Descifrando a Historia

Vivir da historia é moi difícil. Ou iso din algúns. Hoxe falamos con Mercedes Vázquez Bertomeu, que xunto con outras socias, teñen unha emrpesa que se dedica a historia, nin máis nin menos.

Fálase galego no Bierzo? Pódese estudar a nosa lingua na comarca veciña? A estas preguntas responde Sara Rodríguez experta no galego do Bierzo e estudosa do mesmo. Para escoitar e aprender.

Pensamos que sabemos todo da Revolución de 1846 pero se escoitamos a Cesár Caramês e as súas últimas explicacións decatarémonos que hai cousas que non se explicaron ben. Con intención? Acompáñanos neste trepidante podcast.

As comarcas galegas foron unha división territorial de finais do s. XX. Na actualidade hai debate sobre se funcionaron e cumpriron co seu papel e diso queremos falar co especialista Borxa Neira, que ten traballos ao redor deste tema. Compartide!

A educación pública é un "luxo" dos últimos anos, porén os nosos antepasados xa querían aprender a ler e a escribir un mínimo pa desenvolverse no mundo. Hoxe falamos con Narciso de Gabriel, para que nos fale das escolas de ferrado. Marabilla de programa. Compartide!

Neste episodio de Descifrando a Historia falamos coa historiadora Natalia Jorge Pereira ao redor dunha figura moi importante para o galeguismo: Alonso Ríos.

Aínda que xa é algo falado e sabido por moitos, o galego xa non é a lingua máis falada en Galicia. Hoxe facemos un repaso polos castigos que sufriu ao longo da historia a nosa lingua.

Nesta 5 tempada de Descifrando a Historia falamos con Rubén Castro sobre as medidas tradicionais de Galicia: ferrados, fanegas e demais. Que teñen de especial?

Este é o último episodio da cuarta tempada de Descifrando a Historia, nel conversamos con Martín Fernández Calo sobre o reino suevo e algunha cuestión que outra sobre a importancia dun reino que durou case douscentos anos.

Neste 89 programa de Descifrando a Historia falamos con Serxio María, orixinario de Calvos de Randín, sobre a historia do seu Couto Misto. Lendas e realidades mistúranse neste trepidante podcast.

Neste episodio de Descifrando a Historia falamos con Roberto Mera sobre dúas figuras galegas con firmes compromisos democráticos. Alejandro Viana e Amado Garra, é hora de coñecer as súas historias.

As fortificacións entre Galicia e Portugal non sempre estiveron aí. Comezaron na Idade Media e Idade Moderna. Mais que nos din?

Basilio Álvarez foi un líder galego na loita a favor dos dereitos do campesiñado na época do agrarismo. Mais este cura e xornalista, tivo a súa cara e asúa cruz. Acompañanos neste breve podcast para coñecelo un pouco máis!

Este ano cúmprense cen anos das Escolas de Ensino Galego que deron o seu primeiro paso con galeguistas históricos como Ánxel Casal e María Miramontes. Hoxe, as escolas Semente son os herdeiros desa experiencia. Se queres coñecer a súa historia, os seus primeiros pasos, as outras escolas de linguas minorizadas ou minoritarias como as de País Vasco ou Irlanda, escoitade este fermoso podcast. Comparte parea que chegue a máis xente!

Neste episodio de Descifrando a Historia falamos co historiador Suso Vila ao redor dunha das familias nobres máis importantes do mundo medieval; os Soutomaior. Nobres da sona de Pedro Álvarez de Soutomaior, pertenceron a esta familia. Tamén descubriremos como se relacionaban os nobres cos monarcas nesta época e a construcción de todo un mundo nobiliar.

Neste novo episodio de Descifrando a Historia falamos con Serxio María dun dos pensadores máis destacados do galeguismo: Ramón Piñeiro. Os temas tratados foron moi variados, desde o seu compromiso con Galicia ata a súa ideoloxía. Que pensaría Ramón Piñeiro do Estatuto actual? Comparte e dálle ao gústame, só así será posible que se continúen facendo este tipo de podcast!

Neste episodio de Descifrando a Historia falamos co historiador Andrade Cernadas arredor dos mitos, lendas e demais cuestións que rodean ao apóstolo Santiago e a orixe das peregrinacións e o seu culto. Comparte e dalle ao "gústame" para seguir facendo este tipo de contido!

Neste 80 episodio de Descifrando a Historia falamos co historiador Perfecto Ramos Rodríguez para coñecer unha figura moi pouco coñecida entre todos nós: Joaquín Vaamonde Cornide, un afamado pintor que chegou a ter moito éxito mais que unha enfermidade o levou por diante cando apenas contaba con 30 anos.

Santiago de Compostela, a capital galega, é unha cidade que rezuma historia por todas as esquinas. Unha das últimas peculiaridades da cidade foi estudada pola historiadora Aldara Cidrás: os rótulos dos locais son únicos. De que nos pode falar? Que di de nós? Dálle ao gústame e comparte se queres que este podcast se siga realizando, depende de ti!

Neste episodio de Descifrando a Historia falamos con Heitor Pocallo, especialista en heráldica, para que nos narrase as orixes e evolucións do noso escudo ao longo da historia. Altamente recomendable! Comparte e dálle ao gústame para que se sigan facendo este tipo de podcast!

A finais do s.XX e xa en democracia había dúas posibilidades para o galego: a norma isolacionista e a norma reintegracionista. Finalmente optouse pola isolacionista e hoxe queremos explicar o porque, os seus protagonistas e demais cuestións que nos fan preguntar, porque falamos e escribimos así o galego?

Fai uns meses descubríronse unha serie de cousas moi importantes no Castro de Soutolobre-Lourido, tanto, que engaden á investigación histórica novos interrogantes. Por iso, desde Descifrando a Historia quixemos saber máis sobre o mesmo e a súa contorna, e para iso contactamos co director da escavación, o cal nos aportou máis luz e datos da importancia deste castro.

Neste episodio de Descifrando a Historia falamos co filólogo Souto Cabo para coñecer as orixes do noso idioma. Cando se comezou a falar en galego? E a escribir? Todo iso e máis neste trepidante episodio no que desciframos as orixes de algo moi noso. Comparte e dálle ao gústame, está na túa man que o proxecto continúe!

Neste 75 episodio de Descifrando a Historia falamos con Aurora Marco de Carmiña Sierra, a primeira muller socia do Seminario de Estudos Galegos. Cunha vida moi comprometida con Galicia e a liberdade, merece a pena escoitar o que foi a vida desta muller nada en Pontecesures e exiliada en Venezuela para que o franquismo non a perseguise. Se che gustou dálle a gústame e comparte, só así é unha forma de agradecer este traballo, grazas!

As dúbidas con respecto a existencia do Reino de Galicia na Idade Media asáltannos constantemente. É por iso que buscamos respostas antes especialistas no tema. Fai meses foi o historiador Andrade Cernadas e hoxe tócalle a Francisco Rodríguez. Ambos recoñecen a súa existencia pero hai diferenzas en canto aos aspectos concretos dese reino. Atentos e desfrutade. Dádelle ao gústame e compartide coas vosas amizades

Neste 73 episodio de Descifrando a Historia falamos sobre o tratamento da morte por parte dos galegos no Reino medieval de Galicia. Facemos un repaso moi interesante desde o século V ata o XV. Se che gustou dalle ao "gústame" e comparte para poder continuar con este traballo!

Neste episodio 72 de Descifrando a Historia falamos coa historiadora Natalia Jorge Pereira para saber máis do contrabando na raia entre Portugal e Galicia. Un tema moi interesante do cal temos bastante información pero que nos queda por saber moitas cousas. Se che gustou dalle ao gústame e comparte só así nos farás crecer e que se sigan facendo podcast da nosa historia

Roma intentou minguar o poder da sé compostelá porque lle preocupaba que seguise crecendo... ou iso afirma o noso invitado de hoxe o profesor Henrique Egea. Falamos de todo o que envolveu este tema e as consecuencias irreversibles que tivo na nosa terra, Galicia. Dálle ao gústame e comparte para facernos crecer!

Neste 70 episodio de Descifrando a Historia realizamos unha panorámica histórica da muller na Galicia Medieval. Para tal fin acompañounos Miguel García-Fernández, o cal é todo un especialista. Foi un programa formidable. Se che gustou dalle ao gústame e comparte, só así nos farás crecer!

No s. XVII, un inquisidor de Crecente, coñecido como Gregorio Lobariñas intentou publicar unha historia de Galicia en galego. Coñecido como As Galegadas, foi a Madrid ata dúas veces para que lle desen o visto e prace. Por cuestións do destino non a puido publicar pero deixounos constancia de que, as elites cultas de Galicia, empregaban o galego máis que para uso oral. Pode ser o inicio a reformular o de Séculos Escuros.

Neste 68 episodio de Descifrando a Historia falamos coa historiadora Tamara López sobre a delincuencia no franquismo, os castigos, a violencia exercida polo estado, a violencia de xénero, o tema dos abortos e moito máis. Se che gustou dalle ao gústame e comparte!

Juana de Vega deixou un legado que merece a pena coñecer. De ideas progresistas cunha estancia na corte real, e exiliada xunto co seu marido debido a temas políticos. Forma parte desa Coruña das mulleres do século XIX que fai falla reivindicar. Se che gustou comparte! Fainos crecer!

Neste episodio de Descifrando a Historia falamos con Manuel Gago e Rubén Ventureira sobre as cidades galegas co motivo da exposición Cidades no Tempo da cal forman parte. Se che gusta comparte e subscríbete! Fainos crecer!

Neste 65 episodio do podcast falamos con José Carlos Sánchez Pardo, arqueólogo e historiador, ao redor dun documento único que temos en Galicia: o Parroquial Suevo. Este documento aporta moita luz á hora de estudar unha das etapas máis importantes da nosa historia: o Reino Suevo. Realmente apaixonante. Neste breve panorámica vas saber o básico que se debe ser deste tema. Se che gustou, comparte!

Neste episodio de Descifrando a Historia falamos con Rodrigo Pousa, estudoso e coñecedor das bruxas e meigas en Galicia. Son diferentes conceptos? Cando nacen? Só condenaban as mulleres ou tamén os homes? Todas esas respostas e máis neste fantástico episodio! Sigue a Descifrando a Historia nas súas redes sociais e comparte se che gustou!

Caciquismo ou clientelismo? Neste programa 63 de Descifrando a Historia falamos co historiador Xosé Ramón Veiga para saber como era o clientelismo político na Galicia do s. XIX. Favores, corrupción, votos, sufraxio... todos estes temas neste magnífico podcast.

Hoxe é día 17 de maio de 2023 e é un evento especial para a cultura e lingua galega porque celebramos o noso día. Este ano a figura homenaxeada é Francisco Fernández del Riego, un dos creadores deste día ala polo ano 1963. En Descifrando a Historia falamos con Ramón Nicolás e Malores Villanueva para que nos desen as claves desta figura e deste día tan especial para tod@s nós. Comparte e dálle ao gústame se así o consideras! Saúdos!

Neste episodio número 61 de Descifrando a Historia falamos coa académica e filóloga Ana Boullón para que nos contase cousas sobre a nosa toponimia. Desde as súas prinicpais características, como diferencialas, ata a súa historia e demais. Programa moi interesante para falar dunhas das nosas peculiaridades que máis nos distingue como territorio.

A comunidade xudea estivo presente na Galicia medieval e moderna. Para saber máis sobre ela falamos co historiador Suso Vila, o cal nos fixo unha panorámica bastante completa dos feitos históricos máis importantes. Desde a súa convivencia cos cristiáns ata a súa expulsión, a Inquisición, o papel do país veciño Portugal, etc. Dalle ao gústame comparte! Segue a Descifrando a Historia nas súas redes sociais e nas súas plataformas habituais!

Neste programa número 59, falamos da emigración a América: perfil social do emigrante, causas, consecuencias, Galicia como rexión europea que máis emigrantes aportou, etc. Se queres saber as respostas e moito máis, escoita podcast que che vai dar a panorámica necesaria a algo que marcou profundamente o destino da nosa terra. Sigue a Descifrando a Historia en todas as súas redes sociais e dalle ao "gústame" e comenta a túa visión!

Neste episodio nº 58 de Descifrando a Historia falamos con Celtia Rodríguez arredor da arqueoloxía e máis concretamente a arqueoloxía de xénero: que é, como está o tema en Galicia, etc. Dalle ao gústame para apoiar o podcast e sigue a Descifrando a Historia no Twitter e no Instagram!

Neste episodio falamos con Beatriz Busto Miramontes sobre a imaxe de Galicia no franquismo, como se comezou a falar dunha Galicia, fermosa, meiga, mítica, dócil e idealizada. A propaganda do réxime provocou que moitos deses estereotipos chegasen ata nós a día de hoxe. Se che gustou dalle ao gústame e comparte!

Neste podcast número 56 falamos co historiador Carlos Lixó sobre a orixe e xurdimento dos castelos en Galicia, se foi unha dinámica europea, cales eran as súas funcións principais, cando se abandonan, dos castelos da fronteira con Portugal, etc. Sigue a Descifrando a Historia en Twitter e Instagram!

Neste episodio de Descifrando a Historia falamos con Alexandre Peres Vigo para que nos explicara e nos falara de cando xorde a galaicofobia ou galegofobia. Como se foron creando eses estereotipos que evolucionaron co paso da historia pero que ata día de hoxe chegan anós. Terá explicación política? Quizais económica? Escoita o podcast e coñeceras de primeira man como foi evolucionando este fenómeno histórico.

O agrarismo foi un movemento social protagonizado polo campesiñado galego a finais do século XIX e principios do XX para buscar unha mellora nas condicións técnicas, de propiedade, etc. das súas terras e a súa relación con respecto a elas. Para analizar o agrarismo contamos co profesor Miguel Cabo, unha das persoas que máis estudou este tema e que expón neste podcast de xeito moi claro. Dalle ao gústame e comparte!

Neste primeiro episodio de 2023 falamos con Mariña Bermúdez para saber como se organizaba e dividía territorialmente Galicia na Idade Media. Moi interesante coñecer e recoñecer o que era a nosa terra neses tempos. Dalle ao gústame e comparte!

Neste episodio de Descifrando a Historia falamos co profesor da USC Andrade Cernadas, para falar sobre o reino medieval de Galicia. Como se chamaba? Houbo esquecemento e ocultación? Que opina da historiografía que nega a existencia dun reino en terras galegas? Se queres coñecer as respostas a esas preguntas escoita este tan interesante programa.

Neste episodio falamos coa secretaria da Fundación Otero Pedraio, Patricia Arias, para coñecer un pouco máis a Otero Pedraio, un dos homes máis influíntes de Galicia do século XX. Detalles da súa biografía, pensamento, etc. neste podcast. Moi bonito e interesante!

Neste terceiro debate falamos con Aldara Cidrás e David Sabucedo para debatir sobre que facer cos lugares de memoria que nos deixou o franquismo: tanto de persoas que loitaron a prol da República como os que loitaron pola instauración do franquismo. Ademais, tamén debatimos sobre porque a día de hoxe sigue habendo medo, a pequena escala, pero medo.

Neste 51 episodio de Descifrando a Historia falamos co historiador J. M. Barbosa arredor da temática que trata no seu último libro publicado con Através Editora. Non volo perdades!

Se queres escoitar a nosa visión e opinión sobre os diversos mitos históricos e historiográficos de Galicia este é o teu podcast. Coa colaboración de David Sabucedo e Raquel Fdez, analizamos e falamos do suposto matriarcado en Galicia, de Roi Xordo, celtismo, emigración, etc. Un podcast sobre a historia de Galicia contada dun xeito diferente, séguenos e apoiános para facernos crecer!