Gschmois vo ois

ÜBERRASCHUNG: Was für en Silvesterknaller! Wie chönts Jahr besser ende als mitere semi-freshe Folg Gschmois vo ois?! Ide knackige 30 Minute gahts um de Film "The Producers" vo 2005, Prüefige ade Uni, Zügelstress, Puzzlefieber und weirde Begägnige im Alnatura - Tuned in und gebed oi no es letzts Mal volli Dröhnig, bevors dänn witer ad Silvester-Brause gaht! (Leider hanis wieder eimal meh erscht jetzt gschafft, zum di noi Folg für oi ufelade. Scusi!) Mir hoffed, ihr händ trotzdem alli schön gfiiret, sind gsund (nöd so wie gfühlt 90% vode Bevölkerig right now) und rutsched alli guet is noie Jahr!

Ide hütige Folg gahts um de Zuekunftstag und Zuekunftsplän, alti Bekannti und Unischeiss ⭐️ Tune in!

Hier könnte Ihre Werbung stehen

Wiedermal e Folg wo nöd pünktlich s Liecht vode Öffentlichkeit erblickt hät - Scusi! Defür werdeder hüt belohnt mit zwei Folge, Tune In!Zudem: Hier könnte Ihre Werbung stehen

Hüt beschäftiged mir ois hauptsächlich mit de Frag: Wo isch oise Summer ane und warum hämer voreme Jahr schomal e Folg mit genau dem Folgetitel veröffentlicht? Fragen über Fragen, nichts desto trotz hämer oi hüt ganz viel heissi Storys parat. Es gaht ums Peopleplease, Überwindig vo Ängst und em heissischte Scheiss us oisne aktuelle Läbe. Egal ob ihr no e schöni Wanderroute sueched oder nöd wüssed i welli Badi ihr als nächsts Mal sölled gah, mir händ d Antwort parat! Tuned in und gönned oi e neui folg Gschmois vo ois, zum de schäbig Summer mal für e Stund uszblände.

Leuteee mir hend MAJOR Life Updates für oi parat! Lang hämer oi warte lah, aber i dere Folg erwartet oi wiedermal so richtigs OG Gschmois vo ois. D'Jana verzellt vo ihrem Bali-Trip und Usflug uf Hamburg, während d'Salome vo ihrere Reis uf Bella Italia und ihrem Abstächer uf Prag schwärmt. Mir sinniered eimal meh übers Lebe und oisne brillante Zuekunftsplän, wo bald losgönd! Losed ine, zum Travel Hacks mitbecho und de heisstisti Serie-Tipp vode Saison z erfahre - Mir hend au es paar Ufgabe für oi parat, wo ihr ois chönnd mit Inputs unterstütze. Slided ois also gern id DMs! Hebed eui Sorg & Tuned in

Hüt brennt ois vieles under de Negel! D Jana hät sich nach Jahre wieder mal in Datingdschungel gwagt, und verzellt vo ihrne traumatisierende Erläbnis. D Salome rantet über unfähigs Verchaufspersonal und ihri gschitereti Worklife balance ide letzte paar Wuche. Zudem bespräched mir oisi Ferieplän und d Salome probiert de Jana ihri Vacay Anxiety z näh. Wennd wüsse wetsch, was d Jana für noie Sport usprobiert hät, wiemer NÖD sött en Staubsuger an Mah/ad Frau bringe und was grad susch so i oisem Läbe abgaht, denn tuuuuune in!

List de Text eigentlich irgendöpper?

Gheimi Bonusfolg, wo nie veröffentlicht worde isch...

Lieber z‘spat als nie - das hend mir ois au dänkt und sind drum sit langem endlich mal wieder ad Seck! Di ersti Folg vom Jahr ischs Äquivalent zu ois, bizli träg, light-headed und natürlich voller Problem. Es gaht um löchrigi Wösch, interessanti Ihrichtigsgegeständ, Neujahresvorsätz und es generells Life-Update vo ois. Enjoy und froied oi ab jetzt uf e frischi Folg jede Monet (hoffentlich)!

Hüt sind mir voller Vorfreud: über de Jana ihri geniali neui Wohnig und de Salome ihri bevorstehende Ferie! Mir redet über de WK am Arsch der Welt und d'Bachelorarbet, wo sich au nöd voneleige schriebt. Es gaht um Trash, Hustle, gueti Musig, Abschied und en kurrlige Foxtrail in Bern. Ih dem Sinn: allne en guete Schlussspurt, en schöne Summer und bis zude nächste Folg, tune in!

Hüt sind d Salome und d Jana ungwohnt guet druf underwägs. So guet, das mir glatt d Zyt vergässe händ und mer über die aggressive Verkaufsstrategie vom Vero Moda nur no lache chönd. Redelustig verzellt d Salome vode letzte Errungeschaft im Studium und d Jana über ihres noie, alte Hobby. Generell mutiered mir langsam aber sicher, wie mir mit Schrecke i dere Folg münd feststelle, immer meh zu Ömis. Es wird über Usgang und Puzzles diskutiert, Kaffi- und Werbekonzept pitcht und natürlich au wieder über absolute Nonsense gredet. E noi Folg zum ihschalte, abschalte und vergässe!

Mer chönnt meine, d Salome isch gar nöd am studiere, sondern jettet um di ganz Wält. Während d Jana im monotone Alltag steckt, isch d Salo scho wieder ide Ferie gsi - Dasmal in Rom, und es wird über schlächti Pizza, Falschparkendi und Touristefalle brichtet. D Jana verratet ihri Tipps für di perfekt Wohnig und uf was mer bide Wohnigssuechi unbedingt luege muess. Wennd wetsch wüsse, wies bi de Salo aktuell im Studium und im Paralleluniversum vode Jana lauft, denn los ine und lahn dich vonere witere Stund Nonsense berisle! [Song 1: Panikweiss - Majan ft Schmyt Song 2: Gimme Love - Russ]

Ide hütige Folg wird keis Thema usglah, denn euisi Nerve ligged blank. Mir löhnd Dampf ab und es wird niemert verschohnt, will es gaht um nervigi Husverwaltige, unfähigi Fraueärzt, überraschendi Vorkommnis ade Uni und no vieles meh! Wenn au du wüsse möchtsch, wie d'Salome is neue Semester gstartet isch oder was d'Jana am Fasnachtsmäntig erwartet, los ine und lahn dich überrasche vo neuem Premium-Content.

Miteme knappe Monet Verspötig wünsched au d Salome und d Jana oi no es guets Neus und hoffed, ihr sind guet is 2023 gstartet! D Salome und d Jana hend beid ihri Neujahrsvorsätz gfasst und verfolged die meh oder weniger sehr konsequent. Mir redet über s Erwachse werde, en volle Terminkalender und über chlini Träum, wo sich bereits im neue Jahr erfüllt händ. Heissi Podcast- und Buechtipps sind au debi, aber inwiefern das d Salome bim flissig Exposé schribe understützt, isch fragwürdig. D Jana hingäge froit sich über ihri bevorstehende Ferie und isch immerno froh, no keis Studium ahgfange zha. Losed ine und begleitet oisi Gedankegäng bimne guete Kaffi, Tee, Matcha oder Wässerli und lönd oi das Hundswätter für en churze Moment vergässe lah.

Es schneielet es beielet - es gaht en arschchalte Wind! Villicht isch das de Grund, wieso das mir i dere Folg wiedermal chli Müed underwägs sind. Trotz allem wird de Salome ganz warm, wänn sie a ihri bevorstehend Bachelorarbet dänkt und d Jana Hitzewallige überchunnt, wänn sie ihri Tierarzt-Rächnige gseht. Wänner wännd wüsse, wie mir oisi seasonal Depression handlet, wie mer sich sälber mit de aktuelle Sale-Ahgebot verarscht und was mir i dem Jahr am meiste ufe und abe glost händ, losed ine und gönned oi e Stund feini Underhaltig usem Hause Gschmois vo Ois! Mir münd jetzt go Glüehwii trinke und ois am Kraftklub Konzert go ufwärme - N‘schönä!

Jede Ahfang hät au leider äs Endi, dadezue ghöred leider au langersehnti Ferie. D'Misses Worldwide aka Salome häts i ihrne Ferie wiedermal id Ferni zoge, wo hingäge d Jana schöni UHU-Ferie verbracht hät. Mir probiered z kläre, wieso im Kunstturne gfühlt alles glich usgseht und wie mer sich NÖD sött uf e Tropereis vorbereite (ussert mer isch sehr risikofreudig und brucht de Kick). Losed ine und vergässed für e Stund, das i knapp 1 1/2 Mönet scho Wiehnachte isch.  Enjoy!

Räge Räge tröpfli, es prasslet uf oisi Chöpfli - Dä Herbst staht vor de Tür und mir schwelged nomal in Erinnerig vode letzte paar guete Spatsummertäg. Under anderem wird de Jana ihre Filmriss vo ihrem Geburi ufgarbeitet und über de Hustle vo de Salome i ihrem Praktikum verzellt. Aber au suscht liefemer oi dere Folg wieder mal es all Inclusive Ahgebot mit Tipps für neui Musig, Events to be, Must Seen Film im Herbst und vielem meh. Losed ine und gnüssed e Stund lang ihkuschlet Dehei inere warme Decki und me Teeli s Hundewätter dusse. S wird besser - we promise!

Wüsseder no, damals ide Folg 26? Ach ja, damals simer no voller Froid und Excitement gsi für die bevorstehende Openairs. Mittlerwile wüssemer, Openairing will gelernt sein! Hüt ranted d Salome und d Jana über gschitereti Organisatione vo Grossahläss und ihres nervigste Openair St. Galle ever! Nach 3 Jahr Pause isch ois de Ihstig zrugg id Campingwält dütlich schwär gfalle - wänn ihr ois wännd uslache oder mit ois mitfühle, losed ine und gönned oi!

Wännd wetsch wüsse, wies de Salome ide Lernphase gaht und wies de Jana i ihrem erste WK ergange isch, losed ine! Extra churz und knackig, damit jede auno gnueg Zyt hät zum de Summer und d Sunne wo ändlich da isch z gnüsse. Wichti Care-Tipps für Sunneempfindlichi Lüt und handy Tipps zum oie Balkon oder Terrasse uffreshe gits gratis obedruf! Losed ine und lönd eui de Ohreschmaus uf de Ohrmuschle zergah, wie es chalts Glace amne heisse Tag.

Hey party people! Hüt git oi d'Salome en chline Venedig-Guide und brichtet vo ihrere churze Usziit in Bella Italia. D'Jana hets krache lah im Usgang und isch drum bizeli chrazig unterwegs, was de Folg aber kein Abbruch tuet. Mir verzelled oi vom 01099-Konzert, inklusive kurrlige Erlebnis mit junge Lüüt im Konzertsaal und Merch (achtung Kaufempfehlig). Zum Schluss gahts um es richtigs und wichtigs Thema: de Verhüetig, sowie um Politik. Leute, mir stimmed ab am 15. Mai, also informiered oi und bringed das Kuvert zude Gemeind! 

Leute, mir hend oi gaaanz vill z'verzelle, hüt gahts richtig ab!!! Mir sind ufeme absolute Höch und brichtet oi vo neue Jobs, Konzertplän, Buechempfehlige, brandneue Songs und no vielem meh. Es gaht um Büsis, Ski fahre, Kommunikationskonzept und alti OASG-Stories. Im Gegesatz zum Wetter strahled mir, als ob Hochsummer wär. Tauched ih und lönd oi vo oisere guete Luune ahstecke, es chunnt alles guet und s'Lebe gaht wieder los!

Hurra, mir hend en witere Meilestei erreicht! D'Zahl 25 staht zwar für Gliichgwicht im Lebe, mir sind aber grad alles andere als im Glichgwicht. Ih oisere 25. Folg gahts nämlich um alles und nüt! D'Misses Worldwide verzellt vo ihrem Trip uf New York City, währenddem d'Jana vo mysteriösem Chopfweh plaget isch (vo wo chunnt das ächt?). Es folgt e dramatischi Story über arbetslosi Semesterferie und e churzi Anekdote über e legendäri Reunion vo vier gackerige Hüehner. D'Jana packt us und brichtet vome unglaubliche Erlebnis, womer hend dörfe während oisem Sprachufenthalt in Bournemouth erlebe. Nur so vill: es sind rohi Eier und sozial schwachgstellti Mensche ime dunkle Park involviert. Tune in und hebed oi Sorg!

Hüt dreht sich alles ums Thema - äh, wüssemer eigentlich sälber nöd so genau. Äs bizli Neujahresvorsätz bespreche und 5-Sterne-Netflix-Bewertige sind aber sicher es Thema. Wieso dass d Jana kei ÖV meh fahrt und wenn dass d Salome ahfangt, ihri Semesterferie z gnüsse, das erfahrsch i dere Folg. Tune in und lahn dini Ohre wiedermal vo ois verwöhne.

Mir garantiered oi minimum es Schmunzle bim lose, also di perfekt Lösig zum dini seasonal depression wenigstens für e Stund z verdränge. Gschmois vo ois goes international, mir verzelled vo oisem Trip nach Amsterdam und kurrlige Erläbnis, wo mer nöd wännd misse. Au bi ois wiehnachtets und passend zum Abschluss vomne witere, gar nöd mal so geile Jahr, lömer d Songs, wo ois durs Jahr begelitet hend, revue passiere und diskutieret eimal meh über Spotify-Wrapped. Losed ine und händ Teil anere Folg mit vielne Lachahfäll, oder wie früehner di coole gschribe händ: #lol #rofl

Für die hütigi Folg händ mir ois is Radiostudio kämpft und das nur für oi! Mir sind beidi müed und es isch, als hetemer oise Glüehwii scho trunke, obwohl mer de für später ahdenkt hend. Mir redet über de Jana ihri neui Wohnig und wieso sie ihres Läbe grad richtig gnüsst. D'Salome verzellt vo tolle Gruppearbete und Wohnstudie mit bahnbrechende Ergbnis. Mir schweifed wieder herrlich ab ih wundervolli deep talks und bespreched, was ois grad umetribt. Es gaht um ABBA, en Gheimtipp für di perfekti Bewerbig und Brustkrebs. Tune in!

Leute! Mir hend oi wieder vill z'verzelle, will es isch einiges passiert. Mir händ Rolle tüüschlet: d'Jana het wieder en Job, währenddem d'Salome im letschde Monet ihri Festahstellig niedergleit hät und zur Vollbluet-Studentin worde isch. Warum Tutti.ch en Award gwünne sött und wieso das 23 jährigi Fraue in Usgang ab 16ni gönd, erfahreder ide neue Folg "Gschmois vo ois". Aber nöd nur bi ois het sich vill tah, denn s'Studierende Radio "Campus.fm" vode ZHAW heisst jetzt neu "ZAKK". Meh dezue verzelled mir ide neue Folg. Tune in!

Ide hütige Folg gahts witer mit neuem Ohreschmaus! Es herbstelet und mir zwei müede Seele sinniered über de Summer, wo sich scho bald wieder am Endi zueneigt. D'Salome brichtet vo ihrne Chiller-Ferie z'Italie und ihrem neue Göppel. D'Jana spilled some tea und verratet ois s'Neuschde vode Job-Front und welli tolle Acts am Openair Gampel gsi sind (not). Mir redet drüber, ob hürate für ois in Frag chunnt und muetmassed über die nächste Abstimmmige. E wunderbari Folg mit Abschweifige par Excellence. Vill Spass bim inelose!

Nach langem Warte meldet mir ois endlich Mal wieder zrugg mit neuem Gschmois und verwöhned oi Lauscher mit Unterhaltig der Extraklasse! De Summer isch nöd eifach gsi bis jetzt, mit viel Ups and Downs kämpfed mir ois jedoch wieder langsam zrugg in Alltag. D Semesterferie vode Salome und s Arbeitsloselife vo de Jana hittet ois wie d Moderna-Impfig nachem 2. Picks. Vo Spitzesport, zu Quarterlifecrisis bis zum Militär isch wieder Mal alles debi. Losed ine und freued oi uf (hoffentlich) wieder regelmässigi Folge vode zwei Trashqueens to be. Enjoy!

Ide hütige Folg wird ordentlich Dampf abglah über d'Arbetsmentalität vo oisne werte Kollege ide Romandie. D'Jana laht ihrne Gfühl freie Lauf und verzellt, wieso sie grad kei Bock uf gar nüt meh het. D'Salome truuret de guete alte Ziite nah, wo sie no ihri Wiisheitszäh im Muul gha het, statt Löcher. Sie leiht de Grundstei für ihri journalistischi Karriere mittels me Interview mitere bekannte Person, währenddem d'Jana nanig mal weiss, was sie ih zwei Mönet macht. Losed ine und lönd oi erkläre, wieso s'Militär und Studium e gueti Erfahrig isch (glichzitig aber au nöd).

Us de Semsterpause sind mir au in alter Früschi im neue Jahr wieder für eu da. D'Jana verzellt, wies ihre im KVK ide Westschwiz lauft und welli Rolle de Röstigrabe debi spielt. Es gaht um verschobeni Semesterprüefige und Cyberattackene, aber au um oisi Meinig zum Thema Impfe und hormonelli Verhüetig. Mir erfülled oisi Ufgab als Bildigspodcast und fröged ois, öb mer jetzt Gschalte oder Automat söll fahre lerne und ob sich Wiisheitszäh zieh würkl lohnt.

I dere Folg zelebriered mir euises einjährige Jubiläum und schweifed übers vergangene Jahr. Aber s gaht für eimal nöd um Corona, Krisezite oder d’US-Wahle, sondern eifach nur um «gueti» Musig. Mir redet über euises Spotify Wrapped 2020 und hänked euisi Erinnerige a die jewilige Top-Songs a. Tune in und find villicht dis neue Lieblingslied oder en neue inspirierende Artist wo dir gfallt. Oder lahn dich eifach vo euisem Gschmois berisle.

Mir startet inä neui Ära mit neuem Glück und neue Idee! Ab sofort produzieremer fürs Studierenderadio vode ZHAW, am Campus.fm, und fühled ois geehrt, en Teil vode coole Community dörfe z'sih. Tuned in und erlebed live euisi Struggles vode erste Ufnahm imne richtige Radiostudio. D Jana chillts momentan i ihrne Militärfreie Ferie und D Salo i ihrere Selbststudiumwuche leider eher weniger. Über Politik, first world problems und viel Musig hets i dere Folg wiedermal öppis für jedi und jede debi!

Das isch de Jana ihri Geburi-Folg (alli wo nanig gratuliert hend, chönnds jetzt no nahhole). Ide neue Episode redemer über oise Summer - unterschiedlicher chönnt er nöd sii. Es gaht um Aspiratione im Militär, Reise ide Schwiz und neui Guilty Pleasures. Schaltet ih, wenn ihr wennd wüsse, was ois grad bewegt, beschäftigt und ufregt. Enjoy oises Gelaber! (Aber nur, wenner scho go abstimme sind oder no gönd!)

Eimal meh versuecht d Jana mit Händ unf Füess de Salo de ominösi, komplexi Zirkusverein Namens „Militär“ z erkläre, Inklusive es bizeli Waffechund. Salome isch mit de Gedanke jedoch scho i ihrne wohlverdiente Ferie, während d’Jana philosophiert über s Wätter und d Vorkommnis ufem Waffeplatz. Tune In und probier mit de Salome s Militär z verstah und dir mit unnützem Wüsse Zyt chli z vertriibe.

Mitere lange Verspötig häts die 12. Folg doch au no is world wide web gschafft! Nebst em militärgelaber über di vergangeni UOS und de Abschlussüebig und Brevetierig schwelgemer hüt in Erinnerige vo de zahlriche Openairs wo mir scho erläbt händ zäme. Mir vermissed dä Festivalsummer, du au? Tune in und chum mit i di (zumindest für das Jahr) verscholleni Wält vom Openairläbe und de vergangene Festivalsummer! (Fremdscham und zahlriichi Lacher garantiert)

Ide hütige Folg verzellt d'Jana vode bestandene RS und eme emotionale letschde Tag. D'Salo isch mitem Chopf scho bi ihrne Modulschlussprüefige und lost trotzdem no fremde Mensche bim telefoniere im Zug zue. Es gaht um WEMA, Pancakes, KV-Goals und sportlichs Abchratze. Usserdem erfahred ihr de Jana ihri zuekünftige Plän fürs Militär, wer scho wieder es Handydrama het und wer villicht bald Früchtechörb im Praktikum dörf uffülle. Tune in & enjoy our Gelaber! ✨

Lasst die Affen aus dem Zoo! Hüt isch oisi erschdi Jubiläums-Folg, scho die 10. Episode isch ufgnoh und wie wänns nöd besser passt isch d‘Jana endlich für es paar Täg us de Quarantäne im Militär entlah worde. (Wer hets denkt? Mir nöd!) Mir sind stolz uf oisi tolli Hörerschaft und bedanked ois ganz herzlich bi oi. ❤ Und ja, es het sich nöd vermiede lah, au ih dere Folg redemer über alles und nüt, aber vor allem au über Corona. Mir tusched ois drüber us, wie sich oise Alltag veränderet het und was mir als ersts nach de Karantäne mached. Es gaht um die positive Aspekt vom Virus, Kurzarbeit & Zwangsferie, Trash-TV und Volleyball ufem Waffeplatz.

Lang hemmer nüt meh vo ois ghöre lah. Obwohl mir die Folg scho vor meh als eme Monet ufgnoh hend, hemmer sie nöd veröffentlicht. De Grund defür verzelled mir ide Folg 10. Leider laht d'Tonqualität z'wünsche übrig, trotzdem wemmer oi die Folg nöd vorenthalte. Losed ine, wenn ihr wüsse wänd, wieso d'Salo zu Corona-Ziite im Spital gsi isch und chömed mit ufe Ziitreis ih oises Läbe vom März 2020.

Happy international women's day! Hüt isch e Premiere, denn mir spaziered bi wunderschönem Wetter dusse umenand. Mir tusched ois drüber us, wie mir de Coronavirus wahrnehmed und was er für konkreti Folge für oises persönliche Läbe hät. Es gaht ih dere Folg aber au ums Frau-Sih, de Verzehr vo Lebensmittel im ÖV und ganz mysteriösi Postchärtli. Vill Spass bim Zuelose!

Mir meldet ois nach 3 Wuche ändlich wieder zrugg mit villne neue Anekdote um Chopfverletzige, Falaffel & Netzkabel! Zum Teil no bizeli verkateret, totmüed & au scho wieder total gstresst vom Studi-Alltag gnüssed mir de Ustusch das Mal vode Salo ihrem Balkon us - total authentisch Dank Motorfahrzügbsitzer mit Minderwertigkeitskomplex.

Di hütigi Folg isch zwar churz & knackig, doch sie hets in sich. Mir werded deep & philosophiered über d'Zuekunft. Aber au banali Themene und unagnehmi Situatione bim poschde mit Selfscan oder s'Fasse vo neue Fahrzüg im Militär dörfed nöd fehle. Zudem verzelled mir, welli berüehmti Person mir ide Stadt ahtroffe hend - Tune in!

Sooo, hüt isch de grossi Tag cho – d’Jana het di erscht Wuche vom Militärdienst als Rekrut ide Schwizer Armee überlebt! Ide hütige Folg laht d’Jana d’Chatz usem Sack und packt us, wies ihre ide erschte Wuche als Rekrut ergange isch. Au d’Salome het e ufregendi Ziit mit ihrne Prüefige hinter sich. Wenn du wüsse wetsch, was es mit Spirale und Kommunikation uf sich het, was d’Jana bereits jetzt vo ihrem Material verlore het und welli Klischees wo mer vom Militär (und Fraue, wo is Militär gönd) ghört, stimmed oder nöd – das erfahrsch du jetzt. Tune in!

Nois Jahrzähnt, nois Glück! Zum Jahreswechsel besprechemer oises 2019, denn vill Fründe und mitunter au mir händ im vergangene Jahr Entscheidige troffe, wo oise Läbensweg für di nechste Jahr werded präge. Es durzognigs Jahr mit villne Höche und Tüüfene isch das liebe 2019 gsi. Tune in und los ois zue wiemer alles nomal Revue passiere lönd - und zu guter letzt, all oisne Hörer und Follower natürlich no es belateds Guets Nois!

Egal ob im Fuessballclub, Turnverein oder im Gschäft: Wiehnachtsässe sind essenziell und momentan so aktuell wie de Glüehwiikater nachem Wiehnachtsmärt oder s gruusige Dezember-Wätter verrusse. Mir reded hüt über s Mysterium vom bsoffnige Chef, pläuderlet chli usem Nähchästli und d Jana verzellt vo ihrem Wiehnachtsässe am vergangene Wucheend. Zum Schluss resumiered mir no oises Spotify Rewind 2019 und leaked oisi Guilty Pleasures was Musig ahgaht - Losed ine und findet use ob ihr de gliche Meinig sind wie mir und ob gwüssi Sache genau so ablaufed bi oiem Wiehnachtsässe. Mir bedanked ois schomal jetzt fürs Ihschalte und ushalte!

Mir händ de Narre am Podcaste gfrässe und sind in Plauderluune. Hüt lömmer di vergangeni Wuche revue passiere. Es gaht um Prüefigsstress im Studium, Druckerinsle und gruusigi Ihrichtige im Büro und e langersehnti Bournemouth-Reunion. Mir sinniered über d’Situtation vo junge Erwachsene ufem Arbetsmärt und verzelled vomene Konzert, wo ganz andersch use cho isch, als mir erwartet händ. Lönd oi überrasche und losed ine!

Klappe die Erste! Di ersti Folg vo oisem Laberpodcast isch da, und er wird sim Motto meh als Grächt. Hüt verzellt d'Jana über ihres komische Wucheend in Stuttgart sowie über Lifehacks für broki Lüüt und d'Salo thematisiert die Leiden des ewigen Krankseins und Assi-TV-Sendige im Namittagsfernseh. Tune In!