Am Bistro mat der Woxx – ARA Podcasts

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. E Schlaganfall kënnt dacks aus dem Näischt – a fir vill Betraffener schléit en tatsächlech aus heiterem Himmel. An dëser Episod schwätze mir iwwert e wichtegt awer nach ëmmer ënnerschatte Gesondheetsthema: Firwat gëtt et ëmmer méi jonk Mënschen, déi en Schlaganfall erliewen? D'Melanie Czarnik huet sech mat der Presidentin vum Blëtz a.s.b.l. ënnerhalen an erkläert, wéi wichteg séiert Handelen a gesellschaftlech Opklärung an deem Kontext sinn. D’Artikelen, iwwert déi mir geschwat hunn: Schlaganfall: Aus heiterem HimmelThe post Am Bistro mat der woxx #332 – Schlaganfall in jungen Jahren first appeared on Radio ARA.

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. Déi meescht Software, déi zu Lëtzebuerg an der Verwaltung benotzt gëtt, kënnt vu grousse US-Techkonzernen – Microsoft, Google, Amazon a Co. A mat engem Trump, dee rem an der Regierung ass, stellt sech d'Fro: Wat passéiert, wann dës Konzerner op eemol net méi wëllen oder däerfen? D'Regierung gesäit kee grousse Risiko, mä aner Länner wéi Däitschland oder Holland huelen d'Saach méi eescht. Wat heescht technologesch Souveränitéit iwwerhaapt? Firwat kéint Open Source eng Léisung sinn? A wéi eng Alternativen ginn et fir jiddereen*t am Alldag? Am Gespréich mat Joël Adami geet d'woxx dëse Froen op de Grond. Den Artikel, iwwert dee mir geschwat hunn: IT-Infrastruktur: Digitale Abhängigkeiten The post Am Bistro mat der woxx #330 – Digitale Abhängigkeit first appeared on Radio ARA.

Et gi vill Grënn, fir eng Psychotherapie-Sëtzung per Videokonferenz ofhalen ze wëllen: Et ass een*t a senger Mobilitéit ageschränkt, et huet een*t eng ustiechend Krankheet oder sëtzt esou déif an enger Depressioun oder Angschtstéierung, datt een*t grad net virun d’Dier kann. Egal wéi: Dacks sinn et déi Krisemomenter, wou et besonnesch wichteg wier, fir Therapie kënnen an Usproch ze huelen. Mä zu Lëtzebuerg ginn dës Online-Sëtzungen net vun der Gesondheetskeess CNS rembourséiert. An dat, obwuel sech am Fong jiddereen – Psychotherapeut*innen, Patient*innen, CNS a Gesondheetsministère – eens ass, datt dat sënnvoll wier. Wisou ass dat esou? D’Melanie Czarnik huet dat fir d’woxx recherchéiert. An dëser Episod erkläert si, wat si dobäi erausfonnt huet a wisou och de Remboursement vun Online-Therapie am Fong just ee klenge Schratt wier. Den Artikel, iwwert dee mir geschwat hunn: Psychische Gesundheit: Inklusive PsychotherapieThe post Online-Psychotherapie ass nëtzlech, mä wisou gëtt se net rembourséiert? first appeared on Radio ARA.

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. Asexualitéit – e Wuert, dat fir vill Leit nach onbekannt ass. Awer fir aner ass et eng wichteg Identitéit, déi se endlech beschreift. Am Podcast vun haut schwätze mir doriwwer, wat et heescht, keen sexuellt Verlaangen ze spieren, firwat dat näischt mat Krankheet ze dinn huet, a firwat et Zäit ass, dass och d'‘A‘ am LGBTQIA+ gesi gëtt. Den Artikel, iwwert deen mir geschwat hunn: Asexualität und Aromantik: Wer A sagt The post Am Bistro mat der woxx #328 – Kein Begehren? Kein Problem! Asexualität und Aromantik first appeared on Radio ARA.

Bei der Klimabeweegung denkt een*t vläicht als éischt u jonk Leit, déi Freides op d’Strooss ginn oder sech op d’Strooss pecht. Zu Lëtzebuerg waren dës zwou Aktiounsformen zwar ni immens staark, mä trotzdeem dominéieren esou Biller den ëffentlechen Discours. Mä et ginn och ganz aner Klimaaktivist*innen, déi och mat anere Methode schaffen. Esou zum Beispill d’Klimasenior*innen, ëm déi et dës Woch am Podcast geet. Engersäits ginn et d’Klimaseniorinnen aus der Schwäiz, déi eng grouss Victoire zu Stroossbuerg virum Europäesche Geriichtshaff fir Mënscherechter errongen hunn. Wat dat Urteel bedeit a wat d’Schwäiz elo maache muss, erkläert d’María Elorza am Podcast. Si schwätzt och doriwwer, wat deen nach klenge Grupp vu Lëtzebuerger Klima-Senior*innen esou wëlles huet. Den Artikel, iwwert deen mir geschwat hunn: Klimaklagen: Sie zeigen den WegThe post Wéi Senior*innen sech an d'Klimabeweegung abréngen first appeared on Radio ARA.

Zu Lëtzebuerg gëtt et ee Mangel u Plazen a Strukture fir Leit, déi geflücht sinn. Zesumme mat dem extrem iwwerlaaschte Wunnengsmaart feiert dat zu Situatiounen, datt Leit aus de staatleche Strukturen expulséiert ginn. Hir eenzeg ëffentlech Alternativ ass dann déi sougenannt Maison de retour – oder d’Wanteraktioun. Am Podcast erkläert d’María Elorza, wéi et zu dëser Situatioun komm ass a wéi se sech warscheinlech entwéckele wäert. Den Artikel, iwwert deen mir geschwat hunn: Politique d'asile : Signaux d'alerte.The post Wann den Dierwiechter an d'Flüchtlingsheem kënnt … first appeared on Radio ARA.

Et gi vill Virdeeler iwwert Roma, an zu Lëtzebuerg sinn dës besonnesch staark, wéi déi rezent Diskussiounen iwwert Heescheverbuet gewisen hunn. De Fabien Grasser huet fir d’woxx mat zwou Associatiounen, déi sech d’Roma zu Lëtzebuerg an an der Grenzregioun asetzen, geschwat. Hien erkläert am Podcast, wat Problemer a Virurteeler sinn a wat fir Widderstänn et an der Lëtzebuerger Politik gëtt, zum Beispill géint eng aire de transit. Mir schwätzen awer och doriwwer, wat eng Roma-Associatioun um Festival des Migrations mécht a wat d’Besicher*innen vun hirem Stand erwaart. Den Artikel, iwwert dee mir geschwat hunn: Roms du Luxembourg : l'État aux abonnés absents. Besicht och d’woxx op eisem Stand um Festival des Migrations (Stand Nummer 128).The post D'Situatioun vun de Roma zu Lëtzebuerg first appeared on Radio ARA.

De Wunnengsproblem zu Lëtzebuerg ass grouss – eng Tatsaach, där sech déi meescht Leit wuel bewosst sinn. Wéineger bekannt ass awer, datt de Logement och ee feministescht Thema ass. Wisou dat esou ass, erkläert d’Tatiana Salvan an dëser Episod vum woxx-Podcast. Et geet ëm Diskriminéierung, Lounënnerscheeder an d’Fro, wat d’Politik ënnerhëlt. Ausserdeem stelle mir d’Fuerderunge vun der Plattform JIF, déi de Logement dëst Joer zu engem vun hiren Haapttheme gemaach huet, méi genee vir. Den Artikel, iwwert deen mir geschwat hunn: Le logement, source d'inégalités entre les sexesThe post Wisou Logement ee feministescht Thema ass first appeared on Radio ARA.

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. An dëser Episod schwätzt de Joël Adami mat der Melanie Czarnik iwwer d'Reform vum Naturschutzgesetz an d'Kritik, déi dës mat sech bréngt. Wéi kann d'Regierung d'Natur schützen a gläichzäiteg méi Wunnraum schafen? A geet et hei wierklech ëm eng equilibréiert Léisung oder ginn Ëmweltauflagen einfach ofgebaut? Mir kucken, wéi d'Reform sech op d'Biodiversitéit an d'Liewensqualitéit am Land auswierke kéint a firwat Klimaschutz ëmmer méi aus der politescher Prioritéitenlëscht verschwënnt. Den Artikel dozou: Reform des Naturschutzgesetzes: Mit der Kettensäge The post Méi a méi séier bauen: Op Käschte vun der Natur? first appeared on Radio ARA.

An dëser Episod vum Podcast schwätzen d’Melanie Czarnik an de Joël Adami doriwwer, wéi et ass, net gutt ze héieren. Mir gi gewuer, wat d’Ursaache fir Schwerhörigkeit kënne sinn, an diskutéieren, wéi dat och erëm op op d’Psych schloe kann. Mir beliichten d’Situatioun zu Lëtzebuerg, déi duerch d’Méisproochegkeet net grad einfach ass, an dofir och héich Ufuerderungen un Dolmetscher fir déi däitsch Gebäerdesprooch mat sech bréngt. Zum Schluss geet et dann och drëm, wat d’Politik maache kéint, fir fir méi Inklusioun ze suergen. Den Artikel dozou: Leben mit Schwerhörigkeit: MissverstehenThe post Wat Schwerhörigkeit mat psychescher Gesondheet ze dinn huet first appeared on Radio ARA.

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. Haut schwätze mir iwwert d’Klimakris an hir Auswierkungen op Lëtzebuerg. Wéi hu sech d’Temperature bei eis verännert, a wat sinn déi konkret Konsequenzen fir d’Natur an d’Aarbechtswelt? De Joël Adami erkläert, wéi d’Regierung mam neie Klimaupassungsplang reagéiert a firwat d’CSL Ännerungen am Aarbechtsrecht fuerdert, fir d’Aarbechter*innen besser ze schützen. Den Artikel dozou: Klimakrise: An der Anpassung arbeitenThe post Klimakrise: Pläne der Regierung, Forderungen der CSL first appeared on Radio ARA.

Haut schwätze mir iwwert ee komplext an onangeneemt Thema, nämlech Suizid. Wisou ass et wichteg, iwwert Suizid ze schwätzen an och dat Wuert ze benotzen? Wat kann ee*nt maachen, wann ee*nt mat enger Persoun konfrontéiert ass, déi suizidär Gedanken äussert? D’Melanie Czarnik an de Joël Adami diskutéieren net just iwwert déi Froen, mä schwätzen och doriwwer, wat fir gesellschaftlech Gruppe besonnesch betraff sinn. Si decken och e puer Mythen, déi et iwwert suizidär Persoune ginn, op. Den Artikel dozou: Psychische Gesundheit: Gefährliches SchweigenThe post Wisou ass et wichteg, iwwer Suizid ze schwätzen? first appeared on Radio ARA.

Leschten Dënschde gouf an der Chamber iwwert zwou Petitiounen diskutéiert. Déi eng wollt all LGBTIQA-Themen aus der Schoul verbannen, déi aner huet sech fir méi vun dësen Themen am Unterrecht agesat. D’Melanie Czarnik an de Joël Adami diskutéieren am Podcast, wéi si dës Diskussiounen erlieft hunn an analyséieren, wéi d’Politik mat de Petitiounen ëmgaangen ass – an iwwerleeën, wat een hätt kéinte besser maachen. D’Artikelen dozou: LGBTIQA-Politik: Sonntagsreden reichen nicht & Debatte: Nicht-Wissen-Wollen The post Zwou Petitiounen zum Thema LGBTIQA an der Chamber first appeared on Radio ARA.

Kuerz virun Enn vu senger Präsidentschaft huet de Joe Biden nach eng Kéier säfteg Sanktioune géint Russland beschloss. Den Donald Trump schéngt dat net ze steieren, hien huet dem Putin mat nach méi Sanktioune gedréit, sollt de Krich an der Ukrain net geschwënn zu Enn sinn. Ee gudde Moment also, fir sech unzekucken, wat déi Sanktioune genee sinn a wéi se wierken. An Russland gëtt et zwar eng Zort wirtschaftleche Boom, mä trotz niddreger Aarbechtslosegkeet an héije Léin kënne sech vill Leit d'Liewen net leeschten. Wisou dat esou ass, erkläert den Thorsten Fuchshuber an dëser Episod vum woxx-Podcast. Den Artikel, iwwert dee mir geschwat hunn: Russland und die US-Sanktionen: Kannibalisierende KriegswirtschaftThe post D'russesch Krichswirtschaft an d'Konsequenzen first appeared on Radio ARA.

Obwuel mir zu Lëtzebuerg keng eege Rüstungsindustrie hunn, gi Firmen aus dem Grand-Duché beschëllegt, u Krichsverbrieche bedeelegt ze sinn. Dat dës Firmen zwou Banke sinn, ass fir déi meescht vun eis warscheinlech net iwwerraschend. An dëser Episod geet et dorëms, wéi Lëtzebuerg a seng Finanzplaz bei Kricher a Krichsverbrieche matmécht. Ob dëst manner wäert ginn, hänkt vun der Regierung of, wéi d’woxx-Journalistin María Elorza Saralegui erkläert. Dat hänkt engersäits dovunner of, wéi d’Richtlinn fir een Droit de vigilance ëmgesat gëtt, an anerersäits dovunner, wéi Lëtzebuerg an Zukunft mat sougenannten Dual-Use-Projeten ëmgeet. Den Artikel, iwwert deen mir geschwat hunn: Génocide des Kurdes : Responsabiliser les complicesThe post Dual-Use: Krichsmaterial aus Lëtzebuerg? first appeared on Radio ARA.

Eng däitsch Aktivistin huet opgedeckt, datt de Programm „Basis“, dee fir d’Verwaltung vun de Donnée vu Prisonéier benotzt gëtt, net konform mat der Dateschutz-Reglementatioun ass. An wéi si méi Informatioune wollt hunn, huet et geheescht: Nee, well Lëtzebuerg wëll déi Informatiounen net erausginn. Lëtzebuerg? Jo, och de Grand-Duché benotzt „Basis“, mä hei am Land gesäit d‘Administratioun keng Problemer mam Dateschutz. D‘woxx ass der Saach op de Grond gaangen, am Podcast schwätze mir doriwwer. Den Artikel, iwwert deen mir geschwat hunn: Gefängnisverwaltung: Die Software für alles – außer Datenschutz The post Gëtt et Dateschutz am Prisong? first appeared on Radio ARA.

An der neier Episod vun Am Bistro mat der woxx schwätzt d’Melanie Czarnik iwwert hir Recherche zu der sougenannter Kënschtlecher Intelligenz an der Roll, déi se am Kampf géint Einsamkeet spillt. Riets geet iwwert Plattformen wéi Replika an déi nei friend-App, wéi KI als Begleeder funktionéiert a wat fir Risiken an Erausfuerderungen domat verbonne sinn. Den Artikel, iwwert deen mir geschwat hunn: Die Illusion von Gesellschaft The post Die Illusion von Gesellschaft first appeared on Radio ARA.

An der neier Episod vun Am Bistro mat der woxx schwätzt de Joël Adami iwwert seng Meenung an Usiichten zur sougenannter Kënschtlecher Intelligenz, wéi hien se och a sengem Essay an der neister woxx duergeluecht huet. Riets geet iwwert d’Verschmotzung vum Internet, iwwert d’Materialitéit vu KI an anere Programmer a wéi grouss den ökologesche Foussofdrock vun esou Programmer ass. Hien erkläert awer och, wat fir Uwendunge senger Meenung no sënnvoll sinn a wat vun der KI-Fabrik vun der Lëtzebuerger Regierung ze halen ass Den Artikel, iwwert deen mir geschwat hunn: Der Computer bleibt dummThe post Am Bistro mat der woxx #314 – Wisou de Computer domm bléift an kënschtlech Intelligenz virun allem Hype ass first appeared on Radio ARA.

An der neier Folg vu Am Bistro mat der woxx schwätzt Joël Adami iwwer Eewäik-Chemikalien an eisen Gewässeren. Hien erklärt, wat dës Chemikalien sinn, wéi se an d’Ëmwelt kommen a wéi eng Geforen se fir Mënsch a Natur duerstellen. Hien beliicht och déi onvollstänneg Donnéeën an d’Gesetzeslag an Europa a gitt en Abléck an déi aktuell Situatioun zu Lëtzebuerg. Den Artikel, iwwert deen mir geschwat hunn: EwigkeitschemikalienThe post Ewigkeitschemikalien first appeared on Radio ARA.

Am Kader vun der Orange Week werfe mir haut ee Bléck op digital Gewalt géint Fraen. Villes, wat dorënner fält, léisst sech mat Cyberstalking an Iwwerwaachung zesummefaassen. Frae gi vun hire Partneren oder Expartner elektronesch iwwerwaacht. Dat geet net just mat engem Smartphone, mä mëttlerweil och mat dem Auto. D’Melanie Czarnik erkläert am Podcast, wat fir Methoden et ginn, mat deenen d’Täter hir Affer iwwerwaachen a stalken – an awer och, wéi een sech dogéint ka wieren. Den Artikel, iwwert deen mir geschwat hunn: Digitale Gewalt: Das Handy als TatwaffeThe post Wat ass digital Gewalt géint Fraen? first appeared on Radio ARA.

Frankräich wëll de System änneren, wéi d‘Suen, déi Frontalieren am Chômage ze gutt hunn, berechent ginn. Si sollen deemno däitlech manner kréien, wat och eng grouss Verschlechterung vun hirer Situatioun mat sech bréngt, well d'Liewen hannert der Grenz duerch déi héich Léin zu Lëtzebuerg däitlech méi deier ginn ass wéi am Recht vu Frankräich. Am Podcast erkläert de Fabien Grasser, wéi et zu dëser Reform koum, wat se fir d'Frontaliere bedeit a wéi zu Lëtzebuerg dorobber reagéiert huet. Dobäi geet et och ëm déi lëtzebuergesch Regierung, déi bis elo éischter de Kapp an de Sand gestach huet. Den Artikel, iwwert deen mir geschwat hunn: Indemnités chômage des frontalier·ères français·es : La variable d'ajustementThe post Wat geschitt mam Chômage vu franséische Frontalieren? first appeared on Radio ARA.

Am EU-Parlament gouf beschloss, de Start vum Anti-Deforestatiounsgesetz ëm ee Joer ze verréckelen. Mä net nëmmen dat, et koum och a leschter Minutt zu Ännerungen um Text u sech. Dëst alles duerch eng Koalitioun aus rietsen a rietsextreme Parteien. Am Podcast erkläert d’Tatiana Salvan, wéi et zu dësen Ännerunge koum, wat un hinne kritiséiert gëtt a wéi d’Zukunft vum Anti-Deforestatiounsgesetz elo ausgesäit.The post Wisou gouf d'Anti-Deforestatiounsgesetz vun der EU verréckelt? first appeared on Radio ARA.

Déi geplangte Reform vum Naturschutzgesetz steet staark an der Kritik. Dat net nëmme wéinst dem Inhalt, mä och wéinst der Aart a Wéis, wéi d’Gesetz entstanen ass. An dëser Episod vum Podcast erkläre mir, wat et mat der Ee fir Allemol-Kompenséierung, dem Bam-Präbbeli an der Natur auf Zeit op sech huet, wat un dëse Konzepter kritiséiert gëtt a wisou an dësen Diskussiounen de roude Schéierschwanz (Rotmilan) esou dacks optaucht. Den Artikel, iwwert dee mir geschwat hunn: Reform des Naturschutzgesetzes: Rotmilan, Goldammer und PetersilieThe post Wat bréngt d'Reform vum Naturschutzgesetz? first appeared on Radio ARA.

All Woch bitt d'woxx Iech an hirem Podcast en Abléck an hir journalistesch Aarbecht a beliicht d'Hannergrënn vun engem Artikel. Das Functional Fitness Gym „Iron Sparks” zeigt, wie Inklusion im Sport gelingen kann. Am kommenden Samstag, dem 9. November wird es für sein Engagement geehrt. Wir waren vor Ort und sprechen heute über dieses spannende Projekt. Den Artikel, iwwert dee mir geschwat hunn: Grenzenlose Fitness The post Grenzenlose Fitness – Das inklusive Gym Iron Sparks first appeared on Radio ARA.

Dräi verschidde Mesüre goufen eleng dëst Joer a Kraaft gesat oder virgestallt, déi als Zil Repressioun géint aarm Leit, meeschtens Mënschen ouni feste Wunnsëtz, déi heeschen, hunn. Déi Projeten hunn allerdéngs och vill Kritik mat sech bruecht, a sinn deelweis an hiren Detailer zimmlech absurd. D’María Elorza Saralegui huet an der woxx vun dëser Woch eng Zesummefaassung gemaach, wat an deene leschte Méint geschitt ass, a wat déi wichtegst Kritikpunkten dorunner sinn. Si erkläert eis am Podcast, wat fir repressiv Moossname geplangt sinn. Den Artikel, iwwert dee mir geschwat hunn: Obdachlos in Luxemburg: Kein Platz für ArmeThe post Ëmmer méi Repressioun géint Aarmer first appeared on Radio ARA.

Die Scham muss die Seite wechseln, nämlich auf die Seite der Täter. Diese Forderung ist in Frankreich zum Schlachtruf einer neuen Feminismusbewegung geworden. In Luxemburg bleibt es vergleichsweise still, und doch erhebt auch hier eine Gruppe junger Feminist*innen ihre Stimme, die „Voix de jeunes féministes“. Der Artikel über den es geht: Das Patriarchat in Flammen? The post Am Bistro mat der woxx #306 – Das Patriarchat in Flammen? Junger Feminismus in Luxemburg first appeared on Radio ARA.

Weltraum: Ënnert engem Himmel voller Dreck Millioune vu Weltraumtrëmmer kreesen ëm eis Äerd, wat d’Resultat vun de ville Rakéitestarten aus de leschte Joerzéngten ass. D’Gefor vu Kollisiounen, déi nei Trëmmer schafen, klëmmt, an domat och d’Bedreeung fir Satellitten, bemannt Flich a fir eis Gesellschafte, déi staark op Satellittendéngschter ugewise sinn. Lëtzebuerg an aner Weltraumakteure denken elo méi u nohalteg Léisungen. Den Artikel, iwwert dee mir geschwat hunn: Espace : sous un ciel de déchetsThe post L'espace a besoin d'air first appeared on Radio ARA.

D’Diskussioune ronderëm eng méiglech Pensiounsreform hunn dës Woch offiziell ugefaangen. Dat, obwuel an deene leschte Méint scho vill iwwert Thema geschwat gouf. Mat enger Diskussiounsplattform sollen all d’Bierger*innen matschwätze kënnen, mä net vill. Wien sech vun engem Zeechelimit vu 500 Zeeche virun de Kapp gestouss fillt, ass net eleng: Och d’Gewerkschafte sinn net zefridde mat der Aart a Wéis, wéi d’Regierung deen Discours organiséiere wëll. Am Podcast erkläert de Fabien Grasser, wisou de Start vun där grousser Debatt mësslongen ass. Den Artikel, iwwert dee mir geschwat hunn: Pensions : la tension monte entre syndicats et gouvernementThe post D'Diskussiounen ëm d'Pensiounsreform hate kee gudde Start first appeared on Radio ARA.

Zu Lëtzebuerg gëtt et eng staark Segregatioun am Schoulsystem. Schüler*innen, déi doheem net Lëtzebuergesch schwätzen oder déi aus engem schwaache sozioekonomeschen Haushalt kommen, lande vill manner dacks am Classique wéi zum Beispill lëtzebuergesch Schüler*innen mat räichen Elteren. D’María Elorza Saralegui huet sech fir d’woxx ugekuckt, wat d’Ursaache vun deenen Ënnerscheeder si kéinten. Fest steet, datt d’Orientéierung am sechste Schouljoer wuel vir vill Leit dee wichtegste Moment an hirem Liewen ass, deen hir spéider berufflech Zukunft scho festleet. Dofir schwätze mir am Podcast och vill doriwwer, wéi sech déi Orientéierung an deene leschte Jore verännert huet, mä awer och doriwwer, wisou keen iwwert eng grouss Reform mat engem verlängerten Tronc Commun schwätzt. Den Artikel, iwwert dee mir geschwat hunn: Ungleichheiten im Bildungswesen: Die BlackboxThe post Wisou si bal just lëtzebuergesch Kanner am Classique? first appeared on Radio ARA.

Zanter e Mëttwoch ass kloer: De Wollef soll deemnächst an der EU manner streng geschützt sinn. Argumentéiert ginn ass dee Schratt mat Problemer, déi d’Déier soll verursaachen, zum Beispill duerch Schof, déi gerass ginn. Och Lëtzebuerg huet sech fir ee manner strenge Schutz ausgeschwat. Domadder huet d’Regierung eng 180-Grad-Dréiung higeluecht, ouni déi awer genee ze erklären. Am Podcast schwätzen d’María Elorza Saralegui an de Joël Adami iwwert de Wollef, seng Situatioun zu Lëtzebuerg an an der EU, an iwwert Fro, wéi ee Management vum Wollef kann ausgesinn. Dozou gehéieren eventuell och Ieselen – wat et mat deenen op sech huet, gitt dir natierlech och am Podcast gewuer. All d’woxx-Artikelen zum Thema Wollef fannt dir ënnert dësem LinkThe post D'EU an de béise Wollef first appeared on Radio ARA.

Dës Woch huet d’woxx zesumme mat der ErwuesseBildung d’Journalistin Kathrin Zeiske op Lëtzebuerg invitéiert, fir iwwert de Grenzregime tëscht den USA a Mexiko ze schwätzen. Am Podcast erzielt d’Melanie Czarnik eis, wat déi vun eis, déi net konnten do sinn, verpasst hunn. Et geet net nëmmen dorëms, wéi d’USA sech méi a méi ofschotten, mä och ëm d’Fro, wéi vermeintlech Vereinfachunge wéi d’Digitaliséierung vun der Asylprozedur gesellschaftlech Ännerungen ervirruffen. Mir schwätzen och iwwert Parallellen tëscht der EU an den USA, well an Europa ass d’Grenzpolitik genee esou mäerderesch. Mä d’Karthin Zeiske huet och nach eng ganz aner Säit, si ass nämlech Wrestlerin. Dem Kathrin Zeiske seng Artikel op woxx.luThe post Abschottungspolitik an den USA an an Europa first appeared on Radio ARA.

Et ass eng onverständlech Situatioun: Säit dräi an hallef Jore ginn d’Employéë vu Liberty Steel zu Diddeleng bezuelt, fir bal näischt ze schaffen. D’Stolwierk steet stell, déi ronn 160 Aarbechter*innen hu keng Aarbecht. An der leschter Zäit, huet sech d’Lag nach verschlëmmert: Säit Woche waarden d’Employée*n op hire Loun vum August, mä bis elo ass keen*t bezuelt ginn. D’Syndikater sinn alarméiert, den Aarbechtsministère suivéiert d’Situatioun. De Fabien Grasser präsentéiert dëst Woch seng exklusiv Recherche zum Thema an erkläert, wéi et dozou komm ass, wéi eng Zukunft d’Stolwierk an d’Aarbechter*inne erwaarde kéint a wat de Milliardär Sanjeev Gupta mat allem ze dinn huet. Den Artikel, iwwert dee mir geschwat hunn: Liberty Steel Dudelange : chronique d'une débâcle annoncéeThe post Liberty Steel an der finanzieller Kris first appeared on Radio ARA.

2023 louch d‘Zuel vun de Policeasätz wéinst haislecher Gewalt déi éischte Kéier iwwer 1.000 pro Joer. Dat heescht, dat d‘Police ongeféier dräi mol am Dag geruff gëtt, well et Fäll vun haislecher Gewalt gëtt. D‘Affer vun an der Haaptsaach Fraen. Wéi d‘Verhältnis vun de Geschlechter genee ass, ass awer jee no Statistik ënnerschiddlech. Am Podcast erkläert d‘Melanie Czarnik net nëmmen, wisou dat esou ass, mä och, wat fir Angeboter et zu Lëtzebuerg esouwuel fir Affer wéi och fir Täter*innen gëtt. Thema ass awer och, wat d‘Regierung elo mat hirem neien Aktiounsplang wëlles huet. Den Artikel, iwwert déi mir geschwat hunn: Häusliche Gewalt: Gewalt fängt mit Worten an The post Wat maache géint haislech Gewalt? first appeared on Radio ARA.

Dat dschihadistesch Attentat zu Solingen huet vill Diskussiounen opgewullt. Nieft Messere gëtt och iwwert den Dublin–Prozess an Ofschiebungen geschwat, esouguer een Asylstopp ass am Gespréich. Am Podcast schwätzen de Joël Adami an den Thorsten Fuchshuber doriwwer, datt dës Debatten eigentlech sënnlos sinn, well se déi wierklech Problemer net uginn, nämlech d‘Fro, wisou sech Leit radikaliséieren an zu Terrorist*innen ginn. Thema ass awer och, wéi lëtzebuergesch Politiker vum rietse Bord déi Diskussiounen aus Däitschland opgräifen a probéieren, selwer politescht Kapital dorausser ze schloen. Déi Artikelen, iwwert déi mir geschwat hunn: Integration: Die falsche Debatte Islamistischer Terror
: Das Management 
der Barbarei
The post Déi sënnlos Diskussiounen no dem Attentat vu Solingen first appeared on Radio ARA.

Endometrios ass déi zweetheefegst gynekologesch Krankheet. Dacks sinn d‘Symptomer esou schlëmm, datt déi Betraffen hirem Beruff net méi richteg kënnen no goen. Eng nei Petitioun fuerdert elo, datt d‘Endometrios endlech als chronesch Krankheet unerkannt soll ginn – ausserdeem soll et méi Flexibilitéit op den Aarbechtsplaze ginn. Am Podcast erkläert eis nei woxx–Journalistin Melanie Czarnik, wat et mat där Krankheet op sech huet, a wisou d‘Politik sech mat enger Unerkennung esou schwéier deet. Den Artikel, iwwert deen mir schwätzen: Endometriose: „Nein, wir übertreiben nichts!“ Update: Mëttlerweil huet d‘Petitioun déi 4.500 Ënnerschrëften erreecht.The post Endometrios: Wisou gëtt dës Krankheet net unerkannt? first appeared on Radio ARA.

Wëll Planzen si wichteg fir d'Biodiversitéit, well si bidden Insekten a Vigel Narung a Liewensraum. Mä duerch verschidde Facteuren ginn et der ëmmer manner, vill Biotope verschwannen. D'woxx war sech dës Woch ee Projet ukucken, mat dem aktiv dogéint gekämpft gëtt. Am Podcast verréit d'María Elorza Saralegui, wat si bei hirem Besuch um Feld geléiert huet, wéi de Projet genee funktionéiert a wéi den Afloss vun der EU-Agrarpolitik dorobber ass.

Wëll Planzen si wichteg fir d'Biodiversitéit, well si bidden Insekten a Vigel Narung a Liewensraum. Mä duerch verschidde Facteuren ginn et der ëmmer manner, vill Biotope verschwannen. D'woxx war sech dës Woch ee Projet ukucken, mat dem aktiv dogéint gekämpft gëtt. Dëse Projet, bei dem wëll Planzen ugebaut an da Geseems fir Wiseblummen fir landwirtschaftlech a privat Notzer*innen verkaaft gëtt, gouf zesumme vum Naturmusée an dem Gemengesyndikat Sicona op d'Bee gestallt. Am Podcast verréit d'María Elorza Saralegui, wat si bei hirem Besuch um Feld geléiert huet, wéi de Projet genee funktionéiert a wéi den Afloss vun der EU-Agrarpolitik dorobber ass. Den Artikel, iwwert deen mir geschwat hunn: Biodiversität: Wer Samen sät …The post Firwat planzt ee Bauer Blummen un? first appeared on Radio ARA.

D’Petitioun Nummer 3198 wëll all queer Inhalter aus der Schoul erauskréien. Dat suergt säit gutt zwou Woche fir Diskussiounen, virun allem well quasi jiddereen*t eppes aneres an den Text vun der Petitioun eraninterpretéiert. Mä wat fir Argumenter ginn am Fong benotzt, fir dës Petitioun ze verteidegen? Am Podcast schwätze mir doriwwer, analyséieren déi Ängschte, déi dohannert stinn a ginn och e puer historesch Beispiller, wou et esou Verbueter an änlech Initiative scho gouf. Den Artikel, iwwert deen mir geschwat hunn: LGBTIQA: So net „queer“!The post Wouhier kënnt d'Angscht viru queere Kanner? first appeared on Radio ARA.

D'Petitioun Nummer 3198 wëll all queer Inhalter aus der Schoul erauskréien. Dat suergt säit gutt zwou Woche fir Diskussiounen, virun allem well quasi jiddereen*t eppes aneres an den Text vun der Petitioun eraninterpretéiert. Mä wat fir Argumenter ginn am Fong benotzt, fir dës Petitioun ze verteidegen? Am Podcast schwätze mir doriwwer, analyséieren déi Ängschte, déi dohannert stinn a ginn och e puer historesch Beispiller, wou et esou Verbueter an änlech Initiative scho gouf.

Déi endgülteg Fassung vum nationalen Energie- a Klimaplang (Pnec) wéist, wat CSV an DP a Saache Klimaschutz virhunn. Dat si manner Ambitioune bei der Energieeffizienz a méi Hoffnung an technologesch “Wonnerléisungen”. Mir analyséieren dat am Podcast, an schwätzen och iwwer ee Waasserstoff-Projet, deen erëm aus dem Pnec verschwonnen ass. Den Artikel, iwwert deen mir geschwat hunn:  Nationaler Energie- und Klimaplan: VerschlimmbesserungThe post Den neien nationalen Energie- a Klimaplang ass keng Verbesserung first appeared on Radio ARA.

Déi endgülteg Fassung vum nationalen Energie- a Klimaplang (Pnec) wéist, wat CSV an DP a Saachen Klimaschutz vir hunn. Dat sinn manner Ambitiounen bei der Energieeffizienz an méi Hoffnung an technologesch "Wonnerléisungen". Mir analyséieren dat am Podcast, an schwätzen och iwwert een Waasserstoff-Projet, deen erëm aus dem Pnec verschwonnen ass.

Wéi verännert d'kënschtlech Intelligenz d'Aarbechtswelt?  Et gëtt am Moment vill orakelt, well den Afloss vu sougenannter Kënschtlecher Intelligenz op d'Aarbechtswelt ugeet. Am Podcast erkläert de Fabien Grasser, wat hie bei senger Recherche zum Thema erausfonnt huet. Hien huet ënnert anerem mat Gewerkschafte geschwat, déi natierlech och hir Vue zu de Problemer a Chancë vu ChatGPT a Co. hunn. Mir schwätzen dann awer och iwwert Fro, wien am Fong d'Verantwortung huet, wann ee Computer eng Decisioun trëfft a wéi vill bei KI Hype  a wéi vill Substanz ass.

Am Podcast erklärt de Fabien Grasser déi politesch Lag a Frankräich, no der iwwerraschender Victoire vum Nouveau Front Populaire. Kann dat lénk Parteiebündnis eng Regierung bilden? Wisou wëll de Macron net agesinn, datt seng Partei d'Walen net gewonnen huet? An wéi grouss ass d'Gefor vum rietsextremen RN?

Dës Woch geet et an eisem Podcast ëm déi franséisch Politik an déi lëtzebuergesch Ënnerstëtzung fir de Front Populaire. De Fabien Grasser an d'María Elorza Saralegui schwätzen doriwwer, wéi d'Walen d'läscht Woch ausgaange sinn, wéi se dëse Sonnden ausgoe wäerten a wat dat neit lénk Bündnis nach rappe kann. Riets geet awer och iwwert Fro, wisou esou vill Leit a Frankräich eng rietsextrem Partei wielen a wat de Präsident Macron am Fong wëlles hat, wou hien Neiwalen ausgeruff huet.

Trans Mënschen hunn an de leschte Jore vill Haass erlieft. Dëst kënnt haaptsächlech vu Rietsextremisten, awer och aner politesch Beweegunge sinn ufälleg fir dës onmënschlech Ideologie. D'woxx huet e puer besonnesch heefeg Argumenter analyséiert, an am Podcast schwätze mir doriwwer, wat fir Argumenter et ginn, wisou se grad elo sou heefeg opkommen a wéi d'Parteien zu Lëtzebuerg sech positionéieren.

Singer-songwriter Ditty is based in Berlin and sings about making forests, not war. Apart from taking inspiration from nature, she walks the talk: In 2020, she went on her first carbon-neutral tour across India. This month, she just completed a smaller tour across Europe, with stops in Berlin, Frankfurt and Amsterdam. Before the end of her tour, the Woxx team met her to discuss how musicians can counter the environmental impact of the music industry. What does a carbon-neutral tour entail? How scaleable is it? And why will it take her 40 years to compensate her emissions? Listen in to our latest episode Um Canapé mat der woxx to find out!

Den Asylsystem generell an d'Dublin-Prozedur am spezielle verhënnert, dat Leit Asyl kréien, obwuel se an hirer Heemescht verfollegt ginn. No enger laanger Recherche wéist d'woxx-Journalistin María Elorza Saralegui unhand vum Fall vun der Famill Sedova, wéi Leit aus Lëtzebuerg expulséiert ginn, an si net genuch Zäit kruten, fir hir Geschicht duerzestellen an net emol eng Chance op Asyl haten. Mir schwätzen och iwwert Zoustänn, an deenen esou "Dublin-Fäll" wunne mussen, a wat déi stänneg Onsécherheet mat de Mënsche mécht. Den Artikel, iwwert deen mir geschwat hunn: https://www.woxx.lu/dublin-verfahren-wohin-wenn-das-asyl-verwehrt-wird/

De Premier Luc Frieden huet den Dënschden seng éischt Ried zur Lag vun der Natioun an der Chamber gehalen. Déi Ried war net besonnesch spannend, huet de Joël Adami fonnt, am Podcast schwätzt hie mam Tessie Jakobs doriwwer, wourunner dat geleeën huet. Si diskutéieren och doriwwer, wéi d'Riedner*innen vun der Majoritéit an der Oppositioun an hire Reaktiounen op dem Premier säin Discours sech gemaach hunn.

Déi eng Parteie gesi Migrant*innen als Risiko fir d'Sécherheet, déi aner wëllen se als Aarbechtskräften an Europa gesinn, a just e puer setzen sech fir eng besser a méi mënschlech Asylpolitik an. Am Podcast schwätze mir doriwwer, wat an de Walprogrammer fir d'EU-Wal steet a klären doriwwer op, wat fir falsch Fakten iwwert den EU-Migratiounspakt verbreet ginn.

Digitaliséierung, Kënschtlech Intelligenz a Quantecomputer – d'Lëtzebuerger Parteie werfen an hire Walprogrammer fir d'Europawale vum 9. Juni gäre mat Schlagwierder ronderëm sech. Dacks kritt een awer d'Gefill, et wier net vill méi dohannert. Am Podcast schwätzt de Joël Adami mam Tessie Jakobs iwwert Grënn, wisou Digitaliséierung nach ëmmer esou ee schwieregt Thema fir d'Parteien ass an erkläert, wou et dach awer e puer interessant Iddie gëtt.

D'Tessie Jakobs an de Joël Adami diskutéieren Furiosa, den neisten Film aus dem "Mad Max"-Franchise. Si stellen sech d'Fro, ob et sech lount, an een IMAX-Kinosall ze goen an vergläichen den neisten Film mat Fury Road, mat deenen alen Mad Max Filmer.