Podcasts about uiteindelik

Send us Fan MailSpreuke 19:20-21 Luister na raad. Wees bereid om tereggewys te word sodat jy die res van jou lewe daardeur wysheid kan hê. 'n Mens kan hoeveel planne maak, maar op die ou einde gebeur wat die Here besluit het. (NLV) Het jy al ooit besef hoe hardkoppig ons kan wees? Ons spandeer ure om elke klein detail van ons "perfekte" toekoms uit te werk, amper asof ons die heelal met 'n lysie instruksies kan beheer en dan voel ons gefrustreed as dinge nie volgens ons plan verloop nie.Kom ons kyk na Steve Jobs. Op dertig is hy by Apple, die maatskappy wat hy self gestig het, afgedank. Volgens alle berigte was dit 'n vernederende ervaring. Maar jare later het hy erken dat sy ontslag hom vrygemaak het om meer kreatief te dink. Daardie terugslag het gelei tot sy ontwikkeling van Pixar, en sy uiteindelike terugkeer na Apple - waar hy die wêreld van tegnologie hervorm het. Wat na die einde van 'n belowende loopbaan gelyk het, was 'n noodsaaklike afspringplek na sukses. Dit is die perfekte voorbeeld van hoe ‘n oomblik van vernedering eintlik ‘n belangrike bousteen geword het.Spreuke 19:20-21 Luister na raad. Wees bereid om tereggewys te word sodat jy die res van jou lewe daardeur wysheid kan hê. 'n Mens kan hoeveel planne maak, maar op die ou einde gebeur wat die Here besluit het. (NLV)Wysheid beteken om toe te gee dat ons nie alles weet nie. Dit beteken om nederig genoeg te wees om te luister – na God se Woord, na godvrugtige raad en selfs na die dissipline wat seermaak. Uiteindelik is dit nie ons slim strategieë en sorgvuldig opgestelde planne wat die uitkoms bepaal nie. God se doelwitte seëvier. Altyd.In Christus sien ons daardie waarheid in die vlees. Mense het sy ondergang beplan. Judas het Hom verraai. Die leiers het teen Hom gedraai. Maar, deur die kruis en opstanding, het God se groter plan - ons verlossing - geseëvier.Beplan wys - dis die geheim. Maar moenie krampagtig aan jóú planne  vasklou nie, want uiteindelik is die enigste plan wat saakmaak, God s'n ... en daardie plan is Jesus.Dis sy Woord. Vars ... Vir jou... Vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Zander van der Westhuizen het op Sondagaand se Gospelprogram met Appel oor sy nuwe enkelsnit “Genadewater” gesels. Dit is tans op die Gospel Top 10 en die #GROOT20. Appel het gedeel oor genade, foute en eerlikheid - en die waarde daarvan in ons elkeen se lewens. Uiteindelik is alles net genade! 

Die Verkiesingskommissie het uiteindelik die Prestasie-assessering en Na-verkiesingsverslag vir die 2025 Streeksraad- en Plaaslike Owerheidsraadverkiesings voltooi. Die verslag, wat 'n gedetailleerde evaluering van die verkiesing gee, is aan die Nasionale Vergadering oorhandig. Die kommissie se woordvoerder, De Wet Siluka, het aan Kosmos 94.1 Nuus gesê dat parlementslede nou die verskafde besonderhede sal assesseer en debatteer.

Japie Fullard – uitvoerende hoof, Glencore Allooie Volg RSG Geldsake op Twitter

Andy Burnham, wat tans in ‘n tussenverkiesing in Makerfield in die noorde van Engeland vir die Arbeidersparty staan, vry na stemme sodat hy ‘n setel in die parlement kan ontvang en so, teen Britse premier Keir Starmer kan staan in ‘n leierskapsverkiesing vir die Arbeidersparty. Hy, nes Wes Streeting wat ook wil staan, sê die politiek werk nie vir die land nie.

Send us Fan MailFilippense 2:3-4 Moet niks uit selfsug of eersug doen nie, maar in nederigheid moet die een die ander hoër ag as homself. Julle moenie net elkeen aan sy eie belange dink nie, maar ook aan dié van ander.Niemand hou daarvan wanneer hulle nie hulle sin kry nie. Niemand nie! Dit begin al op 'n baie jong ouderdom wanneer ‘n kind homself in woede op die grond neergooi en skop en skree as hy nie sy sin kry nie. Kom ons wees eerlik, ons voel soms steeds lus om sulke woede-uitbarstings te hê, nè?!In die 12de eeu het Thomas Becket, die Aartsbiskop van Canterbury, ‘n meningsverskil met Koning Henry II gehad oor die kerk se gesag. Hulle was aanvanklik goeie vriende, maar nadat hy Aartsbiskop geword het, het Beckett grootkop gekry en geweier om aan die koning se wense toe te gee, selfs oor onbenullige dinge wat regtig nie saak gemaak het nie.Uiteindelik het sy aandrang om sy sin te kry, tot ‘n sluipmoord op sy lewe gelei. As Becket nederig was en vrede wou maak, sou hy sy lewe behou het, en die verhouding tussen die kerk en die staat sou waarskynlik ook baie beter gewees het.Om ons eie sin te kry in ‘n skermutseling lyk so ontsettend belangrik dat ons alte maklik dié dinge wat werklik saak maak, uit die oog verloor.Filippense 2:3-4 Moet niks uit selfsug of eersug doen nie, maar in nederigheid moet die een die ander hoër ag as homself. Julle moenie net elkeen aan sy eie belange dink nie, maar ook aan dié van ander.'n Snaakse ding gebeur wanneer ons kies om toe te gee; wanneer ons ons selfsugtige trots uit die pad kry; wanneer ons die ander persoon opreg begin eer ... dan breek vrede werklik deur.Natuurlik moet ons nie toegee wanneer dit nie om die regte rede is nie. Maar maak seker dat dit nie dalk jou eie koppigheid is wat die konflik in die eerste plek aangeblaas het nie! Dink mooi: is daar op die oomblik ‘n konflik waarby jy betrokke is, waar jy met ‘n skoon gewete kan toegee? Dink net hoe dinge sal verander indien jy wel besluit om die nederige een te wees?... moenie net elkeen aan sy eie belange dink nie, maar ook aan dié van ander.Maak vrede met die feit dat jy nie altyd jou eie sin hóéf te kry nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

In hierdie episode van Pagecast is Hanlie Retief in gesprek met Louis Jansen van Vuuren oor sy nuutste boek, Biltong en Dior: Avonture van 'n Afrikaanse Fransman. Meer oor die boek: As grootoog seun in die ou Oos-Transvaal het Louis Jansen van Vuuren nooit kon dink dat hy eendag 'n château in die Franse platteland sou besit nie. Louis se kostelike vertellings oor sy lewe in Frankryk word verryk met boeiende brokkies oor die Franse geskiedenis en raad vir hoe om te oorleef in 'n samelewing met 'n haas onleerbare taal en eiesoortige gewoontes. Uiteindelik gee dié Afrikaanse Fransman se lewe in die vreemde hom ook 'n nuwe waardering vir dit wat hom uniek Suid-Afrikaans maak. #Pagecast #LouisJansenvanVuuren #BiltongenDior

Send us Fan MailJakobus 1:14-15 Maar 'n mens word verlei deur sy eie begeertes wat hom aanlok en saamsleep. Daarna, as die begeertes bevrug geraak het, bring dit die sonde voort; en as die sonde ryp geword het, loop dit uit op die dood.Wat gaan vandag in jou hart aan? Ek bedoel, jy is tog 'n goeie mens? Maar daar is 'n risiko dat daar 'n begeerte in jou hart skuil, wat, as jy dit nie hanteer nie, jou lewe kan verwoes. Daar is altyd daardie risiko, glo vir my.Tydens die Franse Rewolusie het Maximilien Robespierre begin as 'n beginselvaste voorstander van vryheid en geregtigheid en broederskap. Hy het die regte van die armes bepleit en die doodstraf teengestaan. Maar toe het dinge verkeerd geloop. Hy het al hoe meer mag gekry en beroemd geword en heeltemal in ‘n tiran met 'n obsessie om mense te beheer, ontaard.Hy het ‘n skrikbewind gevoer en duisende na die guillotine gestuur - selfs party van sy voormalige bondgenote. Die ideale wat hy eens gehad het, is deur vrees en sy obsessie om te beheer, vernietig. Uiteindelik is Robespierre in hegtenis geneem en deur die guillotine tereggestel. Hy het 'n slagoffer van dieselfde brutale stelsel wat hy afgedwing het, geword.Hierdie man, wat eens integriteit gehad het, is stadig verteer deur sy onredelike ambisie. Hy het sy gesonde oordeel in sy begeerte om belangrik te lyk, verloor. Sy trots het hom vernietig.Jakobus 1:14-15 Maar 'n mens word verlei deur sy eie begeertes wat hom aanlok en saamsleep. Daarna, as die begeertes bevrug geraak het, bring dit die sonde voort; en as die sonde ryp geword het, loop dit uit op die dood.My vriend, ek vra jou met my hele hart om te besin oor wat vandag in jou hart aangaan. Moenie versoek word deur bose begeertes wat diep in jou skuil nie. Moenie toelaat dat hulle ongehanteer gelaat word nie, want hulle sal jou van die lewe self beroof. Jesus het gekom om jou vry te maak deur aan die Kruis te sterf om die prys vir jou sonde te betaal en weer op te staan om jou die krag te gee om jou sonde te oorwin en vir ewig vir Hom te lewe. Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send a textGenesis 6:13-14,22  “Ek het besluit om 'n einde te maak aan alle mense, want deur hulle toedoen is die aarde vol geweld. Ek gaan hulle saam met die aarde verdelg. Maak vir jou 'n ark van goferhout. Jy moet vertrekke in die ark maak en dit binne en buite met pik dig maak.Noag het alles gedoen presies soos God hom beveel het. Nihilisme is die begrip dat die lewe geen werklike betekenis, waarde of doel het nie. ‘n Nihilis glo dat om in die dieper betekenis van die lewe te glo, outyds is, en dat ons net moet eet, drink en vrolik wees, want môre sterf ons. Hoe goed dink jy gaan dit met die mensdom, as ons kyk na hoe populêr hierdie denkpatroon deesdae geword het? Kom ons gesels vandag oor Noag - daardie mal ou wat, kilometers van enige oseaan af, 'n massiewe skip gebou het. Ek sê maar net, dit was 'n groot monster van ‘n skip, omtrent so groot soos 'n moderne vragskip. En hoekom het hy dit gebou? "Omdat God vir my gesê het ek moet dit doen."Hy was omring deur 'n nihilistiese, losbandige samelewing. Die mense was goddeloos: die sosiale standaarde het ineengestort, daar was geweld, onreg en uitbuiting. En wat is nou so verkeerd daarmee? Uiteindelik maak dit tog nie regtig saak nie, of hoe?Genesis 6:13-14,22 "Ek het besluit om 'n einde te maak aan alle mense, want deur hulle toedoen is die aarde vol geweld. Ek gaan hulle saam met die aarde verdelg. Maak vir jou 'n ark van goferhout. Jy moet vertrekke in die ark maak en dit binne en buite met pik dig maak.Noag het alles gedoen presies soos God hom beveel het.Dit het Noag dekades geneem om “alles presies te doen soos God hom beveel het”; om, te midde van die boosheid wat hom omring het, daardie massiewe ark te bou. Kan jy jou die korrupte spul spotters rondom hom voorstel?Maar Noag het nie sy werk gestop om homself aan elke twyfelaar en hater te regverdig nie. Hy het net aangehou bou … en geweet dat die reën waarvan God hom vertel het, die praatwerk sal doen.Mense sal jou teëstaan wanneer jy anders as hulle is en omdat jy goed doen; omdat jy God eer en omdat jy Jesus volg. Want vir hulle is jy net 'n mal ou soos Noag. Doen dit in elk geval. Eer God in elk geval. Volg Jesus in elk geval, hoe lank dit ook al neem, en laat die res aan Hom oor.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send a textGenesis 50:20 Julle wou my kwaad aandoen, maar God wou daarmee goed doen: Hy het gesorg dat 'n groot volk nou in die lewe gebly het. Die lewe is vol krissise. Jy het ongetwyfeld ook al baie beleef, of hoe? Party wat jy goed kan onthou - die grotes en die kleintjies. Alhoewel dit destyds ontstellend was, was dit op die ou end toe nie so sleg as wat jy gedink het dit sal wees nie. Ons lees in die Ou Testament van Josef. Hy was Jakob se jongste en ook sy gunsteling seun. Sy broers was so jaloers op Josef dat hulle saamgesweer het om hom dood te maak. Uiteindelik het hulle hom egter as slaaf aan Egiptenare verkoop. Daar het hy jare in die tronk deurgebring vir 'n misdaad wat hy nie gepleeg het nie.Die arme jongman het terugslag na terugslag beleef. Maar hy het elke keer opgestaan en dapper voortgegaan. Wanneer jy Josef se verhaal in Genesis, hoofstukke 37 tot 50 lees, sien jy hoe hy elke terugslag met integriteit hanteer het en hoe God dit geëer het.Josef was uiteindelik die Eerste Minister van Egipte; ja, hy was tweede in bevel, net onder Farao. Tydens 'n groot hongersnood, het dieselfde broers wat hom aan Egiptiese handelaars verkoop het, voor hom gestaan om kos te kom bedel. Josef het letterlik die mag van lewe en dood oor hulle gehad. Tog het hy so gereageer:Genesis 50:20 Julle wou my kwaad aandoen, maar God wou daarmee goed doen: Hy het gesorg dat 'n groot volk nou in die lewe gebly het.Alhoewel hy gehaat is, as slaaf verkoop is, valslik beskuldig is en gevange geneem is; het elkeen van hierdie massiewe terugslae Josef nader aan God se doel vir sy lewe gebring: naamlik om baie lewens te red. Ons sien in God se koninkryk is 'n terugslag die voorbereiding vir iets groter.Dis Sy Woord. Vars ... vir jou ... vandag Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a textSpreuke 18:8 Skinderstories is so soet soos lekkernye, dit sink tot diep in jou gemoed. (NLV) Ek dink jy sal saamstem dat skinderpraatjies, soos 'n tweesnydende swaard is. As ons eerlik met onsself is, weet ons dat dit verskriklik vernietigend kan wees om deel van skinderpraatjies te wees; maar dis tog so aanloklik, so sappig, so heerlik, nè?Die Salem-hekse-verhore waarin mense van heksery beskuldig is, was tydens die laat 1600's in Massachusetts gehou. ‘n Paar simpel en venynige jong meisies het later erken dat hulle die vals beskuldigings, wat mense se lewens gekos het, opgemaak het. Maar die jeugdiges was ongebalanseerd en aangevuur deur vrees, bygeloof en skinderpraatjies. Dinge het vinnig buite beheer geraak.Gerugte van heksery het soos 'n veldbrand deur die klein Puriteinse gemeenskap versprei. Soos vrees die dorp beetgepak het, is meer en meer onskuldige mense op grond van hoorsê, persoonlike wrokke en gefluisterde agterdog, van heksery beskuldig.Uiteindelik is twintig mense tereggestel en baie meer se lewens is verwoes - alles omdat skinderpraatjies as waarheid voorgestel is. Maar hoe het dit geëskaleer? Waarom het dit geëskaleer?Spreuke 18:8 Skinderstories is so soet soos lekkernye, dit sink tot diep in jou gemoed. (NLV)Daar is jou antwoord. Skinderpraatjies eskaleer omdat ons dit onweerstaanbaar vind. Ons hou daarvan om dit te hoor, ons hou daarvan om daaraan deel te neem. Ons ore spits wanneer daar 'n sappige happie ons kant toe kom. Ons brand van versoeking om dit oor te vertel.So kom ons wees vandag dapper. God is baie reguit in sy verdoeming van skinderpraatjies: dis vernietigend, sondig en teenstrydig met sy beginsels van liefde. Skinderpraatjies word dikwels vermom as "kommer-oor-die-slagoffer" of "om-vir-jou-eie-beswil-die waarheid-te-vertel," dit vernietig mense, dis verdraaide waarhede; dit veroorsaak twis. In sy kern openbaar dit 'n gebrek aan liefde.Onthou: al voel dit op die oomblik "sappig" en bevredigend, is dit korrup van binne af. Moet nooit sleg praat van 'n persoon nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a textEfesiërs 5:15-17 Wees baie versigtig hoe julle lewe: nie soos onverstandige mense nie, maar soos verstandiges. Maak die beste gebruik van elke geleentheid, want ons lewe in 'n goddelose tyd. Moet daarom nie onverstandig optree nie, maar probeer te wete kom wat die Here wil dat julle moet doen. Kyk, ek verstaan hoe sommige mense hierdie nuwe jaar sleepvoetend, moeg en uitgeput binnegaan voordat dit eers begin het; en gevolglik leef hulle 'n halwe lewe, in plaas van 'n vol, ryk, oorvloedige een.Ek het self al tye deurgemaak waar ek uitgebrand gevoel het; tye waar ek net nie my beste kon gee nie. Uitbranding is 'n belangrike onderwerp, waaroor ons op 'n ander dag sal praat.Maar ons sien daagliks te veel mense wat geen lewenslus het nie: Dit mag dalk in hul werk wees. Ja, ons sien baie mense wat net die absolute minimum; die bietjie waarmee hulle kan wegkom, doen. Dit mag dalk in hul gesinslewe wees, waar hulle na hul slimfoonskerms onttrek en nie tyd maak vir hul maat of kinders nie.Was jy al ooit in die versoeking om 'n halwe lewe te leef, in plaas van 'n vol, ryk, oorvloedige lewe? As dit die geval is, laat hierdie Woord van God 'n nuwe asem, 'n nuwe geesdrif, 'n nuwe hoop in jou hart blaas.Efesiërs 5:15-17 Wees baie versigtig hoe julle lewe: nie soos onverstandige mense nie, maar soos verstandiges. Maak die beste gebruik van elke geleentheid, want ons lewe in 'n goddelose tyd. Moet daarom nie onverstandig optree nie, maar probeer te wete kom wat die Here wil dat julle moet doen.Soos Billy Graham eens gesê het: Tyd is die kapitaal wat God ons gegee het om te belê. Mense is die aandele waarin ons ons tyd moet belê... die beste gebruik van jou tyd, is om dit te spandeer aan iets wat die tyd sal oorleef.My vriend, moenie net goed leef nie; leef wys. Uiteindelik gaan dit nie oor hoeveel tyd jy gehad het nie, maar wat jy daarmee gedoen het; dít is wat tot in ewigheid sal weergalm.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Jabu Mdaki, uitvoerende hoof van Transnet Port Terminals (TPT), bespreek Transnet se ooreenkoms met ICTSI. Volg RSG Geldsake op Twitter

Send us a textMatteus 23:27-28 “Ellende wag vir julle, skrifgeleerdes en Fariseërs, huigelaars! Julle is soos witgeverfde grafte, wat van buite mooi lyk maar daarbinne vol doodsbene en allerhande onsuiwerheid is. So is julle ook: van buite lyk julle vir mense vroom, maar van binne is julle vol huigelary en minagting van die wet.” Sommige mense staan jou beslis nie aan nie. Die oomblik wanneer jy hulle ontmoet, kom jy tot die gevolgtrekking dat jy die res van jou lewe baie gelukkig sonder hulle sal kan deurbring. Hul lewens is deurmekaar. Hul houdings is toksies. Die maklikste ding om te doen, is om van hulle af weg te bly.Nicky Cruz se ouers was in heksery betrokke en hulle het hom fisies en geestelik mishandel. Hy het in sy tienerjare sy ouerhuis verlaat en 'n gewelddadige bendeleier van die gevreesde Mau Maus in New York geword. Toe David Wilkerson, ‘n prediker met die roeping om met bendes en verslaafdes te werk, vir Nicky gesê het dat Jesus hom liefhet, het Cruz hom geslaan en gedreig; maar Wilkerson het met onwrikbare liefde telkens na hom teruggegaan.Uiteindelik was Cruz so diep geraak deur die boodskap van Christus se liefde dat hy sy lewe aan Jesus gegee het en 'n evangelis geword het wat baie mense met die Evangelie bereik het. Dit is die krag van volgehoue Christelike liefde en God se genade om selfs die mees gebroke lewens te transformeer.Jy het 'n keuse om daardie mense, wat jy eerder sou wou vermy, te ignoreer, of lief te hê. Wat sal dit wees?Jesus het gekies om saam met sondaars te eet, om met hulle te kommunikeer, om hulle lief te hê. Dit het baie kritiek ontlok van die Fariseërs, die godsdienstige leiers van die tyd; die godsdienstige ‘hoogheiliges' wat hulle eerder in hul eie elite kringe teruggetrek het. Jesus het hulle aangespreek:Matteus 23:27-28 “Ellende wag vir julle, skrifgeleerdes en Fariseërs, huigelaars! Julle is soos witgeverfde grafte, wat van buite mooi lyk maar daarbinne vol doodsbene en allerhande onsuiwerheid is. So is julle ook: van buite lyk julle vir mense vroom, maar van binne is julle vol huigelary en minagting van die wet.”Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Uiteindelik kuier Stefan, Carien en ek weer saam

Jean-Pierre Verster, uitvoerende hoof van Protea Capital Management, deel sy insigte oor Ibex se verkoop van sy belang in Pepkor. Volg RSG Geldsake op Twitter

Na 15 jaar se sukkel, sal Windhoek Sentrale Hospitaal uiteindelik sy warmwaterstelsels herstel. Die werkeminister Veikko Nekundi het 'n projek van 6,4 miljoen Namibiese dollar deur die Namibiese Ingenieurskorporasie in werking gestel, onder die vervoerministerie. Nekundi maan ook dat instandhouding kritiek is, regoor die land.

Die uitvoerende hoof van Tiger Brands, Tjaart Kruger, gesels oor die verkoop van die groep se Langeberg & Ashton-inmaakfabriek. Volg RSG Geldsake op Twitter

Uiteindelik kan ons in ons donkerste oomblikke, ook wanneer die dood intree en ons dit beleef, soos Jesus verklaar – Vader in U hande gee ek my gees oor.

Send us a textSpreuke3:5-6 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop. Dis nie maklik om dapper te wees wanneer jy benoud voel nie. Trouens, dapperheid is basies om, ten spyte van die vrees, te doen wat jy moet doen. Maar dit word baie makliker as jy selfvertroue het. Die vraag is, hoe kry jy dit?Wanneer ons gekonfronteer word met uitdagende omstandighede, soos alte dikwels in die lewe gebeur, is ons eerste oorweging, om vinnig weg te hardloop en weg te kruip; ja, om die situasie heeltemal te vermy. Maar jy kan dit net vir só lank doen. Uiteindelik moet jy die waarheid in die oë kyk. Uiteindelik moet jy die situasie hanteer.So daar is jy...jy sal jou man moet staan; en wat dit nog erger maak, is daardie gevoel van minderwaardigheid en ontoereikendheid. Jy vra jouself af: "Hoekom kan ek dit nie hanteer nie? Waar is my selfvertroue? Ander mense voel tog nooit so simpel nie. Hulle gaan net aan met die lewe.Wel, laat ek jou ontnugter! Ander mense voel dieselfde. En die fout wat ons almal maak, is om te probeer om die selfvertroue self te vind, net om te ontdek dat ons tenk se reserwe liggie flikker.So hoekom gaan ek en jy nie saam om daardie fout vandag reg te stel deur na God te luister en deur sy Woord te glo nie?Spreuke 3:5-6 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop.Waar het jy in die slagyster getrap? Jy het op jou eie vermoëns gesteun! Hoe stel jy dit reg ? Jy moet met jou hele hart op God vertrou terwyl jy reg doen, goed doen, Hom eer … en Hy sal dinge regruk. Hoe weet jy dit? Want …Dis sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a textEfesiërs 4:31-32 Moet nooit verbitter of opvlieënd wees of woedend word nie; moenie vloek of skel nie; moet niks doen wat sleg is nie. Wees goedgesind en hartlik teenoor mekaar, en vergewe mekaar soos God julle ook in Christus vergewe het. Weet jy, ek vind daar is twee maniere om mense in ons lewens, veral die moeiliker, die meer iesegrimmiges te hanteer. Die moeilike of die maklike manier.Wrywing is 'n fassinerende krag wat ons elke oomblik van elke dag in ons lewe teëkom. Dit is die weerstand tussen twee oppervlaktes wanneer hulle aan mekaar raak en sonder daardie wrywing sal jy nooit ‘n swaar artikel kan optel nie. Jy sal gly as jy probeer loop. Jy sal van jou stoel afval wanneer jy probeer sit.Maar met te veel wrywing sal selfs beweging harde werk word. Ja, dink net aan die pyn wat al daardie gevryf sal veroorsaak en wat van die hitte wat dit sal skep? Dit kan selfs op ‘n punt aan die brand slaan!Dit is wat in soveel verhoudings gebeur wanneer ons self te veel wrywing toepas; wanneer ons keer op keer die moeilike manier, eerder as die maklike manier kies om sake te hanteer.Efesiërs 4:31-32 Moet nooit verbitter of opvlieënd wees of woedend word nie; moenie vloek of skel nie; moet niks doen wat sleg is nie. Wees goedgesind en hartlik teenoor mekaar, en vergewe mekaar soos God julle ook in Christus vergewe het.Daar het jy dit. Die moeilike manier en die maklike manier. Dink nou mooi aan verhoudings wat geleentheid bied om op te hou om verbitterd, woedend of kwaad te wees. En waar kan jy ophou om te skree en ander seer te maak? En waar kan jy ophou om kwaad te doen; en om die vlak van wrywing wat jy veroorsaak, te verminder?En wanneer ander persone die moeilike manier kies (soos hulle so dikwels doen), hoe kan jy die wrywing verminder deur ongeag hoe húlle optree, vriendelik en liefdevol teenoor hulle te wees, deur hulle te vergewe, net soos God jou in Christus vergewe het?Uiteindelik het jy 'n keuse. Die moeilike manier, of die maklike manier. Kies verstandig.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a text2 Korintiërs 3:17 “Die Here” beteken hier “die Gees”, en waar die Gees van die Here is, is daar vryheid. Vryheid. Daar's nou 'n woord waarvan ons almal hou ... tog beteken dit verskillende dinge vir verskillende mense op verskillende tye in hul lewens. Ek wonder, wat beteken dit vir jou, hier waar ons nou gesels? Is daar iets waarvan jy vrygemaak wil word? Wat is dit?Die realiteit van die lewe in hierdie onvolmaakte wêreld is dat ons almal uiteindelik ‘n las of twee dra waarvan ons smag om bevry te word: 'n Verpligting, 'n situasie, 'n verhouding wat jou totaal dreineer. Here, maak my vry!Maar die lewe gaan nooit perfek wees nie. Dit is onwaarskynlik dat daar ooit 'n tyd sal wees wanneer daar niks aan die gang sal wees wat jy nie daar wil hê nie. Ja, daar is seker maar altyd iets, nè?So hoe sal dit voel as daardie laste wat jou lam maak, hanteer kan word, sodat jy te midde daarvan, vryheid kan ervaar?2 Korintiërs 3:17 “Die Here” beteken hier “die Gees”, en waar die Gees van die Here is, is daar vryheid.Jesus het gekom om jou vry te maak. Ja, om jou vry te maak, van die druk om aan God se standaard van volmaaktheid te voldoen! Daardie standaard wat lyk asof nie een van ons ooit in staat sal wees om dit te bereik nie! Vry van al daardie slegte goed wat ons doen, wat ons beroof van die oorvloedige lewe wat Jesus self gesê het Hy't gekom om dit vir ons te gee. Vry om alles te wees wat Hy ons gemaak het om te wees.Daar is niks meer bevredigend as wanneer die laste wat jou wil versmoor, van jou skouers afgeneem word nie. Wanneer dít gebeur, kan jy die wonder van die vryheid wat Jesus vir jou kom bring het, ervaar. Want op die plek waar die Gees van die Here is, is daar vryheid.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die mynwerkersvakbond, NUM, sê die ANC het volwassenheid getoon en die tekortkominge van sy bestaan se realiteit aanvaar. Dié realiteit beteken hy moet reageer op maatskaplike probleme wat burgers raak. Die party het verlede week sy 113de bestaansjaar gevier. NUM-woordvoerder Mpho Phakedi sê hy hoop die ANC sal hierdie keer kwessies aanspreek wat die massas raak.

Send us a text2 Korintiërs 5:17 Iemand wat aan Christus behoort, is 'n nuwe mens. Die oue is verby, die nuwe het gekom. Stel jou voor dat jy alles wat jy besit saam met jou in twee tasse moet ronddra. Soos jy meer goed koop, word hulle swaarder, en hulle word oorvol. Dan koop jy 'n rugsak, en dan ‘n skouersak. Uiteindelik trek die verskriklike vrag jou rug so krom, dat jy skaars kan asemhaal, wat nog te sê van vorentoe beur.As jy die afgelope paar dae by my kon aansluit, sal jy weet dat ons nogal baie gepraat het van oor hoe belangrik dit is om die verlede agter te laat. Miskien dink jy … Hoekom karring hy so baie hieroor?Wel, die rede waarom ek so aangaan hieroor, is omdat die proses om die verlede agter te laat, miskien een van die moeilikste dinge is wat ons ooit sal moet doen. So hier, op hierdie laaste dag van die jaar, gaan ons 'n laaste keer aan die ou koeie en die sloot dink. Hier is goeie nuus! Het jy geweet dis nie jou werk nie? Jy hoef nie daaraan te werk om die seerkry te vergeet en jou wonde te genees nie!Want dit is iets waarvoor Jesus gekom, gesterf en opgestaan het om dit vír jou te doen. Is jy gereed?2 Korintiërs 5:17 Iemand wat aan Christus behoort, is 'n nuwe mens. Die oue is verby, die nuwe het gekom.As dit voel asof die laste van jou verlede jou keel toedruk en dat jy nie asem kan kry nie; as jy voel asof jy nie eers die krag het om te dink oor hoe jy die nuwe jaar moet aanpak nie, weet verseker dat die oomblik wat jy jou vertroue in Jesus plaas, jy 'n nuwe mens word. Die verlede is verby. Alles het nuut geword. Jesus verander alles.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die adjunk-sportminister Emma Kantema-Gaomas het uiteindelik kommentaar gelewer oor die opknapping van die Onafhanklikheidstadion na sy op 14 November nie opgedaag het by die perskonferensie nie. Toivo Nuugulu-argitekte, in ‘n gesamentlike onderneming met Kerry McNamara-argitekte soek ‘n hersiening van die toekenning van die 800 000 Namibiese dollar se konsultasie aan Marley Tjitjo-argitekte. Kantema-Gaomas sê hulle hande is afgekap.

Finansiële geletterdheid is die kennis en begrip van sleutel finansiële konsepte soos hoe om te begroot, beleggings, lenings, belasting en persoonlike geldbestuur. Uiteindelik bemagtig finansiële geletterdheid mense om beheer oor hul finansiële welstand te neem en 'n veilige toekoms te bou. Kosmos 94.1 Nuus het gesels met Dr. Omu Kakujaha-Matundu van Unam se Departement Ekonomie, wat sê die belangrikste is om binne jou vermoë te leef.

Send us a textRomeine 5:1 God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus. Baie mense verstaan nie dat hulle baie emosionele energie mors deur van hul verlede te probeer vlug. Ek het dit self vir baie jare probeer doen. Wat van jou?Dit is uitmergelend om jou verlede; ja, om die dinge wat jy gedoen het en die verkeerde dinge, wat aan jou gedoen is, te probeer ontvlug. Dit is absurd. Jy wil nou ‘n gelukkige lewe lei, maar op een of ander manier beroof die skuldgevoelens oor verkeerde dinge uit jou verlede jou van jou vrede.Ek kan jou baie mooi vertel hoe dit voel, want ek het self probeer om my verlede te ontvlug. En uiteindelik het ek besef dat ek ook van God probeer vlug het. Iewers, ver agter in my geheue, diep in my hart, het ek geweet dat daar 'n God is wat my liefhet, maar ek was so verskriklik skaam oor wat ek gedoen het en wie ek geword het, dat ek nie na Hom wou gaan nie. Wat van jou?Maar eendag het ek vir die eerste keer verstaan wat die Goeie Nuus van Jesus beteken. En daardie Goeie Nuus is dat …Romeine 5:1 God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus.Met ander woorde, wanneer ons in Jesus glo, en glo dat Hy aan die Kruis gesterf het om vir ons sonde te betaal; staan ons in ‘n splinternuwe verhouding met God. Ons het vrede. Ons leef nou dag na dag uit sy goedheid. Dis die einde van konflik. En hierdie wonderlike vrede van vryspraak is alles aan Jesus Christus te danke.Dis nie net goeie nuus nie, dis opspraakwekkende nuus – vir my en vir jou. Ons verhouding met God is deur ons geloof in Jesus herstel, en dit gee ons vrede met Hom. Uiteindelik...Dis Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die Tender Bulletin berig dat nadat August 26, 455 miljoen Namibiese dollar se konstruksie vir onderwys oor twee jaar sonder enige tenders uitgevoer het, het die lynministerie nou weer begin om sy konstruksietenders te adverteer. Die ministerie het 14 tenders uitgereik vir die bou van klaskamers, administrasiekantore, wetenskaplaboratoriums, rekenaarlaboratoriums, skoolbiblioteke, ablusieblokke in al 14 streke. Dit is benewens nog 14 tenders vir die bou van laerskool klaskamerblokke met stoorkamers en ablusiegeriewe, ook in al 14 streke. Kosmos 94.1 Nuus het met Bärbel Kirchner, die uitvoerende hoof van die Konstruksie Industrie-federasie, oor die kwessie gesels.

Die kabinet se besluite ná sy 17de sitting is deur die adjunk-inligtingminister, Modestus Amutse, bekendgemaak. Hy het aangekondig dat Erongo-goewerneur Neville Andre die Beste Afrika Goewerneur van die Jaar-toekenning gewen het. Namibië sal ook gasheer wees vir 'n gesamentlike vergadering oor die Landbou-ontwikkelingsprogram vir die 15de Afrika-dag van voedsel- en voedingsekerheid in Windhoek, van 29 Oktober tot 1 November. Daarbenewens sal ingrypings ingestel word om verskeie sosio-ekonomiese kwessies aan te spreek. 'n Hof vir klein eise sal onder andere dringend tot stand gebring word. Amutse het meer.

Uiteindelik is dit hier - 'n fantastiese dag van inkopies en die ondersteuning van 'n goeie doel by die Windhoek Dierebeskermingsvereniging se snuffelmark! Dit vind tussen nege-uur en een-uur plaas op Saterdag en beloof 'n dag vol gevul met winskopies, gemeenskapsgees en pret. Daar is 'n wye verskeidenheid tweedehandse skatte, van boeke en klere tot huishoudelike goedere teen uitstekende pryse! Jy kan ook enigiets wat by die huis rondlê en jy nie meer gebruik nie, skenk om verkoop te word. Elke aankoop help die DBV om skuiling en versorging te bied aan diere in nood. Kosmos 94.1 Nuus het gesels met Hanna Rhodin, die DBV-direkteur.

Die Nasionale Vergadering sal môre weer om half-drie byeenkom na 'n reses. Verskeie sleutelitems is op die agenda, insluitend die heroorweging van die Huwelikswetsontwerp. Dit is al bespreek maar parlementslede sal na verwagting oor die bepalings daarvan beraadslaag asook moontlike wysigings. Kosmos 94.1 Nuus het gesels met die parlement se woordvoerder, Sakeus Kadhikwa, wat meer inligting gee.

Die Stad Windhoek het 7,7 miljoen Namibiese dollar in die 2024/25-begroting bewillig vir die opknapping van die Sam Nujoma-stadion in Katutura. Dit is onthul deur Samuel Mutonga, waarnemende strategiese uitvoerende hoof vir finansies en kliëntedienste, tydens 'n openbare vergadering in die Katutura-Oos-kiesafdeling. Die Stad het reeds 3,2 miljoen dollar in die 2013/14 finansiële jaar bestee aan 'n uitvoerbaarheidstudie vir die stadion se opgradering. Kosmos 94.1 Nuus het gesels met Lydia Amutenya, die woordvoerder van die Stad Windhoek, wat meer inligting verskaf.

Die staatsmediesefonds Psemas word volgens plaaslike media deur die regering hersien en reggeruk, en die proses is al sowat 50 persent afgehandel. Van die uitdagings is spooklede, valse eise en korrupsie, waarvan die regering al sedert April 2010 bewus is. ‘n Oudit deur Deloitte wys dat die regering tussen 2020 en 2022 1 miljard dollar uitbetaal het aan begunstigdes wat nie bestaan nie. Psemas kry egter steeds reuse-bedrae in die begroting en vanjaar se toekenning was 2,9 miljard Namibiese dollar. Reaksie is ontvang van Eben de Klerk, konsultant vir die Namibiese Privaat Praktisynsforum.

Die Nampol forensiese eenheid se moeite om standaarddwelms te bekom is amper verby. Die hoof van Nampol se forensiese eenheid, kommissaris Nelius Becker, sê die eenheid het gesukkel omdat daar ‘n tekort aan standaarddwelms was vir hulle om forensiese toetse doeltreffend uit te voer. Kosmos 94.1 Nuus het met Becker gepraat wat sê daar is 'n bestelling geplaas en hulle sal binne die volgende 8 tot 12 weke 'n voorraad kry. Dit nadat hy in Oktober verlede jaar 'n beroep op die regering gedoen het om die standaarddwelms te bekom. Die middels is belangrik om gekonfiskeerde dwelms te toets om as bewyse in die howe ingehandig te word.

Kry die nuus soos dit breek.

Die kabinet het reeds op 27 Februarie die projek, om water van die Okavangorivier na die Berg Aukas-stelsel toe te pomp, goedgekeur. Die plan is reeds sedert 1974 deel van die sogenaamde Meesterplan vir watervoorsiening in die sentrale gebied, veral nou, met die erge droogte, maar, dit sal tot sewe jaar neem, en 7 miljard Namibiese dollar neem voor dit voltooi is. Kosmos 94.1 Nuus het met NamWater se uitvoerende hoof, Abraham Nehemia gepraat.

Die Amerikaanse president Joe Biden sê beide vryheid van spraak en die oppergesag van die reg moet gehandhaaf word te midde van die pro-Palestynse betogings by universiteite in die land. Die meerderheid betogers eis die onttrekking aan maatskappye wat Israel en die oorlog in Gaza ondersteun. Amper 2 000 mense is sedert die 18de April op kampusse gearresteer. Biden sê Amerika is nie 'n outoritêre land waar mense gesnoer word nie, maar dis ook nie 'n wettelose land nie:

Die DA sê president Cyril Ramaphosa het uiteindelik die geringste standpunt teen die minister van Maatskaplike Ontwikkeling, Lindiwe Zulu, ingeneem deur haar pogings om voort te gaan met die ontplooiing van een van haar naaste kaders, Linton Mchunu, as waarnemende direkteur-generaal van die departement te stuit. Die DA-lid, Bridget Masango, sê dit het 'n telefoonoproep van die president geverg om minister Zulu te oortuig om Peter Netshipale tot 4 Julie vanjaar as waarnemende DG aan te stel.

Die bekende Namibiese weerkenner van Aranos, George van der Merwe, het goeie nuus. Hy sê die Khomas- en Hardap-streke kan vandag reën verwag, wat môre en Maandag regoor die land sal versprei. Daar is ook 'n goeie kans vir reën volgende week. Van der Merwe is aan die woord.

Die GOOD-party het die buurland se justisie-departement se aankondiging verwelkom dat vier veiligheidspolisielede uit die apartheids-era moet teregstaan vir die moord op die MK-kader, Jameson Mngomezulu, in 1985. Die party is ook tevrede met die heropening van die geregtelike ondersoek na die moord op die Cradock-vier – Mathew Goniwe, Sparrow Mkonto, Fort Calata en Sicelo Mhlauli – in 1985. GOOD se sekretaris-generaal, Brett Herron, sê die Waarheids-en-versoeningskommissie het 21 jaar gelede in sy finale verslag sowat 300 sake na die Nasionale Vervolgingsgesag verwys vir ondersoeke en vervolgings.

Die Stad Kaapstad sê die meeste van die brande by Simonstad is geblus maar brandbestryders bly op die toneel omdat dit weer kan opvlam. Brandbestryders het uiteindelik daarin geslaag om die brand, wat Dinsdag begin het, onder beheer te kry. Inwoners van Simonstad en Glencairn het toestemming gekry om huiswaarts te keer. Die burgemeesterskomiteelid vir gemeenskapsveiligheid, JP Smith, sê geen sterftes is aangemeld nie, en slegs minder ernstige beserings het voorgekom en is behandel.

Die langverwagte Wetsontwerp op Toegang tot Inligting is afgehandel en by die kantoor van die prokureur-generaal ingedien vir sertifisering. Emma Theofelus, adjunkminister van inligting, het die nuus bekend gemaak tydens die weeklikse inligtingsessie van die kabinetkomitee. Die wetsontwerp, wat die eerste keer in Junie 2020 in die parlement ter tafel gelê is en na die parlementêre staande komitee oor inligting- en kommunikasietegnologie verwys is, is uiteindelik in 2022 deur die parlement goedgekeur. Theofelus is aan die woord.

Paul Rowley, uitvoerende adjunkpresident vir diamanthandel by De Beers gesels oor hulle ooreenkoms met Botswana Volg RSG Geldsake op Twitter

Carien en David gesels oor 'n here reeks interessante goed!

Gerhard van Onselen (Sakeliga, operasionele bestuurder en ontleder) gesels met James Kemp op die Beleidsradar-insetsel (Sakekern, Pretoria FM) oor die onlangse herrie oor invoerbelasting op gevriesde aartappelskyfies.Van Onselen bevraagteken die sukses van hierdie invoerbelastings om plaaslike bedrywe werklik te ondersteun.Uiteindelik kom die koste van sulke belastings grotendeels op verbruikers en selfs op sekere ondernemings te lande, met nadelige gevolge. In hierdie stadium, reken Van Onselen, kan verbruikers kwalik bekostig om méér vir kos te betaal.Sakeliga reken dat plaaslike bedrywe ten beste ondersteun kan word deur weg te doen met rampspoedige regulasies, rompslomp, beurtkrag, en skadelike inmenging in die ekonomie.[English] Taxes on imports of frozen potato chips harm consumersGerhard van Onselen (Sakeliga, operational manager and analyst) talks with James Kemp in the Beleidsradar insert (Sakekern, Pretoria FM) about the recent outcry about import duties on frozen potato chips.Van Onselen questions the success of such taxes on imports to really support local industries.The costs of such duties ultimately are borne mainly by consumers and even certain businesses, with harmful consequences. At this stage, according to Van Onselen, consumers can hardly afford paying even more for food.Sakeliga believes that local industries can best be supported by abolishing disastrous regulations, red tape, load shedding and harmful economic interference in the economy.

Krieket: Engeland het die beslissende derde toets teen Suid-Afrika op die Oval gewen, met al drie wedstryde in die reeks wat binne drie dae geëindig het. Dag een in Londen het weens reën verlore gegaan, terwyl daar op dag twee, ná die dood van koningin Elizabeth, geen spel was nie. Die tuisspan het dus drie dae gehad om 'n uitslag af te dwing. Uiteindelik het hulle net twee dae en 28 minute nodig gehad om die wedstryd met 9 paaltjies te wen, en die reeks met twee-een. Die Protea-kaptein, Dean Elgar erken die kolwers het dwarsdeur die reeks gesukkel.

Die Amerikaanse vise-president Kamala Harris het haar stem gebruik om te verseker dat die Inflation Reduction-wetgewing in die VSA deurgevoer word. Nie een Republikein het in die senaat ten gunste van die wetgewing, wat goedkoper medisyne verseker, meer belasting vir die superrykes laat betaal en die klimaatkrisis aanspreek, gestem nie. Die huis was 50-50 en met Harris se stem, is dit deurgevoer. Dit word as histories geag omdat Washington sedert 1981 belowe om klimaatsverandering aan te spreek. President Joe Biden het met die media gepraat.

Die brand wat naby Hoachanas, noordoos van Kalkrand in die Hardap-streek, groot verwoesting gesaai het, vroeër geblus, en weer opgevlam het, is uiteindelik finaal geblus. Piet van Vuuren, ‘n boer in daardie omgewing, bedank almal wat hulp verleen het.

Die Groendraai primêreskool het sedert verlede jaar geen befondsing van die regering ontvang nie. Die skool, 60 kilometer suidwes van Rehoboth het 238 kinders in die koshuis. Maandelikse kostes beloop tussen 60 000 en 70 000 Namibiese dollar wat die skool se huidige bestuur tans by borge bekom het. Befondsing is gestaak omdat die skool se vorige bestuur na bewering geld verduister het maar, daar is ‘n nuwe span wat talle briewe aan die ministerie gestuur het om befondsing te herstel. Kosmos 94.1 Nuus het met die onderwysministerie se uitvoerende direkteur Sanet Steenkamp oor die aangeleentheid gepraat en daar is goeie nuus...