Podcasts about liewen

Een Date bei Käerzeschäin, Rouseblieder um Bett – dat si Biller,déi deene meeschte vun eis an de Kapp kommen, wa mir d'Wuert„Romantik“ héieren. Mä wat ass dat am Fong, romanteschGefiller? An dëser Episod ginn d*e Robin a Kelly där Fro opd'Spuer an entdecken, datt dat guer net esou einfach ass, wéieen*t vläicht denke kéint. Si schwätzen iwwert den Ënnerscheedvu romanteschen zu frëndschaftleche Gefiller, iwwer Romantik alsgesellschaftlecht Konstrukt an doriwwer, wéi cute Gesten eng(romantesch) Bezéiung kënnen definéieren. An der Rubrik schwätzt d'Ella iwwert „Sex Wars“ aus den 1970er-Joren. Shownotes Episod 57 Ech wëll eppes vun dir – mä wat? Episod 121: The One – Gëtt et déi éiwegt Léift? Episod 126: Méi wéi just heiansdo Sex – Demisexualitéit Episod 157: Déi wichtegst Persoun a mengem Liewen? – Hierarchien tëschent Bezéiungen Rubrik zum Mythos Sex Drive Types of attraction Amatonormativiteit Questionable Origins of Love Languages Choosing Therapy zu romantic attraction Bicher: bell hooks: all about love Angela Chen: Ace

Et ass du Jamais-vu, wat d'Lëtzebuerger Wort an de leschten zwee Deeg publizéiert huet. Rieds ass vun engem nach lafende Geriichtsprozess, wou ee Mann wéinst Pedo-Kriminalitéit ugeklot ass, deen an der Theaterwelt an am ëffentleche Liewen hei zu Lëtzebuerg keen Onbekannten ass. De Mann huet en plus seng eegen Duechter mëssbraucht a kritt elo am Wort e ganzen Artikel, wou hie sech als Affer duerstellen däerf. Een absolutten No-Go fënnt d'Annick Goerens am Tëscheruff.

Am Walkampf war d'Thema Pensioune quasi inexistent. 18 Méint, nodeems den neie Luc sech op de Stull vum Premier gesat huet, ass kloer: Mir gi méi laang schaffen, ob mer wëllen oder net. "Hätt een dat nëmmen éischter gewosst", kommentéiert d'Dany Rasqué mat emol méi, emol manner Ironie.

Vu senger Konscht kënnen ze liewen – de groussen Dram vun all Kënschtler erweist sech zu Lëtzebuerg zumindest um Pabeier als méiglech: 107 Leit hunn hei am Land de Statut d'artistes, 268 Leit dee vum Intermittent du spectacle. An der Praxis gesäit d'Saach allerdéngs e bësse méi schwiereg aus, dat net just zu Lëtzebuerg, ma och am Ausland. Am Frankräich ass beispillsweis de Prozentsaz vu Schrëftsteller:innen, déi vun hirem literaresche Schreiwen eleng liewe kënnen, zimmlech geréng. Virun e bësse méi wéi engem Mount huet een Artikel an der Luxembourg Times, an deem zwee Kulturschafender iwwert de Seeldanz tëschent Broutjob a Konscht geschwat hunn, fir ee (klenge) Shitstorm gesuergt, dat well de Journalist op eng liicht naiv Manéier e Portrait gezeechent huet vu Leit, déi daagsiwwer schaffen an nuets kreativ ginn, ouni ze hannerfroen, wéi et kéint sinn, dass deels renomméiert Kulturschafend et nawell net packen, vun hirer Musek, hirer Konscht, hirem Schreiwen, bref vun hirer Aarbecht ze liewen. Fir e bësse mat där Manéier, de kreative Beruff ze verklären, opzeraumen, hunn d'Kerstin Thalau an de Jeff Schinker haut véier Leit agelueden, déi mat eis iwwert d'Erausfuerderung vum onofhängege Schaffen diskutéieren: d'Kënschtlerin Julie Wagener, déi transdisziplinaresch Kënschtlerin Clio van Aerde, de Museker Tun Biever an de Schrëftsteller Antoine Pohu.

Si sinn am Moment keen Thema. D'Aktualitéit gëtt dominéiert vu Krich, Wirtschaft, a fir Kanner a Jugendlecher interesséiert kee sech. Dobäi si grad si d'Zukunft vun eiser Gesellschaft. Mee si ginn einfach net eescht geholl. Eigentlech missten eis déi offiziell Zuele vu Suicidë bei Jonken ze denken ginn, an absolut Prioritéit sinn. Kanner, ob déi net gelauschtert gëtt, Kanner, déi net déi Ënnerstëtzung vun hiren Eltere kréien, déi se sou dréngend brauchen, sinn Thema an der Carte blanche vun haut. D'Françoise Hetto, fréier Politikerin, an éducatrice graduée , stellt d'Fro: muss een iwwerhaapt Kanner kréien?

Am Joer 2008 wanderen den Thomas an d'Agnes mat hire béide Kanner an Norwegen aus. Hei wëllen si sech en neit Liewen opbauen. Dëst klappt och relativ gutt, den Thomas an d'Agnes fannen nei Jobs, si kafen een Haus an de Kanner geet et gutt. Mee d'Agnes huet seng Schwieregkeete mam Führerschäin, mat der Sprooch an ass net méi sou glécklech do. Dëst alles féiert dozou, dass hatt erëm an Däitschland wëll auswanderen, den Thomas wëll dat awer net. Sou kennt et, dass ëm Ouschteren d'Agnes verschwënnt a kuerz drop gëtt seng Läich an engem Fjord fonnt. Wéi ass et zu dësem Doud komm? Dat gëss du an dëser Episod vu Loscht op Mord gewuer.

Fauré, Boulanger, Saint-Saëns a Leclair - 4 grouss Nimm aus der franséischer Museksliteratur, déi vill Gemeinsamkeeten hunn an awer am Kontrast zuenee presentéiert ginn. Fréijoersgefiller an d'Enn vum Liewen an d'Liichtegkeet an d'Schwéierfällegkeet spillen dobäi eng grouss Roll. Zesummegestallt gouf dëse Repertoire vun dräi jonke Professorinnen aus dem Escher Conservatoire, déi de Samschdeg den Owend (22.03.) fir d'éischt zesummen am Trio optrieden. D'Pianistin an Organistin Stefanie Duprel an d'Cellistin Nora Braun hunn an engem Gespréich mam Christophe Mirkes verroden, wat si un dësem franséische Programm begeeschtert, wat et mam Fréijoer an dem Enn vum Liewen op sech huet a wéi dëse Programm zustane koum, well d'Ausgangsiddi war eigentlech eng aner.

2009 zesummegedoen, spillt de Kreisler Quartett gréisstendeels Concerten zu Lëtzebuerg. Den Ensembel, deen aus Musekerinnen a Museker vun de Lëtzebuerger Philharmoniker besteet, huet dobäi ee breet gefächerte Repertoire. Dëse Sonndeg (16.3.) spillt d'Formatioun ee Concert zu Lasauvage an der Eglise Sainte-Barbe. Am Gespréich mam Luc Boentges schwätzt den Cellist Niall Brown iwwer d'Creatioun vum Kreisler Quartett , de Concertsprogramm an d'Liewen tëschent berufflechem a private Museksliewen.

D'Renaissance vun enger Auto Mark ass ëmmer eppes Besonnesches, an erlieft e net all Dag. Am Frankräich gouf awer elo DELAGE nees zum Liewen erwecht. A wéi! Mat engem Formel 1 Auto fir op d‘Strooss inklusiv engem 12 Zylinder made in France. De Christian Schmit huet de Patron vun Delage zu Paräis kenne geléiert.

D'Musek vun Haut begleet de Perkussionist Guy Frisch all Dag an dominéiert net nëmme säi Liewen als Museker mee och als Direkter vum Ensembel fir Nei Musek United Instruments of Lucilin. Wéi et dozou koum, a wat hien dodru faszinéiert, erzielt hien dem Pit Brosius am neien Episod vum Podcast "Hanner den Téin". Episod 4 lauschteren Alles ronderëm déi nei Musek Als Dirigent huet de Pit Brosius vill Kontakt mat Neier Musek a gëtt ëmmer erëm a spannend Gespréicher mat Museker:innen verwéckelt. Am Podcast “Hanner den Téin” stellt hien dës perséinlech Diskussiounen an Anekdoten - déi normalerweis soss keen héiert - eemol de Mount an de Mëttelpunkt.

A "Vreckvéi" stinn zwou jonk Schwëstere virun der Erausfuerderung, de verstuerwenen Elteren hire Bauerenhaff ze geréieren. Et ass ee staarken, minimalisteschen Text, dee mat knappe Sätz villes seet - net just iwwer eng Generatioun, déi d'Orientéierung verluer huet, mee och op enger méi metaphysescher Ebene eppes iwwer d'Struewelen an d'Isolatioun vu mënschlechem Liewen. D'Elise Schmit huet dem Simon Longman säin Text an d'Lëtzebuergescht iwwersat a verréit eis, wéi no hir den Text wärend dem Iwwersetze ginn ass.

D'ASBL Open Screen gouf viru méi wéi 10 Joer gegrënnt fir d'Promotioun vun der Inklusioun an der Diversitéit duerch kulturell Aarbecht. Ee vun de Projeten, deen d'Claudine Muno realiséiert huet, ass d'Buch "Roff". Eng Rees duerch d'Geschicht vu Péiteng, duerch déi eis de Boy a seng Mémé begleeden an eis erziele vun de Zwangsaarbechter:innen wärend dem Zweete Weltkrich, Mënschen, déi zu Péiteng probéieren en neit Doheem ze fannen, Leit, déi hiert Liewen, hiert Been, hir Liewensfreed verluer hunn. Dotëschent awer ëmmer och eng Liewensloscht, Iwwerleeungen iwwer d'Liewen, Anekdoten, déi op Fakten an op Fiktioun stoussen. Eng déifgrënneg Recherche verbonne mat literareschem Kënnen, e Buch voller Liichtegkeet an Humor, voller Trauer an Drama. Dotëschent Skizzen, Fotoen, Kollagen, déi d'Claudine Muno realiséiert huet. De polnesche Komponist an Cellist Michal Pepol huet sech vu Péiteng inspiréiere gelooss an am Buch ass e QR-Code, mat deem een Zougang zu de Kompositioune vum Museker huet, déi zu "Roff" passen.

2023 war déi Bréisseler Kënschtlerin Eva L‘Hoest als Haaptlaureatin vum Edward-Steichen-Award-Luxembourg wärend sechs Méint op Kënschtlerinneresidenz zu New York. Dësen Openthalt hätt hiert Liewen an hir Praxis déifgräifend verännert, esou de Statement vun der Eva L‘Hoest no hirem Retour. Momentan kann ee sech e Bild dovunner maachen: d‘Bréisselerin stellt nämlech am Casino an der Ënneschtgaass aus. Ee Beitrag dozou fannt Dir an eiser Mediathéik. D‘Kerstin Thalau ass vun der zweeter Laureatin, der Lëtzebuergerin Nika Schmit, gewuer ginn, wéi si dann hir Zäit zu New York erlieft huet.

Dëse Sonndeg, 9. Februar, kann een am Cube 521 zu Maarnech de Ludwig van Beethoven op eng ganz Intim Art a Weis kenneléieren. Ënner dem Titel Beethoven und seine Zeitgenossen gëtt e Portrait vum Bonner Komponist un Hand vu Bréiwer a Kompositioune vu senge Zäitgenossen am Cube 521 zu Maarnech gezeechent. D'Geiistin Sandrine Cantoreggi erkläert am Gespréich mam Marie Trussart, firwat de Beethoven grad am Europa vun haut nach esou wichteg ass a fir si e wichtegen Unhaltspunkt bleift. Tëschent deenen eenzelne Wierker liest d'Schauspillerin Brigitte Urhausen och Bréiwer vir, déi dem Beethoven säi Liewen an de Kontext setzen. D'Schauspillerin ass och Spriecherin, ënner anerem bei Arte a bei der ARD. Si verréit wien dem Beethoven seng Zäitgenosse waren, ob de Komponist elo wierklech esou granzeg war, wéi hien ëmmer duergestallt gëtt, an ob si e Sonndeg éischter als Spriecherin, als Schauspillerin, oder als eng Mëschung vu béide Rollen optriede wäert.

D'Renaissance vun enger Auto Mark ass ëmmer eppes Besonnesches, an erlieft e net all Dag. Am Frankräich gouf awer elo DELAGE nees zum Liewen erwecht. A wéi! Mat engem Formel 1 Auto fir op d‘Strooss inklusiv engem 12 Zylinder made in France. De Christian Schmit huet de Patron vun Delage zu Paräis kenne geléiert.

Déi éischt Staffel ronderëm e Spill, bei dem et zwar ëm vill Sue geet, awer och dat eegent Liewen, war e risege Succès, firwat dann och direkt eng zweet Staffel an Optrag gi ginn ass. Op dës zweet Staffel do uknäppe kann, zielt eis de Simon Larosche.

En Donneschdeg (23.01) trëtt de Schengen Trio vum Orchester Les Solistes Européens, Luxembourg (SEL) zesumme mam Jean Muller zu Steesel am Kultursall op. An dësem Trio, deem seng Membere variéieren, spillt dës Kéier de jonke Geiist Yanis Grisó. Zanter 2023 ass de Student Member vum SEL. Am Interview beim Luc Boentges schwätzt hien iwwer Grenzen a säi Liewen tëschent Concerten a Studium.

Déi meeschte Leit hu vill Bezéiungen vun ënnerschiddlecher Natur, déi meeschtens all eenzegaarteg a wäertvoll sinn. Leider hu mäer alleguer nëmme 24 Stonnen am Dag, an déi si meeschtens dann zu engem groussen Deel mat Aarbecht, Schoul a Selferhalung gefëllt. Oft muss dann tëscht Bezéiungen prioriséiert ginn, an an enger amatonormativer Welt gëtt dann oft d*e Partner*in zur wichtegster Persoun am Liewen. De Joël an d*e Robin schwätzen an dëser Episod doriwwer, wéi si d Mënschen an hirem Liewen prioriséieren, a wourun si déi Décisiounen festmaachen. An der Rubrik schwätzt Kelly iwwer Sex an Trauma.

Am Jean-Louis Schlesser sengem Roman “Ënner Bridder”, deen am Verlag op der Lay erauskoum, léiere mir véier Bridder kennen: Den Néckel, den Aloyse, de Charel an de Jos. Eng Geschicht an eng Entwécklung, déi sech tëschent 1947 an 1972 ofspillt. Véier Bridder, déi net méi verschidde kéinte sinn, si stamen aus dem Éislek a verdeele sech am Laf vun hirem Liewen duerch d'Land - a genee dat ass wuel d'Absicht vum Schlesser, fir duerch d'Bridder e Bild vu Lëtzebuerg ze zeechnen - d'Politik, de Pafentum, de Fric an d'Aarbechterklass ... D'Valerija Berdi an de Michel Delage am Gespréich

Ëm den 29. Dezember ass d'Marie-Claude Beaud, also déi éischt Directrice vum Mudam, mat 78 Joer gestuerwen. No Geschicht-, Konschtgeschicht- an Archeolgiestudie Mëtt der 1960er hat d'Marie-Claude Beaud hiert Liewe komplett an den Déngscht vun der Konscht gestallt. A Muséeën a Fondatiounen hat si sech séier en Numm als staark Perséinlechkeet gemaach, där hiert Markenzeechen d'Zesummebrénge vu verschiddene Konschtstiler a Mënsche war. Tëschent 2000 an 2008 war si Directrice vum Mudam, deemno déi éischt 4 Joer eng Directrice ouni Gebai. Mee si huet de Musée du scho virtuell zum Liewen erwächt, Expoen op anere Plazen organiséiert. 2003 huet d'Marie-Claude Beaud d'Tsu-Mei Tsé, mat hirer Konscht, fir Lëtzebuerg op d'Biennale vu Venedeg geschéckt. Hiren Instinkt gouf belount: de gëllene Léif goung un de Grand-Duché. Tëschent 2009 a bis zu hirer Pensionéierung 2021 war si Directrice vum Nouveau Musée National de Monaco. Als Erënnerung un d'”Grande dame des musées” proposéiere mir en Extrait aus engem Interview vum Christian Mosar mat der Marie-Claude Beaud, vu Juni 2006, an deem et deemno ëm d'Ouverture vum Mudam geet.

2019 huet dat 17 Joer aalt Ellie Gould säin éischte Frënd, den Thomas an dobäi handelt et sech dann och ëm dem Ellie seng éischt grouss Léift. Hatt wäert sech awer am Mee vun him trennen a leider hëlt den Thomas dës Trennung net gutt op. Sou kennt et, dass de 17 Joer alen Thomas no der Trennung bei d'Ellie fiert a wéi den Thomas d'Haus erëm verléisst, ass dem Ellie säi Liewen eriwwer. Wat genee geschitt ass, gëss du an dëser Episod vu Loscht op Mord gewuer.

Mir kucken zréck an no vir. Bal 200 Sendungen an no un 1000 Reportagen. Am Pisa erkläre mir zanter 15 Joer d'Welt. Wat waren d'Highligts aus de leschte Joren. Wéi huet de Fuerschungsstanduert Lëtzebuerg sech entwéckelt. A firwat huet een am Laf vu sengem Liewen ëmmer méi d'Gefill, dass d'Zäit reegelrecht verflitt.

Mir kucken zréck an no vir. Bal 200 Sendungen an no un 1000 Reportagen. Am Pisa erkläre mir zanter 15 Joer d'Welt. Wat waren d'Highligts aus de leschte Joren. Wéi huet de Fuerschungsstanduert Lëtzebuerg sech entwéckelt. A firwat huet een am Laf vu sengem Liewen ëmmer méi d'Gefill, dass d'Zäit reegelrecht verflitt.

Ready to boost your Luxembourgish with a new B1 Conversation Workout? Mastering real conversation takes practice—especially when you want to discuss everyday topics more naturally and confidently.In this episode, we'll tackle conversations about job satisfaction and your work life. Perfect for a coffee chat with a friend or a new acquaintance! You'll strengthen both listening and speaking skills, learning how to express opinions about your job, ask questions, and answer in a way that sounds natural and authentic. First You'll hear the whole conversation between Jeannine and Anne -2 works colleagues - so an informal conversationThen I will go through important vocabulary and phrases used in the conversation so to practice together and make sure your Luxembourgish sounds more fluent and that you also gain in confidenceReady to practice? A: So mol Jeannine, bass du zefridden mat danger Aarbecht? Tell my J are you happy with your job?J: Jo, eigentlech schonn. Meng Aarbechtskollegen si sympathesch an meng Aarbecht ass interessant. Yes, pretty much. My colleagues are nice and my job is interesting. Awer ech géif gär méi Verantwortung iwwerhuelen. But I would like to take on more responsibility.A: Wat mengs du mat méi Verantwortung? What do you mean with …J: Ech wëll gär an den nächste 5 Joer eng dichteg Positioun iwwerhuelen. I would like to take on a leadership position in the next 5 years. A wéi gesäit et bei dir aus Anne? And how about you?A: Ech sinn och zefridden mat menger Aarbecht, awer ech wënsche mer méi Geleeënheeten fir meng Fäegkeeten weider ze entwéckelen. I'm happy with my job too, but I wish to have more opportunities to develop my skills.J: Seriö? Ech wousst net, datt s du esou éiergäizeg bass. Really, I did not know that you were so ambitious.A: Dach, - YesJ: Wéi laang schaffs du da schonn hei? How long have you been working here?A: Dat ass mäi 5. Joer an der Firma. This is my 5th year with this company.J: Hues du schonn iwwerluecht, wat s du maache kéints, fir däin Zil ze erreechen? Have you already thought about what steps you could take to achieve your goal?A: Jo, ech hu mam Chef driwwer geschwat, an hien huet proposéiert datt ech un enger interner Ausbildung deelhuelen soll. Yes, I've discussed this with the manager, and he suggested that I take part in an internal training.J: dat ass eng gutt Iddi. That's a good idea.A: Jo, ech freeë mech iwwer dës Formatioun = Ausbildung. Ech wäert sécherlech vill Neies an och nei Fäegkeeten léiere. Yes, I'm looking forward to this training. I will for sure learn a lot of new stuff and also new skills.J: ech mengen, datt et och wichteg ass eng gutt balance tëscht Aarbecht a Fräizäit ze fannen. I think that finding a good balance between work and free time (it) is also important.Vergiess net och heiansdo Spaass am Liewen ze hunn. Aarbecht eleng mécht net glécklech. Don't forget to have some fun sometimes in life. Work alone won't make you happy.A: Jo dat stëmmt. Dofir versichen ech mech ze entspanen an de Weekend treffen ech meng Frënn. An du? Wat méchs du fir de Kapp fräi ze kréien? Yes, that's right. Therefore I try to relax and at the weekend I meet my friends. And what about you? What do you do to clear your head?J: Also, ech ginn heiansdo lafen an ech maachen reegelméisseg Yoga. An ech verbrénge vill Zäit mat menger Famill a mat menge Frënn. Also, I sometimes go running and I regulary do Yoga. And I spend a lot of time with my family and my friends.A: Do hues du recht. There you're right. J: Absolut. Sou, genuch geschwat. ech mengen et ass nees Zäit fir schaffen ze goen. Absolutely. So, enough talked. I think it's time to go back to work.Well done! Nice work for sticking with me all the way through that training.It's training your mouth and your memory through repetition that will help you sound more like a native speaker.Do you want to practice actively conversation then reach out to LWA and get all details about our 1:1 conversation coaching program with me as your coach.Website: https://luxembourgishwithanne.luSproochentest Oral Exam Prep Class:https://courses.luxembourgishwithanne.lu/p/oralexamFacebook: https://www.facebook.com/luxembourgishwithanne.lu/Instagram: https://www.instagram.com/luxembourgishwithanne/?hl=enLinkedIn: https://www.linkedin.com/company/80364342/admin/feed/postsYoutube: https://www.youtube.com/channel/UCh7_kWqrLaZea-IJH46KJEA

Eng BD vum Patrice Perna a Stéphane Bervas. Et geet ëm d'Liewen an den Doud vum Leo Trotzky sengem Liewen.

Zënter dem Mäerz ass am Musée vun der Resistenz a vun de Mënscherechter eng nei permanent Ausstellung ze gesinn. D‘Expo behandelt d‘Sujete ronderëm den zweete Weltkrich, ënner anerem, d‘Liewen ënner der Diktatur a Repressioun, D‘Reaktioun vum Vollek, d‘Nazi-Strukturen ze Lëtzebuerg, d‘Konzentratiounslageren, den Holocaust, de Widderstand an d‘Nokrichszäit. De Jim Goerres féiert mat exhaustiven Erklärungen duerch di ganz Ausstellung. Mir lauschteren elo den éischten Deel vun der Visitt vun dëser Expo. D‘Valerija Berdi huet dëse Bàitrag zesummegestallt. All Infoen iwwer Visitte sinn op mnr.lu ze fannen.

Wéi d'Schrëftstellerin Julia Deck hir 84-järeg Mamm bewosstlos an hirer Wunneng fënnt an en AVC diagnostizéiert gëtt, schéngen der Fra hir Deeg gezielt. Dorop spekuléiert op alle Fall de franséische Gesondheetssystem. D'Mamm refuséiert allerdéngs, ze stierwen, an d'Auteurin fäert, elo, wou hirer Mamm hiert Liewen a Gefor ass, ni méi een donkelt Familljegeheimnis kënnen ze elucidéieren. An hirem sechste Roman an hirer éischter Autofiktioun erzielt d'Julia Deck eng touchant Geschicht iwwert eng schéi Bezéiung tëschent enger Mamm an hirer Duechter, déi e Wee duerch den administrativen Albdram vum franséische Gesondheetssystem musse fannen. De Jeff Schinker huet d'Buch gelies.

Dr. Alison Liewen has crafted a unique and fulfilling medical career, blending her passion for adventure with her dedication to compassionate care. Dr. Liewen discusses her transition to locum tenens work and her experiences working on assignments in Alaska. She also highlights the rewards and challenges of balancing locums assignments and how to maintain a broad scope of practice while making a significant impact on underserved communities. If you're interested in exploring locum tenens opportunities, check out CompHealth (comphealth.com) and Global Medical Staffing (gmedical.com).

Haut gedenkt de Pit Biwer engem bekannten Acteur, deen eis viru 20 Joer verlooss huet: de Christopher Reeve. De Mann, deen als Superman berüümt gouf, hat säi Liewen duerch en trageschen Accident mat engem Päerd komplett verännert. De Pit Biewer erënnert sech un en Interview zeréck, deen hien deemools mam Christopher Reeve gefouert huet. Wat huet den Acteur trotz sengem schwéiere Schicksal besonnesch staark gemaach a wat huet hien als seng gréisst Succèsen betruecht? Den Hollywood Reporter deelt seng Erënnerungen un dëse besonneschen Interview.

De Michel Delage, d'Vesna Andonovic an d'Valerija Berdi beschwätzen: "All we imagine as light" (Payal Kapadia), "Joker: Folie à deux" (Todd Philipps) an "d'Land am Schiet" (Lukas Grevis). Am Interview: déi indesch Realisatrice Payal Kapadia.

De Michel Delage, d'Vesna Andonovic an d'Valerija Berdi beschwätzen: "All we imagine as light" (Payal Kapadia), "Joker: Folie à deux" (Todd Philipps) an "d'Land am Schiet" (Lukas Grevis). Am Interview: déi indesch Realisatrice Payal Kapadia.

De Michel Delage, d'Vesna Andonovic an d'Valerija Berdi beschwätzen: "All we imagine as light" (Payal Kapadia), "Joker: Folie à deux" (Todd Philipps) an "d'Land am Schiet" (Lukas Grevis). Am Interview: déi indesch Realisatrice Payal Kapadia.

Zu Lëtzebuerg gëtt et eng staark Segregatioun am Schoulsystem. Schüler*innen, déi doheem net Lëtzebuergesch schwätzen oder déi aus engem schwaache sozioekonomeschen Haushalt kommen, lande vill manner dacks am Classique wéi zum Beispill lëtzebuergesch Schüler*innen mat räichen Elteren. D’María Elorza Saralegui huet sech fir d’woxx ugekuckt, wat d’Ursaache vun deenen Ënnerscheeder si kéinten. Fest steet, datt d’Orientéierung am sechste Schouljoer wuel vir vill Leit dee wichtegste Moment an hirem Liewen ass, deen hir spéider berufflech Zukunft scho festleet. Dofir schwätze mir am Podcast och vill doriwwer, wéi sech déi Orientéierung an deene leschte Jore verännert huet, mä awer och doriwwer, wisou keen iwwert eng grouss Reform mat engem verlängerten Tronc Commun schwätzt. Den Artikel, iwwert dee mir geschwat hunn: Ungleichheiten im Bildungswesen: Die BlackboxThe post Wisou si bal just lëtzebuergesch Kanner am Classique? first appeared on Radio ARA.

De Bodyguard zielt wéi et ass, säin Liewen ze riskéieren un der Säit vun engem Gerhard Schröder, Helmut Kohl oder der Angela Merkel.

Fir vill Mënschen ass eng Trennung, egal op vu Partner*innen oder Frën*dinnen, eng aschneidend Erfarung am Liewen - an oft eng Erfarung, mat däer net ëmmer jiddfereen*t gutt eenz gëtt. De Joël a Robin ginn an dëser Episod Tipps an Tricks wéi een*t mat enger Trennung eenz gi kann: vu schréiwen iwwer (net ze vill) schaffen, bis bei d Fro op Rebound Sex eng gutt Iddi ass. Och schwätze si driwwer, wéi een*t Frën*dinnen ënnerstëtze kann, déi grad duerch Trennungskrise ginn. An der Rubrik gëtt Kelly en How To fir mat schwierege Gefiller eenz ze ginn. Hei sinn aner Episoden, déi mäer schonn zum Thema Trennung opgeholl hunn: #87: Ende gut, alles gut? – Vu Schlussstrécher an aneren Enner #112: Kontaktpausen, Parkgespréicher an de leschte Sex – Wei kann een*t sech trennen? #146: De Kuerf kréien an de Kuerf ginn – Ee gudden Ëmgang mat Zréckweisung Falls et guer net méi geet, kanns de der hei Ënnerstëtzung an Hëllef sichen: https://454545.lu/ https://www.kjt.lu/de/ https://www.kjt.lu/de/elterentelefon/ https://www.prevention-suicide.lu/

An enger neier Serie stellt d'Kulturredaktioun allkéiers ee vun den 13 Romaner, déi et op d'Longlist vum prestigiéise Booker Prize gepackt hunn, vir. No "Wild Houses" vum ireschen Auteur Colin Barrett rezenséiert de Jeff Schinker der australescher Schrëftstellerin hire Roman "Stone Yard Devotional", an deem eng Fra sech aus engem engagéierte Liewen eraushëlt, fir iwwer den Doud vun hiren Elteren an den Zerfall vun der Welt ze meditéieren.

Et ass ee ganz besonnesche Moment am Liewen, no deem alles aneschters ass: Déi éischte Kéier. Mä Moment emol, vu wat fir enger éischter Kéier schwätze mir iwwerhaapt? Wisou denke mir bei deene Wierder direkt u penetrativen Penis-a-Vagina-Sex? Eis Podcast*innen Joël, Robin a Lynn diskutéieren, ob hir „éischte Kéier“ iwwerhaapt hir wierklech „éischte Kéier“ wat an iwwerleeën sech, wéi d'Ausernanersetze mat der perséinlecher Geschicht dozou feiere kann, datt ee verschidde Momenter ëmdefinéiert. Ausserdeem schwätze mir iwwert deen éischte queere Sex, d'Sex-Olympiad a Jalousie op aneren hir éischte Kéieren. An der Rubrik erkläert eis den Elie, wat Sober Sex ass. Shownotes: Episod #125: Vun Zongen, Spaut an Puzzlestecker – éischt Kussen Episod #109: Wann et einfach net geet – Vaginismus

An enger neier Serie stellt d'Kulturredaktioun allkéiers ee vun den 13 Romaner, déi et op d'Longlist vum prestigiéise Booker Prize gepackt hunn, vir. No "Wild Houses" vum ireschen Auteur Colin Barrett rezenséiert de Jeff Schinker der australescher Schrëftstellerin hire Roman "Stone Yard Devotional", an deem eng Fra sech aus engem engagéierte Liewen eraushëlt, fir iwwer den Doud vun hiren Elteren an den Zerfall vun der Welt ze meditéieren.

"Il n'y a que deux dates qui comptent dans une vie. Celle de ta naissance et celle de ta mort." Bal fënnef Joer nom Prix Goncourt 2019 verëffentlecht de Jean-Paul Dubois mat "L'origine des larmes" ass een donkele Portrait vun engem Mann, dee säi Liewen am Schiet vum Doud verbréngt. Ee Roman iwwer e Mann, dee säi Papp esou intensiv haasst, datt hien de Mann erschéisst - obwuel dee längst dout ass. En enigmatesche Roman, deen net op allen Niveaue funktionéiert, fënnt de Jeff Schinker.

Handyverbuet an der Schoul, Liewen ouni Pabeieren, Commerce zu Réiden an iwwerraschend ukrainesch Offensiv

Handyverbuet an der Schoul, Liewen ouni Pabeieren, Commerce zu Réiden an iwwerraschend ukrainesch Offensiv

De Yoann ass e franséische BD-Auteur, dee fir de BD-Festival zu Conter war. Fir de Verlag Dupuis huet hien d'Episoden 51-55 vun “Les aventures de Spirou et Fantasio” gezeechent an domat d'Vermiechtnes vum André Franquin weidergeféiert, an de Figure vu Marsupilami, Gaston Lagaffe a Compagnie neit Liewen agehaucht. Weiderhin huet hien och de Spirou Superhelde Spinoff SuperGroom geschaaft. Den Nicolas Calmes hat mam Yoann iwwer de Franquin zu Conter geschwat.

35 Joer laang huet déi brasilianesch Ethnologin Aparecida Vilaça d'Amazonas-Ethnie vun de Wari studéiert. Iergendwann gouf si vun engem Member vun de Wari "adoptéiert". An hirem Essai “Paletó et moi. Souvenirs de mon père indigène” (Marchialy) erzielt d'Fuerscherin d'Geschicht vun dëser aussergewéinlecher Renconter. Um Festival Etonnants voyageurs, Enn Mee zu Saint-Malo, hat de Michel Delage sech mat der Aparecida Vilaça ënnerhalen. Ënner anerem iwwer dem Mann säin Iwwergang tëschent zwou radikal verschiddene Liewensweisen.

Déi lescht Entwécklungen an der Affär ëm d'Ënnerschloe vun 61 Milliounen € bei der Caritas sinn den Haaptsujet. Donieft geet et ëm e Mann, dee säi Liewen de Mécke verschriwwen huet, ëm e Mann, dee geschwë mat senger Bäckerei ophält, a Frontalieren, déi amplaz mam Zuch elo mam Bus an de Grand-Duché kommen.

De Yoann ass e franséische BD Auteur, dee fir de BD Festival zu Conter war. De Yoann huet fir déi gréisst belsch Verlager geschafft. Fir Dupuis huet hien d'Episoden 51-55 vun Les aventures de Spriou et Fantasio gezeechent an domat d'Vermächtnis vum André Franquin weidergefouert, an de Figure vum Marsupilami, Gaston Lagaffe a Compagnie neit Liewen agehaucht. Weiderhin huet hien och de Spirou Superhelden Spinoff Super Groom an d'Band vu chaotesche Superhelden Les CaptainZ geschaaft. Den Nicolas Calmes huet den Auteur um Festival geinterviewt.

Wärend zu Paräis déi lescht Virbereedunge fir d'Olympesch Spiller amgaang sinn, erfuerscht eng lëtzebuergesch Produktioun am Off zu Avignon déi donkel Säit vum Leeschtungssport. No "Petit frère - la grande histoire Aznavour" gouf dëst Joer déi däitschsproocheg Produktioun "Körper am Ende der Welt" vun engem vu Kultur | lx opgestallte Jury op Avignon geschéckt. Fir d'Virstellungen um weltbekannte Festival, op deem dëst Joer am Off iwwer 1.600 Spektakelen ze gesi sinn, gouf d'Stéck op Franséisch iwwersat. "Corps au bout du monde" erzielt déi deels autofiktional Geschicht vu Gymnastinnen, déi wéi d'Schauspillerin Marion Rothhaar an hire jonke Joren hire Kierper an hiert Liewen dem Diktat vum Sport afferen. De Jeff Schinker huet déi zwou Schauspillerinnen no hirem Optrëtt am Château de Saint-Chamand zu Avignon an een Dag no de Walen a Frankräich ausgefrot iwwer déi verschidden Erausfuerderungen, déi d'Spillen an enger anerer Sprooch, d'Erausstiechen an enger Mass vun 1.600 Spektakelen an d'alldeeglecht Optrieden an der Hëtzt vun der Provence mat sech bréngen.

Wärend zu Paräis déi lescht Virbereedunge fir d'Olympesch Spiller amgaang sinn, erfuerscht eng lëtzebuergesch Produktioun am Off zu Avignon déi donkel Säit vum Leeschtungssport. No "Petit frère - la grande histoire Aznavour" gouf dëst Joer déi däitschsproocheg Produktioun "Körper am Ende der Welt" vun engem vu Kultur | lx opgestallte Jury op Avignon geschéckt. Fir d'Virstellungen um weltbekannte Festival, op deem dëst Joer am Off iwwer 1.600 Spektakelen ze gesi sinn, gouf d'Stéck op Franséisch iwwersat. "Corps au bout du monde" erzielt déi deels autofiktional Geschicht vu Gymnastinnen, déi wéi d'Schauspillerin Marion Rothhaar an hire jonke Joren hire Kierper an hiert Liewen dem Diktat vum Sport afferen. De Jeff Schinker huet déi zwou Schauspillerinnen no hirem Optrëtt am Château de Saint-Chamand zu Avignon ausgefrot iwwer déi verschidden Erausfuerderungen, déi d'Spillen an enger anerer Sprooch, d'Erausstiechen an enger Mass vun 1.600 Spektakelen an d'alldeeglecht Optrieden an der Hëtzt vun der Provence mat sech bréngen.

Willkommen, bienvenue, welcome! Aner Podcasts hu Summerbreaks, mee mir handelen entgéint eisem Numm a schenken iech eng XXL-Episod. Fuert mat eis d'"Rue Joseph II de la résistance" erof an erlieft eng Parad aus Tréinen, Police-Autoritéit an am Donkele molende Yolandas. Theme sinn ënner anerem d'"Fashion Week", den "Te-Dayum", d'Pub-Quiz mam Sam an Tam (an der Prinzessin) an en iconic (a leider ëmmer nach aktuelle) Film, deen esou impressionant ass, dass een dofir an d'Bibliothéik geet. D'Kaulitz-Famill an "Germany's Next Margaret Thatcher" sinn och mat vun der Partie, genee esou ewéi de Luca beim Halligalli, de shady Edsun an den "Elle"-Launch-Event am Mudam. Mir beschwätzen de Soundtrack vun eisem Liewen (vun "Air" iwwer "Lily Allen" bis "Schlumpfen" an "Dulce Pontes") a froen eis, wat eigentlech mat de Claudette geschitt ass, ob een am Auto kachen dierf a mat weem mir beim "Oberweis" en Hühnchen rupfen mussen. Yoleau!

E Samschdeg waren d'Sandra Steffes an d'Line Diederich eis Invitéeën an der Emissioun Background am Gespréich um Radio.

Mat eise Sujeten: de Walprogramm vun der KPL, Mobilitéit zu Lëtzebuerg, Creos, Klima an Liewen an der Grenzregioun.