Podcasts about frankryk

Gholf: Die topgekeurde speler in die Vroue Europese Toer, Cara Gainer, sê sy sien uit om deel te neem aan die Johannesburgse Vroue Ope wat vandag by die Modderfontein-gholfklub afslaan. Die beroepspeler van Engeland neem die eerste keer sedert 2023 deel. Vanjaar se geleentheid sluit in die verdedigende kampioen, Chiara Tamburlini van Switserland, die Suid-Afrikaner Casandra Alexander, en Lucie Malchirand van Frankryk. Gainer sê sy sien uit om haar jaar se goeie begin voort te sit.

Die Britse eerste minister, Keir Starmer, sê daar moet toenemend druk op Rusland uitgeoefen word met nuwe en strenger sanksies, byvoorbeeld op energie-inkomste. Meer as 30 Europese lande het gister in Parys vergader. Brittanje en Frankryk het ooreengekom om ʼn militêre afvaardiging na Oekraïne te stuur om saam met Kiëf se weermag te werk en vir die toekoms te beplan. Starmer sê dis duidelik dat Rusland speletjies speel omdat hy nie instem tot ʼn tydelike skietstilstand van 30 dae nie:

ʼn Sterk veld van 86 spelers het byeengekom vir die Platinum Dames Ope wat vandag by die Blair Atholl Gholf- en Perdelandgoed afslaan. Die totale prysgeld is 1 miljoen Suid-Afrikaanse rand. Dit sluit in die Suid-Afrikaners Danielle du Toit, Casandra Alexander en Kaiyuree Moodley, Engeland se Hayley Davis, en Lucie Malchirand van Frankryk. Die Skot, Lorna McClymont, wat aan haar derde toernooi deelneem sedert sy vroeër vanjaar by die beroepspelers aangesluit het, sê haar broer het haar oortuig om gholf te speel:

Die tweemalige kampioen Carlos Alcaraz het sy vierde agtereenvolgende halfeindronde in die Indian Wells-meesterstoernooi gehaal. Hy het Francisco Cerundolo van Argentinië geklop. Alcaraz kom nou teen die Brit Jack Draper te staan, wat die Amerikaner Ben Shelton uitgeskakel het. Daniil Medvedev van Rusland het Frankryk se Arthur Fils verslaan. In die vroueafdeling is die verdedigende kampioen, Pole se Iga Swiatek, en Rusland se Mirra Andreeva deur na die halfeindronde. Alcaraz sê hy geniet die toernooi:

Die Amerikaanse visepresident JD Vance het gewaarsku dat oormatige regulering die vinnig-groeiende kunsmatige intelligensie-bedryf sal doodmaak. Hy het Dinsdag wêreldleiers en tegniese bestuurders by die Kunsmatige Intelligensie-aksieberaad in Parys, Frankryk, toegespreek. Vance sê die VSA beoog om die leiers op die gebied van KI te bly en die Europese Unie se streng regulatoriese benadering gekritiseer. Hy sê Amerika wil hê KI moet vrygestel wees van ideologiese vooroordeel:

Rugby: Wallis se afrigter, Warren Gatland, is onder druk en sê hy aanvaar ‘n verandering is moontlik indien die span nie gedurende die Sesnasies ‘n verbetering toon nie. Wallis kon nog nie weer ʼn toets wen sedert hulle Georgië tydens die Wêreldbeker in 2023 geklop het nie. Die span is versterk met die terugkeer van Taulupe Faletau, Liam Williams en Josh Adams en hulle eerste wedstryd is op 31 Januarie teen Frankryk in Parys. Volgens Gatland is die vraag of hulle bo kan uitkom.

Teenkanting teen 'n salarisverhoging vir die president. Die politieke krisis in Frankryk verdiep. Die jongste Afrimat konstruksie-indeks toon daar is ‘n toename in indiensneming.

Rugby: Die Blitsbokke is slaggereed vir die begin van die nuwe sewesseisoen hierdie naweek in Dubai. Hoofafrigter Philip Snyman sê sy groep is goed voorberei met die fokus op sterk verdediging en om besit om te keer. Suid-Afrika speel teen Australië, Kenia en Frankryk in Groep A. Volgens Snyman wil hulle voortbou op die bronsmedalje op die Olimpiese Spele in Parys.

ie Springbok-senter, Andre Esterhuizen, sê hulle maak gereed vir ʼn taai wedstryd wanneer hulle Sondag op Murrayfield in Edinburgh teen Skotland uitdraf. Die Bokke is weens diepte en beserings steeds onseker oor verskeie belangrike posisies in die span. Afrigter Rassie Erasmus sal Vrydag sy groep vir die wedstryddag aankondig. Esterhuizen sê hulle effense rustyd-voorsprong van ses-drie in verlede jaar se eerste Wêreldbeker-groepwedstryd in Frankryk, wys hoe mededingend toetse teen Skotland kan wees:

Sebastian de Place, president van die buitelandse handelsadviseurs vir Frankryk in SA en vennoot by Forvis Mazars gesels oor SA se nuwe visumreëls. Volg RSG Geldsake op Twitter

'n Moontlike styging in die brandstofprys in November. Rand Water vra munisipaliteite om dringend waterverliese te beperk om te verhoed dat krane opdroog. Brittanje, Duitsland, Frankryk en Italië vra Israel om nie VN-vredesmagte in die suide van Libanon aan te val nie.

Rugby: Die skrumskakel Cam Roigard is ingesluit in Nieu-Seeland se groep van 36 spelers vir hulle jaareind-toer. Noah Hotham is daarom uitgelaat, terwyl die veterane Sam Cane, TJ Perenara en die nuweling Cortez Ratima hulle plekke behou in hoofafrigter Scott Robertson se groep. Die All Blacks se toer begin op 26 Oktober teen Japan in Yokohama voordat hulle te staan kom teen Engeland, Ierland, Frankryk en Italië. Robertson sê 'n balans tussen ervaring en vars talent is deurslaggewend.

Amerika en Frankryk werk saam om dringend ʼn tydelike skietstilstand van 21 dae te bewerkstellig tussen Libanese Hezbollah-militante en Israel in Libanon. Sedert Maandag is meer as 600 mense in Israelse lugaanvalle dood en duisende is ontheem. Frankryk glo ʼn diplomatieke oplossing is moontlik. Intussen sê Israel se ambassadeur by die Verenigde Nasies, Danny Danon, indien Hezbollah ophou om vuurpyle op Israel af te vuur, sal daar geen wraakaanvalle wees nie:

e nasionale skietspan van die Namibië Presisiegeweervereniging, Napra, het tweede geëindig by die Presisiegeweer Wêreldkampioenskap in Colorado in die VSA. By die vorige wêreldkampioenskap twee jaar gelede in Frankryk het Namibië algeheel sewende geëindig. Karola Marais, die sekretaris van die Namibiese Sportskiet-federasie het meer.

Die nasionale skietspan van die Namibië Presisiegeweervereniging, Napra, neem aan die Presisiegeweer Wêreldkampioenskap deel in Colorado in Amerika. Die kompetisie eindig môre. Span Namibië bestaan ​​uit Dirk Sauber, Michael Barlow, Janus van der Merwe, Keiran Mans, Liebies Liebenberg en Francois Marais. Hulle neem almal in die Ope-afdeling deel. By die vorige wêreldkampioenskap twee jaar gelede in Frankryk het Namibië algeheel sewende geëindig, met Dirk Sauber wat individueel die sewende plek behaal het. Kosmos 94.1 Nuus het gesels met Zandré Duvenhage, 'n mede-skut, wat sê Namibië vaar baie goed.

Namibië se ambassadeur in Frankryk, Albertus !Aochamub, sê daar is 'n behoefte aan deurlopende ondersteuning vir studente wat in tegniese en beroepsvaardigheidsvakke gradueer. !Aochamub het met die nasionale uitsaaier gepraat aan die kant van die 47ste WorldSkills Internasionale Kompetisie in Lyon. Hy beklemtoon daar moet meer gefokus word om toestande te skep wat gegradueerdes in staat stel om sukses in die mark te behaal.

In hierdie episode gesels Ernst, Louis en Frederik oor die "skandaal" rondom John Steenhuisen se nuutste aanstelling as stafhoof, Roman Cabanac, die arrestasie in Frankryk van sosiale media platform Telegram se uitvoerende hoof, Pavel Durov, asook die voormalige minister van landbou wat haar opvolger kritiseer vir sy uitsprake oor wangedrag in die departement.Die Podlitiek-span bestaan uit Ernst van Zyl, Louis Boshoff, Arno Roodt en Frederik van Dyk

Amerika, Brittanje, Frankryk en Duitsland het nuwe sanksies teen Iran ingestel omdat hy ballistiese missiele aan Rusland verskaf het om teen Oekraïne te gebruik. Amerika het ook sanksies ingestel teen Russiese en Iranse amptenare en maatskappye wat betrokke is by die wapenoordrag. Iran het reeds honderde hommeltuie aan Rusland voorsien wat teen Oekraïne gebruik is. Amerika se minister van Buitelandse Sake, Antony Blinken, sê Rusland het ballistiese missiele van Iran ontvang en sal dit waarskynlik binne weke gebruik:

 Wie is Frankryk se nuwe Eerste Minister? 'n 91-jarige tannie van Potchefstroom se kleindogter bewaarheid haar droom om die toets in Kaapstad te kyk en, 'n Suid-Afrikaner wat in Nieu-Seeland bly, praat oor die belangrikheid van die Haka.

Tennis: Die verdedigende vrouekampioen op die Amerikaanse Ope, Coco Gauff, sê sy plaas geen druk op haarself nie. Die Amerikaner het haar veldtog goed begin toe sy Varvara Gracheva van Frankryk 6-2, 6-stroop verpletter het. Die wêreld-nommer-twee, Aryna Sabalenka van Belarus, het die Australiese kwalifiseerder Priscilla Hon 6-3, 6-3 geklop, terwyl 2017 se kampioen, Sloane Stephens van Amerika, teen Clara Burel van Frankryk verloor het. Gauff sê haar spel teen Gracheva was die beste in ʼn lang tyd.

Wêreld-Rugby het veranderings aan die formaat vir die 2027 Wêreldbekerkampioenskap vir mans in Australië aangekondig en het die aantal spanne van 20 tot 24 te vermeerder. Twaalf spanne, insluitend Suid-Afrika, Nieu-Seeland, Ierland en Engeland het regstreeks gekwalifiseer deur in die boonste drie van hulle onderskeidelike groepe by verlede jaar se Wêreldbeker in Frankryk te eindig. Die uitvoerende hoof van Wêreld-Rugby, Alan Gilpin, sê die 12 ander lande sal 'n internasionale kwalifiseringsproses ondergaan:

Sunita en Andrew McDonald is besig om 'n 16e eeu kasteel in die suide van Frankryk te restoreer, wat baie vervalle was toe hulle reg in die begin van Covid daar ingetrek. Fotos op Instagram: https://www.instagram.com/chateaudecapelle/ Een van vele artikels op Maroela Media: https://maroelamedia.co.za/debat/rubrieke/ons-franse-kasteel-met-n-hart-diep-in-afrika-gewortel/ Facebook groep: https://www.facebook.com/groups/1006683509664380

Uitspraak in die DA se Kieshof-saak teen president Cyril Ramaphosa is voorbehou. Ons praat met die nuwe Minister van Openbare Werke en Infrastruktuur oor die vordering in die herstel van die parlementsgebou ná die brandskade van meer as twee jaar gelede. Afwagting bou in aanloop tot vanaand se openingseremonie van die 33ste Olimpiese Spele in Parys, Frankryk.

Die Springbok-sewes het albei hulle groepwedstryde verloor op die eerste dag van die Rugby-sewestoernooi in Parys. Hulle het met 10-5 teen Ierland verloor en daarna met 17-5 teen Nieu-Seeland die knie gebuig. Die Blitsbokke kan steeds die kwarteindronde haal as twee van die beste geplaaste spanne in die derde plek. Hulle moet egter vandag Japan klop en hoop die ander uitslae tel in hulle guns. Afrigter Philip Snyman sê hulle moet beter speel:

Die Belgiese jaer Victor Campenaerts het van twee ander voorlopers weggebreek om die 18de skof van die Tour de France in te palm. Dit is die 32-jarige lid van die Lotto-Dstny-span se eerste skofoorwinning in die tydren. Tadej Pogacar het sy algehele voorsprong van drie-minute-elf-sekondes behou. Die 25-jarige Sloweniër, wat oor drie dae die wenner van die moordende tydren kan wees, sê hy is steeds vol vertroue:

Sokker: Die Europese kampioenskap in Duitsland het die voorlaaste ronde bereik. Nederland speel môreaand teen Engeland, en vanaand word 'n reusestryd verwag tussen Frankryk en Spanje in München. Spanje het sy laaste ses wedstryde gewen en Frankryk het twee gewen en vier gelykop gespeel. Frankryk se kaptein, Kylian Mbappé, het nog net een doel aangeteken in Euro 2024, maar hoop om sy span na die eindstryd te laat deurdring.

Amerika se president, Joe Biden, doen ʼn beroep op die wêreld om vryheid en demokrasie te verdedig ter herinnering aan diegene wat hul lewens op D-Dag opgeoffer het. Hy het gister die 80ste herdenking van die D-Dag-landing in Normandië, Frankryk gevier. Dit is waar 9 388 lede van die Amerikaanse weermag wat daaraan deelgeneem het, begrawe is. Biden waarsku dat demokrasieë wêreldwyd weer onder druk is en voeg by dis eenvoudig ondenkbaar om voor diktators neer te buig:

Die manshalfeindronde word vandag op die Franse Ope beslis. Die vierde gekeurde Duitser, Alexander Zverev, kom teen die sewende gekeurde Noorweër, Casper Ruud, te staan met albei wat hulle eerste Grand Slam-titels wil verower. Voor dié kragmeting is daar groot afwagting vir 'n moontlike titaniese stryd tussen die tweede gekeurde Jannik Sinner van Italië en die derde gekeurde Carlos Alcaraz van Spanje. Alcaraz sê hy sien uit na die uitdaging:

Die Stop the East African Crude Oil Pipeline Coalition versoek die regering van Tanzanië dringend om nie langer die polisie te gebruik om teenkanting teen die regering se omstrede pypleiding te probeer onderdruk nie. Dit volg nadat die polisie vier mense en ‘n gemeenskapsleier in die Hanag-distrik aangehou het omdat hulle met die media oor die pypleiding, swak vergoeding en intimidasietaktiek gepraat het. Die koördineerder van die veldtog, Zaki Mamdoo, versoek die regering om die teistering te staak en vra China en Frankryk om gepaardgaande ongeregtighede te ondersoek.

Die Springbok Sewes se hoofafrigter, Philip Snyman, sê hy is optimisties oor 'n top-vier-uitslag in die Singapoerse sewestoernooi dié naweek. Die Blitsbokke pak Spanje, Samoa en Frankryk in hul groep. Snyman sê om ervare Blitsbokke soos Siviwe Soyizwapi, Dylan Sage en Rosko Specman terug te hê, is 'n groot hupstoot vir die span:

Swapo parlementslid Jerry Ekandjo het in die Nasionale Vergadering in 'n tirade aanmerkings gemaak oor gewaande lede van die LGBTQ+ gemeenskap in Frankryk, in wat hy as Westerse ideologië bestempel het. Hy was woedend omdat hy nog nie terugvoering van president Nangolo Mbumba gekry het oor sy twee private lede-wetsontwerpe nie. Die omstrede wetsontwerpe is basies daarop gerig om die erkenning van selfdegeslaghuwelike in Namibië te blokkeer, maar moet deur die president geteken word voordat dit van krag kan word. Kosmos 94.1 Nuus het met die sosiale aktivis Linda Baumann gesels, wat sê dat Namibië ope gesprekke oor LGBTQ+-kwessies moet begin hê.

Swapo parlementslid Jerry Ekandjo het in die Nasionale Vergadering in 'n tirade aanmerkings gemaak oor gewaande lede van die LGBTQ+ gemeenskap in Frankryk, in wat hy as Westerse ideologië bestempel het. Hy was woedend omdat hy nog nie terugvoering van president Nangolo Mbumba gekry het oor sy twee private lede-wetsontwerpe nie. Die omstrede wetsontwerpe is basies daarop gerig om die erkenning van selfdegeslaghuwelike in Namibië te blokkeer, maar moet deur die president geteken word voordat dit van krag kan word. Kosmos 94.1 Nuus het met die sosiale aktivis Linda Baumann gesels, wat sê dat Namibië ope gesprekke oor LGBTQ+-kwessies moet begin hê.

Die bekendstelling van die nuwe rybewyskaarte in die buurland is in onsekerheid gehul met die nuwe kaartdrukmasjien uit Frankryk wat nog bevestig moet word. Die masjien kan kaarte binne vyf werksdae vervaardig in vergelyking met die huidige wagtyd van twee weke, en het verbeterde sekuriteitsfunksies om bedrog te bekamp. Die minister van Vervoer, Sindisiwe Chikunga, sê die verkrygingsproses is aan die gang, met die nuwe lisensies wat teen die einde van die maand landwyd bekendgestel moet word.

Swapo se jeugliga het 'n verklaring uitgereik waarin die Europese Unie-diplomate van Duitsland, Finland, Frankryk, Spanje en Portugal veroordeel word, en gevra word dat hulle uit Namibië geskors word. Dit is in reaksie op 'n ontmoeting tussen EU-diplomate en die leier van die Independent Patriots for Change opposisieparty, Panduleni Itula, verlede week. Ná hewige kritiek van die regering en Swapo oor die vergadering, het die EU in 'n gesamentlike verklaring verduidelik dat die kontinentale groep se ambassadeurs nie sake rakende regering met Itula bespreek het nie, maar dat slegs die IPC se veldtog vir Namibië se presidents- en Nasionale Vergadering-verkiesing in November bespreek is. Ephraim Nekongo, sekretaris van SPYL, het egter in 'n verklaring die diplomate van arrogansie en disrespek beskuldig. Hy het die verskoning wat die EU uitgereik het verwerp en 'n onvoorwaardelike verskoning geëis vir wat SPYLas inmenging in Namibië se binnelandse sake beskou. Kosmos 94.1 Nuus het gepraat met die bestuurskenner, dr. Marius Kudumo, wat sê dat SPYL oorreageer.

Die Amerikaanse kwalifiseerder Katie Volynets het die langste vrouewedstryd vanjaar in die eerste ronde van die Charlestonse Ope gewen. Die 22-jarige het Arantxa Rus van Nederland in drie uur en 43 minute 6-2, 6-7, 7-6 oorrompel. Caroline Wozniacki van Denemarke het McCartney Kessler van Amerika met 6-stroop, 6-1 uitgestof. Die Amerikaner Amanda Anisimova het die eerste keer sedert die Australiese Ope gespeel en het Alize Cornet van Frankryk 6-3, 6-stroop geklop. Anisimova sê sy is bly om weer op die speellys te wees:

Die aktivis en onafhanklike presidentskandidaat Job Amupanda het gereageer op die eerste minister, Saara Kuugongelwa-Amadhila wat die Teenkorrupsie- en Integriteitsforum vandag en môre in Parys, Frankryk bywoon. Die geleentheid bring leiers van regoor die wêreld byeen om nuwe denke en insigte te deel en om ondersoek in te stel oor hoe teenkorrupsiebeleide en integriteitsraamwerke kan verbeter. Amupanda sê dit kan moontlik ‘n bydrae maak maar, die hooggeplaastes in die land is die wat betrokke is by korrupsie.

Die wêreld se nommer twee, Carlos Alcaraz, is deur na die Miami Ope se ronde van 16 terwyl hy probeer om die gesogte Sonskyn-dubbel te voltooi. Die Spanjaard het die Fransman Gael Monfils met 6-2 en 6-4 verslaan. Die Duitser, Alexander Zverev, het Christopher Eubanks van Amerika met 7-6 en 6-3 geklop. In die vroueafdeling is die Amerikaner en wêreld se nommer drie, Coco Gauff, in ʼn verrassende poging deur Caroline Garcia van Frankryk met 6-3, 1-6 en 6-2 afgeransel. Garcia sê sy is tevrede met haar vertoning:

Die Nasionale Persklub in die buurland het die Springbok-rugbyspan aangewys as sy Nuusmaker van die Jaar vir 2023. Die voorsitter, Antoinette Slabbert, sê die span se uitstekende vertoning in die Wêreldbeker-toernooi in Frankryk het ‘n media-opskudding ontketen. Daarby het gehalte-leierskap deur die kaptein, Siya Kolisi, daartoe gelei dat die Bokke die Webb Ellis-trofee ‘n rekord-vierde keer verower het. Slabbert sê dit is ook die vierde keer dat die Bokke as Nuusmaker van die Jaar erken word, ná 1995, '98 en 2007:

Die Internasionale Energie-agentskap vra regerings om saam te werk om oplossings te vind vir die wêreld se grootste klimaatuitdagings. Minsters van Energie en die Klimaat wêreldwyd vergader in Parys, Frankryk, vir die agentskap se 2024-ministersvergadering. Die uitvoerende direkteur, Fatih Birol, sê kwessies sluit in die risiko's vir energiesekuriteit rakende Rusland se inval in Oekraïne en internasionale pogings om aan die uitkoms van die COP28-konferensie oor klimaatverandering te voldoen:

Die Suid-Afrikaanse spanne mik na nog ʼn sterk vertoning in die tweede ronde van die Kampioenebeker en die Uitdaagbeker, nadat hulle verlede week met vier oorwinnings uit vyf weggespring het. In die Kampioenebeker is die Stormers die gashere vir die verdedigende kampioene, La Rochelle, met die Bulle teen Lyon in Frankryk. In die Uitdaagbeker verwelkom die Cheetahs die Haaie in Bloemfontein, terwyl die Leeus die Newcastle Falcons in Johannesburg trakteer. Volgens skrumskakel Morné van den Berg bou die Leeus goeie momentum.

Rugby: Dit is hierdie naweek die tweede ronde van die Kampioenebeker en die Uitdaagbeker en die Suid-Afrikaanse spanne, wat verlede week met vier oorwinnings uit vyf begin het, mik na nog ʼn sterk vertoning. In die Kampioenebeker is die Stormers die gashere vir La Rochelle, met die Bulle wat teen Lyon speel in Frankryk. In die Uitdaagbeker verwelkom die Cheetahs die Haaie in Bloemfontein, terwyl die Leeus die Newcastle Falcons in Johannesburg inwag. Skrumskakel Morné van den Berg sê die Leeus bou goeie momentum.

Die Kaapstad-stadion is gereed vir aksie terwyl hy voorberei om die naweek die internasionale Sewes-toernooi aan te bied. Dit volg nadat die oppervlak teen ‘n koste van 16 miljoen Suid-Afrikaanse rand vervang is. Suid-Afrika se vrouespan speel Saterdag hulle groepswedstryde teen Frankryk, Kanada en Amerika, terwyl die mans teen Groot-Brittanje, Amerika en Ierland te staan kom. Die Blitsbokke is eerste gekeur nadat hulle verlede naweek die eerste toernooi van die seisoen in Dubai gewen het. Die stadion se uitvoerende hoof, Gina Woodburn, is tevrede met die toestand van die oppervlak:

Rugby: Vyf Suid-Afrikaanse spanne neem hierdie naweek deel aan Europese kompetisies. In Italië sal die Cheetahs en Zebre Parma sake in die Uitdaagbeker uitspook, terwyl die Haaie gasheer speel vir Section Paloise. Die Leeus sal Perpignan in Frankryk takel. Die topspanne ding mee in die Kampioenebeker met die Bulle wat die Engelse reuse, Saracens, op Loftus Versveld verwelkom terwyl die Stormers teen die Leicester Tigers uitdraf. Courtnall Skosan, wat hierdie seisoen die Northampton Saints verlaat en by die Stormers aangesluit het, sê hulle sien uit na die uitdaging.

Agri SA se nuwe bestuurshoof praat oor sy uitdagings. Israel beplan 'n volgende fase van die oorlog. Ons praat met Peter de Villiers oor die Bokke se vertoning teen Frankryk.

Rugby: Die Springbokke speel Saterdag hul laaste tuiswedstryd van die jaar. Hulle sal Argentinië in 'n Rugbykampioenskap-wedstryd op Ellispark in Johannesburg pak voordat hulle vertrek vir drie opwarmings-wedstryde in aanloop tot die Wêreldbeker-toernooi in Frankryk. Die afrigter, Jacques Nienaber, toets steeds kombinasies en probeer spelers toetsvlak-speeltyd gee. Saterdag se wedstryd sal die eerste van die internasionale seisoen wees vir die stut, Trevor Nyakane, wat op die bank begin.

Rugby: Die Springbokke is gefokus op die verdediging van hulle Wêreldbeker-titel in Frankryk vanjaar en dit speel ʼn groot rol in hulle spankeuse. Afrigter Jacques Nienaber het nege veranderings aangebring aan die beginspan vir Saterdag se Rugbykampioenskaps-wedstryd teen Argentinië in Johannesburg. Volgens Nienaber is dit ʼn balanseertoertjie om spelers speelkans te gee, maar steeds te probeer om te wen om hulle selfvertroue hoog te hou.

Op bystand is Pierre Knoetze wat sê dat die swemmers vasbyt met Frankryk wal al in sig is.

Die drie Namibiese swemmers het vanoggend bitter vroeg vanaf Dover in Engeland weggespring om oor die Engelse Kanaal na Calais in Frankryk te swem. Hulle swem in 'n aflos-formaat in die yskoue water sonder duikpakke. Die swemmers is Christopher du Plessis, Roual Spangenberg en John Valentin. Hierdie uitdaging is ten bate van die Ladybug-trust. Spangenberg het met Kosmos 94.1 Nuus gesels...

Namibiërs se poging om oor die Engelse Kanaal vanaf Engeland na Frankryk in 'n aflos-formaat te swem, is deur die gure weer in die wiele gery. Christopher du Plessis, wat die oudste Namibiër sal wees om oor die Engelse Kanaal te swem, en sal môre weer probeer saam met Roual Spangenberg en John Valentin. Hulle sal die koue waater sonder duikpakke aanpak. Hulle sal hierdie uitdaging doen ten bate van die Ladybug-trust. Du Plessis het met Kosmos 94.1 Nuus gesels oor die Britse weer wat nie wil saamspeel nie.

Beurtkrag of kragvermindering - wat verkies jy? Ons hoor wat Eskom se nuwe plan behels. 'n Biskop van Springbok in die Noord-Kaap verskyn in die hof op aanklagte van seksuele misdrywe. Frankryk is kalm, maar gespanne na die afgelope paar dae se onluste.