MEH HERZ - Nadia Damaso

Herzliche Willkomme zrugg zu "Meh Herz" - schön bisch Du do! I de hütige Folg goht's ums Thema Losloh - um de Muet und d'Chraft, wo im Losloh steckt.Losloh i verschidenste Siutatione und uf verschidenste Ebene chan üs starch wider zrugg verbinde mit üs selber - mit üsem innere Gfühl vo Klarheit, Freiheit & Balance. Mier tauched druf ab, wiso dases mengisch schwirig isch zum Losloh - wie's aber glichziitig e grossi Erlösig chan si, sobald mer tüüf inegspührt, was nüme zu ainem köhrt. Und wie mer sich durch d'Kunst vom Losloh immer wider neu finde und usrichte chan - so, dass das, wasmer isch, lebt und usdruckt, aine au tüüf im Herz erfülle chan. Do no de Link zu de "Spiritual Activation Weekends"https://www.soul-scape-retreats.comUnd do no de Link zu de Energie Lesige - es hed no offeni Date bis am 18 Maihttps://www.soul-scape-retreats.com/energy-readings-deutsch Ganz es guets lose, i freu mi immer sehr über Rückmeldige oder Bewertige - und vilicht bis scho ganz bald in Person für es Reading über Zoom oder Mensch zu Mensch bi de Activation Weekends!Dicki Umargmig & vil Liebi, x Nadia

Hoi ier Liebe - i dere Folg beantworti wider Froge vo Eu, wos im Grosse & Ganze um Transformation, Wachstum, Verbindig, Beziehigs-Dynamike & spirituelli Entwicklig mit sich & Andere goht.Une hani Timestamps igfüegt, daser au direkt i die Froge/Themene chönd abtauche wo eu am maiste aspreched. Natürlich chönder gern au alles lose :)Mier gönd grad durch en grosse energetische Shift - zu dem tauchi ab was momentan hilft, zum mit dem Shift "mit-flüsse", wiemer sini Energie & Schwingig höch bhaltet, wiemer sich schützt, wiemer meh mit de Gaisteswelt kommuniziere und sini mediale Fähigkeite entdecke/ stärche chan. Au redi über Telepathie & Liechtsproch, inneri Fraihait, Klarheit uf sim Seeleweg, vergangeni Lebe, d'Erde als kosmisches Epizentrum..  Und denn gohni au uf s'Thema Beziehige ih - sigs tüüfi Seeleverbindige - Unterschid vo de Verbindig ufem 3D oder 5D Kanal, Thema Karma, eigeti Grenze lerne setze, "Breadcrumbing" im Dating - wiemer i sim Wert chan bliibe, d'Chraft vo de sexuelle Energie & em bewusste Umgang demit - "divine feminine/masculine energies".Geg de Schluss tauchi au no id Beraich Lifestyle & Alltag ab z.B mit Froge zu mine Asichte vo Weltreligione, Angst, Disziplin & Effizient im spirituelle Kontext; sowie Froge zum Thema Ernährig & Sport.D'Folg isch typischerwiis wider sehr lang haha aber sötti eu au gnueg geh zum lose ;)Ganz es guets Lose & i hoffe es hed für eu wertvolli Imputs debi wo irgendwie und irgendwo i eurem Lebe chönd behilflich si.  Uf Rückmeldige freui mi wie immer sehr.  Dicki Umarmig, xx Nadia Timestamps zu de Froge im Podcast:SPIRITUALITÄT/ ENERGIE & MINDSET(00:00) Intro(01:50) Was goht momentan energetisch ab im Universum? Energetischi Veränderige, uf was momentan achte?(11:38) Wie chammer sich besser abgrenze? Thema Eigeschutz.(18:19) Wie redet me mit sine Geistesführer? Wie chame sini mediale Fähigkeite entdecke & verstärche?(42:10) Akasha Chronik - was isch das? Was chömmer drus lerne?(47:32) Isches möglich Gedanke lese? Thema Telepathie/ Liechtsproch(01:02:18) Früehneri Inkarnatione/ Thema Erde als kosmisches Epizentrum(01:06:44) Wie chamer Blockade löse wo im Junge/Erwachsene Alter erst entstönd? Thema Blockade allgemein(01:21:37) Wie gsehn ich d'Weltreligione im Kontext mit de Spiritualität?(01:26:01) Tips zum es angstfreis Lebe gstalte?(01:34:26) Wie chamer sini eigene Wert düresetze, ohni es schlechts Gwüsse gegenüber Mitmensche ha?(01:39:51) Wie chamer sin Seeleweg finde? Wie gspürt me was de isch? BEZIEHUNGEN/ SEELENVERBINDUNGEN / DYNAMIKE(01:53:14) Wie chamer inere Fernbeziehig zeme wachse ohni physisch binenand si?(02:10:12) Was chamer mache wemer e extrem tüüfi Verbindig zu öpertem gspürt uf de Seele-Ebeni, de Mensch aine aber ignoriert?(02:24:27) Karma - di verschidene Asichte dezue(02:27:46) Wie lernt me ned immer sini eigete Grenze z'überschrite vor allem bi Liebes-Beziehige/ Dates?(02:38:08) Emotionali Abhängigkeit / 'Breadcrumbing' und Losloh im Dating - Dynamik wiblichi & männlichi Energie(02:50:02) Umgang mit Mensche wo eine ignoriered oder respektlos behandled wie z.B. Mitbewohner; was hilft? ALLTAG / LIFESTYLE/ BUSINESS(03:04:53) Wie findet me e Balance dezwüsche, s'Weltgschehe verfolge & sich gsund devo distanziere?(03:08:48) Tipps zum sin Tag - bsundrigs frai Täg besser gstalte & effizienter Sache erledige?(03:11:23) Min Approach zu Disziplin und Routine.(03:13:42) Ziitmanagement - wieni alli mini Projekt & unterschidliche Aspruchsgruppe manage?(03:18:00) Mis Lieblingskommunikations-Mittel i Fründschafte? Wie oft köhri vo mine Fründe?(3:19:14) Wie glingts dier Geduld & Vertraue ha mit grosse Wünsch wie Kidswunsch etc./ Thema Biologischi Uhr  (03:23:55) Wiso joggi nüme so vil? Gründ? Was machi alternativ für Sport? Konkret nochem Jogge in Bach go bade - wie goni vor?(03:36:00) Wo chaufi mini Schoggi?(03:37:19) Was veränderet sich für mich grad i de Social Media Welt und wie veränderet das mis Business?(03:42:40) Was isch de Grund wiso das ich wider me tierischi Sache i mini Ernährig ufnime?

Hoi ier Liebe und schön sinder wider do zunere neue Folg vo 'Meh Herz'. I dere Folg gits es chlises Neujohrs-Update und denn e gfüehrti Meditation wo chan helfe zum: - Dich mit dinem innere Selbst z'verbinde- Klarheit auf dinem Weg z'finde- Dini tüüfste Wünsch z'visualisiere & ihne z'vertraue- Mitem Fluss & de Essenz vo dinem Herz in Harmonie z'choD' Meditation startet ab (11:44)Nimm der einen Moment für Dich – chum ines tüüfs Schnuufe, vertrau dem was chunnt und lohn di vo dinere Vorstelligsgschraft leite. Nume 20-30 Minute pro Tag zum sich mit sich selber verbinde, chan soo vil inneri Klarheit bringe! Es lohnt sich, enjoy! :)-Und do de Link zu de Energie Readings mit neue Termine im Februar / 40 oder 70 Minute Sessions möglich über Zoom:ENERGY READINGS - NEUI TERMIN-Ganz e dicki Umarmig, Nadia ✧̣̇

Hoi ier Liebe und schön sinder wider do zunere neue Folg vo 'Meh Herz'. I de hütige Folg  gohts ums Thema Inneri Balance i Ziite vom Wandel wiemers momentan recht starch erlebt und au energetisch chan wohrneh. I tauche ab i di momentane Energie und wieni si wohrnime, was sich global am verändere isch, was me chan mache und wie wichtig dases momentan isch sini aigeti Frequenz z'erhöhe, wieni de Ifluss vo de politische Lag momentan gsehn und wasi gspüri fürs 2025 und di kommende Johr im Bezug uf de Bewusstsi-Wandel und em spirituelle Erwache ufem Planet Erde. I hoffe es hed öppis debi wo eu chan behilflich si und wünsche es guets Lose miteme offene Herz :)-Do wer no de Link zum Retreat im Mallorca 2025 im Cal Reiet vom 31 März - 5 April:(Code 'Soul2222' für 222.- CHF Discount bis am 22 November gültig)MALLORCA RETREATUnd do de Link zu de Energie Readings mit neue Termine online:ENERGY READINGS - NEUI TERMIN-Ganz e dicki Umarmig, Nadia ✧̣̇

Hallo ier Superwomen & Supermen hehe :P. Schön sinder wider do zunere neue Folg vo "Meh Herz". Au hüt tauchemer wider i verschidensti Themene ih wie: Selbstwert & Authentizität, Selbstständigkeit Tips, lerne Vergeh, Chraft vo de Energie, Freie Wille, Magie vom Lebe & Mensch si & no meh. I hoffe es het wider öppis debi wo eu chan inspiriere, zum s'Lebe voller chöne mache und sich meh in Balance fühle, sich meh i sim authentische Selber fühle. Freu mi immer uf Rückmeldige oder neui Inputs zu Themene woner gern hetted dasi inere witere Folg aspriche.Do wer no de Link zum Retreat im Engadin vom 16-20 September:https://www.soul-scape-retreats.com/engadinUnd do de Link zu de Energie Reagdins/ Cleansings woni mache:https://www.soul-scape-retreats.com/energy-readings-deutsch(momentan grad alles usbuecht, aber neui Date chömed bald!) Ganz e dicki Umarmig,Nadia x

Schön sinder wider do zunere wiitere Folg vo "Meh Herz". I dere Folg tauchi wider i verschidensti Themene ab im Bezug uf Froge wo ier mier gstellt hend. Will d'Folg recht lang isch (haha typisch Nadia), ich etz aber glich han alles wele ufelade, hani denkt machis eu chli übersichtlicher, daser je noch Wunsch au nur das chönd lose was eu intressiert.Une findeder und en Überblick mit allne Froge & Ziitagabe zu de verschidene Froge/ Themene. Wenner Lust hend, chönder natürlich au die ganzi Episode durelose aber wenn eu nume gwüssi Froge intressiered oder ier lieber chli im zick-zack wend lose, denn chönder gern direkt das lose wo eu grad intressiert und luege zu welere Minute/ Sekunde di jewiligi Frog afangt.Uf jede Fall hoffi, ier chönd die Folg gnüsse, wünsche eu es guets lose und hoffe es hett öppis debi, wo eures Lebe, euri Istellig, euri Gedanke - positive berichere chan. Uf Rückmeldige freui mi immer mega, privat oder au und wenner do direkt bi Spotify/ Apple Podcast en Kommentar wend schribe oder e Bewertig wend abgeh. Danke fürs lose und alles alles Liebi eu allne!  (1:37) bruchsch du mengisch au ganz vil geduld und vertraue is lebe das öppis klappt oder itrifft? han s'gfühl bi dier lauft immer alles so ribigslos.(22:25) fallts dier mengsich schwer mit all dinem „wüsse über bewusstheit/ anderi dimensione“ in dere welt do s funktioniere?(35:50) min CV isch lebhaft und i de wirtschaft wird das ned gern gseh - was mache zum witercho? s'thema vo sich ned akzeptiert fühle.(39:32) chan jede auras, geister usw. gseh lerne oder fühle? oder bzw. nur mensche mit alte seele? wie chasch du gwüssi sache channele oder wohrneh i de energieform?(1:04:34) nadia, als ma würd ich gern dini sicht köhre was de fraue bi männer wichtig isch rain vom üsserliche; gross - chli, langi - churzi hoor, bart - kain bart, trainiert oder egal, was alegge, wele job? oder finsch du es goht nur ums innere oder was spilt all das üssere für e rolle?(1:13:14)wie gseht bi mier en normale tag us?(1:20:02)was machsch du wenn du trurig bisch? wie mit "schwirige" emotione umgoh?(1:31:54)was isch din haimatsplanet? thema verbindig zum kosmos.(1:46:24)tips bi (unbewusste) stimmingsschwankige evtl. infos zu PMS/ zyklus frau allgemein?(1:53:38)wie hend dini vergangene lebe usgseh? a weli lebe/ a was für erfahrige magsch di erinnere?(2:12:22)wie chame lerne ufs aigete gfühl lose? lerne was sich "richtig" oder "falsch" afühlt? was hilft?(2:20:40)wie gosch du mit stress um?(2:24:01)träumsch du au sache wo du denn spöter erlebsch? wie demit umgoh? was chönd so zaiche vo de träum bedüte?(2:30:04)wie schaffsch du loszloh und vertraue, das alles so chunnt wies mues - wenn au immer? di 12 gsetzt vom universum.(2:54:17)wie stohn i zu de sexualität i de hütige gsellschaft, wie und wasi gsehni do als wichtig ah im bezug wasme hüt chan wohrneh und gseh i de beraich? ..& es "spili" zum thema beziehigs-psychologie.------------Do wer no de Link zu de Engadiner Retreats 2024:21-25 August & 16-20 September  Dicki, herzlichi Umarmig,Nadia xx

Schön sinder do zunere neue Folg vo "Meh Herz". I de hütige Folg beantworti wider Froge wo ier mier gstellt hend und es hed vo allem e chli öppis debi. Vo Themene wie ich mini Träum manifestiere, wieni umgohn mit Lampefieber, Thema Selbständigkeit und wieni mier das am Afang alles finanziert han - do sprichi au s'Thema Digitalisierig im Bezug uf Unabhängihkeit ah - neui Lüüt kennelerne zum neui Fründschafte entwickle, alai uf Raise goh, wiemer de Stoffwechsel chan arege, wasi vor und nochem Sport isse, Energie-Readings & Channeling, Thema Beziehig und Partner finde i de hütige Ziit wenns ganze Umfeld hürotet und Chinder bechunnt, was mis grösste Glück isch im Lebe und no meh.Ganz vil Spass bim lose und hoffentli isch öppis debi, wo irgendwo und irgendwie chan behilflich si, zum eu besser fühle!----------Do wer do de Link zu de letschte Folg woni aspriche und em Thema Ernährig im Bezug uf Chakras - es fangt a bi 1:00:22:
ZU DE PODCAST FOLG.Do no de Link zu minem erste Retreat In Mallorca vom 19-23 März und womer sich au chan für de Newsletter amelde, für die Retreats wo das Johr no chömed:
ZU DE RETREAT WEBSITE.Für die wo sich es Energy Reading wünsched - ufem untere meh dezue. I wirde das bald au für alli und ned nume i Retreats abüte. Wenner Interesse hend, chönder mi gern schomol kontaktiere:ENERGY READINGS.Und zum Schluss no e schöni und heilendi Meditationsmusig zum entspanne und de Geist detoxe:
ZU DE MUSIG.---------- Herzensumarmig und vil Liebi, Nadia

Gsund is neue Johr starte - was haisst das aigentli und was chamer für chlini Veränderige i Alltag mache und i welne Beraich, zum sich meh inere  Balance und Harmonie mit sich selber fühle? I dere Folg bauemer alli es visuelle Traumhuus, womer als Erinnerig a üsi aigeti & ganzheitlichi Gsundhait in Alltag chönd mitneh, zum wie es Bild devo ha, was üs gut tuet und was ned. I tauche i Themene ab wie:Ernährig mit Tips für de Alltag - wiemer sich vollwertiger chan ernähre zum sich lebendig und guet gnährt fühle - oder z.B. au wiemer chli vom „Snacke“ wegchunnt; wie Esse, Emotione & d'Gfühlslag zemehänged Stabili & robusti Huuswänd im Bezug uf Bewegig Wiemer sich starch i sim aigete Körper fühlt zum guet isolierti Wänd ha Denn gohts um s'Thema Selbst-Achtig und Selbst-Liebi, wiemer e stärcheri Verbindig zu sich Selber ufbaut und es stabils Fundament hed Au tauchi ab is Thema Grenze setzte & Selbst-Schutz - vor allem im Bezug uf Beziehige - wer loht mer i sini Stube, wer ned? Physischi & energetischi Rainigung im Bad - wie chamer i sinere aigete höche Frequenz blibe? Im Schlofzimmer gohts ums Thema Rueh und was chönnti helfe, zum au i Stress-Situatione meh i die inneri Rueh cho Wie gseht mis Traumbüro sprich mini Arbeits-Situation us? Was hets scho dine, was fehlt no? Was wachst im Garte? De Unterschid vo Intuition und vom Verstand und lerne ufd Intuition & Zaiche vo de Natur oder au Träum lose.. & no meh. Schön sinder wider do und wie im Podcast agsproche, i fange das Johr mit Gsunhaits-Retreats ah woni mitere guete Kollegin mache. I würdi mi MEGA freue, eu vilicht scho im erste Retreat vom 19-23 März in Mallorca persönlich kennelerne. S'Datum chönder eu - fallser gern debi wered - jo schomol ufschribe. Do une wer de Link zum sich mit de E-Mail Adresse direkt amelde zum informiert werde, sobald d'Website online isch:https://www.soul-scape-retreats.com/ Ganz e dicki Umarmig a eu alli und i hoffe, ier hend oder chönd es richtigs Traumhuus baue und denn au meh und meh noch dem lebe :)Herzensgruess Nadia

Wider e neui Folg isch do und dasmol miteme ganz spezielle Gast, nemmli mit minem Papi - am Ivo. Mier hend immer vil spannendi Gspröch zeme und gsehd vil Sache sehr ähnlich. I dere Folg gömmer uf vili vo eure Froge ih wos um Themene goht wie Persönlichkeitsentwicklig, Chindheit & Erziehig, Coaching & Mindset, Stärchene & Schwächene, Papi-Tochter Beziehig und no vil meh. Mier hoffed ier chönds gnüsse zum zuelose und wenn öppis debi isch, wo eu irgendwo dure meh Klarheit oder Inspiration chan geh, denn freut üs das mega! Au uf Rückmeldige oder Bewertige vom Podcast freuemer üs natürlich sehr :) Für die wos aspricht und sich chönted vorstelle mit minem Papi es Coaching mache - ufem undere Link findeder meh Infos und au direkt sini E-Mail, woner eu ungeniert chönd melde.Link zum de Coaching Website vom Papi:https://www.damaso-coaching.chDirekti Email vom Papi: ivo@damaso-coaching.ch Link zum sich a mini Vernissage amelde:https://www.nadiadamaso.com/store/p/buch-vernissageDate vo de Dinner Events Dez. 23:https://www.nadiadamaso.com/store/dinner-eventsDate vo Brunch Events Dez. 23:https://www.nadiadamaso.com/store/sunday-brunchesDate vo Kochworkshops Dez. 23:https://www.nadiadamaso.com/store/koch-workshops Ganz e dicki Umarmig a eu alli! Nadia & Papi Ivo

Und wider e Episode mit Froge vo Eu. I dere Folg gohts um Themene wie Motivation und was hilft wemer gwüssi Motivationslöcher gspürt, wiemer öppertem Chraft & Energie chan schicke, lerneh Losloh und was das für e Chraft hed zum Neus azieh, Thema Stress und was hilft wenn alli öppis vo ainem wennd. Denn tauchemer au tüfer ab is Thema Ängst & Unsicherheite, wiemer chli us dem usechunnt, Unabhängigkeit und was das i üsere Gsellschaft chan bedüte, wiemer sich selber chan Schütze i de Gsellschaft und zum Schluss au no froge zum Thema Elektrosmog, Engadin und Wandertips, wieni zu de Umweltthematik stohn, Musig-Inspiration zum entspanne und no meh. I hoffe ier chönd wider öppis wertvolls mit uf eure Weg neh us dere Folg und freu mi wie immer uf euri Rückmeldige oder au Froge woner no hend :) Ganz e dicki Umarmig und une findeder no d Links zu de Musig zum Entspanne. Nadia ---------- Alle 9 Solfeggio Frequenzen https://www.youtube.com/watch?v=xWquZ-RXBn4&t=29787s Heile das Innere Kind, Traum Befreiung 417 Hz https://www.youtube.com/watch?v=3kgjLAGAtjg&t=9984s Engel Musik (sehr meditativ) 432 Hz https://www.youtube.com/watch?v=_MgQU23CJ-A&list=PLR0uGon7vazuZdKvsTQvrTnIsMPU49hB2&index=2&t=2784s Musik gegen Angst 396 Hz https://www.youtube.com/watch?v=wTVWhLmN4uM&list=PLR0uGon7vazuZdKvsTQvrTnIsMPU49hB2&index=24 Spirituelle Reinigung 111Hz https://www.youtube.com/watch?v=VVNTKF0F0jU&list=PLR0uGon7vazuZdKvsTQvrTnIsMPU49hB2&index=26 Baum de Lebens, Energie für Herz & Seele, erwecke höheren Verstand https://www.youtube.com/watch?v=Oj95VVA2VsA&list=PLR0uGon7vazuZdKvsTQvrTnIsMPU49hB2&index=28 Playlist CONNECT https://open.spotify.com/playlist/1nSy109Np57XfN5vhRCJhD?si=dbd149bf519945f1

E neui Folg mit vilne witere Froge vo ier mier gstellt hend. I tauche tüüfer ab i Themene wiemer meh Energie & Balance in Alltag chan bringe, wie wichtig de Eigewert isch und sich dem au bewusst si, was ich als de Sinn vom Lebe agsehn, au wider vil Froge zum Thema Spiritualität; wie ich gwüssi Sache wohrnime und gspühre oder au was eu chan helfe, zum de Zuegang zum Herz meh öffne. Denn tauchemer au no chli i Themene ab wie Sport, Musig, Sproche, Alternativmedizin, Büecher- & Wohnigs-Irichtigstips und vil meh. Wünsche eu ganz vil Freud bim zuelose, hoffentli miteme offene Herz und ganz vilne Inputs, wo ier uf eure Weg chönd mitneh und wo sich positiv i eurem Lebe chönd uswürke zum me "Sich Selber" si. I freue mi wie immer sehr über euri Nochrichte und schicke eu allne ganz e dicki und warmi Herzensumarmig, Nadia

I dere Folg tauchi chli tüüfer i Froge ab wo IER mier gstellt hend. Vo Spiritualität - was Energie alles chan beiflusse und wieso das en Zugang zu de innere Welt i allne Bereich enorm chan helfe, zu Hawaii - wiso Hawaii mier so vil bedütet und wieni mini Fründe döte kennenlernt han, zu Erfolg - was me unter Erfolg chan verstoh und wie das verbunde isch demit, sinem agierte Herz folge, zu Iisbade, Jogge, Choche - wieni uf mini Rezept chume und wiso dass pflanzlich isse und no vil meh. I hoffe ihr chönd us dere Folg öppis positivs mitneh, wo eu inspiriert meh i euri inneri Chraft cho, zum s'Lebe so richtig lebendig mache und so lebe, wie sichs für EU richtig afühlt. E ganz dicki Umarmig und e grossi Portion Liebi, Nadia

Was heissts eigentlich, sinem aigete Weg folge? Was sind d'Ursache, wiso me verlent hed uf sini inneri Stimm lose und dere au folge? Was sind d Risikos und Hürdene zum sinem aigene Weg folge? Und was sind aber au all die unglaublich schöne und befraiende Siite, wo "Sin aigene Weg goh" mit sich bringt? Wie chame meh Stärchi & Vertraue i sich selber ufbaue?Uf all die Froge tauchemer zeme ih und i hoffe, das ier es paar wertvolli Sache mit chönd uf eure Weg mitneh, zum me i euri Stärchi cho, es grössers Vertraue i eu selber chönd ufbaue und denn us dem use auch chönd schöpfe, lebe, si und würke.Gege de Schluss vo de Folg erwähni, das wenn Froge ufchömed und gnueg Froge inechömed, ich zu dere Folg e Zuesatzfolg mache chan, zum uf euri Froge igoh. D'Froge chönder gern schicke a: nadia@nadiadamaso.com Ganz es guets "lose" und i freu mi immer sehr über Rückmeldige und Feedback.E dicki Umarmig, Nadia