Podcasts about sonndeg

Um Glacis steet e wäisst Zelt: nach net fir den Adventszirkus, mee fir de Konschtbusinesszirkus? Bis e Sonndeg inclus erwaart Iech do all Zäit déi 11. Luxembourg Art Week, also eng 80 international Galeristen a Galeristinnen an ee gutt gefëllte Kaderprogramm. Just 50 Meter niewendrun huet viru gutt zéng Joer en nawell speziellen Zirkusdirekter säin Zelt opgeschloen. Passen dem Konschtsammler Monsieur Pilo säi “Petit musée du Limpertsberg“ a Luxembourg Art Week iergendwéi zesummen?

De leschte Sonndeg ass eis Literatursendung “Déi wonnerbar VaLibrairie” live vun de Walfer Bicherdeeg iwwerdroe ginn. D'Valerija Berdi an de Michel Delage hunn Iech Laureat:innen, Editeuren an Editricë vum Lëtzebuerger Buchpräis an de Kategorië Literatur / Sachbuch/ Kanner- a Jugendbuch virgestallt. Dir hutt d'Emissioun net lauschtere kënnen? Mir proposéieren Iech dës Woch Extraiten dorausser. Hei héiert Dir d'Valerija Berdi an de Michel Delage am Gespréich mat der Inna Ganschow, Laureatin an der Kategorie Sachbuch, souwéi hir Editrice Susanne Jaspers.

De leschten Donneschdeg krut den Nico Helminger fir säi Wierk “Geckegen Hunneg” de Lëtzebuerger Buchpräis. De leschte Sonndeg hate mir live op de Walfer Bicherdeeg an eis Literaturemissioun “Déi wonnerbar Valibrairie” d'Laureatinnen an d'Laureate vum Lëtzebuerger Buchpräis invitéiert. Leider konnt den Nico Helminger aus gesondheetleche Grënn net mat um Dësch setzen, dofir hu mir mat senger Lektorin, der Myriam Reisdorfer vun den éditions guy binsfeld, iwwer de “Geckegen Hunneg” geschwat an och an engems dovu profitéiert fir méi iwwer d'Aarbecht vun enger Lektorin gewuer ze ginn.

De Festival Rainy Days an an ëm d'Philharmonie ass mëttlerweil en traditionelle Rendez-vous fir zäitgenëssesch Musek. An och dës Woch invitéieren d'Directrice artistique Catherine Kontz an d'Team hanner de Kulisse vu muer u bis de Sonndeg inclus op ee Museksfestival mat ronn 50 Concerten. Wéi all Joer steet och dëst Joer ee ganz bestëmmte Sujet am Vierdergrond. An der Editioun 2025 geet et ëm d'Kierperen.

Gëschter Owend (13.11.) war d‘Ouverture vun de Walfer Bicherdeeg mat der zeremonieller Präisiwwerreechung vum Lëtzebuerger Buchpräis. Den Nico Helminger gewënnt de Lëtzebuerger Buchpräis 2025 an der Kategorie Literatur mat “Geckegen Hunneg” (éditions guy binsfeld). An der Kategorie Sachbuch gouf “Keiner weinte, es gab keine Tränen mehr” vun der Inna Ganschow (capybarabooks) vum Jury ausgezeechent. An der Spart Kanner- a Jugendliteratur huet “KrixKrax” vum Marc Weydert (Text) a Patty Thielen (Illustratioun) (PersPektiv Editions) de Jury am meeschten iwwerzeegt. De Publikumspräis gouf dëst Joer geännert, aus engem Präis goufen der dräi - nämlech elo an all Kategorie. An dëst Joer sinn dat: “Hraun” - Florent Toniello (Michikusa Publishing) “Depart lass!!! Luxemburg - 33 kinderleichte Wanderungen” - Keong-A-Song, Marie Mathieu, Sabrina Notka (éditions guy binsfeld) “KrixKrax” - Marc Weydert a Patty Thielen (PersPektiv Editions) E spezielle Präis geet och un e Buch mam beschten Design. Do huet de Jury sech op “Hortus Alienum” vun der Anna Valentiny (Point Nemo Publishing) gëeent. Den Designerpräis zeechent virun allem d'Aarbecht vum Verlag aus. An dësem Fall sinn et éditions guy binsfeld. D‘Valerija Berdi war op der Plaz an ass am Studio fir iwwer d‘Laureatinnen an d'Laureate vum Buchpräis ze schwätzen, déi och all an eiser Literaturemissioun “Déi wonnerbar VaLibrairie” dëse Sonndeg um 11 Auer invitéiert sinn a live vun der Bicherfoire diffuséiert gëtt.

Dëse Weekend sinn d'Walfer Bicherdeeg. D'Kulturredaktioun vum Radio 100,7 ass natierlech do mat um Rendez-vous (zum Beispill e Sonndeg moie mat der VaLibrairie, live aus dem Café littéraire). D'Paule Rodesch war op der Plaz an huet mam Ian de Toffoli, Schrëftsteller an Editeur a mam Änder Visser, Responsabele bei der Walfer Gemeng fir d'Logistik vun de Bicherdeeg iwwer déi lescht Virbereedunge geschwat. Fir d'Gemeng ass et - normalerweis - dat gréissten Evenement am Joer ...

Haut (6.11.) geet zu Utrecht an Holland de Le Guess Who?-Festival lass. Bis e Sonndeg steet déi ganz Stad am Zeeche vun der Musek. De Festival bitt eng eklektesch Programmatioun, déi esou zimmlech all Museksgenre ëmfaasst awer e besonnesche Fokus op méi experimentell Kläng leet. De Max Tholl wäert fir eis zu Utrecht dobäi sinn a liwwert schonn emol e klengen Ausbléck op dat, wat de Public de Weekend zu Utrecht erwaart.

Déi eng Kënschtlerin wëllt mat aller Lautstäerkt en Tabu briechen an deeft hiren aktuellen Expoprojet “Moustache gracias”; déi aner konstatéiert, datt Sprooch ëmmer méi verluer geet an iwwerschreift hir Konschtinstallatioun mat “Mute”. Nach bis e Sonndeg inclus stellt déi éischt, d'Lëtzebuergerin Jeannine Unsen, an der Galerie Nei Liicht zu Diddeleng aus; déi zweet, d'Russin a Wal-Saarbréckerin Darja Linder, an der Galerie Dominique Lang, also an der fréierer Gare Dudelange-Ville. D'Kerstin Thalau wollt vun der Curatrice vun der Stad Diddeleng, d'Marlène Kreins, méi iwwer dës Rentrées-Expoe plus déi nei Saison gewuer ginn.

De franséische Kollektiv Du grain à moudre baut Instrumenter aus recuperéierte Materialer: Ënner anerem aus Dousen, Plastiksfläschen oder och Gummishändschen. Mat dobäi ass de Geiebauer Benoit Poulain, deen d'Leit aus dem Kollektiv forméiert huet, aus allem an näischt Instrumenter ze bauen. Näischt geet verluer, näischt gëtt erschaf, alles gëtt ëmgewandelt, dat ass hiert Konzept. Am Kader vun der LUGA gëtt de Kollektiv en Atelier fir Grousser a Klenger, dës ganz Woch vu 14 Auer un. Dëse Sonndeg (10.08.) gëtt et dann och e Concert, wou ee lauschtere kann, wéi déi nei gebauten Instrumenter aus dem Atelier schlussendlech kléngen. D'Marie Trussart huet de sougenannte Luthier sauvage Benoit Poulain sou wéi de Kënschtler Jorge De Moura am Stater Park besicht an ënner anerem erausfonnt, wéi een aus engem PVC-Rouer eng Flütt baut a wat eigentlech eng Waasserflütt ass. Wien beim Atelier nach matmaache wëllt, ka sech nach umellen, an zwar um Internetsite vun der LUGA.

All fënnef Sënner matenee verbannen - dat mécht een net bewosst an net all Dag. Beim nächste Concert vum Ensembel United Instruments of Lucilin an der Fondation Valentiny zu Rëmerschen de Sonndeg 13. Juli gëtt et net nëmmen Nei Musek vum US-Amerikaner Aaron Einbond ze genéissen, mee gläichzäiteg och ee 4-Gäng-Menü als Mëttegiessen. Dee gëtt op der Plaz zesummegestallt vun de Chefkäch Carlo Sauber an Thomas Murer an der Ekipp aus dem Bouneweger Lycée. Do gëtt de Carlo Sauber schonn zanter 28 Joer seng Passioun vum Kachen un déi méi Jonk weider. Am Gespréich mam Marie Schockmel verroden de Chefkach an de Komponist, wéi et zu der aussergewéinlecher Kollaboratioun fir de Concert vu Lucilin koum, wat si bis elo iwwerrascht huet, a wat hinnen am meeschten dru gefält.

Vu leschte Mëttwoch bis e Sonndeg war zu Paräis déi 42. Editioun vum Marché de la Poésie, dee gréisste Poesie-Event a Frankräich. Mat dobäi war Kultur I lx mat engem Stand, op deem d'Kultur-Export-Agence dem Public an den Editeuren déi Lëtzebuerger Poesie méi no bruecht huet. Wat zeechent dës aus a wéi steet et ëm si? Eise Korrespondent Max Tholl war leschte Freideg um Marché.

Wien oder wat ass ideal fir e “Reality Check”? Fir d'Ekipp vun der Escher Konschthal natierlech d'Konscht. Bis de Sonndeg inclus presentéiert si an enger Gruppenexpo eng hallef Dose Kënschtler:innen, déi konkret Realitéiten op hir Manéier mat, gréisstendeels, der Konschtfotografie iwwersetzen. Dorënner och dräi Lëtzebuerger:innen: d'Séverine Peiffer, déi mam Nass-Kollodium schafft, engem Procédé aus dem 19. Joerhonnert; de Marc Schroeder, Ex-Banquier, mat sengem perséinlechen Temoignage iwwer 40 Deportéierten aus Transsylvanien, déi ënner dem Stalin d'UDSSR mat rekonstruéiere sollten; an d'Foto- a Filmkënschtlerin Birgit Ludwig mat hirem Fotojournal “Antidotes”. D'Kerstin Thalau ass vun hir méi iwwer Gëft e Géigegëft gewuer ginn.

D'Wieder weess alt nees net wierklech, wat et wëllt, mee d'Konscht awer. An dowéinst invitéiert d'Ekipp vum Neimënster dëse Sonndeg op hiren neie Festival L'embellie. Do geet et net einfach just ëm Opklärung oder Verbesserung, nee: do sollt Dir Geleeënheet kréien, d'Kreatioun vu muer ze entdecken, Konscht bei där alles méiglech ass, respektiv gëtt. Hanner quasi all Neimënster-Dier erwaarden Iech den 1. Juni Musiker:innen, bildend Kënschtler:inne, Dänzer:innen, an anerer. Déi meescht vun hinne waren oder sinn an enger Kënschtler:inne-Residenz an der fréierer Abtei a Prisong. Esou zum Beispill d'Clio Van Aerde. D'Kerstin Thalau huet d'Performerin a Bünebildnerin am Gronn besicht.

D'Geschicht vum Interview ass bal esou laang, wéi den Interview selwer. Als Virbereedung op de Film Love Me Tender vun der Anna Cazenave Cambet an op den Interview mat der Vicky Krieps hat de Jeff Schinker d'Buch vun der Constance Debré, op deem de Film baséiert, aus senger Bibliothéik gekroopt a vergiess, et an d'Valise ze leeën. Zu Cannes huet en d'Buch nach eemol kaf, just fir et um Sonndeg am Kino leien ze loossen, dat, nodeems en eréischt d'Hallschent dovu gelies hat – no 22 Filmer innerhalb vu 5 Deeg een Effet vun der Middegkeet. Am Bichergeschäft zu Cannes louch et net méi, well hie sech et selwer ewech kaf hat, an zwou Librairien zu Antibes war et och net ze fannen, wouwéinst dann de béise mä effikasse Liwwerservice dee mer all kennen huet missen dru gleewen. Den Interview selwer z'organiséieren war änlech schwéier, als éischt krut eise Journalist eng Ofso, duerno eng Waardelëscht fir ee Kollektivinterview mat der internationaler Press, ma quasi a leschter Sekonn ass et em gelong, net just d'Buch fäerdeg ze liesen, ma och ee One on One Interview ze kréien, dank engem immens effikassen a sympatheschen Attaché de presse. Fir eng laang Geschicht kuerz ze halen: Den Interview huet stattfonnt – a wat d'Vicky Krieps iwwert hir Roll an der Verfilmung vu Love Me Tender, hir nei Produktiounsfirma Viktoria Productions an d'Absence vum neien Jim Jarmusch Film op der Croisette ze soen huet – dat lauschtere mer elo.

No enger schwéierer Kandheet am Texas plädéiert Alok Vaid-Menon mat Poesie a Comedy fir en tolerant Zesummeliewen. Haass kann een nëmme mat Léift bekämpfen, fënnt si. An d'Liewe wier ze kuerz fir sech iwwer Pronomen opzereegen. Si ass mat hirer neier Comedy Show "Hair Situation" e Sonndeg am Atelier. D'Claire Barthelemy huet sech hir Karriär ugekuckt.

Wann Dir Iech scho mol selwer u Sound Effecter wollt probéieren, kënnt Dir dat de Sonndeg um PICelectroNIC zu Bouneweg. De radio 100,7 organiséiert do nämlech e Workshop.

Viru fënnef Joer ass Lëtzebuerg an de Lockdown gaangen, d'Zeitunge kucken haut dorop zeréck, donieft gëtt op de Referendum an der Gemeng Bettenduerf e Sonndeg gekuckt, wou d'Leit fir oder géint eng Nordstadfusioun vun hirer Gemeng wielen.

Zanter den Donald Trump nees um Rudder ass, bléist ee stramme Wand an der Weltpolitik.

Wat huet de Bounesonndeg mam Buergsonndeg ze dinn, dee mir déi lescht Woch gefeiert hunn? A firwat kenne der vill dee Sonndeg haut net méi? Den Alain Atten kläert op.

Wat huet de Bounesonndeg mam Buergsonndeg ze dinn, dee mir déi lescht Woch gefeiert hunn? A firwat kenne der vill dee Sonndeg haut net méi? Den Alain Atten kläert op.

Zanter den Donald Trump nees um Rudder ass, bléist ee stramme Wand an der Weltpolitik.

2009 zesummegedoen, spillt de Kreisler Quartett gréisstendeels Concerten zu Lëtzebuerg. Den Ensembel, deen aus Musekerinnen a Museker vun de Lëtzebuerger Philharmoniker besteet, huet dobäi ee breet gefächerte Repertoire. Dëse Sonndeg (16.3.) spillt d'Formatioun ee Concert zu Lasauvage an der Eglise Sainte-Barbe. Am Gespréich mam Luc Boentges schwätzt den Cellist Niall Brown iwwer d'Creatioun vum Kreisler Quartett , de Concertsprogramm an d'Liewen tëschent berufflechem a private Museksliewen.

Haut ass Buergsonnden. Eise Sproochmates Alain Atten erkläert wat dëse Sonndeg mat der Kierch an de Ritter ze dinn huet a firwat een dëse Sonnden och nach déi al Fuesent nenne kann.

Haut ass Buergsonnden. Eise Sproochmates Alain Atten erkläert wat dëse Sonndeg mat der Kierch an de Ritter ze dinn huet a firwat een dëse Sonnden och nach déi al Fuesent nenne kann.

De Maurice Ravel gëtt op engem Sonndeg, 7. Mäerz 1875, gebuer. Séier entwéckelt hie sech zu engem erfollegräiche Komponist, wuel och mat Ufanksschwieregkeeten. De Jean Thill a Lex Kauffmann blécken an engem Gespréich zeréck op d'Liewe vum Impressionist Maurice Ravel.

D'Harf ass e ganz duusst, rouegt a langweilegt Instrument, dat dacks just da genotzt gëtt, wann et drëm geet, datt d'Musek eng verdreemte Stëmmung kritt. Mee stëmmt dat? “Nee”, seet d'Catherine Beynon. Fir déi verschidde Facettë vun hirem Instrument ze weisen, trëtt d'Harfenistin vun de Lëtzebuerger Philharmoniker e Sonndeg um 11 Auer am Kammermusekssall vun der Philharmonie op a proposéiert mat anere Membere vum Orchester e Programm ronderëm den Titel Harp in Harmony. De Luc Boentges huet mat der Solistin iwwer d'Harf an d'Affiche vun dësem Concert apéritif geschwat.

Viru knapps zéng Joer hu sech déi plastesch Kënschtler Nora Wagner a Romain Simian zu Lëtzebuerg an en Auto gesat, a si mat wéineg Sak a Pak duerch Ost-Europa gejauft. Do wou si spontan stoe bliwwe sinn, hu si experimentell Konschtprojeten duerchgeféiert. Zejoert huet d'Nora Wagner dës Iddi nei opgegraff, fir se zu Fouss duerch d'Groussregioun weiderzeféieren. Och déi Kéier goung et ëm d'Potential vu kollektiver Kreativitéit, spontane Renconteren, d'Zesummenerliewen. Nach bis de Sonndeg ginn d'Resultater dovunner als Konschtexpo an der Saarbrécker Stadtgalerie gewisen. D'Kerstin Thalau war kucken an huet fir d'Nora Wagner an de Studio invitéiert.

Den Dram fir bei der Europameeschterschaft dobäi ze sinn, geet fir Dammen -Nationalekipp weider. Gëschter huet d'FLBB Selektioun, kloer a Bosnien/Herzegowina gewonnen. Wann d'Ekipp elo och nach e Sonndeg a Montenegro gewënnt, dann ass ee sécher op der EM dobäi. Dat ass Thema haut am Rebound, deen iech vum Rich Simon presentéiert gëtt...

Den Dram fir bei der Europameeschterschaft dobäi ze sinn, geet fir Dammen -Nationalekipp weider. Gëschter huet d'FLBB Selektioun, kloer a Bosnien/Herzegowina gewonnen. Wann d'Ekipp elo och nach e Sonndeg a Montenegro gewënnt, dann ass ee sécher op der EM dobäi. Dat ass Thema haut am Rebound, deen iech vum Rich Simon presentéiert gëtt...

Dëse Sonndeg, 9. Februar, kann een am Cube 521 zu Maarnech de Ludwig van Beethoven op eng ganz Intim Art a Weis kenneléieren. Ënner dem Titel Beethoven und seine Zeitgenossen gëtt e Portrait vum Bonner Komponist un Hand vu Bréiwer a Kompositioune vu senge Zäitgenossen am Cube 521 zu Maarnech gezeechent. D'Geiistin Sandrine Cantoreggi erkläert am Gespréich mam Marie Trussart, firwat de Beethoven grad am Europa vun haut nach esou wichteg ass a fir si e wichtegen Unhaltspunkt bleift. Tëschent deenen eenzelne Wierker liest d'Schauspillerin Brigitte Urhausen och Bréiwer vir, déi dem Beethoven säi Liewen an de Kontext setzen. D'Schauspillerin ass och Spriecherin, ënner anerem bei Arte a bei der ARD. Si verréit wien dem Beethoven seng Zäitgenosse waren, ob de Komponist elo wierklech esou granzeg war, wéi hien ëmmer duergestallt gëtt, an ob si e Sonndeg éischter als Spriecherin, als Schauspillerin, oder als eng Mëschung vu béide Rollen optriede wäert.

Am nationale Basket hunn d'Dammen op héchstem Niveau dëse Weekend Paus. Charlie Bidinger a Co. spillen d'nächst Woch an der Europameeschterschaftsqualifikatioun an hunn d'eenzegaarteg Méiglechkeet sech fir d'EM ze qualifizéieren. D'Hären hunn am Championnat haut an e Sonndeg en duebele Spilldag um Programm stoen. De Rebound vun haut mam Franky Hippert:

Am nationale Basket hunn d'Dammen op héchstem Niveau dëse Weekend Paus. Charlie Bidinger a Co. spillen d'nächst Woch an der Europameeschterschaftsqualifikatioun an hunn d'eenzegaarteg Méiglechkeet sech fir d'EM ze qualifizéieren. D'Hären hunn am Championnat haut an e Sonndeg en duebele Spilldag um Programm stoen. De Rebound vun haut mam Franky Hippert:

16 Joer laang war d'Alice Frohnert Prostituéiert. Sexaarbechterin gouf déi gebierteg Polin an den 80er an Däitschland fir domat hire Studium ze finanzéieren. No hirer Zäit um Stréch war et de Karriärswiessel an de Journalismus, bei d'Zeitung vum Lëtzebuerger Vollek. Zënter deem setzt d'Alice Frohnert sech dofir an, d'Prostitutioun als Beruff ze rehabilitéieren. Den neien Episod vum B-Radio leeft dëse Sonndeg um 11 Auer um Radio 100,7 an op 100komma7.lu.

It's winter, so I thought it would be the ideal opportunity to talk about the weather and the various traditional events we generally do in winter, especially in Luxembourg. Did you know the seasons are a topic of the Sproochentest Oral Exam? If your goal is to sit the language exam to acquire Luxembourgish citizenship in the upcoming months, then tune in. De Wanter is a masc. noun so the winter is de Wanter. And in winter is am Wanter . Example: In Winter it is cold: Am Wanter ass et kal. ​​Let's start to talk about the weatherPrett? Da lass!- Mir schwätzen fir d'éischt iwwer d'Wieder. D'Wieder = the weatherWéi ass d'Wieder am Wanter zu Lëtzebuerg: How is the weather in Lux in Winter?Am Wanter ass et meeschtens reenereg, gro a kal. Et ginn e puer sonneg Deeg awer meeschtens ass et bedeckt. D'Temperaturen bleiwen oft ënnert 10 Grad, sou tëscht -4 an 6 Grad. In Winter it's mostly rainy, grey and cold. There are a few sunny days but it is mostly cloudy. The temp stay often under 10 degrees, so between -4 …Et ass seelen lëfteg allerdéngs bléist e kale wand and et schneit heiansdo. It is not often windy however a cold wind is blowing and sometimes it snows.To snow = schneien - pronunciation - it is snowing = et schneit: et schneit net oft zu Lëtz.The snow = de Schnéi - mir haten leschte Wanter vill Schnéi - we had a lot of snow last winterAm Wanter ginn d'Lëtzebuerger och gär an de Wantersport. Here we mean the winter sports holiday. Beipsill: Mir ginn ëmmer am Februar an de Wantersport fir Schi ze fueren: We always go to wintersportsd during vacation to skiing.An de Wantersport goen / fueren = to go to wintersports Schi fueren = to skiingDe Wanter zu Lëtzebuerg dauert 3 Méint an zwar vum 21. Dez bis den 21. Mäerz.Am Dezember ginn et vill traditionnel Fester an Evenementer. Dec is is filled with many traditions and events in Luxembourg. Hei sinn e puer typesch Fester Here are some typical feasts.Niklosdag oder Kleeserchersdag - den 6. Dezember. Wat ass d'Traditioun: 1 oder 2 Wochen virum 6. Dez stellen d'Kanner owes hir Schlappen virum Schlofzëmmer. A wann se brav waren fannen se deen nächsten Moien Séissegkeeten, Mandarinnen oder Nëss an hire Schlappen. Wann se net brav waren, kréien se entweeder näischt oder eng Rutt. De 5. Dez stellen d'Kanner en Teller virun d'Dier mat enger Muert an Hee fir dem Kleeschen säin Iesel an e Glas Mëllech mat Kichelcher fir de Kleeschen.A moies de 6. Dez fannen d'Kanner Spillsaachen, Schockela an Uebst an Nëss um Teller De 6. Dezember ass och schoulfräi fir d'Kanner déi an d'Primärschoul ginn.The historical custom is that a week or two before the 6 December, children put their slippers outside their bedroom at night. If they have been kind they will find a sweet or chocolate, or nuts or a mandarin inside their shoe the next morning. If they weren't kind then they get either nothing or a Rutt (a small stick or branch representing a switch). On the night of 5 December, children leave out a plate with some hay or a carrot for Saint Nicolas' donkey and a glass of milk and cookies for the man himself.And in the morning of Dec 6th chlidren find toys and chocoalte on their plate. The primary school children in state schools also get the day off as a holiday.An am December fänkt och de Chrëschtmaart un , the Christmas market! – Den traditionnele Chrëschtmaart ass op der Plëss (Place d'Armes) an och bei der Gëller Fra (the golden lady).Um Chmaart ginn et vill Buden mat Chrëscht Dekoratiounen, puer Attraktioune fir d'Kanner an natierlech och, vill Iessbuden mat

Datt eng Lëtzebuerger Futtballekipp virum Match net aus dem Vestiaire kënnt, well d'Salairen net iwwerwise goufen, huet een esou och nach net am nationale Championnat erlieft. De Swift Hesper ass doduerch e Sonndeg net géint Munneref ugetrueden. Et ass en neien Déifpunkt, wat d'Suen am Futtball och hei am Land mat sech bréngen. Geld investéieren ass dat eent, ma e schlechten Ëmgank mat dëse Sue suergt allgemeng am nationale Futtball fir vill Problemer. Ee Commentaire vum Jeff Kettenmeyer.

Am Rebound vun haut, steet d´Hären-Nationalekipp am Mëttelpunkt. Déi huet e Sonndeg an der WM Pre-Qualifikatioun, géint Rumänien verluer. Déi vill Leit déi beim Match mat dobäi waren, ware sech awer eens, datt sech amgaangen ass eppes am Lëtzebuerger Basket positiv, ze entwéckelen. De Rebound gëtt iech vum Rich Simon presentéiert...

Am Rebound vun haut, steet d´Hären-Nationalekipp am Mëttelpunkt. Déi huet e Sonndeg an der WM Pre-Qualifikatioun, géint Rumänien verluer. Déi vill Leit déi beim Match mat dobäi waren, ware sech awer eens, datt sech amgaangen ass eppes am Lëtzebuerger Basket positiv, ze entwéckelen. De Rebound gëtt iech vum Rich Simon presentéiert...

Sonndeg, de 17.11. hu mir eis Literaturemissioun Déi wonnerbar VaLibrairie live vun de Walfer Bicherdeeg iwwerdroen. Invitéë beim Valerija Berdi a Michel Delage waren d‘Laureatinnen an d‘Laureate vum Lëtzebuerger Buchpräis. Mir lauschteren elo en Extrait aus dëser Emissioun: D‘Gewënnerin vum Buchpräis an der Kategorie Literatur, d‘Margret Steckel mat hirer Novell “Mutterrache”. Derbäi ass och hir Editrice, d'Susanne Jaspers, vum Verlag Capybarabooks.

Offiziell ass tëschent dësem Freideg, 22. November, an dem Sonndeg, 24. November, déi 10. Luxembourg Art Week. D'Zelt um Glacis steet, a vu muer un huelen d'Art-Week-Evenementer rasant zou. Esou kënnt Dir muer (21.11.) tëschent 14 a 15 Auer an der Art Talks Area d'Konferenz “20 Joer Edward Steichen Award Luxembourg” lauschtere goen. Mam Award ausgezeechent goufe jo ufanks November d'Performerinne Clio van Aerde vu Lëtzebuerg plus d'Marianne Villière vun Nanzeg. Bedeit fir déi éischt 4 Méint Kënschtlerinne-Residenz zu New York, fir déi zweet 6 Méint. D'Clio van Aerde war doropshi scho Live-Invitée bei Kultur um 5. D'Kerstin Thalau hat elo och Geleeënheet mat der Marianne Villière ze schwätzen.

Déi lescht Plack vun Trentemøller heescht “Dreamweaver“ an ass grad emol 8 Wochen dobaussen. Fir den Dän, deen um Ufank vu senger Karriär éischter fir laang instrumental Tracks bekannt war, ass d'Plack den Eckpunkt vun enger Evolutioun zu méi vokaler Musek. Déi atmosphäresch an originell Tracke sinn nach ëmmer meeschterhaft mat déiwe syntheeteschen Texture begléckt, an deenen och organesch an instrumental Sounds hir Kraaft entwéckelen - eng schéi Balance. Op all Track séngt iwwregens seng Kollaboratrice DiSA, déi och schonn eng Zäitche Member vu senger Live-Band ass. Iwwerhaapt ass de Kontrast tëschent feiner Studio-Aarbecht um Album, an enger richteger Band-Experienz op der Bün, scho laang ee Markenzeeche vun Trentemøller - zanter et deemools Zäit war, op d'Bün ze goen. Den Anders Trentemøller a seng Band sinn de Sonndeg den Owend (17.11.) zu Gaascht an der Escher Kulturfabrik. Am Virprogramm spillt d'Sakura, alias Sakura Katsuura Chow, eng verspillten a minimalistesch Produzentin vun Hongkong, déi zu Wien schafft. Eng interessant Affiche!

An eise Kulturnews hate mir Iech schonn doriwwer informéiert, datt, am Kontext vum Vernissage vum traditionellen Hierschtsalon vum CAL, de Prix-Pierre-Werner 2024 un d'Molerin Lara Weiler, Joergang 1999!, goung. Nach bis e Sonndeg inclus kënnt Dir hir priméiert Aarbechte plus déi vu weidere 45 Kënschtler:innen am Tramsschapp um Lampertsbierg entdecken. D'Kerstin Thalau war natierlech do, huet zesumme mat der Lara Weiler en Tram bis op de radio 100,7 geholl, fir hei am Studio hir Diskussioun weiderzeféieren.

Mat 6 Joer huet de Johan Perdigão mam Piano ugefaangen. Elo mat 20 Joer studéiert hien dat Instrument zu Wien an de Sonndeg spillt hien e Concert zu Lëtzebuerg. Am Centre Culturel Machera zu Gréiwemaacher steet hien zesumme mat der Luxembourg Philharmonia op der Bün. Eréischt d'lescht Joer hu si zesummen dem Edvard Grieg säi Concerto fir Piano gespillt, an elo steet dee vum Robert Schumann op der Affiche. Bei deem Wierk fillt de jonke Pianist virun allem staark Léift. Dem Marie Schockmel huet hie méi verroden.

Hie wier frou gewiescht, datt esou erfuere Museker wéi de laangjärege Konzertmeeschter vun de Lëtzebuerger Philharmoniker, de Philippe Koch an de Pianist Johan Schmidt, hie gefrot hätten, e Concert ze spillen. Zesumme mat béide Museker interpretéiert den Cellist Stéphane Giampellegrini e Sonndeg, 10. November, zu Buerglënster am Schlass Pianostrioen vu Ludwig van Beethoven, Sergei Rachmaninoff a Felix Mendelssohn. De Luc Boentges huet mam Cellist iwwer de Programm an de Kader vum Concert geschwat.

In episode 19 you learned how to start a conversation in Luxembourgish. In this episode, you will learn a) the secret to becoming more fluent and improving your Luxembourgish; b) how to keep a conversation going, without running out of things to say!Let's start with the secret to becoming more fluent and improving your Luxembourgish: this is so simple: you might be surprised: ASK MORE QUESTIONSAnd we will at the end of the episode practice with two example conversations – an informal one using the du-form and a formal one using the Dir-form. Are you ready to learn this secret and master an everyday conversation?Bass du prett? Da lass!Most of the topics of small talk conversations include an observation followed by a question. This is the best way to get people talking about themselves.Talking about your next holidaysThe holidays are always an interesting topic. Usually people like talking about their next holidays. Here are some useful phrases to start a conversation about that topic. An easy and straightforward question:Wouhi gees du dëst Joer an d'Vakanz? – Where are you (informal) going on holidays this year?But if you want something more original, try this:Endlech! Déi nächst Woch ass Schoulvakanz. Hutt dir schonn eppes vir? Finally! Next week is school holidays. Do you (plural) have already something planned?Ech fueren, wéi ëmmer, am Februar an de Wantersport. An du? Gees du och am Wanter an d'Vakanz? – I go, as always, in February in the winter sports. What about you (informal)? Do you go as well on holidays in winter?Here's an example of how NOT to have an Luxembourgish conversation:War däi Weekend flott? – Did you have a nice weekend?Jo. An däin? – Yes. And how was yours?Majo, och flott. – Well, nice as well.Unfortunately, the conversation stops here because there's no natural way to continue it. This is OK if you only want to have a quick conversation (for example, if you are quickly passing a co-worker in the hallway). But how can you have a longer conversation in Luxembourgish?2 KEYS to continuing a conversation in Luxembourgish1 Ask questions that start with the question words Wat, Wéini, Wou, Firwat and Wéi. Try to avoid yes/no questions.2 In your answers, give one or two details that will help continue the conversation. You don't need to talk for a long time.Example of Luxembourgish ConversationsHere are two example conversations – an informal one using the du-form and a formal one using the Dir-form. Notice how each person adds one or two details, and then there is a follow-up question about the details. Moien! An, wéi war däi Weekend? Zimmlech flott! E Samschdeg ware mir bei Frënn agelueden an e Sonndeg war ech mat menge Kanner an de Kino. Flott. Wat sidd dir da kucke gaang? Den EMOJI!An? Wéi war en? De Kanner huet de Film natierlech gutt gefall. An du? Wat hues du de Weekend gemaach? Net esou vill. E Samschdeg sinn ech doheem bliwwen a sonndes moies ginn ech jo ëmmer lafen.Ah sou? Wéi laang leefs du dann? Normalerweis tëscht 45 Minutten an eng Stonn. Leefs du eleng?Jo, leider. Hues de Loscht eng Kéier matzekommen?”Oh nee, dat ass net menges. Ech gi just gär schwammen.A wouhi gees du da schwammen?…Hello! And, how was your weekend?Quite nice! On Saturday we were invited at some friends and on Sunday I went with my kids to the cinema.Nice. Which movie have you been watching?EMOJIAnd? How was it?Of course, the children liked the movie. And how about you? What have you done last Weekend?Not sou much. I stayed at home on Saturday and on Sunday mornings I always go running.Oh, really? How long do you run?Usually between 45 minutes and one hour.Do you run alone?Yes unfortunately. Would like to come with me once?Oh no, that is not my cup of tea. I just like to go swimming.And where do you go swimming? Website: https://luxembourgishwithanne.luSproochentest Oral Exam Prep Class:https://courses.luxembourgishwithanne.lu/p/oralexamFacebook: https://www.facebook.com/luxembourgishwithanne.lu/Instagram: https://www.instagram.com/luxembourgishwithanne/?hl=enLinkedIn: https://www.linkedin.com/company/80364342/admin/feed/postsYoutube: https://www.youtube.com/channel/UCh7_kWqrLaZea-IJH46KJEA

Tëschent dem Freideg, 27. September, a Sonndeg, 6. Oktober si queesch duerch Lëtzebuerg déi traditionell Journées du patrimoine. Esou invitéiert de Spektrum zu Rëmeleng zum Beispill op de Projet “Minett Metabolisms”, also op eng Zort Porte ouverte mat enger Hellewull Aktivitéite fir all Alter. De Spektrum versicht, sech als Zentrum fir multimedial an digital Konscht en Numm ze maachen, als Uert fir Kënschtlerresidenze plus Hotel; dat Ganzt mat Bezuch zum Passé: schliisslech war dës Plaz fréier als Hames-Haus bekannt. De Kënschtler a Sculpteur Albert Hames hat do och säin Atelier. Zanter sengem Doud 1989 vollgepaakt mat Skulpturen a Studien, mat sengem Aarbechtsgeschier. D'Konschtrestauratrice Laura Di Mola gouf domat beoptraagt, dëse Schatz en valeur ze setzen. D'Kerstin Thalau huet si kennegeléiert.

Ënner dem Motto "Clarinet and company" spillen e Sonndeg, den 22. September, fënnef Museker aus de Reie vun de Lëtzebuerger Philharmoniker, deen éischte Concert fir dës Saison aus der Serie Concerts apéritifs. Um Programm sti Wierker fir ee Quintett vun zwee Komponisten: dem Franz Krommer an dem Robert Fuchs. Am Gespréich mam Lex Kauffmann verréit de Klarinettist Arthur Stockel méi iwwer de Choix vun de Wierker an d'Roll vun der Klarinett wärend de leschte Joerzéngten.

D'Zeitungen hu probéiert erauszefannen, virwat de Gerson Rodrigues beim Nationsleague-Match géint Belarus e Sonndeg, aus dem Kader erausgehäit gi war an do kënnt och Kritik un der FLF héich

Den 22. Juli 2007 ass fir d'Famill Petit ee Sonndeg wéi all aneren och, si ginn hirer Traditioun no, dass eent vun de Kanner fir d'Famill kacht. Dobäi wëssen se net, dass d'Gefor direkt virun hirer Dier lauert.  Zwee Abriecher waarden nëmmen drop, dass d'Famill schlofe geet, fir dass si an d'Haus kënnen. Wéi et dann sou wäit ass, eskaléiert alles an aus dem Abroch gëtt en Iwwerfall an aus dem Iwwerfall gëtt eng Geiselnam mat grausame Qualen.  Wat do alles geschitt an och schif gelaf ass, gëtt een an dëser Episod gewuer.

Sujeten haut: Serie Commerce zu Diddeleng, e Sonndeg um Stauséi, Opklärung iwwer séchert Feieren um e-Lake an d'Serveurscourse an der Stad.

Theemen haut: Walen a Frankräich um Sonndeg, Resumé Background, Nato-Sommet zu Washington a Public Viewing zu Lëtzebuerg.