Im Bild - de zemli fotografisch Podcast

Gugus, mer hend mol weder e Alltagsfolg z‘standbrocht

Happy new year euch allne!

För eusi allererschti Live Ufnahm hemmer eus grad es emotional ufgladnigs Thema usgsuecht: Glichberechtigung i de Fotografie. Da mer aber au wend druff ufmerksahm mache und mer als Herre ned met de gliche Problem im Bruefsalltag konfrontiert werded, hemmer eus d'Gründerine vo SameKollektiv; (wo sech förd d'Sichtbarkeit vo Fotografinne* isetzt) d'Karin und d'Martina ufd Bühni am letschte Digitalevent gholt. Mer hend einiges zum diskutiere kha und au viel glernt, und mer hoffed mer chönd au met dere Ufnahm meh zur Glichberechtigung i eusem Bruefsalltag bieträge. Es isch eusi erschti Live Ufnahm gsieh und ganz bestimmt ned eusi letschti. Interessant isch au de Ustusch metem Publikum und mer freued eus euch bi de nächschte Live Ufzeichnig au im Publikum döffe z'begrüesse. Info: Es het zwoi technischi Fehler i de Ufnahm wo leider Persone bi erne Sätzt gschnitte send, mer send no am Fehler evaluiere und hoffed uf euches Verständnis. Do fendet ehr alli Infos zu Same Kollektiv: https://www.samekollektiv.ch

Mer hend mol weder e Alltagsfolg för euch parat. Viel isch passiert i letschter Zit, de Cornelius und de Adi send am schäfferle wie veruckt und ned nume gspüremer de Herbst (=Thema Hochnebel) sondern au vo Site Kamerahersteller isch do einiges gange. Viel Spass bim Itauche i euse Alltag.

Am letschte IPFO letscht Johr hemmer per Zuefall de "jungi Wildi" Levi Fitze kenneglernt. Er het dete scho vo sine grosse Ziel gredet, und es Johr spöter hemmer de Jungi ufstrebendi Wildlife-Fotograf döffe bi eus im Podcast begrüesse. Knackigi 20i und scho Sony Creator, selbstständig und sogar bald scho imene Kinofilm zsgseh, am Levi sini Formkurve zeigt steil nach obe! Wie er sini witeri Karriere gseht, was en a Tier fasziniert, ob grösser bi de Objektiv immer gleich besser isch und was den raui und glatti Füess met Huener ztue hend, all das erfahreder i dere Folg. Am Levi sini Website: www.levifitze.ch

d'Judith Erdin aka Streusel betriebt en erfolgrieche Bach-Blog, schriebt Bach-Büecher, macht Youtube Komedie, en Podcast... etc. En Tausendsasa isch sie, aber het ufgrund dem au bitz Idee zu Social Media und get eus zwoi Unerfahrene und euch es paar Inputs met uffe Weg! Unter anderem i dere Folg: Wieso de Cornelius ned bachet | Was de Adi und Judith gmeinsam hend | Was Kulinarik und Erotik zäme hend | Wieso mer so schnell de Fade verlürt | Dopamin | De Dieter P. wiese alte Mah | Cornelius sini Kommentaradrohig | Wie en Parkhusbsuech zu dem Gspröch gfüert het werd aso auno erklärt... usw. Viel Spass und Lacher wünschemer euch! Judith's Bachblog (metem Dinkel Hamburgebun Rezept!): www.streusel.ch Ihre Podcast metem Simon Balissat: https://open.spotify.com/show/5tk8MZyw9OcIcOwL9X4eJo?si=2e328967ad854607

Hello zäme, ja euse Podcast gets no... De Cornelius und de Adi send so im Zügs dasses jetzt chli länger gange isch bisses mol weder was för'd Ohre get. Aber hey, do isch sie, die neusti Folg "Usem Alltag". Völlig Uncut und au sehr lang, aber losed doch eifach inne, mer hend au kei Zit för e Aständigi Caption im Moment...

Wir suchen Unterstützung! Wer von euch lieben Hörer:innen kennt sich mit Adobe Audition aus möchte uns beim Schnitt unserer Folgen helfen? Da unser Podcast ein Freizeitprojekt ist, können wir leider keinen monetären Lohn anbieten. Dafür aber die Möglichkeit bei unseren Aufzeichnungen mit vor Ort zu sein und die Folgen super exklusiv vorweg schon zu hören.

Mer send weder do, de Cornelius vollbelade met Arbet und de Adi mengisch am schaffe und mengisch am gärtnere. De het sech no einiges to i de Branche, zum gfalle vom Adi gahts au im Analoge Bereich ziemli vorwärts. Und euse Podcast het sech zur Shopping-Queen erkore und ziemlich ge'brackt.ch, met hoffentlich guetem Ifluss för euchi Ohre.

Viel hemmer devo gredet, jetzt isch Sie do, eusi SABTA Folg! SABTA en Begriff wo de Adi em Cornelius biebrocht het und ussem Militär chund, bedütet soviel wie «Sicheres Auftreten Bei Totaler Ahnungslosigkeit» Wieso mer s'Gfühl hend das das immer brucht werd i eusem Bruef und wass mer scho alles för Fails erlebt hend wommer met SABTA grettet hend khöret er i dere zemli spassige Folg. Und ja au die Folg isch ziemli SABTA gsieh

Netwörke oder ned Netwörke, das isch do d'Frog. Aso, zum die Frog chli gnauer azluege hemmer eus met em überall uf Fotografische Events aztreffende Marco Nietlisbach zämeto um bitz über s'Thema Network z'phylosophiere. Er meint ja er seg ned de rechtig deför, mer hend gfunde: mol, öpper wo fascht jede us de Branche kennt muess bi dem Thema as Mic, et voila, er het den au metgmacht

April, April, oder nai es isch Mai... Witz lass nach, s'Wetter macht grad uf April obwohls doch Mai isch und net so Wechselhaft sett sie. Jano, mer verschiebed fliessig und müend demet lebe. Suscht verzellemer mol weder was so (oder ebe ned) gloffe isch. Fascht überhitzt isch übrigens am Adi sini Kamera... Usserdem gets einigi News uss de Branche vo Site Canon und Fuji. Apropo Fuji: De Adi het sech sogar mol no als Reviewer versuecht und för Brack.ch die neuei Fuji Instax Mini 99 usprobiert: https://www.brack.ch/blog/2024/05/die-neue-fujifilm-instax-mini-99-sofortbildkamera-im-test Übrigens metem Promo Code INSTAX99 chasch d'Kamera bi Brack.ch bitz günschtiger bstelle ;) (Gültig bis am 10.06.2024)

Work Life, Work Work, Life Life? Die rechtigi Balance do zfinde isch ned eifach. De Adi het sech dodezue is Soloturnische begeh und es spannends Gspröch metem Simon Kurt, wo zäme met sinere Frau de Tanja unter em Name Digitale Massarbeit unterwegs send, gfüert. Sie beid managed ire brueflichi Alltag met de gmeinsame Tochter Ella unglaublich guet, und de Adi isch dem chli uffe Grund gange. Well de Cornelius auno spannendi Asätz het zu dem Thema hett er denn au nochli döffe was derzue verzelle

Hu es lauft weder was, isch ja au guet so. De Podcast chund drum weder bitz drunder und ehr müend euch leider bitz gedulde met neue Folge, aber es chömed bald ganz spannendi neue Interviews. Nichtsdestotrotz hemmer jetzte au chli redebedarf, isch doch bitz was gloffe in letschter Zit. Und zwar vo Routineufträg bis zu verschissne Chappe

Eus gets no

Kenned ehr das au, das berüemtberüchtigte Januarloch? De Adi irgendwie scho, de Cornelius grad so gar ned… Jano, jede vo eus weiss wie demet umgo. De Cornelius het sech no bimene KI Vortrag witers Fachwösse zuegleit, au wenn eher im Administrative Bereich. Und trotz (teils) Januarloch hend mer beid förs neue Jahr vorgsorgt und send es bitz inen Shoppingrusch bi brack.ch cho

Happy New Year! Oder passend zu eusem mundart Podcast «Es guets Neus!»

S'Jahr neigt sech am Endi zue, mer lueget no es letscht mol im 2023 uf euse intensivi Jahresabschluss zrugg. De Cornelius het sech irgendwie usseme Grund metem Analogfieber agsteckt, isch plötzlich en Occasionchamp wurde und het nochli Stress becho uf Johresendi. De Adi het sis Analogfieber professionalisiert und witergeh, sin Uftrag schlecht vorbereitet und ergend so en Hauptpries gwonne anere Vernissage. Mer wönsched euch viel Spass bim Zuelose und seged herzliche Dank für das tolle erschte Podcastjohr zäme. Schöni Festtäg und uf Bald! Cornelius und Adi

Mer send eus ja gwohnt eher de Luxus und's Schöne vom Lebe z'fotografiere. En ganz andere Weg isch de Berner Fotijournalischt Alex Kühni gange. Bereits mit viel Erfahrig us Kriesegebiet wie em Irak, Syrie und Nord Korea isch er au sit em Afang vom Agriffskrieg vo Russland mehrmals i de Ukraine gsieh und het det s'Graue vom Chrieg festghalte. Wie gaht mer met so vell Elend um? Wie bereitet mer sech uf so Situatione vor? Chamer no kreative Input metibrenge? Was isch wechtig bi de Usröschtig? All das luegemer metem Alex i dem spannende Interview ah. Em Alex sini Website: https://www.alexkuehni.com Podcast Empfählig zum Ukraine Chrieg (de isch au ufem Alex sinere Playlist) "Was tun, Herr General - Der Podcast zum Ukraine Krieg" https://open.spotify.com/show/5jWcQ7WNI61S9ufyKqEMbb?si=b7d4aabef9314247

Ok, mer sött eus ned so lang warte loh met neue Folge produziere, suscht werded die nume länger und länger... anyway, wiener wahrschindli merket hemmer einiges z'verzelle vo de letschte Tage. Es isch viel gloffe bim Cornelius, bim Adi mol weder nume d'Nase. Anschienend send au einigi Sache passiert i de Branche, Sony het do mol en "Game Changer" usebrocht, mer diskutieret heiss was das den gnau bedüted. Und bald isch de DigitalEvent in Bade, en ganze Tag voll met Fotografie. Mer send de natürlich au vor Ort! Ich hoffe mer gsend eus den live dete im Trafo in Bade.

Mer send am IPFO vo de Monika und em Mathias zu ene hei, im schöne Wildegg (AG), iglade worde um die spannendi Folg vom international bekannte und uszeichnete Fotografepaar (Mathias) Braschler/ (Monika) Fischer döffe ufzneh. Mer hend viel z'plaudere kha über Ihri spannendi Arbet im Usland

Mer send retour us de Ferie und de Herbstpause. Sodemet mol weder viel zum verzelle, drum haltemer eus do churz, die Folg gaht eh scho gnueg lang ⏰ Viel Spass bim zuelose, schön sender weder met debie!

So viel neus gets z'brichte dassmer euch grad met fascht ere stündige neue Alltagsfolg beglücket ⏳ Z'erscht hemmer ganz viel erlebt bi eusne Jöbs, de Adi het en chline Flugunfall produziert ✈️, und de Cornelius het Portraits en Mase fotografiert

Mer send metem Mikrofon

Mer hend die grossi Ehr kha met de Evgenia Arbugaeva, notabene e Oskar nomminierti Filmemacherin

Heiss, heisser am heissischte.. 

Sit jetzt scho 8 Johr findet all zwoi Johr in Olte s‘IPFO, oder korrekt International Photo Festival Olten, statt. Au i dem Johr wird vom 23. bis 27. August weder mit über 30 Speaker mit über 60 Seminar, Vorträg und Workshops Olte is schwizer Mekka vo de Fotografie verwandlet. Grund gnueg mit em Oltner Fotograf Remo Buess, notabene de Co-Initiator vom Festival, eimol öber‘s IPFO z‘rede. S‘vollständige Programm gits unter: https://www.ipfo.ch Em Remo sini Website: https://www.remobuess.com

De Cornelius und de Adi send retour us de Sommerferie

Filter gets wie Sand am Meer, aber send den die überhaupt no Zitgmäss? Höt loht sech doch alles digital apasse i de Retusche, oder ebe doch ned? Luegemer alles ah i dere neue Themefolg, metem vom Cornelius ernannte «Filterguru Adi», de Adi möcht sech do jeglicher Verantwortig entneh und chund plötzlich met Hammer

Es isch heiss gsieh, mer hend gschwitzt

Die Usgab vo Usem Alltag het echli uf sich warte loh. Keis Wunder, beid send grad chli am schwümme. Ned wegem viele Rege, guet irgendwie ja doch au ☔️ uf jede fall gets einiges z'verzelle was so gloffe isch. De Adi staht mol weder im Stau bis zum abwinke

Es chund ebe doch uf'd Grössi ah... oder doch ned?

Workflow isch es grosses Thema bi eus Fotograf:inne. Drum hemer gfunde mer mached grad e grossi Folg dodezue. Wie fescht isch echt am Adi sini Vorbereitig uffen Uftrag dureplanet, wieso send am Cornelius sini Akkus agschrebe, wie verschickt mer effizient Bilder a Chunde, wieso malt mer sech e vier metrigi Magentwand is Studio? Viel Spass bi de bisher längschte Folg (vo wege Workflow optimierig...

De Adi het es dureplants Shooting kha, isch zwoimol im Stau gstande wärend de Cornelius in Irland Ferie gnosse het. De perfekt Zitpunkt um mol öber euse Ferie-Kamera-Rucksack z'plaudere

Wie prägt eigentli es eignigs Fotistudio die täglich Arbet vomene Fotograf:In und isch d'Lag vom Studio wichtig? Welli Vorteil bringt's wemmer uf es Studio verzichtet und alles immer bim Kund vor Ort produziert? Und was het eigentlich Magnesiumpulver

Welles Objektiv benutzet mir am meischte, respektive welles isch euses Lieblingsobjektiv? Schaffed mers überhaupt eus uf nume eis festzlegge, und isches es Zoom oder Festbrennwietene? Höt dreit sech alles um Objektiv, wie de Alltag d'Uswahl beiflusst und ob Blendi 4 die neu 2.8 isch

Höt dreit sech alles um Effizienz. De Adi isch unterwegs gsieh för schnelli Bäcker-Portraits, de Cornelius för schnelli Mitarbeiterportraits. Nöd ganz eso schnell isch e Servermigration bim Cornelius verloffe. Userdem isch es Mail vom IPFO Fesitval för de Photoville4600 Wettbewerb cho und de Adi het fliessig Occasione gschoppet

I de hötige Folg vo «usem Alltag vom Adrian und em Cornelius» nehmed mer euch met a die alt Schuel vom Cornelius und nach Portugal. Au redemer öber's chrank sieh als Selbständige und ob Blitze oder Duurliecht gäbiger send im Alltag. Ganz am Schluss gits no en Event Empfehlig förd Schwizer Bruefsfotografe:inne und Filmgstalter:inne (SBF) Mitglieder.

Wenn du wotsch wösse was Pizza, en Biber, s'Bezirksgfängnis Aarau und AI generierti Businessporträts mit eusem Alltag ztue hend, denn los jetzte eusi aktuelli Folg «usem Alltag vom Adrian und em Cornelius».

Mer lueged, ned ganz so seriös, retour uf eusi erschti Staffle «Im Bild» Podcast. Unbedingt meteme chalte Getränk luege ;) Und mer freued eus uf euchi Rückmeldige und Inputs för'd Staffle 2!

Es werd romantisch. Hochzitsfotografie isch met vellne Vorurteil belastet, mer gönd dem echli uffe Grund, zeiget d'Herusforderige und au s'Schöne a de Hochzitsreportage met eusne Erfahrige.

Mer tauchet ih i die "guete alte Zite" vo de Fotografie. Analogi Fotografie erlebt grad es Revival, het sie au för eus Bruefsfotografe e Dasieberechtigung? E chli en emotionaleri Folg.

Was es heisst Selbständig zsieh und de gross Unterschied zur Fotografie als Hobby.

I eusere Pilotfolg stelled mer eus z'erscht mol vor, wer sind mer und wie simmer zu de Fotografie cho.

Die erschti Staffle vo eusem Podcast jetzt uf dim Podcastkanal! Jetzt aboniere.