Podcasts about kaapse

Geordin Hill-Lewis, burgemeester van Kaapstad, gesels oor die insluiting van die Kaapse hawe in die regering se versoek om inligting om die private sektor se belangstelling in vennootskappe vir hawens en spoorlyne te toets. Volg RSG Geldsake op Twitter

President Cyril Ramaphosa verwerp ten sterkste die Kaapse Onafhanklikheidsbeweging se beplande reis na Washington DC om die Wes-Kaap se afstigting van Suid-Afrika te bevorder. Hy het beklemtoon dat die land se grondwetlike demokrasie, wat in 1994 gestig is, eenheid en nie-rassisme handhaaf. Presidensiële woordvoerder, Vincent Magwenya, het by 'n mediakonferensie 'n oproep gedoen op alle landsburgers om te fokus op die bou van 'n beter Suid-Afrika deur middel van dialoog en beleide wat maatskaplike samehorigheid en gelykheid bevorder, ten spyte van internasionale uitdagings.

Die Cape Independence Advocacy Group sê hy is voornemens om ʼn afvaardiging na Amerika te stuur om amptenare en ander mense met politieke bande te ontmoet. Die groep het aan president Cyril Ramaphosa, die minister van Internasionale Betrekkinge en Samewerking, Ronald Lamola, en die Wes-Kaapse premier, Alan Winde, geskryf en amptelik oor hul planne ingelig. ʼn Woordvoerder van die drukgroep, Joan Swart, sê hulle aktiwiteite sal deur die Grondwet beskerm word en die grondwetlike demokrasie in Suid-Afrika versterk eerder as benadeel:

Die GOOD-party sê die DA-geleide regering in die Wes-Kaap misluk met die aanspreek van die kultuur van bendes op die Kaapse Vlakte. Sewe mense is dié week binne die bestek van twaalf uur doodgeskiet in afsonderlike voorvalle in Kaapstad, wat vermoedelik met bendes verband hou. Die sekretaris-generaal van GOOD, Brett Herron, sê die premier Alan Winde en burgemeester Geordin Hill-Lewis moet hulle volledige planne verduidelik om die Kaapse Vlakte reg te ruk:

Die tragiese voorval by Canopy in die Dorob Nasionale Park waar 'n groep bedreigde Kaapse kormorante opsetlik doodgery is, is steeds nie opgelos nie. 'n Voertuig het hulle doelbewus geteiken terwyl hulle op die strand geslaap het. Bewaringsowerhede het 'n beloning van 10 000 Namibiese dollar aangebied. Kosmos 94.1 Nuus het gesels met Naude Dreyer van Ocean Conservation Namibia, wat 'n opdatering gee van kustoestande asook die kormorante-saak.

Die GOOD-party herhaal sy oproep op die Stad Kaapstad om met bedryfskenners, akademici, mediese dokters en marienebewaringskundiges te skakel oor die toetsprotokolle by die metro se strande. 'n Inwonergedrewe ondersoek het die teenwoordigheid van rioolbesoedeling op sekere Kaapse strande in November en Desember verlede jaar gevind. Suzette Little van GOOD sê Netwerk24 het berig dat die Stormers se senter, Dan du Plessis, het na bewering 'n E. Coli-infeksie opgedoen na hy in Kampsbaai geswem het.

Die speaker van die Nasionale Vergadering, Thoko Didiza, het bevestig president Cyril Ramaphosa lewer môre die staatsrede in die Kaapstadse stadsaal. 'n Tweedaagse debat volg Dinsdag voor Ramaphosa se repliek. Didiza beklemtoon die belangrikheid van die staatsrede in die ontwikkeling van ʼn nasionale debat en sy rol om die drie onderafdelings van die staat, die uitvoerende, die wetgewende en die regterlike gesag, te verenig.

Thousands of people descended on Cape Town’s CBD yesterday to witness the Tweede Nuwe Jaar minstrel carnival. Graeme Raubenheimer in for Sara-Jayne Makwala King speaks to Director of the Kaapse Klopse Karnival Association Muneeb Gambeno and Owner of the Juvie Boys Yusuf Gester.See omnystudio.com/listener for privacy information.

Die bekende slangkenner en navorser Francois Theart het sy misnoeë uitgespreek oor die dood van ‘n vier-jarige seun op Uis na hy in sy bed deur ‘n Kaapse kobra gepik is. Volgens Theart het hy in 2018 die parlement toegespreek oor die uitdagings maar hy sê dis duidelik dat die gesondheidsministerie geen belang het om die saak aan te spreek deur te verseker dat klinieke voorberei en opgelei is nie.

Theo Boshoff, uitvoerende hoof van die Landbousakekamer van Suid-Afrika (Agbiz) gesels oor die invloed van die sukkelende Kaapstadse-hawe op appel- en peerprodusente in die Wes-Kaap. Volg RSG Geldsake op Twitter

Die vakverbond Saftu sê die Wes-Kaapse onderwys-departement se besluit om 2 400 onderwysposte te skrap sal die onderwyskrisis in die provinsie laat verdiep. Die federasie meen die besnoeiings sal lei tot ernstige onderwysertekorte, oorvol klaskamers, en 'n afname in die gehalte van onderwys, wat 'n negatiewe uitwerking sal hê op leerders en gemeenskappe. Newton Masuku van Saftu waarsku ook teen die ekonomiese nagevolge, omdat die onderwysers wat geraak word aansluit by miljoene mense wat reeds onder die broodlyn leef.

Die Suid-Afrikaanse Menseregtekommissie begin met sy ondersoek na voorvalle van rassisme by twee Kaapse skole, terwyl 'n tugverhoor by 'n Pretoriase skool gehou word oor soortgelyke voorvalle. Die departement van water en sanitasie waarsku dat daar moontlik nie genoeg water in die Vaaldam is vir Gauteng se gebruikers nie. Ons hoor van Suid-Afrika se Olimpiese gouemedaljewenner, Tatjana Smith, vanuit Parys. Kamala Harris, die Demokrate se se presidentskandidaat in die VSA, is gereed om haar adjunk aan te kondig.

Die Stad Kaapstad sê Transnet moet privaat sektor betrokkenheid by hawebedrywighede bespoedig, asook die ontwikkeling en onderhoud van 'n vloeibare grootmaat-opgaarterminaal by die Tafelbaaise hawe. Die burgemeesterskomiteelid vir Ekonomiese Groei, James Vos, sê die hawe se prestasie raak 'n verskeidenheid van kritiese produkte - van landbougoedere tot hoë-waarde uitvoere soos wyn en seekos:

Die Wes-Kaapse Onderwysdepartement sê 121 skole het dringend aandag nodig na die erge storms wat die provinsie getref het. Byna 300 skole het skade aangemeld te midde van voortgesette reën en sterk wind. Bronagh Hammond van die departement sê die infrastruktuurspan werk deurlopend om te besluit watter herstelwerk moet voorkeur kry en seker te maak skole kan so gou moontlik weer normaal werk:

Die Wes-Kaapse Onderwysdepartement het talle reëlings getref vir leerders wie se skole deur die gure weer beskadig is. Die departement het leerders, personeel en onderwysers vir die derde termyn verwelkom in deurnat toestande en koue weer. Die woordvoerder van die departement, Bronagh Hammond, sê vyf skole is steeds gesluit weens oorstromings en skade aan die geboue. Die departement koördineer met die weerdiens en rampbestuur:

Die Stad Kaapstad sê daar is vyf bevestigde gevalle van hondsdolheid onder die Kaapse pelsrob-bevolking. Die stad het 'n spesiale inter-regeringskomitee gestig om die omvang van die siekte by die robbe te bepaal en 'n bestuurstrategie in te stel. Kosmos 94.1 Nuus het gepraat met Naude Dreyer, die mariene bioloog van Ocean Conservation Namibia, oor of daar enige hondsdolheid onder plaaslike robbe is. Hy sê daar is nog nie enige vreemde gedrag onder die robbe gesien nie.

Action Society doen 'n beroep op die regering om dringend in te gryp en die stygende bendegeweld in brandpunte soos Manenberg en Khayelitsha in die Wes-Kaap aan te pak. Dit volg ná 'n berig oor 333 kinders wat binne slegs 6 maande behandel is vir vuurwapenverwante beserings en 58 wat in skietvoorvalle dood is. Kaylynn Palm van die organisasie vra vir beslissende optrede om bendegeweld uit te roei en die veiligheid van kinders in gebiede wat geraak is, te verseker:

Gekoördineerde pogings deur honde- en Landelike Veiligheidseenhede in die Swartland, Overstrand en Mosselbaai het in een week gelei tot 21 arrestasies. Operasies deur die eenhede, saam met munisipale wetstoepassers en die Suid-Afrikaanse Polisiediens, het gelei tot inhegtenisnemings vir verskeie misdade, waaronder die besit van dwelms, dwelmhandel, en opruiende gedrag. Die Wes-Kaapse LUR vir Polisie-oorsig Reagen Allen het die eenhede geprys vir hulle rol in die verbetering van gemeenskapsveiligheid:

Suid-Afrika se uitstalling by die Chelsea-blommeskou in Londen het goud gewen. Die inskrywing is deur die windverwaaide hange van die Kaapse berge geïnspireer. Ontwerper Leon Kluge en kunstenaar Tristan Woudberg het ʼn groep vrywilligers gelei om vanjaar se veelbekroonde uitstalling saam te stel wat groot kleibeelde ingesluit het as agtergrond vir fynbos-snyblomme. Dit is Suid-Afrika se 38ste goue medalje by die Chelsea-blommeskou sedert 1976. Kluge sê hulle het 22 000 stele vir die uitstalling gebruik:

Deon Cloete, besturende direkteur van die Kaapse Wynland-lughawe gesels oor die nuwe Kaapse lughawe. Volg RSG Geldsake op Twitter

'n Gebrek aan hulpbronne word vir die skietdood van 'n polisiebeampte op die Kaapse vlakte blameer. Die Suid-Afrikaanse Inkomstediens waarsku nie-regeringorganisasies om nie deur terreurgroepe misbruik te word nie. Brittanje hernu sy terreurwaarskuwing aan toeriste oor Suid-Afrika.

Volgens Ocean Conservation Namibia het hulle tot dusver vanjaar meer as 60 Kaapse pelsrobbe wat in plastiek verstrengel is, gered. In Maart het hulle 22 reddings, een waarneming en een ontsnapping gehad, met 'n verhouding van 1,5 reddings per patrollie by Pelicanpunt en 4,5 reddings per patrollie by Kaap Kruis. Die groep is steeds bekommerd oor die gebruik van plastieksak en die skade wat dit aan die seediere aanrig. Twee derdes van die verstrengelings wat in Maart van die robbe versamel is, was spook visvangtoerusting. Kosmos 94.1 Nuus het met Naude Dreyer, die mariene bioloog van Ocean Conservation Namibia, gesels.

In vandag se episode bespreek Ernst, Louis, en Charné die president se opkomende staatsrede, Kaapse vissers wat deur die regering in die steek gelaat word, en Suid-Afrikaanse dokters wat sukkel om werk te kry.

Action Society vra polisiebestuur in die Wes-Kaap om aandag te gee aan die kommerwekkende kwessies waarmee blitspatrollies te kampe het. Die organisasie sê lede moet hulle eie selfone gebruik weens stukkende tweerigting-radios, wat spesialis-eenhede blootstel in bendegeteisterde gebiede. Hulle eis onmiddellike opgradering van die verouderde radiostelsel. Ian Cameron van Action Society kritiseer bestuur vir sy versuim om aandag te gee aan die kwessies ondanks vroeëre waarskuwings. Hy beweer die minister van Polisie, Bheki Cele, se gebrek aan optrede bedreig polisielede se lewens:

Die Stad Kaapstad sê meer as 120 000 kinders het sedert sy Identikidz-program in middel-Desember op deelnemende strande begin het, ʼn identifikasie-armband ontvang. Die afgelope naweek het meer as 16 000 kinders armbande ontvang en die besigste strande was Mnandi, die Strand en Strandfontein. Die burgemeesterskomiteelid vir Gemeenskapsdienste en Gesondheid, Patricia van der Ross, sê 12 kinders is vermis maar later met hulle ouers herenig:

Die premier van die Oos-Kaap, Oscar Mabuyane, is optimisties dat die matriekslaagsyfer vir 2023 hoër as 80 persent sal wees. Bykans 100 000 leerders het die Nasionale Senior Sertifikaateksamen in die provinsie afgelê. Die basiese onderwys-minister, Angie Motshekga, sal die nasionale uitslae Donderdag vrystel. Mabuyane prys die samewerkende pogings van leerders, onderwysers en bestuur vir die verwagte positiewe uitkoms. Hy het aan die SABC die samewerkende verbintenis uitgelig om ʼn lofwaardige slaagsyfer in die provinsie te behaal.

Die Suid-Afrikaanse Parlement sê bouwerk aan geboue wat in 2022 deur die brand geraak is, sal vanjaar in die eerste kwartaal begin en behoort teen die einde van volgende jaar voltooi te wees. Dit was Dinsdag twee jaar sedert ʼn brand die gebou van die Nasionale Vergadering verwoes het. Dit sluit die saal en honderde kantore in. Die Parlement se woordvoerder, Moloto Mothapo, sê elke Suid-Afrikaner sal geleentheid kry om hul mening te gee en by te dra tot die besluitnemingsproses wat die ontwerp en funksionaliteit van hulle Parlement betref:

Kaapse owerhede waarsku teen braaivleis-vure. Die privaatsektor en die regering sit koppe bymekaar oor ekonomiese groei, en 'n blinde Paralimpiese swemmer maak geskiedenis met 'n doktersgraad in Handelsreg.

Die Stad Kaapstad sê die jongste kuswatermonsters bevestig weer eens die uitstekende watergehalte by sy gewildste strande dié feestyd. Al agt Kaapstad se Blouvlag-strande toon 100 persent voldoening aan die Blouvlag-watergehalte, volgens die onafhanklike ontleding van die Suid-Afrikaanse Buro vir Standaarde. Die burgemeesterskomiteelid vir Ruimtelike Beplanning en Omgewing, Eddie Andrews, sê al drie toekomstige Blouvlag-strande voldoen nou ook 100 persent aan standaarde:

Die Referendum Party in Suid-Afrika sê hulle verwerp Julius Malema se verklaring dat sy EFF-party die mag van die staat sal gebruik om Wes-Kaapse onafhanklikheid te stuit. 'n Peiling wat Victory Research namens die Cape Independence Advocacy Group gedoen het, het aan die lig gebring dat 68 persent van die mense wat in die provinsie woon die idee van 'n referendum oor Kaapse onafhanklikheid steun. Die leier van die Referendum Party, Phil Craig, sê Kaapse onafhanklikheid word vreedsaam en demokraties nagestreef binne die grense van die Suid-Afrikaanse grondwetlike bestel:

Anton Kruger, voorsitter van Fruit SA en uitvoerende hoof van die Fresh Produce Exporters' Forum gesels oor die logistieke probleme by die Kaapse hawe en moontlike oplossings. Volg RSG Geldsake op Twitter

In vandag se episode bespreek Ernst, Louis, Arno en Charné hoe Alan Winde 'n referendum oor Wes-Kaapse onafhanklikheid gekeer het, AfriForum se massapatrollie, die Suid-Afrikaanse regering se stygende skuldvlakke, asook die ATKV se interessante debatsonderwerpe.

Die Stad Kaapstad het bevestig 378 mense is dakloos gelaat nadat 'n brand 75 strukture in die Pholapark-informele nedersetting in Philippi vernietig het. Die woordvoerder van ramprisiko-bestuur in die stad, Charlotte Powell, sê Gift of the Givers, Muslim Hands, Sassa en Beautiful Gate verskaf humanitêre hulp.

Stad Kaapstad sê al sy strande wat weens riool-oorstromings gesluit moes word, is weer aan die publiek oopgestel. Verskeie van die stad se gewildste strande, insluitend die Vishoek, Strand en Small Bay, strande moes tydelik gesluit word na pompstasies probleme ervaar het weens beurtkrag. Kosmos 94.1 Nuus se korrespondent in Kaapstad, Fritz Platt...

Die Suid-Afrikaanse regering belowe meer herstelwerk sal vanjaar aan die parlement in Kaapstad gedoen word. Die vakbond, Nehawu beskuldig die voorsittende beamptes daarvan dat hulle voete sleep met die herstelwerk, ʼn jaar nadat ʼn brand gedeeltes van die kompleks vernietig het. Die regering verwerp bewerings dat niks sedertdien gedoen is nie. Die speaker van die parlement, Nosiviwe Mapisa-Nqakula sê twee assesserings-verslae is sedert die brand afgehandel.

Die DA in die Noord-Kaap het die Kamiesberg-munisipaliteit en die Namaqua-distriksmunisipaliteit versoek om 'n groep kleinboere in die omgewing van Spoegrivier by te staan. Boere in die omgewing doen baie moeite om water in te samel om hul oeste en vee aan die lewe te hou. ʼn Woordvoerder van die DA, Esmé Hough sê tydens 'n onlangse oorsig-inspeksie aan die boere se groentetuine het hulle 'n stuk droë grond met aangeplante soet spanspek, waatlemoen en pampoene gevind.

Die Stad Kaapstad sê die stad se mariene-vervaardigingsbedryf staan reg vir 'n bedrywige 2023, met plaaslike vervaardigers wat 'n rekord-aantal bestellings van internasionale kopers aanmeld. Oseaan-bedrywighede dra aansienlik by tot die plaaslike en wêreld-ekonomie, want meer as 90-persent van die wêreldwye handel maak van seeroetes gebruik. Die burgemeesterskomiteelid vir Ekonomiese Groei, James Vos, sê spesifiek in Kaapstad dra die kuslyn om die metro jaarliks byna 40 miljard Suid-Afrikaanse rand by tot die bruto binnelandse produk:

Eskom sê Suid-Afrika se kragnetwerk sal binnekort 'n aansienlike hupstoot in bykomende kragtoevoer sien. Eskom het vandag grondhuur-ooreenkomste met vier onafhanklike kragprodusente aangekondig. Die onafhanklike kragprodusente sal nou opwekkingfasiliteite op dié grond oprig en dan bykomende krag wat hulle opwek in die land se netwerk pomp. Kosmos 94.1 Nuus se Kaapse korresondent, Fritz Platt ...

See omnystudio.com/listener for privacy information.

Ná twee jaar se afwesigheid weens die Covid-19 pandemie, sal Kapenaars en kuiergaste weer volgende jaar Tweede Nuwejaar kan vier. Die bekende Kaapse Klopse en Maleise koorgroepe berei ook voor vir 'n kleurvolle ghoema-somer na Stad Kaapstad vandag aangekondig het dat al diá geleenthede weer kan plaasvind met duisende mense wat weer deel van die vieringe gaan wees. Fritz Platt, ons korrespondent in Kaapstad ...

Ocean Conservation Namibia het gereageer op berigte vanuit Suid-Afrika dat voëlgriep by die pikkewynkolonie in Simonstad waargeneem is. Hulle meld in 'n verklaring vier gevalle is waargeneem met nog sewe gevalle wat vermoed word. Hulle bevestig ook dis dieselfde variant wat vroeër vanjaar in seevoëls in die Wes-Kaap waargeneem is. Naude Dreyer, mariene-bioloog aan die kus, sê hoewel dit nog nie in pikkewyne plaaslik opgemerk is nie, moet lede van die publiek uiters paraat wees. Hy verduidelik.

Die Suid-Afrikaanse adjunkpresident, David Mabuza sê verskeie taakspanne is reeds op die been gebring om on wettige mynaktiwiteite regoor die land hok te slaan. Mabuza sê meer as 4 675 onwettige myn-werkers is sedert 2019 regoor die land in hegtenis geneem. Fritz Platt, Kosmos 94.1 se Kaapse korrespondent doen verslag.

Die Suid-Afrikaanse polisieminister, Bheki Cele, sê ‘n nasionale taakspan is reeds op die been gebring om gevalle van ontvoering en afpersing, wat in die land aangemeld word, te ondersoek. Cele het vandag 'n perskonferensie in Kaapstad en gesê die taakspan doen op nasionale en provinsiale vlak ondersoek om verdagtes op te spoor en te arresteer. Kosmos 94.1 se Kaapse korrespondent Fritz Platt het die storie.

Die DA in die Wes-Kaap sê die polisie het onthul dat dienshonde in die honde-eenheid sedert die 2018-2019-boekjaar, vanaf 141 tot 103 verminder het. Dit is weens begrotings-afnames wat oor die afgelope vyf boekjare ervaar is. Die begrotings is met 800 000 Suid-Afrikaanse rand gesny, wat 'n algehele afname van 6 persent verteenwoordig. Gillion Bosman van die DA sê volgens die polisie het dit hulle genoop om kostebesparingsmaatreëls in te stel:

Die Wes-Kaapse onderwysdepartement sê orde is weer by die Heathfield Hoërskool herstel nadat leerders vroeër die week met wetstoepassers slaags geraak het met die skool wat tydelik moes sluit. Intussen is die Gautengse onderwyser, wat verlede week met 'n ouma van 'n leerling in 'n woordewisseling betrokke was, ook voorlopig geskors. Fritz Platt, ons korrespondent in Kaapstad ...

Die verbod op die beweging van lewende pluimvee en wilde voëls uit kusgebiede van die Erongo-streek word opgehef. Aan die begin van die jaar het die landbou- en gesondheidsministeries die uitbreking van hoogs aansteeklike voëlgriep in wilde voëls bevestig wat langs die kuslyn van Walvisbaai en Swakopmund voorgekom het. Meer as 200 dooie wilde voëls, hoofsaaklik die Kaapse kormorante, is sedert 13 Januarie by Walvisbaai en Swakopmund waargeneem. Die direktoraat van staatsveeartseny-dienste het nou die verbod opgehef. Die woordvoerder van die landbouministerie, Jona Musheko, gesels met Kosmos 94.1 Nuus.

Cosatu in die Wes-Kaap sê hy beplan om die Kaapstadse middestad Donderdag tot stilstand te bring met 'n staking in die provinsie om dringend van die Wes-Kaap se grootste probleme te takel. Die vakbond sê sy lede sal na die Burger-sentrum, die provinsiale regering, en die parlement opruk tydens die betoging. Fritz Platt, Kosmos 94.1 Nuus se Kaapse korrespondent, is aan die woord.

To mark June 16, we unearth Afrikaans' Black roots and focus on contemporary Black Afrikaans. Also, a new book on how Nelson Mandela led Umkhonto weSizwe to war against Africa's strongest army. Chapters: 02:34: Hein Willemse 29:24: Emile YX 41:05: Paul Landau

Dit is Maandag 4 April 2022 en welkom by Week-flits. In die week se nuus wat jy moet weet: Kaapse Forum gestig. Verkiesingsuitslag reg gestel. R350 toelaag dalk permanent. ANC se belasting kwale.ONDERSTEUN #ONTNONSENS​​​​​​​​. ☕ Koop vir Podlitiek 'n koppie koffie ► www.buymeacoffee.com/podlitiek​​​✉️ Ondersteun ons op Patreon ► www.patreon.com/podlitiekVir meer Podlitiek inhoud teken in op hierdie kanaal sodat jy nie 'n episode misloop nie!Podlitiek op iTunes ► https://tinyurl.com/yybtvhcsPodlitiek op Spotify ► https://tinyurl.com/podlitiekspotify​​​​​​​​Podlitiek op YouTube ► https://www.youtube.com/c/Podlitiek​​Podlitiek op Telegram ► https://t.me/podlitiek

Dit is Maandag 28 Maart 2022 en welkom by Week-flits. In die week se nuus wat jy moet weet: Spanning oor Operation Dudula.Shamila Batohi sê munisipale korrupsie is ooweldigend.Die Suid-Afrikaanse Menseregtekommissie finaliseer Brackenfell ondersoek. Taxi Proteste vernietig Kaapse infrastruktuur.ONDERSTEUN #ONTNONSENS​​​​​​​​. ☕ Koop vir Podlitiek 'n koppie koffie ► www.buymeacoffee.com/podlitiek​​​✉️ Ondersteun ons op Patreon ► www.patreon.com/podlitiekVir meer Podlitiek inhoud teken in op hierdie kanaal sodat jy nie 'n episode misloop nie!Podlitiek op iTunes ► https://tinyurl.com/yybtvhcsPodlitiek op Spotify ► https://tinyurl.com/podlitiekspotify​​​​​​​​Podlitiek op YouTube ► https://www.youtube.com/c/Podlitiek​​Podlitiek op Telegram ► https://t.me/podlitiek