Podcasts about iwwert

Wärend dem Lockdown huet jiddereen eppes gesicht, fir d‘Zäit erëm ze kréien. Déi eng hunn Brout gebak, déi aner hu geléiert bitzen oder hunn Puzzle gemaach. Dem Schrëftsteller Benjamin Myers hat an där Zäit de kontroversen dätsche Schauspiller Klaus Kinski entdeckt, an war obsedéiert. Iwwert deen huet hien elo en experimentellt Buch geschriwwen. D‘Claire Barthelemy huet et vir eis gelies.

"Wagner oder Gebrauchsanweisung für Fortgeschrittene in der sorgenfreien Liebe zum Bayreuther Meister": dës nei ILL-Produktioun leeft den Donneschdeg an de Samschdeg am Mierscher Theater. De Metteur en scène Jacques Schiltz ass beim Jeff Schinker am Studio, fir mat him iwwert d‘Stéck iwwert de kontroverse Richard Wagner ze schwätzen.

Vill Personalwiesselen, komplizéiert administrativ Prozesser, en Direkter dee quasi net präsent ass a schlecht Zoustänn an de Strukturen – den ONA huet am Audit vun der IGF, der Generalinspektioun vun de Finanzen, ganz schlecht ofgeschnidden. Dobäi goufe verschidde Problemer scho jorelaang kritiséiert. Firwat ass näischt dogéint ënnerholl ginn a wéi soll den Office national de l'accueil elo reforméiert ginn, dat froe mir den DP-Familljeminister Max Hahn.

E Mëttwoch de Moie waren d'Industrie an d'Energiekris Theema an der Emissioun "Invité vun der Redaktioun".

E Samschdeg war de Kulturminister Eric Thill eisen Invité an der Emissioun Background am Gespréich um Radio.

En Dënschdeg de Moie war de Sozialdialog Theema an der Emissioun "Face-à-face".

E Samschdeg war den CSV-Inneminister Invité am RTL-Studio.

D'Recht op sécher an einfach zougänglesch Schwangerschaftsofbrech ass essenziell fir eng gläichberechtegt Gesellschaft wou jiddereen*t iwwert den eege Kierper entscheede kann. Déi Lëtzebuerger Gesetzeslag am dem Beräich gëllt als relativ liberal. Bis zur 12. Schwangerschaftswoch (oder och bis zur 14. Woch seit d'Regelbluddung ausgefall ass) kënne schwanger Leit aus egal wéiengem Grond eng Ofdreiwung duechféiere lossen. Allerdéngs hu mir um Beispill vun den USA gesinn, wéi séier sech dat ännere kann. Aus dësem politesche Klima eraus huet déi lëtzebuerger Partei, déi Lénk, de Prozess an d'Weër geleet fir d'Recht op Schwangerschaftsofbroch ofzesécheren, an an der Verfaassung zu verankeren. Dozou haten zu Lëtzebuerg vill Leit vill verschidde Meenungen. An dëser Episode tauschen Ella an d*e Robin sech aus iwwer den Diskurs de Lëtzebuerg säit leschtem Joer bewegt. An der Rubrik erklärt d*e Robin wat eng Window of Tolerance ass. Quellen: Un droit à l'avortement dans la Constitution ? Les travaux parlementaires avancent - Chambre des Députés du Grand-Duché de Luxembourg Abtreibung in der Verfassung: Die Abgeordneten entscheiden sich für den Begriff „Freiheit“ - Luxemburger Wort Debatte um Abtreibung: Gérard Schockmel zieht Kritik auf sich - Reporter.lu La liberté de recourir à l'avortement sera inscrite dans la Constitution - Chambre des Députés du Grand-Duché de Luxembourg Geschichte - fraendag.lu Brochure d'Information: Interruption Volontaire de Grossesse (IVG) - sante.lu ABTREIBUNG: Von lebenslänglich zur Fristenregelung - woxx.lu Schwangerschaftabbruch in Luxemburg - CID Fraen an Gender Die Gesetzgebung in Luxemburg - CID Fraen an Gender Why Luxemburg wants to write the freedom to have an abortion into the constitution - Lëtzebuerger Journal Erwäänten Erfahrungsbericht aus dem Lëtzebuerger Journal: Wat mengs du? Iwwert d'Pësperen a volle Räim, een Temoignage - Lëtzebuerger Journal

Episod 357 – Iwwert Suizid schwätzen léieren All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. An dëser Episod geet et ëm e schwéiert, mä wichtegt Thema: Suizidpräventioun. D'Ligue luxembourgeoise d'hygiène mentale huet eng nei Formatioun gestart, déi dozou bäidroe soll, datt méi Mënschen léieren, wéi ee mat Persounen an enger suizidaler Kris ëmgeet. D'Melanie Czarnik war dobäi an erzielt, wéi esou eng Formatioun ofleeft an wat se bewierke kann. Den Artikel, iwwert dee mir geschwat hunn: Suizidprävention: Über Suizidalität sprechen lernenThe post Iwwert Suizid schwätzen léieren first appeared on Radio ARA.

Am Presseclub gouf iwwert d'Situatioun am Noen Oste geschwat, de Resilienz-Plang, grad ewéi d'Avortement-Debatt.

Am Presseclub gouf iwwert d'Situatioun am Noen Oste geschwat, de Resilienz-Plang, grad ewéi d'Avortement-Debatt.

Iwwert dem Spielberg seng Duerstellung vum Holocaust war de Claude Lanzmann deemools schockéiert - hien huet gemengt verschidde Saachen wieren einfach irrepresentabel. Den Documentaire "Holofiction" vum Michal Kosakowski beliicht grad, wéi d'Shoah an der Fiktioun duergestallt gouf - a misst, esou de Marc Trappendreher, an all Schoulprogramm opgeholl ginn.

Op der falscher Platz spuere kann deier ginn. Fir e Paradigmewiessel am ëffentlechen Optragswiesen: Qualitéit ass kee Luxus, mee deen eenzege Wee, fir eng nohalteg Zukunft ze bauen. Eng Carte Blanche vum Pierre Hurt, Direkter vum Ordre des Architectes et des Ingénieurs-Conseils (OAI).

Op der falscher Platz spuere kann deier ginn. Fir e Paradigmewiessel am ëffentlechen Optragswiesen: Qualitéit ass kee Luxus, mee deen eenzege Wee, fir eng nohalteg Zukunft ze bauen. Eng Carte Blanche vum Pierre Hurt, Direkter vum Ordre des Architectes et des Ingénieurs-Conseils (OAI).

Iwwert d'Konscht- a Kulturoffer zu Lëtzebuerg kann ee sech haut wierklech net bekloen. En etlech fannen, nieft hirem eegenen alldeegleche Programm, just keng Zäit dofir. Dach, fir eng schonn: fir d'Akaafskultur. Viru knapps 10 Joer hate 7 Fraen sech an de Kapp gesat, déi ze revolutionnéieren, an domat d'Gesellschaft nohalteg ze veränneren. Si hate séier Succès: fir hiert Konzept vum Null-Verpackungsbutték si si mam Innovatiounspräis ausgezeechent ginn, hu kuerz drop den éischten “Ouni” op der Gare opgemaach. Viru 5 Joer ass en 2. “Ouni” zu Diddeléng annoncéiert ginn. Zanter 2 Joer ass Lëtzebuerg elo ouni “Ouni”. D'Kerstin Thalau huet mat Diddelénger Membere vun der Cooperative geschwat. Dëst Gespréich ass eng Rediffusioun aus dem Mee 2024.

Viru knapps engem Mount, den 8. Mee, ass zu Roum den neie Poopst Leo XIV. gewielt ginn. Iwwert de Profil vum neie Pontifex, dozou eng Carte blanche vum Georges Hellinghausen.

Viru knapps engem Mount, den 8. Mee, ass zu Roum den neie Poopst Leo XIV. gewielt ginn. Iwwert de Profil vum neie Pontifex, dozou eng Carte blanche vum Georges Hellinghausen.

Iwwert de Weekend sinn am Wettbewerb vun der 78. Oplag vum Festival de Cannes nei Filmer vu mat de bekanntste Regisseuren aus der Competitioun gelaf. Bekannt heescht awer net onbedéngt, dass déi Filmer och iwwerzeegen - wéi iwwerzeegend "Nouvelle Vague" vum Richard Linkater, "Die My Love" vum Lynne Ramsey an "The Phoenician Scheme" vum Wes Anderson sinn, verrode mer iech haut.

Et ass den 29. Januar 2025, kuerz virun 9 Auer owes. Iwwert dem Floss Potomac an der amerikanescher Haaptstad Washington, kréie sech e Passagéierfliger an en Helikopter ze paken a falen erof an d'Waasser. Fir déi 67 Männer a Fraen u Bord kënnt all Hëllef ze spéit.

Et ass den 29. Januar 2025, kuerz virun 9 Auer owes. Iwwert dem Floss Potomac an der amerikanescher Haaptstad Washington, kréie sech e Passagéierfliger an en Helikopter ze paken a falen erof an d'Waasser. Fir déi 67 Männer a Fraen u Bord kënnt all Hëllef ze spéit.

E Freideg de Moie waren d'Positioune vum EU-Deputéierten Thema an der Emissioun "Invité vun der Redaktioun".

“Musek am Syrdall ass esou eng Frëndschaft mam Publikum a mat de Kënschtler”, seet de President vum Festival Jeannot Waringo. Zanter 1988 gëtt et de Festival, an dëst Joer ass et mat der 36. Editioun déi lescht Saison. Iwwert all déi Jore gouf et ëmmer ee roude Fuedem: nei Kompositiounen, haaptsächlech vu jonke Kënschtler, an de Vierdergrond stellen an e “Lieu de rencontre” si fir iwwer Kultur an och aner Saachen ze schwätzen. Dëst Joer sti véier Concerten am Mäerz an Abrëll um Programm, mat der Mënster Musek, dem Perkussiounsensembel vum Stater Conservatoire, dem Lëtzebuerger Lidderchouer an der Kammerata Luxembourg. Am Gespréich mam Marie Schockmel verréit de Jeannot Waringo méi.

Fir déi éischt TOL-Produktioun 2025 inzenéiert d'Véronique Fauconnet een Auteur, deen si scho laang wollt op d'Bün bréngen. Dass Sarah et Hugo vum Daniel Keene, ee Stéck iwwert eng jonk elengerzéiend Mamm an hire 16-järege Bouf, dobäi direkt eng Weltpremière géif ginn, war u sech net esou geplangt. Am Interview mam Jeff Schinker huet d'Metteuse en scène ënnert anerem iwwert d'Zesummenaarbecht mat engem ganz jonke Schauspiller an de Respekt virum Auteur an dem Text geschwat.

D'Zuel vun den Auslänner, déi sech fir d'Gemengewalen aschreiwen, geet lues a lues erop, bleift awer nach ëmmer bedauerlech niddereg. Gläichzäiteg klëmmt d'Unzuel vu Leit, déi trotz Walflicht net wiele ginn. Wéi kënnt dat? Ass et en Desintérêt fir de Walprozess, deen ëmmer manner d'Diversitéit vun eiser Gesellschaft spigelt? An dëser Carte Blanche ginn dës Froen an d'Resultater vun enger rezenten Étüd vum Cefis méi genee ënnert d'Lupp geholl.

De Roman River East, River West koum ufanks lescht Joer bei den Editions William Burrow an Duckworth eraus. D'Geschicht spillt zu Shanghai a China. Erzielt gëtt se ofwiesselnd aus der Perspektiv vun der Teenagerin Alva an hirem Stéifpapp Lu Feng. Béid hunn eng komplizéiert Bezéiung zur Sloan, hir Mamm respektiv Fra, eng Amerikanerin, déi den an USA net géing opfalen, a China awer ëmmer am Mëttelpunkt dierf stoen. D'Buch erfuerscht dobäi den Effekt vun der Sloan hirer exzentrescher Perséinlechkeet op d'Liewe vun hirer Famill. Déi franséisch-chinesesch-amerikanesch Autrice Aube Rey Lescure war dës Woch op Invitatioun vum Bicherclub Between the Lines an der City Bibliothéik fir d'Buch ze presentéieren. Den Nicolas Calmes duerft sech duerno mat hir ënnerhalen.

Virun engem Mount ass de syreschen Diktator Baschar al-Assad gestierzt ginn. D'Diskussiounen iwwert den Ëmgang mat syresche Flüchtlingen huet net laang op sech waarde gelooss. Och d'Lëtzebuerger Regierung huet séier decidéiert, d'Decisiounen iwwert de Statut fir syresch Migrante bis op Weideres op Äis ze leeën. Ënnert anerem de Flüchtlingsrot, Passerell an d'Asti ruffen zur Virsiicht op an dat zu Recht fënnt d'Claudia Kollwelter a sengem Commentaire:

The Ancient, esou gëtt den Abu Qadim Haqq genannt. Dee mëttlerweil 55 Joer ale Mann ass eng Zentralfigur am Afrofuturismus Konschtmouvement vun Detroit. A sengem CV steet ënner anerem, datt hien d'Albumcovere vun den Techno-Legenden Underground Resistance an Drexciya gemaach huet. The Ancient war zu Lëtzebuerg ze gesinn: Am Claudio Caruso sengem Vinyl Harvest Buttek zu Esch huet hien zwou Stonne laang eng Dier bemoolt, bis datt eng Cyber-Fra op engem Päerd ze gesi war. Seng Duechter d'Qadira huet wärenddeems een DJ-Set gespillt. Duerno duerft ee Froe stellen. The Ancient huet op Nofro erkläert, firwat seng Duechter am Homeschooling ass: well den ëffentleche Schoulsystem zu Detroit miserabel ass - dëst ass zanter iwwert 30 Joer keng Neiegkeet. An Amerika ass Detroit dacks d'Punchline vu Witzer, déi scho laang net méi witzeg sinn, besonnesch zanter déi staark Automobilindustrie ënnergaangen ass. Den Ancient selwer war an enger kathoulescher Privatschoul. Seng Eltere konnte sech dat leeschten, well säi Papp fir Chrysler an der Fabrik geschafft hat. Dat war zu enger Zäit, wou een och ouni Schoulofschloss eng gutt bezuelten Aarbecht konnt fannen. D'Stad Detroit ass awer och fir hir immens kreativ Musekszeen bekannt; och Hiphop gëtt do groussgeschriwwen. Den Eminem an seng Kolleegen am Rapkollektiv D12 si vun Detroit a liewe weiderhin do. Op e puer vun dëse Saache koum deen nom Mole midden Här mam Nicolas Calmes ze schwätzen.

En Donneschdeg waren d'Auslännerwalrecht an d'Diskussioune ronderëm d'Pensiounen an d'Aushandele vun de Kollektivverträg Themen um Radio.

Viru gutt 7 Joer hu Kreativer, Wëssenschaftler, Handwierker, Interesséierter den DKollektiv gegrënnt, fir sech um Site vum fréieren Diddelenger Walzwierk mat Industriekultur ze befaassen. De Feedback war positiv, esou datt aus der Initiativ 2022 den Tiers-Lieux culturel VeWa ervirgaangen ass: eng Plaz tëscht Schaff an Doheem, wou Leit Kenntnisser, Fäegkeeten, en Espace, Material a Ressource gemeinsam fir kreativ Zwecker deele kënnen. Zanter hier stinn d'Saisonen ënnert engem gewësse Sujet. Iwwert dee gëtt recherchéiert an um Enn eng Expo op d'Bee gestallt. Jo, a fir 2024 steet se ewell: d'Kerstin Thalau huet sech vum Serge Ecker duerch “Sols et sous-sols” guidéiere gelooss.

Déi Lëtzebuerger Fotografin Liz Lambert geet mat de Schof op Tour. “Transhumanz” heescht hire Projet, dee sie mat der Bourse vum Centre National de l'Audiovisuel (CNA) an der Lëtzebuerger Gaardenausstellung LUGA realiséiere wäert. Iwwert déi nächst Méint wäert sie dofir eng Wanderschéiferei aus dem Norde vum Land bei hiren Tier begleeden. Wéi genee wëll d'Liz Lambert déi Wanderunge fotografesch festhalen? De Joé Birchen huet bei der Laureatin vun der Bourse nogefrot.

De Yoann ass e franséische BD Auteur, dee fir de BD Festival zu Conter war. De Yoann huet fir déi gréisst belsch Verlager geschafft. Fir Dupuis huet hien d'Episoden 51-55 vun Les aventures de Spriou et Fantasio gezeechent an domat d'Vermächtnis vum André Franquin weidergefouert, an de Figure vum Marsupilami, Gaston Lagaffe a Compagnie neit Liewen agehaucht. Weiderhin huet hien och de Spirou Superhelden Spinoff Super Groom an d'Band vu chaotesche Superhelden Les CaptainZ geschaaft. Den Nicolas Calmes huet den Auteur um Festival geinterviewt.

We are talking about the Heat Waves :)

Eng Biographie iwwert e Museker, de grad emol 32 Joer huet? Esouguer bei engem Phenomeen wéi dem Kit Armstrong mécht dat net vill Sënn. Der Inge Kloepfer hiert Buch ass dann och éischter eng Bestandsopnam vun der Entwécklung vun engem aussergewéinleche Mënsch, e Museker an Naturwëssenschaftler, deen als Jugendleche quasi schonn alles erreecht hat. Wéi ass esou eng Entwécklung ze erklären? Wéi eng Zieler bleiwen, wann ee mat Mëtt 20 schonn um Zenit ass? De Guy Engels huet d'Buch gelies.

Eis net gefrote Meenung iwwert däitsch Museker, vill Spaass.

Iwwert d'Konscht- a Kulturoffer zu Lëtzebuerg kann ee sech haut wierklech net bekloen. Eng etlech Leit fannen, nieft hirem eegenen alldeegleche Programm, just keng Zäit dofir. Dach, fir eng schonn: fir d'Akafskultur. Viru knapps 10 Joer hate 7 Fraen sech an de Kapp gesat, déi ze revolutionéieren, an domat d'Gesellschaft nohalteg ze veränneren. Si hate séier Succès: fir hiert Konzept vum Null-Verpackungsbuttek si si mam Innovatiounspräis ausgezeechent ginn, hu kuerz drop den éischten “Ouni” op der Gare opgemaach. Viru 5 Joer ass en 2. “Ouni” zu Diddeleng annoncéiert ginn. Zanter 2 Joer ass Lëtzebuerg elo ouni “Ouni”. D'Kerstin Thalau huet mat Diddelenger Membere vun der Cooperative geschwat.

Et gesäit esou aus, wéi wann sech d'Mobilitéitspolitik vun der aktueller Regierung an eng Richtung entwéckele géif, déi sech dach awer vun där vireger ënnerscheet. Dat léisst sech um Beispill vum Tram an den Diskussiounen ëm eng Ofkierzung duerch d'Avenue de la Porte-Neuve besonnesch gutt illustréieren. Am Podcast schwätze mir doriwwer, wéi et dozou komm ass a wéi grouss déi Ënnerscheeder dann tatsächlech sinn.

En Dënschdeg de Moie war de Wunnengsmaart Thema an der Emissioun "Invité vun der Redaktioun".

Iwwert de Rescht vum Mount maache mir hei um Radio Diere vun engem besonneschen Adventskalenner op. De Fotograf Christian Aschman huet nämlech an enger Fotoserie d'Entwécklung vum Kierchbierg festgehalen, an all Dag tauche mer zesumme mat him an eent vu senge Biller an. Mir ware well op Diecher vun héije Gebaier an a lauter Stroossen ënnerwee, dofir geet et haut op eng weider nei Plaz.

Am zweete Band vun den Choreographical Talks déi vum Lëtzebuerger Literaturarchiv editéiert ginn, gëtt d'Simone Mousset en Abléck an hiren Alldag als Choreographin. Si weist, wat de kreative Prozess engem ganzen Ensembel ofverlaangt, ier enger Danz-Kompositioun virum Publikum kann opgefouert ginn. - Iwwert des Choreographical Talks an d'Simone Mousset elo méi vum Léon Rinaldetti.

Déi al “Nature – Nurture” Debat ass iwwerlieft: D' Wëssenschaft ass sech eens, datt engem Kand seng Entwécklung souwuel duerch geneetesch Facteure wéi duerch Erfarunge beaflosst ginn. Eng Carte Blanche iwwert d'Interaktioun tëscht dem Ëmfeld an de Geenen, déi d'Entwécklung steieren, a wat d´ Politik doraus schléisse kann, vun der Entwécklungspsychologin a Wëssenschaftlerin Pascale Engel de Abreu.

Och wann vill ze wéineg gemaach gëtt, ass kloer: Jiddereen*t muss seng Emissioune verréngeren! Jiddereen*t? Nee, een Sektor muss näischt maachen, an dat ass d'Militär. Dobäi sinn Arméien am Fong grouss Klimakiller. An senger Recherche

En Donneschdeg de Moie war ënner anerem den Accueil vun den ukrainesche Flüchtlingen Thema an der Emissioun "Invité vun der Redaktioun".

An der Covid-Kris huet sech gewisen, dass vill Fuerscher, déi an der Ëffentlechkeet stoungen, harceléiert goufen. Wa mer wëllen, dass Fuerscher hiren Knowhow mat der Gesellschaft deelen, musse mer e Wee fannen, se ze schützen, sou de Chef vum FNR, de Marc Schiltz.

A new episode of Local Matters, a look behind walls, a look into the studio of Radio Ara where Jeannot Schmitz for 32 years, has hosted the show Iwwert d'Maueren. Prisoners call in and leave messages for their loved ones, live on the radio. Photo: pexels/Nikita-Nikitin

Iwwert de "Mëttelstand Bockel" gëtt schonn zanter 30 Joer geschriwwen a geschwat. Geschitt ass awer näischt, ausser vläicht an déi falsch Richtung, de Cotisatiounstaux fir d'Krankekeess ass an d'Luucht gaangen an d'Steiertabell ass net méi un d'Inflatioun ugepasst ginn. Betraff si grad déi Jonk, mam Statut "Independant," An dëser Carte blanche mécht de Gaston Ternes eng Rechnung, déi eigentlech all Politiker zum Handele motivéiere misst.

De Schlof vum Kand, eent vun deenen Theemen, dat villen Eltere besonnesch um Häerz läit.. Iwwert de Schlof vum Kand gëtt vill diskutéiert an debattéiert, an am Laf vun de Joerzengten sinn do eng Rei Mythen, Wourechten an Onwourechten entstanen. Fir e bëssen opzeraumen an deem Sujet an eis op de neiste Stand vun der Fuerschung ze bréngen, hunn ech haut d'Tania Hemmer, eis Spezialisten zum Thema Kanner an hire Schlof, invitéiert.

De Ben trëfft monter weider an den Dylan feiert säi Comeback, wärend de Gilles nom däitsche Klassiker net sou richteg wees, wouhi mat sech. E Match, bei deem rëm alles dra war an um Enn awer op en Neits Bayern als Gewënner vum Terrain geet. Mee dat soll net den eenzege geckege Match an der Bundesliga gewiescht sinn! Iwwert Ëmweeër soll den Dylan matkritt hun, firwat et zu Gladbach net esou leeft... an op der Insel kann de Rolf Rangnick säin Debut feieren.

De 25. November war den internationalen Dag fir d'Eliminatioun vun der Gewalt géint Fraen an den 29. dee vun de Mënscherechtsverdeedegerinnen. Den 9. Dezember ass den internationalen Dag vun de Mënscherechtsverdeedeger an den 10. dee vun de Mënscherechter. Dës Deeg musse laut dem Magali Paulus zemools an dëse speziellen Zäiten nach méi gewierdegt ginn. Si schafft fir CELL an ass engagéiert bei etika an dem Collectif Tax Justice Lëtzebuerg.