oor Besaleël:Eksodus 31:3-5: My Gees gee vir hom die kennis, begrip en vaardigheid om verskillende dinge te kan maak. Hy kan kunstige voorwerpe uit goud, silwer en brons maak. Hy kan edelstene graveer en monteer en houtsnywerk doen. Hy kan enige kunswerk maak. (NLV)So, hoekom het net een ou daardie talente ontvang? Hoekom nie sommer enige Jan Rap en sy maat nie? Want Besaleël was juis die een wat God uitgekies het en hom bekwaam gemaak het om daardie spesiale dinge te doen.En weet jy, wanneer jy vervul word met sy Gees - die Heilige Gees word jou "vervelige" ou talente ongelooflik spesiaal en buitengewoon kragtig in sy hande. Niemand anders kan doen, wat jy kan nie, want God het vir jou die talent en die vermoë gegee het om dit te doen. Vir niemand anders nie.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailEfesiërs 3:16 Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word. Ek weet nie van jou nie, maar vir my lyk dit asof dit al hoe moeiliker word om getrou aan Christus te bly. Dis moeilik om vol selfvertroue te praat oor dít waarin ons glo, of selfs net om aan te hou glo, terwyl almal van ons verwag om in te pas by 'n nuwe, goddelose wêreld. Hoe bly mens tot diep in jou siel getrou aan Jesus?Mariam Farahat was 'n Palestynse Christen wat onder groot druk na Islam oorgestap het, maar later in die geheim na Christus teruggekeer het - al het dit volgens plaaslike wetgewing, die doodstraf beteken. Toe sy gevang is, is sy toegesluit en gemartel. Ten spyte van al die dreigemente en mishandeling, het sy geweier om Jesus weer te verloën. Sy is uiteindelik in 2010 deur ekstremiste tereggestel.Hoewel haar storie buite die ondergrondse kerk nie baie bekend is nie, onthou gelowiges in daardie streek haar as iemand wat, net soos die martelaars van ouds, onder marteling staande gebly het, eerder as om Christus prys te gee. Daardie soort krag voel amper nie menslik nie; dis asof dit uit 'n ander wêreld kom. En dis presies wat dit is! Kyk wat het die apostel Paulus aan sy vriende in Efese in die eerste eeu geskryf:Efesiërs 3:16: Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word.Dit was nie sommer net mooi godsdienstige woorde nie. Dit het daardie Christene baie diep getref, want hulle het onder permanente kulturele en ekonomiese druk geleef; wat beteken het dat dit hulle opregte geloof en moed gekos het om in Jesus te glo. Wat jou ook al jou vandag onderkry - of dit nou versoeking, sonde, verslawing of die druk om in te pas by wêreldse standaarde is; onthou:Die Vader sal vir jou die krag gee om innerlik sterk te wees. Hy sal vir jou daardie krag deur sy Gees gee.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 14:16-17 Ek sal die Vader vra, en Hy sal vir julle 'n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees. Nou goed, party mense glo in God. Sommiges glo selfs dat Jesus die Seun van God was en is; dat hy mens geword het; aan die kruis gesterf het; opgestaan het en na die hemel opgevaar het. Dis alles goed en wel. Maar wat nou? Hoe is 'n mens veronderstel om Hom te ken, naby aan Hom te kom of sy teenwoordigheid te ervaar as Hy nie meer hier by ons is nie? Verduidelik dit vir my!Die bekende Engelse verpleegster en sosiale hervormer, Florence Nightingale, word allerweë beskou as die stigter van moderne verpleegkunde. In die laat 1800's was sy vir lank bedlêend en min mense het haar in die openbaar gesien, maar sy het deur haar briewe ‘n sterk invloed uitgeoefen.Vanuit haar siekbed in Londen het sy talle briewe aan politici, hospitaalrade en militêre leiers geskryf. Hoewel haar liggaam swak was, is haar impak oor groot afstande gevoel. Deur haar toedoen is sanitasie-stelsels in Indië verbeter, hospitaalontwerpe in Europa verander en sy het die militêre gesondheidsbeleid wêreldwyd beïnvloed. Mense wat haar nooit ontmoet het nie, het haar teenwoordigheid ervaar asof sy self in hul kantore gestaan en op verandering aandring het.Dit herinner ons dat die Gees afstande kan oorbrug en 'n mens die ander persoon se gesindheid kan aanvoel sonder dat jy fisies by hom hoef te wees. Jesus het net voor sy vertrek vir sy dissipels gesê:Johannes 14:16-17: Ek sal die Vader vra, en Hy sal vir julle 'n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees.Wanneer jy jou geloof in Jesus stel, woon Hy deur sy Gees in jou. God se Gees kan enige afstand oorbrug om sy teenwoordigheid eg te maak, sonder dat hy fisies by jou hoef te staan.Wees verseker dat Jesus jou nooit sal verlaat nie. Hy sal jou nooit in die steek laat nie. Hy is altyd by jou. Altyd!Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGenesis 2:7 Die Here God het toe die mens gevorm uit stof van die aarde en lewensasem in sy neus geblaas, sodat die mens 'n lewende wese geword het. Ons is geneig om die lug wat ons elke dag 23 000 keer in- en uitasem, sommer as vanselfsprekend te aanvaar. En tog sou ek en jy nie eens vir 'n paar minute daarsonder kon oorleef nie. Elke keer as jy asemhaal, trek jy triljoene suurstofmolekules in wat na jou longe jaag, in jou bloedstroom opgeneem word, aan jou hemoglobien vashaak, en binne minder as 20 sekondes elke sel in jou liggaam bereik.Asem is nie sommer net lug nie - dit is die vonk van lewe wat oomblik vir oomblik deur jou vloei. En tog is daar een ding wat die wetenskap nog nooit kon regkry nie (al probeer hulle hoe hard): om lewe uit dooie materie te skep. Nooit nie! Maar …Genesis 2:7 Die Here God het toe die mens gevorm uit stof van die aarde en lewensasem in sy neus geblaas, sodat die mens 'n lewende wese geword het.Die oorspronklike Hebreeuse woord vir “asem,” ruach, word ook dwarsdeur die Ou Testament gebruik om na die Heilige Gees te verwys. Dit beteken dieselfde as die Griekse woord, pneuma, wat in die Nuwe Testament vir die Heilige Gees gebruik word. Albei woorde dra die betekenis van asem of wind - onsigbaar, kragtig en lewenskragtig.En net soos God lewe in jou liggaam ingeblaas het (die enigste Een wat dit kon doen), so blaas die Heilige Gees lewe diep binne-in jou gees in.Net soos jy, het ek al tye beleef waar ek soos 'n zombie gevoel het; asof die wêreld al die lewe uit my uitgesuig het. Maar elke keer wanneer ek na God gedraai het vir hulp, het sy Gees - sy ruach, sy pneuma - weer lewe in my siel ingeblaas. Dit is die Gees wat lewe bring. Trouens, Hy is die enigste Een wat dit kan doen!Dit is God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGenesis 1:1-3 In die begin het God die hemel en die aarde geskep. Die aarde was heeltemal onbewoonbaar, dit was donker op die diep waters, maar die Gees van God het oor die waters gesweef. Toe het God gesê: “Laat daar lig wees!” En daar was lig. Die lewe kan soms nogal deurmekaar wees. Dit is nie altyd maklik om reg op te tree wanneer probleme jou skielik tref of dinge jou ontstel nie. Maar agter al die chaos is daar 'n geheime orde … as ons maar net daarna soek. Die wetenskap het baie gevorder sedert Isaac Newton sy drie bewegingswette in 1687 geformuleer het - wette wat verduidelik hoe voorwerpe stilstaan, hoe hulle vinniger beweeg, en hoe elke aksie 'n reaksie het. Trouens, hoe meer ons leer, hoe duideliker word dit dat die heelal volgens vaste reëls werk. Alles is so fyn beplan en georganiseer dat selfs die kleinste verandering alles in chaos sou laat beland.As swaartekrag net 'n bietjie sterker was, sou sterre dadelik uitgebrand het; as dit 'n bietjie swakker was, sou daar nooit sterrestelsels gewees het nie. Dit is dieselfde met die spoed van lig en alles anders in die natuur.Hierdie perfekte balans wys duidelik dat daar 'n God van orde is, en nie van chaos nie.Genesis 1:1-3 In die begin het God die hemel en die aarde geskep. Die aarde was heeltemal onbewoonbaar, dit was donker op die diep waters, maar die Gees van God het oor die waters gesweef.Toe het God gesê: “Laat daar lig wees!” En daar was lig. Dink jy regtig dat die God wat die hele heelal gemaak het, nie ook orde kan bring in die chaos van hierdie wêreld, of in die moeilike dinge waardeur jy nou gaan nie?Dieselfde Heilige Gees wat alles uit niks gemaak het, is die Een wat - ten spyte van wat die wêreld sê - vir jou wonderlike orde sal bring. Hy het eintlik reeds daarmee begin. Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 23:10,11 Moenie die ou grense van 'n stuk grond verskuif nie. Moenie weeskinders se grond by hulle probeer afvat nie. Die Een wat hulle beskerm, is magtig. Hy sal hulle saak teen jou verdedig. (NLV) Daar is 'n ou wenresep wat politici gebruik: Steun altyd die perd wat eiebelang genoem word, ou seun! Dit is 'n wyd aangehaalde, siniese waarneming oor die menslike natuur en politieke gedrag. Met ander woorde, bevredig die eiebelang van die mense en hulle sal vir jou stem. Ja my vriend, mense is selfsugtig en sal allerhande vorms van onreg en wreedheid tot hulle eie voordeel gebruik. En so verskuif ons die grense tussen reg en onreg. Tydens die sogenaamde Hoogland-verskuiwings in die 18de en 19de eeu in Skotland, het ryk grondeienaars duisende arm huurders van hul grond verwyder om plek te maak vir meer winsgewende skaapboerdery.Grense op kaarte is letterlik óór opgestel, dorpies is vernietig, en mense wat vir geslagte daar gewoon het, is in armoede, ballingskap of emigrasie van hul grond gedryf.Dit was in wese die verskuiwing van gemeenskappe en geregtigheid ter wille van wins. Die kwesbares - dikwels weduwees, weeskinders en die armes - is sonder grond of huise gelaat.Spreuke 23:10,11 Moenie die ou grense van 'n stuk grond verskuif nie. Moenie weeskinders se grond by hulle probeer afvat nie. Die Een wat hulle beskerm, is magtig. Hy sal hulle saak teen jou verdedig. (NLV) Eiebelang is 'n kragtige motiveerder vir elkeen van ons, miskien die magtigste van almal. Wie gee om wat met die ander gebeur, net solank ons gemaklik is! Wie gee om vir hulle swaarkry?In hierdie vers waarsku God ons teen gierigheid, en die uitbuiting van die kwesbares deur grense vir selfsugtige gewin te verskuif. Gierigheid wat die magteloses verplaas, korrodeer beide geregtigheid en die samelewing. En God sal sien dat sy geregtigheid uiteindelik geskied. Moenie die ou grense verskuif nie. Moenie begin om dit wat verkeerd is, reg te noem nie. Dis God se waarskuwing, en …Moenie toelaat dat grense verskuif word nie. Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 23:9 Moenie 'n dwaas probeer reghelp nie; hy sal jou verstandige raad met minagting behandel. Het jy al opgelet hoe maklik mense deur hierdie samesweringsteorie, of daardie radikale dogma, aan die neus gelei word? Kyk net om jou rond. Soveel mense word in die maalstroom van die sosiale media meegesleur en ingesuig, dat hulle nie meer hul eie opinies kan vorm en hul eie koppe kan volg nie.Stel jou voor jy ontmoet iemand wat oortuig is daarvan dat die aarde plat is, of dat vliegtuie chemikalieë spuit om mense se gedagtes te beheer. Daar sit jy hande oormekaar, ewe geduldig na hulle en luister terwyl hulle jou hulle NASA-foto's wys; hulle weergawe van basiese fisika aan jou verduidelik en selfs ‘betroubare wetenskaplikes' aanhaal.Maar weet jy, dit maak nie saak watter teenbewyse jy bring nie, jou vriend skud net sy kop en sê: "Dis dan wat hulle sê." Jou weerlegging van sy teorieë met woorde van wysheid en waarheid spoel oor hom soos water oor 'n eend se rug. Dis ‘n totale mors van tyd. Wat doen jy nou?Spreuke 23:9 Moenie 'n dwaas probeer reghelp nie; hy sal jou verstandige raad met minagting behandel.Dwaas klink darem baie kras. Maar soms is dit ook die regte benaming vir sulke mense. Deur die boodskappe wat ek skep, ontvang ek baie negatiewe kritiek van mense wat my allerhande name noem en my van allerhande dinge beskuldig.Dit het my aanvanklik regtig gepla, en dit het my ure lank geneem om aan elkeen te skryf en om te probeer om die lig van God se liefde in hul harte aan die brand te steek. Maar ek is jammer om te sê, nie een van hulle het getuig dat dit vir hulle behulpsaam was nie.En hoe wreed dit ook al mag klink, moet jy uiteindelik God se raad volg:Moenie 'n dwaas probeer reghelp nie; hy sal jou verstandige raad met minagting behandel.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke15:3-4 Die Here sien oral; Hy hou slegte en goeie mense dop. Kalmerende woorde bring lewe, skynheilige woorde breek mense. Daar is ‘n magdom van potensiële bruikbare talent wat in die agt miljard mense op aarde opgesluit is. Maar dit is tragies watter enorme deel van daardie talent verlore gaan, bloot omdat die wêreld dit nie waardeer of erken nie. Dink ‘n bietjie daaroor na. Die verlies van al daardie talent is verstommend!In 'n wêreld waar almal om aandag en sukses meeding, is daar soveel mense wat deur moeilike en onregverdige omstandighede benadeel word. Mense word geoordeel volgens hul uiterlike, of waar hulle vandaan kom. Jy moet jouself afvra, hoekom doen ons dit? En hoekom laat God dit toe?Spreuke 15:3-4 Die Here sien oral; Hy hou slegte en goeie mense dop. Kalmerende woorde bring lewe, skynheilige woorde breek mense.Neewat, niks het God se aandag ontglip nie. Die verskriklike dinge wat ons aan ander doen, gebeur onder sy neus. God sien die kwaad raak, en Hy sal daarmee afreken wanneer die tyd aanbreek. Maar intussen is daar iets wat jy en ek kan doen wat 'n groot verskil in soveel mense se lewens sal maak: Die ou vertaling praat van die sagtheid van tong as 'n lewensboom. Die oorspronklike Hebreeus praat van daardie vriendelike woorde as 'n genesende tong. Dit is spraak wat herstel, streel en aanmoedig; dit bring vitaliteit, groei en seën – dis soos 'n lewegewende boom.Dis opmerklik hoe min aanmoediging sommige mense eintlik nodig het om hulle volle potensiaal te bereik. Jy kan die een wees wat deur jou vriendelike woorde; jou genesende tong, hul lewens herstel tot alles wat God dit beplan het om te wees. Ja ... jy kan die instrument wees.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailHebreërs 11:24-26 Omdat Moses geglo het, het hy as volwasse man geweier om as die seun van Farao se dogter bekend te staan. Hy het die swaarkry saam met God se volk verkies bo die kortstondige genieting van die sonde. Vir hom was die smaad wat hy ter wille van Christus, die Messias, moes deurmaak, 'n groter rykdom as die skatte van Egipte. Hy het immers uitgesien na die beloning wat God aan hom sou gee. (NLV) Ons leef in 'n wêreld wat daarvan hou om medaljes en toekennings uit te deel - in skole, in die akademie, in sport, selfs in die vermaaklikheidswêreld. Ja, soos klokslag elke jaar, rol Hollywood die rooi tapyt vir die Oscar-toekennings uit. Die Oscars, staan bekend as die nag van weelde en prag. Flitsende kameras, glinsterende rokke, snyerspakke en miljoen-dollar glimlagte skitter waar die wêreld se grootste sterre bymekaarkom.Daardie goue beeldjies blink onder verblindende ligte terwyl limousines buite toustaan en die sjampanje binne vloei. Dit is die vermaaklikheidsbedryf se kroonjuweel - 'n skouspel van elegansie, luuksheid en prestige wat die verbeelding van miljoene kykers dwarsdeur die wêreld aangryp.Maar weet jy, Hollywood se dubbele Oscar-wenner, Denzel Washington, het in 'n onlangse onderhoud gesê: Die mens gee die toekenning. God gee die beloning. Op my laaste dag sal die Oscars my niks baat nie.Hebreërs 11:24-26 Omdat Moses geglo het, het hy as volwasse man geweier om as die seun van Farao se dogter bekend te staan. Hy het die swaarkry saam met God se volk verkies bo die kortstondige genieting van die sonde. Vir hom was die smaad wat hy ter wille van Christus, die Messias, moes deurmaak, 'n groter rykdom as die skatte van Egipte. Hy het immers uitgesien na die beloning wat God aan hom sou gee. (NLV)Ons kan so besig wees om die wêreld se toekennings en lof na te jaag, dat ons die Kroon van die lewe, wat vir die persoon wat vir Christus ly en tot die einde volhard, bestem is, uit die oog verloor.Mik na die Kroon, nie die trofee nie, want terwyl die trofee 'n tyd lank hou, is die Kroon van die lewe vir ewig in Christus joune. Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGoeiedag al ons VARS-vriende. Ek is Jokkie Gauché en hier is VARSVANDAG se Eerste Nuusbrief vir Julie. Ek kan skaars wag om vandag ‘n wonderlike getuienis - ‘n storie van God se genade wat my diep geraak het - met jou te deel.  Sarie Greeff, een van ons intekenaars, vertel: Jare gelede is ek verlam as gevolg van 'n virus wat ek opgedoen het. Volgens die mediese span was daar geen hoop vir my nie. Ek het in 'n Johannesburgse hospitaal gelê — ek was  op sterwe. Ek het vier maande lank in die intensiewe-sorgeenheid deurgebring. Toe ons mediese fonds opgeraak het, moes ons 'n baie moeilike besluit neem. In geloof het ons besluit om die hospitaal op eie risiko te verlaat. Die neuroloog se laaste woorde was: "Sy sal net 24 uur leef." Maar God is goed - en groter as enige mediese vonnis. Jesus het my aangeraak nadat daar vir my gebid is. Daardie 24 uur is nou 46 jaar later. Ek loop. Ek doen alles self. En dit is die werk van ons Vader — die Een wat nog nooit verander het nie, en nooit sal verander nie.  Hebreërs 11:1 sê: Om te glo, is om seker te wees van die dinge wat ons hoop, om oortuig te wees van die dinge wat ons nie sien nie.  o  Baie dankie aan almal wat gereeld van hulle laat hoor! Ons lees elke boodskap en waardeer elke “Amen” en “Halleluja” – dit beteken dat julle die boodskappe betekenisvol vind.o  Deur julle getroue bydraes bereik ons daagliks duisende mense met VARS-boodskappe. So word VARS ook jou bediening. Laat weet ons by die skakel in die teks:  Wat is die grootste uitdaging wat jy daagliks in die gesig staar? Want Galasiërs 6:2 sê:  Dra mekaar se laste en vervul so die wet van Christus. o  Sê ook saam met ons vir die Here dankie vir die vreedsame verloop van die betogings teen ongedokumenteerde buitelanders. En vir die Suid-Afrikaners wat soos een man in gebed saamgestaan het! Seënwense en mooi loop.Van Jokkie, Annelie en die VARS-span.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Korintiërs 5:14-15 Die liefde van Christus dring ons, omdat ons tot die insig gekom het dat een vir almal gesterwe het, en dit beteken dat almal gesterwe het. En Hy het vir almal gesterwe, sodat dié wat lewe, nie meer vir hulleself moet lewe nie, maar vir Hom wat vir hulle gesterf het en uit die dood opgewek is. Wanneer daar ‘n tragedie soos 'n skietery by ‘n skool, 'n treinongeluk of 'n terroriste-voorval in ‘n voorspoedige Westerse land voorkom, is dit oral in die nuus. Maar van die lyding en menseslagting in die oorloë en terrorisme in Afrika hoor ons nooit nie. Die meeste mense het nog nooit eers gehoor van die lot van die Rohingya-minderheid in Mianmar nie. Hoekom is dit so?In 'n episode van die Amerikaanse drama, The West Wing, sê 'n assistent vir die President: Die idee dat sommige lewens meer werd is as ander, is die wortel van alles wat verkeerd is met die wêreld.Die President antwoord toe stilweg: Ja, dit is.Dit is onaanvaarbaar, maar in werklikheid is dit hoe die wêreld funksioneer; sommige menselewens word gewaardeer, ander word misken. Sommige word opgehef, ander word oor die hoof gesien. En as ons eerlik is, dink ons ook soms so. Maar die Apostel Paulus vertel ons iets radikaal anders:.2 Korintiërs 5:14-15 Die liefde van Christus dring ons, omdat ons tot die insig gekom het dat een vir almal gesterwe het, en dit beteken dat almal gesterwe het. En Hy het vir almal gesterwe, sodat dié wat lewe, nie meer vir hulleself moet lewe nie, maar vir Hom wat vir hulle gesterf het en uit die dood opgewek is.Vir God is geen lewe meer werd as 'n ander nie. Christus het nie net vir die magtiges gesterf en die swakkes geïgnoreer nie. Hy het vir almal gesterf. Sy offer maak die speelveld aan die voet van die kruis gelyk.En as Christus se liefde ons dryf, kan ons mense nie volgens status, ras, inkomste, nuttigheid of agtergrond takseer nie. Om vir Jesus te leef, beteken om elke lewe deur sy oë te sien: om te sien dat almal ewe kosbaar is; dat almal eweveel genade nodig het en dat almal eweveel van ons liefde werd is.Die idee dat sommige lewens minder saak maak, is die oorsaak van alles wat verkeerd is met die wêreld.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPrediker 11:4-6 Wie die wind bly dophou, saai nie, wie na die wolke bly kyk, oes nie. Net so min as wat jy kan verstaan hoe gees en liggaam by mekaar uitkom in die skoot van 'n swanger vrou, net so min kan jy die werk van God verstaan. Hy doen dit alles. Saai jou saad in die môre, gaan in die laatmiddag daarmee voort. Jy weet nie watter van die twee sal 'n oes lewer nie en of altwee ewe goed sal wees nie.Ons ken almal daardie verskoning van, wag vir die "perfekte oomblik" voordat ons optree. Maar die lewe werk nie so nie. Geleenthede glip verby terwyl ons huiwer; en in ‘n oogwink is die oomblik heeltemal verby.Om die eerste tree in ‘n nuwe rigting te gee, is dikwels uitdagend. Dit is beslis ook uitputtend om die duisendste tree te gee op die geykte weg. Uitstel lyk inderdaad aanloklik; waar jy ook al op jou reis is.Prediker 11:4-6 Wie die wind bly dophou, saai nie, wie na die wolke bly kyk, oes nie. Net so min as wat jy kan verstaan hoe gees en liggaam by mekaar uitkom in die skoot van 'n swanger vrou, net so min kan jy die werk van God verstaan. Hy doen dit alles. Saai jou saad in die môre, gaan in die laatmiddag daarmee voort. Jy weet nie watter van die twee sal 'n oes lewer nie en of altwee ewe goed sal wees nie.Ag, vandag is te winderig, ek kan nie saai nie. Kyk na daardie stormwolke. Nee dis nie 'n goeie tyd om te oes nie.Sien jy? Uitstel is altyd 'n opsie! Waar jy ook al op die reis is. Maar diep in jou hart weet jy: hoe vinniger jy die moeilike dinge doen wat jy eintlik wil vermy, hoe vinniger sal jy die goeie dinge ontvang wat jy eintlik wil hê.Ja, daar is risiko's en onsekerhede langs die pad, maar net so min as wat jy kan verstaan hoe gees en liggaam by mekaar uitkom in die skoot van 'n swanger vrou, net so min kan jy die werk van God verstaan.God is op hierdie reis saam met jou, hou dus op om uit te stel. Begin saai.Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Samuel 15:22 Maar Samuel antwoord “Wat verkies die Here: brandoffers of gehoorsaamheid? Gehoorsaamheid is beter as offers; om te luister is beter as die vet van ramme. (NLV) Ons leef in 'n wêreld wat verslaaf is aan goed waarvan ‘n groot ophef gemaak word. Die sosiale media is mal daaroor – ‘n reusagtige skenking; ‘n openbare verskoning; ‘n groot valse vertoon van vriendelikheid. Maar agter die kollig is dit die klein, goedjies wat die meeste saakmaak; daardie goedjies wat nie aan die groot klok gehang word nie. Gehoorsaamheid is een van daardie keuses wat nie baie populêr is nie, maar gehoorsaamheid is die sleutel tot transformasie.Stel jou voor dat 'n jong man maande lank spaar om vir sy ma 'n pragtige geskenk te koop. Maar wanneer hy dit vir haar gee, glimlag sy en sê: 'Wat ek eerder sou wou gehad het, was dat jy meer tyd saam met my deurgebring het.' Hy het vir haar iets duurs gegee, maar hy het die een ding waarna haar hart verlang, gemis. Is dit nie hoe ons soms ook met God maak nie?1 Samuel 15:22 Maar Samuel antwoord “Wat verkies die Here: brandoffers of gehoorsaamheid? Gehoorsaamheid is beter as offers; om te luister is beter as die vet van ramme. (NLV) Dis wat Samuel vir koning Saul gesê het, nadat hy aan God ongehoorsaam was deur die vee van die vyand, teen God se bevel, vir hulself te hou, met die verskoning dat hulle dit vir die Here wil offer. Wel, Saul was uiterlik edel en gehoorsaam aan die wet, maar sy gedeeltelike gehoorsaamheid is steeds ongehoorsaamheid.Dis so maklik om liedjies te sing, jou hande in aanbidding op te lig, kontant in die kollekte bordjie te gooi ... en tog, in jou hart nie opreg te wees nie. Maar hoe kan jy weet of jy opreg is? Ja, dis reg! Dis deur hoe jy lewe en wat jy doen.Offers kan jou baie kos; gehoorsaamheid kos jou jou lewe.Om gehoorsaam te wees, is beter as om offerdiere te slag,en om te luister, is beter as om die vet van ramme te verbrand.Gehoorsaamheid is die hoogste vorm van aanbidding.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJudas 24-25 Aan Hom wat magtig is om julle van struikeling te bewaar en julle onbevlek en met vreugde sy heerlikheid te laat aanskou, aan die enigste God, ons Verlosser deur Jesus Christus ons Here, aan Hom behoort die heerlikheid en die majesteit, die krag en die mag, van alle ewigheid af, ook nou en tot in alle ewigheid! Amen. Die wêreld, oftewel die duiwel, sal jou daagliks probeer mislei om te glo dat dit alles oor die híér en nóú gaan; dat die hemel en hel bloot 'n versinsel van baie mense se verbeeldings is. Ja, my vriend, tot op die laaste dag van jou lewe sal jy steeds in die versoeking gelei word om weg te stap van jou ewige bestemming by God. Hier is die waarheid: God is Liefde, maar Hy is ook regverdig; ons is almal skuldig, want almal het gesondig, en ons het nie deel aan die heerlikheid van God nie, maar ons word, sonder dat ons dit verdien, op grond van sy genade vanweë die verlossing deur Jesus Christus, vrygespreek. Dis reg, nie een van ons kan ooit ‘n ewige plek saam met Hom verdien nie.Dis waarom het Hy Jesus, sy enigste Seun, na hierdie wêreld gestuur het sodat elkeen wat in Hom glo, nie verlore sal gaan nie, maar die gawe van die ewige lewe sal hê. Dis 'n gratis gawe van genade wat teen 'n verskriklike hoë prys gekoop is - die lewe van Jesus, wat vir jou en vir my aan die Kruis verdien is. Dis die waarheid.Baie mense glo daardie waarheid - miskien glo jy dit ook. Tog is die kanse tussen nou en eendag, baie groot om te struikel en om so hierdie gratis gawe te verkwis. Maar dit is geen verrassing vir God nie.Judas 24-25 Aan Hom wat magtig is om julle van struikeling te bewaar en julle onbevlek en met vreugde sy heerlikheid te laat aanskou, aan die enigste God, ons Verlosser deur Jesus Christus ons Here, aan Hom behoort die heerlikheid en die majesteit, die krag en die mag, van alle ewigheid af, ook nou en tot in alle ewigheid! Amen.God is beslis in staat om ons van struikeling te bewaar. Vertrou Hom. Vertrou op sy leiding. Want Hy het 'n plan, en ...Hy is magtig om jou van struikeling te bewaar en jou onbevlek en met vreugde sy heerlikheid te laat aanskou.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Petrus 1:8,9 Julle het Jesus wel nie gesien toe Hy op aarde was nie, tog maak dit nie vir julle saak nie. Julle het Hom lief en bly lojaal teenoor Hom. Julle bly op Hom vertrou. Dit is nie asof alles eers eendag daar ver gaan gebeur nie. Omdat ons op Jesus vertrou, kan ons sê dat ons saak nou reeds met God reg is. Dit is waarom ons in Jesus glo. Ek kan julle nie sê hoe bly dit ons maak nie. Ons loop behoorlik oor van dié wonderlike vreugde. Jy kan maar net om jou rondkyk en jy sal sien dat mense desperaat soek na iets wat eg is. Ons word oorweldig deur die nuus, ons kyk na dopamien-treffers op ons skerms, en dan lê ons snags met 'n pyn in ons harte wakker.Die vals belofte van vreugde is die slagyster wat soveel mense daartoe lei om dit op al die verkeerde plekke te soek. Een van daardie plekke is op ons slimfone; ons hoop om daar iets raak te loop wat vir ons plesier sal verskaf.So, kom ons slaan vandag 'n ander rigting in:1 Petrus 1:8,9 Julle het Jesus wel nie gesien toe Hy op aarde was nie, tog maak dit nie vir julle saak nie. Julle het Hom lief en bly lojaal teenoor Hom. Julle bly op Hom vertrou. Dit is nie asof alles eers eendag daar ver gaan gebeur nie. Omdat ons op Jesus vertrou, kan ons sê dat ons saak nou reeds met God reg is. Dit is waarom ons in Jesus glo. Ek kan julle nie sê hoe bly dit ons maak nie. Ons loop behoorlik oor van dié wonderlike vreugde. (DB)Petrus wil die nuwe Christene wat werklike probleme van hulle afsondering, laster en dreigemente ervaar, bemoedig. Hulle is op hierdie stadium darem nog nie vir die leeus gevoer nie, maar hulle kry swaar om in 'n vyandige kultuur aan Jesus getrou te bly.Petrus vertel hulle van 'n vreugde wat hul vyande nooit kan steel nie. Julle het Jesus wel nie gesien toe Hy op aarde was nie, tog maak dit nie vir julle saak nie. Julle het Hom lief en bly lojaal teenoor Hom.Nee, my vriend, hierdie is nie die een of ander brose gevoel van vreugde, van troos, of goedkeuring, wat soos mis voor die son verdwyn nie. Nee, dit is die vrug van die Gees, wat op Christus gevestig is, wat in die hitte van beproewing ontwikkel het.Die wêreld se vreugde vervaag vinnig. Maar die Gees se vreugde? Dit sal deur lyding voortduur. Jesus se Lig skyn die helderste in die duisternis. Laat jou vreugde volkome wees. Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGalasiërs 5:22-23 Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing. Dis nie maklik om ‘n blywende verandering in jou lewe te maak nie. Dit kan baie moeilik wees wanneer jy 'n slegte gewoonte wil afleer en dit met 'n goeie een wil vervang. Ja, om blywende vrugte in jou lewe te produseer - goeie vrugte - is beslis 'n uitdaging!Vrugte is 'n goeie beeld van die goeie dinge wat ons in ons lewens wil kweek. Ons weet dat vrugte goed is. Dink net aan aarbeie, moerbeie en vye - sappig en soet; vol belofte.En tog hou hulle nie lank nie. Aarbeie begin binne 'n paar dae bederf; moerbeie bederf amper oornag; en vye hou skaars langer. Hulle word sommer gou pap en smaakloos. Dis dieselfde met die vreugde waarna ons streef – dis vlietend, broos, en dit is weg voordat jy dit weet. Maar hier praat die apostel Paulus van 'n ander soort vrugte ... die soort wat hou.Galasiërs 5:22-23 Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing.Dis nogal 'n lang lys, nè? Maar weet jy, tensy jy die vreugde ervaar, is dit onmoontlik om nuwe gewoontes te volhou. Soos aarbeie, moerbeie en vye, is elke item op daardie lys inherent goed. Maar jy sal sien dat die vrugte waarvan Paulus praat, nie vrugte is wat ons uit ons eie krag kan kweek nie, maar die vrugte wat die Gees in ons lewens voortbring.En een van daardie vrugte wat God in jou lewe wil kweek … is vreugde. Volledige, oorvloedige, ewige vreugde.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 14:17 Die koninkryk van God is nie 'n saak van eet en drink nie, maar van gehoorsaamheid aan God, vrede en vreugde, wat die Heilige Gees ons gee. Watter dinge in jou lewe is vir jou die belangrikste: jou ervarings, jou besittings of jou status? Maak hulle jou werklik gelukkig? Is hierdie dinge wat jy gehoop het dit sou wees ... of nie?Franciscus van Assisi is in ‘n adellike gesin gebore. Hy was gewoond aan baie geld, luukshede, fyn klere, bankette en hoë status. Hy is tydens ‘n veldslag gevange geneem en vir meer as ‘n jaar as gyselaar in ‘n ondergrondse tronk aangehou. Hier het God in ‘n visioen aan hom verskyn en hy het die betekenis van luuksheid en voorreg begin bevraagteken. Hy het radikaal tot bekering gekom, sy lewe aan die Here gewy en ‘n monnik geword.Hy het in eensaamheid na die behoeftiges en melaatses – die mense wat hy vroeër sou verag het - omgesien. Hy het sy erfenis verwerp en eerder 'n lewe van radikale armoede, prediking en dienswerk gekies.Ja, dit is die waarheid... Hoe groot ons behoefte na rykdom, gemak en invloed ook al is ... ons weet diep binne-in dat dit nie saak maak hoe aanloklik geld en gemak lyk nie, dit sal nooit die diepste verlange van ons siel kan bevredig nie. Die apostel Paulus skryf hierdie woorde aan die kerk in Rome nadat daar ‘n stryery in die vroeë kerk ontstaan het.Romeine 14:17 Die koninkryk van God is nie 'n saak van eet en drink nie, maar van gehoorsaamheid aan God, vrede en vreugde, wat die Heilige Gees ons gee.Dit gaan nie oor die dinge van hierdie wêreld nie. Al wat hulle doen, is om ons te mislei en ons vreugde en vrede te steel.Franciscus het die vlietende plesier van hierdie wêreld verruil vir die dieper werklikheid van God se koninkryk – die geregtigheid, die vrede en die blydskap wat die Heilige Gees bring.God se koninkryk - sy heerskappy in ons lewens - is nie dié van 'n despotiese diktator wanneer ons onsself gewillig aan Hom oorgee nie. Nee, die koninkryk van God is 'n koninkryk van vreugde.Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 15:11 “Dit sê Ek vir julle sodat my blydskap in julle kan wees en julle blydskap volkome kan wees. Vreugde - egte, blywende vreugde - is die wonderlikste ding wat ‘n mens kan ervaar. Nie geluk nie. Geluk ry wipplank met jou omstandighede. Vreugde, aan die ander kant, bly by jou deur al jou hoogte- en laagtepunte.Ek weet dat God wil hê jy moet elke minuut van elke dag vir die res van jou lewe, in sy egte, blywende vreugde leef. En daardie vreugde is nie iets wat jy self kan optower nie; dit word deur Jesus self, diep in jou hart gevestig.Wanneer koel lug op 'n snikhete dag uit 'n lugversorger blaas, ervaar jy die proses van hitte-uitruiling. Warm en koel vloeistowwe vloei deur aparte kanale; hitte beweeg deur 'n dun wand, sodat die warm kant afgekoel word en die koel kant verfrissend koud word.Kyk wat Jesus die nag voor sy kruisiging vir sy vreesbevange volgelinge sê in:Johannes 15:11 “Dit sê Ek vir julle sodat my blydskap in julle kan wees en julle blydskap volkome kan wees.Hy moedig ons nie net van 'n afstand af aan nie – Hy dra sy eie vreugde ín ons oor. Sy vreugde vloei in ons moeë harte in en vul ons met sy blydskap, sodat ons blydskap ook volkome kan wees.Sien jy die oordrag, die uitruiling wat Hy beskryf?... my blydskap ... in julle ... julle blydskap ...volkome kan wees. Maar net soos die hitte-uitruiling afhang van die afstand van die bron, hang die vreugde-uitruiling af van hoe naby jy aan Jesus is, of jy ín Hom bly, na Hom luister, en aan Hom gehoorsaam is. Dit is hoe die vreugde-uitruiling plaasvind - deur nabyheid en intimiteit. Mag Jesus se vreugde ín jou ... volkome wees. Dit is God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailNehemia 8:11 Nehemia het verder gesê: “Gaan vier fees, eet en drink, en deel uit aan dié wat niks voorberei het nie. Hierdie dag word gewy aan ons Here. Moenie bedroef wees nie; as julle die Here met blydskap dien, sal Hy julle beskerm. Voel jy asof die laste van die lewe jou onderkry? En hoe langer jy hulle dra, hoe swaarder word hulle; hulle tap jou krag; hulle beroof jou van jou vreugde. Is dit regtig hoe jy wil leef?Mense gebruik kamele al vir byna drieduisend jaar as lasdiere. Daar is 'n rede daarvoor. 'n Kameel kan ongeveer 450 kilogram oor die woestyn dra - nie omdat hy sterk is nie, maar omdat God hom gemaak het met baie fyn ontwerpte sening-en-gewrig-skarniere wat sy bene sluit wanneer hy kniel.Die gewig van sy vrag druk dus nie direk op sy spiere nie; dit word deur sy skeletraamwerk gedra. Die kameel vou nie onder sy las soos ons sou nie - sy skelet doen die werk.Sien in jou gedagtes ‘n prentjie van die kameel met sy vrag. Kom ons dink dan aan die letterlike en figuurlike vrag waaronder die Israeliete gebuk gegaan het. Maar kyk wat God vir hulle, deur die profeet, sê:Nehemia 8:11 Nehemia het verder gesê: “Gaan vier fees, eet en drink, en deel uit aan dié wat niks voorberei het nie. Hierdie dag word gewy aan ons Here. Moenie bedroef wees nie; as julle die Here met blydskap dien, sal Hy julle beskerm.Hy bemoedig sy volk, nadat hulle vir soveel jare in ballingskap geleef het! Terwyl die Israeliete Jerusalem herbou het, moes hulle nie slegs die sterk opposisie van hul vyande hanteer nie, maar ook swaar vragte boumateriaal aandra om die muur en hul huise, weer op te bou. Wanneer jy te midde van ontberings kragteloos voel, gaan dit nie help om op jou tande te kners en harder te probeer stoei nie. Dit gaan oor God se vreugde wat die gewig van jou probleme verskuif; in plaas daarvan dat die las jou gees verpletter, dra sy vreugde jou vrag met sy krag, nie jou eie nie.God se vreugde lig nie net jou kop op nie - dit dra jou vrag, want die vreugde van die Here is jou krag.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 16:11 U leer my hoe om te lewe. By U is daar oorvloedige blydskap. Uit u hand kom net wat mooi is. Die lewensreis het meer kinkels en draaie as 'n tuimeltrein. Neem een verkeerde draai op jou lewensreis... en jy sal teen hoë spoed die spoor byster raak.Het jy geweet die slim mense sê dat ons gemiddeld 500 bewuste besluite per dag neem. So sal ek en jy in ons leeftyd waarskynlik meer as 13 miljoen bewuste besluite neem.Kom ons neem aan dat 95% daarvan onbelangrik is, en kom ons sit hulle vir 'n oomblik eenkant. Dink aan die 5% - die 650 000 matige tot belangrike besluite - wat jy in jou lewe sal neem.Nou goed, kom ons sê 5% van daardie 5% is swak besluite; dan gee dit jou steeds 32 500 matige tot groot foute. Dis nogal ‘n aardige ou spulletjie, nè? Meer as genoeg om 'n lewe te verwoes. Is dit nie dalk ‘n verduideliking waarom soveel mense so ongelukkig is nie?Dawid het lewensbedreigende uitdagings gehad wat ons sekerlik nooit sal beleef nie. Maar kyk wat hy vir God gesê het in:Psalm 16:11 U leer my hoe om te lewe. By U is daar oorvloedige blydskap. Uit u hand kom net wat mooi is.Dawid vind blydskap by die Here. God is sy hele lewe. Hy wys hom die pad om te neem. Hy lei vir Dawid in elke besluit, op elke kinkel en om elke draai. Wat beteken dit om so ‘n verhouding met Hom te hê?Dawid het die antwoord geken: oorvloedige blydskap.God se blydskap begin in sy Teenwoordigheid. Dit is volledig; dit is ewig; en dit hang nie van jou omstandighede af nie. Vertrou Hom; praat met Hom en laat Hom jou pad bepaal en jou met sy vreugde vul!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 13:4 Luiaards begeer baie dinge, maar hulle kry dit nie. Mense wat hard werk, kry alles wat hulle begeer. (NLV) Hulle sê: 'n kitssukses neem gewoonlik omtrent twintig jaar. Ek weet, ja, ek weet... Ons wens dit was nie waar nie, en tog weet ons dat dit honderdpersent waar is!In 1994 het 'n onbekende ou, met die naam Jeff Bezos, met 'n droom baie groter as wat hy veronderstel was om te droom, met 'n klein aanlyn-boekwinkeltjie in sy motorhuis begin. Terwyl ander agter winsbejag en kitssukses was, het hy sy oë op die horison gevestig gehou. Hy het sy wins herbelê; hy het geëksperimenteer toe ander hulle geldjies spandeer het of versigtig weggebêre het.Daardie motorhuis-gebore-droom het stadigaan sy reikwydte oor die hele wêreld uitgebrei. Amazon het nie slegs ‘n kleinhandelaar geword nie, maar 'n wêreldwye mark, 'n internetpionier en 'n huishoudelike naam – alles omdat een man die waarde van uithouvermoë bo kitsoplossings verstaan het.Bezos het geweier om ongeduldig te word en nie toegelaat dat sukses na sy kop toe gaan nie. Hy het gesê: Korttermyn-oorwinnings is maklik, korttermyn-denke is gevaarlik.Spreuke 13:4 Luiaards begeer baie dinge, maar hulle kry dit nie. Mense wat hard werk, kry alles wat hulle begeer. (NLV)Kom ons wees realisties. Ek wil nou nie jou moed breek, of jou drome verydel nie, maar kom ons neem aan dat jy waarskynlik nie nóg 'n Amazon sal begin nie ... alhoewel, wie weet, dalk verbaas jy ons almal? Onthou net een ding: God het jou uniek gemaak om iets te doen; om iets te bereik wat hierdie wêreld 'n beter plek sal maak.En hoewel harde werk nie altyd die vlak van sukses, wat ons in gedagte gehad het, waarborg nie, onthou dat luiheid omtrent honderdpersent van die tyd mislukking waarborg. Droom gerus groot drome, so groot as wat jy wil. Maar onthou, drome sonder dissipline bly net dit: drome! Dit is harde werk en ywer wat drome in werklikheid verander.Luiaards begeer baie dinge, maar hulle kry dit nie. Mense wat hard werk, kry alles wat hulle begeer. Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 11:13 Iemand wat loop en skinder, lap geheime uit; 'n betroubare mens bewaar 'n geheim. Skinder en stories oorvertel, is so oud soos die berge self! Dit is in die Bybel waar ons hoor dat dit reeds in die Tuin van Eden al voorgekom het. Ja, die oorvertel van geheime en onwaarhede oor ander mense is een van die grootste versoekings van die mensdom. Die slang in die Tuin van Eden het dit afgeskop deur die waarheid oor God te verdraai om vir Adam en Eva die groot leuen oor hul Skepper te vertel.Anne Boleyn, die tweede vrou van Koning Hendrik VIII, was die teiken van hofdienaars en politieke mededingers wat jaloers was op haar invloed. Hulle het om die hoekies gefluister en haar belaster; hulle het haar van egbreuk, bloedskande en heksery beskuldiging en die nuus vinnig versprei.Alhoewel dit absoluut onwaar was, is dit gebruik om 'n saak teen haar te bou. Sy is in die Toring van London onthoof. Met haar wrede dood, is dinge in Engeland gedestabiliseer, die troonopvolging is radikaal verander en daar het politieke onrus ontstaan.Hoeveel mense se loopbane, reputasies en lewens is deur die eeue heen verwoes deur ydele of kwaadwillige skinderstories? Daar moet sekerlik miljoene van hulle wees. Dis nogal iets om oor na te dink, voordat jy volgende keer in die versoeking kom om deel te neem aan ‘n skynbaar onskadelike ou skinderstorietjie.Spreuke 11:13 Iemand wat loop en skinder, lap geheime uit; 'n betroubare mens bewaar 'n geheim.Jy mag baie populêr voel wanneer mense om jou saamdrom terwyl jy 'n sappige skinderstorie oordra. Hulle mag dalk in hulle noppies wees wanneer hulle 'n vuil geheim hoor. Maar pasop! Hulle sal jou nooit weer vertrou nie, want hulle weet nou dat jy net so maklik oor hulle ook kan skinder!Skinder mag dalk onskuldig lyk, maar dit dra die krag om mense se lewens te vernietig. Skinder is die duiwel se radio; moenie sy platejoggie wees nie!Mense wat geheime oor ander vertel, kan nie vertrou word nie. Diegene wat vertrou kan word, se geheime gaan na hulle graf.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailFilippense 2:3-4 Moet niks uit selfsug doen of om daarmee te spog nie. Wees eerder nederig deur van medegelowiges meer te dink as van jouself. Julle moenie net elkeen na sy eie belange omsien nie, maar ook na mekaar se belange. (NLV) Jy hoor mense praat oor hul roeping, en dit klink alte deftig en edel. Maar 'n roeping het 'n onvermydelike prys. Dit behels dat jy jou eie begeertes in diens van ander neerlê. En dít is die edel deel.Sommige mense hou daarvan om te spog oor die wonderlike werk wat hulle doen. Sir Nicholas Winton was nie een van hulle nie. In 1938 het hy 'n ski-vakansie gekanselleer om 'n vriend, wat met vlugtelinge in Tsjeggo-Slowakye gewerk het, te help. Omdat hy die Nazi-bedreiging gesien het, het hy die redding van 669 Joodse kinders georganiseer deur treine te reël, visums te bekom en pleeghuise in Brittanje te vind.Hy het 50 jaar lank daaroor geswyg en nooit erkenning vir sy aandeel daaraan gesoek nie. Om net vir homself te leef, sou baie veiliger en makliker gewees het, maar Winton het die moeiliker pad van diens gekies en ander bo homself gestel.Filippense 2:3-4 Moet niks uit selfsug doen of om daarmee te spog nie. Wees eerder nederig deur van medegelowiges meer te dink as van jouself. Julle moenie net elkeen na sy eie belange omsien nie, maar ook na mekaar se belange. (NLV)Die lewe waarvan Paulus in daardie gedeelte praat, klink mos na die perfekte patroon vir jou om jou lewe op te bou. Ons hoef nie iets groots te bereik nie; dis die klein dingetjies wat ons langs die pad doen, wat mense se lewens beïnvloed.In 'n wêreld waar eiebelang die norm is, is onselfsugtigheid skaars. Die mees vervullende lewe word nie gemeet aan wat jy vir jouself hou nie, maar aan hoeveel jy van jouself weggee.Julle moenie net elkeen na sy eie belange omsien nie, maar ook na mekaar se belange.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 6:7-9 Filippus antwoord Hom toe: “Twee honderd mense se dagloon is nie eers genoeg om elkeen van hulle 'n stukkie brood te laat kry nie.” 'n Ander dissipel, Andreas, die broer van Simon Petrus, sê toe vir Hom: “Hier is 'n seuntjie met vyf garsbrode en twee vissies; maar wat is dit vir so baie mense?” Kan ‘n mens 'n skare van vyfduisend met twee klein vissies en vyf brode voed? Dit klink belaglik, nie waar nie? Ek bedoel ... wat het Jesus gedink?Gladys Aylward het in Engeland as ‘n bediende gewerk. Sy het min formele opleiding gehad en amper geen geld nie. Sy het die opregte begeerte gehad om sendingwerk in China te gaan doen. Met skaars genoeg geld vir 'n enkelkaartjie, het sy alleen na China vertrek en God vertrou om haar tot sy eer te gebruik.Oor die jare het God hierdie eenvoudige meisietjie op wonderlike wyse geseën met buitengewone invloed. Sy het 'n herberg gestig waar sy die Evangelie gedeel het; sy het 'n kosbare adviseur vir 'n Chinese mandaryn geword; sy het selfs wrede stelsels in die tronke hervorm. Tydens ‘n Japannese inval het sy, ten spyte van die feit dat sy gewond en siek was, meer as ‘n 100 weeskinders op 'n gevaarlike reis van ‘n honderd en sestig kilometer lank, na veiligheid gelei. Wat met 'n nederige vrywilliger in God se hande begin het, het tot 'n reddingsboei vir talle lewens ontwikkel.Maar, kom ons kyk weer na Jesus se verregaande idee om vyfduisend mense te voed ...Johannes 6:7-9 Filippus antwoord Hom toe: “Twee honderd mense se dagloon is nie eers genoeg om elkeen van hulle 'n stukkie brood te laat kry nie.” 'n Ander dissipel, Andreas, die broer van Simon Petrus, sê toe vir Hom: “Hier is 'n seuntjie met vyf garsbrode en twee vissies; maar wat is dit vir so baie mense?”Maar Jesus het daardie skamele vissies en broodjies geseën ... en die hele skare het geëet. En jy onthou mos, daar was selfs twaalf mandjies vol oor! Net soos in hierdie wonderwerk, het baie mense, gewone mense soos Gladys, geleer dat dit nie jou werk is om die vyfduisend te voed nie. Jou werk is om die vyf brode en twee vissies te bring. Wanneer jy vir God gee wat in jou hande is, kan Hy die werk van ‘n eenvoudige gehoorsame volgeling in 'n wonderwerk verander wat vir geslagte lank sal weergalm.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 1:17 Leer eers om goed te doen. Sorg dat mense regverdig behandel word. Help mense wat verdruk word. Verdedig die weeskind. Pleit vir die regte van die weduwee. (NLV) Ons is nogal geneig om dubbele standaarde te hê as dit by geregtigheid kom. Wanneer ons onskuldig geblameer word, my maat, dan wil ons hê geregtigheid moet geskied! Maar wat gebeur wanneer ‘n ander persoon onskuldig moet ly? Hoeveel pla dit ons? Gee ons dan werklik om?Wêreldwyd word fabrieke en ander nywerhede dikwels gekoppel aan dwangarbeid, kinderuitbuiting en selfs mensehandel. Dink byvoorbeeld aan die kleremaak- en die elektronika industrie...As ons werklik omgee vir die geregtigheid van ander, dan gaan dit nie net daaroor om hul produkte te vermy nie, maar om aktief te pleit vir verandering – om aan maatskappye te skryf, etiese handelsmerke te ondersteun en so die bewustheid van onreg te verhoog.Die uitdaging is enorm, oorweldigend, ongerieflik en duur. Om geregtigheid vir daardie mense te kies, beteken om meer te betaal, gewoontes te verander en die risiko om die ontevredenheid van diegene, wat gemak bo konfrontasie verkies, te veroorsaak. Kom ons kyk na hierdie vers terwyl ons hieroor nadink:Jesaja 1:17 Leer eers om goed te doen. Sorg dat mense regverdig behandel word. Help mense wat verdruk word. Verdedig die weeskind. Pleit vir die regte van die weduwee. (NLV)Dietrich Bonhoeffer, was ‘n groot teëstander van Hitler en het op die ou end met sy lewe daarvoor betaal. Hy het hierdie belangrike stelling gemaak: Jou ‘ja' vir God vereis jou ‘nee' vir alle ongeregtigheid, vir alle kwaad, vir alle leuens, vir alle onderdrukking en benadeling van die swakkes en armes.Hoe kan jy deel van die oplossing wees? Hoe kan jy regtig vir mense help? Ons besef dat daardie soort geregtigheid meer as geld kos; dit vra iets van jouself...As ons ons medemens net halfpad so lief het soos God van ons vra, sal ons dieselfde standaard van geregtigheid vir die volgende persoon wil hê, as wat ons vir onsself verwag. Verdedig die weeskind. Pleit vir die regte van die weduwee.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 18:15 'n Mens met insig doen kennis op; wyse mense hou hulle ore oop vir kennis. Het ons nie dalk al te gewoond geraak aan kitsoplossings vir ons uitdagings nie? So, wanneer jy 'n probleem ondervind wat jy nie maklik kan oplos nie; wat doen jy?Gedurende die vroeë 20ste eeu is die wêreld van die fisika oorheers deur die aannames wat Newton gemaak het. Baie mense het sy wette as onbetwisbare "feite" aanvaar, maar Albert Einstein het geleer om dieper as die oppervlak te delf en moeiliker vrae oor ruimte, tyd en lig te vra.Sy beroemde Relatiwiteitsteorie het feite onthul wat nog altyd daar was, en wat nog altyd waar was, maar verborge gebly het. Einstein se genialiteit het nie daarin gelê om te memoriseer wat ander voor hom uitgevind het nie, maar om te soek na dít wat verborge lê; om die waarheid, soos dit werklik is, te ontdek.Dit werk wonderlik in die fisika om dinge tot op die kern oop te vlek; maar, wanneer die mens by sy werklike probleme kom, is die idee om dieper te delf baie meer gekompliseerd en baie meer persoonlik.Spreuke 18:15 'n Mens met insig doen kennis op; wyse mense hou hulle ore oop vir kennis.Slim mense is nie tevrede om sommer net dinge, wat almal weet of as vanselfsprekend aanvaar, te glo nie. Hulle wil dieper delf tot onder die oppervlak, om by die werklike probleme uit te kom.Dink aan daardie dreinerende verhouding waarin jy tans betrokke is; en wat van daardie uitdaging wat jy in die gesig staar; en daardie ander probleem wat jy nog nie heeltemal kon oplos nie?In hierdie Google-wêreld waarin ons leef, soek ons altyd na kitsoplossings, maklike antwoorde. Maar soms moet jy dieper delf om by die kern van die saak uit te kom.Kennis is daar vir diegene wat bereid is om te soek – dis God se voorreg om 'n antwoord te verberg, en ons eer om daaroor te bid. Volhard in gebed. God sal dit openbaar.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailHebreërs 5:13-14 Iemand wat nog van melk lewe, kan nie saampraat oor wat reg of verkeerd is nie, want hy is nog 'n kind. Vaste kos is vir grootmense, vir mense wat oor insig beskik en wat deur ervaring geoefen is om tussen goed en kwaad te onderskei. Ons het elke dag verskeie keuses. Dis baie maklik om kortpad te kies, nie waar nie? Ja, ons kan besluit om die maklike roete te neem omdat dit gerieflik is, of aan die anderkant kan ons kies om die langer roete te neem omdat ons weet dat dit die regte ding is om te doen. Ja, ons kan kies om voor die kwaad te swig, of om hard te swoeg en die goeie te doen. Vra jouself af wanneer was die laaste keer wat jy, teen jou beterwete, ‘n kortpad gekies het?In die eerste eeu v.C. was daar chaos in die Romeinse Republiek en politieke koalisies was vreeslik onstabiel. Baie van die senatore het vir kandidate gestem wat hulle rykdom of veiligheid belowe het. Marcus Cicero was die uitsondering. Hy was eerlik en opreg en het hom nie laat omkoop deur leë beloftes nie.Toe Lucius Catilina, ‘n man uit ‘n edel familie, se plan om ‘n konsul te word, misluk, was hy kwaad en hy het besluit om die regering omver te werp. Hy en nog ‘n paar ontevrede manne het probeer om, sonder verhoor en sonder grondige bewyse, van hul vyande ontslae te raak deur 'n vinnige openbare teregstelling uit te voer. Maar Cicero het die skare tot bedaring gebring en aangedring op klinkklare bewyse voordat hy enigiemand sou veroordeel. Sy eerbare benadering het die ware leiers van die komplot blootgelê. So het hy die onskuldiges gespaar en gewys dat wysheid nie net tussen reg en verkeerd onderskei nie, maar tussen dít wat vir die emosionele skare bloot gerieflik lyk en dít wat werklik regverdig is.Hebreërs 5:13-14 Iemand wat nog van melk lewe, kan nie saampraat oor wat reg of verkeerd is nie, want hy is nog 'n kind. Vaste kos is vir grootmense, vir mense wat oor insig beskik en wat deur ervaring geoefen is om tussen goed en kwaad te onderskei.Ware wysheid, goddelike wysheid, weier om die kortpad van gerief bo die moeiliker pad van goedheid, geregtigheid en vriendelikheid, wat op God se waarheid gebaseer is, te kies. Wysheid stel jou in staat om slim besluite te neem.Wees voorbereid om die langer pad te neem.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine1:20 Van die begin van die skepping af het God Hom baie duidelik aan ons bekendgemaak. Alhoewel niemand van ons God met die blote oog kan sien nie, het Hy sy groot krag oral in die skepping aan ons kom wys. Sy handewerk wys dat Hy die enigste ware God is. Daarom het die mense geen verskoning nie. (DB) Ons vermoë om voor die hand liggende feite te ontken, is verstommend. Ons kan met onbetwisbare bewyse van die bestaan van iets gekonfronteer word, maar op grond van ons ervaring, ons unieke wêreldbeskouing, ons weergawe van die waarheid, steeds dít wat so duidelik soos daglig is, ontken. Ek het onlangs 'n man ontmoet wat met absolute oortuiging glo dat die wêreld plat is. Ek bedoel, hy glo dit regtig! Sjoe!Maar het jy geweet dat daar ook mense is wat ... wag hiervoor ... nie in die bestaan van God glo nie? Kan dit moontlik waar wees? Ja, weet jy, die verskriklike werklikheid is dat die oorgrote meerderheid van die mensdom nie in God glo nie. Hulle hou vas aan hulle vaste oortuiging dat die heelal nie 'geskep' is nie, maar dat dit sommer net gebeur het, en dat lewe op aarde sommer net ‘ontwikkel' het.‘n Vorige Amerikaanse president, Ronald Reagan, het op ‘n keer gesê: Ek kan nie die ateïste van hierdie wêreld verstaan nie. Waar dink hulle kom soveel skoonheid en wonderwerke vandaan? Ek het sommer gedink ek moet 'n paar ateïste vir aandete nooi en die mees fantastiese gourmet-maaltyd wat nog ooit voorberei is, bedien. En dan ná die feesmaal vir hulle vra of hulle glo dat daar 'n kok is!Die apostel Paulus het dit so gestel:Romeine 1:20 Van die begin van die skepping af het God Hom baie duidelik aan ons bekendgemaak. Alhoewel niemand van ons God met die blote oog kan sien nie, het Hy sy groot krag oral in die skepping aan ons kom wys. Sy handewerk wys dat Hy die enigste ware God is. Daarom het die mense geen verskoning nie. (DB)Kyk om jou rond. Van die by, wat op die blom in jou tuin sit, tot die piek van Mount Everest, is dit voor die hand liggend. Hy is waarlik God. Ons het dus geen verskoning vir die sondige dinge wat ons doen en die leuens wat ons glo nie.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 149:4 Die Here se kinders gee Hom groot plesier. Mense sonder status of belangrikheid behandel Hy soos konings wanneer Hy hulle help.(DB) Die woord "plesier" kan positief of negatief klink; afhangend van die soort plesier waarvan ons praat. Maar het jy al ooit gewonder of God ook plesier ervaar, en indien wel, wat sou Hom plesier gee?Elke keer wanneer ek hierdie Psalm lees, vul dit my met soveel opwinding en verwondering:Psalm 149:4 Die Here se kinders gee Hom groot plesier. Mense sonder status of belangrikheid behandel Hy soos konings wanneer Hy hulle help.(DB)Hoe verstaan jy dit? Hoe maak jy sin uit die feit dat dié God, wat die ganse heelal geskep het, plesier vind in sy kinders? Ons is tog feilbare mense wat soveel foute in ons lewens gemaak het; mense wat Hom oneer aangedoen het, mense wat soveel keer in ons lewens ons rug op Hom gedraai het … Stel jou voor 'n ou word afgedank – dis sy eie skuld, want hy het dikwels sonder verskoning, van die werk weggebly en lyf weggesteek. Weke later bel sy ou baas. "Ons het 'n tekort aan personeel. Wil jy jou werk terug hê?" Geen teregwysing en verwyt nie, geen proeftydperk nie - net 'n nuwe begin. Hy sit die foon neer, hy is verstom en hy glimlag soos 'n kind. Hierdie storie is vir my presies wat hierdie versie sê: Mense sonder status of belangrikheid behandel Hy soos konings wanneer Hy hulle help. Hierdie woorde in die oorspronklike Hebreeus praat van God se diep plesier, aanvaarding en guns, nie teësinnige verdraagsaamheid nie.God se liefde vir jou en my is tasbaar en vol vreugde. En ons ontvang nie sy liefde deur dít wat ons doen in ons menslike krag, óf ons status, óf ons selfstandigheid nie; maar in ons nederige gehoorsaamheid om saam met Hom te wandel. So, wanneer jy dalk jouself wil veroordeel en skuldig wil voel, onthou: dat die hemelse applous reeds joune is, en dat die Here jou in liefde vrygespreek het deur die Bloed van Jesus Christus. Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailLukas 6:22-23 Geseënd is julle wanneer die mense julle haat en julle verstoot en uitskel en julle naam vermy soos iets wat sleg is, alles ter wille van die Seun van die mens. Wees bly op daardie dag en spring rond van vreugde, want vir julle is daar groot beloning in die hemel. Hulle voorvaders het immers met die profete net so gemaak. Die mens wat in Jesus Christus glo, sal in 'n mindere of meerdere mate op een of ander manier lyding ervaar. Vir sommige van ons mag dit bloot minagting of bespotting behels, maar vir baie ander het dit deur die eeue hulle lewens gekos.Anne Askew, ‘n jong Engelse Protestantse prediker, digter en hervormer, is in die 16de eeu as ‘n ketter beskou. Sy is gearresteer, gemartel en op die brandstapel verbrand, omdat sy die Rooms Katolieke geloof verwerp het. Sy het geweier om Jesus te verloën en haar geloof te versaak. Sy het dapper en baie duidelik, en selfs met humor, haar saak gestel. Sy het, ten spyte van die wrede marteling, getuig van haar vreugde in Christus en haar sekerheid van 'n hemelse beloning.Ooggetuies het vertel dat sy op die brandstapel hardop gebid en die Skrif aangehaal het, totdat haar stem deur die vlamme stilgemaak is. Sy het geleef - en gesterf - met die onwrikbare versekering dat God se belofte meer betekenis het as enige aardse lyding. Jesus het vir sy volgelinge gesê:Lukas 6:22-23 Geseënd is julle wanneer die mense julle haat en julle verstoot en uitskel en julle naam vermy soos iets wat sleg is, alles ter wille van die Seun van die mens. Wees bly op daardie dag en spring rond van vreugde, want vir julle is daar groot beloning in die hemel. Hulle voorvaders het immers met die profete net so gemaak.Oor die afgelope paar dae het ons gesels oor vreeslose geloof en dapper vertroue. Te veel Christene het vandag skaam geword vir hulle geloof en uit vrees vir verwyte, hulle lig onder 'n maatemmer begin wegsteek.Waarom noem Jesus ons, te midde van vervolging, geseënd? Ja, onthou dat, selfs wanneer die wêreld se magte mekaar aan die brand steek en uitmekaar skiet; is daar geen vuur op aarde wat die beloning wat op jou wag, kan wegbrand nie; so Wees bly op daardie dag en spring rond van vreugde, want vir julle is daar groot beloning in die hemel.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 1:16-17 Vir hierdie Goeie Nuus is ek allesbehalwe skaam. Dit is immers God se krag wat hier aan die werk is. Dit bring verlossing vir elkeen wat glo – heel eerste vir die Jode, maar ook vir die nie-Jode. Hierdie Goeie Nuus maak bekend dat God ons van ons sondes vryspreek. En dit gebeur enkel en alleen deurdat ons glo. Soos die Skrif sê: “Elkeen wat vrygespreek word omdat hy glo, sal lewe.” (NLV) Wat glo jy regtig diep in jou hart van God? Glo jy in die krag van die Goeie Nuus van Jesus om jou van jou sonde te red? Of is dit 'n moeilike, selfs onmoontlike ding vir jou om te glo? Wat … glo jy …?As dit nou na ‘n baie persoonlike vraag klink, verstaan ek dit. En tog maak ek geen verskoning daarvoor nie. Soms voel ek lus om sommer direk tot die kern van die saak deur te dring en nie suutjies om dit te trap nie; om deur die selfbeskerming, wat so maklik ‘n kokon om ons harte spin, te sny. Soms moet ons uit ons trots en tevredenheid geruk word, en geskok word om tot aksie oor te gaan!Die lewe gaan voort. Ons bekommernisse vul ons gedagtes. En ons vergeet alte maklik van die kragtige waarheid en die keuse wat God self vir ons elkeen gee: aan die eenkant kan ons glo dat Hy Jesus gestuur het om ons van ons sonde te red en dat ons deur geloof in Hom en Hom alléén gered kan word. Maar aan die anderkant kan ons die Goeie Nuus, die Evangelie van Jesus Christus, verwerp; en die ewigheid van God geskei, in die hel deurbring.Paulus skryf in die 1ste eeu n.C. in:Romeine 1:16-17 Vir hierdie Goeie Nuus is ek allesbehalwe skaam. Dit is immers God se krag wat hier aan die werk is. Dit bring verlossing vir elkeen wat glo – heel eerste vir die Jode, maar ook vir die nie-Jode. Hierdie Goeie Nuus maak bekend dat God ons van ons sondes vryspreek. En dit gebeur enkel en alleen deurdat ons glo. Soos die Skrif sê: “Elkeen wat vrygespreek word omdat hy glo, sal lewe.” (NLV)Jou geloof in Christus is al wat jou kan red, wat jou sál red. Ek vra jou nederig, uit die liefde van my hart, om dringend en opreg, vandag nog, in Jesus Christus as jou Verlosser te glo!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGoeiedag al ons VARS-vriende. Ek is Jokkie Gauché en hier is VARSVANDAG se Tweede Nuusbrief vir Junie.Dis altyd vir ons 'n groot bederf om deur hierdie nuusbrief by jou in te loer. Ons wil hê jy moet vandag weet hoe opreg ons jou waardeer. Jy is nie net 'n intekenaar op 'n lys nie; jy is 'n noodsaaklike vennoot in God se Koninkryk.  Wanneer ons praat van jou vennootskap in 'n wêreldwye bediening, praat ons van getroue dissipelmakers soos Berni se Poolse vriend, Henryk Dedo. Henryk vertaal die FRESH-boodskappe in Pools — 'n land waar slegs 0.4% van die bevolking Protestantse Christene is. Hy deel dit tans op sosiale media en 39 radiostasies dwarsoor Pole.Henryk is prakties en vindingryk, en die boodskappe wat hy deel sny reg deur tot op die been. Hy hou daarvan om alledaagse dinge te gebruik om mense tot selfondersoek te dwing. Hier is 'n situasie wat hy onlangs gedeel het:Jy is régtig lus vir 'n lekker koppie koffie. Jy stap by jou gunsteling-koffiewinkel in en bestel 'n cappuccino. Terwyl jy rustig sit en rondkyk en jou eerste slukkie neem, sien jy hoe die kelner die gebruikte koppie van die tafel langs jou wegvat. Sonder om twee keer te dink, gebruik hy dieselfde vuil koppie om die volgende persoon se koffie in te skink. Hoe sou dit jou laat voel?Dit is presies waaroor Jesus in Matteus 23:26 waarsku: “Blinde Fariseër, maak eers die binnekant van die beker skoon, dan sal sy buitekant ook skoon wees.”Bid asseblief saam met ons:o  Vir Henryk in Pole: Dat die Here sy werk sal seën en 'n groot oes vir die Koninkryk sal inbring.o  Vir ons plaaslike radiostasies: Vir geseënde uitsendings op ons vennoot-radiostasies in Suid-Afrika en Namibië. Bid vir elke omroeper wat daagliks VARS en Izwi EliFresh (in Zulu) uitsaai.o  Vir die luisteraars: Dat die Here hierdie daaglikse boodskappe sal gebruik om mense se harte aan te raak en hulle verhouding met Hom te versterk.Ons hoor baie graag van jou! As VARS jou lewe op een of ander manier aangeraak het, deel asseblief ‘n kort getuienis by die skakel hieronder: https://forms.gle/47qNnqQ8HnnhFVrY6 Elke gebed bring hoop. Elke getuienis verander ‘n lewe. Seënwense en mooi loop.Van Jokkie, Annelie en die VARS-spanSupport the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 1:16 Ek skaam my nie oor die evangelie nie, want dit is 'n krag van God tot redding van elkeen wat glo, in die eerste plek die Jood, maar ook die nie-Jood. Ons beleef hoe so baie mense vandag met groot ophef vir Christus verwerp. Sulke mense verwerp die idee dat daar 'n God van liefde en geregtigheid in die hemel is; hulle verwerp die ongelooflike idee dat Hy enigiets so dramaties sou doen as om sy Seun na hierdie wêreld te stuur om vir ons aan 'n kruis te sterf, sodat ons sondes vergewe kan word en om vir ons die gawe van die ewige lewe te gee.Sommige mense hou van Jesus, en hulle sal Hom nog verdra, maar dit beteken nie dat hulle Hom sal gehoorsaam nie. Vir baie mense het kulturele Christenskap 'n veilige alternatief vir Bybelse dissipelskap geword. Die waarheid word, selfs deur die kerk, herdefinieer. Gemak word vir hulle belangriker as geloof. Die waarheid van die Evangelie word aangepas om by die mense te pas.En so het sommige mense nou al geleer om beleefd vir Jesus te knik, terwyl hulle die deur in sy gesig toeklap; hulle wil sy Troos hê, nie sy kruis nie; sy Seëninge, nie sy Heerskappy nie. Ons het die nóú pad vir die wye een verruil en Hom ons oulike gelukbringer gemaak, wat by ons wêreldse standaarde inpas.Ja, ons sien dat mense skaam geword het vir die ware Jesus. Hulle weier om te glo dat Hy die Krag het om lewens te verander en dat die mens se Ewigheid in sy hande lê. Hulle het huiwerig geword om mense van Hom te vertel, want hulle besef dat hulle eie, afgewaterde geloof, alles behalwe ‘n voorbeeld van ‘n opregte gelowige weerspieël.En kyk wat het die apostel Paulus in1ste eeu n.C., geskryf in:Romeine 1:16 Ek skaam my nie oor die evangelie nie, want dit is 'n krag van God tot redding van elkeen wat glo, in die eerste plek die Jood, maar ook die nie-Jood.My vriend, dit is God se duidelike opdrag aan jou en my, om 'n vreeslose geloof in 'n wêreld, wat Jesus as irrelevant of dwaas bestempel, uit te leef. Moenie skaam wees om ander van Jesus te vertel nie.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 41:10 Moenie bang wees nie, Ek is by jou, moenie bekommerd wees nie, Ek is jou God. Ek versterk jou, Ek help jou, Ek hou jou vas, met my eie hand red Ek jou. Was jy al op 'n punt waar jy geen hoop vir die toekoms gehad het nie? Waar jy gedink het dat jy nie gaan oorleef nie? Waar jy geen geloof in God gehad het nie? Miskien was jy al daar, of miskien het jy al iemand ontmoet wat so moedeloos gevoel het?Vilhjalmur Stefansson was 'n Arktiese ontdekkingsreisiger van Ysland. In 1913 is sy skip vasgekeer en deur pakys vernietig. Hy en sy bemanning was gestrand in een van die mees onherbergsame plekke op aarde. Hulle het hongersnood, wrede storms en totale isolasie in die gesig gestaar, maar Stefansson het met opregte en onwrikbare geloof in God se voorsiening vertrou.Hy het aangepas by die omgewing deur by die inheemse inwoners van die Arktiese streek te leer hoe om te oorleef. So het hy en ‘n handjievol van sy oorspronklike span vir jare op plaaslike hulpbronne die onmenslike koue getrotseer tot hulle uiteindelik deur die bemanning van ‘n Amerikaanse vissersboot opgelaai is. Hy het later getuig dat, toe alle menslike hoop verdwyn het, dit die sekerheid van God se teenwoordigheid en krag was, wat hom die moed gegee het, om te volhard.Ja, en ons sien hoe God, deur sy profeet, Jesaja, sy volk bemoedig het, toe hulle moedeloos was. Dit was teen die einde van sewentig jaar van ballingskap, toe alles verlore gelyk het; toe hulle nie kon sien hoe hulle ooit bevry sou word nie; toe hulle geloof in God teen die mag van die Babiloniese Ryk so kwesbaar gelyk het … Jesaja 41:10 Moenie bang wees nie, Ek is by jou, moenie bekommerd wees nie, Ek is jou God. Ek versterk jou, Ek help jou, Ek hou jou vas, met my eie hand red Ek jou.Wanneer elke menslike oplossing misluk, troos God se teenwoordigheid jou nie net nie - Hy gee jou die krag, die wysheid en die moed om die vrees te oorwin en om die lewe weer vierkantig in die oë te kyk.Dis Sy Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Johannes 1:7 Maar as ons in die lig lewe soos Hy in die lig is, het ons met mekaar deel aan dieselfde gemeenskap en reinig die bloed van Jesus, sy Seun, ons van elke sonde. Ek was nog altyd baie erg oor tegnologiese dinge … elke nuwe uitvinding lyk asof dit so slim is en so wonderlik gaan werk. En dan wonder ek, het hierdie masjientjies en affêretjies nie dalk vir ons te belangrik geword nie? Het ons toegelaat dat dit ons van ‘n vervullende lewe beroof?'n Man koop die nuutste virtuele-werklikheid-kopstuk wat spog met die mees lewendige reële beelde denkbaar. Hy bring elke dag ure met sy nuwe speelding deur. Maar in sy obsessie vergeet hy om die gordyne oop te maak.Eendag gaan die krag uit. Hy skeur die kopstuk af. Die kamer ruik muf. Die blindings is in stof vasgekoek. En wanneer hy die gordyne ooptrek, stroom sonlig in en verblind hom. Die lig is skielik warmer, ryker en meer eg as enigiets wat die kopstuk hom ooit kon gee.1 Johannes 1:7 Maar as ons in die lig lewe soos Hy in die lig is, het ons met mekaar deel aan dieselfde gemeenskap en reinig die bloed van Jesus, sy Seun, ons van elke sonde.Hoe hartseer is dit, dat so baie mense in die nagemaakte dowwe lig van hierdie wêreld ronddwaal. En dit, terwyl die Lig van God se liefde so helder skyn, dat indien hulle net die gordyne sou wou ooptrek, hulle dit sal sien! Dis presies wat ek vir die eerste 36 jaar van my lewe gedoen het.Maar noudat ek deur Jesus se offer aan die Kruis vergewe is, is my lewe ryker, dit het meer betekenis, meer vreugde, meer vrede as enigiets wat hierdie wêreld met al sy tegnologie my ooit kon bied.My vriend, daar is soveel meer in die lewe as die glinsterende snuisterye van hierdie wêreld wat so maklik ons aandag steel. Sommige mense is hul hele lewe besig om na saamgeperste kolletjies op skerms te staar, terwyl die son van God se waarheid net buite vir hulle wag. Leef in die Lig. Jesus is die Lig van die wêreld!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 6:1,3 In die jaar van koning Ussia se dood het ek die Here gesien. Hy het op 'n baie hoë troon gesit, en die onderste van sy kleed het die tempel gevul. Die serafs het mekaar telkens toegeroep: “Heilig, heilig, heilig is die Here die Almagtige! Die hele aarde is vol van sy magtige teenwoordigheid.” 'n Vlieënier wat probeer om in 'n verskriklike storm sy vliegtuig te land, moet 'n keuse maak. Daar is geweldige turbulensie, die sigbaarheid is zero en die onbetwisbare gevaar word al hoe groter. Hy moet nóú besluit: hy moet óf instrumente vertrou om hom na die aanloopbaan te lei, óf hy kan paniekerig raak en sy instink vertrou en heel waarskynlik verongeluk. Die beste keuse? Dis nogal voor die hand liggend, maar nie maklik nie, nè?Miskien bely jy, soos ek, geloof in Jesus, en glo (soos die Bybel sê) dat die heerlikheid van God die hele aarde vul. Maar ons weet mos storms kom dikwels voor. Die daaglikse geswoeg mergel jou uit. En nou moet jy, net soos hierdie vlieënier, 'n keuse maak ... een wat onlogies lyk, maar een wat die koers van die res van jou lewe sal bepaal.Jesaja 6:1,3 In die jaar van koning Ussia se dood het ek die Here gesien. Hy het op 'n baie hoë troon gesit, en die onderste van sy kleed het die tempel gevul. Die serafs het mekaar telkens toegeroep: “Heilig, heilig, heilig is die Here die Almagtige! Die hele aarde is vol van sy magtige teenwoordigheid.”Koning Ussia was 'n magtige koning. Sy dood (ongeveer 740 v.C.) het 'n tyd van nasionale onsekerheid ingelei. Jesaja het hierdie wonderlike visioen van God gehad. Op dié spesifieke dag, toe die Here hom as profeet geroep het, het Jesaja die wonderlike voorreg beleef om vir God as die soewereine, verhewe meester te sien. Jesaja het Hom gesien waar Hy hoog en verhewe, deur engele omring was en waar sy kleed die tempel gevul het. Toe die Here vra wie Hy as boodskapper na die Israeliete kan stuur, het Jesaja Hom vertrou en sonder om paniekerig te raak en koers te verloor, het hy geantwoord: “Hier is ek! Stuur my!” Hoe sal jy op so ‘n vraag reageer?Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 119:93 Ek sal u bevele nooit vergeet nie, want daardeur gee U my die lewe. (NLV) Gehoorsaamheid is 'n tweesnydende swaard. Aan die een kant is samelewings daarvan afhanklik vir goeie orde, voorspoed en basiese veiligheid. Aan die ander kant, soos ons gister met die Rwandese volksmoord van 1994 gesien het, kan blinde gehoorsaamheid, verwoestende gevolge hê.Mitsuo Fuchida was die bevelvoerder van die Japannese soldate met hul aanval op Pearl Harbour, wat duisende mense doodgemaak het en die Amerikaners in die Tweede Wêreldoorlog ingetrek het. Na die oorlog was hy bitter en ontnugter. Hy het 'n storie teëgekom wat hom geskok het: 'n jong Christen dame, Peggy Covell, het, ten spyte van die feit dat Japannese soldate haar ouers, wat sendelinge was, tereggestel het, met liefde Japannese krygsgevangenes versorg.Sy het Christus se opdrag gehoorsaam om haar vyande lief te hê - 'n opdrag wat Fuchida so aandoenlik gevind het, dat hy die Bybel begin lees het. Hy het met Jesus se woorde geworstel. En uiteindelik het hy sy lewe aan Christus gegee en die res van sy dae die Evangelie verkondig - ook aan sy voormalige vyande.Hierdie wonderlike ommekeer was die gevolg van een eenvoudige jong vrou, wat teen elke menslike instink in, Christus se bevel, om jou vyand lief te hê, gehoorsaam het! Psalm 119:93 Ek sal u bevele nooit vergeet nie, want daardeur gee U my die lewe. (NLV)Baie mense beskou God se bevele in die Bybel as verouderd, ongerieflik en soms heeltemal onbegryplik. Hoe kan jy moontlik jou vyande liefhê?En tog is dit keer op keer bewys, dat wanneer ons Hom, al voel dit teen ons beterwete, onvoorwaardelik gehoorsaam; lei dit tot 'n totale vernuwing van ons lewe.Ons kosbare Here is getrou aan sy beloftes. Dis ‘n waarheid wat nooit sal verander nie, want God verander nooit nie.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 29:2 As 'n gelowige die mag oorneem, juig die mense. As slegte mense aan bewind kom, kla die volk. (DB) Dis deesdae moeilik om te weet watter nuus om te glo, nie waar nie? Baie van die inhoud van die media, wat voorheen hoofsaaklik betroubare joernalistiek weerspieël het, het in opruiende propaganda verval. Om dit net erger te maak, word ons gebombardeer deur die sosiale media-algoritmes wat baie mense in ‘n draaikolk van samesweringsteorieë intrek.Tydens die Rwandese volksmoord van 1994 het die media 'n verwoestende rol gespeel in die aanhitsing en versterking van die geweld. Die staatsgesteunde radio, televisie en gedrukte media het haatpropaganda uitgesaai en gedruk. Tutsi's is as "kakkerlakke" bestempel en daar is openlik gesê hulle moet vernietig word.Daardeur is aanvalle gekoördineer, wegkruipplekke onthul en gewone burgers aangemoedig om die vyand dood te maak. Eerder as om inligting te gee, het die media aktief volksmoord aangevuur en woorde in wapens omskep. Mense het die media geglo en daarop gereageer. Dit het byna 'n miljoen lewens in net 100 dae gekos. Dit is wat gebeur wanneer die skrikwekkende krag van propaganda sonder morele beperking gebruik word. Drie millennia gelede het Salomo die volgende geskryf:Spreuke 29:2 As 'n gelowige die mag oorneem, juig die mense. As slegte mense aan bewind kom, kla die volk. (DB)Daar word gesê dat die mense gewoonlik die regerings kry wat hulle verdien. Ek weet nie, maar watter regeringstelsel jy ook al onder leef, wees versigtig; wees baie versigtig oor wie jy ondersteun; wat jy kies om te glo, of te verwerp; en wat jy kies om te sê.Wat is ons plig? Ons werk is om die regverdiges te help om gesag te kry sodat die mense bly kan wees ... nie om blindelings die propaganda wat ons nuus en sosiale media vir ons opdis, te glo en na te boots nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 119:29-32 Keer dat ek leuens vertel en op 'n oneerlike manier leef. Skryf u wet diep in my hart. Doen goed aan my. Ek het gekies om op u pad te stap, dis die pad na die lewe toe. U voorskrifte is soos padwysers; dit wys my hoe om te leef. Here, ek hou vas aan elke woord wat U sê. Moenie dat ek U ooit in die steek laat nie. Ek is gretig om elke dag op u pad te stap, want U maak my lewe vol met u goedheid. (DB) Het jy al ooit soos 'n bedrieër gevoel? Dis nogal ontstellend om te weet dat dié persoon wat mense dink jy is, nie is wie jy werklik is nie! Hulle sal ontnugter wees om te ontdek dat jy ook soms twyfel, dat jy ook donker gedagtes het wat binne-in jou rondmaal.Ferdinand Waldo Demara was gedurende die vorige eeu bekend as die Groot Bedrieër. Hy het homself op ‘n kol voorgedoen as 'n monnik, toe ‘n sielkundige, toe ‘n tronkbewaarder en toe selfs as ‘n chirurg - alles sonder enige kwalifikasies. Tydens die Koreaanse Oorlog het hy groot operasies aan boord van 'n Kanadese oorlogskip uitgevoer deur die vorige aand mediese handboeke te memoriseer.Hy is in die openbaar geprys as 'n heldhaftige dokter wat lewens red. Maar agter die skerms was dit alles 'n leuen. Hy het gesê hy wou "die mensdom dien", maar hy het instellings en individue voortdurend mislei en dikwels lewens in gevaar gestel. Sy sjarme het 'n diep agterbaksheid bedek. Sy uiterlike beeld was dié van eerbaarheid; hy het so edel en bekwaam voorgekom, maar dit was alles op bedrog gebou. Kyk wat bid die psalmis in: Psalm 119:29-32 Keer dat ek leuens vertel en op 'n oneerlike manier leef. Skryf u wet diep in my hart. Doen goed aan my. Ek het gekies om op u pad te stap, dis die pad na die lewe toe. U voorskrifte is soos padwysers; dit wys my hoe om te leef. Here, ek hou vas aan elke woord wat U sê. Moenie dat ek U ooit in die steek laat nie. Ek is gretig om elke dag op u pad te stap, want U maak my lewe vol met u goedheid. (DB)"Om reëls te volg" is nie deesdae gewild nie, nè? Maar hoe meer jy die Woord van God jou laat beïnvloed; hoe meer jy toelaat dat sy goedheid jou gids is; hoe minder van 'n bedrieër word jy. Jy ontwikkel ‘n dors om jou Bybel te lees en jy ontwikkel die begeerte om meer en meer soos Jesus te word.Moenie 'n bedrieër wees nie.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailMatteus 16:13-16 Toe Jesus in die streke van Sesarea-Filippi kom, het Hy vir sy dissipels gevra: “Wie, sê die mense, is die Seun van die mens?” Hulle antwoord: “Party sê Johannes die Doper, party Elia, party Jeremia of een van die profete.” “Maar julle,” het Hy gevra, “wie, sê julle, is Ek?” Simon Petrus het geantwoord: “U is die Christus, die Seun van die lewende God.” Ons sien deesdae hoe oneerlike en onbetroubare verslaggewers dikwels bekende mense se karakters in die media wanvoorstel. Ons word blootgestel aan glanspersone se openbare beeld. Poets hulle sy beeld, of bestempel hulle hom as die grootste skarminkel bekend? Maar dan is daar die werklike persoon, wat waarskynlik net ‘n gewone mens soos ek en jy is. Dit is geensins 'n nuwe probleem nie. Jesus het op sy dag, ‘n groot opskudding veroorsaak. Mense was verward. Hulle kon nie vir hulself besluit wie Hy werklik was nie.Matteus 16:13-16 Toe Jesus in die streke van Sesarea-Filippi kom, het Hy vir sy dissipels gevra: “Wie, sê die mense, is die Seun van die mens?” Hulle antwoord: “Party sê Johannes die Doper, party Elia, party Jeremia of een van die profete.” “Maar julle,” het Hy gevra, “wie, sê julle, is Ek?” Simon Petrus het geantwoord: “U is die Christus, die Seun van die lewende God.”Sesarea Filippi was 'n heidense streek bekend vir sy aanbidding van 'n hele aantal gode. Dit gee ons konteks vir die agterdog van die mense. Hulle was gewoond aan die afgode en die heidense Romeinse heerskappy rondom hulle. Die Jode het ‘n Messias verwag. Hulle ‘n profeet verwag, wat hulle uit hulle vreeslike omstandighede gaan bevry. Ander mense het Jesus gesien as ‘n opstoker; ander as ‘n wonderwerker. Maar Jesus vra sy dissipels vir hulle persoonlike oortuigings.Wanneer Petrus sonder huiwering sê - “U is die Christus, die Seun van die lewende God”- is dit nie ‘n bloot intellektuele antwoord nie. Soos Jesus self later bevestig, is dit ‘n Gees-geopenbaarde waarheid. Ware geloof is 'n geskenk en 'n openbaring. In vandag se kultuur van botsende opinies en valse gode in ‘n wêreld van vervalle moraliteit en steeds groeiende verdeeldheid, word ware geloof gebou op hierdie belydenis: dat Jesus die Verlosser van die wêreld is. Die enigste Verlosser van die wêreld is.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 56:9,10 U het my ellende raakgesien. U het my trane opgevang. U het dit opgeskryf in u boek. Die dag dat ek na U roep om hulp, val my vyande terug. Dat God aan my kant is, weet ek beslis. (NLV) Volgens opnames bid tussen die helfte en driekwart van alle mense in tye van persoonlike krisis - of hulle nou gelowiges is of nie. Wat sê dit vir jou?Gebed is vir my goud werd. Ek het al self te veel kragtige antwoorde op gebed gehad, om te wag totdat ek 'n krisis beleef, voordat ek bid - om nie eens te praat van die vrede en vreugde wat ek ervaar wanneer ek met die Here praat nie.Van tyd tot tyd beleef ons almal krisisse wat ons in ons broek laat bewe; wat ons harte breek en bitter trane laat stort. Maar te midde van teëspoed, het ek en so baie ander mense wat werklik ons vertroue in Jesus gestel het, gevind, dat ons te midde van die dreigende storm 'n wonderlike vrede beleef. Ons word oorweldig met die vaste wete dat God met ons is. Hier is Dawid se gebed in:Psalm 56:9,10 U het my ellende raakgesien. U het my trane opgevang. U het dit opgeskryf in u boek. Die dag dat ek na U roep om hulp, val my vyande terug. Dat God aan my kant is, weet ek beslis. (NLV)Die bekende prediker, Charles Spurgeon, het diep lyding en depressie geken, en tog het hy vurig aan God vasgeklou: “Ek het geleer,” het hy gesê, “om die golf te soen wat my teen die Rots van die Eeue gooi.” Ons vertaal dit as “kus die roede.” Dit beteken om pynlike beproewinge (die golwe) te omhels, want dit dwing jou om op Christus (die Rots van die Eeue) te vertrou, en krag in God te vind, eerder as om omstandighede te weerstaan.Spurgeon ontken nie die golf nie - die pyn en die trane nie -maar hy sien in daardie einste lyding die Hand van 'n getroue God wat Hom nader trek. Dit maak nie saak wat jou omstandighede, jou trane, en jou pyn is nie … God is met jou!Dis Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 112:4-5 Vir die opregte skyn die ligte midde van die duisternis. Hy is genadig, barmhartig en getrou. Dit gaan goed met die mens wat vrygewig is en uitleen, wat sy sake in billikheid bedryf. (NLV) Vind jy ook dat mense al hoe meer gewetenloos word? Hoe gereeld sien jy groot finansieringsinstellings, soos banke, wat hulself met warm, gesinsvriendelike advertensies uitbeeld om nuwe kliënte te lok? Maar wat gebeur, die eerste keer wat iemand sukkel om hul terugbetalings op hul huis te maak? Hulle verkoop die huis onder hulle uit. En ons weet, dis nie net die banke wat skuldig is nie.Kom ons praat van 'n groot gewetenlose bedryf waar die slim ouens al die slenters en slagysters ken om die gewone ou mee te verlei. Rentekoerse is baie hoog, kontrakte is noukeurig en waterdig opgestel; en pasop - die fynskrif is waar hulle werklike wins lê.Maar dan is daar een firma wat anders werk. Hulle verhoog nie rentekoerse op kwesbare kliënte se lenings nie. Hulle plaas nie onnodige druk op die klein outjie nie. In plaas daarvan, bied hulle billike terme. Hulle gee genade as dit moet, en ly af en toe self verlies. Hulle kliënte vertrou hulle.Die ander ouens in die bedryf lag hulle uit en sê: Kyk maar, sulke ouens speel voor jy jou oë kan uitvee, bankrot. Maar dan kom die gevreesde ineenstorting. Markte val. Krediet droog op. Kliënte kan nie hulle verpligtinge nakom nie. En die bloedsuiers? Hulle is paniekerig. Elkeen is besig om sy eie bas te red – hulle dagvaar; hulle spook; hulle stort in duie.Maar hier is die verrassing - daardie een firma na wie daar so minagtend gekyk is! Die een wat genade betoon het! Dis die een na wie kliënte hardloop. Want in die donker onthou mense wie die lig gehad het.Psalm 112:4-5 Vir die opregte skyn die lig te midde van die duisternis. Hy is genadig, barmhartig en getrou. Dit gaan goed met die mens wat vrygewig is en uitleen, wat sy sake in billikheid bedryf. (NLV)Ja, ons weet dat dinge soms moeilik is. En die versoeking is altyd daar om eerste jou eie nes reg te skrop; om daardie maklike wit leuen te vertel. Hoekom nie? Wie gaan dit agterkom?Maar wat ook al jou omstandighede is, wat ook al jou rol is, bestuur jou sake met integriteit, want ... Dit gaan goed met die mens wat vrygewig is en uitleen, wat sy sake in billikheid bedryf.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJakobus 1:19-20 My geliefde broers en susters, wees altyd gou om te luister, nie te gou om te praat nie, en nie te gou om kwaad te word nie. As jy kwaad is, kan jy nie doen wat God wil hê. (NLV) Terwyl daar soveel verdeeldheid in die samelewing is, voel jy soms dat almal praat, maar niemand luister nie. En, kom ons vra mekaar om eerlik te wees: doen jy nie dikwels dieselfde ding nie? Die enigste rede waarom ons stilbly, is net om te dink aan wat om volgende te sê, nie om te luister nie, en ook nie om te probeer verstaan wat die ander persoon sê nie. Pleit jy skuldig?Jane Addams was gedurende die 19de en vroeë 20ste eeue 'n pionier van sosiale hervorming in Chicago. Sy het haar daarop toegespits om brûe tussen die rykes en die armes te bou. In 'n tyd van intense arbeidsonrus en klassekonflik het sy besluit om nie dadelik kant te kies nie. In plaas daarvan het sy saam met industriële werkers en welgestelde sakeleiers gesit en aandagtig na albei groepe se standpunte geluister, selfs toe beide kante haar wantrou het.Sy het geglo dat wanneer ‘n mens ernstig en opreg luister, jy die siklusse van geweld en wraakgevoelens kon breek. Alhoewel sy nie al die geweld kon stop nie, het haar benadering genesing en blywende verandering in plaaslike gemeenskappe gebring. Sy het 'n vredemaker geword deur stadig te wees om te praat en vinnig om te luister, en mense se opinie en hul menswaardigheid te respekteer.Jakobus 1:19 - 20 My geliefde broers en susters, wees altyd gou om te luister, nie te gou om te praat nie, en nie te gou om kwaad te word nie. As jy kwaad is, kan jy nie doen wat God wil hê. (NLV)‘n Mens hoef nie geniaal wees om dit te verstaan nie, nè? Soos die kliniese sielkundige en skrywer, dr. Henry Cloud, dit stel: soveel konflik verdwyn wanneer iemand voel dat hy “gehoor” word. Julle moet ander mense 'n kans gee om te sê wat hulle op die hart het. Luister rustig na hulle sonder om hulle te wil doodpraat, sodat die storm stilgemaak kan word voordat dit selfs begin.Wees gou om te luister, stadig om te praat en stadig om toornig te word. Moenie jou vererg nie, want as jy jou humeur verloor, kan jy mos nie meer daarop ingestel wees om te doen wat God wil hê nie!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJakobus 3:16-17 want waar jaloesie en selfsugtige ambisie is, dáár sal jy ook wanorde en allerhande gemene dade kry. Maar die wysheid wat van Bo kom, is in die eerste plek suiwer. Verder is dit vredeliewend, inskiklik, bedagsaam. Dit is bereid om ontferming te betoon, en het goeie gevolge. Dit diskrimineer nooit en is altyd opreg. (NLV) Wat is jou definisie van wysheid? Iemand wat jy ontmoet, kan ongelooflik slim en suksesvol wees, maar jy kyk net een keer na hom en binne ongeveer drie sekondes kom jy tot die gevolgtrekking dat jy hom nooit as "wys" sou bestempel nie. In die 1950's en vroeë 60's het Dag Hammarskjöld, ‘n Sweedse diplomaat, as die Sekretaris-Generaal van die Verenigde Nasies gedien. In 'n wêreld vol Koue Oorlog-spanning, jaloesie en politieke valsheid, het Hammarskjöld stilweg 'n ander soort leierskap gehad. Hy was gekenmerk deur nederigheid, vaste morele beginsels en 'n diep persoonlike geloof in God.Sy lewe is deur tye van afsondering, gebed en diens, eerder as ambisie of magsvertoon, gekenmerk. Sy joernaal, Markings, het 'n lewe onthul wat nie deur ego nie, maar deur oorgawe, gekenmerk is.Terwyl sy tydgenote na politieke mag gehunker het, het hy vrede begeer - en hy is bestempel as ‘n nederige krag vir geregtigheid en versoening. Hy is, op ‘n missie om ‘n wapenstilstand in die Kongo te onderhandel, in 'n geheimsinnige vliegtuigongeluk dood. Hy het 'n bonatuurlike, goddelike soort wysheid gehad. Na sy dood is hy met ‘n Nobel Vredesprys geëer en bestempel as die grootste staatsman van die vorige eeu.Jakobus 3:16-17 want waar jaloesie en selfsugtige ambisie is, dáár sal jy ook wanorde en allerhande gemene dade kry. Maar die wysheid wat van Bo kom, is in die eerste plek suiwer. Verder is dit vredeliewend, inskiklik, bedagsaam. Dit is bereid om ontferming te betoon, en het goeie gevolge. Dit diskrimineer nooit en is altyd opreg. (NLV)My vriend, ware wysheid word bewys deur hoe jy leef, nie wat jy bereik nie. Wysheid is om te weet hoe om God se waarheid toe te pas en hoe om daardie waarheid uit te leef. En mense is honger daarvoor. Wees wys; bonatuurlik wys ... goddelik wys.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 2:3-6 indien jy na insig in die alledaagse lewe smag en meer kennis begeer oor hoe om te leef, indien jy heeltyd hierna soek soos 'n mens na kosbare silwer of na skatte soek, sal jy die Here se liefde begin verstaan. Jy sal weet hoe om wys en gelukkig te leef. Onthou egter net een saak: wysheid om reg te leef kom net van die Here af. Kennis en insig is net by Hom te kry. (DB) Wanneer ons by die punt kom waar ons glo dat ons alles weet, is daar een ding seker: ons is regtig te onnosel om te weet wat ons nie weet nie! Ons is so verblind deur ons eie opgeblase sin van ons eie slimmigheid, dat ons blind is vir die feit dat ons minder as niks weet nie. En kom ons wees eerlik, ons is almal al deur so ‘n vernederende proses.Die meeste van ons het daardie een ding waarin ons regtig uitblink; daardie een ding waarin ons beter is as die meeste mense rondom ons. Miskien is jy een van daardie mense wat, anders as ek, intuïtief aanvoel hoe ander voel? Dit is dus maklik vir jou om minagtend na iemand anders te kyk wat nie dieselfde talent as jy het nie en te dink: Wat is fout met hom? Ek is soveel beter as hy!Ek kan so vinnig soos die wind skryf. Ek kan komplekse idees bymekaarbring en dit op 'n eenvoudige maar boeiende manier verduidelik. Hoe maklik is dit dan nie vir my, om met my neus in die lug na ander te kyk wat sukkel om vlot te skryf?Wanneer ons so optree, vertroebel ons trots ons oordeel en ons weet mos hoogmoed kom tot ‘n val. So, hier is God se alternatief:Spreuke 2:3-6 ...indien jy na insig in die alledaagse lewe smag en meer kennis begeer oor hoe om te leef, indien jy heeltyd hierna soek soos 'n mens na kosbare silwer of na skatte soek, sal jy die Here se liefde begin verstaan. Jy sal weet hoe om wys en gelukkig te leef. Onthou egter net een saak: wysheid om reg te leef kom net van die Here af. Kennis en insig is net by Hom te kry. (DB)Slim mense gee slim antwoorde, maar wyse mense vra slim vrae. Hulle is nederig, hulle is leerbaar, en dit is presies wat God van ons verwag. Vra Hom om vir jou kennis en wysheid te gee.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 3:5-8 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop. Moenie dink jy het die wysheid in pag nie, dien die Here en vermy wat sleg is: dit is die geneesmiddel vir jou, die verkwikking vir jou liggaam. Selfontdekking is deesdae baie gewild. Ek moet myself ken en nie skaam wees oor wie ek werklik is nie. Ja, dis reg... Kyk om jou rond. Hoe goed werk al daardie introspeksie vir ons in hierdie toenemend selfbehepte, narsistiese wêreld waarin ons leef?Die Griekse filosoof, Aristoteles, het beweer dat om jouself te ken, die begin van alle wysheid is. Inderdaad! Die bekende leuse "Ken jouself" is in die Tempel van Apollo in Delphi gegraveer. Sokrates en Plato was ook groot aanhangers van hierdie denkpatroon.So, wat het daardie antieke geskiedenis vandag met ons te doen? Wel, daar is 'n multi-miljard dollar, globale selfhelpbedryf wat gewortel is in hierdie idee van selfontdekking; in die idee dat jy jou eie oplossing is; dat jy reeds alles wat jy nodig het, binne-in jou het - jy hoef dit net te ontsluit. Eindelose gereedskap, boeke, kursusse en afrigting is alles ontwerp om jou te help om "jou ware self te ontdek."Maar hoe dieper jy in hierdie bodemlose put van introspeksie afdaal, hoe dieper sink jy in subjektiewe selfgesentreerdheid. Sien jy ook hoe dit alles om die eie-ek draai?God se plan is net mooi die teenoorgestelde:Spreuke 3:5-8 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop. Moenie dink jy het die wysheid in pag nie, dien die Here en vermy wat sleg is: dit is die geneesmiddel vir jou, die verkwikking vir jou liggaam.Nou-ja, dis korrek om selfbewus te wees, maar ek praat van mense wat oorboord gaan; mense wat glo dat ware wysheid bekom word deur na binne te kyk. Nee, my vriend, wysheid kom van om op te kyk. Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailDaniël 3:17-18 Ons het ons God vir wie ons dien. Hy het die mag om ons te red uit die brandende oond, en Hy sal ons ook red uit u mag. Selfs as Hy dit nie doen nie, moet u weet dat ons u god nie sal dien nie, die goue beeld wat u laat oprig het, nie sal aanbid nie.” In tye van uiterse teëspoed moet ons elkeen besluit: Sal ek aanhou om op God te vertrou ... of moet ek maar opgee? En, laat ons dit duidelik stel, dis een van die moeilikste besluite wat jy ooit sal moet neem. Die skrywer, ‘n opregte gelowige, John White, vertel hoe hy, sy vrou en baba seuntjie, van die VSA na Bolivia moes vlieg. Hy moes, as gevolg van ander verpligtinge, ‘n later vlug haal. Hy het 'n nare voorgevoel gehad dat sy gesin tydens die vlug as gevolg van ‘n vliegtuigongeluk gaan sterf; maar hy het dit nie met sy vrou bespreek nie. Nadat sy gesin opgestyg het, het hy gevoelens van vrees, skaamte, skuld en naarheid ervaar. Bewend het hy gebid. En God het hom geantwoord deur te vra: Wat is fout? Kan jy my nie vertrou nie? Ja, ek sal U vertrou as U hulle veilig aan my teruggee.En as ek hulle nie teruggee nie, sal jy ophou om my te vertrou? Kan jy hulle nie aan my toevertrou in die dood sowel as die lewe nie?In geloof het White geantwoord: Ek sal u wil doen; wat dit vir my, of vir hulle, ook al mag kos. Ek sal U vertrou. Hulle vliegtuig het inderdaad neergestort en almal aan boord is dood. Maar sy vrou het ook 'n ongerustheid in haar hart gehad en besluit om haar vlug te onderbreek. Sy was nie op die laaste been van die vlug aan boord toe die tragedie plaasgevind het nie. Na die tyd het John gesê: Ek sou getreur het indien hulle dood was. Maar ek sou nie spyt gewees het oor my besluit om ten volle op Christus te vertrou nie.Kyk wat Sadrag, Mesag en Abednego vir koning Nebukadnesar gesê het:Daniël 3:17-18 Ons het ons God vir wie ons dien. Hy het die mag om ons te red uit die brandende oond, en Hy sal ons ook red uit u mag. Selfs as Hy dit nie doen nie, moet u weet dat ons u god nie sal dien nie, die goue beeld wat u laat oprig het, nie sal aanbid nie.My vriend, vertrou op God .. in jou donkerste uur; selfs al hang die uitkoms in die weegskaal; selfs al gebeur die ergste. Vertrou op God. Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 43:2 As jy deur water moet gaan, is Ek by jou, deur riviere, hulle sal jou nie wegspoel nie; as jy deur vuur moet gaan, sal dit jou nie skroei nie die vlamme sal jou nie brand nie, Met my werk by Christianityworks, bring ek baie tyd op vliegtuie deur. En wanneer daardie groot passasiersstralers op die aanloopbaan afrol om gereed te maak om te vertrek, verbaas dit my altyd hoe die loodse hulle in die lug kry. Met my gereelde vlugte in gedagte, kan jy jou voorstel dat ek nogal ontsteld was om te lees dat kommersiële stralers gemiddeld een keer per jaar deur weerlig getref word. Sjoe!Ja, dis werklik kommerwekkend om daaraan te dink wanneer jy en 'n paar honderd ander mense, op 12 000 meter in die middel van nêrens, deur die lug vlieg. Maar hier is die goeie nuus:Wanneer 'n vliegtuig deur weerlig getref word, sterf mense nie, want die vliegtuig is ontwerp om dit te hanteer. Die buitenste laag van die vliegtuig word van goeie geleiers, soos aluminium gemaak, wat die elektriese lading toelaat om óm die buitekant te beweeg en, gewoonlik deur die stert, veilig weg te vloei. Sensitiewe elektronika word afgeskerm en brandstofstelsels word ook vir veiligheidsredes beskerm. Vliegtuie word natuurlik gereeld getoets om hulle veilig te hou. Weerlig wat die vliegtuig tref, is skouspelagtig om te sien, maar dit is selde gevaarlik en dit gebeur meestal sonder dat die passasiers dit eers agterkom. En as ingenieurs sulke besondere dinge soos vliegtuie kan ontwerp, dan kan jy mos dink dat God 'n plan sal hê vir situasies waar die storms van die lewe ons tref! Kyk wat sê Hy in:Jesaja 43:2 As jy deur water moet gaan, is Ek by jou, deur riviere, hulle sal jou nie wegspoel nie; as jy deur vuur moet gaan, sal dit jou nie skroei nie die vlamme sal jou nie brand nie,Niemand van ons is onsterflik nie; nie een van ons nie. Maar deur elke beproewing, deur elke storm, deur elke vloed, deur elke vuur ... is God by ons totdat Hy ons veilig huis toe bring. Moenie bekommerd wees nie, moenie vrees nie, want God is by jou waar jy ook al mag gaan!Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY